ᱯᱷᱩᱞᱵᱟᱬᱤ
ᱯᱷᱩᱞᱵᱟᱬᱤ | |
|---|---|
| ᱡᱚᱜᱚᱱᱟᱛᱷ ᱢᱩᱫᱽᱨᱤ, ᱯᱷᱩᱞᱵᱟᱬᱤ ᱡᱚᱜᱚᱱᱟᱛᱷ ᱢᱩᱫᱽᱨᱤ, ᱯᱷᱩᱞᱵᱟᱬᱤ | |
  ᱯᱷᱩᱞᱵᱟᱬᱤ Location in Odisha, India  ᱯᱷᱩᱞᱵᱟᱬᱤ ᱯᱷᱩᱞᱵᱟᱬᱤ (India) | |
| ᱠᱳᱣᱚᱨᱰᱤᱱᱮᱴᱥ: 20°28′N 84°14′E / 20.47°N 84.23°ECoordinates: 20°28′N 84°14′E / 20.47°N 84.23°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱳᱰᱤᱥᱟ |
| ᱦᱚᱱᱚᱛ | ᱠᱚᱱᱫᱷᱚᱢᱟᱲ |
| ᱥᱚᱨᱠᱟᱨ | |
| • ᱞᱮᱠᱟᱱ | ᱢᱩᱱᱥᱤᱯᱟᱞᱴᱤ |
| • ᱥᱚᱝᱥᱛᱷᱟ | ᱯᱷᱩᱞᱵᱟᱬᱤ ᱢᱩᱱᱥᱤᱯᱟᱞᱴᱤ |
| ᱩᱥᱩᱞ | 485 ᱢᱤᱴᱚᱨ (1591 ᱯᱷᱩᱴ) |
| ᱦᱚᱲ ᱮᱞ (2011) | |
• ᱜᱩᱴ | ᱓᱗,᱓᱗᱑ |
| ᱯᱟ.ᱨᱥᱤ | |
| • ᱟ.ᱢᱟ.ᱞᱮᱛ | ᱷᱩᱞᱵᱟᱬᱤ ᱳᱰᱤᱭᱟ., ᱳᱰᱤᱭᱟ. ᱟᱨ ᱠᱩᱭᱤ |
| ᱚᱠᱛᱚ ᱴᱚᱴᱷᱟ | ᱭᱩ.ᱴᱤ.ᱥᱤ+5:30 (IST) |
| PIN | 762 001 & 762002 |
| Telephone code | 06842 |
| ᱜᱟᱹᱰᱤ ᱨᱮᱡᱤᱥᱴᱨᱮᱥᱚᱱ | OD-12 |
| ᱣᱮᱵᱽᱥᱟᱭᱤᱴ | odisha |
ᱯᱷᱩᱞᱵᱟᱬᱤ ᱫᱚ ᱥᱤᱧᱚᱛ ᱨᱮᱭᱟᱜ ᱳᱰᱤᱥᱟ ᱨᱮ ᱢᱮᱱᱟᱜ ᱠᱚᱱᱫᱷᱚᱢᱟᱲ ᱦᱚᱱᱚᱛ ᱨᱮᱭᱟᱜ ᱢᱤᱫ ᱥᱚᱫᱚᱨ ᱢᱚᱦᱠᱩᱢᱟ ᱟᱨ ᱢᱩᱠᱷᱤᱭᱟᱹ ᱵᱟᱡᱟᱨ ᱠᱟᱱᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱩᱞᱵᱟᱬᱤ ᱫᱚ ᱵᱷᱩᱵᱚᱱᱮᱥᱚᱨ ᱠᱷᱚᱱ ᱒᱑᱑ ᱠᱤᱹᱢᱤᱹ ᱥᱟᱺᱜᱤᱧ ᱨᱮ ᱟᱨ ᱵᱚᱨᱦᱚᱢᱯᱩᱨ ᱠᱷᱚᱱ ᱫᱚ ᱑᱖᱕ ᱠᱤᱹᱢᱤᱹ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ [᱑] ᱱᱚᱰᱮ ᱠᱷᱚᱱ ᱥᱩᱨ ᱨᱮᱭᱟᱜ ᱨᱮᱞ ᱥᱴᱮᱥᱚᱱ ᱫᱚ ᱨᱚᱭᱤᱨᱟᱠᱷᱳᱞ ᱯᱟᱞᱮ ᱑᱐᱐ ᱠᱤᱹᱢᱤᱹ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾ ᱫᱚᱨᱮᱭᱟ ᱞᱟᱛᱟᱨ ᱠᱷᱚᱱ ᱱᱚᱣᱟ ᱨᱮᱭᱟᱜ ᱩᱥᱩᱞ ᱫᱚ ᱔᱘᱕ ᱢᱤᱴᱚᱨ (᱑᱕᱙᱑ ᱯᱷᱩᱴ) ᱾ ᱱᱚᱣᱟ ᱵᱟᱡᱟᱨ ᱨᱮᱭᱟᱜ ᱜᱚᱴᱟᱯᱟᱲᱟᱨᱮ ᱵᱤᱨ ᱟᱨ ᱵᱩᱨᱩ ᱠᱚᱜᱮ ᱟᱴᱮᱫ ᱮᱥᱮᱫ ᱟᱠᱟᱱᱟ ᱾ ᱱᱚᱰᱮ ᱫᱚ ᱠᱟᱹᱴᱤᱡ ᱥᱮᱬᱟ ᱡᱚᱛᱚ ᱞᱮᱠᱟᱱ ᱡᱷᱟᱨᱱᱟ ᱢᱮᱢᱟᱜᱼᱟ ᱢᱮᱱᱛᱮ ᱧᱮᱞᱚᱜᱼᱟ ᱾ ᱓᱑ ᱠᱤᱹᱢᱤᱹ ᱥᱟᱺᱜᱤᱧ ᱨᱮ ᱢᱮᱱᱟᱜ ᱠᱚᱴᱚᱨᱟᱢᱟᱲᱚ ᱡᱷᱟᱨᱱᱟ ᱫᱚ ᱢᱤᱫ ᱥᱤᱨᱡᱚᱱ ᱪᱮᱦᱨᱟ ᱨᱮᱭᱟᱜ ᱵᱟᱹᱠᱷᱳᱞ ᱠᱟᱱᱟ ᱾ ᱚᱱᱠᱟ ᱜᱮ ᱯᱩᱴᱩᱰᱤ, ᱯᱚᱠᱚᱰᱟᱡᱷᱚᱨ, ᱩᱨᱢᱟᱜᱚᱰ ᱮᱢᱟᱱ ᱴᱚᱴᱷᱟᱨᱮ ᱢᱚᱱ ᱞᱩᱵᱷᱟᱹᱣ ᱡᱷᱟᱨᱱᱟ ᱮᱢᱟᱱ ᱧᱮᱞ ᱡᱚᱝ ᱨᱮ ᱧᱟᱢᱚᱜᱼᱟ ᱾ ᱱᱚᱣᱟ ᱵᱟᱡᱟᱨ ᱫᱚ ᱥᱟᱞᱚᱝᱠᱤ ᱱᱟᱹᱭ ᱫᱷᱟᱨᱮ ᱨᱮ ᱢᱮᱱᱟᱜᱼᱟ ᱾
ᱦᱚᱲ ᱮᱞᱮᱞ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱑ ᱥᱟᱞᱮ ᱨᱮᱭᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱯᱷᱩᱞᱵᱟᱬᱤ ᱵᱟᱡᱟᱨ ᱨᱤᱱ ᱡᱚᱛᱚ ᱛᱮ ᱦᱚᱲ ᱮᱞᱮᱞ ᱫᱚ ᱓᱓᱘᱘᱗ ᱢᱮᱱᱟᱜ ᱠᱚᱣᱟ ᱾[᱒] ᱩᱱᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱕᱒ᱹ᱘᱑% ᱫᱚ ᱠᱚᱲᱟ ᱦᱚᱯᱚᱱ ᱢᱮᱱᱟᱜ ᱠᱚ ᱚᱠᱛᱚ ᱨᱮ ᱔᱗ᱹ᱑᱙% ᱫᱚ ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ ᱾ ᱯᱷᱩᱞᱵᱟᱬᱤ ᱨᱮᱭᱟᱜ ᱥᱮᱪᱮᱫ ᱫᱚᱨ ᱫᱚ ᱗᱖ᱹ᱐᱔% ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱡᱟᱹᱛᱤᱭᱟᱹᱨᱤ ᱫᱚᱨ ᱠᱷᱚᱱ ᱑᱑ᱹ᱒᱐% ᱠᱚᱢ ᱢᱮᱱᱟᱜᱼᱟ ᱾ ᱩᱱᱠᱩ ᱠᱚ ᱵᱷᱤᱛᱨᱤ ᱠᱷᱚᱱ ᱔᱓ᱹ᱙᱕% ᱠᱚᱲᱟ ᱦᱚᱯᱚᱱ ᱟᱨ ᱓᱒ᱹ᱐᱙% ᱠᱩᱲᱤ ᱦᱚᱯᱚᱱ ᱢᱮᱱᱟᱜ ᱠᱚᱣᱟ ᱾ ᱑᱑ᱹ᱗᱖% ᱦᱚᱲ ᱚᱸᱰᱮ ᱫᱚ ᱖ ᱥᱮᱨᱢᱟ ᱠᱷᱚᱱ ᱠᱚᱢ ᱵᱚᱭᱚᱥ ᱨᱤᱱ ᱦᱚᱟ ᱢᱮᱱᱟᱜ ᱠᱚᱣᱟ ᱾[᱒]
