Jump to content

ᱫᱮᱦᱨᱟᱫᱩᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱰᱮᱦᱨᱟᱰᱩᱱ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
ᱫᱮᱦᱨᱟᱫᱩᱱ
ᱢᱮᱴᱨᱚᱯᱳᱞᱤᱥ
ᱰᱩᱱ ᱟᱥᱲᱟ
Forest Research Institute
ᱫᱮᱦᱨᱟᱫᱩᱱ ᱩᱰᱟᱹᱱ ᱰᱟᱹᱦᱤ
Indian Military Academy
Songtsen Library
Doon Valley; as viewed from Landour
ᱮᱴᱟᱜ ᱧᱩᱛᱩᱢ: ᱰᱩᱱ
ᱫᱮᱦᱨᱟᱫᱩᱱ is located in Uttarakhand
ᱫᱮᱦᱨᱟᱫᱩᱱ
ᱫᱮᱦᱨᱟᱫᱩᱱ
ᱫᱮᱦᱨᱟᱫᱩᱱ is located in India
ᱫᱮᱦᱨᱟᱫᱩᱱ
ᱫᱮᱦᱨᱟᱫᱩᱱ
ᱫᱮᱦᱨᱟᱫᱩᱱ is located in Asia
ᱫᱮᱦᱨᱟᱫᱩᱱ
ᱫᱮᱦᱨᱟᱫᱩᱱ
Location in Uttarakhand
Coordinates: 30°19′05″N 78°01′44″E / 30.318°N 78.029°E / 30.318; 78.029Coordinates: 30°19′05″N 78°01′44″E / 30.318°N 78.029°E / 30.318; 78.029
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛᱩᱛᱛᱚᱨᱟᱠᱷᱚᱸᱰ
ᱦᱚᱱᱚᱛᱫᱮᱦᱨᱟᱫᱩᱱ
ᱛᱷᱟᱯᱚᱱ᱑᱖᱗᱖
ᱢᱩᱱᱤᱥᱤᱯᱟᱞᱤᱴᱤ᱑᱘᱖᱗
ᱥᱚᱨᱠᱟᱨ
 • ᱞᱮᱠᱟᱱᱢᱮᱭᱳᱨ ᱠᱟᱶᱱᱥᱤᱞ
 • ᱪᱟᱪᱞᱟᱣᱫᱮᱦᱨᱟᱫᱩᱱ ᱱᱚᱜᱚᱨ ᱱᱤᱜᱟᱢ
 • ᱢᱮᱭᱳᱨᱥᱩᱱᱤᱞ ᱩᱱᱤᱭᱟᱞ 'ᱜᱟᱢᱟ' (ᱵᱤᱡᱮᱯᱤ)
 • ᱢᱩᱱᱤᱥᱤᱯᱟᱞ ᱠᱚᱢᱤᱥᱚᱱᱚᱨᱵᱤᱡᱚᱭ ᱠᱩᱢᱟᱨ ᱡᱚᱜᱽᱫᱟᱱᱫᱮ
