ᱰᱤᱢᱟ ᱦᱟᱥᱟᱣ ᱦᱚᱱᱚᱛ

ᱰᱤᱢᱟ ᱦᱟᱥᱟᱣ ᱦᱚᱱᱚᱛ (ᱤᱝᱨᱟ.ᱡᱤ: Dima Hasao district (DHD); ᱢᱟᱨᱮ ᱧᱩᱛᱩᱢ ᱫᱚ ᱛᱟᱦᱮ ᱠᱟᱱᱟ: ᱠᱚᱭᱮ ᱠᱟᱥᱟᱨ ᱵᱩᱨᱩ ᱦᱚᱱᱚᱛ) ᱠᱚᱭᱮ- ᱥᱟᱢᱟᱝ ᱥᱤᱧᱚᱛ ᱨᱮᱭᱟᱜ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫ ᱴᱟᱝ ᱦᱚᱱᱚᱛ ᱠᱟᱱᱟ। ᱱᱟᱜᱟᱢ ᱞᱮᱠᱟ ᱛᱮ ᱰᱤᱢᱟᱥᱟ- ᱠᱟᱥᱟᱨᱤ ᱠᱚᱣᱟᱜ ᱟᱣᱛᱟᱱ ᱜᱟᱲ ᱠᱟᱱᱟ। ᱰᱤᱢᱟ ᱦᱟᱥᱟᱣ ᱦᱚᱱᱚᱛ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱮᱛᱟᱝ ᱜᱤᱨᱟ.ᱵᱟᱥᱤ ᱦᱚᱱᱚᱛ ᱠᱟᱱᱟ। ᱟᱥᱚᱠᱟᱭ ᱛᱮ ᱱᱟᱜᱟ ᱟᱨ ᱰᱤᱢᱟᱥᱟ ᱥᱟᱝᱜᱮ ᱵᱤᱨᱟ.ᱵᱟᱥ ᱟᱠᱟᱱ ᱦᱚᱱᱚᱛ ᱠᱟᱱᱟ। ᱥᱚᱨᱮᱥ ᱥᱤᱨᱡᱚᱱ ᱛᱮ ᱥᱟᱡᱟᱣ ᱟᱠᱟᱱ ᱟᱥᱟᱢ ᱨᱮᱭᱟᱜ ᱢᱤᱫ ᱮᱥᱠᱟᱨ ᱵᱩᱨᱩ ᱱᱟᱝᱜᱽᱨᱟᱦᱟ ᱦᱟᱯᱷᱞᱚᱝ ᱚᱱᱟ ᱦᱚᱱᱚᱛ ᱨᱮ ᱜᱮ ᱢᱮᱱᱟᱜ-ᱟ। ᱦᱟᱯᱷᱞᱚᱝ ᱜᱮ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱫᱚᱵᱷᱟ.ᱴᱤᱭᱟ. ᱴᱷᱟ.ᱭ ᱠᱟᱱᱟ। ᱦᱟᱦᱟᱲᱟ ᱜᱮ ᱪᱮᱬᱮ ᱭᱟᱜ ᱜᱩᱡᱩᱜ ᱞᱟ.ᱜᱤᱫ ᱪᱚᱨᱪᱟ ᱨᱮ ᱢᱮᱱᱟᱜ ᱴᱷᱟ.ᱭ ᱡᱟᱛᱤᱝᱜᱟ ᱫᱚ ᱱᱚᱣᱟ ᱦᱚᱱᱚᱛ ᱨᱮ ᱜᱮ ᱢᱮᱱᱟᱜ-ᱟ। "ᱰᱤᱢᱟ ᱦᱟᱥᱟᱣ" ᱰᱤᱢᱟᱥᱟ ᱯᱟ.ᱨᱥᱤ ᱟ.ᱲᱟ. ᱱᱤᱭᱟ. ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱰᱤᱢᱟᱥᱟ ᱵᱩᱨᱩ।

