ᱫᱮᱦᱨᱟᱫᱩᱱ ᱦᱚᱱᱚᱛ

ᱫᱮᱦᱨᱟᱫᱩᱱ ᱦᱚᱱᱚᱛ
ᱫᱮᱦᱨᱟᱫᱩᱱ ᱦᱚᱱᱚᱛ
ᱦᱚᱱᱚᱛ
	; ᱫᱮᱦᱨᱟᱫᱩᱱ ᱦᱚᱱᱚᱛ ᱨᱮᱱᱟᱜ ᱴᱷᱟᱶ ᱩᱛᱛᱚᱨᱟᱠᱷᱚᱸᱰ ᱨᱮ
	Coordinates: 30°20′N 78°04′E / 30.33°N 78.06°ECoordinates: 30°20′N 78°04′E / 30.33°N 78.06°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱩᱛᱛᱚᱨᱟᱠᱷᱚᱸᱰ
ᱛᱷᱚᱱᱚᱛ	ᱜᱟᱲᱣᱟᱞ
ᱦᱮᱰᱠᱩᱣᱟᱴᱚᱨ	ᱫᱮᱦᱨᱟᱫᱩᱱ
ᱥᱚᱨᱠᱟᱨ
• ᱦᱚᱱᱚᱛ ᱢᱟᱡᱤᱥᱴᱨᱟᱴ	ᱮᱥ. ᱮ. ᱢᱩᱨᱩᱜᱮᱥᱚᱱ, IAS
• ᱮᱥ.ᱮᱥ.ᱯᱤ.	ᱱᱤᱵᱷᱮᱰᱤᱛᱟ ᱠᱩᱠᱨᱮᱴᱤ, IPS
ᱮᱨᱤᱭᱟ
• ᱞᱮᱠᱷᱟᱜᱩᱴ	3088 ᱠᱤᱢᱤ২ (1192 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱑,᱖᱙᱘,᱕᱖᱐
• ᱰᱮᱱᱥᱤᱴᱤ	550/ᱠᱤᱢᱤ2 (1400/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱦᱤᱱᱫᱤ, ᱜᱟᱲᱣᱟᱞᱤ, ᱠᱩᱢᱟᱣᱱᱤ , ᱡᱟᱣᱱᱥᱚᱨᱤ
	IST (ᱭᱩᱴᱤᱥᱤ+5:30)
ᱜᱟᱹᱰᱤ ᱨᱤᱡᱤᱥᱴᱨᱤ	UK 07
ᱣᱮᱵᱽᱥᱟᱭᱤᱴ	dehradun.nic.in

