ᱯᱷᱚᱠᱤᱨ ᱢᱚᱦᱳᱱ ᱥᱮᱱᱟᱯᱚᱛᱤ

ᱣᱤᱠᱤᱯᱤᱰᱤᱭᱟ ᱠᱷᱚᱱ
(ᱯᱷᱚᱠᱤᱨ ᱢᱳᱦᱟᱱ ᱥᱮᱱᱟᱯᱚᱛᱤ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
Jump to navigation Jump to search

ᱚᱞ ᱛᱚᱝᱜᱮ ᱟᱠᱟᱱᱟ...

ᱵᱭᱟᱥᱚᱠᱚᱵᱤ
ᱯᱷᱚᱠᱤᱨ ᱢᱚᱦᱳᱱ ᱥᱮᱱᱟᱯᱚᱛᱤ
FakirMohan Senapati.jpg
ᱡᱟᱱᱟᱢ ᱑᱓ ᱡᱟᱱᱩᱣᱟᱨᱤ ᱑᱘᱔᱓(1843-01-13)
ᱵᱟᱞᱮᱥᱳᱨ , ᱥᱤᱧᱚᱸᱛᱤᱭᱟᱹ
ᱜᱩᱨ ᱑᱔ ᱡᱩᱱ ᱑᱙᱑᱘ (᱗᱕ ᱵᱚᱭᱚᱥ)
ᱠᱟᱹᱢᱤ ᱜᱟᱭᱟᱱᱤᱭᱟ, ᱚᱱᱚᱞᱤᱭᱟ,ᱥᱟᱶᱦᱮᱫᱤᱭᱟ,
ᱯᱟᱹᱨᱥᱤ ᱩᱰᱤᱥᱟ
ᱡᱟᱹᱛᱤᱭᱟᱹᱛ ᱥᱤᱧᱚᱸᱛᱤᱭᱟᱹ
ᱚᱠᱛᱚ ᱜᱮᱞᱟᱨᱮ ᱥᱟᱭ ᱥᱮᱨᱢᱟ
ᱥᱟᱶᱦᱮᱫ ᱮᱱᱮᱢ ᱛᱩᱨᱩᱭ ᱢᱟᱱ ᱮᱨᱟᱹᱞ ᱜᱷᱩᱸᱴ

ᱥᱩᱦᱤ


ᱯᱷᱚᱠᱤᱨ ᱢᱚᱷᱳᱱ ᱥᱮᱱᱟᱯᱚᱴᱤ (᱑᱓ ᱡᱟᱱᱩᱟᱨᱤ ᱑᱘᱔᱓ ᱼ ᱑᱔ ᱡᱩᱱ ᱑᱙᱑᱘ ᱡᱝᱥᱰᱝᱡᱝ ) ᱢᱤᱰ ᱩᱰᱤᱭᱟ ᱯᱟᱹᱨᱥᱤ ᱨᱤᱱ ᱚᱱᱚᱞᱤᱭᱟ ᱠᱤᱱ ᱛᱟᱸᱦᱮ ᱠᱟᱱᱟ ᱟᱨ ᱥᱟᱶᱛᱮ ᱥᱮᱫᱟᱭ ᱨᱮᱱᱟᱜ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱱᱤ ᱨᱤᱱᱤᱡ ᱢᱤᱫ ᱫᱮᱣᱟᱱ ᱦᱚᱸ ᱾ ᱩᱱᱠᱤᱱ ᱫᱚ ᱯᱩᱤᱞᱩ ᱫᱷᱟᱯ ᱨᱤᱱ ᱠᱷᱟᱴᱚ ᱠᱟᱦᱤᱱᱤᱭᱟ ᱠᱤᱱ ᱴᱟᱦᱮᱸ ᱠᱟᱱᱟ ᱾[᱑]

