ᱯᱷᱩᱞᱮᱥᱚᱨᱤ ᱠᱩᱶᱟᱨᱤ

ᱯᱷᱩᱞᱮᱥᱚᱨᱤ ᱫᱚ ᱟᱦᱳᱢ ᱨᱟᱡᱟ ᱥᱤᱣ ᱥᱤᱝᱦᱚ ᱨᱮᱱ ᱢᱟᱨᱟᱝ ᱨᱟ.ᱱᱤ ᱛᱟᱦᱮ ᱠᱟᱱᱟ। ᱟᱦᱳᱢ ᱨᱟᱡᱚᱥᱴᱤᱭᱮ ᱥᱟᱥᱚᱱ ᱞᱮᱫ ᱩᱱᱤ ᱯᱟ.ᱦᱤᱞ ᱢᱟᱭᱡᱤᱣᱮ ᱛᱟᱦᱮ ᱠᱟᱱᱟ। ᱯᱟ.ᱦᱤᱞ ᱩᱱᱤ ᱫᱚ ᱫᱮᱨᱜᱟᱶ ᱨᱮ ᱱᱟᱪᱚᱱᱤᱭᱟ.ᱭ ᱛᱟᱦᱮ ᱠᱟᱱᱟ। ᱟᱥᱚᱞ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱ ᱛᱟᱭᱟ ᱯᱷᱩᱞᱢᱩᱛᱤ। ᱥᱤᱣ ᱥᱤᱝᱦᱚ ᱩᱱᱤ ᱨᱮ ᱠᱟᱛᱮ ᱵᱟᱯᱞᱟ ᱞᱮᱫᱮᱭᱟᱭ। ᱛᱟᱭᱚᱢ ᱛᱮ ᱡᱚᱛᱤᱥ ᱠᱚᱣᱟᱜ ᱵᱷᱚᱵᱤᱥᱚ ᱵᱟᱱᱤ ᱛᱮ ᱵᱚᱛᱚᱨ ᱠᱟᱛᱮ ᱥᱤᱣ ᱥᱤᱝᱦᱚ ᱫᱚ ᱡᱚᱛᱚ ᱥᱟᱥᱚᱱ ᱫᱟᱭᱤᱠ ᱯᱷᱩᱞᱮᱥᱚᱨᱤ ᱡᱤᱢᱟ. ᱠᱟᱫᱟ। ᱠᱟᱲᱟ ᱥᱟᱠᱛᱚ ᱫᱷᱚᱨᱚᱢ ᱟᱱ ᱯᱷᱩᱞᱮᱥᱚᱨᱤ ᱥᱟᱠᱛᱚ ᱫᱷᱚᱨᱚᱢ ᱨᱟᱡᱚᱥᱴᱤ ᱨᱮᱭᱟᱜ ᱢᱟᱨᱟᱝ ᱦᱩᱭ ᱚᱪᱚᱭ ᱨᱮᱭᱟᱜ-ᱮ ᱠᱩᱨᱩᱢᱩᱴᱩ ᱞᱮᱫᱟ ᱟᱨ ᱱᱚᱣᱟ ᱞᱟ.ᱜᱤᱫ ᱠᱩᱲᱯᱟᱲ ᱞᱮᱫ ᱤᱭᱟ.ᱛᱮ ᱵᱚᱭᱥᱱᱚᱵᱽ - ᱢᱚᱣᱟᱢᱚᱨᱤᱭᱟ ᱠᱚᱫᱚ ᱵᱟᱠᱚ ᱠᱩᱥᱤ ᱞᱮᱱᱟ। ᱱᱚᱣᱟ ᱯᱟᱥᱮᱡ ᱛᱟᱭᱚᱢ ᱫᱟᱨᱟᱢ ᱢᱚᱣᱟᱢᱚᱨᱤᱭᱟ ᱦᱩᱭ ᱥᱮᱝᱜᱮᱞᱮ ᱥᱟᱞᱜᱟᱣ ᱞᱮᱫᱟ।

ᱨᱟ.ᱱᱤ ᱚᱡᱚᱜ ᱵᱟᱦᱟᱞ

ᱨᱩᱫᱽᱨᱚ ᱥᱤᱝᱦᱚ ᱣᱟᱜ ᱢᱚᱱᱮ ᱥᱟᱱᱟ ᱞᱮᱠᱟ ᱜᱮ ᱩᱱᱤ ᱨᱮᱱ ᱢᱟᱨᱟᱝᱤᱡ ᱦᱚᱯᱚᱱ ᱥᱩᱛᱟᱱᱯᱷᱟ (᱑᱗᱑᱔-᱑᱗᱔᱔) ᱨᱟᱡᱽ ᱯᱟᱴ ᱨᱮ ᱫᱩᱰᱩᱵ ᱮᱱᱟᱭ। ᱨᱟᱡᱟ ᱦᱩᱭ ᱠᱟᱛᱮ ᱩᱱᱤ ᱫᱚ ᱥᱤᱵᱽ ᱥᱤᱝᱦᱚ ᱧᱩᱛᱩᱢᱮ ᱦᱟᱛᱟᱣ ᱠᱮᱫᱟ। ᱥᱤᱵᱽ ᱥᱤᱝᱦᱚ ᱫᱚ ᱠᱮᱴᱮᱡ ᱥᱟᱠᱛᱚᱭ ᱛᱟᱦᱮ ᱠᱟᱱᱟ ᱟᱨ ᱵᱨᱟᱢᱚᱱ-ᱡᱚᱛᱤᱥ ᱠᱚᱣᱟᱜ ᱠᱟᱛᱷᱟ ᱨᱮ ᱠᱟᱡᱟᱠ ᱛᱮ ᱯᱟᱛᱤᱭᱟ.ᱣᱚᱜ ᱡᱟᱱ ᱛᱟᱦᱮᱱᱟ। ᱑᱗᱒᱒ ᱥᱮᱨᱢᱟ ᱨᱮ ᱟᱡ ᱨᱮᱱ ᱡᱚᱛᱤᱥ ᱠᱚᱠᱚ ᱞᱟ.ᱭ ᱟᱫᱮᱭᱟ ᱵᱟᱝᱢᱟ ᱟᱡ ᱪᱮᱛᱟᱱ ᱨᱮ ᱟᱯᱚᱛ ᱩᱥᱟ.ᱨᱟ ᱜᱮ ᱦᱤᱡᱩᱜ-ᱟ। ᱩᱱᱨᱮ ᱨᱟᱡᱟ ᱫᱚ ᱵᱨᱟᱢᱚᱱ ᱠᱚ ᱟᱨ ᱢᱩᱱᱫᱤᱞ ᱨᱮ ᱟ.ᱰᱤ ᱟᱭᱢᱟ ᱫᱟᱱ ᱯᱚᱱ ᱠᱚᱭ ᱮᱢ ᱠᱮᱫᱟ ᱥᱟᱶ ᱛᱮ ᱟᱡ ᱨᱮᱱ ᱨᱟ.ᱱᱤ ᱯᱷᱩᱞᱮᱥᱚᱨᱤ ᱨᱟᱡᱟᱭ ᱚᱡᱚᱜ ᱵᱟᱦᱟᱞ ᱠᱟᱛᱮ ᱢᱟᱨᱟᱝ ᱨᱟᱡᱟᱭ ᱧᱩᱛᱩᱢ᱿ᱠᱮᱫᱮᱭᱟ। ᱨᱟᱡᱟ ᱦᱩᱭ ᱠᱟᱛᱮ ᱯᱷᱩᱞᱮᱥᱚᱨᱤ ᱫᱚ ᱯᱨᱚᱛᱷᱚᱢᱮᱥᱚᱨᱤ ᱧᱩᱛᱩᱢᱮ ᱦᱟᱛᱟᱣ ᱠᱮᱫᱟ ᱟᱨ ᱨᱟᱡᱟ ᱛᱩᱞᱩᱡ ᱟᱡᱟᱜ ᱧᱩᱛᱩᱢ ᱦᱚ ᱢᱚᱦᱚᱨ ᱨᱮ ᱞᱟᱜᱟᱣ ᱚᱪᱚ ᱠᱮᱫᱟ।

ᱥᱟᱶᱛᱟ ᱠᱟ.ᱢᱤ

ᱯᱷᱩᱞᱮᱥᱚᱨᱤ ᱫᱚ ᱥᱚᱠᱩᱱᱛᱚᱞᱟ ᱥᱚᱥᱛᱚᱨ ᱟᱥᱟᱢᱤᱥ ᱛᱮ ᱛᱚᱨᱡᱚᱢᱟ ᱞᱮᱫᱟ। ᱩᱱᱤᱭᱟᱜ ᱨᱟᱡᱽ ᱵᱟᱠᱷᱚᱞ ᱨᱮ ᱢᱤᱫᱴᱨᱱ ᱥᱚᱝᱥᱠᱨᱤᱛ ᱴᱳᱞᱮ ᱛᱷᱟᱯᱚᱱ ᱞᱮᱫᱟ। ᱩᱱᱤ ᱜᱮ ᱥᱤᱵᱽ ᱥᱟᱜᱚᱨ ᱨᱮ ᱜᱚᱣᱨᱤ ᱥᱟᱜᱚᱨ ᱜᱟ.ᱰᱭᱟᱭ ᱞᱟ ᱚᱪᱚ ᱞᱮᱫᱟ ᱟᱨ ᱚᱱᱟ ᱯᱟᱨᱚᱢ ᱨᱮ ᱥᱤᱣ, ᱵᱤᱥᱱᱩ ᱟᱨ ᱫᱮᱵᱤ ᱭᱟᱜ ᱯᱮᱭᱟ ᱫᱳᱣᱞᱮ ᱵᱮᱱᱟᱣ ᱚᱪᱚ ᱞᱮᱫᱟ। ᱛᱤᱱᱟ.ᱜ ᱜᱟᱱ ᱢᱩᱱᱫᱤᱞ ᱧᱩᱛᱩᱢ ᱛᱮ ᱪᱚ ᱦᱟᱥᱟᱭ ᱫᱟᱱ ᱞᱮᱫᱟ। ᱠᱟ.ᱴᱤᱡ ᱠᱩᱲᱤ ᱠᱚ ᱠᱤᱪᱨᱤᱡ ᱛᱤᱧ ᱪᱤᱫ ᱟᱠᱚ ᱞᱟ.ᱜᱤᱫ ᱟ.ᱰᱤ ᱟ'ᱴᱮ ᱠᱩᱨᱩᱢᱩᱴᱩ ᱞᱮᱫᱟ।

ᱜᱩᱨᱚᱜ

ᱜ᱑᱗᱓᱑ ᱥᱮᱨᱢᱟ ᱨᱮ ᱯᱷᱩᱞᱮᱥᱚᱨᱤ ᱱᱚᱣᱟ ᱫᱷᱩᱲᱤ ᱫᱷᱟ.ᱨᱛᱤ ᱵᱟ.ᱜᱤᱭᱟᱫᱟ। ᱱᱤᱭᱟ. ᱛᱟᱭᱚᱢ ᱥᱩᱛᱮᱱᱯᱷᱟ ᱫᱚ ᱯᱷᱩᱞᱮᱥᱚᱨᱤ ᱨᱮᱱ ᱢᱤᱥᱨᱟᱛ ᱫᱮᱣᱯᱚᱫᱤ ᱵᱟᱯᱞᱟ ᱠᱮᱫᱮᱭᱟ ᱟᱨ ᱟᱢᱵᱤᱠᱟ ᱧᱩᱛᱩᱢ ᱠᱟᱛᱮ ᱢᱟᱨᱟᱝ ᱨᱟᱡᱟᱭ ᱵᱟᱦᱟᱞ ᱞᱮᱫᱮᱭᱟ।