ᱰᱨ. ᱨᱟᱡᱮᱱᱫᱽᱨᱚ ᱯᱨᱚᱥᱟᱫᱽ
| ᱰᱨ. ᱨᱟᱡᱮᱱᱫᱽᱨᱚ ᱯᱨᱚᱥᱟᱫᱽ | |
|---|---|
,_signed_image_for_Walter_Nash_(NZ_Prime_Minister),_1958_(16017609534).jpg) | |
| 1st President of India | |
| ᱟᱹᱢᱟᱹᱞᱤ ᱨᱮ 26 January 1950 – 13 May 1962 | |
| ᱢᱟᱨᱟᱝ ᱢᱚᱱᱛᱨᱤ | Jawaharlal Nehru |
| Vice President | Sarvepalli Radhakrishnan |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | Position established C. Rajagopalachari as the Governor General of India |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | Sarvepalli Radhakrishnan |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱓ ᱰᱤᱥᱮᱢᱵᱚᱨ ᱑᱘᱘᱔ Ziradei, Bengal Presidency, British India (present-day Bihar, India) |
| ᱜᱩᱨ | ᱒᱘ ᱯᱷᱮᱵᱽᱨᱩᱣᱟᱨᱤ ᱑᱙᱖᱓ (ᱩᱢᱮᱨ ᱗᱘ ᱥᱮᱨᱢᱟ) Patna, Bihar, India |
| ᱨᱟᱡᱽᱟᱹᱨᱤ ᱫᱚᱞ | Indian National Congress |
| ᱡᱤᱭᱚᱱ ᱥᱚᱦᱮᱫ | Rajavanshi Devi (m. 1896; died 1961) |
| ᱥᱮᱪᱮᱫ ᱟᱠᱷᱲᱟ | University of Calcutta |
| ᱥᱤᱨᱯᱷᱟᱹ | Bharat Ratna (1962) |
ᱰᱨ. ᱨᱟᱡᱮᱱᱫᱽᱨᱚ ᱯᱨᱚᱥᱟᱫᱽ (᱑᱓/᱑᱒/᱑᱘᱘᱔--᱒᱘/᱒/᱑᱙᱖᱓) ᱫᱚ ᱯᱷᱩᱨᱜᱟ.ᱞ ᱵᱷᱟᱨᱚᱛ ᱨᱤᱱᱤᱡ ᱯᱩᱭᱞᱩ ᱫᱤᱥᱚᱢ ᱜᱚᱝᱠᱮ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱨᱟᱡᱽᱟ.ᱨᱤ ᱱᱮᱛᱟ ᱟᱨ ᱫᱤᱥᱚᱢ ᱯᱷᱩᱨᱜᱟ.ᱞ ᱞᱟ.ᱲᱦᱟ.ᱭ ᱨᱤᱱ ᱠᱷᱟᱢ ᱠᱷᱩᱱᱴᱤᱭ ᱛᱟᱦᱮᱸ ᱠᱟᱱᱟ ᱾ ᱱᱩᱠᱤᱱ ᱫᱚ ᱯᱩᱭᱞᱩ ᱵᱟᱨ- ᱫᱷᱟᱢ ᱫᱤᱥᱚᱢ ᱜᱚᱝᱠᱮ ᱦᱚᱸ ᱠᱤᱱ ᱛᱟᱦᱮᱸ ᱠᱟᱱᱟ ᱾[᱑]
ᱡᱟᱱᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱡᱮᱱᱫᱽᱨᱚ ᱯᱨᱚᱥᱟᱫᱽ ᱫᱚ ᱵᱤᱦᱟᱨ ᱯᱚᱱᱚᱛ ᱨᱮᱭᱟᱜ ᱥᱤᱣᱟᱱ ᱦᱚᱱᱚᱛ (Siwan district) ᱨᱮᱭᱟᱜ ᱢᱤᱫ ᱯᱚᱫᱷᱟᱱᱤ/ᱠᱤᱥᱟᱬ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱯᱟᱛ ᱢᱚᱦᱟᱫᱮᱵᱷ ᱥᱟᱦᱟᱭ (Mahadev Sahai) ᱫᱚ ᱢᱤᱫ ᱥᱟ.ᱥᱠᱨᱤᱴ ᱟᱨ ᱯᱷᱟᱨᱥᱤ ᱯᱟ.ᱠᱤᱭᱟ ᱛᱟᱦᱮᱸ ᱠᱟᱱᱟ ᱾ ᱟᱭᱚ ᱠᱚᱢᱞᱮᱥᱣᱚᱨᱤ ᱫᱮᱵᱤ (Kamleshwari Devi) ᱫᱚ ᱵᱚᱸᱜᱟ ᱵᱩᱨᱩ ᱨᱮ ᱯᱟ.ᱛᱭᱟᱣ ᱦᱚᱲ ᱮ ᱛᱟᱦᱮ ᱠᱟᱱᱟ ᱾ ᱨᱟᱡᱮᱱᱫᱽᱨᱚ ᱫᱚ ᱜᱷᱟᱨᱚᱸᱡᱽ ᱨᱮ ᱡᱮᱛᱮ ᱠᱷᱚᱱ ᱦᱩᱰᱤᱧ ᱮ ᱛᱟᱦᱮᱸ ᱠᱟᱱᱟ ᱾ ᱫᱟᱫᱟᱛ ᱛᱮᱫ ᱢᱤᱫᱴᱟᱝ ᱟᱨ ᱯᱮᱭᱟ ᱫᱟ.ᱭ ᱠᱚ ᱛᱟᱦᱮᱸ ᱠᱟᱱ ᱛᱟᱭᱟ ᱾ ᱦᱩᱰᱤᱧ ᱜᱮ ᱛᱟᱦᱮᱸᱱ ᱚᱠᱛᱮ ᱟᱭᱚ ᱫᱚ ᱜᱚᱡ ᱞᱮᱱᱟᱭ, ᱟᱫᱚ ᱫᱟᱫᱟᱛ ᱟᱨ ᱫᱟ.ᱭ ᱛᱮᱠᱚ ᱠᱚ ᱦᱟᱨᱟ ᱞᱮᱫᱮᱭᱟ ᱾[᱒]
ᱥᱤᱠᱷᱱᱟ.ᱛ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱡ ᱡᱚᱠᱷᱚᱱ ᱢᱚᱬᱮ ᱥᱮᱨᱢᱟᱭ ᱛᱟᱦᱮᱸ ᱠᱟᱱᱟ,ᱟᱯᱟᱛ ᱫᱚ ᱢᱩᱥᱞᱤᱢ ᱢᱚᱣᱞᱚᱵᱤ ᱴᱷᱮᱫ ᱯᱚᱲᱦᱚᱱ ᱮ ᱵᱷᱮᱡᱟ ᱞᱮᱫᱟᱭᱟ ᱾ ᱱᱚᱰᱮ ᱠᱷᱚᱱ ᱟᱡ ᱯᱷᱟᱨᱥᱤ,ᱦᱤᱱᱫᱤ ᱟᱨ ᱮᱞᱠᱷᱟ ᱮᱛᱚᱦᱚᱵ ᱥᱤᱠᱷᱱᱟ.ᱛ ᱧᱟᱢ ᱞᱮᱜ-ᱟᱭ ᱾ ᱮᱛᱚᱦᱚᱵ ᱥᱤᱠᱷᱱᱟ.ᱛ ᱛᱟᱭᱚᱢ ᱪᱟᱯᱨᱟ ᱦᱚᱱᱚᱛ ᱟᱥᱲᱟ (Chapra District School) ᱨᱮᱠᱚ ᱵᱷᱩᱨᱛᱤ ᱞᱮᱫᱮᱭᱟ ᱾ ᱚᱞᱚᱜ ᱑᱙᱔᱖ ᱥᱟ.ᱦᱤᱛ ᱚᱠᱛᱮ, ᱑᱒ ᱵᱚᱪᱷᱚᱨ ᱨᱮ ᱨᱟᱡᱟᱵᱷᱟᱱᱥᱤ ᱫᱮᱵᱤ (Rajavanshi Devi) ᱥᱟᱶ ᱠᱚ ᱵᱟᱯᱞᱟ ᱞᱮᱫᱮᱭᱟ ᱾ ᱫᱟᱫᱟ ᱢᱚᱦᱮᱱᱫᱨᱚ ᱯᱨᱚᱥᱟᱫᱽ (Mahendra Prasad) ᱥᱟᱶ ᱴᱤ.