ᱫᱮᱦᱨᱟᱫᱩᱱ ᱦᱚᱱᱚᱛ ᱫᱚ ᱠᱚᱧᱮ ᱥᱤᱧᱚᱛ ᱨᱮ ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱫᱮᱦᱨᱟᱫᱩᱱ ᱠᱟᱱᱟ, ᱡᱟᱦᱟᱸ ᱫᱚ ᱒᱐᱐᱐ ᱨᱮ ᱟᱡᱟᱜ ᱴᱷᱟᱯᱚᱱ ᱛᱟᱭᱚᱢ ᱠᱷᱚᱱ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱤᱱᱴᱮᱨᱤᱢ ᱨᱟᱡᱽᱜᱟᱲ ᱞᱮᱠᱟᱛᱮ ᱦᱚᱸ ᱠᱟᱹᱢᱤ ᱠᱮᱜᱼᱟ ᱾ ᱦᱚᱱᱚᱛ ᱨᱮ ᱖ ᱛᱟᱦᱥᱤᱞ, ᱖ ᱥᱟᱢᱩᱫᱟᱭᱤᱠ ᱵᱤᱠᱟᱥ ᱠᱷᱚᱸᱰ, ᱑᱗ ᱱᱟᱜᱟᱨ ᱟᱨ ᱗᱖᱔ ᱟᱹᱛᱩ ᱵᱟᱥᱟ ᱟᱠᱟᱱᱟ, ᱟᱨ ᱑᱘ ᱜᱮᱨ ᱦᱚᱲ ᱮᱞ ᱟᱹᱛᱩ ᱢᱮᱱᱟᱜᱼᱟ ᱾ ᱒᱐᱑᱑ ᱫᱷᱟᱹᱨᱤᱡ ᱱᱚᱣᱟ ᱦᱚᱨᱤᱫᱣᱟᱨ ᱛᱟᱭᱚᱢ ᱩᱛᱚᱨᱟᱠᱷᱚᱸᱰ ᱨᱮᱱᱟᱜ ᱫᱚᱥᱟᱨ (᱑᱓ ᱠᱷᱚᱱ ᱫᱚ) ᱟᱹᱰᱤ ᱥᱟᱸᱜᱮ ᱦᱚᱲ ᱮᱞ ᱦᱚᱱᱚᱛ ᱠᱟᱱᱟ ᱾^[᱑] ᱫᱮᱦᱨᱟᱫᱩᱱ ᱦᱚᱱᱚᱛ ᱨᱮ ᱨᱤᱥᱤᱠᱮᱥ, ᱢᱚᱥᱩᱨᱤ, ᱞᱟᱸᱰᱷᱚᱨ, ᱟᱨ ᱪᱚᱠᱚᱨᱟᱛᱟ ᱨᱮᱱᱟᱜ ᱢᱩᱬ ᱥᱚᱦᱚᱨ ᱥᱮᱞᱮᱫ ᱢᱮᱱᱟᱜᱼᱟ ᱾ ᱱᱚᱣᱟ ᱦᱚᱱᱚᱛ ᱥᱟᱢᱟᱝ ᱨᱮ ᱜᱟᱝᱱᱟᱹᱭ ᱞᱮᱠᱟᱛᱮ ᱯᱟᱪᱷᱮ ᱨᱮ ᱡᱟᱢᱩᱱᱟ ᱱᱟᱹᱭ ᱫᱷᱟᱹᱨᱤᱡ ᱟᱨ ᱮᱛᱚᱢ ᱨᱮ ᱛᱚᱨᱟᱭ ᱟᱨ ᱥᱤᱵᱟᱞᱤᱠ ᱞᱮᱠᱟᱛᱮ ᱠᱚᱧᱮ ᱯᱟᱪᱮ ᱨᱮ ᱢᱟᱦᱟᱱ ᱦᱮᱢᱟᱞ ᱵᱩᱨᱩ ᱫᱷᱟᱹᱨᱤᱡ ᱟᱴᱮᱫ ᱟᱠᱟᱱᱟ ᱾ ᱵᱨᱤᱴᱤᱥ ᱨᱟᱡᱽ ᱚᱠᱛᱚ ᱨᱮ, ᱦᱚᱱᱚᱛ ᱨᱮᱱᱟᱜ ᱟᱹᱢᱟᱹᱞᱮᱛ ᱧᱩᱛᱩᱢ ᱫᱮᱦᱨᱟ ᱫᱩᱱ ᱛᱟᱦᱮᱸ ᱠᱟᱱᱟ ᱾^[᱒] ᱑᱘᱔᱒ ᱨᱮ, ᱰᱩᱱ ᱫᱚ ᱥᱚᱦᱟᱨᱚᱱᱯᱩᱨ ᱦᱚᱱᱚᱛ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱟᱨ ᱦᱚᱱᱚᱛ ᱨᱤᱱᱤᱡ ᱠᱚᱞᱮᱠᱴᱚᱨ ᱨᱤᱡ ᱥᱩᱵᱚᱨᱰᱤᱱᱟᱴ ᱢᱤᱫ ᱟᱹᱢᱟᱹᱞᱮᱛ ᱚᱱᱟ ᱵᱤᱴᱷᱤᱨ ᱨᱤᱱᱤᱡ ᱮ ᱫᱚᱦᱚ ᱠᱮᱫᱮᱭᱟ, ᱟᱫᱚ ᱑᱘᱗᱑ ᱠᱷᱚᱱ ᱱᱚᱣᱟ ᱵᱷᱮᱡᱟᱨ ᱦᱚᱱᱚᱛ ᱞᱮᱠᱟᱛᱮ ᱥᱟᱥᱚᱱ ᱪᱟᱞᱟᱣ ᱠᱟᱱᱟ ᱾