ᱯᱷᱚᱠᱤᱨ ᱢᱚᱦᱳᱱ ᱥᱮᱱᱟᱯᱚᱛᱤ,ᱢᱚᱫᱦᱩᱥᱩᱰᱚᱱ ᱰᱟᱥ|,ᱩᱛᱠᱚᱞᱚᱢᱚᱬᱤ ᱫᱟᱥ,ᱠᱟᱵᱤᱵᱚᱨᱚ ᱨᱟᱫᱷᱟᱱᱟᱛ ᱨᱟᱭ,ᱜᱚᱝᱜᱟᱫᱦᱚᱨ ᱢᱮᱦᱮᱨ ᱟᱜ ᱥᱟᱞᱟᱜ [[ᱩᱰᱤᱭᱟ ᱯᱟᱹᱨᱥᱤ ᱡᱚᱛᱠᱟᱹᱨ ᱞᱟᱹᱜᱤᱱ ᱢᱟᱨᱟᱝ ᱵᱚᱦᱚᱜ ᱞᱮᱠᱟ ᱠᱚ ᱞᱟᱲᱟᱭ ᱞᱮᱱᱟ ᱾ ᱵᱭᱟᱥᱚ ᱠᱚᱵᱤ ᱯᱷᱚᱠᱤᱨ ᱢᱚᱦᱳᱱ ᱥᱮᱱᱟᱯᱚᱛᱤ ᱩᱰᱤᱭᱟ ᱥᱟᱶᱦᱮᱫ ᱨᱤᱱᱤᱡ ᱢᱟᱨᱟᱝ ᱠᱟᱛᱷᱟ ᱥᱚᱢᱨᱟᱴ ᱠᱤᱱ ᱛᱟᱸᱦᱮ ᱠᱟᱱᱟ ᱾

ᱡᱤᱭᱚᱱ ᱵᱷᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱹᱴᱤᱡ ᱩᱢᱮᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱓ ᱡᱟᱱᱩᱟᱨᱤ ᱑᱘᱔᱓ ᱨᱮ ᱵᱷᱟᱜ ᱡᱤᱞᱟ ᱵᱟᱞᱮᱥᱚᱨ ᱡᱤᱞᱟ ᱨᱮᱱᱟᱜ ᱢᱚᱞᱤᱠᱟᱥᱯᱩᱨ ᱟᱹᱛᱩ ᱨᱮ ᱟᱯᱟᱛ ᱫᱚ ᱞᱚᱠᱷᱽᱢᱚᱱ ᱪᱚᱨᱚᱱ ᱥᱮᱱᱟᱯᱚᱛᱤ ᱟᱨ ᱮᱸᱜᱟᱛ ᱛᱩᱞᱚᱥᱤ ᱫᱮᱵᱤ ᱦᱚᱵᱚᱨ ᱠᱷᱚᱱ ᱮ ᱡᱟᱱᱟᱢ ᱞᱮᱱᱟ ᱾ ᱢᱤᱫ ᱥᱮᱨᱢᱟ ᱢᱚᱬᱮ ᱪᱟᱸᱫᱚ ᱩᱢᱮᱨ ᱨᱮᱜᱮ ᱟᱯᱟᱛ ᱫᱚ ᱛᱟᱠᱤᱱ ᱮ ᱞᱟᱦᱟ ᱫᱤᱥᱚᱢ ᱞᱮᱱᱟ ᱾ ᱚᱱᱟ ᱞᱟᱦᱟ ᱨᱮ ᱑᱔ ᱪᱟᱸᱫᱚ ᱛᱟᱭᱚᱢ ᱠᱦᱟᱱ ᱜᱮ ᱮᱸᱜᱟᱛ ᱛᱩᱞᱚᱥᱤ ᱫᱮᱵᱤ ᱥᱮᱱᱟᱯᱚᱛᱤ ᱦᱚᱸ ᱠᱤᱱ ᱵᱚᱝᱜᱟ ᱫᱤᱥᱚᱢ ᱞᱮᱱᱟ ᱾ ᱵᱟᱞᱮ ᱠᱷᱚᱱ ᱜᱮ ᱟᱡᱤᱡ ᱜᱚᱲᱚᱢ ᱵᱩᱰᱷᱤ ᱜᱮᱭ ᱡᱚᱛᱚᱱ ᱦᱟᱨᱟ ᱟᱠᱟᱫᱮᱭᱟ ᱾ [᱒]

