ᱯᱷᱨᱮᱰᱮᱨᱤᱠ-ᱞᱩᱭᱤᱥ ᱟᱞᱞᱟᱢᱟᱸᱰ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱯᱷᱨᱮᱰᱮᱨᱤᱠ-ᱞᱩᱭᱤᱥ ᱟᱞᱞᱟᱢᱟᱸᱰ(ᱯᱷᱮᱵᱽᱨᱟᱨᱭ ᱕ ᱑᱗᱓᱖, ᱯᱟᱭᱟᱨᱱ, ᱣᱟᱩᱰ ᱼ ᱢᱟᱨᱪ ᱓, ᱑᱘᱐᱙, ᱵᱷᱟᱞᱠᱮᱱᱱᱚᱨᱜ, ᱥᱚᱩᱛᱷ ᱦᱚᱞᱞᱟᱸᱰ) ᱾ ᱯᱷᱨᱮᱰᱮᱨᱤᱠ-ᱞᱩᱭᱤᱥ ᱟᱞᱞᱟᱢᱟᱸᱰ ᱫᱚ ᱥᱣᱤᱥ ᱵᱚᱱᱚᱥᱯᱚᱛᱤ ᱣᱚᱭᱜᱭᱟᱱᱤᱠ ᱮ ᱛᱟᱦᱮᱸ ᱠᱟᱱᱟᱭ ᱾ [᱑][᱒]. ᱩᱱᱤ ᱥᱣᱤᱡᱟᱹᱨᱞᱮᱸᱰ ᱨᱮᱭᱟᱜ ᱯᱟᱭᱮᱨᱱᱮ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱑᱗᱔᱙ ᱨᱮ ᱟᱠᱚ ᱱᱤᱫᱚᱨᱞᱮᱸᱰ ᱨᱮᱭᱟᱜ ᱞᱮᱭᱰᱮᱱ ᱨᱮ ᱩᱪᱟᱹᱰ ᱞᱮᱱᱟ ᱠᱚ ᱾ ᱚᱱᱰᱮ ᱩᱱᱤ ᱟᱡ ᱠᱟᱠᱟ ᱥᱟᱞᱟᱜ ᱛᱮ ᱛᱟᱦᱮᱸ ᱞᱮᱱᱟᱭ ᱾ ᱟᱡ ᱠᱟᱠᱟᱼᱟᱜ ᱧᱩᱛᱩᱢ Jean-Nicolas-Sébastien Allamand ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱗᱔ ᱥᱮᱨᱢᱟ ᱦᱟᱹᱵᱤᱡ (1713–1787) ᱯᱷᱤᱞᱚᱥᱚᱯᱷᱭ ᱟᱨ ᱜᱚᱬᱤᱛ ᱨᱮ ᱯᱨᱚᱯᱷᱮᱥᱚᱨ ᱮ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱠᱟᱠᱟ ᱫᱚ ᱞᱮᱭᱰᱮᱱ ᱡᱮᱜᱮᱛ ᱵᱤᱨᱫᱟᱜᱟᱲ ᱨᱮ ᱯᱟᱲᱦᱟᱣ ᱠᱚ ᱠᱟᱱ ᱛᱟᱦᱮᱸᱡ ᱾ ᱟᱡ ᱠᱟᱠᱟ ᱫᱚ ᱵᱮᱱᱡᱟᱢᱤᱱ ᱯᱷᱨᱟᱝᱠᱞᱤᱱ ᱥᱟᱞᱟᱜ ᱛᱮ ᱠᱚ ᱛᱩᱞᱟᱹ ᱡᱚᱠᱷᱟᱭᱟ ᱠᱚ ᱾ ᱩᱱᱤ ᱟᱹᱰᱤ ᱵᱮᱥ naturalist ᱮ ᱛᱟᱦᱮᱸ ᱠᱟᱱᱟᱭ ᱟᱨ ᱨᱚᱭᱟᱞ ᱥᱚᱥᱟᱭᱴᱤ ᱞᱚᱱᱰᱚᱱ ᱨᱮᱱᱟᱜ ᱥᱚᱫᱚᱥᱭᱚᱛᱟ ᱦᱚᱸ ᱟᱡ ᱴᱷᱮᱱ ᱢᱮᱱᱟᱜᱼᱟ ᱾ ᱯᱷᱨᱮᱰᱮᱨᱤᱠ ᱢᱟᱲᱟᱝ ᱥᱟᱦᱤᱛᱭᱚ ᱮ ᱯᱟᱲᱦᱟᱣᱼᱜ ᱠᱟᱱ ᱛᱟᱦᱮᱸᱡ ᱾ ᱯᱚᱨᱮ ᱩᱱᱤ ᱟᱡᱟᱜ ᱯᱟᱲᱦᱟᱣ ᱵᱤᱥᱚᱭ ᱢᱮᱰᱤᱥᱤᱱ ᱛᱮ ᱵᱚᱫᱚᱞ ᱠᱮᱫᱟᱭ ᱾ ᱑᱗᱖᱐ ᱨᱮ ᱟᱡ ᱫᱚ ᱰᱚᱪ ᱢᱟᱨᱭᱤᱱ ᱨᱮ ᱠᱟᱹᱢᱤ ᱠᱮᱜᱼᱟᱭ ᱾ ᱚᱱᱰᱮ ᱩᱱᱤ ᱡᱟᱦᱟᱡ ᱰᱚᱠᱴᱚᱨ ᱮ ᱛᱮᱭᱟᱨ ᱞᱮᱱᱟᱭ ᱾ ᱟᱡᱟᱜ ᱥᱚᱢᱚᱭ ᱨᱮ ᱠᱟᱹᱢᱤ ᱡᱚᱠᱷᱟᱜ ᱟᱡ ᱫᱚ ᱟᱹᱰᱤᱜᱟᱱ ᱡᱟᱭᱜᱟ ᱫᱟᱸᱬᱟ ᱞᱮᱫᱟᱭ ᱾ ᱩᱱᱤ ᱥᱩᱨᱤᱱᱟ ᱟᱨ ᱜᱩᱭᱟᱱᱟ ᱞᱮᱠᱷᱟ ᱡᱟᱭᱜᱟ ᱠᱚ ᱪᱟᱞᱟᱣᱟᱭ ᱾ ᱯᱚᱨᱮ ᱟᱹᱰᱤᱜᱟᱱ ᱡᱟᱭᱜᱟ ᱫᱟᱬᱟ ᱯᱚᱨᱮ ᱠᱟᱛᱮ ᱟᱡ ᱫᱚ ᱴᱥᱟᱨ ᱠᱚᱴ (tsar's court, St. Petersburg) ᱨᱮ ᱰᱚᱠᱴᱚᱨ ᱮ ᱛᱟᱦᱮᱸᱟᱭ ᱾ ᱑᱗᱙᱓ ᱨᱮ ᱩᱱᱤ ᱟᱨᱦᱚᱸ ᱡᱮᱜᱮᱛ ᱵᱤᱨᱫᱟᱜᱟᱲ ᱮ ᱪᱟᱞᱟᱣᱮᱱᱟ ᱾ ᱩᱱᱤ ᱠᱟᱨᱞ ᱞᱤᱱᱤᱭᱚᱥ ᱤᱡ ᱥᱚᱢᱵᱟᱫᱛᱟ ᱮ ᱛᱟᱦᱮᱸ ᱠᱟᱱᱟᱭ, ᱩᱱᱤ ᱫᱚ ᱟᱹᱰᱤ ᱵᱷᱟᱜᱭᱚᱵᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟᱭ ᱡᱟᱷᱟᱭ ᱫᱚ ᱞᱤᱱᱤᱭᱚᱥ ᱥᱟᱞᱟᱜ ᱮ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱡ ᱾ ᱞᱤᱱᱤᱭᱚᱥ ᱥᱟᱞᱟᱜ ᱛᱟᱦᱮᱸ ᱠᱟᱛᱮ ᱩᱱᱤ ᱟᱹᱰᱤᱜᱟᱱ ᱫᱟᱨᱮ ᱠᱚ ᱵᱤᱥᱚᱭ ᱨᱮ ᱵᱟᱰᱟᱭ ᱞᱮᱫᱟᱭ ᱾ ᱩᱱᱤ ᱚᱡ ᱥᱟᱞᱟᱜ ᱛᱮ ᱠᱟᱹᱢᱤ ᱠᱷᱟᱹᱛᱤᱨ ᱛᱮ ᱞᱤᱱᱤᱭᱚᱥ ᱟᱰᱤᱜᱟᱱ ᱫᱟᱨᱮ ᱠᱚ ᱵᱤᱥᱚᱭ ᱨᱮ ᱴᱤᱠᱤᱼᱢᱤᱠᱤ ᱠᱷᱚᱵᱟᱨ ᱧᱟᱢ ᱫᱟᱲᱭᱟᱜ ᱠᱟᱱ ᱛᱟᱦᱮᱸᱡ ᱾ ᱩᱱᱤ ᱟᱡ ᱥᱟᱞᱟᱜ ᱛᱮ ᱟᱹᱰᱤᱜᱟᱱ ᱫᱟᱨᱮ ᱠᱚᱣᱟᱜ ᱧᱩᱛᱩᱢ ᱞᱮᱫᱟᱭ ᱾ ᱵᱚᱱᱚᱥᱯᱚᱛᱤᱭᱚ ᱡᱟᱜᱟᱛ ᱨᱮᱭᱟᱜ ᱢᱤᱴᱟᱝ ᱡᱮᱱᱚᱥ Allamanda ᱫᱚ ᱟᱡᱟᱜ ᱧᱩᱛᱩᱢ ᱨᱮ ᱠᱚ ᱫᱚᱦᱚ ᱞᱮᱫᱟ ᱾ ᱟᱡᱟᱜ ᱜᱩᱨ ᱑᱘᱐᱙ ᱨᱮ ᱵᱷᱟᱞᱵᱚᱨᱜ, ᱠᱚᱸᱭᱮ ᱦᱚᱞᱟᱺᱰ ᱨᱮ ᱦᱩᱭ ᱞᱟᱱ ᱛᱟᱦᱮᱸᱡ ᱾ ᱢᱟᱨᱪ ᱓ ᱨᱮ ᱟᱡ ᱟᱡᱟᱜ ᱡᱟᱱᱟᱢ ᱚᱲᱟᱜ ᱠᱷᱚᱱ ᱡᱦᱟᱸᱞ ᱱᱮᱫᱚᱨᱞᱮᱸᱰ ᱨᱮ ᱢᱩᱪᱟᱹᱫ ᱥᱟᱦᱮᱫ ᱤᱫᱤ ᱞᱮᱫᱟᱭ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Jan Portengen. Huizen & mensen van Valkenburg, 1795-1832. 2006. [᱑]
  2. Newspaper death notice. CBG Verzamelingen.[᱒]
  3. IPNI.  F.Allam.