ᱱᱮᱭᱱᱤᱛᱟᱞ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱱᱮᱭᱱᱤᱛᱟᱞ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱨᱮᱭᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱟᱨ ᱱᱚᱣᱟ ᱦᱚᱱᱚᱛ ᱨᱮᱭᱟᱝ ᱥᱚᱫᱚᱨ ᱢᱚᱦᱚᱠᱩᱢᱟ ᱫᱚ ᱱᱮᱭᱱᱤᱛᱟᱞ ᱵᱟᱡᱟᱨ ᱨᱮ ᱢᱮᱱᱟᱜ ᱟᱠᱟᱫᱟ ᱾ ᱱᱚᱣᱟ ᱦᱚᱱᱚᱛ ᱫᱚ ᱠᱩᱢᱟᱱ ᱰᱤᱵᱷᱤᱡᱚᱱ ᱨᱮ ᱢᱮᱱᱟᱜ-ᱟ ᱟᱨ ᱦᱚᱞᱫᱣᱟᱱᱤ ᱫᱚ ᱦᱚᱱᱚᱛ ᱨᱮᱭᱟᱜ ᱢᱟᱨᱟᱝ ᱵᱟᱡᱟᱨ ᱾ ᱮᱛᱚᱢ ᱥᱮᱦᱮᱫ ᱨᱮ ᱟᱞᱢᱚᱲᱟ ᱦᱚᱱᱚᱛ, ᱠᱚᱧᱮ ᱥᱮᱦᱮᱫ ᱨᱮᱫᱚ ᱩᱫᱷᱚᱢ ᱥᱤᱝ ᱱᱚᱜᱚᱨ ᱥᱟᱢᱟᱝ ᱨᱮ ᱪᱚᱢᱯᱟᱣᱟᱴ ᱟᱨ ᱯᱟᱪᱮ ᱨᱮᱫᱚ ᱯᱟᱣᱨᱤ ᱜᱟᱲᱣᱟᱞ ᱥᱮᱫᱛᱮ ᱥᱮᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾[᱑]

ᱦᱚᱲ ᱮᱞ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱦᱚᱲ ᱞᱮᱠᱷᱟ ᱞᱮᱠᱟᱛᱮ, ᱱᱮᱭᱱᱤᱛᱟᱞ ᱦᱚᱱᱚᱛ ᱨᱮ ᱙᱕᱔,᱖᱐᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱒] ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱦᱚᱲ ᱮᱞᱮᱞ ᱫᱚ ᱔᱕᱗ ᱨᱮᱸᱠ ᱨᱮ ᱦᱤᱡᱩᱜ ᱠᱟᱱᱟ ᱾ (ᱥᱤᱧᱚᱛ ᱨᱮᱭᱟᱜ [[᱑]] ᱦᱚᱱᱚᱛ ᱠᱷᱚᱱ) ᱾ ᱱᱚᱣᱟ ᱦᱚᱱᱚᱛ ᱨᱮ ᱥᱮᱪᱮᱫ ᱫᱚᱨ ᱫᱚ ᱘᱓.᱘᱘ % ᱢᱮᱱᱟᱜᱼᱟ[᱓], ᱡᱟᱦᱟᱸ ᱫᱚ ᱡᱟᱹᱛᱤᱭᱟᱹᱨᱤ ᱮᱵᱷᱚᱨᱮᱡᱽ ( average) ᱕᱙ᱹ᱕% ᱠᱷᱚᱱ ᱵᱟᱹᱲᱛᱤ ᱢᱮᱱᱟᱜᱼᱟ ᱾ ᱡᱟᱱᱟᱝ ᱨᱮᱥᱤᱳ,᱑᱐᱐᱐ ᱠᱚᱲᱟ ᱦᱚᱯᱚᱱ ᱠᱚ ᱢᱩᱫᱽ ᱨᱮ ᱠᱩᱲᱤ ᱦᱚᱯᱚᱱ ᱠᱚᱣᱟᱜ ᱮᱞᱮᱞ ᱫᱚ ᱙᱓᱔ ᱾[᱔] ᱦᱚᱱᱚᱛ ᱨᱮᱭᱟᱜ ᱦᱚᱲ ᱰᱮᱱᱥᱤᱴᱤ ᱫᱚ ᱒᱒᱕ ᱢᱤᱫ ᱥᱠᱚᱭᱟᱨ ᱠᱤᱞᱚᱢᱤᱴᱚᱨ ᱨᱮ ᱾ ᱒᱐᱐᱑-᱒᱐᱑᱑ ᱜᱮᱞᱟᱝ ᱥᱮᱨᱢᱟ ᱨᱮ ᱦᱚᱲ ᱠᱚᱣᱟᱜ ᱵᱟᱲᱦᱟᱣ ᱫᱚᱨ ᱫᱚ ᱒᱕.᱒ % ᱛᱟᱦᱮᱸ ᱠᱟᱱᱟ ᱾[᱕]

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱫᱤᱥᱚᱢ ᱒᱐᱑᱑ ᱦᱚᱲ ᱞᱮᱠᱷᱟ ᱥᱟ.ᱦᱤᱛ ᱚᱠᱛᱚ ᱨᱮ ᱧᱟᱢ ᱟᱠᱟᱱ ᱥᱟᱹᱠᱷᱤᱭᱟᱹᱛᱠᱚ ᱞᱮᱠᱟᱛᱮ ᱱᱚᱸᱰᱮ ᱨᱚᱲ ᱠᱟᱱ ᱯᱟᱹᱨᱥᱤ ᱠᱚᱫᱚ ᱦᱩᱭᱩᱜ ᱠᱟᱱᱟ,ᱠᱩᱢᱳᱱᱤ (48%),ᱦᱤᱱᱫᱤ (39%),ᱩᱨᱫᱷᱩ (᱖.᱖%), ᱯᱩᱱᱡᱟᱵᱤ (᱒.᱑%), ᱜᱚᱨᱦᱣᱟᱞᱤ (᱑.᱖%), ᱵᱷᱚᱡᱽᱯᱩᱨᱤ (0.᱗᱐%), ᱱᱮᱯᱟᱞᱤ (0.᱖᱓%) ᱾[᱖] ᱚᱱᱟ ᱥᱟᱶᱛᱮ ᱵᱚᱠᱥᱟ ᱯᱟᱹᱨᱥᱤ ᱛᱮ ᱨᱚᱲ ᱮᱫ ᱦᱚᱲ ᱦᱚᱸ ᱨᱟᱢᱱᱚᱜᱚᱨ ᱵᱞᱚᱠ ᱨᱮᱭᱟᱜ ᱟᱭᱢᱟ ᱟᱹᱛᱩ ᱨᱮᱠᱚ ᱧᱟᱢᱚᱜ ᱜᱮᱭᱟ ᱾ [᱗]

ᱧᱮᱞᱡᱚᱝ ᱴᱷᱟᱶ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱭᱢᱟ ᱧᱩᱛᱩᱢᱟᱱ ᱵᱩᱨᱩ ᱡᱟᱭᱜᱟ ᱢᱮᱱᱟᱜᱼᱟ ᱧᱮᱞᱡᱚᱝ ᱴᱷᱟᱶ ᱠᱚ ᱢᱩᱫᱽᱨᱮ ᱱᱚᱭᱱᱤᱛᱟᱞ ᱞᱮᱠ (nainital lake) ,ᱱᱚᱭᱱᱟ ᱯᱤᱠ ᱘᱖᱒᱒ ᱯᱷᱩᱴ (naina Peak 8622ft), ᱦᱤᱢᱟᱞᱚᱭ ᱫᱚᱨᱥᱚᱱ ᱟᱨ ᱤᱪᱚ ᱡᱚᱱ (Himalaya Darshan & Echo Zone), ᱦᱚᱱᱩᱢᱟᱱ ᱜᱟᱨᱦᱤ (Hanumangarhi) ᱟᱨ ᱯᱴ. ᱡ.ᱵ. ᱯᱚᱱᱛ ᱦᱟᱤ ᱟᱞᱴᱤᱴᱭᱩᱰ ᱡᱩᱩ (Pt. G.B. Pant High Altitude Zoo),ᱱᱚᱭᱱᱤᱛᱟᱞ ᱱᱟᱜᱟᱨ (Nainital) ᱾

ᱧᱩᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱟᱹᱦᱤᱞ ᱠᱷᱚᱱ ᱜᱮ ᱱᱚᱣᱟ ᱴᱷᱟᱶ ᱥᱟᱶ ᱟᱭᱢᱟ ᱠᱤᱢᱵᱚᱫᱚᱱᱛᱤ ᱠᱚ ᱢᱮᱱᱟᱜᱼᱟ, ᱱᱮᱭᱱᱤᱛᱟᱞ ᱧᱩᱛᱩᱢ ᱫᱚ ᱴᱷᱟᱹᱠᱨᱟᱹᱱᱟᱜ ᱱᱚᱭᱱᱟ (ᱢᱮᱫ)eye ᱠᱷᱚᱱ ᱚᱢᱚᱱ ᱟᱠᱟᱱᱟ ᱟᱨ ᱛᱤᱢᱤᱱ ᱜᱟᱱ ᱠᱚᱠᱚ ᱢᱮᱱᱟ ᱡᱚᱠᱷᱚᱱ ᱥᱚᱛᱤ ᱴᱷᱟ.ᱠᱨᱟ.ᱱ ᱟᱜ ᱢᱮᱫ ᱱᱚᱥᱴᱚ ᱮᱱ ᱛᱟᱭᱟ ᱥᱤᱵᱽ ᱴᱷᱟ.ᱠᱩᱨ ᱩᱱᱤ ᱤᱫᱤ ᱛᱚᱨᱟ ᱠᱮᱫᱮ ᱟᱭ ᱟᱨ ᱢᱤᱫ ᱞᱮᱠlake ᱵᱮᱱᱟᱣ ᱞᱮᱱᱟ ᱾ ("ᱱᱚᱭᱱᱟ" ᱢᱟᱱᱮ ᱢᱮᱫ ᱟᱨ "ᱛᱟᱞ" ᱢᱟᱱᱮ ᱞᱮᱠlake) ᱾ ᱛᱚᱵᱮ ᱚᱱᱟ ᱫᱚ ᱡᱟᱦᱟᱸ ᱟᱠᱟᱱ ᱜᱮ ᱱᱚᱭᱱᱤᱛᱟᱞ ᱧᱩᱢ ᱫᱚ "ᱱᱚᱭᱱᱟ" ᱟᱨ "ᱛᱟᱞ" ᱟᱹᱲᱟᱹ ᱠᱷᱚᱱ ᱜᱮ ᱚᱢᱚᱱ ᱟᱠᱟᱱᱟ ᱢᱮᱱᱛᱮ ᱟᱭᱢᱟ ᱦᱚᱲ ᱠᱚ ᱦᱮᱸ ᱥᱟᱹᱨᱤ ᱟᱠᱟᱫᱟ ᱾[᱘]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱨᱤᱴᱤᱥ ᱥᱟᱥᱚᱱᱤᱭᱟᱹ ᱠᱚ ᱱᱚᱸᱰᱮᱱᱟᱜ ᱠᱩᱢᱟᱱ ᱟᱨ ᱜᱚᱨᱣᱟᱞ ᱮᱞᱟᱠᱟᱨᱮ ᱑᱘᱑᱕ ᱥᱟᱹᱦᱤᱛ ᱨᱮᱠᱚ ᱫᱚᱠᱷᱚᱞ ᱞᱮᱫᱟ ᱾ ᱤᱱᱟᱹ ᱛᱟᱭᱚᱢ ᱤᱹᱜᱟᱨᱰᱤᱱᱚᱨ E. Gardinerᱫᱚ ᱤᱸᱜᱽᱨᱟᱹᱡᱤ ᱢᱮ ᱪᱟᱸᱫᱚ ᱘ ᱢᱟᱹᱦᱤᱛ ᱑᱘᱑᱕ ᱥᱟᱹᱦᱤᱛᱨᱮ ᱠᱚᱢᱤᱥᱚᱱᱚᱨ ᱞᱮᱠᱟᱛᱮᱠᱚ ᱵᱟᱦᱟᱞ ᱞᱮᱫᱮᱭᱟ ᱱᱚᱣᱟ ᱠᱩᱢᱟᱱ ᱰᱤᱵᱷᱤᱡᱚᱱᱨᱮ ᱾ ᱱᱟᱜᱟᱢᱤᱭᱟᱠᱚ ᱟᱨ ᱠᱷᱚᱸᱫᱽᱨᱚᱸᱫᱤᱭᱟᱹ ᱠᱚ ᱞᱮᱛᱟᱲ ᱜᱮ ᱟᱠᱚᱣᱟᱜ ᱠᱷᱚᱸᱫᱽᱨᱚᱸᱫᱽ ᱠᱟᱹᱢᱤ ᱠᱚ ᱛᱚᱝᱜᱮ ᱞᱮᱫᱟ, ᱚᱱᱟᱛᱮ ᱑᱘᱔᱗ ᱥᱟᱹᱦᱤᱛ ᱠᱷᱟᱱ ᱜᱮ ᱫᱤᱥᱚᱢ ᱧᱮᱧᱮᱞᱤᱭᱟᱹ ᱢᱚᱱ ᱮ ᱚᱨ ᱞᱮᱫ ᱛᱟᱠᱚᱣᱟ ᱟᱨ ᱧᱩᱛᱩᱢᱟᱱ ᱧᱮᱞᱡᱚᱝ ᱴᱷᱟᱶ ᱞᱮᱠᱟᱛᱮ ᱪᱷᱟᱹᱴᱭᱟᱹᱨ ᱞᱮᱱᱟ ᱾[᱙]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]