ᱱᱮᱯᱟᱞᱤ ᱡᱟᱹᱛ (ᱟᱥᱟᱢ)
ᱱᱮᱯᱟᱞᱤ (ᱤᱝᱨᱟᱹᱡᱤ : Nepali) ᱠᱚᱣᱟᱜ ᱥᱟᱝᱜᱮ ᱜᱤᱨᱟᱹᱵᱟᱹᱥᱤ ᱴᱷᱟᱹᱭ ᱫᱚ ᱦᱩᱭᱩᱜ ᱠᱟᱱᱟ ᱱᱮᱯᱟᱞ ᱫᱤᱥᱚᱢ᱾ ᱩᱱᱠᱩ ᱟᱠᱚᱣᱟᱜ ᱵᱮᱜᱟᱨ ᱟᱹᱨᱤ ᱪᱟᱹᱞᱤ ᱢᱟᱱᱟᱣ ᱵᱟᱛᱟᱣᱮᱴ ᱠᱟᱱ ᱛᱮᱜᱮ ᱩᱱᱠᱩᱣᱟᱜ ᱞᱟᱭ ᱞᱟᱠᱪᱟᱨ ᱡᱤᱭᱟᱹᱲ ᱢᱮᱱᱟᱜ-ᱟ᱾
ᱟᱥᱟᱢ ᱨᱮ ᱱᱮᱯᱟᱞᱤ ᱠᱚᱣᱟᱜ ᱵᱚᱛᱚᱞᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱟᱜᱟᱢ ᱞᱮᱠᱟᱛᱮ ᱤᱨᱟᱹᱞ ᱥᱟᱭᱱᱟᱜ ᱥᱮᱨᱢᱟ ᱨᱮ ᱱᱮᱯᱟᱞ ᱨᱮᱱ ᱨᱟᱡᱟᱱ ᱫᱚᱥᱟᱨ ᱡᱚᱭᱫᱮᱵᱽ ᱫᱚ ᱠᱟᱹᱢᱨᱩ ᱫᱤᱥᱚᱢ ᱨᱮᱱ ᱥᱟᱞᱥᱛᱚᱢᱵᱷᱩ ᱵᱚᱝᱥᱚ ᱨᱮᱱ ᱢᱚᱬᱮᱭᱟᱱᱤᱡ ᱨᱟᱡᱟ ᱦᱚᱨᱥᱚ ᱵᱚᱨᱫᱷᱚᱱ ᱨᱮᱱ ᱦᱚᱯᱚᱱ ᱮᱨᱟ ᱠᱟᱱᱪᱚᱱᱢᱚᱛᱤᱭᱮ ᱵᱟᱯᱞᱟ ᱞᱮᱫᱮᱭᱟ᱾ ᱑᱕᱑᱕ ᱥᱮᱨᱢᱟ ᱨᱮ ᱠᱟᱹᱢᱨᱩ ᱫᱤᱥᱚᱢ ᱨᱮᱱ ᱠᱚᱪ ᱵᱚᱝᱥᱤ ᱨᱟᱡᱟ ᱵᱤᱥᱥᱚ ᱥᱤᱝᱦᱚ ᱫᱚ ᱱᱮᱯᱟᱞ ᱨᱮᱱ ᱨᱟᱡᱟ ᱢᱚᱞᱞᱚ ᱨᱮᱱ ᱦᱚᱯᱚᱱ ᱮᱨᱟ ᱨᱚᱛᱱᱚᱠᱟᱱᱛᱤᱭᱮ ᱵᱟᱯᱞᱟ ᱞᱮᱫᱮᱭᱟ᱾ ᱱᱤᱭᱹᱟ ᱚᱠᱛᱮ ᱱᱟᱝ ᱨᱮᱜᱮ ᱠᱟᱹᱢᱨᱩ ᱫᱤᱥᱚᱢ ᱟᱨ ᱱᱮᱯᱟᱞ ᱨᱮᱱ ᱦᱚᱲ ᱠᱚᱣᱟᱜ ᱜᱟᱯᱟᱛᱮ ᱥᱟᱹᱜᱟᱹᱭ ᱠᱷᱟᱹᱛᱤᱨ ᱱᱮᱯᱟᱞᱤ ᱠᱚ ᱠᱟᱹᱢᱨᱩ ᱛᱟᱦᱟᱸ ᱟᱥᱟᱢ ᱛᱮᱠᱚ ᱦᱮᱡ ᱞᱮᱱᱟ᱾ ᱑᱕ ᱥᱟᱭ ᱥᱮᱨᱢᱟ ᱨᱮ ᱱᱚᱜᱟᱶ ᱟᱨ ᱥᱤᱵᱽᱥᱟᱜᱟᱨ ᱨᱮ ᱵᱟᱱᱫᱷᱟᱣ ᱞᱮᱱ ᱱᱮᱯᱟᱞᱤ ᱥᱚᱛᱨᱚ ᱧᱩᱛᱩᱢᱛᱮ ᱱᱟᱢ ᱰᱟᱠ ᱥᱚᱛᱨᱚ ᱨᱮᱱ ᱯᱟᱹᱦᱤᱞ ᱥᱚᱛᱨᱟᱫᱷᱤᱠᱟᱨ ᱫᱚ ᱨᱚᱛᱤᱠᱟᱱᱛᱚ ᱩᱯᱟᱫᱷᱟᱭᱮ ᱛᱟᱦᱮᱸᱠᱟᱱᱟ᱾ ᱨᱚᱛᱤᱠᱟᱱᱛᱚ ᱩᱯᱟᱫᱷᱟᱭ ᱫᱚ ᱢᱤᱫ ᱱᱮᱯᱟᱞᱤ ᱵᱨᱟᱦᱢᱚᱱᱮ ᱛᱟᱦᱮᱸᱠᱟᱱᱟ᱾ ᱤᱭᱟᱱᱰᱟᱵᱩ ᱪᱩᱠᱛᱤ ᱛᱟᱭᱚᱢ ᱱᱮᱯᱟᱞᱤ ᱠᱚ ᱟᱹᱰᱤ ᱵᱟᱹᱲᱛᱤᱠᱚ ᱦᱮᱡ ᱞᱮᱱᱟ᱾ ᱟᱥᱟᱢ ᱨᱮᱭᱟᱜ ᱯᱷᱟᱭᱞᱟᱣ ᱟᱹᱛᱤᱧ ᱴᱟᱹᱱᱰᱤ ᱱᱮᱯᱟᱞᱤ ᱠᱚ ᱵᱟᱹᱲᱛᱤᱭᱮ ᱟᱠᱚᱨᱥᱚᱱ ᱞᱮᱫ ᱠᱚᱣᱟ᱾ ᱱᱟᱦᱟᱜ ᱱᱮᱯᱟᱞᱤ ᱠᱚ ᱫᱚ ᱟᱥᱟᱢ ᱨᱮᱭᱟᱜ ᱡᱚᱛᱚ ᱡᱤᱞᱟᱹ ᱨᱮᱜᱮ ᱢᱮᱱᱟᱜ ᱠᱚᱣᱟ᱾
ᱛᱷᱚᱠ/ᱯᱟᱹᱨᱤᱥ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱯᱚᱱ ᱛᱷᱚᱠ ᱨᱮᱱ ᱱᱮᱯᱟᱞᱤ ᱫᱚ ᱠᱚ ᱦᱩᱭᱩᱜ ᱠᱟᱱᱟ - ᱟᱨᱡᱚᱜᱩᱥᱴᱤ ᱵᱨᱟᱦᱢᱚᱱ, ᱠᱷᱚᱛᱨᱤᱭᱚ, ᱵᱚᱭᱥᱚ, ᱥᱩᱫᱽᱨᱚ᱾ ᱵᱚᱝᱜᱟ ᱵᱩᱨᱩ ᱟᱨ ᱥᱚᱥᱛᱚᱨ ᱯᱟᱲᱟᱦᱣ ᱵᱤᱨᱤᱛ ᱨᱮ ᱫᱚ ᱩᱯᱟᱫᱷᱟᱭ ᱟᱨ ᱥᱟᱨᱢᱟ ᱯᱟᱹᱨᱤᱥ ᱨᱮᱱ ᱵᱨᱟᱦᱢᱚᱱ ᱠᱚ ᱧᱟᱢᱚᱜ-ᱟ; ᱥᱟᱥᱚᱱ ᱠᱟᱹᱢᱤ ᱨᱮ ᱢᱮᱱᱟᱜ ᱠᱚ ᱠᱷᱚᱛᱨᱤᱭᱚ ᱠᱚ ᱫᱚ ᱪᱷᱮᱛᱨᱤ ᱯᱟᱹᱨᱤᱥ ᱨᱮᱱ; ᱵᱮᱯᱟᱨ ᱵᱟᱹᱱᱤᱡᱽ ᱨᱮ ᱫᱚ ᱵᱤᱥᱚᱠᱚᱨᱢᱟ ᱯᱟᱹᱨᱤᱥ ᱨᱮᱱ ᱵᱚᱭᱥᱚ ᱠᱚ ᱟᱨ ᱪᱟᱨᱠᱤ ᱯᱟᱹᱨᱤᱥᱟᱱ ᱥᱩᱫᱽᱨᱚ ᱠᱚ ᱧᱟᱢᱚᱜ-ᱟ᱾
ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱮᱯᱟᱞᱤ ᱠᱚᱣᱟᱜ ᱯᱟᱹᱨᱥᱤ ᱫᱚ ᱱᱮᱯᱟᱞᱤ ᱠᱟᱱ ᱜᱮᱭᱟ, ᱟᱥᱟᱢ ᱨᱮ ᱢᱮᱱᱟᱜ ᱠᱚ ᱥᱟᱱᱟᱢ ᱱᱮᱯᱟᱞᱤ ᱜᱮ ᱱᱮᱯᱟᱞᱤ ᱯᱟᱹᱨᱥᱤ ᱜᱮ ᱠᱚ ᱨᱚᱲᱟ᱾ ᱟᱥᱟᱢ ᱜᱚᱨᱠᱷᱟ ᱥᱟᱢᱢᱤᱞᱟᱱ, ᱱᱤᱠᱷᱤᱞ ᱟᱥᱟᱢ ᱜᱚᱨᱠᱷᱟ ᱯᱟᱹᱴᱷᱩᱣᱟᱹ ᱜᱟᱶᱛᱟ, ᱟᱥᱟᱢ ᱱᱮᱯᱟᱞᱤ ᱢᱯᱟᱨᱤᱥᱟᱫᱽ ᱮᱢᱟᱱ ᱱᱮᱯᱟᱞᱤ ᱠᱚᱣᱟᱜ ᱟᱥᱟᱢ ᱢᱩᱞᱩᱠ ᱨᱮᱭᱟᱜ ᱜᱟᱶᱛᱟ ᱠᱚ ᱢᱮᱱᱟᱜ ᱛᱟᱠᱚᱣᱟ᱾ ᱱᱮᱯᱟᱞᱤ ᱯᱟᱹᱨᱥᱤ ᱨᱮᱭᱟᱜ ᱵᱮᱜᱟᱨᱛᱮᱫ ᱨᱟᱹᱠᱷᱤ ᱡᱚᱜᱟᱣ ᱨᱮ ᱱᱤᱭᱟᱹ ᱜᱟᱶᱛᱟᱣᱟᱜ ᱮᱱᱮᱢ ᱟᱥᱟᱢᱵᱷᱮᱲ ᱜᱮᱭᱟ᱾ ᱟᱥᱟᱢ ᱨᱮᱭᱟᱜ ᱡᱚᱛᱚ ᱥᱠᱩᱞ ᱠᱚᱞᱮᱡᱽ ᱟᱨ ᱵᱤᱨᱫᱟᱹ ᱜᱟᱲ ᱠᱚᱨᱮ ᱦᱚᱸ ᱱᱮᱯᱟᱞᱤ ᱯᱟᱹᱨᱥᱤ ᱨᱮᱭᱟᱜ ᱚᱞ ᱯᱲᱦᱟᱣ ᱪᱟᱞᱟᱜ ᱠᱟᱱ ᱜᱮᱭᱟ᱾
