ᱱᱤᱭᱩ ᱟᱞᱤᱯᱩᱨᱫᱩᱣᱟᱨ ᱨᱮᱞᱣᱮ ᱥᱴᱮᱥᱚᱱ
ᱱᱤᱭᱩ ᱟᱞᱤᱯᱩᱨᱫᱩᱣᱟᱨ | |
|---|---|
 ᱥᱤᱧᱚᱛᱤᱭᱟᱹ ᱨᱮᱞ ᱥᱴᱮᱥᱚᱱ | |
 ᱱᱤᱭᱩ ᱟᱞᱤᱯᱩᱨᱫᱩᱣᱟᱨ ᱨᱮᱞᱣᱮ ᱥᱴᱮᱥᱚᱱ station | |
| ᱢᱮᱱᱮᱞᱟ ᱠᱟᱛᱷᱟ | |
| ᱴᱷᱟᱶ | ᱱᱤᱭᱩ ᱟᱞᱤᱯᱩᱨᱫᱩᱣᱟᱨ, ᱯᱚᱪᱷᱤᱢ ᱵᱟᱝᱞᱟ ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 26°31′25″N 89°32′01″E / 26.5237°N 89.5335°ECoordinates: 26°31′25″N 89°32′01″E / 26.5237°N 89.5335°E |
| ᱩᱥᱩᱞ | ᱔᱖ ᱢᱤᱴᱚᱨ (᱑᱕᱐ ᱯᱷᱤᱴ) |
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞ |
| ᱪᱟᱪᱟᱣ | ᱠᱚᱧᱮ ᱥᱟᱢᱟᱝ ᱥᱤᱢᱟᱹ ᱨᱮᱞᱣᱮ |
| ᱞᱟᱭᱤᱱ (ᱠᱚ) | ᱵᱟᱨᱚᱣᱱᱤ–ᱜᱩᱣᱟᱦᱟᱴᱤ ᱞᱟᱭᱤᱱ |
| ᱯᱞᱮᱴᱯᱷᱚᱨᱢ | ᱓ (ᱰᱷᱮᱨ ᱵᱮᱱᱟᱣ ᱨᱮ) |
| ᱴᱨᱮᱠ | ᱑,᱖᱗᱖ mm (5 ft 6 in) ᱵᱨᱚᱰ ᱜᱮᱡᱽ |
| ᱵᱮᱱᱟᱣ | |
| ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ | ᱚᱛ ᱨᱮ |
| ᱯᱟᱨᱠᱤᱝ | ᱢᱮᱱᱟᱜᱼᱟ |
| ᱮᱴᱟᱜ ᱠᱟᱛᱷᱟ ᱠᱚ | |
| ᱦᱟᱞᱚᱛ | ᱠᱟᱹᱢᱤᱦᱚᱨᱟ |
| ᱥᱴᱮᱥᱚᱱ ᱠᱳᱰ | NOQ |
| ᱴᱚᱴᱷᱟ (ᱠᱚ) | ᱠᱚᱧᱮ ᱥᱟᱢᱟᱝ ᱥᱤᱢᱟᱹ ᱨᱮᱞᱣᱮ |
| ᱦᱟᱹᱴᱤᱧ(ᱠᱚ) | ᱟᱞᱤᱯᱩᱨᱫᱩᱣᱟᱨ |
| ᱱᱟᱜᱟᱢ | |
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱥᱟᱞ ᱒᱐᱒᱑ ᱨᱮ |
| ᱢᱟᱨᱮ ᱧᱩᱛᱩᱢ | ᱟᱥᱟᱢ ᱵᱮᱝᱜᱚᱞ ᱨᱮᱞᱣᱮ |
| ᱴᱷᱟᱶ | |
  ᱱᱤᱭᱩ ᱟᱞᱤᱯᱩᱨᱫᱩᱣᱟᱨ ᱯᱚᱪᱷᱤᱢ ᱵᱟᱝᱞᱟ ᱨᱮ ᱴᱷᱟᱶ  ᱱᱤᱭᱩ ᱟᱞᱤᱯᱩᱨᱫᱩᱣᱟᱨ ᱱᱤᱭᱩ ᱟᱞᱤᱯᱩᱨᱫᱩᱣᱟᱨ (India) | |