ᱮᱨᱤᱭᱟ
 • ᱢᱮᱴᱨᱚᱯᱳᱞᱤᱥ300 ᱠᱤᱢᱤ (100 ᱜᱟᱺᱴ ᱢᱟᱭᱤᱞ)
ᱩᱥᱩᱞ650 ᱢᱤᱴᱚᱨ (2130 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(2011)[᱑]
 • ᱢᱮᱴᱨᱚᱯᱳᱞᱤᱥ᱕᱗᱘,᱔᱒᱐
 • ᱰᱮᱱᱥᱤᱴᱤ1900/ᱠᱤᱢᱤ2 (5000/ᱜᱟᱺᱴ ᱢᱟᱹᱭᱤᱞ)
 • ᱢᱟᱦᱟᱱᱟᱜᱟᱨ[᱒]᱗᱑᱔,᱒᱒᱓
ᱯᱟᱹᱨᱥᱤ
 • ᱟᱹᱢᱟᱹᱞᱮᱛᱦᱤᱱᱫᱤ[᱓]
 • ᱮᱴᱟᱜᱜᱟᱲᱦᱣᱟᱞᱤ, ᱤᱸᱜᱽᱞᱤᱥ
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ᱒᱔᱘᱐᱐᱑
ᱴᱮᱞᱤᱯᱷᱚᱱ ᱠᱳᱰ+᱙᱑-᱑᱓᱕
ᱜᱟᱹᱰᱤ ᱨᱤᱡᱤᱥᱴᱨᱤUK-07
ᱣᱮᱵᱽᱥᱟᱭᱤᱴnagarnigamdehradun.in

ᱫᱮᱦᱨᱟᱫᱩᱱ (ᱩᱪᱨᱟᱹᱣ ᱺ ᱤᱸᱜᱽᱞᱤᱥ ᱛᱮ Dehradun), ᱫᱮᱦᱨᱟᱫᱩᱱ ᱦᱚᱱᱚᱛ ᱨᱮᱭᱟᱜ ᱢᱟᱨᱟᱝᱥᱟᱲᱟ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱫᱤᱞᱞᱤ ᱠᱷᱚᱱ ᱒᱓᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱫᱩᱱ ᱜᱷᱟᱹᱴᱤ ᱨᱮ ᱵᱚᱥᱠᱚᱫ ᱟᱠᱟᱱᱟ ᱾ ᱑ ᱱᱚᱵᱷᱮᱢᱵᱚᱨ ᱒᱐᱐᱐ ᱦᱤᱞᱚᱜ ᱩᱛᱛᱚᱨ ᱯᱨᱚᱫᱮᱥ ᱯᱚᱱᱚᱛ ᱦᱟᱹᱴᱤᱧ ᱠᱟᱛᱮ ᱛᱤᱱ ᱡᱚᱦᱚᱜ ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱜᱚᱲᱦᱚᱱ ᱦᱩᱭ ᱞᱮᱱᱟ ᱾ ᱤᱱ ᱚᱠᱛᱚ ᱨᱮ ᱚᱱᱟᱫᱚ ᱩᱛᱛᱚᱨᱟᱠᱷᱚᱸᱰ (ᱩᱱ ᱡᱚᱦᱚᱜ ᱩᱛᱛᱚᱨᱟᱧᱪᱚᱞ) ᱨᱮᱭᱟᱜ ᱨᱟᱡᱽᱜᱟᱲ ᱵᱮᱱᱟᱣ ᱮᱱᱟ ᱾ ᱰᱮᱦᱨᱟᱰᱩᱱ ᱫᱚ ᱫᱟᱬᱟᱱ ᱦᱚᱲ, ᱥᱮᱪᱮᱫ, ᱞᱟᱠᱪᱟᱨ, ᱥᱟᱹᱨᱤᱭᱟᱹᱛ ᱪᱚᱨᱚᱠ ᱞᱟᱹᱜᱤᱫ ᱞᱟᱯᱷᱟᱝ ᱴᱷᱟᱶ ᱮ ᱟᱢᱮᱴ ᱟᱠᱟᱫᱼᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱮᱦᱨᱟᱫᱩᱱ ᱨᱮᱭᱟᱜ ᱱᱟᱜᱟᱢ ᱫᱚ ᱛᱤᱱᱟᱹᱜ ᱥᱟᱭ ᱥᱮᱨᱢᱟ ᱢᱟᱨᱮᱱᱟᱜ ᱠᱟᱱᱟ ᱾ ᱰᱮᱦᱨᱟᱰᱩᱱ ᱠᱷᱚᱱ ᱕᱖ ᱠᱤᱞᱳ ᱢᱤᱴᱚᱨ ᱥᱟᱺᱜᱤᱧ ᱠᱟᱞᱥᱤ ᱥᱩᱨ ᱨᱮ ᱢᱮᱱᱟᱜ ᱫᱷᱤᱨᱤ ᱚᱞ ᱠᱷᱚᱱ ᱛᱷᱟᱨᱰ ᱥᱮᱱᱪᱚᱨᱤ ᱵᱤᱥᱤᱤ ᱨᱮ ᱚᱥᱳᱠ ᱥᱚᱢᱨᱟᱴ ᱟᱜ ᱚᱫᱷᱤᱠᱟᱨ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱵᱮᱣᱨᱟ ᱧᱟᱢᱚᱜᱼᱟ ᱾ ᱫᱮᱦᱨᱟᱫᱩᱱ ᱫᱚ ᱜᱷᱟᱱᱮ ᱜᱮ ᱵᱟᱹᱭᱨᱤ ᱠᱚᱫᱚᱭ ᱢᱩᱦᱤᱛ ᱟᱹᱜᱩ ᱟᱠᱟᱫ ᱠᱚᱣᱟ ᱾ ᱠᱷᱞᱤᱞᱩᱞᱞᱟ ᱠᱷᱟᱸ ᱟᱜ ᱟᱹᱜᱩᱣᱟᱹᱱ ᱛᱮ ᱑᱖᱕᱔ ᱥᱟᱞᱮᱨᱮ ᱫᱮᱦᱨᱟᱫᱩᱱ ᱨᱮ ᱢᱩᱜᱚᱞ ᱯᱟᱹᱭᱠᱚ ᱠᱚ ᱟᱠᱨᱚᱢᱚᱬ ᱞᱮᱜᱼᱟ ᱾ ᱥᱤᱨᱢᱳᱨ ᱨᱤᱱᱤᱡ ᱨᱟᱡᱟ ᱥᱩᱵᱷᱟᱥ ᱯᱨᱚᱠᱟᱥ ᱟᱜ ᱜᱚᱲᱚ ᱛᱮ ᱠᱷᱟᱸ ᱜᱷᱟᱰᱷᱟ ᱨᱤᱱᱤᱡ ᱨᱟᱡᱟ ᱯᱨᱩᱛᱷᱵᱤ ᱥᱟᱦ ᱮ ᱦᱟᱨᱟᱣ ᱮ ᱨᱮᱭ ᱡᱤᱛᱠᱟᱹᱨ ᱞᱮᱱᱟ ᱾ ᱜᱟᱹᱫᱽᱫᱤ ᱠᱷᱚᱱ ᱵᱮᱫᱚᱠᱷᱚᱞ ᱟᱠᱟᱫᱮ ᱨᱟᱡᱟ ᱱᱚᱣᱟ ᱠᱟᱛᱷᱟ ᱪᱮᱛᱟᱱ ᱨᱮ ᱜᱟᱹᱫᱽᱫᱤ ᱨᱮᱠᱚ ᱫᱩᱲᱩᱵ ᱚᱪᱚ ᱟᱫᱮᱭᱟ ᱫᱚ, ᱟᱡ ᱞᱟᱹᱠᱛᱤ ᱞᱮᱠᱟ ᱢᱩᱜᱚᱞ ᱵᱟᱫᱽᱥᱟᱦ ᱥᱟᱦᱡᱟᱦᱟᱸ ᱫᱚ ᱠᱷᱟᱡᱽᱱᱟᱭ ᱦᱟᱞᱟ ᱮ ᱢᱟ ᱾ ᱱᱚᱣᱟ ᱫᱚ ᱑᱗᱗᱒ ᱥᱟᱞᱮᱨᱮ ᱜᱩᱡᱽᱡᱚᱨ ᱠᱚ ᱰᱟᱠᱟᱛ ᱞᱮᱜᱼᱟ ᱾ ᱤᱱᱟᱹ ᱛᱟᱭᱚᱢ ᱨᱟᱡᱟ ᱞᱚᱞᱚᱛ ᱥᱟᱦ ᱡᱟᱦᱟᱸᱭ ᱫᱚ ᱯᱨᱩᱛᱷᱵᱤ ᱥᱟᱦ ᱤᱡ ᱵᱚᱝᱥᱚ ᱵᱩᱱᱤᱭᱟᱹᱫᱽ ᱮ ᱛᱟᱦᱮᱸ ᱠᱟᱱᱟ ᱩᱱᱤᱭᱤᱡ ᱦᱚᱯᱤᱱ ᱮᱨᱟ ᱜᱩᱞᱟᱵᱽ ᱥᱤᱝ ᱧᱩᱛᱩᱢᱟᱱ ᱜᱩᱡᱚᱨ ᱴᱷᱮᱱ ᱠᱚ ᱡᱟᱶᱟᱭ ᱞᱮᱫᱮ ᱛᱟᱦᱮᱸᱫ ᱾ ᱜᱩᱞᱟᱵᱽ ᱥᱤᱝ ᱤᱡ ᱦᱚᱯᱚᱱ ᱟᱜ ᱫᱟᱵᱚᱱ ᱫᱮᱦᱨᱟᱫᱩᱱ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱱᱟ ᱾ ᱟᱨ ᱩᱱᱠᱩ ᱵᱚᱝᱥᱚ ᱠᱚ ᱱᱤᱛᱚᱜ ᱚᱠᱛᱚ ᱨᱮᱦᱚᱸ ᱚᱱᱟ ᱱᱟᱜᱟᱨ ᱨᱮᱠᱚ ᱧᱟᱢ ᱫᱟᱲᱮᱭᱟᱜᱼᱟ ᱾

ᱛᱷᱟᱯᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱮᱦᱨᱟᱫᱩᱱ ᱨᱮᱭᱟᱜ ᱛᱷᱟᱯᱚᱱ ᱫᱚ ᱑᱖᱙᱙ ᱥᱟᱞᱮ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱞᱟᱹᱭ ᱟᱠᱚ ᱫᱚ ᱥᱤᱠᱷ ᱠᱚᱭᱤᱡ ᱜᱩᱨᱩ ᱨᱟᱢᱨᱟᱭ ᱠᱤᱨᱚᱛᱯᱩᱨ ᱯᱚᱧᱡᱟᱵᱽ ᱠᱷᱚᱱ ᱦᱮᱡ ᱠᱟᱛᱮ ᱱᱚᱰᱮᱭ ᱵᱚᱥᱠᱚᱫ ᱞᱮᱱᱟ ᱾ ᱢᱚᱜᱚᱞ ᱥᱚᱢᱨᱟᱴ ᱚᱣᱨᱚᱝᱜᱚᱡᱮᱵᱽ ᱫᱚ ᱛᱤᱱᱟᱹᱜ ᱜᱟᱱ ᱟᱹᱛᱩ ᱫᱚ ᱛᱤᱦᱨᱤ ᱱᱚᱨᱮᱥ ᱠᱷᱚᱱ ᱫᱟᱱ ᱛᱮᱭ ᱠᱚᱭ ᱟᱫᱮ ᱛᱟᱦᱮᱸᱫ ᱾ ᱱᱚᱸᱰᱮ ᱩᱱᱤ ᱫᱚ ᱑᱖᱙᱙ ᱥᱟᱞᱮ ᱨᱮ ᱢᱩᱜᱚᱞ ᱴᱚᱸᱵᱽ ᱥᱟᱶ ᱢᱮᱥᱟ ᱫᱷᱟᱨᱟᱜ ᱠᱟᱱ ᱢᱩᱫᱽᱨᱤ ᱦᱚᱸᱭ ᱵᱮᱱᱟᱣ ᱦᱚᱪᱚ ᱞᱮᱜᱼᱟ ᱡᱟᱦᱟᱸ ᱫᱚ ᱛᱮᱦᱮᱧ ᱫᱷᱟ.ᱵᱤᱡ ᱢᱮᱱᱟᱜᱼᱟ ᱾ ᱯᱟᱞᱮ ᱜᱩᱨᱩ ᱠᱚᱣᱟᱜ ᱰᱮᱨᱟ ᱱᱚᱣᱟ ᱜᱷᱟ.ᱴᱤ ᱨᱮ ᱛᱟᱦᱮᱸᱰ ᱠᱷᱟᱹᱛᱤᱨ ᱜᱮ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱧᱩᱛᱩᱢ ᱫᱚ ᱫᱮᱦᱨᱟᱫᱩᱱ ᱢᱮᱱᱛᱮ ᱦᱩᱭ ᱡᱟᱦᱟᱸᱱ ᱠᱚᱜᱼᱟ ᱾ ᱱᱚᱣᱟ ᱥᱟᱶᱛᱮ ᱢᱤᱫ ᱟ.ᱰᱤ ᱢᱟᱨᱮ ᱞᱮᱡᱮᱸᱰ ᱞᱮᱠᱟᱛᱮ

