ᱱᱩᱣᱟᱯᱚᱰᱟ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱱᱩᱣᱟᱯᱚᱰᱟ
ᱱᱟᱣᱟᱯᱚᱰᱟ
ᱵᱟᱡᱟᱨ
ᱱᱩᱣᱟᱯᱚᱰᱟ is located in Odisha
ᱱᱩᱣᱟᱯᱚᱰᱟ
ᱱᱩᱣᱟᱯᱚᱰᱟ
ᱱᱩᱣᱟᱯᱚᱰᱟ is located in ᱥᱤᱧᱚᱛ
ᱱᱩᱣᱟᱯᱚᱰᱟ
ᱱᱩᱣᱟᱯᱚᱰᱟ
Location in Odisha, India
Coordinates: 20°49′00″N 82°32′00″E / 20.8167°N 82.5333°E / 20.8167; 82.5333Coordinates: 20°49′00″N 82°32′00″E / 20.8167°N 82.5333°E / 20.8167; 82.5333
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱳᱰᱤᱥᱟ
ᱦᱚᱱᱚᱛ ᱱᱩᱣᱟᱯᱚᱰᱟ
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ
ᱯᱟ.ᱨᱥᱤ
 • ᱟ.ᱢᱟ.ᱞᱮᱛ ᱳᱰᱤᱭᱟ.
IST (UTC+5:30)
ᱜᱟᱹᱰᱤ ᱨᱤᱡᱤᱥᱴᱨᱤ OD-26
ᱣᱮᱵᱽᱥᱟᱭᱤᱴ odisha.gov.in
ᱡᱚᱜᱮᱥᱣᱚᱨ ᱢᱩᱫᱽᱨᱤ, ᱯᱟᱛᱳᱨᱟ

ᱱᱩᱣᱟᱯᱚᱰᱟ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱳᱰᱤᱥᱟ ᱯᱚᱱᱚᱛ ᱨᱮᱭᱟᱜ ᱢᱤᱫ ᱵᱟᱡᱟᱨ ᱠᱟᱱᱟ ᱾ ᱱᱚᱣᱟ ᱫᱚ ᱱᱩᱣᱟᱯᱚᱰᱟ ᱦᱚᱱᱚᱛ ᱨᱮᱭᱟᱜ ᱢᱩᱠᱷᱤᱭᱟ.ᱥᱟᱲᱟ ᱠᱟᱱᱚ ᱾ ᱯᱩᱪᱷᱤᱢ ᱳᱰᱤᱥᱟ ᱨᱮᱭᱟᱜ ᱱᱩᱣᱟᱯᱚᱰᱟ ᱦᱚᱱᱚᱛ ᱫᱚ ᱢᱚᱫᱷᱭᱚᱯᱨᱚᱫᱮᱥ ᱨᱮᱭᱟᱜ ᱨᱟᱭᱯᱩᱨ ᱟᱨ ᱳᱰᱤᱥᱟ ᱨᱮᱭᱟᱜ ᱵᱚᱨᱜᱚᱰ, ᱵᱚᱞᱟᱝᱜᱤᱨ ᱟᱨ ᱠᱚᱲᱟᱦᱟᱱᱰᱤ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱾ ᱓᱔᱐᱗.᱐᱕ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ ᱨᱮ ᱯᱟᱥᱱᱟᱣ ᱟᱠᱟᱱ ᱱᱚᱣᱟ ᱦᱚᱱᱚᱛ ᱫᱚ ᱑᱙᱙᱓ ᱫᱷᱟ.ᱵᱤᱡ ᱫᱚ ᱠᱚᱲᱟᱦᱟᱱᱰᱤ ᱨᱮᱭᱟᱜ ᱢᱤᱫ ᱦᱟ.ᱴᱤᱧ ᱛᱟᱦᱮᱸ ᱠᱟᱱᱟ ᱤᱠᱷᱟ.ᱱ ᱯᱨᱚᱥᱟᱥᱚᱱᱤᱠ ᱟᱜ ᱥᱩᱵᱤᱫᱷᱟ ᱞᱟ.ᱜᱤᱫ ᱜᱮ ᱱᱚᱣᱟ ᱫᱚ ᱠᱚᱲᱟᱦᱟᱱᱰᱤ ᱠᱷᱚᱱ ᱵᱷᱮᱜᱟᱨ ᱠᱟᱛᱮ ᱵᱷᱮᱜᱟᱨ ᱛᱮ ᱢᱤᱫ ᱦᱚᱱᱚᱛ ᱛᱷᱟᱯᱚᱱ ᱦᱩᱭ ᱮᱱᱟ ᱾ ᱯᱚᱛᱳᱨᱟ ᱡᱚᱜᱮᱥᱣᱚᱨ ᱢᱩᱫᱽᱨᱤ, ᱨᱟᱡᱤᱵᱽ ᱵᱟᱜᱟᱱ, ᱞᱟᱛᱟᱞᱜᱚᱝᱜᱟ, ᱡᱚᱜᱤᱢᱚᱴᱷ, ᱵᱩᱰᱷᱤᱠᱚᱢᱚᱱᱟ, ᱠᱷᱳᱨᱤᱭᱟᱨ, ᱜᱚᱣᱫᱷᱚᱥ ᱫᱟᱜ ᱡᱷᱟᱨᱱᱟ ᱮᱢᱟᱱ ᱱᱚᱰᱮᱱᱟᱜ ᱢᱩᱠᱷᱤᱭᱟ. ᱧᱮᱢᱮᱞ ᱴᱚᱴᱷᱟ ᱫᱚ ᱾ [᱑][᱒][᱓]

ᱢᱩᱠᱷᱤᱭᱟᱹ ᱢᱩᱦᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱚᱛᱳᱨᱟ ᱡᱚᱜᱮᱥᱣᱚᱨ ᱢᱩᱫᱽᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱫᱚ ᱯᱩᱪᱷᱤᱢ ᱳᱰᱤᱥᱟ ᱟᱨ ᱪᱷᱚᱛᱤᱥᱜᱚᱰ ᱨᱤᱱ ᱦᱚᱲ ᱠᱚᱣᱟᱜ ᱢᱤᱫ ᱢᱚᱱᱮ ᱠᱩᱥᱤ ᱥᱤᱵᱽ ᱛᱷᱟᱱ ᱠᱟᱱᱟ ᱾ ᱢᱟᱨᱟᱜᱩᱰᱟ ᱜᱷᱟᱹᱴᱤ ᱨᱮᱭᱟᱜ ᱢᱟᱨᱟᱜᱩᱰᱟ ᱟᱹᱛᱩᱨᱮ ᱢᱮᱱᱟᱜ ᱱᱚᱣᱟ ᱢᱩᱫᱽᱨᱤ ᱫᱚ ᱖ ᱯᱷᱩᱴ ᱩᱥᱩᱞ ᱥᱤᱵᱽᱞᱤᱸᱜᱽ ᱛᱷᱟᱯᱚᱱ ᱟᱠᱟᱱᱟ ᱾ ᱚᱱᱟ ᱥᱩᱨ ᱨᱮᱜᱮ ᱨᱟᱢ ᱢᱩᱫᱽᱨᱤ ᱦᱚᱸ ᱵᱮᱱᱟᱣ ᱟᱠᱟᱱᱟ ᱾ ᱔᱐ ᱯᱷᱩᱴ ᱩᱥᱩᱞ ᱦᱚᱱᱩᱢᱟᱱ ᱟᱜ ᱢᱩᱨᱛᱤ ᱱᱚᱰᱮᱱᱟᱜ ᱢᱤᱫ ᱢᱩᱠᱷᱤᱭᱟᱹ ᱢᱩᱦᱤᱛ ᱠᱟᱱᱟ ᱾

ᱯᱟᱛᱟᱞᱜᱚᱸᱜᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱦᱤᱸᱫᱩ ᱠᱚᱣᱟᱜ ᱱᱚᱣᱟ ᱥᱚᱱᱚᱛ ᱵᱚᱸᱜᱟ ᱛᱷᱟᱱ ᱫᱚ ᱠᱷᱚᱨᱤᱭᱟᱨ ᱠᱷᱚᱱ ᱔᱑ ᱠᱤᱞᱚ ᱢᱤᱴᱚᱨ ᱟᱨ ᱵᱳᱰᱮᱱ ᱠᱷᱚᱱ ᱖ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱚᱛᱮ, ᱡᱟᱦᱟᱸᱭ ᱦᱚᱲ ᱱᱚᱰᱮᱱᱟᱜ ᱞᱚᱞᱚ ᱫᱟᱜ ᱨᱮᱭ ᱩᱢᱩᱜ-ᱟ, ᱩᱱᱤ ᱫᱚ ᱯᱟᱯ ᱠᱷᱚᱱ ᱨᱟᱲᱟ ᱫᱩᱜ ᱮ ᱧᱟᱢᱟ ᱾ ᱯᱟᱛᱟᱞᱜᱚᱸᱜᱟ ᱨᱮ ᱛᱩᱯᱩᱱ ᱞᱟᱹᱜᱤᱫ ᱫᱚ ᱥᱚᱱᱚᱛ ᱜᱚᱸᱜᱟ ᱱᱟᱹᱭ ᱨᱮ ᱛᱩᱯᱩᱱ ᱥᱚᱢᱟᱱ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱾ ᱞᱟᱹᱭ ᱟᱠᱚ ᱚᱛᱮ, ᱛᱤᱱ ᱡᱚᱦᱚᱜ ᱨᱟᱢ ᱟᱡᱟᱜ ᱵᱤᱨᱵᱟᱥᱟ ᱚᱠᱛᱚ ᱨᱮ ᱱᱚᱣᱟ ᱴᱚᱴᱷᱟ ᱥᱮᱫ ᱛᱮᱠᱚ ᱯᱟᱨᱚᱢᱚᱜ ᱠᱟᱱ ᱛᱟᱦᱮᱸᱫ ᱩᱱ ᱡᱚᱦᱚᱜ ᱥᱤᱛᱟ ᱫᱚ ᱫᱟᱜ ᱛᱮᱛᱟᱝ ᱞᱮᱫᱮᱭᱟ ᱾ ᱥᱤᱛᱟᱦᱟᱜ ᱛᱮᱛᱟᱝ ᱢᱮᱴᱟᱣ ᱞᱟᱹᱜᱤᱫ ᱨᱟᱢ ᱫᱚ ᱫᱷᱟᱹᱨᱛᱤ ᱨᱮ ᱥᱟᱨ ᱮ ᱛᱮᱨᱟᱝ ᱞᱮᱫ-ᱟ ᱟᱨ ᱯᱟᱛᱟᱞᱜᱚᱸᱜᱟ ᱫᱚ ᱚᱯᱮᱞ ᱞᱮᱱᱟ ᱾

ᱡᱳᱜᱤᱢᱚᱴᱷ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱳᱜᱚᱢᱚᱴᱷ ᱫᱚ ᱢᱤᱫ ᱧᱩᱛᱩᱢᱟᱱ ᱯᱨᱤᱦᱤᱥᱴᱚᱨᱤᱠ ᱱᱟᱝᱮᱛ ᱜᱚᱸᱜᱷᱚᱨ ᱠᱟᱱᱟ ᱾ ᱱᱚᱣᱟ ᱜᱚᱸᱜᱷᱚᱨ ᱨᱮᱫᱚ ᱯᱩᱨᱟᱹ ᱫᱷᱤᱨᱤ ᱡᱩᱜᱽ ᱨᱮᱭᱟᱜ ᱟᱹᱰᱤᱜᱟᱱ ᱪᱤᱛᱟᱹᱨ ᱫᱷᱤᱨᱤ ᱨᱮ ᱜᱚᱲᱦᱚᱱ ᱟᱠᱟᱱᱟ ᱾ ᱱᱚᱰᱮ ᱵᱮᱱᱟᱣ ᱟᱠᱟᱱ ᱥᱚᱸᱰᱷᱚᱣᱟᱜ ᱜᱚᱲᱦᱚᱱ ᱫᱚ ᱟᱹᱰᱤ ᱢᱚᱱ ᱢᱩᱦᱤᱛ ᱜᱮᱭᱟ ᱾ ᱠᱤᱨᱥᱤ ᱟᱨ ᱡᱟᱱᱣᱟ ᱠᱚᱣᱟᱜ ᱪᱤᱛᱟᱹᱨ ᱦᱚᱸ ᱛᱮᱦᱮᱧ ᱦᱚᱸ ᱚᱱᱟ ᱱᱟᱝ ᱨᱮᱭᱟᱜ ᱡᱤᱭᱚᱱ ᱢᱮᱫ ᱥᱟᱢᱟᱝ ᱨᱮᱭ ᱥᱚᱫᱚᱨ ᱥᱟᱢᱟᱝ ᱜᱚᱫᱟ ᱾

