ᱯᱳᱨᱵᱚᱱᱫᱚᱨ

ᱯᱳᱨᱵᱚᱱᱫᱚᱨ

ᱥᱩᱫᱟᱢᱟᱯᱩᱨᱤ
ᱯᱳᱨᱵᱚᱱᱫᱚᱨ ᱥᱩᱫᱟᱢᱟᱯᱩᱨᱤ
ᱵᱟᱡᱟᱨ
	ᱯᱳᱨᱵᱚᱱᱫᱚᱨ ᱨᱮᱭᱟᱜ ᱤᱱᱴᱟᱨᱮᱠᱴᱤᱵᱷ ᱢᱮᱯ
	ᱠᱳᱣᱚᱨᱰᱤᱱᱮᱴᱥ: 21°37′48″N 69°36′0″E / 21.63000°N 69.60000°ECoordinates: 21°37′48″N 69°36′0″E / 21.63000°N 69.60000°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱜᱩᱡᱽᱨᱟᱛ
ᱦᱚᱱᱚᱛ	ᱯᱳᱨᱵᱚᱱᱫᱚᱨ
ᱩᱥᱩᱞ	1 ᱢᱤᱴᱚᱨ (3 ᱯᱷᱩᱴ)
ᱦᱚᱲ ᱮᱞ (2011)
• ᱜᱩᱴ	᱒᱑᱗,᱕᱐᱐
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱜᱩᱡᱽᱨᱟᱛᱤ
ᱚᱠᱛᱚ ᱴᱚᱴᱷᱟ	ᱭᱩ.ᱴᱤ.ᱥᱤ+5:30 (IST)
PIN	360575
ᱜᱟᱹᱰᱤ ᱨᱮᱡᱤᱥᱴᱨᱮᱥᱚᱱ	GJ-25
ᱣᱮᱵᱽᱥᱟᱭᱤᱴ	porbandar.gujarat.gov.in

ᱯᱳᱨᱵᱚᱱᱫᱚᱨ ᱥᱤᱧᱚᱛ ᱨᱮ ᱜᱩᱡᱽᱨᱟᱛ ᱯᱚᱱᱚᱛ ᱨᱮᱭᱟᱜ ᱯᱳᱨᱵᱚᱱᱫᱚᱨ ᱦᱚᱱᱚᱛ ᱨᱮ ᱢᱮᱱᱟᱜ ᱢᱤᱫ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱦᱚᱱᱚᱛ ᱨᱮᱭᱟᱜ ᱦᱮᱰᱠᱣᱟᱴᱚᱨ ᱦᱚᱸ ᱠᱟᱱᱟ ᱾ ᱱᱚᱣᱟ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱟᱨ ᱥᱨᱤᱠᱨᱤᱥᱱᱟᱭᱤᱡ ᱡᱚᱴᱟᱣ ᱥᱩᱫᱟᱢᱟ ᱦᱟᱜ ᱡᱟᱱᱟᱢ ᱫᱤᱥᱚᱢ ᱠᱟᱱᱟ ᱾^[᱑]^[᱒]^[᱓]