ᱱᱤᱭᱩ ᱟᱞᱤᱯᱩᱨᱫᱩᱣᱟᱨ ᱫᱚ ᱱᱚᱣᱟ ᱯᱩᱱᱭᱟᱹ ᱨᱮᱞᱣᱮ ᱥᱴᱮᱥᱚᱱ ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱡᱟᱦᱟᱸ ᱫᱚ ᱯᱚᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱱᱟᱜ ᱟᱞᱤᱯᱩᱨᱫᱩᱣᱟᱨ ᱦᱚᱱᱚᱛ ᱨᱮᱱᱟᱜ ᱟᱞᱤᱯᱩᱨᱫᱩᱣᱟᱨ ᱥᱚᱦᱚᱨ ᱨᱮ ᱥᱮᱵᱟ ᱮᱫᱼᱟ ᱾ ᱱᱚᱣᱟ ᱨᱮᱱᱟᱜ ᱥᱴᱮᱥᱚᱱ ᱠᱳᱰ ᱫᱚ NOQ ᱠᱟᱱᱟ ᱾ ᱮᱴᱟᱜ ᱯᱮᱭᱟ ᱥᱩᱨ ᱥᱩᱯᱩᱨ ᱨᱮᱞᱣᱮ ᱥᱴᱮᱥᱚᱱ ᱫᱚ ᱟᱞᱤᱯᱩᱨᱫᱩᱣᱟᱨ ᱡᱚᱸᱠᱥᱚᱱ (ᱥᱴᱮᱥᱚᱱ ᱠᱚᱰ APDJ), ᱟᱞᱤᱯᱩᱨᱫᱩᱣᱟᱨ ᱠᱳᱨᱴ (ᱥᱴᱮᱥᱚᱱ ᱠᱳᱰ APDC) ᱟᱨ ᱟᱞᱤᱯᱩᱨᱫᱩᱣᱟᱨ (ᱥᱴᱮᱥᱚᱱ ᱠᱳᱰ APD) ᱠᱟᱱᱟ ᱾[᱑] [᱒] [᱓][᱔]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱨᱤᱴᱤᱥ ᱥᱟᱥᱚᱱ ᱚᱠᱛᱚ ᱨᱮ, ᱵᱮᱝᱜᱚᱞ ᱨᱮᱱᱟᱜ ᱠᱚᱧᱮ ᱴᱚᱴᱷᱟ ᱟᱨ ᱟᱥᱟᱢ ᱠᱷᱚᱱ ᱛᱟᱨᱟ ᱥᱤᱧᱚᱛ ᱨᱮᱱᱟᱜ ᱮᱴᱟᱜ ᱴᱚᱴᱷᱟ ᱠᱚ ᱥᱟᱞᱟᱜ ᱡᱚᱛᱚ ᱥᱟᱹᱜᱟᱹᱭ ᱵᱮᱝᱜᱚᱞ ᱨᱮᱱᱟᱜ ᱥᱟᱢᱟᱝ ᱴᱚᱴᱷᱟ ᱠᱷᱚᱱ ᱛᱟᱦᱮᱸ ᱠᱟᱱᱟ ᱾ ᱠᱚᱞᱠᱟᱛᱟ-ᱯᱟᱨᱵᱚᱛᱤᱯᱩᱨ-ᱦᱟᱞᱫᱤᱵᱟᱲᱤ-ᱥᱤᱞᱤᱜᱩᱲᱤ ᱡᱚᱲᱟᱣ ᱫᱚ ᱟᱹᱰᱤ ᱞᱟᱹᱠᱛᱤᱭᱟᱱ ᱡᱚᱲᱟᱣ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱫᱚ ᱯᱩᱭᱞᱩ ᱫᱷᱟᱣ ᱑᱘᱗᱘ ᱥᱟᱞ ᱨᱮ ᱵᱮᱱᱟᱣ ᱞᱮᱱᱟ ᱟᱨ ᱛᱟᱭᱚᱢ ᱛᱮ ᱛᱷᱚᱠ ᱨᱮ ᱩᱛᱷᱱᱟᱹᱣ ᱞᱮᱱᱟ (ᱵᱤᱵᱚᱨᱚᱱ ᱞᱟᱹᱜᱤᱫ ᱦᱟᱵᱽᱲᱟ-ᱱᱩᱭ ᱡᱚᱞᱯᱟᱭᱜᱩᱲᱤ ᱞᱟᱭᱤᱱ ᱧᱮᱞ ᱢᱮ) ᱾ ᱑᱙ ᱥᱟᱭ ᱥᱮᱨᱢᱟ ᱞᱟᱦᱟ ᱨᱮ, ᱞᱟᱞᱢᱚᱱᱤᱨᱦᱟᱴ ᱫᱚ ᱫᱩᱣᱟᱨᱥ ᱥᱟᱶ ᱡᱩᱲᱟᱹᱣ ᱞᱮᱱᱟ ᱾ ᱯᱷᱩᱨᱜᱟᱹᱞ ᱢᱟᱬᱟᱝ ᱫᱤᱱ ᱨᱮ ᱑᱐᱐᱐ ᱢᱤᱞᱤᱢᱤᱴᱚᱨ (᱓ ᱯᱷᱤᱴ ᱓+᱓ᱹ᱘ ᱤᱸᱪ) ᱢᱤᱴᱚᱨ ᱜᱮᱡᱽ ᱨᱮᱞᱣᱮ ᱴᱨᱮᱠ, ᱡᱟᱦᱟᱸ ᱫᱚ ᱨᱟᱫᱷᱤᱠᱟᱯᱩᱨ, ᱵᱤᱨᱚᱞ, ᱯᱟᱨᱵᱚᱛᱤᱯᱩᱨ, ᱛᱤᱥᱛᱟ, ᱜᱤᱛᱟᱞᱫᱟᱠᱷ ᱟᱨ ᱜᱳᱞᱳᱠᱜᱚᱸᱡᱽ ᱞᱮᱠᱟᱛᱮ ᱪᱟᱞᱟᱜ ᱠᱟᱱ ᱛᱟᱦᱮᱱᱟ, ᱟᱥᱟᱢ ᱨᱮᱱᱟᱜ ᱯᱷᱚᱠᱤᱨᱟᱜᱨᱟᱢ ᱫᱚ ᱵᱤᱦᱟᱨ ᱨᱮᱱᱟᱜ ᱠᱟᱴᱤᱦᱟᱨ ᱠᱷᱚᱱ ᱡᱚᱲᱟᱣᱚᱜ ᱠᱟᱱ ᱛᱟᱦᱮᱱᱟ ᱾
᱑᱙᱔᱗ ᱥᱮᱨᱢᱟ ᱨᱮ ᱥᱤᱧᱚᱛ ᱵᱷᱮᱜᱟᱨ ᱠᱟᱛᱮ ᱱᱚᱣᱟ ᱡᱚᱛᱚ ᱥᱟᱹᱜᱟᱹᱭ ᱫᱚ ᱵᱚᱫᱚᱞ ᱮᱱᱟ ᱾ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱫᱚ ᱯᱷᱚᱠᱤᱨᱟᱜᱨᱟᱢ ᱟᱨ ᱠᱤᱥᱟᱱᱜᱚᱸᱡᱽ ᱛᱟᱞᱟ ᱨᱮ ᱨᱮᱞ ᱞᱤᱸᱠ ᱵᱮᱱᱟᱣ ᱞᱟᱹᱜᱤᱫ ᱑᱙᱔᱘ ᱥᱟᱞ ᱨᱮ ᱟᱥᱟᱢ ᱞᱤᱸᱠ ᱯᱨᱚᱡᱮᱠᱴ ᱮᱦᱚᱵ ᱠᱮᱫᱼᱟ ᱾ ᱯᱷᱚᱠᱤᱨᱟᱜᱨᱟᱢ ᱫᱚ ᱑᱙᱕᱐ ᱥᱟᱞ ᱨᱮ ᱑᱐᱐ ᱢᱤᱞᱤᱢᱤᱴᱚᱨ (᱓ ᱯᱷᱤᱴ ᱓+᱓ᱹ᱘ ᱤᱸᱪ) ᱢᱤᱴᱚᱨ ᱜᱮᱡᱽ ᱴᱨᱮᱠ ᱥᱟᱶ ᱠᱚᱧᱮ ᱵᱮᱝᱜᱚᱞ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱦᱟᱹᱴᱤᱧ ᱠᱷᱚᱱ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱥᱤᱥᱴᱤᱢ ᱨᱮ ᱡᱚᱲᱟᱣ ᱞᱮᱱᱟ ᱛᱟᱦᱮᱸᱫ ᱾ ᱱᱤᱭᱩ ᱡᱚᱞᱯᱟᱭᱜᱩᱲᱤ-ᱱᱤᱭᱩ ᱵᱳᱝᱜᱟᱭᱜᱟᱶ ᱦᱟᱹᱴᱤᱧ ᱫᱚ ᱟᱥᱚᱠᱟᱭ ᱛᱮ ᱱᱟᱶᱟ ᱵᱮᱱᱟᱣ ᱛᱟᱦᱮᱸ ᱠᱟᱱᱟ, ᱟᱥᱚᱠᱟᱭ ᱛᱮ ᱑᱙᱖᱖ ᱥᱟᱞ ᱨᱮ ᱑᱖᱗᱖ ᱢᱤᱞᱤᱢᱤᱴᱚᱨ (᱕ ᱯᱷᱤᱴ ᱖ ᱤᱸᱪ) ᱵᱨᱚᱰ ᱜᱮᱡᱽ ᱨᱮ ᱵᱷᱮᱜᱟᱨ ᱞᱮᱱᱟ ᱾ ᱑᱖᱗᱖ ᱢᱤᱞᱤᱢᱤᱴᱚᱨ (᱕ ᱯᱷᱤᱴ ᱖ ᱤᱸᱪ) ᱵᱨᱚᱰ ᱜᱮᱡᱽ ᱥᱤᱞᱤᱜᱩᱲᱤ-ᱡᱳᱜᱤᱦᱳᱯᱟ ᱨᱮᱞᱣᱮ ᱞᱟᱭᱤᱱ ᱫᱚ ᱒᱖᱕ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱑᱙᱖᱓ ᱟᱨ ᱑᱙᱖᱕ ᱥᱟᱞ ᱛᱟᱞᱟ ᱨᱮ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾
ᱮᱴᱟᱜ ᱥᱩᱨ ᱥᱩᱯᱩᱨ ᱥᱴᱮᱥᱚᱱ ᱠᱚᱨᱮᱱᱟᱜ ᱞᱟᱹᱠᱛᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱤᱧᱚᱛ ᱨᱮᱱᱟᱜ ᱮᱴᱟᱜ ᱴᱷᱟᱶ ᱠᱷᱚᱱ ᱰᱷᱮᱨ ᱛᱮᱫ ᱡᱷᱟᱹᱞ ᱥᱟᱺᱜᱤᱧ ᱨᱮᱱᱟᱜ ᱴᱨᱮᱱ ᱠᱚ ᱱᱤᱭᱩ ᱟᱞᱤᱯᱩᱨᱫᱩᱣᱟᱨ ᱨᱮᱞᱣᱮ ᱡᱚᱸᱠᱥᱚᱱ ᱞᱮᱠᱟᱛᱮ ᱪᱟᱞᱟᱜᱼᱟ ᱟᱨ ᱱᱚᱸᱰᱮ ᱜᱮ ᱛᱤᱸᱜᱩᱭᱟ ᱪᱮᱫᱟᱜ ᱥᱮ ᱱᱚᱣᱟ ᱫᱚ ᱟᱥᱟᱢ ᱟᱨ ᱵᱮᱝᱜᱚᱞ ᱨᱮᱱᱟᱜ ᱮᱴᱟᱜ ᱴᱚᱴᱷᱟ ᱠᱷᱚᱱ ᱰᱚᱵᱚᱞ ᱴᱨᱮᱠ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱟᱞᱤᱯᱩᱨᱫᱩᱣᱟᱨ ᱡᱚᱸᱠᱥᱚᱱ ᱫᱚ ᱢᱤᱴᱚᱨ-ᱜᱮᱡᱽ ᱴᱨᱮᱠ ᱨᱮ ᱛᱟᱦᱮᱸ ᱠᱟᱱᱟ ᱾ ᱱᱚᱣᱟ ᱫᱚ ᱛᱟᱭᱚᱢ ᱛᱮ ᱵᱨᱚᱰ ᱜᱮᱡᱽ ᱨᱮ ᱦᱮᱡ ᱮᱱᱟ ᱟᱨ ᱟᱞᱤᱯᱩᱨᱫᱩᱣᱟᱨ ᱡᱚᱸᱠᱥᱚᱱ ᱥᱴᱮᱥᱚᱱ ᱠᱷᱚᱱ ᱠᱚᱢ ᱜᱟᱱ ᱴᱨᱮᱱ ᱪᱟᱞᱟᱜᱼᱟ ᱾ ᱱᱚᱣᱟ ᱥᱴᱮᱥᱚᱱ ᱫᱚ ᱟᱞᱤᱯᱩᱨᱫᱩᱣᱟᱨ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ, ᱡᱟᱦᱟᱸ ᱨᱮᱫᱚ ᱫᱤᱱᱟᱹᱢ ᱦᱤᱞᱚᱜ ᱙᱐ ᱠᱷᱚᱱ ᱵᱟᱹᱲᱛᱤ ᱴᱨᱮᱱ ᱮ ᱛᱤᱸᱜᱩᱭᱟ ᱟᱨ ᱫᱤᱱᱟᱹᱢ ᱦᱤᱞᱚᱜ ᱯᱮᱭᱟ ᱴᱨᱮᱱ ᱪᱟᱞᱟᱜᱼᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "নিউ আলিপুরদুয়ার স্টেশনে রেল অবরোধ তৃণমূলের". bengali.abplive.com.
- ↑ "Railway Protection Force of NFR rescues 21 trafficked persons in 6 days". sentinelassam.com.
- ↑ "Free Wi-Fi & Beautification: Railways to Give India's 'Doors' a Large Boost". thebetterindia.com.
- ↑ "New Alipurduar (NOQ) Station Trains Delay History". railenquiry.in.