ᱫᱮᱦᱨᱟᱫᱩᱱ ᱡᱟᱹᱛᱤᱭᱟᱹᱨᱤ ᱨᱟᱡᱽᱜᱟᱲ ᱫᱤᱞᱞᱤ ᱠᱷᱚᱱ ᱒᱓᱐ ᱠᱤᱞᱚᱢᱤᱴᱚᱨ ᱥᱟᱜᱤᱧ ᱨᱮ ᱢᱮᱱᱟᱜᱼᱟ ᱾ ᱡᱟᱹᱛᱤᱭᱟᱹᱨᱤ ᱥᱩᱱᱩᱢ ᱟᱨ ᱚᱛᱮᱛ ᱜᱮᱥ ᱱᱤᱜᱟᱢ, ᱥᱤᱧᱚᱛ ᱨᱮᱱᱟᱜ ᱥᱟᱨᱵᱮ, ᱟᱨ ᱫᱩᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱩᱛᱛᱚᱨᱟᱠᱷᱚᱸᱰ ᱴᱮᱪᱱᱚᱞᱚᱡᱤ ᱤᱱᱥᱴᱤᱴᱭᱩᱴ, ᱥᱤᱧᱚᱛᱤᱭᱟᱹ ᱯᱮᱴᱨᱚᱞᱤᱭᱟᱢ ᱤᱱᱥᱴᱤᱴᱭᱩᱴ, ᱩᱛᱛᱚᱨᱟᱠᱷᱚᱸᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱵᱤᱨ ᱨᱤᱥᱟᱨᱪ ᱤᱱᱥᱴᱤᱴᱭᱩᱴ,ᱥᱤᱧᱚᱛᱤᱭᱟᱹ ᱵᱤᱨ ᱡᱤᱵ ᱤᱱᱥᱴᱤᱴᱭᱩᱴ, ᱡᱟᱹᱛᱤᱭᱟᱹᱨᱤ ᱥᱤᱧᱚᱛᱤᱭᱟᱹ ᱢᱤᱞᱩᱴᱮᱨᱤ ᱵᱤᱨᱫᱟᱹᱜᱟᱲ ᱟᱨ ᱥᱤᱧᱚᱛᱤᱭᱟᱹ ᱢᱤᱞᱩᱴᱮᱨᱤ ᱮᱠᱟᱵᱮᱢᱤ ᱞᱮᱠᱟᱱᱟᱜ ᱟᱹᱰᱤ ᱜᱟᱱ ᱥᱮᱪᱮᱫ ᱤᱱᱥᱴᱤᱴᱭᱩᱴ ᱢᱮᱱᱟᱜᱼᱟ ᱱᱚᱸᱰᱮ ᱦᱚᱸ ᱢᱮᱱᱟᱜᱼᱟ ᱾ ᱵᱟᱥᱢᱚᱛᱤ ᱪᱟᱣᱞᱮ, ᱪᱟᱭ ᱟᱨ ᱞᱤᱪᱤ ᱵᱟᱜᱟᱱ ᱟᱹᱰᱤ ᱜᱟᱱ ᱢᱩᱬ ᱪᱟᱥ ᱢᱮᱱᱟᱜᱼᱟ ᱾

ᱱᱚᱣᱟ ᱴᱚᱴᱷᱟ ᱫᱚ ᱑᱘᱑᱔-᱑᱖ ᱨᱮᱱᱟᱜ ᱜᱚᱨᱠᱷᱟ ᱞᱟᱹᱲᱦᱟᱭ ᱨᱮᱱᱟᱜ ᱨᱤᱡᱟᱞᱴᱤᱝ ᱴᱤᱦᱨᱤᱼᱜᱟᱲᱣᱟᱞ ᱨᱤᱱᱤᱡ ᱢᱚᱦᱟᱨᱟᱡᱟ ᱥᱟᱞᱟᱜ ᱢᱤᱫ ᱞᱟᱹᱲᱦᱟᱭ ᱛᱟᱯᱟᱢ ᱞᱮᱠᱟᱛᱮ ᱥᱟᱵ ᱠᱟᱛᱮ ᱠᱚ ᱤᱫᱤ ᱞᱮᱫᱮ ᱭᱟᱠᱚ ᱛᱟᱦᱮᱸᱫ, ᱟᱨ ᱥᱟᱥᱚᱱ ᱪᱟᱪᱞᱟᱣ ᱞᱮᱠᱟᱛᱮ ᱥᱚᱦᱟᱨᱚᱱᱯᱩᱨ ᱦᱚᱱᱚᱛ ᱫᱚ ᱱᱚᱣᱟ ᱢᱟᱲᱟᱝ ᱞᱚᱜᱚᱱ ᱮᱛᱚᱢ ᱨᱮ ᱡᱚᱲᱟᱣ ᱠᱮᱜᱼᱟ ᱠᱚ, ᱟᱫᱚ ᱢᱟᱲᱟᱝ ᱠᱷᱚᱱ ᱵᱨᱤᱴᱤᱥ ᱛᱤ ᱨᱮ ᱛᱟᱦᱮᱸ ᱠᱟᱱᱟ ᱾