ᱯᱷᱚᱠᱤᱨᱢᱚᱦᱳᱱ ᱟᱜ ᱡᱚᱛᱷᱟᱛ ᱧᱩᱸᱛᱩᱢ ᱫᱚ ᱵᱨᱚᱡᱚᱢᱳᱦᱚᱱ ᱾ ᱵᱟᱞᱮ ᱨᱮ ᱫᱚ ᱟᱹᱰᱤ ᱢᱚᱨᱟ ᱜᱮᱭ ᱛᱟᱦᱮᱸ ᱞᱮᱱ ᱛᱮ ᱜᱚᱞᱚᱢ ᱛᱮᱫ ᱦᱟᱞᱟᱢ ᱯᱷᱚᱠᱤᱨ ᱴᱷᱮᱱ ᱮ ᱤᱫᱤ ᱞᱮᱫᱮᱭᱟ ᱩᱱ ᱯᱷᱚᱠᱤᱨ ᱠᱚᱣᱟᱦ ᱧᱩᱸᱛᱩᱢ ᱤᱫᱤ ᱠᱟᱛᱮ ᱜᱮ ᱯᱷᱚᱠᱤᱨ ᱢᱚᱦᱳᱱ ᱮᱢ ᱞᱮᱱᱟ ᱾

ᱯᱦᱚᱠᱤᱨ ᱢᱚᱦᱳᱱ ᱥᱮᱱᱟᱯᱚᱛᱤ ᱟᱡ ᱫᱟᱫᱟ ᱟᱹᱰᱤ ᱦᱤᱸᱥᱠᱩᱴᱤ ᱦᱚᱲ ᱮ ᱛᱟᱦᱮᱸᱭᱟ ᱾ ᱯᱷᱚᱠᱤᱨ ᱢᱚᱦᱳᱱ ᱫᱚ ᱯᱟᱦᱟᱞᱟᱶ ᱮ ᱞᱟᱹᱜᱤᱫ ᱵᱟᱝᱠᱚ ᱨᱮᱵᱮᱱ ᱠᱟᱱ ᱛᱟᱸᱦᱮᱸ ᱾ ᱠᱟᱴᱤᱡ ᱩᱢᱮᱨ ᱠᱷᱚᱱ ᱜᱮ ᱦᱚᱲᱢᱚ ᱠᱚ ᱵᱮᱢᱟᱨ ᱨᱮ ᱡᱟᱨᱟᱜ ᱠᱟᱱ ᱛᱮ ᱙ ᱥᱟᱞ ᱥᱮᱨᱢᱟ ᱨᱮ ᱚᱞ ᱯᱟᱹᱨᱥᱤ ᱫᱚ ᱚᱞ ᱮ ᱴᱷᱤᱠᱟᱹ ᱠᱮᱟ ᱾ ᱯᱟᱦᱟᱞᱟᱶ ᱨᱮᱱᱟᱜ ᱴᱟᱠᱟ ᱵᱟᱭ ᱮᱢ ᱫᱟᱞᱮᱭᱟᱜ ᱛᱮ ᱢᱟᱸᱪᱮᱛ ᱚᱲᱟᱜ ᱨᱮ ᱠᱟᱹᱢᱤᱭ ᱨᱮᱵᱮᱱ ᱞᱮᱱᱟ ᱾ ᱚᱞ ᱵᱤᱨᱫᱟᱹ ᱪᱮᱫ ᱨᱮᱱᱟᱜ ᱛᱮᱛᱟᱝ ᱛᱟᱭ ᱵᱟᱝ ᱜᱮ ᱢᱟᱨᱠᱷᱚᱛ ᱞᱮᱱᱟ ᱾ ᱡᱟᱸᱦᱟ ᱛᱤᱱᱟᱜ ᱨᱮᱦᱚᱸ ᱵᱟᱲᱛᱤ ᱪᱤᱠᱟᱹᱛᱮ ᱜᱮᱭᱟᱱ ᱮ ᱨᱡᱟᱣ ᱟ ᱚᱱᱟ ᱵᱷᱟᱵᱤᱛ ᱨᱮ ᱛᱟᱦᱮᱸᱱ ᱠᱟᱱ ᱛᱟᱸᱦᱮᱱ ᱾ ᱟᱡᱟᱜ ᱡᱟᱱᱟᱢ ᱟᱲᱟᱝ ᱥᱮᱪᱮᱫ ᱥᱟᱶᱛᱮ ᱯᱭᱟᱨᱤᱥ ᱯᱟᱹᱨᱥᱤ ᱦᱚᱸᱭ ᱪᱮᱫ ᱮᱫ ᱛᱟᱸᱦᱮᱫ ᱾ ᱣᱩᱰᱤᱧ ᱚᱠᱛᱚ ᱵᱟᱞᱮᱥᱚᱨ ᱨᱮ ᱢᱮᱱᱟᱜ ᱟᱠᱟᱫ ᱵᱟᱱᱫᱽ ᱨᱮ ᱦᱚᱸᱭ ᱠᱟᱹᱢᱤ ᱟᱥᱩᱞᱚᱜ ᱠᱟᱱ ᱛᱟᱦᱮᱸᱱ ᱾ ᱚᱱᱰᱮ ᱜᱮ ᱵᱟᱝᱜᱟᱞᱤ ᱟᱨ ᱥᱟᱸᱥᱠᱨᱤᱛ ᱟᱲᱟᱝ ᱮ ᱪᱮᱫ ᱞᱮᱫᱟ ᱾[᱓]

