ᱯᱷᱮᱭᱡᱟᱵᱟᱫᱽ, ᱵᱚᱫᱚᱠᱷᱥᱟᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ


ᱵᱚᱫᱚᱠᱷᱥᱟᱱ ᱴᱚᱴᱷᱟ ᱨᱮᱭᱟᱜ ᱨᱟᱡᱽᱜᱟᱲ ᱯᱷᱮᱭᱡᱟᱵᱟᱫᱽ ᱨᱮᱭᱟᱜ ᱢᱤᱫ ᱱᱚᱡᱚᱨ

ᱯᱷᱮᱭᱡᱟᱵᱟᱫᱽ, फ़ैज़ाबाद​ Fayzabad / فيض آباد

ᱴᱚᱴᱷᱟ ᱟᱨ ᱫᱤᱥᱚᱢ :- ᱵᱚᱫᱚᱠᱷᱥᱟᱱ, ᱟᱯᱷᱜᱟᱱᱤᱥᱛᱷᱟᱱ

ᱫᱤᱥᱣᱟ. ᱮᱞ :- ᱔᱔,᱔᱒᱑

ᱡᱤᱞᱞᱟ:- ᱯᱷᱮᱭᱡᱟᱵᱟᱫᱽ ᱾

ᱯᱷᱮᱭᱡᱟᱵᱟᱫᱽ (ᱯᱷᱟᱨᱥᱤ: آباد‎ فيض, ᱤᱸᱜᱽᱞᱤᱥ: ᱯᱷᱮᱭᱡᱟᱵᱟᱫᱽ) ᱩᱛᱨᱤ ᱟᱯᱷᱜᱟᱱᱤᱥᱛᱷᱟᱱ ᱨᱮᱭᱟᱜ ᱵᱚᱫᱚᱠᱷᱥᱟᱱ ᱴᱚᱴᱷᱟ ᱨᱮᱭᱟᱜ ᱨᱟᱡᱽᱜᱟᱲ ᱟᱨ ᱡᱚᱛᱚ ᱠᱷᱚᱱ ᱢᱟᱨᱟᱝ ᱵᱟᱡᱟᱨ ᱠᱟᱱᱟ ᱾ ᱑,᱒᱐᱐ ᱢᱤᱴᱟ.ᱨ ᱨᱮᱭᱟᱜ ᱞᱟᱯᱷᱟᱝ ᱨᱮ ᱠᱳᱠᱚᱪᱟ ᱜᱟᱰᱟ ᱨᱮᱭᱟᱜ ᱫᱷᱟᱨᱮ ᱨᱮ ᱢᱮᱱᱟᱜ ᱱᱚᱣᱟ ᱵᱟᱡᱟᱨ ᱫᱚ ᱯᱟᱢᱤᱨ ᱡᱟᱭᱜᱟ ᱨᱮᱭᱟᱜ ᱢᱤᱫ ᱢᱩᱬᱩᱛ ᱵᱮᱯᱟᱨᱮᱛ ᱟᱨ ᱯᱨᱚᱥᱟᱥᱳᱱᱤᱠ ᱛᱟᱞᱢᱟ ᱦᱚᱸ ᱠᱟᱱᱟ ᱾