ᱱᱟᱜᱟᱢ

ᱫᱮᱦᱨᱟᱫᱩᱱ ᱨᱮ ᱵᱷᱤᱱᱮ ᱵᱷᱤᱱᱤ ᱢᱟᱨᱮᱱᱟᱜ ᱠᱟᱹᱦᱟᱹᱱᱤ ᱟᱨ ᱥᱟᱸᱥᱠᱨᱤ ᱥᱮᱞᱮᱫ ᱢᱮᱱᱟᱜᱼᱟ ᱾ ᱨᱟᱢᱟᱭᱚᱱ ᱨᱮ ᱰᱤᱠᱨᱤᱵᱮᱰ ᱢᱮᱱᱟᱜᱼᱟ ᱡᱮ ᱵᱷᱚᱜᱽᱣᱟᱱ ᱨᱟᱢ,ᱵᱚᱭᱦᱟ ᱞᱚᱠᱷᱚᱱ ᱥᱟᱶᱛᱮ ᱞᱚᱝᱠᱟ ᱨᱤᱱᱤᱡ ᱵᱟᱪᱟᱣ ᱤᱡ ᱨᱟᱡᱟ ᱨᱟᱵᱚᱱ ᱦᱟᱨᱟᱣ ᱠᱟᱛᱮ ᱴᱚᱴᱷᱟ ᱨᱮ ᱦᱮᱡ ᱞᱮᱱᱟ ᱾ ᱱᱚᱣᱟ ᱴᱚᱴᱷᱟ ᱢᱚᱦᱟᱵᱷᱟᱨᱚᱛ ᱨᱮ ᱠᱚᱨᱵᱚᱸ ᱟᱨ ᱯᱟᱸᱰᱣᱚᱸ ᱤᱡ ᱜᱩᱨᱩ ᱫᱨᱚᱬᱟᱪᱟᱨᱭ ᱥᱟᱞᱟᱜ ᱦᱚᱸ ᱡᱚᱲᱟᱣ ᱞᱮᱱᱟ ᱾ ᱨᱤᱥᱤᱠᱮᱥ ᱟᱜ ᱴᱚᱴᱷᱟ ᱨᱮᱱᱟᱜ ᱫᱩᱦ ᱫᱚᱦᱚ ᱥᱠᱚᱸᱫᱽ ᱯᱩᱨᱟᱬ ᱨᱮ ᱧᱟᱯᱟᱢ ᱢᱟ ᱪᱮᱫᱟᱜ ᱪᱮ ᱵᱷᱚᱜᱽᱣᱟᱱ ᱵᱤᱥᱱᱩ ᱫᱚ ᱥᱟᱫᱷᱩ ᱫᱚ ᱯᱤᱲᱟ ᱮᱢᱚᱜ ᱜᱤᱦ ᱟᱥᱩᱨ ᱢᱚᱫᱷᱩᱼᱠᱮᱛᱟᱵᱷ ᱟᱨ ᱩᱱᱤᱭᱤᱡ ᱜᱟᱛᱮ ᱜᱚᱡᱽ ᱠᱟᱛᱮ ᱥᱟᱫᱷᱩ ᱮᱢᱟᱫ ᱫᱮᱭᱟ ᱾ ᱢᱟᱨᱮ ᱢᱚᱱᱫᱤᱨ,ᱢᱩᱨᱛᱤ ᱟᱨ ᱟᱨᱪᱚᱞᱚᱡᱤᱠᱟᱞ ᱟᱨ ᱛᱟᱨᱟ ᱨᱟᱢᱟᱭᱚᱱ ᱟᱨ ᱢᱚᱦᱟᱵᱷᱟᱨᱚᱛ ᱨᱮ ᱰᱮᱠᱨᱤᱵᱮᱰ ᱴᱚᱴᱷᱟ ᱨᱮ ᱟᱨ ᱚᱱᱟ ᱥᱩᱨᱥᱩᱯᱩᱨ ᱨᱮᱱᱟᱜ ᱛᱷᱟᱱ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱟᱨ ᱛᱟᱨᱟ ᱫᱚ ᱒᱐᱐᱐ ᱥᱟᱞ ᱢᱟᱨᱮ ᱢᱟᱱᱟᱣ ᱟᱠᱟᱱᱟ ᱾

ᱦᱚᱲ ᱮᱞ

ᱦᱚᱲ ᱮᱞᱥᱚᱝ ᱱᱟᱜᱟᱢ
ᱥᱮᱨᱢᱟ	ᱦᱚᱲ.	±% ᱥᱮ.ᱯᱤ.
᱑᱙᱐᱑	᱑᱗᱗,᱔᱖᱕	—
᱑᱙᱑᱑	᱒᱐᱔,᱕᱓᱔	+1.43%
᱑᱙᱒᱑	᱒᱑᱑,᱘᱗᱗	+0.35%
᱒᱐᱓᱑	᱒᱒᱙,᱘᱕᱐	+0.07%
᱒᱐᱔᱑	᱒᱖᱕,᱗᱘᱖	+1.46%
᱒᱐᱕᱑	᱓᱖᱑,᱖᱘᱙	+3.13%
᱒᱐᱖᱑	᱔᱒᱙,᱐᱑᱔	+1.72%
᱒᱐᱗᱑	᱕᱗᱗,᱓᱐᱖	+3.01%
᱒᱐᱘᱑	᱗᱖᱑,᱖᱖᱘	+2.81%
᱑᱙᱙᱑	᱑,᱐᱒᱕,᱖᱗᱙	+0.33%
᱒᱐᱐᱑	᱑,᱒᱘᱒,᱑᱔᱓	+2.26%
᱒᱐᱑᱑	᱑,᱖᱙᱖,᱖᱙᱔	+2.84%
source:^[᱓]

