ᱴᱤᱨ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱴᱤᱨ

ᱴᱤᱨ ᱫᱚ ᱯᱩᱨᱟᱹ ᱵᱷᱟᱨᱚᱛ ᱨᱮ ᱟᱹᱰᱤ ᱧᱩᱛᱩᱢᱟᱱ ᱠᱷᱮᱞ ᱠᱟᱱᱟ ᱾ ᱱᱚᱶᱟ ᱫᱚ ᱢᱮᱱ ᱞᱮᱠᱷᱟᱱ ᱦᱟᱯᱟ ᱞᱮᱠᱟᱱᱟᱜ ᱛᱮ ᱮᱱᱮᱡ ᱦᱩᱭᱩᱜᱼᱟ ᱡᱟᱦᱟᱸ ᱨᱮᱭᱟᱜ ᱡᱤᱞᱤᱧ ᱫᱚ ᱵᱮᱥᱵᱚᱞ ᱟᱨᱵᱟᱝ ᱠᱨᱤᱠᱮᱴ ᱨᱮᱭᱟᱜ ᱵᱮᱴ ᱵᱟᱨᱟᱵᱟᱹᱨᱤ ᱦᱩᱭᱩᱜᱼᱟ ᱾ ᱱᱚᱝᱠᱟᱱᱟᱜ ᱜᱮ ᱢᱤᱫ ᱦᱩᱰᱤᱧ ᱥᱟᱺᱦᱤᱡ ᱠᱟᱰᱮᱡ ᱫᱚ ᱴᱤᱨ ᱠᱚ ᱢᱮᱛᱟᱜᱼᱟ ᱡᱟᱦᱟᱸ ᱫᱚ ᱵᱟᱱᱟᱨ ᱢᱩᱪᱟᱹᱫ ᱯᱟᱦᱴᱟ ᱪᱩᱸᱭᱦᱩᱨ ᱟᱨᱵᱟᱝ ᱜᱟᱥᱟᱣ ᱟᱠᱟᱫ ᱞᱮᱠᱟ ᱛᱟᱦᱮᱸᱱᱟ ᱾

ᱮᱱᱮᱡ ᱨᱮᱭᱟᱜ ᱦᱩᱫᱤᱥ ᱫᱚ ᱦᱟᱯᱟ ᱛᱮ ᱴᱤᱨ ᱫᱟᱞ ᱦᱩᱭᱩᱜᱼᱟ ᱾ ᱴᱤᱨ ᱫᱚ ᱚᱛᱨᱮ ᱫᱚᱦᱚ ᱠᱟᱛᱮ ᱦᱟᱯᱟ ᱛᱮ ᱢᱤᱫ ᱯᱟᱦᱴᱟ ᱠᱚ ᱫᱟᱞᱟ ᱡᱟᱦᱟᱸ ᱠᱷᱟᱹᱛᱤᱨ ᱴᱤᱨ ᱫᱚ ᱦᱚᱭ ᱨᱮ ᱯᱷᱟᱹᱱᱴᱤᱞ ᱨᱟᱠᱟᱵᱼᱟ ᱾ ᱴᱤᱨ ᱚᱛᱨᱮ ᱧᱩᱨᱩᱜ ᱢᱟᱬᱟᱝ ᱨᱮᱜᱮ ᱪᱮᱛᱟᱱ ᱨᱮ ᱟᱨ ᱦᱚᱸ ᱦᱟᱯᱟ ᱛᱮ ᱫᱟᱞ ᱦᱩᱭᱩᱜᱼᱟ ᱾ ᱡᱟᱦᱟᱸᱭ ᱠᱷᱮᱞᱚᱸᱰᱤᱭᱟᱹ ᱵᱟᱹᱲᱛᱤ ᱥᱟᱺᱜᱤᱧ ᱫᱷᱟᱹᱵᱤᱡ ᱮ ᱫᱟᱞ ᱫᱟᱲᱮᱭᱟᱜᱼᱟ, ᱩᱱᱤ ᱜᱮᱭ ᱡᱤᱛᱠᱟᱹᱨᱚᱜᱼᱟ ᱾