ᱦᱚᱲ, ᱯᱟ.ᱨᱥᱤ ᱟᱨ ᱞᱟᱠᱪᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱲᱚᱠ ᱨᱮᱭᱟᱜ ᱟᱱᱟᱴ ᱠᱷᱟ.ᱛᱤᱨ ᱛᱮ ᱯᱷᱮᱭᱡᱟᱵᱟᱫᱽ ᱱᱟᱜᱟᱢᱮᱛ ᱨᱩᱯ ᱠᱷᱚᱱ ᱥᱟᱨᱮᱡᱟᱜ ᱟᱯᱷᱜᱟᱱᱤᱥᱛᱷᱟᱱ ᱠᱷᱚᱱ ᱱᱟᱥᱮ ᱵᱷᱮᱜᱟᱨ ᱵᱷᱮᱯᱮᱫ ᱛᱟᱦᱮᱸ ᱟᱠᱟᱱᱟ ᱾ ᱱᱚᱰᱮᱱ ᱠᱚ ᱵᱟ.ᱲᱛᱤ ᱠᱷᱚᱱ ᱵᱟ.ᱲᱛᱤ ᱦᱚᱲ ᱫᱚ ᱛᱟᱡᱤᱠ ᱵᱷᱤᱲᱟ. ᱨᱤᱱ ᱠᱟᱱᱟ ᱠᱚ ᱾ ᱚᱱᱠᱟ ᱫᱚ ᱱᱤᱛᱚᱜ ᱱᱚᱰᱮ ᱯᱚᱥᱛᱩᱱ, ᱩᱡᱽᱵᱮᱠ, ᱟᱨ ᱛᱩᱨᱠᱢᱮᱱ ᱦᱚᱲ ᱦᱚᱸ ᱠᱚ ᱵᱟᱥᱟᱜ ᱠᱟᱱᱟ ᱾ ᱵᱤᱨ ᱴᱚᱴᱷᱟ ᱦᱩᱭ ᱠᱚᱜ ᱠᱷᱟ.ᱛᱤᱨ ᱱᱚᱰᱮᱱ ᱠᱚᱜ ᱵᱷᱮᱜᱟᱨ ᱵᱷᱮᱜᱟᱨ ᱜᱟ.ᱫᱤᱨᱮ ᱟ.ᱰᱤ ᱞᱮᱠᱟᱱ ᱯᱟ.ᱨᱥᱤ ᱠᱚ ᱨᱚᱲᱟ ᱾ ᱡᱟᱦᱟᱸᱨᱮ ᱫᱚᱨᱤ ᱯᱷᱟᱨᱥᱤ, ᱢᱩᱱᱡᱟᱱᱤ, ᱵᱟᱠᱷᱤ, ᱯᱚᱥᱛᱳ, ᱤᱥᱠᱟᱥᱤᱢᱤ, ᱭᱟᱡᱽᱜᱩᱞᱟᱢᱤ, ᱥᱚᱨᱤᱠᱚᱞᱤ, ᱥᱩᱜᱽᱱᱟᱭᱤ ᱟᱨ ᱨᱚᱥᱟᱱᱤ ᱥᱮᱞᱮᱫ ᱢᱮᱱᱟᱜᱼᱟ ᱾ ᱴᱟᱣᱴ ᱨᱮᱫᱚ ᱵᱟᱨᱭᱟ ᱢᱟᱨᱟᱝ ᱵᱟᱡᱟᱨ ᱢᱮᱱᱟᱜᱼᱟ ᱡᱟᱦᱟᱸᱨᱮ ᱠᱟᱥᱠᱚᱢ, ᱞᱩᱜᱽᱲᱤ, ᱵᱩᱞᱩᱝ, ᱪᱤᱱᱤ, ᱤᱸᱰᱤᱜᱳ ᱟᱨ ᱢᱮᱬᱦᱮᱫ ᱛᱮ ᱵᱮᱱᱟᱣ ᱟᱠᱟᱱ ᱪᱷᱩᱨᱤ, ᱡᱩᱞᱩᱯ, ᱪᱟᱢᱚᱪ, ᱟᱨ ᱦᱚᱸ ᱟ.ᱰᱤ ᱜᱟᱱ ᱡᱟᱭ ᱨᱮᱭᱟᱜ ᱵᱮᱯᱟᱨ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱞ ᱑᱖᱘᱐ ᱫᱷᱟ.