ᱫᱮᱦᱨᱟᱫᱩᱱ ᱦᱚᱱᱚᱛ ᱨᱮ ᱫᱷᱚᱨᱚᱢ
ᱫᱷᱚᱨᱚᱢ			Percent
ᱦᱤᱱᱫᱩ			83.98%
ᱢᱩᱥᱞᱤᱢ			11.91%

᱒᱐᱑᱑ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱫᱮᱦᱨᱟᱫᱩᱱ ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱑᱖,᱙᱘,᱕᱖᱐ ᱜᱟᱱ ᱢᱮᱱᱟᱜ ᱠᱚᱣᱟ ᱟᱫᱚ ᱦᱚᱨᱤᱫᱣᱟᱨ (᱑᱙,᱒᱗,᱐᱒᱙) ᱛᱟᱭᱚᱢ ᱩᱛᱛᱚᱨᱟᱠᱷᱚᱸᱰ ᱨᱮ ᱫᱚᱥᱟᱨ ᱛᱷᱟᱱ ᱨᱮ ᱢᱮᱱᱟᱜᱼᱟ ᱾ ᱰᱤᱠᱮᱰᱟᱞ ᱜᱨᱚᱴ ᱫᱚᱨ ᱒᱕% (᱑᱙᱙᱑-᱒᱐᱐᱑) ᱠᱷᱚᱱ ᱵᱟᱲᱦᱟᱣ ᱠᱟᱛᱮ ᱓᱒.᱔᱘% (᱒᱐᱐᱑-᱒᱐᱑᱑) ᱦᱩᱭ ᱮᱱᱟ ᱾ ᱱᱚᱣᱟ ᱦᱚᱨᱤᱫᱣᱟᱨ (᱓᱓.᱑᱖%) ᱟᱨ ᱩᱫᱷᱚᱢ ᱥᱤᱝ ᱱᱚᱜᱚᱨ (᱓᱓.᱔᱐%) ᱛᱟᱭᱚᱢ ᱩᱛᱛᱚᱨᱟᱠᱷᱚᱸᱰ ᱨᱮ ᱛᱤᱥᱟᱨ ᱛᱷᱟᱱ ᱠᱟᱱᱟ ᱾ ᱦᱚᱱᱚᱛ ᱨᱮᱱᱟᱜ ᱡᱟᱱᱟᱝ ᱙᱐᱒ ᱢᱮᱱᱟᱜᱼᱟ, ᱟᱫᱚ ᱦᱚᱱᱚᱛ ᱨᱮᱱᱟᱜ ᱙᱖᱓ ᱢᱮᱱᱟᱜᱼᱟ ᱾ ᱟᱫᱚ ᱒᱐᱐᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ ᱱᱚᱣᱟ ᱘᱘᱗ ᱠᱷᱚᱱ ᱱᱟᱯᱟᱭ ᱮᱱᱟ ᱾ ᱦᱚᱲ ᱮᱞ ᱰᱮᱱᱥᱤᱴᱤ ᱕᱕᱐ ᱢᱮᱱᱟᱜᱼᱟ, ᱟᱨ ᱦᱚᱸ ᱦᱚᱨᱤᱫᱣᱟᱨ (᱘᱑᱗) ᱟᱨ ᱩᱫᱷᱚᱢ ᱥᱤᱝ ᱱᱚᱜᱚᱨ (᱖᱔᱘) ᱛᱟᱭᱚᱢ ᱛᱤᱥᱟᱨ ᱛᱷᱟᱱ ᱠᱟᱱᱟ ᱾ ᱯᱚᱱᱚᱛ ᱨᱮᱱᱟᱜ ᱑᱘᱙ ᱢᱮᱱᱟᱜᱼᱟ ᱾ ᱥᱮᱪᱮᱫ ᱫᱚᱨ ᱯᱚᱱᱚᱛ ᱨᱮ ᱟᱹᱰᱤ ᱥᱟᱸᱜᱮ ᱘᱕.᱒᱔% (ᱠᱚᱲᱟ ᱟᱜ ᱙᱐.᱓᱒%, ᱛᱤᱨᱞᱟᱹ ᱟᱜ ᱗᱙.᱖᱑%) ᱢᱮᱱᱟᱜᱼᱟ ᱾^[᱔]

᱒᱐᱑᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱛᱮ, ᱦᱚᱱᱚᱛ ᱨᱮᱱᱟᱜ ᱖᱐% ᱦᱚ ᱮᱞ ᱫᱚ ᱦᱤᱱᱫᱤ ᱞᱮᱠᱟᱛᱮ ᱟᱡᱟᱜ ᱢᱟᱲᱟᱝ ᱯᱟᱹᱨᱥᱤ ᱨᱮᱱᱟᱜ ᱢᱟᱱᱟᱣ ᱠᱮᱜᱼᱟ, ᱑᱗% ᱫᱚ ᱜᱚᱲᱣᱟᱞᱤ ᱨᱚᱨᱚᱲ ᱦᱚᱲ ᱢᱮᱱᱟᱜ ᱠᱚᱣᱟ, ᱗.᱔% ᱫᱚ ᱡᱟᱭᱱᱥᱟᱨᱤ ᱪᱩᱱᱟ, ᱓.᱘% ᱫᱚ ᱩᱨᱫᱩ, ᱓.᱔% -ᱯᱚᱧᱡᱟᱵᱤ, ᱓.᱓% ᱼ ᱱᱮᱯᱟᱞᱤ, ᱑.᱑% ᱫᱚ ᱠᱩᱢᱟᱣᱚᱱᱤ, ᱐.᱘᱗%- ᱵᱷᱚᱡᱽᱯᱩᱨᱤ, ᱐.᱕᱘% - ᱛᱤᱵᱵᱟᱛᱤ, ᱟᱨ ᱐.᱕᱕% - ᱵᱟᱸᱜᱟᱞᱤ ᱾^[᱕]

