ᱱᱩᱨᱟᱸ ᱵᱩᱦᱤᱱ ᱠᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱱᱩᱨᱟᱸ ᱵᱩᱦᱤᱱ ᱠᱚ
ᱢᱩᱬ ᱡᱚᱞᱚᱱᱫᱷᱚᱨ, ᱥᱤᱧᱚᱛ
ᱡᱮᱱᱨᱮᱥ ᱥᱟᱢ ᱪᱚᱣᱨᱚᱥᱤᱭᱟ ᱜᱷᱚᱨᱟᱱᱟ
ᱠᱟᱹᱢᱤ ᱚᱠᱛᱚ ᱒᱐᱑᱐ (᱒᱐᱑᱐)–ᱱᱤᱛᱚᱜ
ᱣᱮᱵᱽᱥᱟᱭᱤᱴ nooransisters.in
ᱥᱚᱦᱮᱫ
  • ᱡᱽᱭᱚᱛᱤ ᱱᱩᱨᱟᱸ
  • ᱥᱩᱞᱛᱟᱱᱟ ᱱᱩᱨᱟᱸ

ᱱᱩᱨᱟᱸ ᱵᱩᱦᱤᱱ ᱠᱤᱱ ᱡᱽᱭᱚᱛᱤ ᱱᱩᱨᱟᱸ ᱟᱨ ᱥᱩᱞᱛᱟᱱᱟ ᱱᱩᱨᱟᱸ - ᱡᱚᱞᱚᱱᱫᱷᱚᱨ, ᱥᱤᱧᱚᱛ ᱨᱤᱱ ᱢᱤᱫ ᱥᱩᱯᱷᱤ ᱥᱮᱨᱮᱧᱤᱭᱟᱹ ᱡᱩᱲᱤ ᱠᱟᱱᱟ ᱠᱤᱱ ᱾ ᱩᱱᱠᱤᱱ ᱫᱚ ᱥᱟᱢ ᱪᱚᱣᱨᱚᱥᱤᱭᱟ ᱜᱷᱚᱨᱟᱱᱟ ᱠᱞᱟᱥᱤᱠᱚᱞ ᱢᱤᱣᱡᱤᱠ ᱠᱤᱱ ᱩᱫᱩᱜ ᱥᱚᱫᱚᱨᱟ ᱾

ᱮᱛᱚᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱩᱠᱤᱱ ᱵᱚᱭᱦᱟ ᱠᱩᱲᱤ ᱫᱚ ᱮᱛᱚᱦᱚᱵ ᱜᱤᱫᱽᱨᱟᱹ ᱠᱷᱚᱱ ᱜᱮ ᱟᱹᱠᱤᱱ ᱨᱤᱱ ᱵᱟᱵᱟ, ᱩᱥᱛᱟᱫᱽ ᱜᱩᱞᱥᱚᱱ ᱢᱤᱨ, ᱵᱤᱵᱤ ᱱᱩᱨᱟᱸ ᱨᱤᱱ ᱜᱚᱲᱚᱢ ᱜᱤᱫᱽᱨᱟᱹ ᱟᱨ ᱑᱙᱗᱐ ᱨᱮᱱᱟᱜ ᱜᱮᱥᱮᱨᱢᱟ ᱨᱤᱱ ᱥᱩᱯᱷᱤ ᱥᱮᱨᱮᱧᱤᱭᱟᱹ ᱥᱣᱚᱨᱱ ᱱᱩᱨᱚᱱ ᱤᱡ ᱦᱚᱯᱚᱱ ᱠᱷᱚᱱ ᱠᱤᱱ ᱪᱮᱫ ᱞᱮᱱ ᱛᱟᱦᱮᱸᱫ ᱾ ᱢᱤᱨ ᱞᱮᱠᱟᱛᱮ ᱫᱚ, ᱜᱷᱟᱨᱚᱸᱡᱤᱭᱟᱹ ᱠᱚ ᱴᱷᱮᱱ ᱠᱩᱴᱷᱤᱱ ᱚᱠᱛᱚ ᱛᱟᱦᱮᱸ ᱠᱟᱱᱟ ᱟᱨ ᱢᱤᱨ ᱫᱚ ᱩᱱᱠᱤᱱ ᱜᱚᱲᱚ ᱥᱚᱦᱚᱫ ᱠᱤᱱ ᱞᱟᱹᱜᱤᱫ ᱥᱮᱨᱮᱧ ᱮ ᱪᱮᱫ ᱟᱫ ᱠᱤᱱᱟ ᱾ [᱑]