ᱢᱟᱸᱤᱱᱚᱨ ᱯᱟᱥ ᱴᱟᱭᱚᱢ ᱵᱟᱞᱮᱥᱚᱨ ᱵᱟᱨᱚᱵᱟᱴᱤ ᱟᱥᱲᱟ ᱨᱮ ᱚᱞ ᱮ ᱮᱛᱚᱦᱚᱵ ᱠᱮᱜ ᱟ ᱾ ᱚᱱᱰᱮᱸ ᱜᱮ ᱱᱟᱜᱟᱢ ,ᱚᱛᱜᱭᱟᱱ ᱟᱨ ᱮᱞᱠᱷᱟ ᱠᱚᱭ ᱪᱮᱫ ᱠᱟᱱ ᱛᱟᱦᱮᱸᱱ ᱾ ᱟᱠᱤᱱᱟᱜ ᱟᱠᱤᱞ ᱜᱮᱭᱟᱱ ᱨᱮᱱᱟᱜ ᱛᱟᱨᱟᱥ ᱠᱷᱟᱛᱤᱨ ᱛᱮ ᱢᱟᱪᱮᱫ ᱢᱟᱸᱬᱟᱝ ᱠᱚᱨᱮ ᱠᱤᱱ ᱥᱟᱢᱟᱝ ᱮᱱᱟ ᱾ ᱛᱚᱵᱮ ᱪᱟᱸᱫᱚ ᱨᱮᱱᱟᱜ ᱒᱕ ᱴᱟᱠᱟ ᱵᱟᱝ ᱠᱤᱱ ᱮᱢ ᱫᱟᱲᱮᱭᱟᱜ ᱠᱷᱟᱛᱤᱨ ᱛᱮ ᱯᱟᱦᱟᱲᱟᱣ ᱮ ᱵᱟᱹᱜᱤ ᱞᱮᱜ ᱟ ᱟᱨ ᱚᱱᱟ ᱟᱥᱲᱟ ᱨᱮ ᱪᱟᱸᱫᱚᱨᱮ ᱒ᱹ᱕᱐ᱹ ᱴᱟᱠᱟ ᱠᱩᱲᱟᱭᱟ ᱛᱮ ᱢᱟᱸᱪᱮᱫ ᱠᱟᱸᱢᱤ ᱠᱤᱱ ᱮᱛᱚᱦᱚᱵ ᱞᱮᱜ ᱟ ᱾[᱔] ᱚᱱᱰᱮᱸ ᱫᱚ ᱱᱟᱜᱟᱢ ᱟᱨ ᱮᱞᱠᱷᱟ ᱠᱚᱭ ᱯᱟᱦᱟᱞᱟᱣ ᱮᱛᱚᱦᱤᱵ ᱠᱮᱜ ᱟ ᱾ ᱱᱚᱣᱟ ᱥᱟᱛᱟᱢ ᱠᱚᱨᱮ ᱵᱟᱹᱲᱛᱤ ᱜᱮᱭᱟᱱ ᱟᱨᱡᱟᱣ ᱞᱟᱹᱜᱤᱫ ᱮ ᱠᱩᱨᱩᱢᱩᱴᱩ ᱞᱮᱜ ᱟ ᱾ ᱵᱟᱞᱮᱥᱳᱨ ᱠᱚᱞᱮᱠᱴᱚᱨ ᱴᱷᱮᱱ ᱦᱚᱸ ᱠᱤᱨᱟᱱᱤ ᱞᱮᱠᱟᱭ ᱛᱟᱦᱮᱸ ᱠᱟᱱᱟ ᱾ ᱴᱟᱭᱚᱢ ᱵᱤᱫᱟᱹᱞ ᱵᱟᱞᱮᱥᱳᱨ ᱢᱤᱥᱚᱱ ᱟᱥᱲᱟ ᱨᱮ ᱑᱘᱗᱑ ᱥᱟᱞ ᱦᱟᱵᱤᱡ ᱮ ᱢᱟᱪᱮᱛᱟᱱ ᱠᱟᱹᱢᱤ ᱥᱟᱛ ᱞᱮᱜ ᱟ ᱾