ᱥᱟᱸᱥᱠᱨᱤᱛᱤ

ᱫᱮᱦᱨᱟᱫᱩᱱ ᱦᱚᱱᱚᱛ ᱜᱚᱲᱣᱟᱞ ᱴᱚᱴᱷᱟ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ, ᱚᱱᱟ ᱞᱟᱹᱜᱤᱫ ᱦᱚᱱᱚᱛ ᱨᱮ ᱞᱚᱠᱟᱞ ᱥᱟᱸᱥᱠᱨᱤᱛᱤ ᱢᱩᱬ ᱢᱮᱱᱟᱜᱼᱟ ᱾ ᱜᱚᱲᱣᱟᱞᱤ ᱥᱟᱶᱛᱮ ᱱᱚᱣᱟ ᱴᱚᱴᱷᱟ ᱨᱮ ᱨᱚᱨᱚᱲ ᱦᱚᱲ ᱮᱢᱟᱱ ᱯᱟᱹᱨᱥᱤ ᱢᱮᱱᱟᱜᱼᱟ, ᱡᱚᱭᱱᱥᱟᱨᱤ, ᱦᱤᱱᱫᱤ ᱟᱨ ᱤᱝᱜᱽᱞᱤᱥ ᱾ ᱞᱤᱞ ᱵᱟᱥ ᱥᱚᱦᱚᱨ ᱢᱮ ᱦᱤᱡᱩᱜ ᱥᱮᱱᱚᱜ ᱞᱟᱹᱜᱤᱫ ᱢᱩᱬ ᱰᱟᱦᱟᱨ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

↑ "District Census 2011". Census2011.co.in. 2011. Retrieved 2011-09-30.
↑ https://en.wikisource.org/wiki/1911_Encyclop%C3%A6dia_Britannica/Dehra
↑ Decadal Variation In Population Since 1901
↑ "Provisional Population Totals and data products - Census 2011 : Uttarakhand". Census of India. Retrieved 2011-05-30.
↑ C-16 Population By Mother Tongue – Uttarakhand (Report). Office of the Registrar General & Census Commissioner, India. Retrieved 6 October 2019.

ᱵᱟᱦᱨᱮ ᱡᱚᱱᱚᱲ

[districtcensus-1] "District Census 2011". Census2011.co.in. 2011. Retrieved 2011-09-30.

[2] ttps://en.wikisource.org/wiki/1911_Encyclop%C3%A6dia_Britannica/Dehra

[3] Decadal Variation In Population Since 1901

[4] "Provisional Population Totals and data products - Census 2011 : Uttarakhand". Census of India. Retrieved 2011-05-30.

[5] C-16 Population By Mother Tongue – Uttarakhand (Report). Office of the Registrar General & Census Commissioner, India. Retrieved 6 October 2019.

[᱑]

[᱒]

[᱓]

[᱔]

[᱕]

ᱥᱤᱢᱞᱟ ᱦᱚᱱᱚᱛ, ᱦᱤᱢᱟᱪᱚᱞ ᱯᱨᱚᱫᱮᱥ		ᱩᱛᱛᱚᱨᱠᱟᱥᱤ ᱦᱚᱱᱚᱛ
ᱥᱤᱨᱢᱳᱨ ᱦᱚᱱᱚᱛ, ᱦᱤᱢᱟᱪᱚᱞ ᱯᱨᱚᱫᱮᱥ		ᱴᱤᱦᱨᱤ ᱜᱟᱲᱣᱟᱞ ᱦᱚᱱᱚᱛ
	ᱫᱮᱦᱨᱟᱫᱩᱱ ᱦᱚᱱᱚᱛ

ᱥᱚᱦᱟᱨᱚᱱᱯᱩᱨ ᱦᱚᱱᱚᱛ, ᱩᱛᱛᱚᱨ ᱯᱨᱚᱫᱮᱥ	ᱦᱚᱨᱤᱫᱣᱟᱨ ᱦᱚᱱᱚᱛ	ᱯᱚᱣᱲᱤ ᱜᱟᱲᱣᱟᱞ ᱦᱚᱱᱚᱛ