ᱦᱚᱭ ᱫᱟᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱮᱦᱨᱟᱫᱩᱱ ᱨᱮᱭᱟᱜ ᱦᱚᱭ ᱦᱤᱥᱤᱫ ᱫᱚ ᱞᱚᱞᱚ ᱜᱮᱭᱟ ᱾ ᱚᱸᱰᱮᱱᱟᱜ ᱴᱮᱢᱯᱚᱨᱮᱪᱚᱨ ᱫᱚ ᱑᱖ ᱠᱷᱚᱱ ᱓᱖ ᱥᱮᱞᱥᱤᱭᱚᱥ ᱵᱷᱤᱛᱨᱤ ᱨᱮ ᱛᱟᱦᱮᱸᱱᱟ ᱾ ᱫᱮᱦᱨᱟᱫᱩᱱ ᱨᱮ ᱮᱵᱷᱚᱨᱮᱡᱽ ᱒᱐᱗᱓.᱓ ᱢᱢ ᱡᱟᱹᱯᱩᱫ ᱦᱩᱭᱩᱜᱼᱟ ᱾ ᱵᱟᱹᱲᱛᱤ ᱡᱟᱹᱯᱩᱫ ᱫᱚ ᱡᱩᱱ ᱟᱨ ᱥᱮᱯᱴᱮᱢᱵᱚᱨ ᱛᱟᱞᱟᱨᱮ ᱦᱩᱭᱩᱜᱼᱟ ᱾ ᱚᱜᱚᱥᱴ ᱨᱮᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱡᱟᱹᱯᱩᱫ ᱦᱩᱭᱩᱜᱼᱟ ᱾

ᱱᱟᱜᱟᱨ ᱤᱫᱤ ᱠᱟᱛᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱟᱡᱽᱯᱩᱨ ᱦᱚᱨ ᱨᱮ ᱟᱨᱵᱟᱝ ᱰᱟᱞᱚᱱᱵᱟᱞᱟ ᱨᱮᱭᱟᱜ ᱢᱟᱨᱮ ᱟᱵᱟᱥᱤᱭᱟᱹ ᱴᱚᱴᱷᱟ ᱨᱮ ᱥᱟᱢᱟᱝ ᱡᱚᱢᱩᱱᱟ ᱱᱟᱜᱟᱨ ᱥᱚᱲᱚᱠ ᱠᱷᱚᱱ ᱫᱮᱦᱨᱟᱫᱩᱱ ᱮᱛᱚᱦᱚᱵᱚᱜᱼᱟ ᱾ ᱥᱚᱲᱚᱠ ᱨᱮᱭᱟᱜ ᱵᱟᱱᱟᱨ ᱫᱷᱟᱨᱮ ᱨᱮ ᱢᱮᱱᱟᱜ ᱚᱥᱟᱨ ᱯᱤᱸᱰᱟᱹ ᱟᱨ ᱪᱚᱨᱚᱠ ᱫᱟᱨᱥᱟᱬ ᱥᱟᱹᱲᱤᱢ ᱟᱱᱟᱜ ᱫᱚᱞᱟᱱ ᱱᱚᱣᱟ ᱵᱟᱡᱟᱨ ᱨᱮᱭᱟᱜ ᱩᱯᱨᱩᱢ ᱫᱚ ᱾ ᱱᱚᱣᱟ ᱫᱚᱞᱟᱱ ᱨᱮ ᱡᱚ ᱛᱮ ᱯᱮᱨᱮᱡ ᱟᱠᱟᱱ ᱫᱟᱨᱮ ᱨᱮᱭᱟᱜ ᱵᱟᱲᱜᱮ ᱡᱚᱛᱚ ᱦᱚᱲᱟᱜ ᱫᱷᱮᱭᱟᱱ ᱮ ᱢᱩᱦᱤᱛᱟ ᱾ ᱜᱷᱩᱲᱤ ᱚᱲᱟᱜ ᱠᱷᱚᱱ ᱢᱟᱬᱟᱝ ᱫᱷᱟ.ᱵᱤᱡ ᱯᱟᱥᱱᱟᱣ ᱟᱠᱟᱱ ᱨᱩᱝᱜᱤᱱ ᱯᱚᱞᱴᱚᱱ ᱵᱟᱡᱟᱨ ᱡᱟᱦᱟᱸ ᱨᱮᱭᱟᱜ ᱡᱚᱛᱚ ᱠᱷᱚᱱ ᱵᱟ.