ᱩᱯᱨᱩᱢ

ᱯᱳᱨᱵᱚᱱᱫᱚᱨ ᱫᱚ ᱟᱹᱰᱤ ᱢᱟᱨᱮ ᱯᱚᱨᱴ ᱜᱮ ᱛᱟᱦᱮᱸ ᱠᱟᱱᱟ ᱾ ᱯᱳᱨᱵᱚᱱᱫᱚᱨ ᱨᱮᱫᱚ ᱜᱩᱡᱽᱨᱟᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱱᱟᱯᱟᱭ ᱫᱚᱨᱮᱭᱟ ᱠᱟᱛᱟ ᱢᱮᱱᱟᱜᱼᱟ ᱾ ᱯᱳᱨᱵᱚᱱᱫᱚᱨ ᱫᱚ ᱜᱩᱡᱽᱨᱟᱛ ᱯᱚᱱᱚᱛ ᱨᱮᱭᱟᱜ ᱫᱩᱠᱷᱤᱱ ᱱᱟᱠᱷᱟᱨᱮ ᱟᱨᱚᱵᱽ ᱥᱟᱜᱚᱨ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱯᱳᱨᱵᱚᱱᱫᱚᱨ ᱨᱮᱭᱟᱜ ᱵᱮᱱᱟᱣ ᱫᱚ ᱡᱩᱱᱟᱜᱚᱰ ᱠᱷᱚᱱ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱯᱳᱨᱵᱚᱱᱫᱚᱨ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱡᱟᱱᱟᱢ ᱛᱷᱟᱱ ᱠᱟᱱᱟ ᱾ ᱚᱱᱟᱛᱮ ᱯᱳᱨᱵᱚᱱᱫᱚᱨ ᱨᱮᱫᱚ ᱟᱡᱟᱜ ᱡᱤᱭᱚᱱ ᱥᱟᱶ ᱡᱩᱲᱟᱹᱭ ᱟᱠᱟᱱ ᱟᱹᱰᱤᱜᱟᱱ ᱴᱚᱴᱷᱟ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱱᱤᱛᱚᱜ ᱧᱮᱢᱮᱞ ᱴᱚᱴᱷᱟ ᱨᱮ ᱵᱚᱫᱚᱞ ᱦᱩᱭ ᱟᱠᱟᱱᱟ ᱾ ᱢᱚᱦᱟᱵᱷᱟᱨᱚᱛ ᱱᱟᱝᱨᱮ ᱚᱥᱢᱟᱵᱚᱛᱤᱯᱩᱨ ᱧᱩᱛᱩᱢ ᱥᱟᱶ ᱛᱤᱸᱜᱩ ᱟᱠᱟᱱ ᱯᱳᱨᱵᱚᱱᱫᱚᱨ ᱫᱚ ᱑᱐ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱫᱚ ᱯᱚᱣᱨᱟᱵᱮᱞᱟᱠᱩᱞ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ ᱟᱨ ᱛᱟᱭᱚᱢ ᱛᱮᱫᱚ ᱱᱚᱣᱟ ᱥᱩᱫᱟᱢᱟᱯᱩᱨᱤ ᱢᱮᱱᱛᱮ ᱦᱚᱸᱠᱚ ᱢᱮᱛᱟᱫᱼᱟ ᱾

ᱛᱷᱤᱛᱤ

ᱯᱳᱨᱵᱚᱱᱫᱚᱨ ᱫᱚ ᱜᱩᱡᱽᱨᱟᱛ ᱯᱚᱱᱚᱛ ᱨᱮᱭᱟᱜ ᱢᱤᱫ ᱱᱟᱜᱟᱢᱮᱛ ᱦᱚᱱᱚᱛ ᱠᱟᱱᱟ ᱾ ᱯᱳᱨᱵᱚᱱᱫᱚᱨ ᱫᱚ ᱩᱛᱚᱨᱼᱯᱩᱪᱷᱤᱢ ᱨᱮᱭᱟᱜ ᱫᱮᱵᱽᱵᱷᱩᱢᱤ ᱫᱽᱣᱟᱨᱟᱠᱟ, ᱩᱛᱚᱨᱼᱯᱩᱨᱩᱵᱽ ᱨᱮ ᱡᱟᱢᱱᱚᱜᱚᱨ ᱛᱮ, ᱫᱩᱠᱷᱤᱱᱼᱯᱩᱨᱩᱵᱽ ᱨᱮ ᱡᱩᱱᱟᱜᱚᱰ ᱛᱮ, ᱯᱩᱨᱩᱵᱽ ᱨᱮ ᱨᱟᱡᱽᱜᱚᱰ ᱛᱮ ᱟᱨ ᱫᱩᱠᱷᱤᱱᱼᱯᱩᱪᱷᱤᱢ ᱨᱮ ᱟᱨᱚᱵᱽ ᱥᱟᱜᱚᱨ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾

ᱱᱟᱜᱟᱢ

ᱢᱚᱦᱟᱛᱢᱟ ᱜᱟᱱᱫᱷᱤᱭᱟᱜ ᱡᱟᱱᱟᱢ ᱴᱚᱴᱷᱟ ᱨᱩᱯᱛᱮ ᱧᱩᱛᱩᱢ ᱮ ᱟᱢᱮᱴ ᱟᱠᱟᱫ ᱱᱚᱣᱟ ᱴᱚᱴᱷᱟ ᱫᱚ ᱑᱖ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱥᱩᱨ ᱥᱩᱯᱩᱨ ᱡᱮᱴᱷᱣᱟ ᱨᱟᱡᱽᱯᱩᱛ ᱟᱜ ᱫᱟᱵᱚᱱ ᱨᱮ ᱛᱟᱦᱮᱸ ᱠᱟᱱᱟ ᱾ ᱯᱳᱨᱵᱚᱱᱫᱚᱨ ᱨᱮᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱯᱮᱼᱛᱟᱞᱟ ᱦᱟᱯᱲᱟᱢ ᱵᱟᱹᱠᱷᱳᱞ ᱢᱮᱱᱟᱜᱼᱟ ᱡᱟᱦᱟᱸᱨᱮ ᱴᱷᱤᱠ ᱚᱱᱟ ᱴᱚᱴᱷᱟᱨᱮ ᱢᱤᱫ ᱥᱣᱚᱥᱴᱤᱠ ᱪᱤᱱᱦᱟᱹ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸᱨᱮ ᱜᱟᱱᱫᱷᱤᱡᱤ ᱭᱤᱱ ᱟᱭᱳ ᱯᱩᱛᱞᱤᱵᱟᱭᱤ ᱫᱚ ᱟᱡ ᱮ ᱡᱟᱱᱟᱢ ᱞᱮᱫᱮᱭᱟ ᱾ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱡᱟᱱᱟᱢ ᱨᱮᱭᱟᱜ ᱩᱱᱩᱭᱦᱟᱹᱨ ᱡᱤᱭᱟᱹᱛ ᱫᱚᱦᱚᱭ ᱞᱟᱹᱜᱤᱫ ᱛᱮ ᱗᱙ ᱯᱷᱩᱴ ᱩᱥᱩᱞ ᱨᱮᱭᱟᱜ ᱢᱤᱫ ᱵᱤᱞᱰᱤᱝ ᱨᱮᱭᱟᱜ ᱛᱷᱟᱯᱚᱱ ᱚᱱᱟ ᱥᱚᱰᱚᱜ ᱨᱮ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸᱨᱮ ᱒ ᱚᱠᱴᱚᱵᱚᱨ ᱑᱘᱖᱙ ᱨᱮ ᱵᱟᱯᱚᱣᱟᱜ ᱡᱟᱱᱟᱢ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱯᱳᱨᱵᱚᱱᱫᱚᱨ ᱨᱮᱭᱟᱜ ᱜᱚᱱᱚᱝ ᱫᱚ ᱥᱩᱢᱩᱝ ᱱᱤᱱᱟᱹᱜ ᱨᱮᱫᱚ ᱟᱠᱚᱴ ᱠᱟᱛᱮ ᱵᱟᱹᱱᱩᱜᱼᱟ ᱾ ᱵᱷᱚᱜᱚᱵᱟᱱ ᱥᱨᱤᱠᱨᱤᱥᱱᱟ ᱭᱤᱡ ᱜᱤᱫᱽᱨᱟᱹ ᱡᱚᱴᱟᱣ ᱥᱩᱫᱟᱢᱟ ᱦᱚᱸ ᱱᱚᱰᱮᱱᱤᱡ ᱜᱮᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟᱛᱮ ᱱᱚᱰᱮᱱᱟᱜ ᱫᱟᱢ ᱫᱚ ᱥᱩᱫᱟᱢᱟᱯᱩᱨᱤ ᱧᱩᱛᱩᱢ ᱛᱮᱦᱚᱸ ᱟᱹᱰᱤᱜᱮ ᱵᱟᱹᱲᱛᱤ ᱢᱮᱱᱟᱜᱼᱟ ᱾

ᱦᱤᱡᱩᱜ ᱥᱮᱱᱚᱜ ᱟᱨ ᱥᱟᱱᱟᱜᱟᱲ

ᱡᱚᱛᱚ ᱠᱷᱚᱱ ᱥᱩᱨ ᱩᱰᱟᱹᱱᱟᱰᱟ ᱫᱚ ᱡᱟᱢ ᱱᱚᱜᱚᱨ ᱩᱰᱟᱹᱱ ᱟᱰᱟ ᱠᱟᱱᱟ ᱾ ᱟᱨ ᱱᱟᱯᱟᱭ ᱱᱮᱴᱣᱚᱨᱠ ᱱᱚᱡᱚᱨ ᱛᱮᱫᱚ ᱨᱟᱡᱽᱠᱳᱴ ᱩᱰᱟᱹᱱ ᱟᱰᱟ ᱥᱩᱨ ᱯᱟᱲᱟᱣᱜᱼᱟ ᱾

ᱨᱮᱞ ᱦᱚᱨ

ᱯᱳᱨᱵᱚᱱᱫᱚᱨ ᱨᱮᱞ ᱥᱴᱮᱥᱚᱱ ᱫᱚ ᱢᱤᱫ ᱴᱚᱨᱢᱤᱱᱟᱴ ᱜᱮᱭᱟ ᱾ ᱨᱟᱡᱽᱠᱳᱴ ᱟᱨ ᱥᱚᱢᱱᱟᱛᱷ ᱥᱟᱶ ᱥᱟᱶᱛᱮ ᱦᱟᱣᱰᱟ, ᱥᱟᱱᱛᱨᱟᱜᱟᱪᱷᱤ, ᱫᱤᱞᱞᱤ ᱥᱚᱨᱟᱭᱤ ᱨᱳᱦᱤᱞᱟ, ᱢᱩᱡᱚᱯᱷᱚᱨ ᱱᱚᱜᱚᱨ, ᱥᱤᱠᱚᱱᱫᱚᱨᱟᱵᱟᱫᱽ ᱟᱨ ᱠᱳᱪᱩᱵᱮᱞᱟ ᱠᱷᱚᱱ ᱯᱳᱨᱵᱚᱱᱫᱚᱨ ᱞᱟᱹᱜᱤᱫ ᱫᱚ ᱨᱮᱞ ᱨᱮᱭᱟᱜ ᱥᱩᱵᱤᱫᱷᱟ ᱢᱮᱱᱟᱜᱼᱟ ᱾

ᱥᱚᱲᱚᱠ ᱦᱚᱨ

ᱦᱚᱱᱚᱛ ᱥᱟᱱᱟᱜᱟᱲ ᱨᱮᱭᱟᱜ ᱵᱚᱥ ᱠᱚ, ᱯᱳᱨᱵᱚᱱᱫᱚᱨ ᱫᱚ ᱦᱚᱱᱚᱛ ᱟᱨ ᱯᱚᱱᱚᱛ ᱨᱮᱭᱟᱜ ᱮᱴᱟᱜ ᱵᱷᱟᱜᱽ ᱥᱟᱽ ᱮ ᱡᱩᱲᱟᱹᱭᱟ ᱾ ᱚᱱᱟ ᱵᱟᱹᱜᱤ ᱠᱟᱛᱮ ᱡᱚᱛᱚ ᱴᱟᱲᱟᱝ ᱨᱮᱜᱮ ᱱᱚᱨᱥᱚᱝ ᱴᱮᱠᱨᱤ ᱠᱷᱚᱱ ᱱᱚᱱᱼᱮᱨᱼᱠᱚᱱᱰᱤᱥᱚᱱ ᱞᱮᱠᱟ ᱜᱮ ᱞᱚᱠᱡᱚᱨᱤ ᱟᱨ ᱮᱨᱼᱠᱚᱱᱰᱤᱥᱚᱱ ᱯᱨᱟᱭᱵᱮᱴ ᱵᱚᱞᱵᱚ ᱵᱚᱥ ᱠᱚ ᱨᱟᱡᱽᱠᱳᱴ ᱟᱨ ᱟᱦᱢᱮᱫᱟᱵᱟᱫᱽ ᱞᱟᱹᱜᱤᱫ ᱧᱟᱢ ᱟᱠᱟ ᱜᱮ ᱛᱟᱦᱮᱸᱱᱟ ᱾ ᱡᱟᱦᱟᱸ ᱨᱮᱭᱟᱜ ᱨᱤᱡᱚᱨᱵᱮᱥᱚᱱ ᱫᱚ ᱯᱮᱴᱤᱮᱢ, ᱨᱮᱰᱵᱚᱥ ᱮᱢᱟᱱ ᱞᱮᱠᱟᱱ ᱶᱮᱵᱽᱥᱟᱭᱤᱴ ᱨᱮ ᱥᱩᱵᱤᱫᱷᱟ ᱛᱟᱦᱮᱸᱱ ᱠᱟᱱᱟ ᱾ ᱨᱟᱡᱽᱠᱳᱴ ᱟᱨ ᱟᱦᱢᱮᱫᱟᱵᱟᱫᱽ ᱫᱤᱥᱚᱢ ᱨᱮᱭᱟᱜ ᱡᱚᱛᱚ ᱵᱟᱡᱟᱨ ᱥᱟᱶ ᱜᱮ ᱡᱩᱲᱟᱹᱭ ᱢᱮᱱᱟᱜᱼᱟ ᱾

ᱵᱮᱯᱟᱨ

ᱯᱳᱨᱵᱚᱱᱫᱚᱨ ᱵᱟᱡᱟᱨ ᱫᱚ ᱫᱚᱞᱟᱱ ᱵᱮᱱᱟᱣ ᱠᱟᱹᱢᱤᱨᱮ ᱦᱤᱡᱩᱜ ᱠᱟᱱ ᱫᱷᱤᱨᱤ ᱞᱟᱹᱜᱤᱫ ᱟᱹᱰᱤ ᱜᱮ ᱜᱟᱺᱦᱤᱨ ᱧᱩᱛᱩᱢ ᱢᱮᱱᱟᱜᱼᱟ ᱾ ᱟᱨ ᱯᱳᱨᱵᱚᱱᱫᱚᱨ ᱨᱮ ᱟᱹᱰᱤ ᱞᱮᱠᱟᱱᱟᱜ ᱵᱮᱱᱟᱣ ᱜᱚᱲᱦᱚᱱ ᱠᱟᱹᱢᱤ ᱦᱚᱸ ᱦᱩᱭᱩᱜ ᱠᱟᱱᱟ ᱾