ᱯᱷᱚᱠᱤᱨ ᱢᱚᱦᱳᱱ ᱟᱡᱟᱜ ᱪᱦᱩᱴᱟᱣ ᱛᱮ ᱜᱮ ᱤᱝᱨᱟᱡᱤ ᱯᱟᱹᱨᱥᱤ ᱦᱚᱸᱭ ᱪᱮᱫ ᱠᱮᱜ ᱟ ᱾ ᱟᱨᱵᱤᱟᱱ ᱱᱟᱤᱴᱥ,ᱨᱚᱵᱤᱱᱥᱚᱱ ᱠᱨᱩᱥᱮ,ᱤᱝᱨᱟᱡᱤ ᱵᱟᱤᱵᱮᱞ ᱞᱮᱠᱟᱱ ᱤᱝᱞᱤᱥ ᱯᱩᱛᱷᱤ ᱯᱟᱦᱟᱞᱟᱲᱟᱣ ᱚᱠᱛᱚ ᱨᱮ ᱤᱝᱞᱤᱥ ᱜᱮᱭᱟᱱ ᱚᱩᱛᱷᱤ ᱨᱮᱱᱟᱜ ᱜᱚᱲᱚᱭ ᱦᱟᱛᱟᱣ ᱞᱮᱜ ᱟ ᱾ ᱒᱓ ᱥᱮᱨᱢᱟ ᱵᱚᱭᱚᱥ ᱨᱮ ᱤᱝᱜᱞᱤᱥ ᱥᱮᱪᱮᱫ ᱮ ᱮᱛᱚᱦᱚᱵ ᱞᱮᱜ ᱟ , ᱢᱮᱱᱠᱷᱟᱱ ᱟᱠᱤᱱᱟᱜ ᱟᱠᱤᱞ ᱜᱮᱭᱟᱱ ᱠᱷᱟᱛᱤᱨ ᱫᱤᱥᱚᱢ ᱵᱟᱦᱮᱨ ᱨᱤᱱ ᱦᱚᱲ ᱠᱚᱣᱟᱜ ᱢᱚᱱᱮ ᱪᱷᱟᱱᱫᱟ ᱞᱮᱜ ᱟ ᱾

ᱩᱛᱚᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱪᱮᱛ ᱠᱟᱹᱢᱤ ᱥᱟᱶ ᱥᱟᱶ ᱛᱮ ᱩᱰᱤᱭᱟ. ,ᱤᱸᱜᱽᱞᱤᱥ , ᱥᱚᱥᱠᱨᱩᱛ ᱟᱨ ᱵᱟ.ᱝᱜᱟ.ᱞᱤ ᱯᱟᱹᱨᱥᱤ ᱨᱮᱱᱟᱜ ᱜᱮᱭᱟᱱ ᱮ ᱛᱩᱢᱟᱹᱞ ᱧᱟᱢ ᱞᱮᱜᱼᱟ ᱾ ᱥᱟᱶᱛᱮ ᱜᱟ.ᱠᱷᱩᱲ ᱠᱚ ᱛᱟᱞᱟᱨᱮ ᱞᱟᱠᱪᱟᱨ ᱨᱮᱱᱟᱜ ᱠᱟᱛᱷᱟ ᱠᱚ ᱦᱚᱸᱭ ᱜᱟᱱ ᱤᱫᱤ ᱞᱮᱜᱼᱟ ᱾

ᱵᱟᱨᱚᱵᱟᱴᱤ ᱟᱥᱲᱟ ᱠᱷᱚᱱ ᱢᱟᱪᱮᱛ ᱡᱚᱭᱚᱱ ᱮᱛᱚᱦᱚᱵ ᱠᱟᱛᱮ ᱥᱮᱱᱟᱯᱚᱛᱤ ᱯᱷᱚᱠᱤᱨ ᱢᱚᱦᱳᱱ ᱛᱟᱭᱚᱢ ᱵᱤᱫᱟ.ᱞ ᱠᱮᱨᱮᱥᱛᱟᱱ ᱢᱤᱥᱚᱱ ᱟᱥᱲᱟ ᱨᱮ ᱢᱟᱨᱟᱝ ᱢᱟᱪᱮᱛ ᱢᱮᱱᱛᱮᱭ ᱵᱟᱦᱟᱞ ᱞᱮᱱᱟ ᱾ ᱚᱱᱟ ᱚᱠᱛᱚ ᱨᱮᱫᱚ ᱡᱚᱛᱚ ᱩᱰᱤᱭᱟ. ᱯᱟ.ᱴᱷᱩᱣᱟ. ᱠᱚᱫᱚ ᱵᱟᱸᱜᱽᱞᱟ ᱛᱮ ᱠᱚ ᱯᱟᱲᱦᱟᱣᱜ ᱠᱟᱱ ᱛᱟᱸᱦᱮᱱ ᱾ ᱚᱱᱟᱛᱮ ᱩᱱᱤ ᱩᱱ ᱚᱠᱛᱚ ᱨᱮ ᱩᱰᱤᱭᱟ. ᱛᱮ ᱟᱭᱢᱟ ᱚᱱᱚᱞ ᱠᱚᱭ ᱚᱞ ᱞᱮᱜᱼᱟ ᱾ ᱢᱤᱫ ᱩᱰᱤᱭᱟ. ᱯᱟᱹᱨᱥᱤ ᱨᱤᱱᱤᱡ ᱩᱰᱤᱭᱟ. ᱦᱚᱯᱚᱱ ᱦᱤᱥᱟ.ᱵᱽ ᱛᱮ ᱟᱹᱰᱤ ᱜᱚᱴᱟᱝ ᱯᱚᱛᱚᱵ ᱠᱚᱭ ᱛᱚᱨᱡᱚᱢᱟ ᱟᱠᱟᱫᱼᱟ ᱾ ᱱᱚᱶᱟ ᱦᱚᱛᱮᱛᱮ ᱜᱮ ᱟᱠᱤᱱᱟᱜ ᱩᱯᱩᱨᱩᱢ ᱫᱚ ᱵᱟᱞᱮᱥᱚᱨ ᱡᱤᱞᱞᱟ ᱨᱮ ᱠᱤᱱ ᱛᱷᱟᱯᱚᱱ ᱞᱮᱜ ᱟ ᱠᱚᱞᱮᱠᱴᱚᱨ ᱵᱤᱢᱥ ᱥᱟᱞᱟᱜ ᱾ ᱵᱤᱢᱥ ᱥᱟᱦᱮᱵ ᱫᱚ ᱟᱡ ᱜᱮ ᱢᱤᱫ ᱢᱟᱨᱟᱝ ᱜᱟᱠᱷᱩᱲ ᱢᱟᱱ ᱦᱚᱲ ᱮ ᱛᱟᱸᱦᱮ ᱠᱟᱱᱟ ᱾ ᱚᱱᱟᱛᱮ ᱯᱷᱚᱠᱤᱨ ᱢᱚᱦᱳᱱ ᱫᱚ ᱠᱤᱱ ᱩᱯᱩᱨᱩᱢ ᱧᱟᱸᱢ ᱞᱮᱫᱮᱭᱟ ᱾ ᱱᱚᱶᱟ ᱚᱠᱛᱚ ᱨᱮ ᱵᱤᱢᱥ ᱥᱟᱦᱮᱵ ᱫᱚ ᱢᱤᱫ ᱢᱟᱨᱟᱝ ᱵᱭᱟᱠᱚᱨᱚᱬ ᱯᱚᱛᱚᱵ ᱮ ᱩᱪᱷᱟᱹᱱ ᱞᱮᱜ ᱟ ᱾ ᱚᱱᱟᱛᱮ ᱯᱷᱚᱠᱤᱨ ᱢᱚᱦᱳᱱ ᱴᱷᱮᱱ ᱠᱷᱚᱱ ᱩᱰᱤᱭᱟ ᱚᱞ ᱮ ᱪᱷᱮᱫ ᱞᱮᱜ ᱟ ᱾ ᱯᱷᱚᱠᱤᱨ ᱢᱚᱦᱳᱱ ᱟᱜ ᱜᱮᱭᱟᱱ ᱫᱷᱮᱭᱟᱱ ᱛᱮ ᱠᱩᱥᱤ ᱞᱮᱱ ᱛᱮ ᱵᱤᱢᱥ ᱥᱟᱦᱮᱵ ᱱᱤᱲᱜᱤᱨᱤ ᱨᱮ ᱫᱮᱣᱟᱱ ᱞᱟᱹᱜᱤᱫ ᱮ ᱫᱚᱦᱚ ᱞᱟᱹᱜᱤᱫ ᱮ ᱫᱮᱞᱟ ᱦᱟᱫᱮᱭᱟ ᱾ ᱟᱨ ᱥᱮᱱᱟᱯᱚᱛᱤ ᱦᱚᱸ ᱨᱮᱵᱮᱱ ᱮᱱᱟ ᱾ ᱪᱟᱸᱫᱚ ᱨᱮᱱᱟᱜ ᱜᱚᱱᱚᱝ ᱫᱚ ᱑᱐᱐᱐ ᱴᱟᱠᱟ ᱛᱮ ᱾ ᱱᱚᱶᱟ ᱛᱟᱭᱚᱢ ᱛᱮ ᱜᱚᱴᱟ ᱯᱟᱲᱟ ᱜᱮ ᱫᱮᱣᱟᱱ ᱞᱮᱠᱟᱭ ᱛᱟᱦᱮᱸᱠᱟᱱᱟ ᱾ ᱑᱘᱗᱑ ᱠᱷᱚᱱ ᱑᱘᱗᱕

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Jain, Bhushan. "Short biography of Fakir Mohan Senapati". Retrieved 20 ᱡᱩᱞᱟᱭ 2016. 
  2. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named ᱯᱷᱚᱠᱤᱨ ᱢᱚᱦᱳᱱ ᱥᱮᱱᱟᱯᱚᱛᱤ ᱡᱤᱭᱚᱱ ᱪᱩᱨᱤᱛ
  3. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named ᱥᱮᱱᱟᱯᱚᱛᱤ ᱯᱷᱚᱠᱤᱨ ᱢᱚᱦᱳᱱ ᱟᱜ ᱠᱷᱟᱱᱰᱟᱶ ᱡᱤᱭᱤᱱ
  4. ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named ᱯᱷᱚᱠᱤᱨ ᱢᱚᱦᱳᱱ ᱥᱮᱱᱟᱯᱚᱛᱤ ᱭᱟᱜ ᱡᱤᱭᱚᱱ