ᱰᱟᱢᱟᱥᱠᱚᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱰᱟᱢᱟᱥᱠᱚᱥ ᱫᱚ ᱥᱤᱨᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ, ᱱᱚᱶᱟ ᱫᱚ ᱢᱤᱢᱤᱫ ᱫᱷᱟᱣ ᱡᱟᱥᱢᱤᱱ ᱱᱟᱜᱟᱨ ᱦᱚᱸ ᱠᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱫᱚ ᱥᱤᱨᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ, ᱡᱟᱦᱟᱸ ᱨᱮ ᱔ᱹ᱘ ᱢᱤᱞᱤᱭᱚᱱ ᱦᱚᱲ ᱠᱚ ᱛᱟᱦᱮᱱ ᱠᱟᱱᱟ ᱾ ᱰᱟᱢᱟᱥᱠᱚᱥ ᱫᱚ ᱡᱮᱜᱮᱛ ᱨᱮᱱᱟᱜ ᱟᱹᱰᱤ ᱢᱟᱨᱮ ᱱᱟᱜᱟᱨ ᱢᱩᱸᱫ ᱠᱷᱚᱱ ᱢᱤᱫ, ᱱᱤᱛ ᱦᱚᱸ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱ ᱜᱮᱭᱟ ᱾ ᱦᱚᱲ ᱠᱚ ᱯᱟᱹᱛᱭᱟᱹᱣᱟ ᱵᱟᱝᱢᱟ ᱰᱟᱢᱟᱥᱠᱚᱥ ᱨᱮ ᱦᱚᱲ ᱫᱚ ᱘᱐᱐᱐ BC ᱠᱷᱚᱱ ᱑᱐,᱐᱐᱐ BC (᱑᱒᱐᱐᱐ ᱥᱮᱨᱢᱟ ᱢᱟᱬᱟᱝ) ᱠᱷᱚᱱ ᱠᱚ ᱵᱟᱥᱟ ᱦᱮᱡ ᱟᱠᱟᱱᱟ ᱾

ᱞᱚᱠᱮᱥᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱟᱢᱟᱥᱠᱚᱥ ᱫᱚ ᱢᱮᱰᱤᱴᱮᱨᱟᱱᱮᱭᱟᱱ ᱥᱟᱹᱢᱩᱸᱫᱽ ᱠᱷᱚᱱ ᱕᱐ ᱢᱟᱭᱤᱞ ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ, ᱾ ᱱᱚᱶᱟ ᱫᱚ ᱟᱱᱴᱤ-ᱞᱮᱵᱟᱱᱚᱱ ᱵᱩᱨᱩ ᱵᱷᱤᱲᱟᱹᱣ ᱨᱮ ᱟᱥᱨᱟ ᱦᱟᱠᱟᱱᱟ ᱾

ᱠᱟᱹᱣᱰᱤ ᱟᱹᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱟᱢᱟᱥᱠᱚᱥ ᱫᱚ ᱵᱮᱯᱟᱨ ᱨᱮᱱᱟᱜ ᱢᱩᱬ ᱴᱷᱟᱶ ᱠᱟᱱᱟ ᱾ ᱱᱚᱶᱟ ᱫᱚ ᱥᱩᱢᱩᱝ ᱨᱟᱹᱡᱽ ᱟᱹᱨᱤ ᱞᱟᱦᱟᱱᱛᱤ ᱟᱨ ᱫᱷᱚᱨᱚᱢ ᱞᱟᱦᱟᱱᱛᱤ ᱫᱚ ᱵᱟᱝ ᱱᱮᱵᱮᱛᱟᱨ (ᱢᱚᱰᱚᱨᱱ) ᱵᱮᱯᱟᱨ ᱦᱚᱸ ᱞᱟᱦᱟ ᱦᱟᱠᱟᱱᱟ ᱾[᱑] ᱟᱹᱰᱤᱜᱟᱱ ᱡᱤᱱᱤᱥ ᱠᱚ ᱜᱮ ᱰᱟᱢᱟᱥᱠᱚᱥ ᱨᱮ ᱛᱮᱭᱟᱨᱚᱜ ᱠᱟᱱᱟ, ᱥᱤᱨᱤᱭᱟ ᱨᱮᱱᱟᱜ ᱮᱢᱟᱱ ᱴᱷᱟᱶ ᱠᱚᱨᱮ ᱞᱮᱠᱟ ᱜᱮ ᱟᱨ ᱟᱨᱚᱵᱤᱭᱟᱱ ᱯᱮᱱᱤᱥᱩᱞᱟ ᱮᱢᱟᱱ ᱠᱚᱨᱮ ᱡᱤᱱᱤᱥ ᱥᱮᱱᱚᱜ ᱠᱟᱱᱟ ᱾[᱑] ᱑᱙᱕᱕ ᱥᱟᱞᱮ ᱠᱷᱚᱱ ᱡᱮᱡᱟᱹᱛᱤᱭᱟᱹᱨᱤ ᱦᱟᱴ ᱨᱮ ᱱᱟᱯᱟᱭ ᱵᱮᱯᱟᱨ ᱜᱮ ᱥᱚᱫᱚᱨ ᱟᱠᱟᱫᱼᱟ ᱾