ᱱᱟᱜᱟᱢ

ᱱᱟᱜᱟᱢ ᱞᱮᱠᱟ ᱛᱮ ᱰᱤᱢᱟᱥᱟ ᱠᱟᱥᱟᱨᱤ ᱠᱚᱣᱟᱜ ᱟᱣᱛᱟᱱ ᱜᱟᱲ ᱱᱚᱣᱟ ᱴᱚᱴᱷᱟ ᱫᱚ ᱵᱨᱤᱴᱤᱥ ᱥᱟᱥᱟᱴᱚᱱ ᱚᱠᱛᱮ ᱠᱷᱚᱱ ᱜᱮ ᱟᱥᱟᱢ ᱯᱚᱱᱚᱛ ᱨᱮ ᱢᱮᱱᱟᱜ ᱱᱚᱜᱟᱶ ᱦᱚᱱᱚᱛ ᱨᱮᱭᱟᱜ ᱢᱤᱫ ᱴᱮᱱ ᱢᱚᱦᱩᱠᱢᱟ ᱢᱮᱱ ᱛᱮ ᱵᱟᱱᱫᱷᱟᱣ ᱞᱮᱱᱟ.। ᱥᱤᱧᱚᱛ ᱯᱷᱩᱨᱜᱟ.ᱞ ᱦᱟᱢᱮᱴ ᱛᱟᱭᱚᱢ ᱢᱤᱠᱤᱨ ᱵᱩᱨᱩ ᱟᱨ ᱠᱚᱭᱮ ᱠᱟᱥᱟᱨ ᱥᱮᱞᱮᱫ ᱠᱟᱛᱮ ᱢᱤᱫ ᱴᱮᱱ ᱦᱚᱱᱚᱛ ᱵᱟᱱᱫᱷᱟᱣ ᱦᱩᱭ ᱞᱮᱱᱟ। ᱑᱙᱕᱒ ᱥᱮᱨᱢᱟ ᱠᱷᱚᱱ ᱦᱚᱱᱚᱛ ᱠᱚ ᱥᱤᱧᱚᱛᱤᱭᱟ. ᱥᱚᱝᱵᱤᱫᱷᱟᱱ ᱨᱮᱭᱟᱜ ᱤᱨᱟ.ᱞ ᱟᱜ ᱫᱷᱟᱯ ᱨᱮ ᱥᱮᱞᱮᱫᱚᱜ ᱮᱦᱚᱵ ᱮᱱᱟ, ᱟᱨ ᱦᱚᱱᱚᱛ ᱨᱮᱭᱟᱜ ᱥᱟᱥᱚᱱ ᱵᱷᱟᱨ ᱦᱚᱱᱚᱛ ᱵᱟ.ᱭᱥᱤ ᱟᱜ ᱛᱤ ᱪᱟᱞ ᱦᱩᱭ ᱞᱮᱱᱟ। ᱑᱙᱗᱐ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱯᱩᱨᱟ. ᱦᱚᱱᱚᱛ ᱨᱮᱭᱟᱜ ᱢᱟ.ᱱ ᱠᱚ ᱮᱢᱟᱣᱫᱟᱜ-ᱟ। ᱱᱟᱦᱟᱜ ᱦᱚᱱᱚᱛ ᱨᱮᱭᱟᱜ ᱥᱟᱥᱚᱱ ᱤᱨᱟ.ᱠ ᱟᱜ ᱫᱷᱟᱯ ᱛᱟᱵᱮ ᱨᱮ ᱟᱨ ᱦᱚᱱᱚᱛ ᱨᱮᱭᱟᱜ ᱟ.ᱯᱟ.ᱱᱟ.ᱛ ᱵᱟ.ᱭᱥᱤ ᱜᱮ ᱡᱚᱛᱚ ᱰᱤᱯᱟ.ᱴ ᱨᱮᱭᱟᱜ ᱠᱟ.ᱢᱤ ᱠᱟ.ᱥᱱᱤ ᱥᱟᱢᱵᱽᱲᱟᱣᱮᱫ ᱠᱟᱱᱟ।