ᱛᱤᱱ ᱠᱷᱚᱡᱚᱜ ᱥᱩᱞᱛᱟᱱᱟ ᱱᱩᱨᱟᱸ ᱮᱭᱟᱭ ᱥᱮᱨᱢᱟᱭ ᱛᱟᱦᱮᱸ ᱠᱟᱱᱟ ᱟᱨ ᱡᱽᱭᱚᱛᱤ ᱱᱩᱨᱟᱸ ᱢᱚᱬᱮ ᱥᱮᱨᱢᱟᱭ ᱛᱟᱦᱮᱸ ᱠᱟᱱᱟ, ᱩᱱᱤ ᱠᱷᱚᱡᱚᱜ ᱢᱤᱨ ᱫᱚ ᱦᱩᱱᱟᱸᱨ ᱮ ᱧᱮᱞ ᱧᱟᱢ ᱞᱮᱫᱼᱟ ᱛᱤᱱ ᱠᱷᱚᱡᱚᱜ ᱱᱩᱠᱤᱱ ᱫᱚ ᱚᱲᱟᱜ ᱨᱮ ᱠᱤᱱ ᱮᱱᱮᱡ ᱡᱚᱝ ᱠᱟᱱ ᱛᱟᱦᱮᱸᱫ ᱾ ᱟᱨ ᱢᱤᱫ ᱵᱩᱞᱞᱮ ᱥᱟᱦ ᱠᱚᱞᱚᱢ ᱠᱤᱱ ᱥᱮᱨᱮᱧ ᱮᱫ ᱛᱟᱦᱮᱸᱫ ᱾ ᱡᱟᱦᱟᱸᱭ ᱫᱚ ᱩᱱᱠᱤᱱ ᱟᱹᱠᱤᱱᱤᱡ ᱜᱚᱲᱚᱢ ᱵᱩᱰᱷᱤ ᱭᱟᱜ ᱠᱩᱞᱤ ᱵᱤᱪᱳ ᱱᱤ ᱭᱟᱨ ᱞᱟ ᱞᱟ ᱞᱮᱭᱵᱽ ᱠᱷᱚᱱ ᱠᱤᱱ ᱟᱸᱡᱚᱢ ᱞᱮᱫᱟ ᱛᱟᱦᱮᱸᱫ ᱾ ᱢᱤᱨ ᱮ ᱠᱩᱠᱞᱤ ᱠᱟᱱᱟ ᱪᱮᱫ ᱱᱩᱠᱤᱱ ᱱᱚᱶᱟ ᱠᱤᱱ ᱥᱮᱨᱮᱧ ᱫᱟᱲᱮᱭᱟᱜᱼᱟ ᱾ ᱱᱩᱠᱤᱱ ᱫᱚ ᱛᱟᱵᱽᱞᱟ ᱟᱨ ᱦᱟᱨᱢᱳᱱᱤᱭᱚᱢ ᱥᱟᱶᱛᱮ ᱯᱨᱚᱯᱷᱮᱥᱚᱱᱟᱞ ᱨᱩᱯ ᱞᱮᱠᱟ ᱨᱮᱫᱚ ᱵᱟᱹᱠᱤᱱ ᱥᱮᱨᱮᱧ ᱟᱠᱟᱫᱼᱟ ᱾ ᱠᱟᱱᱟᱰᱟ ᱥᱮᱨᱮᱧ ᱪᱷᱟᱨᱟᱣᱤᱭᱟᱹ ᱤᱠᱵᱟᱞ ᱢᱚᱦᱚᱞ ᱫᱚ ᱒᱐᱑᱐ ᱥᱟᱞᱮ ᱨᱮ ᱱᱩᱠᱤᱱ ᱵᱚᱭᱦᱟ ᱠᱩᱲᱤᱭ ᱧᱟᱢ ᱛᱩᱫ ᱠᱮᱫᱟ ᱠᱤᱱᱟ ᱟᱨ ᱩᱱᱠᱤᱱᱟᱜ ᱡᱤᱛᱠᱟᱹᱨ ᱨᱮ ᱟᱹᱰᱤ ᱫᱟᱢᱟᱱ ᱯᱟᱴ ᱮ ᱛᱚᱨᱟᱝ ᱟᱠᱟᱫᱼᱟ ᱾ ᱒᱐᱑᱓ ᱨᱮ ᱱᱩᱠᱤᱱ ᱫᱚ ᱯᱩᱭᱞᱩ ᱫᱷᱟᱣ ᱱᱚᱠᱳᱫᱚᱨ ᱨᱮ ᱵᱟᱵᱟ ᱢᱩᱨᱟᱫᱽ ᱥᱟᱦ ᱫᱚᱨᱜᱟᱦ ᱨᱮ ᱠᱤᱱ ᱩᱝᱩᱜ ᱥᱚᱫᱚᱨ ᱞᱮᱫᱼᱟ ᱟᱨ ᱩᱱᱠᱤᱱ ᱦᱚᱲ ᱠᱚ ᱛᱟᱞᱟᱨᱮ ᱩᱱᱟᱹᱜ ᱧᱤᱫᱟᱹ ᱠᱷᱚᱱ ᱜᱮ ᱟᱹᱰᱤ ᱜᱮ ᱦᱚᱲ ᱯᱚᱥᱚᱸᱫᱟᱱ ᱠᱤᱱ ᱦᱩᱭ ᱮᱱᱟ ᱾ ᱩᱱᱠᱤᱱᱟᱜ ᱥᱮᱨᱮᱧ `ᱟᱞᱞᱟᱦ ᱦᱩ` ᱫᱚ ᱢᱤᱫ ᱭᱩᱴᱤᱭᱩᱵᱽ ᱦᱤᱴ ᱛᱟᱦᱮᱸ ᱠᱟᱱᱟ ᱾ ᱩᱱᱟᱹᱜ ᱛᱟᱭᱚᱢ ᱢᱮᱸ ᱭᱟᱨ ᱫᱟᱜ ᱫᱤᱵᱟᱱᱥ ᱟᱨ ᱯᱚᱴᱟᱠᱷᱟ ᱜᱩᱰᱰᱤ ᱞᱮᱠᱟᱱ ᱥᱮᱨᱮᱧ ᱫᱚ ᱵᱟᱵᱟ ᱦᱚᱲᱟᱜ ᱦᱚᱲ ᱯᱚᱥᱚᱸᱫᱟᱱ ᱮ ᱵᱟᱹᱲᱛᱤ ᱦᱚᱪᱚᱭ ᱨᱮ ᱟᱹᱰᱤ ᱫᱟᱢᱟᱱ ᱯᱟᱴ ᱮ ᱛᱚᱨᱟᱝ ᱟᱠᱟᱫᱼᱟ ᱾ ᱵᱚᱞᱤᱣᱩᱰ ᱯᱷᱤᱞᱤᱢ ᱨᱮ ᱩᱱᱠᱤᱱᱟᱜ ᱟᱹᱰᱤ ᱜᱟᱱ ᱥᱮᱨᱮᱧ ᱢᱮᱱᱟᱜᱼᱟ ᱾ ᱱᱩᱠᱤᱱ ᱫᱚ ᱟᱹᱠᱤᱱᱟᱜ ᱞᱟᱭᱤᱵᱽ ᱩᱝᱩᱜ ᱥᱚᱫᱚᱨ ᱞᱟᱹᱜᱤᱫ ᱟᱹᱰᱤ ᱜᱮ ᱧᱩᱛᱩᱢ ᱢᱮᱱᱟᱜ ᱛᱟᱹᱠᱤᱱᱟ ᱾ ᱪᱮᱫᱟᱜ ᱥᱮ ᱩᱱᱠᱤᱱ ᱫᱚ ᱢᱮᱞᱟᱝᱠᱤ ᱨᱮ ᱟᱹᱰᱤ ᱱᱟᱯᱟᱭ ᱠᱤᱱ ᱩᱝᱩᱜ ᱥᱚᱫᱚᱨᱟ, ᱪᱩᱦᱩᱞ ᱥᱟᱶᱛᱮ, ᱡᱚᱛᱚ ᱫᱳ ᱨᱮ ᱢᱤᱫ ᱠᱷᱚᱱ ᱵᱟᱹᱲᱛᱤ ᱥᱟᱭᱠᱚᱨᱟ ᱠᱤᱱ ᱮᱢᱟ ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Highway to Fame". India Express. 29 ᱡᱟᱱᱩᱣᱟᱨᱤ 2014. Retrieved 25 ᱥᱮᱯᱴᱮᱢᱵᱚᱨ 2017.