ᱦᱚᱲ ᱮᱞᱮᱞ

᱒᱐᱐᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱯᱳᱨᱵᱚᱱᱫᱚᱨ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱕,᱓᱖,᱘᱕᱔ ᱛᱟᱦᱮᱸ ᱠᱟᱱᱟ ᱟᱨ ᱒᱐᱑᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱛᱮᱫᱚ ᱕,᱘᱖,᱐᱖᱒ ᱢᱮᱱᱛᱮ ᱢᱮᱱᱟᱜᱼᱟ ᱾

ᱧᱮᱢᱮᱞ ᱴᱚᱴᱷᱟ

ᱯᱳᱨᱵᱚᱱᱫᱚᱨ ᱜᱩᱡᱽᱨᱟᱴ ᱨᱮᱭᱟᱜ ᱧᱮᱢᱮᱞ ᱴᱚᱴᱷᱟ ᱠᱷᱚᱱ ᱫᱚ ᱟᱹᱰᱤ ᱜᱮ ᱧᱩᱛᱩᱢᱟᱱ ᱴᱚᱴᱷᱟ ᱠᱟᱱᱟ ᱾ ᱯᱳᱨᱵᱚᱱᱫᱚᱨ ᱨᱮᱫᱚ ᱟᱹᱰᱤᱜᱟᱱ ᱱᱟᱜᱟᱢᱮᱛ ᱫᱚᱞᱟᱱ ᱦᱚᱸ ᱢᱮᱱᱟᱜᱼᱟ ᱾ ᱯᱳᱨᱵᱚᱱᱫᱚᱨ ᱫᱚ ᱢᱚᱦᱟᱛᱢᱟ ᱜᱟᱱᱫᱷᱤ ᱭᱟᱜ ᱡᱟᱱᱟᱢ ᱛᱷᱟᱱ ᱠᱟᱱᱟ ᱚᱱᱟᱛᱮ ᱟᱡᱟᱜ ᱡᱤᱭᱚᱱ ᱥᱟᱶ ᱡᱤᱲᱟᱹᱭ ᱟᱠᱟᱱ ᱟᱹᱰᱤᱜᱟᱱ ᱴᱚᱴᱷᱟ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱱᱤᱛᱚᱜ ᱧᱮᱢᱮᱞ ᱴᱚᱴᱷᱟ ᱞᱮᱠᱟ ᱟᱯᱱᱟᱨ ᱦᱩᱭ ᱟᱠᱟᱱᱟ ᱾ ᱯᱳᱨᱵᱚᱱᱫᱚᱨ ᱨᱮᱫᱚ ᱜᱩᱡᱽᱨᱟᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱫᱚᱨᱮᱭᱟ ᱠᱟᱛᱟ ᱦᱚᱸ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

↑ "Gujarat, Part 3," People of India: State series, Rajendra Behari Lal, Anthropological Survey of India, Popular Prakashan, 2003, ISBN 9788179911068
↑ "Dynamics of Development in Gujarat," Indira Hirway, S. P. Kashyap, Amita Shah, Centre for Development Alternatives, Concept Publishing Company, 2002, ISBN 9788170229681
↑ "India Guide Gujarat," Anjali H. Desai, Vivek Khadpekar, India Guide Publications, 2007, ISBN 9780978951702

ᱵᱟᱦᱨᱮ ᱡᱚᱱᱚᱲ

ᱯᱳᱨᱵᱚᱱᱫᱚᱨ ᱴᱨᱟᱵᱷᱮᱞ ᱵᱟᱵᱚᱫᱽ ᱠᱟᱛᱷᱟ ᱣᱤᱠᱤᱦᱤᱨᱤ (Wikivoyage) ᱨᱮ

[1] "Gujarat, Part 3," People of India: State series, Rajendra Behari Lal, Anthropological Survey of India, Popular Prakashan, 2003, ISBN 9788179911068

[2] "Dynamics of Development in Gujarat," Indira Hirway, S. P. Kashyap, Amita Shah, Centre for Development Alternatives, Concept Publishing Company, 2002, ISBN 9788170229681

[3] "India Guide Gujarat," Anjali H. Desai, Vivek Khadpekar, India Guide Publications, 2007, ISBN 9780978951702

[᱑]

[᱒]

[᱓]