ᱰᱨᱹ ᱵᱟᱱᱤᱠᱟᱱᱛᱚ ᱠᱟᱠᱚᱛᱤ
| ᱵᱟᱱᱤᱠᱟᱱᱛᱚ ᱠᱟᱠᱚᱛᱤ | |
|---|---|
 | |
| ᱡᱟᱱᱟᱢ | ᱑᱕ ᱱᱚᱵᱷᱮᱢᱵᱚᱨ ᱑᱙᱘᱔ ᱵᱚᱨᱯᱮᱴᱟ ᱦᱚᱱᱚᱛ, ᱟᱥᱟᱢ |
| ᱜᱩᱨ | ᱑᱕ ᱱᱚᱵᱷᱮᱢᱵᱚᱨ ᱑᱙᱕᱒ |
| ᱠᱟᱹᱢᱤ | ᱚᱱᱚᱞᱤᱭᱟᱹ, ᱜᱟᱞᱚᱪᱤᱭᱟᱹ |
| ᱯᱟᱹᱨᱥᱤ | ᱟᱥᱟᱢᱤᱥ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
ᱵᱟᱱᱤᱠᱟᱱᱛᱚ ᱠᱟᱠᱚᱛᱤ (ᱤᱝᱨᱟᱹᱡᱤ: Banikanta Kakati) ᱫᱚ ᱟᱥᱟᱢᱤᱥ ᱯᱟᱹᱨᱥᱤ ᱥᱟᱶᱦᱮᱫ ᱞᱟᱭ ᱞᱟᱠᱪᱟᱨ ᱨᱮᱱ ᱢᱤᱫᱴᱮᱱ ᱥᱮᱣᱟᱭᱤᱡ ᱠᱟᱱᱟᱭ| ᱩᱱᱤᱭᱟᱜ ᱡᱟᱱᱟᱢ ᱫᱚ ᱑᱘᱙᱔ ᱥᱮᱨᱢᱟ ᱨᱮ ᱵᱚᱨᱯᱮᱴᱟ ᱦᱚᱱᱚᱛ ᱨᱮ ᱦᱚᱭ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱞᱚᱞᱤᱛ ᱨᱟᱢ ᱠᱟᱠᱚᱛᱤ ᱛᱟᱦᱮᱸ ᱠᱟᱱᱟ ᱟᱨ ᱮᱝᱜᱟᱛ ᱟᱜ ᱧᱩᱛᱩᱢ ᱫᱚ ᱞᱚᱦᱚ ᱵᱟᱞᱟ ᱠᱟᱠᱚᱛᱤ ᱛᱟᱦᱮᱸ ᱠᱟᱱᱟ| ᱟᱥᱟᱢᱤᱥ ᱯᱟᱹᱨᱥᱤ ᱥᱟᱬᱮᱥᱤᱭᱟᱹ ᱦᱚᱨᱟ ᱛᱮ ᱠᱷᱚᱱᱫᱽᱨᱚᱝ ᱨᱮ ᱩᱱᱤᱭᱟᱜ ᱮᱱᱮᱢ ᱫᱚ ᱟᱥᱟᱢ ᱵᱷᱮᱲ ᱜᱮ ᱛᱟᱭᱟ| ᱩᱱᱤ ᱫᱚ ᱯᱟᱹᱦᱤᱞ ᱫᱷᱟᱣ ᱞᱟᱹᱜᱤᱫ ᱠᱚᱞᱠᱟᱛᱟ ᱨᱮ ᱥᱮᱱ ᱠᱟᱛᱮ ᱑᱙᱑᱘ ᱥᱮᱨᱢᱟ ᱨᱮ ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ ᱠᱷᱚᱱ ᱤᱝᱨᱟᱹᱡᱤ ᱥᱟᱶᱦᱮᱫ ᱨᱮ ᱮᱢᱹᱮᱹ ᱰᱤᱜᱽᱨᱤ ᱦᱟᱢᱮᱴ ᱞᱮᱫᱟ| ᱟᱨᱦᱚᱸ ᱑᱙᱒᱓ ᱥᱮᱨᱢᱟ ᱨᱮ ᱩᱱᱤ ᱫᱚ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱤᱝᱨᱟᱹᱡᱤ ᱥᱟᱛᱷᱟᱢ ᱛᱮ ᱯᱟᱹᱦᱤᱞ ᱛᱷᱚᱠ ᱛᱮ ᱮᱢᱹᱮᱹ ᱯᱟᱥ ᱞᱮᱫᱟ|
ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱱᱤᱠᱟᱱᱛᱚ ᱠᱟᱠᱚᱛᱤ ᱫᱚ ᱟᱦ ᱦᱟᱲᱟᱢᱵᱟ ᱯᱚᱨᱚᱢᱟᱱᱚᱱᱫᱚ ᱠᱟᱠᱚᱛᱤᱭᱮ (ᱚᱠᱚᱭ ᱫᱚ ᱨᱟᱫᱷᱟ ᱯᱚᱱᱰᱤᱛ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ) ᱢᱟᱪᱮᱫᱚᱜ ᱠᱟᱱ ᱛᱟᱦᱮᱱ ᱵᱟᱴᱤ ᱠᱩᱨᱤᱦᱟ ᱞᱟᱛᱟᱨ ᱥᱠᱩᱞ ᱨᱮ ᱮᱛᱚᱦᱚᱵ ᱥᱮᱪᱮᱫ ᱫᱚᱭ ᱦᱟᱛᱟᱣ ᱞᱮᱫᱟ| ᱜᱚᱲᱚᱢ ᱦᱟᱲᱟᱢ ᱟᱜ ᱧᱮᱞ ᱛᱚᱫᱟᱨᱚᱛ ᱨᱮ ᱯᱟᱲᱦᱟᱣ ᱞᱮᱫ ᱵᱟᱱᱤᱠᱟᱱᱛᱚ ᱠᱟᱠᱚᱛᱤ ᱫᱚ ᱯᱨᱟᱭᱢᱟᱨᱤ ᱥᱠᱩᱞ ᱨᱮᱭᱟᱜ ᱢᱩᱪᱟᱹᱫ ᱵᱤᱱᱤᱰ ᱨᱮ ᱢᱚᱧᱡᱽ ᱮᱞ ᱛᱮᱭᱮ ᱯᱟᱥ ᱞᱮᱫᱟ ᱟᱨ ᱥᱚᱨᱠᱟᱨ ᱠᱷᱚᱱ ᱮᱥᱠᱩᱞᱟᱨᱥᱤᱯᱮ ᱦᱟᱢᱮᱴ ᱞᱮᱫᱟ|
ᱯᱨᱟᱭᱢᱟᱨᱤ ᱥᱠᱩᱞ ᱨᱮᱭᱟᱜ ᱢᱩᱪᱟᱹᱫ ᱵᱤᱱᱤᱰ ᱨᱮ ᱯᱟᱥ ᱠᱟᱛᱮ ᱛᱟᱭᱱᱚᱢ ᱛᱮ ᱤᱝᱨᱟᱹᱡᱤ ᱑᱙᱐᱕ ᱥᱮᱨᱢᱟ ᱨᱮ ᱵᱟᱱᱤᱠᱟᱛᱚ ᱠᱟᱠᱚᱛᱤ ᱫᱚ ᱵᱚᱨᱯᱮᱴᱟ ᱦᱟᱭ ᱥᱠᱩᱞ ᱨᱮ ᱧᱩᱛᱩᱢᱮ ᱚᱞ ᱚᱪᱚ ᱞᱮᱫᱟ| ᱩᱱ ᱚᱠᱛᱮ ᱵᱚᱨᱯᱮᱴᱟ ᱦᱟᱭ ᱥᱠᱩᱞ ᱨᱮᱱ ᱢᱟᱪᱮᱛᱮ ᱛᱟᱦᱮᱸ ᱠᱟᱱᱟ ᱠᱟᱞᱤ ᱢᱚᱦᱚᱱ ᱜᱩᱯᱛᱟ| ᱩᱱ ᱚᱠᱛᱮ ᱥᱠᱩᱞ ᱫᱚ ᱥᱚᱨᱠᱟᱨᱤ ᱵᱟᱝ ᱛᱟᱦᱮᱸ ᱠᱟᱱᱟ| ᱱᱤᱭᱟᱹ ᱫᱷᱟᱣ ᱥᱠᱩᱞ ᱨᱮᱭᱟᱜ ᱢᱩᱪᱟᱹᱫ ᱵᱤᱱᱤᱰᱪ ᱨᱮ ᱯᱟᱹᱦᱤᱞ ᱴᱷᱟᱶ ᱦᱟᱢᱮᱴ ᱠᱷᱟᱹᱛᱤᱨ ᱛᱮ ᱤᱝᱨᱟᱹᱡᱤ ᱚᱱᱚᱞᱤᱭᱟᱹ ᱥᱮᱢᱩᱭᱮᱞ ᱢᱟᱭᱮᱞᱥ ᱟᱜ "ᱥᱮᱞᱯ ᱦᱮᱞᱯ" ᱟᱨ ᱡᱟᱨᱢᱟᱱᱤ ᱯᱚᱱᱰᱤᱛ "ᱢᱮᱠᱥ ᱢᱩᱞᱟᱨ" ᱟᱜ ᱡᱤᱭᱚᱱᱤ ᱧᱩᱛᱩᱢᱟᱱ ᱵᱟᱨᱭᱟ ᱯᱚᱛᱚᱵ ᱵᱟᱱᱤᱠᱟᱱᱛᱚ ᱠᱟᱠᱚᱛᱤ ᱫᱚ ᱥᱤᱨᱯᱟᱹ ᱞᱮᱠᱟ ᱛᱮᱭᱮ ᱧᱟᱢ ᱞᱮᱫᱟ|
ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱑᱘ ᱥᱮᱨᱢᱟ ᱨᱮ ᱤᱝᱨᱟᱹᱡᱤ ᱯᱨᱚᱯᱷᱮᱥᱟᱨ ᱞᱮᱠᱟ ᱛᱮ ᱠᱚᱴᱚᱱ ᱠᱚᱞᱮᱡᱽ ᱨᱮᱭᱮ ᱵᱚᱞᱚ ᱞᱮᱱᱟ| ᱑᱙᱔᱗ ᱥᱮᱨᱢᱟ ᱨᱮ ᱩᱱᱤ ᱫᱚ ᱠᱚᱞᱮᱡᱽ ᱨᱮᱱ ᱯᱨᱤᱱᱥᱤᱯᱟᱞ ᱞᱮᱠᱟ ᱛᱮ ᱦᱩᱫᱟᱹ ᱠᱚ ᱩᱱᱱᱚᱛᱤ ᱞᱮᱫ ᱛᱟᱭᱟ| ᱑᱙᱔᱙ ᱥᱮᱨᱢᱟ ᱨᱮᱭᱟᱜ ᱡᱟᱱᱩᱣᱟᱨᱤ ᱪᱟᱱᱫᱚ ᱦᱟᱹᱵᱤᱡ ᱛᱮ ᱵᱟᱱᱤᱠᱟᱱᱛᱚ ᱠᱟᱠᱚᱛᱤ ᱫᱚ ᱠᱚᱴᱚᱱ ᱠᱢᱚᱞᱮᱡᱽ ᱨᱮ ᱥᱮᱣᱟ ᱮᱱ ᱠᱟᱛᱮ ᱚᱱᱟ ᱦᱩᱫᱟᱹ ᱠᱷᱚᱱᱮ ᱡᱤᱨᱟᱹᱣ ᱮᱱᱟ| ᱤᱱᱟᱹ ᱥᱮᱨᱢᱟ ᱜᱮ ᱱᱟᱣᱟ ᱵᱮᱱᱟᱣ ᱜᱩᱣᱟᱦᱟᱴᱤ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮ ᱟᱥᱟᱢᱤᱥ ᱰᱤᱯᱟᱹᱴ ᱨᱮᱱ ᱯᱨᱚᱯᱷᱮᱥᱟᱨ ᱦᱤᱥᱟᱹᱵᱽ ᱛᱮ ᱟᱨᱦᱚᱸ ᱠᱟᱹᱢᱤᱭᱮ ᱮᱦᱚᱵ ᱞᱮᱫᱟ ᱟᱨ ᱜᱩᱡᱩᱜ ᱦᱟᱹᱵᱤᱡ ᱚᱱᱰᱮ ᱜᱮᱭᱮ ᱠᱟᱹᱢᱤ ᱞᱮᱫᱟ|