ᱠᱮ ᱜᱷᱳᱥ ᱮᱠᱟᱰᱮᱢᱤ (T.K. Ghosh's Academy),ᱯᱟᱴᱱᱟ ᱛᱮ ᱯᱚᱲᱦᱚᱱ ᱦᱚᱸᱭ ᱥᱮᱱᱚᱜ ᱛᱟᱦᱮᱸᱫ ᱾ ᱠᱳᱞᱠᱟᱛᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ (University of Calcutta) ᱮᱱᱴᱨᱟᱱᱥ ᱵᱤᱱᱤᱰ ᱨᱮ ᱯᱩᱭᱞᱩ ᱴᱷᱟᱶ ᱮ ᱟᱢᱮᱴ ᱞᱮᱫ ᱛᱮ ᱪᱟᱸᱫᱚ ᱯᱤᱪᱷᱤ ᱓᱐ ᱴᱟᱠᱟ (Rs. 30) ᱥᱠᱚᱞᱟᱨᱥᱤᱯ ᱧᱟᱢᱮᱫ ᱛᱟᱦᱮᱱ ᱾[᱓] ᱑᱙᱐᱒ ᱥᱟᱞ,ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ,ᱠᱳᱞᱠᱟᱛᱟ (Presidency College, Calcutta) ᱨᱮ ᱥᱟᱬᱮᱥ ᱯᱟ.ᱴᱷᱩᱣᱟ. ᱡᱤᱭᱚᱱ ᱮᱛᱚᱦᱚᱵ ᱞᱮᱫᱟ ᱟᱨ ᱑᱙0᱕ ᱥᱟ.ᱦᱤᱛ ᱨᱮ ᱥᱚᱱᱮᱨ (graduation) ᱯᱷᱟᱥᱴ ᱰᱤᱵᱷᱤᱡᱚᱱ ᱛᱮ ᱯᱟᱥ ᱞᱮᱫᱟᱭ ᱾[᱔] ᱛᱟᱭᱚᱢ ᱟᱨᱴᱥ ᱚᱞᱚᱜ ᱮᱦᱚᱵᱽ ᱠᱮᱫᱟ ᱟᱨ ᱟ.ᱠᱤᱞᱢᱟᱱ/M.A "ᱚᱨᱛᱷᱚᱥᱟᱥᱛᱨᱚ" ᱨᱮ ᱯᱷᱟᱥᱴ ᱰᱤᱵᱷᱤᱡᱚᱱ ᱥᱟᱶ ᱥᱟ.ᱛ ᱠᱮᱫᱟᱭ ᱑᱙᱐᱗ ᱥᱟᱞ,ᱚᱱᱟ ᱡᱮᱜᱮᱛ ᱵᱤᱨᱫᱟ.ᱜᱟᱲ ᱛᱟ.ᱨᱤ ᱠᱷᱚᱱ ᱜᱮ ᱾[᱕]
ᱡᱤᱭᱚᱱ ᱠᱷᱟᱱᱰᱟᱣ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱫ ᱢᱟᱪᱮᱛ ᱞᱮᱠᱟᱛᱮ
ᱯᱩᱭᱞᱩ ᱢᱤᱫ ᱢᱟᱪᱮᱛ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱫᱟ ᱾ ᱚᱨᱛᱷᱚᱥᱟᱥᱛᱨᱚ ᱨᱮ ᱟ.ᱠᱤᱞᱢᱟᱱ ᱥᱟ.ᱛ ᱛᱟᱭᱚᱢ ᱵᱷᱩᱢᱤᱦᱚᱨ ᱠᱚᱞᱮᱡᱽ,ᱢᱩᱡᱟᱯᱷᱚᱨᱯᱩᱨ ᱨᱮ ᱤᱸᱜᱽᱞᱤᱥ ᱜᱟᱞᱚᱪᱤᱭᱟ. ᱵᱟᱦᱟᱞ ᱞᱮᱱᱟᱭ,ᱚᱱᱟ ᱛᱟᱭᱚᱢ ᱢᱩᱬ ᱠᱚᱞᱮᱡᱽ ᱪᱟᱪᱞᱟᱣᱤᱡᱽ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱑᱐᱙᱕ ᱥᱟ.ᱦᱤᱛ,ᱠᱳᱞᱠᱟᱛᱟ ᱨᱮ ᱟ.ᱭᱤᱱ ᱯᱚᱲᱦᱚᱱ ᱚᱠᱛᱚ ᱠᱳᱞᱠᱟᱛᱟ ᱥᱤᱴᱤ ᱠᱮᱞᱮᱡᱽ ᱨᱮᱦᱚᱸ ᱚᱨᱛᱷᱚᱥᱟᱥᱛᱨᱚ ᱜᱟᱞᱚᱪᱤᱭᱟ ᱛᱟᱦᱮᱸ ᱠᱟᱱᱟ ᱾ ᱑᱙᱑᱕ ᱥᱟᱞᱨᱮ ᱟ.ᱭᱤᱱ ᱥᱚᱱᱟ ᱯᱚᱫᱚᱠ ᱥᱟᱶ ᱥᱟ.ᱛ ᱞᱮᱜ-ᱟᱭ ᱾ ᱤᱱᱟ ᱯᱚᱨᱮ ᱟ.ᱭᱤᱱ ᱨᱮ ᱰᱚᱠᱴᱚᱨᱮᱴ ᱠᱚᱨᱟᱣ ᱞᱮᱫᱟᱭ ᱾[᱔]
