ᱯᱷᱩᱴᱟᱹ ᱠᱟᱪᱟ
ᱯᱷᱩᱴᱟᱹ ᱠᱟᱪᱟ ᱫᱚ ᱢᱤᱫ ᱥᱟᱱᱛᱟᱲᱤ ᱞᱩᱜᱽᱲᱤ ᱠᱟᱱᱟ ᱠᱚᱲᱟ ᱦᱚᱯᱚᱱ ᱠᱚ ᱦᱚᱨᱚᱜ ᱞᱟᱹᱜᱤᱫ ᱛᱮ ᱾ ᱱᱚᱣᱟ ᱞᱩᱜᱽᱲᱤ ᱫᱚ ᱦᱚᱲᱢᱚ ᱨᱮ ᱰᱟᱱᱰᱟ ᱠᱷᱚᱱ ᱞᱟᱛᱟᱨ ᱵᱷᱟᱜᱽ ᱫᱟᱯᱟᱞ ᱞᱟᱹᱜᱤᱫ ᱵᱮᱵᱷᱨᱚᱜᱼᱟ ᱾ ᱟᱭᱢᱟ ᱦᱚᱲ ᱯᱷᱩᱴᱟᱹ ᱠᱟᱪᱟ ᱮᱴᱟᱜ ᱮᱴᱟᱜ ᱥᱴᱟᱭᱤᱞ ᱛᱮᱠᱚ ᱦᱚᱨᱚᱜᱟ ᱾ ᱯᱷᱩᱴᱟᱹ ᱠᱟᱪᱟ ᱫᱚ ᱢᱤᱫ ᱯᱩᱱ ᱠᱚᱬ ᱞᱩᱜᱽᱲᱤ ᱠᱟᱱᱟ, ᱟᱱᱟ ᱨᱮ ᱨᱚᱝ ᱥᱩᱛᱟᱹᱢ ᱨᱮᱱᱟᱜ ᱯᱩᱱ ᱠᱚᱢ ᱯᱷᱩᱴᱟᱹ ᱛᱟᱦᱮᱱᱟ, ᱵᱟᱱᱟᱨ ᱯᱟᱥᱴᱟ ᱢᱩᱪᱟᱹᱫ ᱨᱮ ᱦᱚᱸ ᱢᱚᱴᱟ ᱥᱩᱛᱟᱹᱢ ᱨᱮᱱᱟᱜ ᱵᱟᱦᱟ ᱨᱟᱠᱟᱵ ᱠᱚᱜ ᱟ ᱾ ᱡᱚᱡᱚᱢ ᱯᱟᱥᱴᱟ ᱨᱮ ᱢᱤᱫ ᱢᱚᱠᱟ ᱞᱩᱜᱽᱲᱤ ᱟᱲᱟᱜ ᱠᱟᱛᱮ ᱵᱟᱹᱲᱛᱤ ᱞᱩᱜᱽᱲᱤ ᱫᱚ ᱡᱚᱛᱚ ᱞᱮᱸᱜᱟ ᱥᱮᱫ ᱟᱹᱜᱩ ᱠᱟᱛᱮ ᱰᱟᱱᱰᱟ ᱨᱮ ᱪᱮᱛᱟᱱ ᱯᱟᱹᱰᱞᱟᱹᱠ ᱛᱚᱞ ᱦᱩᱭᱩᱜᱼᱟ ᱾
ᱪᱷᱟᱹᱴᱤᱭᱟᱹᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱷᱩᱴᱟᱹ ᱠᱟᱪᱟ ᱫᱚ ᱢᱤᱫ ᱯᱩᱱ ᱠᱚᱬ ᱛᱮᱧ ᱞᱩᱜᱽᱲᱤ ᱠᱟᱱᱟ ᱾