ᱲᱛᱤ ᱢᱟᱨᱮ ᱟᱨ ᱵᱷᱤᱲ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱵᱟᱡᱟᱨ ᱫᱚ ᱩᱱ ᱡᱚᱦᱚᱜ ᱨᱩᱯ ᱮ ᱦᱟᱛᱟᱣ ᱠᱮᱫᱼᱟ ᱡᱟᱦᱟᱸ ᱛᱤᱱ ᱡᱚᱦᱚᱜ ᱑᱘᱒᱐ ᱥᱟᱞᱮ ᱨᱮ ᱵᱨᱤᱴᱤᱥ ᱥᱮᱱᱟ ᱦᱟᱜ ᱜᱟᱫᱮᱞ ᱦᱤᱡᱩᱜ ᱨᱮᱭᱟᱜ ᱚᱠᱛᱚ ᱯᱟᱲᱟᱣ ᱮᱱᱟ ᱾ ᱛᱮᱦᱮᱧ ᱱᱚᱣᱟ ᱵᱟᱡᱟᱨ ᱨᱮ ᱡᱚ, ᱩᱛᱩ ᱡᱚ, ᱞᱮᱠᱟᱱ ᱞᱮᱠᱟᱱ ᱞᱩᱜᱽᱲᱤ, ᱵᱮᱱᱟᱣ ᱴᱷᱤᱠ ᱞᱩᱜᱽᱲᱤ, ᱡᱩᱛᱟᱹ ᱟᱨ ᱚᱲᱟᱜ ᱨᱮ ᱫᱤᱱᱟᱹᱢ ᱦᱤᱞᱚᱜ ᱠᱟᱹᱢᱤ ᱨᱮ ᱦᱤᱡᱩᱜ ᱥᱟᱢᱟᱱ ᱧᱟᱢᱚᱜᱼᱟ ᱾

ᱦᱮᱡᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱚᱲᱚᱠ ᱦᱚᱨ ᱺ ᱫᱮᱦᱨᱟᱫᱩᱱ ᱫᱤᱥᱚᱢ ᱨᱮᱭᱟᱜ ᱟᱹᱰᱤ ᱯᱟᱦᱴᱟ ᱠᱷᱚᱱ ᱥᱚᱲᱚᱠ ᱦᱚᱨ ᱛᱮ ᱡᱩᱲᱟᱹᱭ ᱟᱠᱟᱱᱟ ᱟᱨ ᱚᱸᱰᱮ ᱡᱟᱦᱟᱸ ᱴᱚᱴᱷᱟ ᱠᱷᱚᱱ ᱜᱮ ᱵᱚᱥ ᱟᱨᱵᱟᱝ ᱴᱮᱠᱥᱤ ᱛᱮ ᱟᱹᱰᱤ ᱟᱞᱜᱟ ᱛᱮ ᱥᱮᱴᱮᱨ ᱦᱩᱭ ᱫᱟᱲᱮᱭᱟᱜᱼᱟ ᱾ ᱡᱚᱛᱚ ᱞᱮᱠᱟᱱ ᱵᱟᱥ, ᱜᱟᱱᱫᱷᱤ ᱵᱟᱥ ᱥᱴᱮᱸᱰ, ᱡᱟᱦᱟᱸ ᱫᱚ ᱫᱤᱞᱞᱤ ᱵᱟᱥ ᱥᱴᱮᱸᱰ ᱧᱩᱛᱩᱢ ᱛᱮ ᱵᱟᱱᱟᱰᱟᱭ ᱢᱮᱱᱟᱜᱼᱟ, ᱚᱸᱰᱮ ᱠᱷᱚᱱ ᱟᱲᱟᱜᱚᱜᱼᱟ ᱾ ᱚᱸᱰᱮ ᱫᱚ ᱵᱟᱨᱭᱟ ᱵᱚᱥ ᱥᱴᱟᱸᱰ ᱢᱮᱱᱟᱜᱼᱟ ᱾ ᱫᱮᱦᱨᱟᱫᱩᱱ ᱟᱨ ᱫᱤᱞᱞᱤ, ᱥᱤᱢᱞᱟ ᱟᱞ ᱢᱚᱥᱩᱨᱤ ᱛᱟᱞᱟ ᱨᱮ ᱰᱤᱞᱠᱥ/ᱥᱮᱢᱤ ᱰᱤᱞᱠᱥ ᱵᱚᱥ ᱥᱮᱵᱟ ᱨᱮᱭᱟᱜ ᱥᱩᱵᱩᱫᱷᱟ ᱢᱮᱱᱟᱜᱼᱟ ᱾ ᱱᱚᱣᱟ ᱵᱚᱥ ᱠᱚᱫᱚ ᱠᱞᱮᱢᱮᱴ ᱴᱟᱶᱱ ᱠᱷᱚᱱ ᱥᱩᱨ ᱨᱮ ᱢᱮᱱᱟᱜ ᱤᱱᱴᱚᱨᱱᱮᱥᱱᱟᱞ ᱵᱚᱥ ᱴᱚᱨᱢᱤᱱᱟᱞ ᱠᱷᱚᱱ ᱪᱟᱞᱟᱜᱼᱟ ᱾ ᱫᱤᱞᱞᱤ ᱨᱮᱭᱟᱜ ᱜᱟᱱᱫᱷᱤ ᱵᱚᱥ ᱥᱴᱟᱸᱰ ᱠᱷᱚᱱ ᱮᱥᱤ ᱰᱤᱞᱠᱥ ᱵᱚᱥ ᱦᱚᱸ ᱪᱟᱹᱞᱩᱜ ᱠᱟᱱᱟ ᱾ ᱱᱚᱣᱟ ᱥᱩᱵᱤᱫᱷᱟ ᱫᱚ ᱦᱟᱹᱞᱤ ᱜᱮ ᱭᱩᱮᱮᱥᱟᱨᱴᱤᱥᱤ ᱦᱚᱛᱮᱛᱮ ᱮᱛᱚᱦᱚᱵ ᱦᱩᱭ ᱟᱠᱟᱱᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Provisional Population Totals, Census of India 2011; Cities having population 1 lakh and above" (pdf). Office of the Registrar General & Census Commissioner, India. Retrieved 26 March 2012.
  2. "Provisional Population Totals, Census of India 2011; Urban Agglomerations/Cities having population 1 lakh and above" (pdf). Office of the Registrar General & Census Commissioner, India. Retrieved 26 March 2012.
  3. "52nd REPORT OF THE COMMISSIONER FOR LINGUISTIC MINORITIES IN INDIA" (PDF). nclm.nic.in. Ministry of Minority Affairs. p. 47. Archived from the original (PDF) on 25 ᱢᱮ 2017. Retrieved 16 ᱡᱟᱱᱩᱣᱟᱨᱤ 2019. {{cite web}}: Unknown parameter |deadurl= ignored (help)

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]