ᱱᱤᱠᱚᱞᱟ ᱴᱮᱥᱞᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱧᱩᱛᱩᱢ ᱱᱤᱠᱚᱞᱟ ᱴᱮᱥᱞᱟ
ᱡᱤᱭᱚᱱ
ᱡᱟᱱᱟᱢ ᱢᱟᱦᱟᱸ ᱑᱐ ᱡᱩᱞᱟᱭ ᱑᱘᱕᱖
ᱵᱚᱝᱜᱟ ᱛᱟᱞᱟ ᱗ ᱡᱟᱱᱩᱣᱟᱨᱤ ᱑᱙᱕᱓
ᱜᱩᱱ ᱥᱤᱨᱤᱡᱤᱭᱟᱹ (inventor)
  • physicist
  • Electrical Engineering
  • Mechanical Engineering
ᱥᱩᱦᱤ

ᱱᱤᱠᱚᱞᱟ ᱴᱮᱥᱞᱟ ᱫᱚ ᱑᱐ ᱡᱩᱞᱟᱭ ᱑᱘᱕᱖ ᱥᱟᱞᱮᱨᱮ ᱚᱥᱴᱨᱤᱭᱟᱱ ᱮᱢᱯᱭᱟᱨ ᱨᱮ ᱡᱟᱱᱟᱢ ᱠᱮᱛᱮᱭ ᱦᱟᱨᱟᱵᱩᱨᱩ ᱞᱮᱱᱟ ᱾ ᱩᱱᱤ ᱫᱚ ᱢᱤᱫ ᱥᱤᱨᱤᱡᱤᱭᱟᱹ (inventor), ᱵᱤᱡᱽᱞᱤ ᱤᱧᱡᱤᱱᱤᱭᱟᱹᱨ (electrical engg.), ᱢᱤᱥᱤᱱᱤᱭᱟᱹ ᱤᱧᱡᱤᱱᱤᱭᱟᱹᱨ (mechanical engg.), ᱯᱷᱤᱡᱤᱥᱤᱥᱴ (physicist) ᱛᱟᱦᱮᱸ ᱠᱟᱱᱟᱭ ᱾ ᱵᱟᱹᱲᱛᱤ ᱠᱟᱛᱮ ᱵᱟᱰᱟᱭᱚᱜ-ᱟᱭ ᱟᱡᱟᱜ ᱫᱚᱦᱲᱟᱪᱩᱨ ᱵᱤᱡᱽᱞᱤ (AC) ᱟᱨ ᱵᱤᱡᱽᱞᱤ ᱵᱷᱮᱡᱟ ᱛᱚᱦᱚᱨ ᱨᱮᱱᱟᱜ ᱮᱱᱮᱢ ᱞᱟᱹᱜᱤᱫ ᱾

 ᱴᱮᱥᱞᱟ ᱫᱚᱭ ᱥᱮᱪᱮᱫ ᱞᱮᱱᱟ ᱟᱭᱟᱨ ᱤᱧᱡᱤᱱᱤᱭᱟᱹᱨ ᱟᱨ ᱯᱷᱤᱡᱤᱠᱥ  ᱑᱘᱗᱐ ᱥᱟᱞᱮᱨᱮ  ᱟᱨ ᱦᱮᱣᱟ ᱜᱮᱭᱟᱱ ᱞᱮᱱᱟ ᱠᱤᱱ ᱑᱙᱘᱐ ᱥᱟᱞᱮ ᱨᱮ ᱡᱚᱠᱷᱚᱱ ᱴᱮᱞᱤᱯᱷᱚᱱᱤ  ᱟᱨ ᱠᱚᱱᱴᱤᱱᱮᱱᱴᱟᱞ ᱮᱰᱤᱥᱚᱱ ᱞᱮᱠᱟᱱ ᱵᱤᱡᱽᱞᱤ ᱠᱚᱯᱟᱹᱱᱤ ᱨᱮ ᱠᱟᱹᱢᱤ ᱠᱟᱛᱮ ᱾  ᱑᱘᱘᱘ ᱥᱟᱞᱮ ᱨᱮ ᱩᱱᱤ ᱫᱚ ᱭᱩᱱᱟᱭᱴᱮᱰ ᱥᱴᱮᱴ ᱛᱮᱭ ᱜᱤᱨᱟᱹᱵᱟᱹᱥᱤ ᱭᱮᱱᱟ ᱟᱨ  ᱟᱨ ᱚᱸᱰᱮᱱᱤᱡ ᱱᱟᱹᱜᱟᱹᱨᱤᱭᱟᱹ ᱦᱚᱸᱭ ᱦᱩᱭᱮᱱᱟ ᱾ ᱱᱤᱣ ᱭᱚᱨᱠ ᱨᱮᱱᱟ ᱮᱰᱤᱥᱚᱱ ᱢᱮᱥᱤᱱ ᱣᱟᱨᱠᱥ ᱨᱮ ᱠᱷᱟᱴᱚ ᱚᱠᱛᱚ ᱞᱟᱹᱜᱩᱫ-ᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾  ᱴᱮᱥᱞᱟ ᱱᱤᱣ ᱭᱚᱨᱠ ᱨᱮᱜᱮ ᱢᱤᱫ ᱞᱟᱵᱽᱨᱚᱴᱚᱨᱤ ᱵᱮᱱᱟᱣ ᱠᱮᱫᱟᱭ  ᱵᱤᱡᱽᱞᱤ ᱟᱨ ᱥᱟᱢᱟᱱᱤᱭᱟᱹ ᱢᱤᱥᱤᱱ ᱩᱛᱱᱟᱹᱣ ᱞᱟᱹᱜᱤᱫ ᱾ ᱥᱚᱡᱷᱮ ᱥᱮᱱᱚᱜ ᱵᱤᱡᱽᱞᱤ ᱵᱚᱫᱚᱞ ᱛᱮ ᱫᱚᱦᱲᱟ ᱟᱹᱪᱩᱨ ᱨᱩᱣᱟᱹᱲᱚᱜ ᱵᱤᱡᱞᱤ  ᱨᱮᱱᱟᱜ ᱵᱮᱵᱷᱟᱨ ᱞᱟᱹᱜᱤᱫ ᱟᱹᱰᱤ ᱠᱚ ᱵᱟᱰᱟᱭᱮᱭᱟ ᱾ ᱵᱤᱡᱽᱞᱤ  ᱥᱟᱺᱜᱤᱧ ᱵᱷᱮᱡᱟ ᱚᱠᱛᱚ ᱨᱮ ᱠᱚᱢ ᱵᱤᱡᱽᱞᱤ ᱠᱷᱚᱨᱪᱚᱜ ᱠᱟᱱ ᱠᱷᱟᱹᱛᱤᱨ ᱫᱚᱦᱲᱟᱪᱩᱨ ᱵᱤᱡᱽᱞᱤ ᱨᱮᱱᱟᱜ ᱯᱚᱥᱚᱸᱫ ᱵᱟᱹᱲᱛᱤᱭᱮᱱᱟ ᱾ ᱩᱱᱤ ᱫᱚ ᱪᱩᱢᱵᱚᱠ ᱟᱨ ᱵᱤᱡᱽᱞᱤ ᱵᱟᱵᱚᱫ ᱛᱮ ᱟᱹᱰᱤ ᱞᱟᱹᱠᱛᱤᱭᱟᱱ ᱡᱟᱭ ᱠᱚᱭ ᱥᱮᱸᱫᱽᱨᱟ ᱚᱰᱚᱠ ᱞᱮᱫ ᱛᱟᱦᱮᱸᱫ ᱾ ᱚᱱᱟᱛᱮ ᱟᱡᱟᱜ ᱧᱩᱛᱩᱢ ᱞᱮᱠᱟ ᱛᱮ ᱜᱮ ᱪᱩᱢᱵᱚᱠ ᱨᱮᱱᱟᱜ  ᱨᱮᱱᱟᱜ ᱭᱩᱴᱤᱴ ᱫᱚ ᱠᱚ ᱧᱩᱢ ᱟᱠᱟᱫᱟ ᱾ 