ᱯᱷᱩᱴᱟᱹ ᱠᱟᱪᱟ ᱥᱯᱮᱥᱤᱯᱷᱤᱠᱮᱥᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ᱡᱤᱞᱤᱧ ᱟᱨ ᱚᱥᱟᱨ
- ᱠᱟᱪᱟ ᱨᱮᱱᱟᱜ ᱵᱷᱤᱱᱟᱹ ᱵᱷᱤᱱᱟᱹ ᱯᱟᱨᱴ
- ᱠᱟᱪᱟ ᱨᱚᱝ
- ᱠᱟᱪᱟ ᱛᱮᱧ
ᱟᱹᱨᱤ ᱪᱟᱹᱞᱤ ᱨᱮ ᱵᱮᱵᱷᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱪᱷᱟᱹᱴᱤᱭᱟᱹᱨ
- ᱵᱟᱯᱞᱟ
- ᱵᱷᱟᱸᱰᱟᱱ
ᱞᱩᱜᱽᱲᱤ ᱛᱮᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱥᱩᱛᱟᱹᱢ ᱵᱮᱱᱟᱣ
ᱥᱟᱱᱛᱟᱲ ᱦᱚᱨᱚᱜ ᱞᱩᱜᱽᱲᱤ ᱠᱚ ᱫᱚ ᱥᱮᱫᱟᱭ ᱫᱚ ᱛᱚᱲᱮ ᱥᱩᱛᱟᱹᱢ ᱛᱮᱜᱮ ᱛᱮᱧᱚᱜ ᱠᱟᱱ ᱛᱟᱦᱮᱸᱫ ᱾ ᱜᱳᱰᱟ, ᱵᱟᱲᱜᱮ ᱟᱨ ᱵᱟᱹᱫᱽ ᱟᱲᱮ ᱠᱚᱨᱮ ᱱᱚᱣᱟ ᱥᱩᱛᱟᱹᱢ ᱫᱟᱨᱮ ᱨᱚᱦᱚᱭᱚᱜ ᱠᱟᱱ ᱛᱟᱦᱮᱸᱫ ᱾ ᱱᱚᱣᱟ ᱛᱩᱞᱟᱹᱢ ᱫᱟᱨᱮ ᱫᱚ ᱜᱮᱞ ᱢᱚᱠᱟ ᱫᱷᱟᱹᱵᱤᱡ ᱩᱥᱩᱞ ᱦᱟᱨᱟᱜᱼᱟ ᱾ ᱫᱟᱨᱮ ᱦᱟᱨᱟ ᱥᱟᱹᱛ ᱞᱮᱱ ᱠᱷᱟᱱ ᱩᱴᱤ ᱠᱮ ᱩᱴᱤ ᱯᱩᱸᱰ ᱥᱟᱥᱟᱝ ᱵᱟᱦᱟ ᱯᱷᱩᱴᱟᱹᱣᱜᱼᱟ ᱟᱨ ᱵᱟᱦᱟ ᱧᱩᱨ ᱞᱮᱱ ᱠᱷᱟᱱ ᱚᱱᱰᱮ ᱜᱮ ᱛᱩᱞᱟᱢ ᱫᱚ ᱡᱚᱜᱼᱟ ᱾ ᱯᱟᱛᱚᱢ ᱮᱥᱮᱫ ᱛᱩᱞᱟᱢ ᱡᱚ ᱨᱮ ᱦᱮᱱᱫᱮ ᱦᱮᱱᱫᱮ ᱡᱟᱝ ᱦᱚᱸ ᱛᱟᱦᱮᱱᱟ ᱾ ᱡᱚ ᱨᱚᱦᱚᱲ ᱞᱮᱱ ᱠᱷᱟᱱ ᱵᱟᱹᱭ ᱵᱟᱹᱭ ᱛᱮ ᱯᱚᱴᱚᱢ ᱫᱚ ᱨᱟᱲᱟᱜ ᱟ ᱟᱨ ᱛᱩᱞᱟᱹᱢ ᱥᱩᱛᱟᱹᱢ ᱥᱤᱛᱩᱝ ᱧᱟᱢ ᱛᱮ ᱨᱚᱦᱚᱲ ᱤᱫᱤᱜᱼᱟ ᱾ ᱛᱩᱞᱟᱹᱢ ᱨᱚᱦᱚᱲ ᱥᱟᱹᱛ ᱞᱮᱱ ᱠᱷᱟᱱ ᱡᱚ ᱯᱚᱛᱚᱢ ᱜᱷᱳᱱ ᱵᱟᱦᱨᱮ ᱚᱰᱚᱠᱚᱜᱼᱟ ᱟᱨ ᱱᱚᱣᱟ ᱚᱠᱛᱚ ᱜᱮ ᱛᱩᱞᱟᱹᱢ ᱫᱭ ᱦᱟᱞᱟᱝ ᱟᱨ ᱵᱟᱝ ᱜᱚᱫ ᱦᱩᱭᱩᱜᱼᱟ ᱾ ᱱᱚᱣᱟ ᱜᱚᱫ ᱛᱩᱞᱟᱹᱢ ᱨᱮ ᱫᱚ ᱡᱚ ᱨᱮᱱᱟᱜ ᱨᱚᱦᱚᱲ ᱥᱟᱠᱟᱢ ᱦᱚᱸ ᱛᱟᱦᱮᱱ ᱜᱮᱭᱟ ᱟᱟᱨ ᱡᱟᱝ ᱦᱚᱸ ᱛᱟᱦᱮᱱ ᱜᱮᱭᱟ ᱾ ᱜᱚᱫ ᱦᱩᱭ ᱠᱟᱛᱮ ᱴᱩᱞᱟᱹᱢ ᱫᱚ ᱵᱷᱟᱹᱜᱤ ᱥᱟᱦᱤᱸᱡ ᱨᱚᱦᱚᱲᱚᱜ ᱞᱟᱹᱜᱤᱫ ᱛᱟᱥᱮ ᱦᱩᱭᱩᱜᱼᱟ, ᱡᱮᱢᱚᱱ ᱰᱩᱢᱵᱩᱜ ᱟᱠᱟᱱ ᱛᱩᱞᱟᱹᱢ ᱠᱚ ᱨᱚᱦᱚᱲ ᱛᱮ ᱯᱟᱥᱱᱟᱣ ᱤᱫᱤ ᱜᱚᱫᱚᱜ ᱢᱟ ᱾ ᱚᱱᱟ ᱛᱟᱭᱟᱢ ᱛᱩᱞᱟᱹᱢ ᱠᱷᱚᱱ ᱨᱚᱦᱚᱲ ᱥᱟᱠᱟᱢ ᱟᱨ ᱡᱟᱝ ᱠᱚ ᱥᱟᱞᱟ ᱚᱰᱚᱠ ᱦᱩᱭᱩᱜᱼᱟ ᱟᱨ ᱛᱤ ᱛᱮ ᱪᱷᱤᱢᱵᱲᱟᱹᱣ ᱦᱩᱭᱩᱜᱼᱟ ᱾ ᱪᱷᱤᱸᱵᱽᱲᱟᱹᱣ ᱦᱩᱭ ᱠᱟᱛᱮ ᱛᱟᱥᱮ ᱨᱮᱜᱮ ᱦᱟᱯᱟ ᱛᱮ ᱫᱟᱞ ᱫᱟᱞ ᱠᱟᱛᱮ ᱛᱩᱞᱟᱹᱢ ᱫᱚ ᱫᱟᱞ ᱨᱟᱣᱟᱞ ᱦᱩᱭᱩᱜᱼᱟ ᱾ ᱚᱱᱟ ᱛᱟᱭᱟᱢ ᱢᱮᱬᱦᱮᱫ ᱱᱟᱹᱠᱤᱡ ᱟᱨ ᱵᱟᱝ ᱠᱟᱴᱷ ᱱᱟᱹᱠᱤᱡ ᱛᱮ ᱟᱨ ᱦᱚᱸ ᱵᱷᱟᱹᱜᱤ ᱛᱮ ᱪᱷᱤᱢᱵᱲᱤ ᱞᱟᱹᱜᱤᱫ ᱱᱟᱹᱠᱤᱡ ᱦᱩᱭᱩᱜᱼᱟ ᱾ ᱞᱟᱦᱟ ᱨᱮ ᱠᱤᱴᱤᱡ ᱯᱷᱟᱸᱫᱽᱲᱟ ᱱᱟᱹᱠᱤᱡ ᱛᱮ ᱱᱟᱹᱠᱤᱡ ᱠᱟᱛᱮ ᱛᱟᱭᱟᱢ ᱫᱚ ᱥᱩᱨ ᱥᱩᱨ ᱰᱟᱴᱟ ᱛᱟᱦᱮᱱ ᱱᱟᱹᱠᱤᱡ ᱛᱮ ᱪᱷᱤᱸᱵᱽᱲᱤ ᱦᱩᱭᱩᱜᱼᱟ ᱾ ᱢᱤᱢᱤᱫ ᱴᱟᱝ ᱥᱩᱛᱟᱹᱢ ᱟᱯᱟᱱ ᱟᱹᱯᱤᱱ ᱞᱮᱱ ᱠᱷᱟᱱ ᱱᱟᱱᱦᱟ ᱠᱷᱚᱱ ᱱᱟᱱᱦᱟ ᱥᱩᱛᱟᱹᱢ ᱯᱮᱴᱮᱨ ᱜᱟᱱᱚᱜᱼᱟ ᱾ ᱱᱚᱣᱟ ᱥᱩᱛᱟᱹᱢ ᱠᱷᱚᱱ ᱜᱮ ᱛᱤ ᱛᱮ ᱛᱟᱹᱠᱞᱤ ᱵᱮᱵᱷᱟᱨ ᱠᱟᱛᱮ ᱱᱚᱣᱟ ᱛᱩᱞᱟᱹᱢ ᱠᱷᱚᱱ ᱥᱩᱛᱟᱹᱢ ᱵᱮᱱᱟᱣᱜᱼᱟ ᱾ ᱢᱤᱫ ᱛᱤ ᱨᱮ ᱪᱷᱤᱢᱵᱲᱤ ᱛᱩᱞᱟᱹᱢ ᱥᱟᱵ ᱠᱟᱛᱮ ᱟᱨ ᱢᱤᱫ ᱛᱤ ᱨᱮ ᱴᱟᱠᱞᱤ ᱥᱟᱵ ᱠᱟᱛᱮ ᱵᱟᱹᱭ ᱵᱟᱹᱭ ᱛᱮ ᱟᱹᱪᱩᱨ ᱞᱮᱠᱷᱟᱱ ᱪᱷᱤᱢᱵᱲᱤ ᱛᱩᱞᱟᱹᱢ ᱵᱟᱹᱭ ᱵᱟᱹᱭ ᱛᱮ ᱩᱧᱩᱜᱼᱟ ᱟᱨ ᱖ᱼ᱙ ᱜᱚᱴᱟᱜ ᱛᱩᱞᱟᱢ ᱥᱟᱶ ᱛᱮ ᱩᱱᱧ ᱢᱮᱥᱟᱜᱼᱟ ᱾ ᱱᱟᱱᱦᱟ ᱥᱩᱛᱟᱢ ᱞᱟᱹᱠᱛᱤᱜ ᱠᱟᱱ ᱠᱷᱟᱱ ᱠᱟᱹᱡ ᱠᱟᱹᱡ ᱛᱩᱞᱟᱹᱢ ᱟᱲᱟᱜ ᱦᱩᱭᱩᱜᱼᱟ ᱟᱨ ᱢᱚᱴᱟ ᱥᱩᱛᱟᱹᱢ ᱞᱟᱹᱠᱛᱤᱜ ᱠᱟᱱ ᱠᱷᱟᱱ ᱱᱟᱥᱮ ᱰᱮᱦᱮᱨ ᱰᱮᱦᱮᱨ ᱛᱩᱞᱟᱹᱢ ᱞᱮᱱᱜᱟ ᱛᱤ ᱠᱷᱚᱱ ᱟᱲᱟᱜ ᱦᱩᱭᱩᱜᱼᱟ ᱾ ᱥᱩᱛᱟᱹᱢ ᱵᱮᱱᱟᱣ ᱤᱫᱤ ᱠᱟᱛᱮ ᱛᱟᱹᱠᱞᱤ ᱨᱮ ᱜᱩᱲᱤᱭᱟᱹᱣ ᱤᱫᱤ ᱦᱩᱭᱩᱜᱼᱟ ᱾ ᱚᱱᱟ ᱛᱟᱭᱟᱢ ᱛᱟᱠᱞᱤ ᱨᱮ ᱵᱮᱱᱟᱣ ᱟᱠᱟᱱ ᱥᱩᱛᱟᱢ ᱮᱴᱟᱜ ᱨᱤᱞ ᱨᱮ ᱜᱩᱲᱤᱭᱟᱣ ᱩᱪᱟᱹᱲ ᱦᱩᱭᱩᱜᱼᱟ ᱟᱨ ᱯᱟᱸᱠ ᱧᱚᱜ ᱦᱩᱭᱩᱜᱼᱟ ᱾ ᱚᱱᱟ ᱛᱟᱭᱟᱢ ᱞᱟᱹᱪᱷᱤ ᱵᱮᱱᱟᱣ ᱠᱟᱛᱮ ᱨᱚᱝ ᱞᱟᱹᱜᱤᱫ ᱵᱷᱮᱡᱟ ᱦᱩᱭᱩᱜᱼᱟ ᱾
- ᱥᱩᱛᱟᱹᱢ ᱨᱚᱝ
ᱞᱩᱜᱽᱲᱤ ᱛᱮᱧ ᱥᱩᱛᱟᱹᱢ ᱫᱚ ᱥᱮᱫᱟᱭ ᱫᱚ ᱪᱟᱹᱭᱞᱤ ᱨᱮᱦᱮᱫ ᱟᱨ ᱪᱷᱟᱞ ᱛᱮ ᱠᱚ ᱨᱚᱝ ᱛᱟᱦᱮᱸᱫ ᱱᱮᱛᱟᱨ ᱫᱚ ᱵᱟᱡᱟᱨ ᱨᱮ ᱧᱟᱢᱚᱜ ᱠᱟᱱ ᱨᱚᱝ ᱵᱮᱵᱷᱟᱨ ᱠᱟᱛᱮ ᱥᱩᱛᱟᱢ ᱨᱚᱝ ᱦᱩᱭᱩᱜ ᱠᱟᱱᱟ ᱾
- ᱛᱮᱧ
ᱥᱟᱱᱛᱟᱲᱤ ᱞᱩᱜᱽᱲᱤ ᱠᱚ ᱫᱚ ᱯᱮᱬᱮ ᱞᱩᱢ ᱨᱮ ᱛᱮᱧ ᱟᱠᱟᱱ ᱞᱩᱜᱽᱲᱤ ᱠᱚ ᱠᱟᱱᱟ ᱡᱟᱦᱟᱸ ᱠᱚᱣᱟᱜ ᱥᱟᱱᱛᱟᱲᱤ ᱥᱟᱶᱛᱟ ᱨᱮ ᱟᱭᱢᱟ ᱵᱟᱯᱞᱟ ᱵᱮᱦᱟ ᱪᱷᱩᱛ ᱪᱷᱟᱹᱴᱤᱭᱟᱹᱨ ᱠᱚᱨᱮ ᱱᱤᱦᱟᱹᱛᱤ ᱞᱟᱹᱠᱛᱤᱜᱼᱟ ᱾ ᱱᱚᱣᱟ ᱞᱩᱜᱽᱲᱤ ᱠᱚ ᱫᱚ ᱛᱚᱲᱮ ᱥᱩᱛᱟᱹᱢ ᱟᱨ ᱵᱟᱝ ᱞᱩᱢᱟᱹᱝ ᱥᱩᱛᱟᱹᱢ ᱛᱮᱜᱮ ᱵᱮᱱᱟᱣᱜᱼᱟ ᱾
ᱠᱤᱨᱤᱧ ᱟᱠᱷᱨᱤᱧ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]