ᱢᱤᱫ ᱩᱠᱤᱞ ᱞᱮᱠᱟᱛᱮ
᱑᱙᱑᱖ ᱥᱟᱞ, ᱵᱤᱦᱟᱨ,ᱳᱰᱤᱥᱟ ᱦᱟᱭᱠᱳᱴ ᱨᱮ ᱡᱚᱭᱮᱱ ᱞᱮᱫᱟ ᱾ ᱑᱙᱑᱗ ᱨᱮ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟ.ᱜᱟ.ᱲ ᱨᱮᱦᱚᱸ ᱥᱤᱱᱮᱴ ᱟᱨ ᱥᱤᱱᱰᱤᱠᱮᱴ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾ ᱵᱤᱦᱟᱨ ᱨᱮᱭᱟᱜ ᱨᱮᱥᱚᱢ ᱱᱟᱜᱟᱨ ᱨᱮ ᱩᱠᱤᱞᱟᱛᱤ ᱫᱚᱭ ᱚᱵᱷᱟᱭᱥ ᱞᱮᱜ-ᱟ ᱾
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ http://www.presidentofindia.nic.in/former.html
- ↑ The First Three Presidents of India. ISBN 8174787364. Archived from the original on 28 ᱡᱟᱱᱩᱣᱟᱨᱤ 2025. Retrieved 10 ᱯᱷᱮᱵᱽᱨᱩᱣᱟᱨᱤ 2020.
- ↑ Prasad; Sinha, Tara (2007). Rājendra Bābū: patroṃ ke āīne meṃ (in ᱦᱤᱱᱫᱤ) (Saṃskaraṇa 1 ed.). Naī Dillī: Prabhāta Prakāśana. ISBN 978-81-7315-654-0. LCCN 2007375123. OCLC 213465445. OL 16674576M.
- 1 2 "Major Events of Dr. Rajendra Prasad". Archived from the original on 3 ᱢᱟᱨᱪ 2013. Retrieved 10 ᱯᱷᱮᱵᱽᱨᱩᱣᱟᱨᱤ 2020.
- ↑ Prasad, Rajendra; Sinha, Tara (2007). Rājendra Bābū: patroṃ ke āīne meṃ (in ᱦᱤᱱᱫᱤ) (Saṃskaraṇa 1 ed.). Naī Dillī: Prabhāta Prakāśana. ISBN 978-81-7315-654-0. LCCN 2007375123. OCLC 213465445. OL 16674576M.