ᱵᱩᱫᱟᱯᱚᱥᱴ ᱨᱮ ᱮᱛᱚᱦᱚᱵ ᱫᱚ ᱢᱤᱫ ᱴᱮᱞᱤᱯᱷᱚᱱ ᱠᱚᱢᱯᱟᱹᱱᱤ ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ  ᱾ ᱩᱱᱤ ᱫᱚ ᱡᱚᱛᱚ ᱵᱮᱲᱟ ᱨᱮ ᱜᱮ ᱱᱟᱶᱟ ᱱᱟᱶᱟᱭ ᱥᱤᱨᱤᱡᱮᱫ ᱛᱟᱦᱮᱸᱫ ᱾ ᱴᱮᱞᱤᱯᱷᱚᱱ ᱠᱚᱢᱯᱟᱹᱱᱤ ᱨᱮ ᱠᱟᱹᱢᱤ ᱡᱚᱠᱷᱟᱜ ᱢᱚᱴᱟ ᱟᱲᱟᱝ(loudspeaker) ᱥᱤᱨᱤᱡᱽ ᱞᱮᱫ ᱛᱟᱦᱮᱸᱫ ᱿

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱮᱥᱞᱟ ᱫᱚ ᱑᱐ ᱡᱩᱞᱟᱭ ᱑᱘᱕᱖ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱯᱟᱛ ᱥᱚᱨᱵᱤ ᱨᱮᱱᱟᱜ ᱜᱤᱨᱡᱟᱹ ᱨᱮ ᱱᱟᱭᱠᱮ ᱛᱟᱦᱮᱸᱠᱟᱱᱟ ᱟᱨ ᱮᱸᱜᱟᱛ ᱫᱚ ᱚᱲᱟᱜ ᱞᱩᱠᱷᱤ ᱛᱟᱦᱮᱸᱠᱟᱱᱟ ᱾ ᱟᱠᱚ ᱢᱚᱬᱮ ᱵᱚᱭᱦᱟ ᱵᱩᱦᱤᱱ ᱛᱟᱞᱟ ᱠᱷᱚᱱ ᱟᱡ ᱫᱚ ᱯᱩᱱ ᱛᱷᱚᱠ ᱨᱤᱱᱤᱡ ᱠᱟᱱᱟᱭ ᱾ ᱥᱮᱬᱟ ᱠᱚ ᱢᱤᱫ ᱵᱚᱭᱦᱟ ᱰᱮᱱ ᱟᱨ ᱵᱩᱦᱤᱱ ᱵᱟᱨᱭᱟ ᱟᱧᱡᱮᱞᱤᱠᱟ ᱟᱨ ᱢᱤᱞᱠᱟ ᱟᱨ ᱟᱡ ᱠᱷᱚᱱ ᱦᱩᱰᱤᱧ ᱵᱩᱦᱤᱱ ᱢᱟᱨᱥᱤᱭᱟ ᱾ ᱑᱘᱖᱑ ᱥᱟᱞᱮ ᱨᱮ ᱟᱡᱟᱜ ᱥᱮᱪᱮᱫ ᱮᱦᱚᱵ ᱞᱮᱱ ᱛᱟᱭᱟ ᱾ ᱑᱘᱖᱒ ᱥᱟᱞᱮ ᱨᱮ ᱚᱥᱴᱨᱤᱭᱟ ᱨᱮᱱᱟᱜ ᱜᱚᱥᱯᱤᱠ ᱧᱩᱛᱩᱢᱟᱱ ᱡᱟᱭᱜᱟ ᱛᱮ ᱠᱚ ᱩᱪᱟᱹᱲᱮᱱᱟ ᱾ ᱑᱙᱗᱐ ᱥᱟᱞᱮ ᱨᱮ ᱩᱥᱩᱞ ᱵᱤᱨᱫᱟᱹᱜᱟᱲ ᱨᱮ ᱚᱞᱚᱜ ᱞᱟᱹᱜᱤᱫ ᱴᱮᱥᱞᱟ ᱠᱟᱨᱞᱵᱷᱟᱠ ᱛᱮ ᱥᱮᱱᱮᱱᱟᱭ ᱾ ᱚᱸᱰᱮ ᱟᱡᱤᱡ ᱮᱞᱠᱷᱟ ᱢᱟᱪᱮᱛ ᱠᱚᱱ ᱵᱟᱹᱲᱛᱤ ᱛᱚᱦᱮᱞᱮᱱᱟ ᱾ ᱠᱟᱞᱠᱩᱞᱚᱥ ᱨᱮ ᱩᱱᱟᱹᱜ ᱜᱮᱭᱟᱱ ᱛᱟᱦᱮᱸᱠᱟᱱᱟᱭ ᱪᱤ ᱟᱞᱜᱟ ᱮᱞᱠᱷᱟ ᱞᱮᱠᱟ ᱦᱚᱨᱚᱵᱚᱨᱚᱜᱮ ᱠᱚᱨᱟᱣ ᱫᱟᱲᱮᱭᱟᱜ ᱠᱟᱱ ᱛᱟᱦᱮᱸᱫ ᱾ ᱱᱚᱶᱟ ᱧᱮᱞ ᱠᱟᱛᱮ ᱟᱠᱚᱨᱤᱱ ᱢᱟᱪᱮᱛ ᱠᱚᱦᱚᱸ ᱠᱚ ᱦᱟᱦᱟᱲᱟ ᱜᱚᱫᱚᱜ ᱛᱟᱦᱮᱸᱫ ᱾ ᱑᱘᱗᱓ ᱥᱟᱞᱮ ᱨᱮ ᱡᱟᱱᱟᱢ ᱟᱹᱛᱩ ᱦᱮᱡ ᱠᱟᱛᱮ ᱠᱚᱞᱮᱨᱟ ᱟᱡᱟᱨ ᱨᱮ ᱧᱩᱨ ᱠᱟᱛᱮ ᱟᱨᱮ ᱪᱟᱸᱫᱚ ᱞᱮᱠᱟ ᱜᱩᱡᱩᱜ ᱥᱟᱶᱮ ᱛᱩᱯᱩᱫ ᱞᱮᱱᱟ ᱾ ᱛᱟᱭᱚᱢ ᱚᱱᱟ ᱟᱡᱟᱨ ᱠᱷᱚᱱ ᱫᱚᱭ ᱵᱩᱜᱤ ᱞᱮᱱ ᱛᱟᱦᱮᱸᱫ ᱾ ᱑᱘᱗᱔ ᱨᱮ ᱵᱚᱲᱦᱮ ᱯᱷᱟᱹᱫ ᱨᱮ ᱥᱮᱞᱮᱫ ᱠᱷᱚᱱ ᱯᱩᱪᱩᱡᱚᱜ ᱞᱟᱹᱜᱤᱫ ᱧᱤᱨ ᱞᱮᱱ ᱛᱟᱦᱮᱸᱫ ᱾ ᱴᱚᱤᱝᱜᱟᱭ ᱧᱩᱛᱩᱢᱟᱱ ᱵᱩᱨᱩ ᱫᱷᱟᱨᱮ ᱨᱮ ᱢᱤᱫ ᱥᱮᱨᱢᱟ ᱜᱟᱱ ᱵᱟᱹᱪᱠᱟᱹᱨ ᱡᱤᱵᱚᱱᱮ ᱞᱮᱠᱟᱭ ᱠᱷᱟᱸᱰᱟᱣᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱘᱗᱕ ᱥᱟᱞᱮ ᱨᱮ ᱜᱨᱚᱡᱽ ᱨᱮᱱᱟᱜ ᱚᱥᱴᱨᱤᱭᱟ ᱯᱚᱞᱤᱴᱚᱠᱱᱤᱠ ᱨᱚ ᱤᱧᱡᱤᱱᱤᱭᱟᱹᱨᱮ ᱯᱟᱲᱦᱟᱣ ᱞᱮᱱ ᱛᱟᱦᱮᱸᱫ ᱾ ᱩᱱ ᱚᱠᱛᱚ ᱨᱮ ᱟᱡᱟᱜ ᱚᱞᱚᱜ ᱠᱩᱨᱩᱢᱩᱴᱩ ᱟᱨ ᱫᱟᱲᱮ ᱤᱫᱤ ᱠᱟᱛᱮ ᱨᱟᱹᱥᱠᱟᱹ ᱛᱮ ᱟᱠᱚᱣᱤᱡ ᱢᱟᱨᱟᱝ ᱢᱟᱪᱮᱫ ᱨᱟᱹᱥᱠᱟᱹ ᱛᱮ ᱟᱡ ᱵᱟᱵᱟ ᱴᱷᱮᱱ ᱢᱤᱫ ᱥᱟᱨᱦᱟᱣ ᱥᱟᱠᱟᱢᱮ ᱠᱩᱞ ᱞᱮᱫ ᱛᱟᱦᱮᱸᱫ ᱾ ᱫᱚᱥᱟᱨ ᱥᱮᱨᱢᱟ ᱟᱠᱚᱭᱤᱡ ᱢᱟᱪᱮᱫ ᱥᱟᱶ ᱠᱟᱛᱷᱟ ᱚᱯᱚᱴ ᱞᱮᱱ ᱛᱟᱦᱮᱸᱫ ᱟᱨ ᱢᱩᱪᱟᱹᱫ ᱥᱮᱫ ᱫᱚ ᱡᱩᱣᱟᱹ ᱮᱱᱮᱡ ᱛᱮᱭ ᱱᱤᱥᱟᱹᱭᱮᱱᱟ ᱾ ᱛᱮᱥᱟᱨ ᱥᱮᱨᱢᱟ ᱠᱮ ᱚᱱᱟ ᱱᱤᱥᱟᱹ ᱪᱟᱵᱟᱜ ᱪᱟᱵᱟᱜ ᱛᱮ ᱟᱹᱰᱤ ᱵᱤᱞᱚᱢ ᱞᱮᱱ ᱠᱟᱦᱮᱸᱫ ᱟᱨ ᱵᱤᱱᱤᱰ ᱦᱚᱸ ᱥᱮᱴᱮᱨ ᱩᱛᱹᱟᱨ ᱞᱮᱱ ᱛᱟᱦᱮᱸᱫ ᱾ ᱟᱹᱰᱤ ᱵᱟᱝ ᱥᱟᱯᱲᱟᱣ ᱠᱟᱛᱮ ᱵᱤᱱᱤᱰ ᱫᱤᱭ ᱮᱢ ᱞᱮᱫ ᱛᱟᱜᱮᱸᱫ ᱜᱮ ᱢᱮᱱᱠᱷᱟᱱ , ᱚᱱᱟ ᱵᱤᱱᱤᱰ ᱨᱮ ᱫᱚᱭ ᱦᱩᱡᱩᱲ ᱞᱮᱱ ᱛᱟᱦᱮᱸᱫ ᱾ ᱚᱱᱟᱛᱟᱭᱚᱢ ᱦᱟᱱᱛᱮ ᱱᱷᱟᱛᱮ ᱫᱟᱬᱟ ᱠᱮᱜ-ᱟᱭ , ᱮᱜᱮᱨ ᱵᱚᱛᱚᱨ ᱛᱮ ᱚᱲᱟᱜ ᱦᱚᱲ ᱥᱟᱣᱟᱜ ᱠᱚ ᱥᱟᱹᱜᱟᱹᱭ ᱛᱚᱯᱟᱜ ᱞᱮᱫ ᱛᱟᱦᱮᱸᱫ ᱟᱨ ᱚᱲᱟᱜ ᱛᱮᱜᱮ ᱵᱟᱭ ᱦᱤᱡᱩᱜ ᱠᱟᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱑᱙᱘᱐ ᱨᱮ ᱟᱡ ᱢᱟᱢᱚ ᱛᱤᱠᱤᱱᱟᱜ ᱥᱚᱯᱚᱦᱚᱫ ᱛᱮ ᱩᱥᱩᱞ ᱥᱮᱪᱮᱫ ᱞᱟᱹᱜᱤᱫ ᱯᱨᱟᱜᱽ ᱛᱮ ᱠᱚ ᱥᱮᱱ ᱮᱱᱟ , ᱢᱮᱱᱠᱷᱟᱱ ᱚᱸᱰᱮ ᱦᱚᱸ ᱧᱩᱛᱩᱢ ᱚᱞ ᱨᱮᱱᱟᱜ ᱚᱠᱛᱚ ᱠᱚ ᱯᱟᱨᱚᱢ ᱪᱟᱵᱟ ᱦᱟᱠᱟᱱ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱴᱮᱥᱞᱟ ᱫᱚ ᱤᱱᱠᱟᱹ ᱛᱮᱜᱮ ᱟᱥᱲᱟ ᱫᱚᱭ ᱪᱟᱞᱟᱜ ᱠᱟᱱ ᱛᱟᱦᱮᱸᱫ ᱢᱟᱺᱱ ᱚᱨᱡᱚ ᱥᱟᱠᱟᱢ ᱠᱚ ᱵᱟᱭ ᱧᱟᱢᱚᱜ ᱨᱮᱦᱚᱸ ᱚᱞᱚᱜ ᱫᱚᱭ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾ ᱑᱘᱘᱑ ᱨᱮ ᱪᱟᱹᱠᱨᱤ ᱯᱟᱱᱛᱮ ᱞᱟᱹᱜᱤᱫ ᱵᱩᱫᱟᱯᱮᱥᱴ ᱥᱮᱱᱮᱱᱟᱭ ᱟᱨ ᱴᱮᱞᱤᱯᱷᱚᱱ ᱠᱚᱢᱯᱟᱹᱱᱤ ᱨᱮ ᱠᱟᱹᱢᱤ ᱠᱮᱜ-ᱟᱭ ᱾

ᱮᱰᱤᱥᱚᱱ ᱠᱚᱢᱯᱟᱹᱱᱤᱨᱮ ᱠᱟᱹᱢᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱘᱘᱒ ᱥᱟᱞᱮ ᱨᱮ ᱠᱚᱱᱴᱤᱱᱮᱱᱴᱟᱞ ᱮᱰᱤᱥᱚᱱ

ᱠᱚᱢᱯᱟᱹᱱᱤ ᱨᱮ ᱠᱟᱹᱢᱤ ᱮᱦᱚᱵ ᱠᱮᱜ-ᱟ ᱾ ᱚᱱᱟ ᱛᱟᱭᱚᱢ ᱑᱘᱘᱔ ᱨᱮ ᱛᱷᱚᱢᱟᱥ ᱮᱰᱤᱥᱚᱱᱟᱜ ᱮᱰᱤᱥᱚᱱ ᱢᱮᱥᱤᱱ ᱣᱟᱨᱠᱥ ᱨᱮ ᱥᱮᱞᱮᱫᱚᱜ ᱞᱟᱹᱜᱤᱫ ᱱᱤᱣ ᱭᱚᱨᱠ ᱛᱮ ᱥᱮᱱᱮᱱᱟᱭ ᱾ ᱮᱛᱚᱦᱚᱵ ᱫᱚ ᱦᱩᱰᱤᱧ ᱤᱧᱡᱤᱱᱤᱭᱟᱹᱨ ᱞᱮᱠᱟᱛᱮ ᱠᱟᱹᱢᱤ ᱮᱦᱚᱵ ᱞᱮᱫ ᱛᱟᱦᱮᱸᱫ ᱚᱱᱟ ᱛᱟᱭᱚᱢ ᱟᱨᱦᱚᱸ ᱥᱮᱬᱟ ᱠᱟᱹᱢᱤ ᱨᱮᱱᱟᱜ ᱟᱥᱟᱭ ᱫᱚᱦᱚ ᱠᱮᱜ-ᱟ ᱾ ᱮᱰᱤᱥᱚᱱ ᱠᱚᱢᱯᱟᱹᱱᱤ ᱨᱮ DC generator ᱱᱟᱶᱟ ᱛᱮ ᱛᱮᱭᱟᱨ ᱨᱮᱱᱟᱜ ᱵᱷᱟᱨᱟ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱱᱚᱶᱟ ᱠᱚ ᱠᱟᱹᱢᱤ ᱢᱚᱡᱽᱛᱮ ᱠᱚᱨᱟᱣ ᱞᱮᱠᱷᱟᱱ ᱠᱚᱢᱯᱟᱹᱱᱤ ᱦᱚᱸ ᱞᱟᱦᱟᱜ-ᱟ ᱟᱨ ᱑᱐,᱐᱐᱐ ᱰᱚᱞᱟᱨ ᱥᱤᱥᱯᱷᱟᱹᱭ ᱮᱢᱟᱭᱟ ᱢᱮᱱᱛᱮᱭ ᱢᱮᱛᱟᱫ ᱫᱮ ᱛᱟᱦᱮᱸᱫ ᱾ ᱢᱮᱱᱠᱷᱟᱱ ᱮᱰᱤᱥᱚᱱ ᱫᱚ ᱠᱩᱲᱟᱹᱭ ᱮᱢᱚᱜ ᱨᱮ ᱫᱚ ᱠᱩᱧᱡᱩᱥ ,ᱜᱮ ᱛᱟᱦᱮᱸᱫ ᱟᱨ ᱠᱚᱢᱯᱟᱹᱱᱤ ᱨᱮ ᱩᱱᱟᱹᱜ ᱴᱟᱠᱟ ᱜᱮ ᱵᱟᱭ ᱛᱟᱦᱸ ᱠᱟᱱᱟ ᱾ ᱛᱚᱵᱮ ᱛᱤᱢᱤᱱ ᱫᱤᱱ ᱨᱮᱱᱟᱜ ᱠᱮᱴᱮᱡ ᱠᱩᱨᱩᱢᱩ ᱛᱮ ᱡᱚᱛᱚ ᱢᱤᱥᱤᱱ ᱠᱚ ᱵᱩᱜᱤ ᱨᱩᱣᱟᱹᱲ ᱠᱮᱜ-ᱟ ᱟᱨ ᱚᱱᱟ ᱥᱤᱨᱯᱷᱟᱹ ᱵᱟᱵᱚᱫ ᱛᱮᱭ ᱢᱮᱛᱟᱫ ᱫᱮᱭᱟ ᱾ ᱟᱫᱚ ᱮᱰᱤᱥᱚᱱ ᱢᱮᱛᱟᱫ ᱫᱮᱭᱟᱭ ᱱᱚᱶᱟ ᱫᱚ ᱢᱤᱫ ᱛᱷᱩᱛᱤ ᱛᱟᱦᱮᱸ ᱠᱟᱱᱟ ᱾ ᱥᱤᱨᱯᱷᱟᱹ ᱵᱟᱝ ᱮᱢ ᱠᱟᱛᱮ ᱚᱱᱟ ᱛᱟᱭᱚᱢ ᱮᱰᱤᱥᱚᱱ ᱦᱟᱯᱛᱟ ᱨᱮᱱᱟᱜ ᱠᱩᱲᱟᱹᱭ ᱑᱘ ᱰᱚᱞᱟᱨ ᱠᱷᱚᱱ ᱑᱘ ᱰᱚᱞᱟᱨᱮ ᱨᱟᱠᱟᱵ ᱟᱭᱟ ᱢᱮᱱᱛᱮ ᱢᱮᱛᱟᱫ ᱫᱮᱭᱟ᱾ ᱛᱚᱵᱮ ᱴᱮᱥᱞᱟ ᱫᱚ ᱮᱫᱽᱨᱮ ᱛᱮ ᱚᱱᱟ ᱠᱚᱢᱯᱟᱹᱱᱤ ᱠᱷᱚᱱᱮ ᱵᱷᱟᱜᱟᱣ ᱞᱮᱱ ᱛᱟᱦᱮᱸᱫ ᱿