ᱱᱟᱜᱩᱭᱤᱵᱽ ᱢᱮᱦᱯᱷᱚᱣᱡᱽ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱱᱟᱜᱩᱭᱤᱵ ᱢᱮᱦᱯᱷᱚᱣᱡᱽ

ᱱᱟᱜᱩᱭᱤᱵ ᱢᱮᱦᱯᱷᱚᱣᱡᱽ(ᱤᱡᱤᱯᱴᱤᱭᱟᱱ ᱟᱨᱚᱵᱤᱠᱺنجيب محفوظ Nagīb Maḥfūẓ, IPA: [næˈɡiːb mɑħˈfuːzˤ];᱑᱑ ᱰᱮᱥᱮᱢᱵᱚᱨ ᱑᱙᱑᱑ ᱼ ᱓᱐ ᱚᱜᱚᱥᱴ ᱒᱐᱐᱖)ᱫᱚ ᱢᱤᱫ ᱤᱡᱤᱯᱴᱤᱭᱟᱱ ᱚᱱᱚᱞᱤᱭᱟᱹᱭ ᱛᱟᱦᱮᱸ ᱠᱟᱱᱟ , ᱡᱟᱦᱟᱸᱭ ᱑᱙᱘᱘ ᱨᱮ ᱥᱟᱶᱦᱮᱫ ᱞᱟᱹᱜᱤᱫ ᱱᱳᱵᱮᱞ ᱥᱤᱨᱯᱟᱹᱭ ᱧᱟᱢ ᱞᱮᱫᱼᱟ ᱾ᱟᱨᱚᱵᱤᱠ ᱥᱟᱶᱦᱮᱫ ᱨᱮ ᱚᱥᱛᱤᱛᱣᱚ ᱵᱟᱫ ᱥᱟᱛᱟᱢ ᱨᱮ ᱚᱞ ᱞᱮᱫ ᱚᱱᱚᱞᱤᱭᱟᱹ ᱛᱚᱣᱯᱷᱤᱠ ᱮᱞᱼᱦᱟᱠᱤᱢ ᱥᱟᱶᱛᱮᱱ ᱚᱠᱛᱚ ᱨᱤᱱᱤᱡ ᱯᱩᱭᱞᱩ ᱚᱱᱚᱞᱤᱭᱟᱹ ᱠᱟᱱᱟᱭ [1]᱾ ᱟᱡᱟᱜ ᱗᱐ ᱥᱟᱞ ᱠᱟᱹᱢᱤᱨᱮ ᱟᱡ ᱓᱔ ᱜᱚᱴᱟᱝ ᱱᱚᱵᱮᱞ ᱓᱕᱐ ᱠᱷᱚᱱ ᱪᱮᱛᱟᱱ ᱠᱷᱟᱴᱚ ᱠᱟᱹᱦᱱᱤ,ᱰᱚᱡᱚᱱ ᱜᱟᱱ ᱯᱷᱤᱞᱢ ᱟᱨ ᱢᱚᱬᱮ ᱜᱚᱴᱟᱝ ᱠᱷᱮᱞᱚᱸᱰ ᱾ᱟᱡᱟᱜ ᱟᱹᱰᱤᱜᱟᱱ ᱚᱞ ᱛᱚᱞ ᱠᱟᱹᱢᱤ ᱨᱮᱱᱟᱜ ᱤᱡᱤᱯᱴ ᱟᱨ ᱮᱴᱟᱜ ᱯᱟᱹᱨᱥᱤ ᱛᱮ ᱯᱷᱤᱞᱢ ᱵᱮᱱᱟᱣ ᱦᱟᱠᱟᱱᱟ ᱾

ᱟᱬᱜᱟᱛ ᱡᱤᱭᱚᱱ ᱟᱨ ᱯᱟᱲᱦᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱦᱯᱷᱚᱣᱡᱽ ᱑᱙᱑᱑ ᱥᱟᱞ ᱨᱮ ᱢᱟᱨᱮ ᱠᱟᱭᱨᱳ ᱨᱮᱱᱟᱜ ᱢᱤᱫ ᱢᱩᱥᱞᱤᱢ ᱤᱡᱤᱯᱴᱤᱭᱟᱱ ᱜᱷᱟᱨᱚᱸᱡ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱠᱚ ᱵᱚᱩᱦᱟ ᱵᱷᱤᱛᱨᱤ ᱨᱮ ᱟᱠᱚ ᱗ ᱦᱚᱲ ᱛᱟᱦᱮᱸᱱ ᱠᱚ ᱟᱡ ᱫᱳ ᱡᱷᱚᱛᱳ ᱠᱷᱚᱱ ᱦᱩᱰᱤᱧ ᱟᱡ ᱪᱮᱛᱟᱱ ᱨᱮ ᱯᱩᱱ ᱠᱲᱟ ᱵᱚᱭᱦᱟ ᱟᱨ ᱵᱟᱨᱭᱟ ᱠᱩᱲᱤ ᱵᱚᱭᱦᱟ ᱠᱚ ᱛᱟᱦᱮᱸ ᱠᱟᱱᱟ ᱟᱡ ᱨᱤᱱ ᱛᱩᱨᱩᱭ ᱵᱚᱭᱦᱟ ᱟᱡ ᱠᱷᱚᱱ ᱟᱹᱰᱤ ᱜᱮ ᱞᱟᱹᱴᱩ ᱩᱢᱮᱨ ᱨᱤᱱ ᱠᱚ ᱛᱟᱦᱮᱸ ᱠᱟᱱᱟ ᱾(ᱢᱮᱱ ᱞᱮᱠᱷᱟᱱ ᱜᱤᱫᱨᱟᱹ ᱞᱮᱠᱟᱛᱮ ᱫᱚ ᱟᱡ ᱮᱠᱞᱟ ᱜᱮ ᱦᱟᱨᱟ ᱮᱱᱟᱭ )ᱟᱠᱚᱣᱟᱜ ᱜᱷᱟᱨᱚᱸᱡ ᱠᱟᱭᱨᱳᱶᱨᱮᱱᱟᱜ ᱵᱟᱨᱭᱟ ᱧᱩᱛᱩᱢᱟᱱ ᱡᱤᱞᱞᱟᱹ ᱨᱮᱠᱚ ᱛᱟᱦᱮᱸ ᱞᱮᱱᱟᱺ ᱯᱩᱭᱞᱩ ᱢᱟᱨᱮ ᱱᱟᱜᱟᱨ ᱨᱮᱱᱟᱜ ᱵᱟᱭᱛ ᱟᱞᱼᱠᱣᱮᱫᱤ ᱯᱩᱲᱥᱟ ᱨᱮᱱᱟᱜ ᱜᱟᱢᱮᱞᱤᱭᱟ ᱵᱟᱥᱟ ᱨᱮ , ᱚᱱᱰᱮ ᱠᱷᱚᱱ ᱑᱙᱒᱔ ᱨᱮ ᱱᱟᱣᱟ ᱠᱟᱭᱨᱳ ᱨᱮᱱᱟᱜ ᱟᱵᱵᱟᱥᱮᱭᱟ ᱛᱮᱠᱚ ᱩᱪᱟᱹᱲ ᱮᱱᱟ ᱾ᱱᱚᱣᱟ ᱴᱷᱟᱶ ᱜᱮᱱᱷᱟ ᱟᱵᱚ ᱢᱮᱦᱯᱷᱚᱣᱡᱼᱟ ᱚᱱᱚᱞ ᱡᱤᱭᱚᱱ ᱨᱮᱱᱟᱜ ᱮᱛᱚᱦᱚᱵ ᱠᱟᱹᱦᱱᱤ ᱵᱚᱱ ᱵᱟᱰᱟᱭᱼᱟ ᱾ᱟᱡ ᱟᱯᱟᱛ ᱟᱵᱫᱮᱞᱼᱟᱡᱤᱲ ᱤᱵᱨᱟᱦᱤᱢ , ᱡᱟᱦᱟᱸᱭ ᱢᱮᱦᱯᱷᱚᱣᱡᱽ ᱢᱮᱱᱞᱮᱠᱟᱛᱮ ᱢᱟᱨᱮ ᱰᱷᱟᱝᱪᱟ ᱦᱚᱲ ᱠᱟᱱ ᱛᱟᱦᱮᱸᱫ ᱩᱱᱤᱫᱚ ᱥᱚᱨᱠᱟᱨ ᱴᱷᱮᱫ ᱮ ᱱᱟᱞᱦᱟᱭ ᱛᱟᱦᱮᱸᱫ,᱑᱙᱓᱔ ᱨᱮ ᱢᱮᱦᱯᱷᱚᱣᱡᱽ ᱦᱚᱸ ᱟᱡ ᱵᱟᱵᱟ ᱦᱟᱜ ᱛᱟᱲᱟᱢ ᱰᱟᱦᱟᱨ ᱮ ᱯᱟᱸᱡᱟ ᱠᱮᱫᱼᱟ ᱾ᱢᱮᱦᱯᱷᱚᱣᱡᱽ ᱟᱭᱚ ᱯᱷᱟᱛᱤᱢᱟ ᱫᱚ ᱢᱩᱥᱛᱳᱯᱷᱟ ᱠᱣᱟᱥᱮᱥᱟ ᱟᱱ ᱚᱞᱼᱟᱡᱷᱟᱨ ᱥᱮᱠᱷ ᱦᱚᱯᱚᱱᱮᱨᱟ ᱠᱟᱱᱛᱟᱦᱮᱸᱫ, ᱟᱡ ᱢᱩᱨᱩᱠ ᱮ ᱛᱟᱦᱮᱸ ᱠᱟᱱ ᱨᱮᱦᱚᱸ ᱟᱡ ᱢᱮᱦᱯᱷᱚᱣᱡᱽ ᱥᱟᱵ ᱠᱟᱛᱮᱫ ᱟᱹᱰᱤᱜᱟᱱ ᱤᱡᱤᱯᱴᱤᱭᱟᱱ ᱢᱭᱩᱡᱤᱭᱚᱢ ᱟᱨ ᱯᱤᱨᱟᱢᱤᱰ ᱞᱮᱠᱟᱱᱟᱜ ᱱᱟᱜᱟᱢ ᱞᱟᱠᱪᱟᱨᱟᱱ ᱴᱷᱟᱶ ᱫᱟᱲᱟᱱ ᱮ ᱤᱫᱤᱞᱮᱫᱮᱭᱟ ᱾[2] ᱟᱬᱜᱟᱛ ᱡᱤᱭᱚᱱ ᱨᱮ ᱟᱡ ᱯᱟᱲᱦᱟᱣ ᱨᱮ ᱟᱹᱰᱤ ᱜᱮ ᱢᱚᱱᱮ ᱞᱮᱫᱼᱟᱭ, ᱦᱟᱯᱷᱤᱡ ᱱᱟᱡᱤᱵ, ᱛᱟᱦᱟ ᱦᱩᱥᱮᱱ ᱟᱨ ᱥᱚᱞᱚᱢᱟ ᱢᱚᱣᱥᱥᱟ , ᱯᱷᱟᱵᱤᱭᱟ ᱫᱷᱤ ᱜᱮᱭᱟᱱ ᱮᱢᱟᱱᱼᱟᱜ ᱚᱨᱥᱚᱝ ᱟᱡ ᱪᱮᱛᱟᱱ ᱨᱮ ᱟᱹᱰᱤ ᱜᱟᱱ ᱯᱟᱲᱟᱣ ᱞᱮᱱ ᱛᱟᱦᱮᱸᱫ ᱾[3] ᱟᱡ ᱟᱡᱟᱜ ᱪᱮᱛᱟᱱ ᱪᱟᱱᱚᱪ ᱨᱮᱱᱟᱜ ᱯᱟᱲᱦᱟᱣ ᱪᱟᱵᱟ ᱠᱟᱛᱮᱫ ᱑᱙᱓᱐ ᱥᱟᱞ ᱨᱮ ᱤᱡᱤᱯᱴᱤᱭᱟᱱ ᱩᱭᱱᱤᱵᱷᱟᱨᱥᱤᱴᱤ (ᱱᱤᱛᱚᱜᱼᱟ ᱠᱟᱭᱨᱳ ᱭᱩᱱᱤᱵᱷᱟᱨᱥᱤᱴᱤ) ᱨᱮ ᱫᱟᱠᱷᱚᱞ ᱮᱱᱟᱭ ,ᱳᱱᱰᱮ ᱟᱡ ᱧᱮᱛᱮᱞ ᱜᱮᱭᱟᱱ ᱮ ᱯᱟᱲᱟᱣ ᱮᱱᱟ, ᱑᱙᱓᱔ ᱨᱮ ᱟᱡ ᱜᱨᱟᱡᱩᱮᱴ ᱮ ᱪᱟᱵᱟ ᱠᱮᱫᱼᱟ ᱾ ᱑᱙᱓᱖ ᱨᱮ ᱟᱡ ᱢᱤᱫ ᱥᱮᱨᱢᱟ ᱞᱟᱹᱜᱤᱫ ᱮᱢ ᱮ ᱯᱟᱲᱦᱟᱣ ᱠᱮᱫ ᱛᱟᱭᱚᱢ ᱚᱱᱚᱞᱤᱭᱟᱹ ᱞᱟᱹᱜᱤᱫ ᱮ ᱥᱟᱯᱲᱟᱣ ᱮᱱᱟ ᱾ ᱟᱡ ᱟᱞᱼᱨᱤᱥᱟᱞᱟ ᱞᱟᱹᱜᱤᱫ ᱰᱚᱜᱚᱨᱤᱭᱟᱹ ᱠᱟᱢᱤ ᱞᱮᱫᱼᱟᱭ , ᱮᱞ ᱼᱦᱤᱞᱟᱞ ᱟᱨ ᱟᱞᱼᱟᱦᱟᱨᱟᱢ ᱞᱟᱹᱜᱤᱫ ᱠᱷᱟᱴᱚ ᱠᱟᱹᱦᱱᱤ ᱚᱞ ᱞᱮᱫᱟᱭ ᱾

ᱥᱚᱨᱠᱟᱨ ᱱᱟᱞᱦᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱓᱔ ᱥᱟᱞ ᱨᱮ ᱠᱟᱭᱨᱳ ᱭᱩᱱᱤᱵᱷᱟᱨᱥᱤᱴᱤ ᱠᱷᱳᱱ ᱜᱨᱟᱡᱩᱮᱴ ᱠᱮᱫ ᱛᱟᱭᱚᱢ ᱢᱮᱦᱯᱷᱚᱣᱡᱽ ᱤᱡᱤᱯᱴᱤᱭᱟᱱ ᱥᱚᱨᱠ ᱥᱤᱵᱤᱞ ᱥᱚᱨᱵᱷᱤᱥ ᱨᱮ ᱥᱮᱞᱮᱫ ᱮᱱᱟᱭ ᱾ ᱚᱱᱰᱮ ᱟᱡ ᱚᱱᱟ ᱱᱟᱞᱦᱟ ᱠᱷᱚᱱ ᱑᱙᱗᱑ ᱨᱮ ᱠᱟᱹᱢᱤ ᱡᱤᱨᱟᱹᱣ ᱫᱷᱟᱹᱵᱤᱡ ᱮ ᱛᱟᱦᱮᱸᱞᱮᱱᱟ ᱾ᱟᱡ ᱯᱩᱭᱞᱩ ᱨᱮ ᱠᱟᱭᱨᱳ ᱭᱩᱱᱤᱵᱷᱟᱨᱥᱤᱴᱤ ᱨᱮ ᱠᱞᱚᱨᱠ ᱞᱮᱠᱟᱛᱮ ᱵᱟᱦᱟᱞ ᱞᱮᱱᱟᱭ, ᱑᱙᱓᱘ ᱨᱮ ᱤᱥᱞᱟᱢᱤᱠ ᱮᱱᱰᱳᱢᱮᱱᱴᱥ ᱢᱚᱱᱛᱨᱟᱲᱚᱭ [Ministry of Islamic Endowments (Awqaf) ]ᱨᱮ ᱤᱥᱞᱟᱢᱤᱠ ᱮᱱᱰᱳᱢᱮᱱᱴᱥ ᱢᱚᱱᱛᱨᱤ ᱴᱷᱮᱫ ᱥᱚᱝᱥᱚᱫᱤᱭᱚ ᱥᱩᱛᱨᱮᱛ ᱮ ᱛᱟᱦᱮᱸ ᱠᱟᱱᱟ ᱾᱑᱙᱔᱕ ᱥᱟᱞ ᱨᱮ ᱟᱡ ᱚᱞᱼᱜᱷᱩᱨᱤ ᱢᱟᱣᱥᱳᱞᱤᱭᱚᱢ ᱞᱟᱭᱵᱨᱮᱨᱤ ᱛᱮ ᱵᱚᱫᱚᱞ ᱞᱟᱹᱜᱤᱫ ᱟᱹᱨᱡᱤ ᱮᱢ ᱠᱮᱫᱟᱭ, ᱡᱟᱦᱟᱸᱨᱮ ᱟᱡ ᱟᱡᱤᱡ ᱜᱤᱫᱨᱟᱹ ᱚᱠᱛᱚ ᱨᱮᱤᱱᱤᱡ ᱡᱚᱴᱟᱣ ᱥᱟᱞᱟᱜ "Good Loans Project"[4] ᱨᱮ ᱠᱟᱢᱤ ᱠᱮᱫᱟᱭ ᱾᱑᱙᱕᱐ ᱨᱮ ᱵᱭᱩᱨᱳ ᱚᱯᱷ ᱟᱨᱴᱥ ᱨᱮ ᱥᱮᱱᱥᱚᱨᱥᱤᱯ ᱨᱤᱱᱤᱡ ᱫᱤᱥᱟᱹ ᱮᱢᱚᱜᱤᱡ, ᱥᱤᱱᱮᱢᱟ ᱥᱚᱦᱚᱫ ᱨᱮ ᱫᱤᱥᱟᱹ ᱮᱢᱚᱜᱤᱡ, ᱟᱨ ᱢᱩᱪᱟᱹᱫ ᱨᱮ ᱞᱟᱠᱪᱟᱨ ᱢᱚᱱᱛᱨᱟᱲᱚᱭ ᱨᱮ ᱵᱩᱡᱷᱟᱹᱣᱤᱡ ᱠᱤᱱ ᱛᱟᱦᱮᱸ ᱞᱮᱱᱟ ᱾[5]

ᱚᱱᱚᱞᱤᱭᱟᱹ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱦᱯᱷᱚᱣᱡᱽ ᱟᱡᱟᱜ ᱗᱐ ᱥᱮᱨᱢᱟ ᱨᱮᱱᱟᱜ ᱚᱱᱚᱞᱤᱭᱟ. ᱡᱤᱭᱚᱱ ᱨᱮ ᱓᱔ ᱜᱚᱴᱟᱝ ᱱᱳᱵᱮᱞ, ᱓᱕᱐ ᱜᱚᱴᱟᱝ ᱠᱷᱟᱴᱚ ᱠᱟ.ᱦᱱᱤ, ᱰᱚᱡᱚᱱ ᱜᱟᱱ ᱯᱷᱤᱞᱢ ᱨᱚᱲ ,ᱢᱚᱬᱮ ᱜᱚᱴᱟᱝ ᱠᱷᱮᱞᱚᱸᱰ ᱮ ᱚᱞ ᱞᱮᱫ-ᱟ ᱾ ᱟᱡᱟᱜ ᱡᱷᱚᱛᱚᱠᱷᱳᱱ ᱧᱩᱴᱩᱢᱟᱱ ᱯᱚᱛᱚᱵ ᱫᱚ ᱠᱟᱭᱨᱳ ᱴᱨᱤᱞᱳᱡᱤ,ᱡᱟᱦᱟᱱᱨᱮ ᱯᱮᱭᱟ ᱯᱤᱰᱷᱤ ᱡᱮᱜᱮᱛ ᱞᱟᱹᱰᱷᱟᱹᱭᱼ᱑ ᱠᱷᱚᱱ ᱑᱙᱕᱒ ᱨᱮᱱᱟᱟᱜ ᱢᱤᱞᱴᱟᱨᱤ ᱵᱤᱫᱨᱦᱚ ᱡᱟᱦᱟᱸᱨᱮ ᱯᱮ ᱨᱟᱡᱽ ᱯᱷᱟᱨᱩᱠ ᱜᱟᱹᱫᱤ ᱠᱷᱚᱱ ᱠᱚ ᱚᱪᱚᱜ ᱠᱮᱫᱮᱭᱟ ᱨᱮᱱᱟᱜ ᱠᱟᱹᱦᱱᱤ ᱵᱟᱠᱷᱮᱬ ᱞᱮᱱᱟ ᱾ᱟᱡ ᱫᱟᱨᱼᱮᱞᱼᱢᱟᱭᱨᱮᱯᱷ ᱨᱮ ᱯᱟᱨᱥᱟᱞ ᱥᱚᱦᱮᱫᱤᱭᱟᱭ ᱛᱟᱦᱮᱸᱠᱟᱱᱟ ,ᱟᱡᱟᱜ ᱱᱳᱵᱮᱞ ᱨᱮᱱᱟᱜ ᱟᱰᱤᱜᱟᱱ ᱠᱟᱹᱦᱱᱤ ᱟᱞᱼᱟᱦᱨᱟᱢ ᱨᱮᱱᱟᱜ ᱥᱮᱨᱤᱭᱮᱞ ᱨᱮ ᱥᱚᱫᱚᱨ ᱚᱜ ᱠᱟᱱ ᱛᱟᱦᱮᱸᱫ ,"ᱯᱚᱭᱮᱱᱴ ᱚᱯᱷ ᱵᱷᱤᱭᱩ" ᱦᱥᱯᱛᱟ ᱠᱤᱭᱟᱹ ᱠᱚᱞᱚᱢ ᱨᱮᱦᱚᱸ ᱟᱡᱟᱜ ᱚᱞ ᱦᱟᱹᱡᱩᱜ ᱠᱟᱱ ᱛᱟᱦᱮᱸᱫ ᱾ᱱᱳᱵᱮᱞ ᱯᱨᱟᱤᱡ ᱧᱟᱢ ᱢᱟᱬᱟᱝ ᱨᱮ ᱯᱟᱪᱮ ᱫᱤᱥᱚᱢ ᱨᱮ ᱟᱹᱰᱤ ᱠᱚᱢ ᱠᱚ ᱵᱟᱰᱟᱭ ᱞᱮᱫ ᱛᱟᱦᱮᱸᱫ ᱾[6]

ᱚᱞ ᱥᱟᱡᱟᱣ ᱟᱨ ᱥᱟᱛᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱦᱯᱷᱚᱣᱡᱽ ᱟᱜ ᱮᱛᱳᱦᱚᱵ ᱠᱟᱹᱦᱱᱤ ᱠᱚᱫᱚ ᱠᱟᱭᱨᱳ ᱨᱮᱜᱮ ᱥᱤᱨᱤᱡ ᱦᱟᱠᱟᱫᱼᱟᱭ ᱾ ᱟᱵᱟᱛᱷ ᱟᱞᱼᱟᱠᱫᱟᱨ (Mockery of the Fates) (᱑᱙᱓᱙), ᱨᱟᱰᱳᱯᱤᱥ(᱑᱙᱔᱓), ᱟᱨ ᱠᱤᱯᱷᱟ ᱛᱤᱵᱟᱦ(The Struggle of Thebes) (᱑᱙᱔᱔)ᱠᱚᱫᱳ ᱱᱟᱜᱟᱢ ᱟᱱ ᱱᱳᱵᱮᱞ ᱠᱟᱱᱟ ᱾ ᱥᱟᱨ ᱣᱟᱞᱴᱟᱨ ᱥᱠᱚᱴ(᱑᱗᱗᱑–᱑᱘᱓᱒)ᱟ ᱚᱨᱥᱚᱝ ᱛᱮ ᱢᱮᱦᱯᱷᱚᱣᱡ ᱤᱡᱤᱯᱴ ᱨᱮᱱᱟᱜ ᱱᱟᱜᱟᱢ ᱯᱩᱨᱟᱹ ᱚᱞ ᱯᱩᱨᱟᱣ ᱞᱟᱹᱜᱤᱫ ᱮ ᱢᱚᱱᱮ ᱠᱮᱫᱼᱟᱭ ᱾ ᱱᱚᱣᱟ ᱱᱟᱜᱟᱢ ᱯᱚᱛᱚᱵ ᱨᱮᱱᱟᱜ ᱯᱮᱭᱟ ᱦᱟᱹᱴᱤᱧ ᱛᱟᱭᱚᱢ ᱥᱟᱫᱷᱟᱨᱚᱬ ᱢᱟᱹᱱᱢᱤ ᱡᱤᱭᱚᱱ ᱨᱮ ᱥᱟᱶᱛᱟ ᱵᱚᱱᱚᱫᱚᱞ ᱨᱮᱱᱟᱜ ᱢᱚᱱᱚᱥᱛᱚᱛᱣᱚ ᱚᱨᱥᱚᱝ ᱪᱮᱫ ᱪᱤᱠᱟᱹᱜ ᱠᱟᱱᱟ ᱚᱱᱟ ᱪᱮᱛᱟᱱ ᱨᱮ ᱚᱞ ᱮ ᱮᱛᱚᱦᱚᱵ ᱠᱮᱫᱼᱟ ᱾[7] ᱢᱮᱦᱯᱷᱚᱣᱡᱽ ᱟᱜ ᱛᱟᱞᱢᱟ ᱠᱟᱹᱢᱤ 1᱙᱕᱐ ᱨᱮᱱᱟᱜ ᱠᱟᱭᱨᱳ ᱴᱨᱤᱞᱳᱡᱤ ᱠᱟᱱᱟ ᱚᱱᱟ ᱟᱡ ᱡᱩᱞᱟᱭ ᱦᱩᱲ ᱢᱟᱬᱟᱝ ᱨᱮ ᱪᱟᱵᱟ ᱠᱮᱫᱼᱟᱭ ᱾ ᱱᱚᱣᱟ ᱱᱳᱵᱮᱞ ᱨᱮᱱᱟᱜ ᱯᱟᱹᱨᱤᱥ ᱫᱚ ᱦᱚᱨ ᱨᱮᱱᱟᱜ ᱧᱩᱛᱩᱢ ᱡᱮᱢᱚᱱ ᱯᱟᱞᱮᱥ ᱣᱟᱞᱠ, ᱯᱟᱞᱮᱥ ᱚᱯᱷ ᱰᱤᱡᱟᱭᱮᱨ ᱟᱨ ᱥᱩᱜᱟᱨ ᱥᱴᱨᱤᱴ ᱮ ᱮᱢ ᱞᱮᱫᱼᱟ ᱾ᱢᱮᱦᱯᱷᱚᱣᱡᱽ ᱴᱨᱤᱞᱳᱡᱤ ᱚᱞ ᱪᱟᱵᱟ ᱠᱮᱫ ᱛᱟᱭᱚᱢ ᱑᱙᱕᱒ ᱨᱮ ᱨᱟᱡ ᱥᱟᱥᱚᱱ ᱮ ᱵᱚᱫᱚᱞ ᱞᱮᱫ ᱱᱟᱥᱮᱨ ᱪᱮᱛᱟᱱ ᱨᱮ ᱟᱹᱲᱤᱥ ᱠᱟᱛᱮᱫ ᱛᱤᱱᱟᱹᱜ ᱜᱟᱱ ᱥᱮᱨᱢᱟ ᱚᱞ ᱮ ᱵᱟᱹᱜᱤ ᱞᱮᱫ ᱛᱟᱦᱮᱸᱫ ᱾᱑᱙᱕᱙ ᱨᱮ ᱟᱡ ᱫᱚᱦᱲᱟ ᱚᱞ ᱮ ᱮᱛᱚᱦᱚᱵ ᱠᱮᱫᱼᱟ ᱾[8]

ᱨᱟᱡᱽᱟᱹᱨᱤ ᱚᱨᱥᱚᱝ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱢᱮᱦᱯᱷᱚᱣᱡᱽ ᱟ ᱢᱩᱲ ᱚᱞ ᱫᱚ ᱨᱟᱡᱽᱟᱹᱨᱤ ᱤᱫᱤ ᱠᱟᱛᱮᱫ ᱚᱞ ᱦᱟᱠᱟᱱᱟ, ᱟᱡ ᱦᱚᱸᱭ ᱢᱮᱱᱞᱮᱫᱼᱟ ᱺ "ᱤᱧᱟᱜ ᱥᱟᱱᱟᱢ ᱚᱞ, ᱟᱯᱮ ᱨᱟᱡᱽᱟᱹᱨᱤ ᱜᱮᱯᱮ ᱧᱟᱢ ᱟ, ᱟᱹᱰᱤᱜᱟᱱ ᱠᱟᱹᱦᱱᱤ ᱫᱩᱞᱟᱹᱲ ᱟᱨ ᱮᱴᱟᱜ ᱥᱟᱛᱟᱢ ᱠᱚᱭ ᱫᱮᱭᱟᱜ ᱨᱮᱦᱚᱸ ᱤᱠᱷᱟᱹᱱ ᱨᱟᱡᱽᱟᱹᱨᱤ ᱫᱚ ᱵᱟᱝ; ᱱᱚᱣᱟ ᱫᱚ ᱟᱵᱚ ᱩᱭᱦᱟᱹᱨ ᱨᱮᱭᱟᱜ ᱯᱟᱸᱡᱟᱨ ᱠᱟᱱᱟ ᱾ ᱟᱡᱟᱜ ᱚᱞ ᱨᱮ ᱟᱡ ᱤᱡᱤᱯᱴ ᱡᱟᱹᱛᱤᱭᱟᱹᱨᱤ ᱥᱚᱫᱚᱨ ᱞᱮᱱᱟ,ᱡᱮᱜᱮᱛ ᱞᱟᱹᱰᱷᱟᱹᱭ ᱛᱟᱭᱚᱢ ᱣᱟᱯᱷᱰ ᱫᱚᱲ ᱞᱟᱹᱜᱤᱫ ᱟᱡᱟᱜ ᱫᱟᱭᱟ ᱦᱚᱸ ᱚᱞ ᱨᱮ ᱥᱚᱫᱚᱨ ᱞᱮᱫᱼᱟ ᱾ᱟᱡᱟᱜ ᱡᱩᱣᱟᱱ ᱨᱮ ᱥᱟᱶᱛᱟᱹᱨᱤ ᱟᱨ ᱟᱹᱯᱱᱟᱹᱛ ᱨᱮᱱᱟᱜ ᱩᱭᱦᱟᱹᱨ ᱟᱹᱰᱤ ᱜᱮ ᱜᱟᱵᱮ ᱞᱮᱱᱟ ᱾ ᱥᱟᱶᱛᱟᱨᱤ ᱩᱭᱦᱟᱹᱨ ᱟᱡᱟᱜ ᱯᱩᱭᱞᱩ ᱱᱳᱵᱮᱞ ᱟᱞᱼᱠᱷᱟᱞᱤᱞᱤ ᱟᱨ ᱱᱟᱣᱟ ᱠᱟᱭᱨᱳ ᱟᱨ ᱚᱱᱟ ᱛᱟᱭᱚᱢ ᱚᱞ ᱦᱟᱠᱟᱱ ᱱᱳᱵᱮᱞ ᱨᱮ ᱯᱷᱚᱴᱮᱞ ᱞᱮᱱᱟ ᱾

ᱥᱟᱨᱦᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱣᱟᱥᱤᱸᱴᱚᱱ ᱯᱳᱥᱴ,ᱞᱚᱥ ᱟᱧᱞᱮᱥ ᱴᱟᱭᱤᱢ,ᱤᱠᱳᱱᱳᱢᱤᱠᱥ ᱮᱢᱟᱱ ᱠᱷᱚᱱ ᱥᱟᱨᱦᱟᱣ ᱮ ᱧᱟᱢ ᱦᱟᱠᱟᱫᱼᱟ ᱾

ᱱᱳᱵᱮᱞ ᱥᱤᱨᱯᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱘᱘ ᱨᱮ ᱢᱮᱦᱯᱷᱚᱣᱡᱽ ᱱᱳᱵᱮᱞ ᱥᱤᱨᱯᱟᱹ ᱧᱟᱢ ᱠᱮᱫᱼᱟᱭ, ᱟᱡ ᱫᱚ ᱮᱠᱞᱟ ᱟᱨᱚᱵ ᱚᱱᱚᱞᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱥᱤᱨᱯᱟᱹ ᱟᱢᱮᱴ ᱦᱟᱠᱟᱫᱟᱭ ᱾

ᱨᱟᱡᱽᱟᱹᱨᱤ ᱥᱮᱞᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱡ ᱜᱚᱡ ᱦᱚᱪᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱷᱤᱛᱤᱨ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱢᱤᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱦᱚᱸ ᱧᱮᱞᱯᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Haim Gordon. "Naguib Mahfouz's Egypt: Existential Themes in His Writings"(inactive 2017-08-13). Archived from the original on 2007-09-27. Retrieved 2007-04-26.
  2. Rasheed El-Enany (25 June 1993)Psychology Press.Naguib Mahfouz: The Pursuit of Meaning ISBN 978-0-415-07395-0. Retrieved 25 September 2012.
  3. Charlotte El Shabrawy (Summer 1992). "Naguib Mahfouz, The Art of Fiction No. 129". The Paris Review. Retrieved September 25, 2012.
  4. El-Enany, Rasheed. "Naguib Mahfouz: His Life and Times". ᱠᱟᱭᱨᱳ:AUC Press, 2007. pp 170-174
  5. Tore Frängsmyr; Sture Allén (1993). Nobel Lectures: Literature, 1981-1990. World Scientific. p. 121. ISBN 978-981-02-1177-6. Retrieved 26 September 2012.
  6. "The Novel~Tea Book Club discussion". GoodReads. Retrieved 24 October 2013.
  7. "Naguib Mahfouz (1911–2006)". The American University in Cairo Press. AUC Press. Retrieved 26 October 2013.
  8. "Naguib Mahfouz (1911–2006)". The American University in Cairo Press. AUC Press. Retrieved 26 October 2013.