ᱱᱟᱜᱟᱢᱟᱱ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱟᱢᱟᱥᱠᱚᱥ ᱨᱮ ᱫᱚ ᱟᱹᱰᱤ ᱜᱟᱱ ᱱᱟᱜᱟᱢᱟᱱᱟᱜ ᱴᱷᱟᱶ ᱢᱮᱱᱟᱜᱼᱟ ᱟᱹᱰᱤ ᱥᱮᱫᱟᱭ ᱥᱚᱥᱱᱚᱜ ᱚᱠᱛᱚ ᱠᱷᱚᱱ ᱾ ᱱᱮᱵᱮᱛᱟᱨ ᱱᱟᱜᱟᱨ ᱞᱮᱵᱮᱞ ᱠᱷᱚᱱ ᱘ ᱯᱷᱩᱴ ᱞᱟᱛᱟᱨ ᱫᱚ ᱞᱟᱜ ᱦᱚᱸ ᱟᱹᱰᱤ ᱢᱩᱥᱠᱤᱞ ᱜᱮᱭᱟ ᱾ ᱰᱟᱢᱟᱥᱠᱚᱥ ᱨᱮᱱᱟᱜ ᱥᱤᱴᱟᱰᱮᱞ ᱫᱚ ᱢᱟᱨᱮ ᱱᱟᱜᱟᱨ ᱨᱮᱱᱟᱜ ᱮᱛᱚᱢᱼᱯᱟᱪᱮ ᱠᱚᱬ ᱨᱮ ᱢᱮᱱᱟᱜᱼᱟ ᱾ ᱵᱟᱵᱽ ᱥᱟᱨᱠᱤ ᱠᱩᱞᱦᱤ ᱫᱚ ᱦᱩᱰᱤᱧ ᱫᱚᱠᱟᱱ ᱠᱚᱛᱮ ᱯᱮᱨᱮᱡ ᱟᱠᱟᱱᱟ, ᱱᱚᱸᱰᱮ ᱜᱮ ᱠᱨᱤᱥᱛᱟᱱ ᱠᱩᱣᱟᱴᱚᱨ ᱵᱟᱵᱽ ᱛᱩᱢᱟ ᱢᱮᱱᱟᱜᱼᱟ ᱾ ᱢᱮᱫᱷᱟᱛ ᱯᱟᱥᱟ ᱥᱚᱣᱠ ᱦᱚᱸ ᱰᱟᱢᱟᱥᱠᱚᱥ ᱨᱮᱱᱟᱜ ᱢᱩᱬ ᱦᱟᱴ ᱠᱟᱱ ᱜᱮᱭᱟ, ᱡᱟᱦᱟᱸ ᱫᱚ ᱢᱮᱫᱷᱟᱛ ᱯᱟᱥᱟ ᱦᱟᱜ ᱧᱩᱢ ᱞᱮᱠᱟᱛᱮ ᱧᱩᱢ ᱟᱠᱟᱱᱟ ᱾ ᱵᱟᱽ ᱥᱟᱨᱠᱤ ᱠᱩᱞᱦᱤ (Bab Sharqi street) ᱢᱩᱪᱟᱹᱫ ᱨᱮ ᱟᱱᱟᱱᱤᱭᱟᱥ ᱵᱟᱥᱟ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱤᱫ ᱚᱛ ᱵᱷᱤᱛᱤᱨ ᱚᱲᱟᱜ ᱛᱟᱦᱮᱸ ᱠᱟᱱᱟ ᱟᱱᱟᱱᱤᱭᱟᱥ ᱚᱲᱟᱜ ᱢᱮᱱᱛᱮ ᱠᱚ ᱢᱮᱛᱟᱜ ᱠᱟᱱᱟ ᱾ ᱩᱢᱟᱭᱟᱫᱽ ᱢᱚᱥᱡᱤᱫᱽ ᱫᱚ ᱰᱟᱢᱟᱥᱠᱚᱥ ᱨᱮᱱᱟᱜ ᱜᱨᱟᱱᱰ ᱢᱚᱥᱡᱤᱫᱽ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱮᱫᱼᱟ, ᱡᱟᱦᱟᱸ ᱫᱚ ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱢᱚᱥᱡᱤᱫᱽ ᱢᱩᱸᱫᱽ ᱠᱷᱚᱱ ᱢᱤᱫ ᱠᱟᱱᱟ ᱥᱟᱶᱛᱮ ᱢᱤᱫ ᱢᱟᱨᱮ ᱤᱥᱞᱟᱢ ᱞᱟᱦᱟ ᱠᱷᱚᱱ ᱚᱦᱬᱮᱭᱮᱫ ᱴᱷᱟᱶ ᱠᱟᱱᱟ ᱾

ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱟᱢᱟᱥᱠᱚᱥ ᱫᱚ ᱥᱤᱨᱤᱭᱟ ᱨᱮᱱᱟᱜ ᱢᱩᱬ ᱥᱮᱪᱮᱫ ᱛᱟᱞᱢᱟ ᱠᱟᱱᱟ ᱾ ᱱᱚᱸᱰᱮ ᱜᱮ ᱰᱟᱢᱟᱥᱠᱚᱥ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱥᱤᱨᱤᱭᱟ ᱨᱮᱱᱟᱜ ᱢᱟᱨᱮ ᱟᱨ ᱢᱟᱨᱟᱝ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱟᱱᱟ ᱾ ᱵᱮᱥᱚᱨᱠᱟᱨ ᱵᱤᱨᱫᱟᱹᱜᱟᱲ ᱡᱷᱤᱡ ᱨᱮᱱᱟᱜ ᱫᱟᱣ ᱠᱚ ᱮᱢᱟᱫ ᱠᱚ ᱠᱷᱚᱱ ᱱᱚᱸᱰᱮ ᱟᱨᱦᱚᱸ ᱫᱷᱟᱨᱟᱯᱟᱥᱟ ᱵᱮᱥᱚᱨᱠᱟᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱚᱵᱮᱨᱮᱫ ᱠᱮᱫᱼᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ-

  • ᱥᱤᱨᱤᱭᱟᱱ ᱵᱷᱟᱨᱪᱩᱣᱟᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ (Syrian Virtual University)
  • ᱥᱟᱬᱮᱥ ᱟᱨ ᱴᱮᱠᱱᱚᱞᱚᱡᱤ ᱡᱮᱡᱟᱹᱛᱤᱭᱟᱹᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ (International University for Science and Technology)
  • ᱥᱤᱨᱤᱭᱟᱱ ᱵᱮᱥᱚᱨᱠᱟᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ (Syrian Private University)
  • ᱟᱨᱚᱵᱽ ᱡᱮᱡᱟᱹᱛᱤᱭᱟᱹᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ (Arab International University)
  • ᱠᱟᱞᱟᱢᱩᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ (University of Kalamoon)
  • ᱭᱟᱨᱢᱩᱠ ᱵᱮᱥᱚᱨᱠᱟᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ (Yarmouk Private University)
  • ᱣᱟᱰᱤ ᱡᱮᱡᱟᱹᱛᱤᱭᱟᱹᱨᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ (Wadi International University)

ᱪᱤᱛᱟᱹᱨ ᱜᱮᱞᱮᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ "Damascus". Encyclopædia Britannica. Retrieved 2009-11-28.

ᱮᱴᱟᱜ ᱣᱮᱵᱽᱥᱟᱭᱤᱴ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]