ᱫᱷᱚᱨᱚᱢ ᱟᱨ ᱯᱚᱨᱚᱵᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱮᱯᱟᱞᱤ ᱠᱚᱣᱟᱜ ᱫᱦᱚᱨᱚᱢ ᱫᱚ ᱦᱤᱱᱫᱩ ᱟᱨ ᱵᱚᱣᱫᱽ ᱠᱟᱱᱟ᱾ ᱜᱮᱞ ᱢᱟᱦᱟ ᱨᱮᱭᱟᱜ ᱫᱟᱸᱥᱟᱭ (ᱫᱩᱨᱜᱟ ᱯᱩᱡᱟ) ᱢᱚᱬᱮ ᱢᱟᱦᱟ ᱨᱮᱭᱟᱜ ᱛᱤᱦᱟᱨ (ᱫᱤᱣᱟᱞᱤ) ᱛᱤᱡᱽ, ᱢᱟᱠᱟᱨ ᱥᱟᱝᱠᱨᱟᱱᱛᱤ, ᱨᱟᱠᱷᱤ ᱛᱚᱞ, ᱟᱠᱷᱟᱭ ᱛᱨᱤᱛᱭᱟ, ᱟᱢᱵᱩᱵᱟᱪᱤ, ᱱᱟᱜᱽᱯᱟᱧᱪᱟᱢᱤ, ᱡᱟᱱᱢᱟᱥᱴᱟᱢᱤ, ᱢᱟᱦᱟᱞᱟᱭᱟ, ᱥᱟᱨᱟᱥᱣᱟᱛᱤ, ᱥᱤᱵᱽᱨᱟᱛᱨᱤ, ᱜᱟᱱᱮᱥ ᱯᱩᱡᱟ ᱮᱢᱟᱱ ᱯᱚᱨᱚᱵᱽ ᱱᱮᱯᱟᱞᱤ ᱠᱚ ᱢᱟᱱᱟᱣᱟ᱾
ᱡᱚᱢ ᱧᱩ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱛᱚᱣᱟ, ᱠᱨᱤᱢ, ᱫᱟᱹᱦᱤ, ᱜᱷᱚᱞ ᱮᱢᱟᱱ ᱩᱱᱠᱩᱣᱟᱜ ᱢᱟᱨᱟᱝ ᱡᱚᱢᱟᱜ ᱠᱟᱱᱟ᱾ ᱰᱷᱟᱠᱟᱱ ᱧᱩᱛᱩᱢᱟᱱ ᱢᱤᱫᱴᱮᱱ ᱡᱚᱢᱟᱜ ᱟᱹᱰᱤ ᱫᱟᱢᱟᱱ ᱜᱮᱭᱟ᱾ ᱜᱷᱤ, ᱞᱚᱝ, ᱪᱮᱱᱤ, ᱤᱞᱟᱪᱤ ᱢᱤᱞᱟᱹᱣ ᱠᱟᱛᱮ ᱠᱩᱨᱟᱱᱤ ᱠᱚ ᱵᱮᱱᱟᱣᱟ᱾ ᱵᱟᱯᱞᱟ ᱨᱮ ᱡᱤᱞ ᱦᱟᱠᱚ ᱠᱚ ᱡᱚᱢ ᱜᱮᱭᱟ᱾