ᱵᱤᱡ ᱱᱚᱣᱟ ᱥᱚᱦᱚᱨ ᱫᱚ ᱡᱚᱣᱡᱽ ᱜᱩᱱ (جوزگون‌‎) ᱟᱨᱵᱟᱝ ᱡᱚᱣᱡᱩᱱ (جوزون‌‎) ᱧᱩᱛᱩᱢ ᱛᱮ ᱩᱯᱨᱩᱢ ᱛᱟᱦᱮᱸ ᱠᱟᱱᱟ ᱾ ᱪᱮᱫᱟᱜ ᱥᱮ ᱱᱚᱰᱮ ᱟᱠᱷᱳᱨᱚᱴ ᱵᱟᱫᱟᱢ ᱨᱮᱭᱟᱜ ᱫᱟᱨᱮ ᱯᱮᱨᱮᱡ ᱛᱟᱦᱮᱸᱱᱟ ᱟᱨ ᱯᱷᱟᱨᱥᱤ ᱟᱨ ᱛᱟᱡᱤᱠ ᱯᱟ.ᱨᱥᱤ ᱛᱮ ᱟᱠᱷᱨᱳᱴ ᱵᱟᱫᱟᱢ ᱫᱚ ᱡᱚᱣᱡᱽ (جوزون‌‎, jauz) ᱠᱚ ᱢᱮᱛᱟᱜᱼᱟ ᱾ ᱚᱱᱟ ᱥᱮᱨᱢᱟ ᱨᱮ ᱯᱮᱜᱚᱢᱵᱚᱨ ᱢᱚᱦᱚᱢᱢᱚᱫᱽ ᱟᱜ ᱫᱚᱛᱚ ᱚᱸᱰᱮ ᱠᱚ ᱟ.ᱜᱩ ᱠᱮᱜᱼᱟ ᱤᱱᱟ. ᱛᱟᱭᱚᱢ ᱚᱱᱟ ᱵᱟᱡᱟᱨ ᱨᱮᱭᱟᱜ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱯᱷᱮᱭᱡᱟᱵᱟᱫᱽ ᱢᱮᱱᱛᱮ ᱠᱚ ᱫᱚᱦᱚ ᱠᱮᱜᱼᱟ ᱾[᱑][᱒] ᱤᱱᱟ. ᱚᱠᱛᱚ ᱜᱮ ᱵᱚᱫᱚᱠᱷᱥᱟᱱ ᱨᱮᱭᱟᱜ ᱨᱟᱡᱽᱜᱟᱲ ᱢᱩᱱᱚᱡᱟᱱ ᱠᱷᱚᱱ ᱵᱚᱫᱚᱞ ᱠᱟᱛᱮ ᱱᱚᱣᱟ ᱱᱟᱜᱟᱨ ᱠᱚ ᱵᱮᱱᱟᱣ ᱠᱮᱜᱼᱟ ᱾ ᱤᱱᱟ. ᱛᱟᱭᱚᱢ ᱑᱗᱖᱘ ᱥᱟᱞᱮᱨᱮ ᱚᱦᱢᱚᱫᱽ ᱥᱟᱦ ᱚᱵᱽᱫᱟᱞᱤ ᱚᱱᱟ ᱫᱚᱛᱚ (ᱠᱷᱤᱨᱠᱮ) ᱫᱚ ᱠᱚᱸᱫᱚᱦᱟᱨ ᱮ ᱤᱫᱤ ᱠᱮᱜᱼᱟ ᱟᱨ ᱚᱸᱰᱮ ᱚᱱᱟ ᱫᱚᱦᱚᱭ ᱞᱟ.ᱜᱤᱫ ᱛᱮ ᱢᱤᱫ ᱢᱚᱥᱡᱤᱫᱽ ᱮ ᱵᱮᱱᱟᱣ ᱠᱮᱜᱼᱟ ᱡᱟᱦᱟᱸ ᱫᱚ ᱠᱷᱤᱨᱠᱟ ᱥᱚᱨᱤᱯᱷ ᱡᱤᱭᱟᱨᱚᱛ ᱧᱩᱛᱩᱢ ᱛᱮ ᱩᱯᱨᱩᱢ ᱢᱮᱱᱟᱜᱼᱟ ᱾