ᱯᱟᱨᱟᱵᱽ ᱯᱩᱱᱟᱹᱭ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱚᱛᱚ ᱵᱟᱨ ᱥᱮᱨᱢᱟ ᱨᱮ ᱢᱤᱫ ᱫᱷᱟᱣ ᱟᱭᱳ ᱱᱟᱨᱟᱭᱚᱬᱤ ᱴᱷᱟᱹᱠᱨᱟᱹᱱ ᱡᱟᱛᱨᱟ ᱟᱹᱰᱤ ᱨᱟᱹᱥᱠᱟᱹ ᱨᱚᱢᱚᱡᱽ ᱛᱮ ᱦᱩᱭᱩᱜᱼᱟ ᱾ ᱛᱷᱟᱯᱚᱱ ᱟᱠᱟᱫᱮ ᱛᱦᱟᱱ ᱨᱮ ᱫᱤᱱ ᱦᱤᱞᱚᱜ ᱴᱷᱟᱹᱣᱠᱟᱹ ᱦᱟᱠᱟᱫ ᱚᱠᱛᱚ ᱨᱮ ᱵᱚᱸᱜᱟ ᱵᱳᱨᱳ ᱟᱨ ᱟᱹᱭᱩᱵ ᱪᱩᱢᱟᱹᱣᱲᱟ ᱦᱩᱭᱩᱜᱼᱟ ᱾ ᱥᱟᱹᱨᱫᱤ ᱢᱟᱦᱟᱸ ᱟᱨ ᱩᱶᱟᱹᱥ ᱪᱷᱟᱰᱟ ᱠᱟᱛᱮ ᱡᱟᱛᱨᱟ ᱮᱛᱚᱦᱚᱵ ᱠᱷᱚᱱ ᱢᱩᱪᱟᱹᱫ ᱢᱟᱦᱟᱸ ᱫᱷᱟᱹᱵᱤᱡ ᱫᱤᱱ ᱦᱤᱞᱚᱜ ᱟᱹᱭᱩᱵ ᱵᱮᱲᱟ ᱪᱩᱢᱟᱹᱣᱲᱟ ᱛᱟᱭᱚᱢ ᱟᱭᱳ ᱱᱟᱨᱟᱭᱚᱬᱤ ᱟᱡ ᱥᱟᱶᱨᱮ ᱢᱮᱱᱟᱜ ᱠᱚ ᱫᱮᱵᱤ ᱠᱚ ᱥᱟᱶ ᱱᱟᱜᱟᱨ ᱥᱟᱸᱜᱷᱟᱨ ᱞᱟᱹᱜᱤᱫ ᱟᱹᱛᱩ ᱴᱚᱞᱟ ᱟᱨᱵᱟᱝ ᱵᱟᱡᱟᱨ ᱠᱚᱨᱮ ᱫᱟᱬᱟ ᱠᱟᱛᱮ ᱵᱤᱞᱚᱢ ᱧᱤᱫᱟᱹᱨᱮ ᱟᱡᱟᱜ ᱛᱷᱟᱯᱚᱱ ᱴᱚᱴᱷᱟ ᱛᱮᱭ ᱨᱩᱣᱟᱹᱲᱟ ᱾ ᱥᱟᱸᱜᱷᱟᱨ ᱚᱠᱛᱚ ᱨᱮ ᱞᱮᱠᱟᱱ ᱞᱮᱠᱟᱱ ᱨᱩᱯ ᱨᱮ ᱥᱚᱡᱽ ᱵᱟᱡᱽ ᱠᱟᱛᱮ ᱥᱟᱸᱜᱷᱟᱨ ᱞᱟᱹᱜᱤᱫ ᱠᱚ ᱚᱰᱚᱠᱚᱜᱼᱟ ᱾
ᱯᱟᱹᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱳᱰᱤᱭᱟᱹ ᱯᱟᱹᱨᱥᱤ ᱯᱷᱩᱞᱵᱟᱬᱤ ᱨᱮᱭᱟᱜ ᱫᱚ ᱥᱚᱨᱠᱟᱨᱤᱭᱟᱹ ᱯᱟᱹᱨᱥᱤ ᱠᱟᱱᱟ ᱾
- ↑ "Falling Rain Genomics, Inc - Phulabani". Archived from the original on 2010-12-22. Retrieved 2019-07-31.
- 1 2 "way back machine - ᱥᱮᱱᱥᱚᱥ ᱚᱯᱷ ᱤᱱᱰᱤᱭᱟ". Archived from the original on 16 June 2004. Retrieved 24 September 2015.