ᱰᱚᱢᱚᱱ ᱦᱟᱸᱥᱫᱟ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱰᱚᱢᱚᱱ ᱦᱟᱸᱥᱫᱟ
ᱰᱚᱢᱚᱱ ᱦᱟᱸᱥᱫᱟ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱡᱩᱞᱟᱭ ᱑, ᱑᱙᱓᱐(1930-07-01)
ᱜᱩᱨ᱒᱒ ᱚᱜᱚᱥᱴ ᱑᱙᱙᱒ (᱖᱒ ᱵᱚᱭᱚᱥ)
ᱫᱤᱥᱚᱢᱤᱭᱟᱹᱥᱤᱧᱚᱛᱤᱭᱟᱹ
ᱠᱟᱹᱢᱤᱢᱟᱪᱮᱫ
ᱧᱩᱢᱱᱟᱢᱚᱱᱚᱞᱤᱭᱟᱹ, ᱚᱱᱚᱬᱦᱤᱭᱟᱹ
ᱧᱩᱢᱦᱟᱞᱟᱝ ᱠᱟᱹᱢᱤ"ᱜᱟᱞᱟᱝ ᱵᱟᱦᱟ", "ᱤᱧ ᱫᱚ ᱚᱠᱚᱭ?"

ᱰᱚᱢᱚᱱ ᱦᱟᱸᱥᱫᱟ ᱫᱚ ᱢᱤᱫ ᱥᱟᱱᱛᱟᱲ ᱚᱱᱚᱞᱤᱭᱟᱹ ᱟᱨ ᱚᱱᱚᱬᱦᱤᱭᱟᱹ ᱠᱟᱱᱟᱭ᱾ ᱢᱮᱱᱠᱷᱟᱱ ᱩᱱᱤ ᱫᱚ ᱥᱟᱶᱦᱮᱫ ᱨᱮᱭᱟᱜ ᱥᱟᱱᱟᱢ ᱦᱟᱹᱴᱤᱧ ᱨᱮᱱ ᱯᱟᱹᱨᱩᱠᱷᱤᱭᱟᱹ ᱜᱮᱭ ᱛᱟᱦᱮᱸ ᱠᱟᱱᱟ ᱾

ᱜᱤᱫᱽᱨᱟᱹ ᱡᱤᱭᱚᱱ ᱟᱨ ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱚᱢᱚᱱ ᱦᱟᱸᱥᱫᱟ ᱫᱚ ᱩᱱᱚᱠᱛᱚ ᱵᱤᱦᱟᱨ ᱯᱚᱱᱚᱛ (ᱱᱤᱛ ᱡᱷᱟᱨᱠᱷᱚᱸᱰ) ᱨᱮᱭᱟᱜ ᱥᱟᱢᱟᱝ ᱥᱤᱝᱵᱷᱩᱢ ᱡᱮᱞᱟ ᱨᱮᱭᱟᱜ ᱪᱟᱹᱠᱩᱞᱤᱭᱟᱹ ᱥᱩᱨ ᱵᱟᱨᱮᱰᱤᱦ ᱟᱹᱛᱩ ᱨᱮ ᱑᱙᱓᱐ ᱥᱮᱨᱢᱟ ᱨᱮᱭᱟᱜ ᱑ ᱞᱩ ᱡᱩᱞᱟᱭ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱯᱷᱟᱹᱜᱩ ᱦᱟᱸᱥᱫᱟ ᱟᱨ ᱟᱭᱳ ᱫᱚ ᱪᱷᱤᱛᱟ ᱦᱟᱸᱥᱫᱟ ᱾ ᱚᱞᱚᱜ ᱯᱟᱲᱦᱟᱜ ᱫᱚ ᱟᱡᱟᱜ ᱟᱹᱛᱩ ᱥᱠᱩᱞ ᱠᱷᱚᱱ ᱜᱮ ᱮᱛᱚᱦᱚᱵ ᱟᱠᱟᱱ ᱛᱟᱭᱟ᱾ ᱚᱱᱟ ᱛᱟᱭᱚᱢ, ᱞᱟᱯᱷᱟᱝ ᱥᱮᱪᱮᱫ ᱦᱟᱢᱮᱴ ᱞᱟᱹᱜᱤᱫ ᱜᱷᱟᱴᱥᱤᱞᱟᱹ ᱦᱟᱭ ᱥᱠᱩᱞ ᱨᱮᱭ ᱵᱷᱩᱨᱛᱤ ᱞᱮᱱᱟ ᱟᱨ ᱚᱸᱰᱮ ᱠᱷᱚᱱ ᱑᱙᱔᱘ ᱥᱮᱨᱢᱟ ᱨᱮ ᱢᱮᱴᱨᱤᱠ ᱮ ᱯᱟᱥ ᱞᱮᱫᱟ᱾

ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱟᱪᱮᱫ ᱞᱮᱠᱟᱛᱮ ᱜᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱫᱚ ᱮᱦᱚᱵ ᱞᱮᱱ ᱛᱟᱭᱟ᱾ ᱠᱤᱱᱭᱟᱱᱤ ᱯᱨᱟᱭᱵᱷᱮᱴ ᱥᱠᱩᱞ ᱨᱮᱱ ᱢᱟᱨᱟᱝ ᱢᱟᱪᱮᱫ ᱞᱮᱠᱟᱛᱮ ᱟᱹᱰᱤ ᱫᱤᱱ ᱠᱟᱹᱢᱤ ᱛᱟᱭᱚᱢ ᱵᱚᱲᱚᱰᱤᱠᱟᱱᱯᱩᱨ ᱮᱢ.ᱤ. ᱥᱠᱩᱞ ᱨᱮᱱ ᱢᱟᱨᱟᱝ ᱢᱟᱪᱮᱫ ᱞᱮᱠᱟᱛᱮᱭ ᱵᱚᱦᱟᱞ ᱞᱮᱱᱟ᱾

ᱥᱟᱶᱦᱮᱫ ᱪᱟᱨᱪᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱚᱬᱮ ᱜᱮᱞ ᱫᱚᱥᱚᱠ ᱠᱷᱚᱱ ᱜᱮ ᱰᱚᱢᱚᱱ ᱦᱟᱸᱥᱫᱟ ᱫᱚ ᱥᱟᱶᱦᱮᱫ ᱪᱟᱨᱪᱟᱭ ᱮᱛᱚᱦᱚᱵ ᱟᱠᱟᱫᱟ᱾ ᱛᱚᱵᱮ ᱩᱱᱤ ᱫᱚ ᱛᱩᱨᱩᱭ ᱜᱮᱞ ᱫᱚᱥᱚᱠ ᱠᱷᱚᱱ ᱢᱤᱫ ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹ ᱞᱮᱠᱟᱛᱮᱭ ᱩᱯᱨᱩᱢ ᱟᱠᱟᱱᱟ᱾ ᱟᱹᱰᱤ ᱟᱞᱜᱟ ᱛᱮᱜᱮ ᱟᱡᱟᱜ ᱚᱱᱚᱬᱦᱮᱸ ᱛᱟᱞᱟ ᱛᱮ ᱥᱟᱶᱛᱟ ᱨᱮᱭᱟᱜ ᱠᱟᱛᱷᱟᱭ ᱯᱷᱚᱴᱮᱞ ᱨᱟᱠᱟᱵ ᱟᱠᱟᱫᱟ᱾ ᱥᱟᱶᱛᱟ ᱨᱮᱭᱟᱜ ᱵᱮᱼᱵᱟᱹᱲᱤᱡ ᱠᱚ ᱵᱤᱨᱩᱫᱽ ᱨᱮᱭ ᱦᱩᱞᱥᱟᱹᱭ ᱟᱠᱟᱫᱟ᱾ ᱥᱟᱶᱛᱮ ᱞᱮᱛᱟᱲ ᱞᱟᱦᱟ ᱪᱟᱞᱟᱜ ᱨᱮᱭᱟᱜ ᱢᱟᱱᱛᱟᱲ ᱛᱮ ᱥᱟᱱᱛᱟᱲ ᱥᱟᱶᱛᱟ ᱪᱮᱜᱷᱟᱹᱣ ᱨᱮᱭᱟᱜ ᱮ ᱠᱩᱨᱩᱢᱩᱴᱩ ᱟᱠᱟᱫᱟ᱾ ᱰᱚᱢᱚᱱ ᱦᱟᱸᱥᱫᱟ ᱫᱚ ᱟᱹᱰᱤ ᱫᱤᱱ ᱥᱟᱱᱛᱟᱲ ᱥᱟᱶᱦᱮᱫ ᱥᱟᱶ ᱡᱚᱯᱲᱟᱣ ᱮ ᱛᱟᱦᱮᱸ ᱠᱟᱱ ᱛᱮᱭ ᱵᱩᱡᱷᱟᱹᱣ ᱧᱟᱢ ᱞᱮᱫᱟ, ᱵᱟᱝᱢᱟ ᱮᱠᱷᱮᱱ ᱯᱩᱛᱷᱤ ᱯᱟᱨᱥᱟᱞ ᱛᱮᱫᱚ ᱯᱟᱹᱨᱥᱤᱼᱥᱟᱶᱦᱮᱫ ᱵᱟᱭ ᱩᱛᱷᱱᱟᱹᱣᱚᱜᱼᱟ᱾ ᱟᱜᱟᱢ ᱫᱤᱱ ᱨᱮ ᱱᱟᱣᱟ ᱱᱟᱣᱟ ᱚᱱᱚᱞᱤᱭᱟᱹ ᱠᱚ ᱛᱮᱭᱟᱨ ᱨᱟᱠᱟᱵ ᱨᱮ ᱥᱟᱶᱦᱮᱫ ᱯᱟᱛᱷᱟᱢ ᱨᱮᱭᱟᱜ ᱦᱚᱸ ᱞᱟᱹᱠᱛᱤ ᱢᱮᱱᱟᱜᱼᱟ᱾ ᱱᱚᱣᱟ ᱡᱚᱥ ᱠᱷᱟᱹᱛᱤᱨ ᱛᱮᱜᱮ ᱑᱙᱘᱕ ᱥᱮᱨᱢᱟ ᱠᱷᱚᱱ ᱯᱮᱼᱪᱟᱸᱫᱚᱠᱤᱭᱟᱹ ᱨᱟᱭᱵᱟᱨ ᱯᱟᱛᱷᱟᱢ ᱟᱨ ᱑᱙᱘᱗ ᱥᱮᱨᱢᱟ ᱠᱷᱚᱱ ᱪᱟᱸᱫᱚᱠᱤᱭᱟᱹ ᱩᱢᱩᱞ ᱯᱟᱛᱷᱟᱢ ᱮ ᱥᱟᱯᱲᱟᱣ ᱞᱮᱫᱟ᱾

