ᱱᱟᱥᱮᱨᱼᱟᱞᱼᱠᱷᱟᱨᱟᱯᱷᱤ
| ᱱᱟᱥᱮᱨᱼᱟᱞᱼᱠᱷᱟᱨᱟᱯᱷᱤ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱟᱞ ᱠᱷᱟᱨᱟᱯᱷᱤ ᱑᱗ ᱡᱩᱱ ᱑᱙᱔᱓ ᱠᱩᱣᱟᱭᱛ ᱱᱟᱝᱜᱽᱨᱟᱦᱟ, ᱠᱩᱣᱟᱭᱛ |
| ᱜᱩᱨ | ᱑᱗ ᱮᱯᱨᱤᱞ ᱒᱐᱑᱑ (᱖᱗ ᱵᱚᱭᱚᱥ) ᱠᱟᱭᱨᱚ,ᱢᱤᱥᱚᱨ |
| ᱮᱴᱟᱜ ᱧᱩᱛᱩᱢ | ᱟᱞ ᱠᱷᱟᱨᱟᱯᱷᱤ |
| ᱱᱟᱹᱜᱟᱹᱨᱤᱭᱟᱹ | ᱠᱩᱣᱟᱭᱛᱤ |
| ᱠᱟᱹᱢᱤ | ᱵᱤᱡᱽᱱᱮᱢᱮᱱ |
| ᱞᱮᱠᱷᱟᱜᱩᱴ ᱥᱚᱢᱯᱩᱛᱤ | $10.4 Billion |
ᱱᱟᱥᱮᱨᱼᱟᱞᱼᱠᱷᱟᱨᱟᱯᱷᱤ (ᱤᱝᱨᱟᱹᱡᱤᱺ Nasser Al-Kharafi; ᱮᱨᱟᱵᱤᱠ: ناصر الخرافي) (ᱡᱟᱱᱟᱢᱺ᱑᱗ ᱡᱩᱱ ᱑᱙᱔᱓ –ᱜᱩᱨᱺ ᱑᱗ ᱮᱯᱨᱤᱞ ᱒᱐᱑᱑) ᱫᱚ ᱢᱤᱫᱴᱮᱱ ᱠᱩᱣᱟᱭᱛ ᱫᱤᱥᱚᱢ ᱨᱮᱱ ᱵᱟᱹᱱᱤᱡᱽᱼᱵᱮᱯᱟᱨᱤᱭᱟᱹᱭ ᱛᱟᱸᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱮᱢᱹᱮᱹ ᱠᱷᱟᱨᱟᱯᱷᱤ ᱮᱱᱰ ᱥᱚᱱᱥ (M. A. Kharafi & Sons) ᱠᱚᱢᱯᱟᱱᱤ ᱨᱮᱱ ᱢᱟᱹᱞᱤᱠᱮ ᱛᱟᱸᱦᱮᱸ ᱠᱟᱱᱟ᱾
ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤᱭᱟᱜ ᱠᱚᱢᱯᱟᱱᱤ ᱟᱠᱷᱨᱤᱧ ᱨᱮ $᱔.᱓ ($4.3 billion) ᱵᱤᱞᱤᱭᱚᱱ ᱟᱢᱮᱨᱤᱱᱟᱱ ᱰᱚᱞᱟᱨ ᱠᱚ ᱯᱟᱨᱚᱢ ᱞᱮᱫᱟ᱾ ᱩᱱᱤᱭᱟᱜ ᱡᱚᱢᱟ ᱯᱩᱧᱡᱤ ᱟᱹᱰᱤ ᱟᱸᱴ ᱵᱟᱹᱲᱛᱤ ᱪᱟᱞᱟᱜ ᱠᱟᱱ ᱛᱟᱸᱦᱮᱸᱱᱟ ᱪᱮᱫᱟᱜ ᱥᱮ, ᱩᱱᱤᱭᱟᱜ ᱠᱚᱢᱯᱟᱱᱤ ᱫᱚ ᱟᱹᱰᱤ ᱟᱭᱢᱟ ᱠᱚᱢᱯᱟᱱᱤ ᱠᱚ ᱨᱮ ᱥᱮᱭᱟᱨ ᱦᱚᱞᱰᱟᱨᱮ ᱛᱟᱸᱦᱮᱸ ᱠᱟᱱᱟ᱾ ᱡᱮᱞᱮᱠᱟᱺ ᱢᱚᱵᱟᱭᱤᱞ ᱴᱮᱞᱤᱼᱠᱚᱢᱚᱱᱤᱠᱮᱥᱚᱱ ᱠᱚᱢᱯᱟᱱᱤ (Mobile Telecommunications Coᱹ), ᱠᱩᱣᱟᱭᱛ ᱨᱮᱭᱟᱜ ᱡᱟᱹᱛᱤᱭᱟᱹᱨᱤ ᱵᱮᱝᱠ (National Bank of Kuwait) ᱟᱨ ᱟᱢᱮᱨᱤᱠᱟᱱᱟ ᱧᱩᱛᱩᱢᱟᱱ, ᱩᱱᱟᱭᱴᱮᱰ ᱠᱤᱝᱰᱚᱢ ᱦᱚᱛᱮ ᱛᱮ ᱪᱟᱞᱟᱣ ᱵᱟᱱᱟᱣᱚᱜ ᱠᱟᱱᱟ ᱯᱷᱟᱥᱴ ᱯᱷᱩᱰ ᱠᱚᱢᱯᱟᱱᱤ᱾ ᱟᱞᱼᱠᱷᱟᱨᱟᱯᱷᱤ ᱫᱚ ᱟᱨᱦᱚᱸ ᱟᱹᱰᱤ ᱟᱭᱢᱟ ᱪᱮᱭᱱ ᱵᱤᱡᱽᱱᱮᱥ ᱨᱮ ᱡᱚᱲᱟᱣ ᱛᱟᱸᱦᱮᱸ ᱠᱟᱱ ᱛᱟᱭᱟ, ᱡᱮᱞᱮᱠᱟᱼ ᱯᱤᱡᱡᱟ ᱦᱟᱴ (Pizza Hut), ᱠᱮᱱᱪᱩᱠᱤ ᱯᱷᱨᱟᱭᱰ ᱪᱤᱠᱮᱱ (Kentucky Fried Chicken), ᱴᱤᱹᱡᱤᱹᱮᱞᱹ ᱯᱷᱨᱟᱭ ᱰᱮᱥ (TGI Friday's)… ᱦᱟᱨᱰᱤᱥ (Hardee's) ᱟᱨᱦᱚᱸ ᱪᱮᱫ ᱠᱚ ᱨᱮ ᱪᱚ᱾ ᱩᱱᱤ ᱫᱚ ᱟᱨᱦᱚᱸ ᱢᱤᱰᱮᱞ ᱤᱥᱴ (Middle East) ᱟᱨ ᱟᱯᱷᱨᱤᱠᱟ (Africa) ᱨᱮᱭᱟᱜ ᱢᱟᱨᱟᱝ ᱴᱮᱞᱤᱠᱚᱢ ᱠᱚᱢᱯᱟᱱᱤ ᱨᱮᱦᱚᱸ ᱜᱚᱱᱚᱝ ᱛᱟᱸᱦᱮᱸ ᱠᱟᱱ ᱛᱟᱭᱟ᱾ ᱩᱱᱤᱭᱟᱜ ᱠᱚᱢᱯᱟᱱᱤ ᱫᱚ ᱯᱟᱥᱱᱟᱣ ᱛᱟᱸᱦᱮᱸ ᱠᱟᱱ ᱛᱟᱭᱟ ᱤᱱᱡᱤᱱᱤᱭᱟᱨᱤᱝ (engineering), ᱚᱲᱟᱜ ᱵᱮᱱᱟᱣ (construction), ᱨᱟᱠᱷᱤ ᱡᱚᱜᱟᱣ ᱠᱷᱚᱱ ᱮᱦᱚᱵ ᱠᱟᱛᱮ ᱥᱩᱱᱩᱢ ᱠᱚᱢᱯᱟᱱᱤ, ᱫᱟᱜ ᱴᱷᱚᱥᱚᱠ, ᱠᱮᱢᱤᱠᱮᱞ(chemicals), ᱢᱮᱱᱮᱡᱽᱢᱮᱱᱴ (management), ᱯᱟᱣᱟᱨ (power) ᱫᱟᱲᱮ (energy) aᱟᱨ ᱡᱚᱢᱟᱜ (food). ᱠᱷᱟᱨᱟᱯᱷᱤ ᱟᱡᱟᱜ ᱵᱤᱡᱤᱱᱮᱥ ᱥᱩᱢᱩᱝ ᱠᱩᱣᱟᱭᱛ ᱢᱚᱛᱚ ᱨᱮ ᱫᱚ ᱵᱟᱝ ᱵᱤᱪ ᱠᱚᱢ ᱜᱮᱞᱼᱢᱤᱫ ᱜᱚᱴᱟᱝ ᱫᱤᱥᱚᱢ ᱨᱮ ᱯᱟᱥᱱᱟᱣ ᱟᱠᱟᱱ ᱛᱟᱦᱮᱸᱱ ᱛᱟᱭᱟ᱾ ᱢᱤᱥᱚᱨ(Egypt) ᱫᱤᱥᱚᱢ ᱨᱮᱦᱚᱸ ᱩᱱᱤ ᱫᱚ ᱟᱹᱰᱤ ᱜᱟᱜᱚᱡᱽ ᱜᱮ ᱛᱟᱸᱦᱮᱸ ᱠᱟᱱ ᱛᱟᱭᱟ, ᱚᱠᱟ ᱟᱞᱼᱠᱷᱟᱨᱟᱯᱷᱤ ᱜᱽᱨᱩᱯ ᱨᱮᱱ ᱫᱚ ᱜᱷᱟᱞᱤᱵᱽ ᱡᱟᱹᱡᱟᱹᱛᱤᱭᱟᱹᱨᱤ ᱢᱟᱨᱤᱱᱟ ᱜᱷᱟᱴ (port Ghalib International Marina) ᱠᱚ ᱵᱮᱱᱟᱣ ᱞᱮᱫᱟ᱾
ᱜᱷᱟᱸᱨᱚᱸᱧᱡᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱩᱱᱤ ᱨᱮᱱ ᱢᱟᱨᱟᱝ ᱫᱟᱫᱟ, ᱡᱟᱥᱥᱤᱢ, ᱚᱠᱚᱭ ᱫᱚ ᱵᱷᱤᱠᱴᱚᱨᱤᱭᱟ ᱫᱤᱨᱫᱟᱹ ᱜᱟᱲ, ᱟᱞᱮᱠᱡᱮᱱᱰᱨᱤᱭᱟ ᱨᱮ ᱩᱱᱤ ᱛᱩᱞᱩᱡᱼᱮ ᱛᱟᱸᱦᱮᱸ ᱠᱟᱱᱟ, ᱩᱱᱤ ᱫᱚ ᱠᱩᱣᱟᱭᱛ ᱥᱚᱝᱥᱚᱫᱽ ᱨᱮᱱ ᱯᱟᱨᱥᱮᱛᱼᱮ ᱛᱟᱸᱦᱮᱸ ᱠᱟᱱᱟ᱾ ᱩᱱᱤ ᱨᱮᱱ ᱢᱤᱥᱨᱟᱼᱟᱛ ᱯᱷᱮᱭᱡᱟ… ᱚᱠᱚᱭ ᱫᱚ ᱠᱩᱣᱟᱭᱛ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱨᱮᱱ ᱨᱮᱠᱴᱚᱨᱮ ᱛᱟᱸᱦᱮᱸ ᱠᱟᱱ᱾
ᱜᱩᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱑᱗, ᱯᱷᱮᱵᱽᱨᱩᱣᱟᱨᱤ ᱢᱟᱹᱦᱤᱛ ᱦᱤᱞᱚᱜ ᱱᱟᱥᱮᱨᱼᱟᱞᱼᱠᱷᱟᱨᱟᱯᱷᱤ ᱟᱜ ᱜᱩᱨᱩᱜ ᱫᱚ ᱢᱤᱥᱚᱨ ᱫᱤᱥᱚᱢ ᱨᱮ ᱢᱮᱱᱟᱜ ᱠᱟᱭᱨᱚ ᱦᱚᱴᱮᱞ ᱨᱮᱭᱟᱜ, ᱠᱟᱨᱰᱤᱛᱟᱠ ᱟᱨᱮᱥᱴ ᱨᱮ ᱦᱩᱭ ᱞᱮᱱᱟ᱾ ᱩᱱᱤᱭᱟᱜ ᱜᱩᱨᱩᱜ ᱨᱮ ᱟᱡ ᱨᱮᱱ ᱯᱮᱲᱟ ᱯᱨᱚᱵᱷᱩ,ᱥᱩᱯᱩᱨ ᱜᱟᱛᱮ, ᱠᱩᱣᱟᱭᱛ ᱥᱚᱝᱥᱚᱫᱽ ᱨᱮᱱ ᱨᱟᱹᱫᱤᱛᱟᱹ ᱠᱚ, ᱨᱟᱡᱟᱨᱤᱭᱟᱹ ᱟᱨ ᱵᱤᱡᱽᱱᱮᱥ ᱢᱮᱱ ᱠᱚ ᱟᱨ ᱡᱟᱹᱡᱟᱹᱛᱤᱨᱤᱭᱟᱹ ᱫᱷᱟᱯ ᱨᱮ ᱫᱷᱩᱠ ᱠᱚ ᱢᱟᱱᱟᱣ ᱠᱮᱫᱟ᱾ ᱩᱱᱤ ᱜᱩᱨ ᱛᱟᱭᱚᱢ ᱮᱢᱹᱮ. ᱠᱷᱟᱨᱟᱯᱷᱤ ᱮᱱᱰ ᱥᱚᱱᱥ ᱠᱚᱢᱯᱟᱱᱤ ᱫᱚ ᱩᱱᱤ ᱨᱮᱱ ᱯᱮᱱᱮ ᱵᱚᱭᱦᱟ ᱯᱷᱟᱣᱡᱤ, ᱡᱮᱥᱥᱟᱭᱢ ᱟᱨ ᱢᱩᱦᱟᱱᱱᱟᱫᱽ ᱴᱷᱮᱱ ᱠᱚ ᱡᱤᱢᱟᱹ ᱠᱟᱫᱟ᱾