ᱴᱷᱟᱶ

ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱮᱛᱚᱢ ᱦᱤᱥ ᱨᱮ ᱰᱤᱢᱟ ᱦᱟᱥᱟᱣ ᱦᱚᱱᱚᱛ ᱫᱚ ᱛᱷᱟᱢ ᱜᱟ.ᱰᱤ ᱟᱠᱟᱱᱟ। ᱚᱠᱷᱦᱤᱥ ᱒᱕° ᱓’’ ᱠᱚᱭᱮ ᱠᱷᱚᱱ ᱒᱕° ᱔᱗’’’’ ᱠᱚᱭᱮ ᱦᱟ.ᱵᱤᱡ; ᱟᱨ ᱫᱨᱟᱜᱷᱤᱢᱦᱤᱥ ᱙᱒° ᱓᱗ ᱥᱟᱢᱟᱝ ᱠᱷᱚᱱ ᱙᱓° ᱑᱗’’‘’ ᱥᱟᱢᱟᱝ ᱦᱟ.ᱵᱤᱡ ᱯᱟᱥᱱᱟᱣ ᱟᱠᱟᱱᱟ। ᱱᱤᱭᱟ. ᱦᱚᱱᱚᱛ ᱫᱚ ᱔᱘᱙᱐ ᱪᱟ.ᱣᱠᱟ. ᱠᱤᱞᱚ ᱢᱤᱴᱟᱨ ᱡᱟᱩᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ। ᱥᱟᱢᱟᱝ ᱦᱤᱥ ᱨᱮᱭᱟᱜ ᱩᱥᱩᱞ ᱖᱐᱐ - ᱙᱐᱐ ᱢᱤᱴᱟᱨ ᱟᱨ ᱠᱚᱭᱮ ᱦᱤᱥ ᱨᱮᱭᱟᱜ ᱩᱥᱩᱞ ᱑᱐᱐᱐ ᱢᱤᱴᱟᱨ।

ᱦᱚᱭ ᱦᱤᱥᱤᱫ

ᱰᱤᱢᱟ ᱦᱟᱥᱟᱣ ᱦᱚᱱᱚᱛ ᱨᱮᱭᱟᱜ ᱦᱚᱭ ᱦᱤᱥᱤᱫ ᱫᱚ ᱱᱟᱥᱮ ᱞᱚᱞᱚ - ᱱᱟᱥᱮ-ᱩᱨᱜᱩᱢ ᱢᱟᱪᱷᱟ ᱜᱮᱭᱟ। ᱮᱱ ᱨᱮ ᱦᱚ ᱦᱚᱱᱚᱛ ᱵᱷᱤᱛᱨᱤ ᱨᱮ ᱦᱚᱭ ᱦᱤᱥᱤᱫ ᱨᱮᱭᱟᱜ ᱵᱷᱮᱱᱮᱜᱟᱨ ᱫᱚ ᱢᱮᱱᱟᱜ ᱜᱮᱭᱟ । ᱢᱮ ᱪᱟᱱᱫᱚ ᱠᱷᱚᱱ ᱥᱮᱯᱴᱮᱢᱵᱯᱨ ᱪᱟᱱᱫᱚ ᱦᱟ.ᱵᱤᱡ ᱫᱟᱜ-ᱮ ᱡᱟ.ᱲᱤᱭᱟ। ᱵᱚᱨᱟᱞᱚᱭ ᱨᱮ ᱵᱟ.ᱲᱛᱤ ᱫᱟᱜ ᱧᱩᱨᱩᱜ-ᱟ। ᱵᱚᱨᱟᱞᱚᱭ ᱦᱩᱥ ᱨᱮ ᱜᱚᱲ ᱥᱮᱨᱢᱟ ᱨᱮ ᱫᱟᱜ ᱨᱮᱭᱟᱜ ᱞᱮᱠᱷᱟ ᱡᱚᱠᱷᱟ ᱒᱒᱐᱐ ᱢᱤ.ᱢᱤ. ᱠᱷᱚᱱ ᱒᱗᱐᱐ ᱢᱤ.ᱢᱤ., ᱱᱷᱟᱛᱮ ᱞᱟᱞᱢᱟᱴᱤᱝ - ᱢᱥᱱᱫᱟᱨᱫᱤᱥᱟ- ᱰᱤᱭᱟᱝ ᱢᱩᱠᱷ ᱴᱚᱴᱷᱟ ᱨᱮ ᱥᱮᱨᱢᱟ ᱜᱚᱲ ᱑᱒᱐᱐ ᱢᱤ.ᱢᱩ. ᱠᱷᱚᱱ ᱑᱘᱐᱐ ᱢᱤ.ᱢᱤ. ᱦᱟ.ᱵᱤᱡ ᱫᱟᱜ ᱧᱩᱨᱩᱜ-ᱟ। ᱵᱟ.ᱲᱛᱤ ᱞᱚᱞᱚ ᱒᱔° ᱠᱷᱚᱱ ᱓᱐° ᱥᱮᱞᱥᱤᱭᱟᱥ, ᱟᱨ ᱠᱚᱢᱟᱣ ᱞᱚᱞ ᱫᱚ ᱑᱐° ᱠᱷᱚᱱ ᱑᱔° ᱥᱮᱞᱥᱤᱭᱟᱥ।