ᱚᱞ ᱯᱚᱛᱚᱵ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • "ᱜᱟᱞᱟᱝ ᱵᱟᱦᱟ" (ᱚᱱᱚᱬᱦᱮᱸ) - ᱑᱙᱕᱓
  • "ᱜᱟᱞᱟᱝ ᱜᱮᱞᱮ" (ᱚᱱᱚᱬᱦᱮᱸ) - ᱑᱙᱕᱖
  • "ᱵᱤᱨ ᱵᱟᱦᱟ" (ᱚᱱᱚᱬᱦᱮᱸ) - ᱑᱙᱗᱓
  • "ᱪᱤᱠᱤ ᱪᱤᱱᱦᱟᱹᱣ" (ᱯᱨᱟᱭᱢᱟᱨ) - ᱑᱙᱘᱒
  • "ᱟᱛᱳ ᱚᱲᱟᱜ" (ᱜᱟᱢᱟᱢ) - ᱑᱙᱘᱒
  • "ᱯᱤᱭᱟᱞᱯᱩᱨ ᱞᱟᱹᱲᱦᱟᱹᱭ" (ᱚᱱᱚᱬᱦᱮᱸ) - ᱑᱙᱘᱓
  • "ᱤᱧ ᱫᱚ ᱚᱠᱚᱭ?" - ᱑᱙᱘᱕
  • ᱡᱷᱟᱨᱠᱷᱚᱸᱰ ᱨᱮᱭᱟᱜ ᱥᱮᱫᱟᱭ ᱟᱨ ᱱᱮᱵᱮᱛᱟᱨ ᱱᱟᱜᱟᱢ ᱨᱮᱭᱟᱜ ᱦᱩᱰᱤᱧ ᱛᱩᱢᱟᱹᱞ - ᱑᱙᱘᱘
  • "ᱨᱚᱢᱡᱷᱚᱢ ᱯᱟᱛᱟ ᱢᱟᱹᱭ " (ᱚᱱᱚᱞ) - ᱑᱙᱙᱑
  • "ᱪᱤᱠᱤ ᱪᱷᱟᱸᱫᱟ" (ᱯᱨᱟᱭᱢᱟᱨ) - ᱑᱙᱙᱑
  • "ᱥᱤᱫᱚᱼᱠᱟᱹᱱᱦᱩ ᱦᱩᱞ" (ᱱᱟᱜᱟᱢ) - ᱑᱙᱙᱑

ᱢᱟᱹᱱ ᱟᱨ ᱥᱤᱨᱯᱷᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱟᱡᱟᱜ ᱮᱱᱮᱢ ᱠᱷᱟᱹᱛᱤᱨ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱠᱷᱚᱱ ᱑᱙᱘᱙ ᱥᱮᱨᱢᱟ ᱨᱮ ᱢᱟᱹᱱ ᱠᱚ ᱪᱟᱞ ᱟᱠᱟᱫᱮᱭᱟ᱾

ᱵᱚᱸᱜᱟ ᱛᱟᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱚᱢᱚᱱ ᱦᱟᱸᱥᱫᱟ ᱫᱚ ᱑᱙᱙᱒ ᱥᱮᱨᱢᱟ ᱨᱮᱭᱟᱜ ᱒᱒ ᱟᱜᱚᱴᱥ ᱦᱤᱞᱚᱜ ᱮ ᱵᱚᱸᱜᱟ ᱛᱟᱞᱟ ᱞᱮᱱᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]