ᱵᱩᱰᱷᱤᱠᱳᱢᱱᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱩᱰᱷᱤᱠᱳᱢᱱᱟ ᱫᱚ ᱠᱷᱚᱨᱤᱭᱟᱨ ᱠᱷᱚᱱ ᱗᱓ ᱠᱤᱞᱚ ᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱦᱚᱲ ᱠᱩᱥᱤᱭᱟᱜ ᱫᱚ ᱱᱚᱰᱮᱭ ᱵᱮᱱᱟᱣ ᱟᱠᱟᱱ ᱵᱚᱸᱜᱟ ᱯᱟᱛᱟᱞᱮᱥᱣᱚᱨ ᱥᱤᱵᱽ ᱟᱜ ᱢᱩᱫᱽᱨᱤ ᱠᱷᱟᱹᱛᱤᱨ ᱜᱮ ᱾ ᱯᱮᱨᱟᱛᱷ ᱛᱚᱦᱚᱨ ᱨᱮ ᱜᱚᱲᱦᱚᱱ ᱟᱠᱟᱱ ᱱᱚᱣᱟ ᱢᱩᱫᱽᱨᱤ ᱨᱮᱭᱟᱜ ᱵᱮᱱᱟᱣ ᱨᱮᱫᱚ ᱤᱴᱟᱹ ᱨᱮᱭᱟᱜ ᱵᱮᱵᱷᱟᱨ ᱦᱩᱭ ᱟᱠᱟᱱᱟ ᱾ ᱱᱤᱛᱚᱜ ᱫᱚ ᱱᱚᱣᱟ ᱢᱩᱫᱽᱨᱤ ᱫᱚ ᱨᱟᱹᱯᱩᱫ ᱚᱵᱚᱥᱛᱟ ᱨᱮ ᱢᱮᱱᱟᱜ-ᱟ ᱾

ᱠᱷᱚᱨᱤᱭᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱷᱚᱨᱤᱭᱟᱭ ᱱᱟᱜᱟᱨ ᱨᱮᱭᱟᱜ ᱛᱟᱞᱟᱢᱟᱞᱟ ᱨᱮ ᱵᱮᱱᱟᱣ ᱟᱠᱟᱱ ᱢᱟᱨᱮ ᱫᱚᱫᱷᱤᱵᱟᱢᱚᱱ ᱢᱩᱫᱽᱨᱤ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱢᱩᱫᱽᱨᱤ ᱫᱚ ᱥᱩᱨ ᱥᱩᱯᱩᱨ ᱦᱚᱲ ᱠᱚᱫᱚ ᱵᱚᱰᱟᱜᱩᱰᱤ ᱧᱩᱛᱩᱢ ᱛᱮᱦᱚᱸ ᱠᱚ ᱦᱚᱦᱚᱣᱟᱜ-ᱟ ᱾ ᱱᱚᱣᱟ ᱪᱷᱟᱰᱟ ᱠᱟᱛᱮ ᱵᱷᱚᱜᱚᱵᱟᱱ ᱡᱚᱜᱚᱱᱱᱟᱛᱷ ᱢᱩᱫᱽᱨᱤ, ᱦᱚᱱᱩᱢᱟᱱ ᱢᱩᱫᱽᱨᱤ, ᱫᱮᱵᱤ ᱞᱚᱠᱷᱢᱤ ᱢᱩᱫᱽᱨᱤ ᱟᱨ ᱨᱚᱠᱛᱟᱵᱚᱨᱤ ᱢᱩᱫᱽᱨᱤ ᱱᱚᱰᱮᱱᱟᱜ ᱟᱨ ᱢᱤᱫ ᱦᱚᱲ ᱠᱩᱥᱤᱭᱟᱜ ᱢᱩᱫᱽᱨᱤ ᱠᱟᱱᱟ ᱾ ᱠᱷᱚᱨᱤᱭᱟᱨ ᱨᱮᱫᱚ ᱟᱢᱮᱨᱤᱠᱟᱱ ᱤᱣᱮᱱᱡᱚᱞᱤᱠᱚᱞ ᱢᱤᱥᱚᱱ ᱨᱮᱭᱟᱜ ᱩᱛᱱᱟᱹᱣ ᱪᱟᱹᱞᱩ ᱟᱠᱟᱱᱟ ᱾

ᱜᱚᱣᱫᱷᱚᱥ ᱫᱟᱜ ᱡᱷᱟᱨᱱᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱖᱐᱐ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ ᱨᱮ ᱯᱟᱥᱱᱟᱣ ᱟᱱᱟᱠ ᱱᱚᱣᱟ ᱡᱩ ᱫᱚ ᱱᱩᱣᱟᱯᱚᱰᱟ ᱦᱚᱱᱚᱛ ᱨᱮ ᱪᱷᱚᱛᱤᱥᱜᱚᱰ ᱨᱮᱭᱟᱜ ᱥᱤᱢᱟᱹ ᱥᱩᱨ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱵᱟᱨᱚᱦᱥᱤᱸᱦᱟ ᱨᱮᱭᱟᱜ ᱢᱤᱫ ᱥᱚᱨᱮᱥ ᱛᱷᱟᱱ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜ-ᱟ ᱾ ᱥᱟᱶᱛᱮ ᱛᱟᱹᱨᱩᱵ, ᱦᱟᱰᱜᱟᱨ, ᱪᱮᱴᱨᱟ, ᱡᱤᱞ, ᱡᱷᱟᱝᱠᱟᱨ, ᱜᱳᱨᱤᱭᱟ, ᱥᱞᱚᱛᱷ ᱵᱤᱭᱚᱨ ᱟᱨ ᱪᱮᱬᱮ ᱪᱤᱯᱨᱩᱜ ᱮᱢᱟᱱ ᱠᱚ ᱞᱮᱠᱟᱱ ᱞᱮᱠᱟᱱ ᱡᱟᱹᱛᱤᱨᱤᱱ ᱠᱚ ᱧᱮᱞ ᱜᱟᱱᱚᱜ-ᱟ ᱾

ᱦᱮᱡᱥᱮᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱦᱚᱭ ᱦᱚᱨ

ᱱᱩᱣᱟᱯᱚᱰᱟ ᱨᱮᱭᱟᱜ ᱥᱩᱨ ᱩᱰᱟᱹᱱ-ᱟᱰᱟ ᱫᱚ ᱨᱟᱭᱯᱩᱨ ᱩᱰᱟᱹᱱ ᱴᱚᱴᱷᱟᱨᱮ ᱢᱮᱱᱟᱜ-ᱟᱤ ᱱᱚᱣᱟ ᱩᱰᱟᱹᱱ-ᱟᱰᱟ ᱫᱚ ᱑᱒᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱟᱨ ᱫᱤᱥᱚᱢ ᱨᱮᱭᱟᱜ ᱟᱹᱰᱤᱜᱟᱱ ᱢᱟᱨᱟᱝ ᱵᱟᱡᱟᱨ ᱥᱟᱶ ᱦᱚᱸ ᱦᱚᱭ ᱦᱚᱨ ᱦᱚᱛᱮᱛᱮ ᱡᱩᱲᱟᱹᱭ ᱢᱮᱱᱟᱜ-ᱟ ᱾

  • ᱨᱮᱞ ᱦᱚᱨ

ᱱᱩᱣᱟᱯᱚᱰᱟ ᱨᱳᱰ ᱨᱮᱞ ᱥᱴᱮᱥᱚᱱ ᱫᱚ ᱱᱚᱰᱮᱱᱟᱜ ᱥᱩᱨ ᱨᱮᱞ ᱥᱴᱮᱥᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱱᱩᱣᱟᱯᱚᱰᱟ ᱱᱟᱜᱟᱨ ᱠᱷᱚᱱ ᱓ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱨᱮᱞᱣᱮ ᱥᱴᱮᱥᱚᱱ ᱫᱚ ᱫᱩᱠᱷᱤᱱ ᱯᱩᱨᱩᱵᱽ ᱨᱮᱞᱣᱮ ᱨᱮᱭᱟᱜ ᱵᱤᱥᱟᱠᱷᱟᱯᱟᱴᱱᱟᱢ-ᱨᱟᱭᱯᱩᱨ ᱨᱮᱞ ᱞᱟᱹᱭᱤᱱ ᱨᱮ ᱢᱮᱱᱟᱜ-ᱟ ᱾

  • ᱥᱚᱲᱚᱠ ᱦᱚᱨ

ᱡᱟᱹᱛᱤᱭᱟᱹᱨᱤ ᱨᱟᱡᱽᱦᱚᱨ ᱓᱕᱓ ᱟᱨ ᱯᱚᱱᱚᱛ ᱨᱟᱡᱽᱦᱚᱨ ᱓ ᱱᱩᱣᱟᱯᱚᱰᱟ ᱫᱚ ᱮᱴᱟᱜ ᱵᱟᱡᱟᱨ ᱥᱟᱶ ᱮ ᱡᱩᱲᱟᱹᱭᱟ ᱾ ᱯᱚᱱᱚᱛ ᱥᱟᱜᱟᱲ ᱨᱮᱭᱟᱜ ᱟᱹᱰᱤᱜᱟᱱ ᱵᱚᱥ ᱠᱚ ᱱᱩᱣᱟᱯᱚᱰᱟ ᱞᱟᱹᱜᱤᱫ ᱪᱟᱞᱟᱜ ᱠᱟᱱᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Orissa reference: glimpses of Orissa," Sambit Prakash Dash, TechnoCAD Systems, 2001
  2. "The Orissa Gazette," Orissa (India), 1964
  3. "Lonely Planet India," Abigail Blasi et al, Lonely Planet, 2017, ISBN 9781787011991