ᱯᱷᱮᱭᱡᱟᱵᱟᱫᱽ ᱨᱮ ᱮᱭᱮᱭ ᱜᱚᱴᱟᱝ ᱱᱟᱜᱟᱢᱮᱛ ᱠᱤᱞᱟ ᱢᱮᱱᱟᱜᱼᱟ ᱡᱟᱦᱟᱸ ᱠᱚᱫᱚ ᱵᱟ.ᱲᱛᱤ ᱠᱷᱚᱱ ᱵᱟ.ᱲᱛᱤ ᱢᱟᱨᱮ ᱨᱟ.ᱯᱩᱫ ᱚᱲᱟᱜ ᱨᱮ ᱯᱟᱞᱴᱟᱣ ᱦᱩᱭ ᱟᱠᱟᱱᱟ ᱾ ᱱᱚᱣᱟ ᱫᱚ ᱥᱤᱴᱤ ᱠᱷᱚᱱ ᱵᱷᱤᱛᱨᱤ ᱵᱟᱦᱨᱮ ᱦᱟ.ᱡᱩᱜ ᱠᱟᱱ ᱥᱚᱲᱚᱠ ᱪᱮᱛᱟᱱ ᱨᱮ ᱛᱩᱱᱠᱷᱤ ᱫᱚᱦᱚᱭ ᱞᱟ.ᱜᱤᱫ ᱚᱱᱟ ᱫᱚ ᱵᱮᱱᱟᱣ ᱞᱮᱱᱟ ᱾ ᱑᱙᱗᱙ ᱥᱟᱞᱮᱨᱮ ᱛᱤᱱ ᱡᱚᱦᱚᱜ ᱥᱚᱵᱷᱤᱭᱮᱛ ᱥᱚᱝᱜᱷ ᱫᱚ ᱟᱯᱷᱜᱟᱱᱤᱥᱛᱟᱱ ᱨᱮ ᱠᱟᱵᱽᱡᱟ ᱠᱮᱫ ᱠᱷᱟᱱ ᱯᱷᱮᱭᱡᱟᱵᱟᱫᱽ ᱩᱱᱤ ᱵᱤᱨᱩᱫᱷ ᱨᱮ ᱠᱚ ᱞᱟ.ᱲᱦᱟ.ᱭ ᱮᱫ ᱞᱟ.ᱲᱦᱟ.ᱭᱤᱭᱟ. ᱠᱚᱣᱟᱜ ᱟᱰᱰᱟ ᱵᱮᱱᱟᱣ ᱮᱱᱟ ᱾ ᱑᱙᱘᱐ ᱨᱮ ᱥᱚᱵᱷᱤᱭᱮᱛ ᱜᱮᱨᱤᱥᱳᱱ ᱱᱚᱣᱟ ᱨᱮᱠᱚ ᱠᱟᱵᱽᱡᱟ ᱠᱮᱜᱼᱟ ᱾ ᱟᱨ ᱯᱷᱮᱭᱡᱟᱵᱟᱫᱽ ᱫᱚ ᱢᱤᱱ ᱥᱚᱵᱷᱤᱭᱮᱛ ᱠᱮᱸᱢᱯ ᱵᱮᱱᱟᱣ ᱮᱱᱟ ᱾ ᱒᱐᱐᱑ ᱛᱟᱭᱚᱢ ᱟᱯᱷᱜᱟᱱᱤᱥᱛᱟᱱ ᱨᱮᱫᱚ ᱟᱯᱷᱜᱟᱱᱤᱥᱛᱟᱱ ᱨᱮ ᱟᱢᱮᱨᱤᱠᱟ ᱫᱚᱠᱷᱚᱞ ᱨᱮᱭᱟᱜ ᱚᱨᱥᱚᱝ ᱯᱷᱮᱭᱡᱟᱵᱟᱫᱽ ᱨᱮ ᱦᱚᱸ ᱯᱟᱲᱟᱣᱮᱱᱟ ᱛᱤᱱ ᱡᱚᱦᱚᱜ ᱚᱸᱰᱮ ᱠᱷᱚᱱ ᱛᱟᱞᱳᱠᱟᱱ ᱫᱷᱟ.ᱵᱤᱡ ᱢᱤᱫ ᱨᱟᱡᱽ ᱦᱚᱨ ᱵᱮᱱᱟᱣ ᱦᱩᱭ ᱮᱱ ᱠᱷᱟᱱ ᱱᱤᱛᱚᱜ ᱱᱚᱣᱟ ᱥᱚᱦᱚᱨ ᱫᱚ ᱟᱯᱷᱜᱟᱱ ᱨᱤᱝ ᱨᱳᱰ ᱥᱟᱶ ᱡᱩᱲᱟ.ᱭ ᱛᱟᱦᱮᱸᱱ ᱠᱟᱱᱟ ᱾

ᱟᱨᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/2002_Hindu_Kush_earthquakes

https://en.m.wikipedia.org/wiki/Fayzabad_Airport

https://en.m.wikipedia.org/wiki/Badakhshan_Province

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.zharov.com/dupree/index.html

https://en.m.wikipedia.org/wiki/Graz,_Austria

https://en.m.wikipedia.org/wiki/National_Oceanic_and_Atmospheric_Administration

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://commons.wikimedia.org/wiki/Category:Fayzabad,_Badakhshan

  1. Historical and political gazetteer of Afghanistan, Ludwig W. Adamec, pp. 67, Indian Army (General Staff Branch), Akademische Druck - u. Verlagsanstalt, 1972, ... Faizabad was until 1680 (1091) catted Jauz Gun or Jauzun because of its abundance of nuts, jauz; the name was changed when the robe, khirqa, of the Prophet Muhammad was deposited in the town ...
  2. A Comprehensive Persian-English Dictionary: Including the Arabic Words and Phrases to Be Met with in Persian Literature, Francis Joseph Steingass, pp. 377, Asian Educational Services, 1992, ISBN 978-81-206-0670-8, ... A. ur jauz (from P. ur gauz), A nut ...