ᱱᱚᱶᱟ ᱮᱱᱮᱡ ᱞᱟᱹᱜᱤᱫ ᱫᱚ ᱠᱚᱢ ᱠᱷᱚᱱ ᱠᱚᱢ ᱵᱟᱨᱭᱟ ᱠᱷᱮᱞᱚᱸᱰᱤᱭᱟᱹ ᱫᱚ ᱠᱤᱱ ᱞᱟᱹᱠᱛᱤᱜ ᱜᱮᱭᱟ ᱾ ᱮᱱᱮᱡ ᱮᱛᱚᱦᱚᱵ ᱢᱟᱬᱟᱝ ᱨᱮ ᱚᱛᱨᱮ ᱢᱤᱫ ᱱᱟᱥᱮ ᱠᱷᱟᱺᱭᱩᱜ ᱰᱷᱚᱰᱟ ᱠᱚ ᱞᱟᱭᱟ ᱾ ᱟᱫᱚ ᱚᱱᱟᱨᱮ ᱴᱤᱨ ᱫᱚᱦᱚ ᱠᱟᱛᱮ ᱦᱟᱯᱟ ᱛᱮᱠᱚ ᱫᱟᱞ ᱯᱷᱟᱹᱱᱴᱤᱞᱟ ᱾ ᱡᱩᱫᱤ ᱥᱟᱢᱟᱝ ᱨᱮᱭ ᱛᱤᱸᱜᱩ ᱟᱠᱟᱱ ᱠᱷᱮᱞᱚᱸᱰᱤᱭᱟᱹ ᱴᱤᱨ ᱫᱚ ᱪᱮᱛᱟᱱ ᱨᱮᱜᱮᱭ ᱥᱟᱵ ᱧᱟᱢᱟ ᱮᱱᱠᱷᱱᱟᱱ ᱠᱷᱮᱞᱚᱰᱤᱭᱟᱹ ᱫᱚᱭ ᱦᱟᱨᱟᱣᱜᱼᱟ ᱾ ᱡᱩᱫᱤ ᱱᱚᱝᱠᱟ ᱵᱟᱝ ᱦᱩᱭᱩᱜᱼᱟ ᱥᱟᱢᱟᱝ ᱨᱮ ᱢᱮᱱᱟᱭ ᱠᱷᱮᱞᱚᱸᱰᱤᱭᱟᱹ ᱴᱤᱨ ᱫᱚ ᱦᱟᱯᱟ ᱴᱷᱮᱱ ᱮ ᱫᱟᱞᱟ, ᱡᱟᱦᱟᱸ ᱫᱚ ᱚᱛ ᱨᱮᱭᱟᱜ ᱰᱷᱚᱰᱟ ᱨᱮ ᱫᱚᱦᱚ ᱠᱚᱜᱼᱟ ᱾ ᱡᱩᱫᱤ ᱴᱤᱨ ᱛᱮ ᱦᱟᱯᱟ ᱵᱟᱡᱟᱣᱜᱼᱟ ᱮᱱᱠᱷᱟᱱ ᱠᱷᱮᱞᱚᱸᱰᱤᱭᱟᱹ ᱫᱚᱭ ᱦᱟᱨᱟᱣᱜᱼᱟ ᱾ ᱟᱨ ᱵᱟᱝᱠᱷᱟᱱ ᱫᱚ ᱯᱩᱭᱞᱩ ᱠᱷᱮᱞᱚᱸᱰᱤᱭᱟᱹ ᱟᱨ ᱦᱚᱸ ᱴᱤᱨ ᱨᱮᱭᱟᱜ ᱢᱤᱫ ᱢᱩᱪᱟᱹᱫ ᱮ ᱫᱟᱞᱟ , ᱡᱟᱦᱟᱸᱛᱮ ᱴᱤᱨ ᱫᱚ ᱯᱷᱟᱹᱱᱴᱤᱞ ᱠᱟᱛᱮ ᱪᱮᱛᱟᱱ ᱛᱮ ᱨᱟᱠᱟᱵᱼᱟ ᱱᱚᱶᱟ ᱪᱮᱛᱟᱱ ᱨᱮ ᱟᱨ ᱦᱚᱸᱭ ᱫᱟᱞᱟ ᱟᱨ ᱴᱤᱨ ᱫᱚ ᱟᱨ ᱦᱚᱸ ᱥᱟᱺᱜᱤᱧ ᱛᱮ ᱯᱟᱹᱥᱤᱨ ᱞᱟᱹᱜᱤᱫ ᱮ ᱨᱤᱠᱟᱹᱭᱟ ᱾ ᱡᱩᱫᱤ ᱴᱤᱨ ᱪᱮᱛᱟᱱ ᱨᱮᱜᱮ ᱟᱫ ᱮᱱᱟ ᱮᱱᱠᱷᱟᱱ ᱠᱷᱮᱞᱚᱸᱰᱤᱭᱟᱹ ᱫᱚᱭ ᱦᱟᱨᱟᱣ ᱮᱱᱟ ᱾ ᱟᱨ ᱵᱟᱝ ᱠᱷᱟᱱ ᱫᱚ ᱫᱚᱥᱟᱨ ᱠᱷᱮᱞᱚᱸᱰᱤᱭᱟᱹ ᱚᱸᱰᱮ ᱠᱷᱚᱱ ᱜᱮ ᱴᱤᱨ ᱮ ᱫᱟᱞᱟ ᱟᱨ ᱴᱤᱨ ᱮ ᱵᱟᱡᱟᱣ ᱫᱟᱲᱮᱭᱟᱜ ᱠᱷᱟᱱ ᱫᱚᱥᱟᱨ ᱠᱷᱮᱞᱚᱸᱰᱤᱭᱟᱹ ᱛᱟᱠ ᱮ ᱧᱟᱢᱟ ᱾ ᱡᱩᱫᱤ ᱴᱤᱨ ᱮ ᱫᱟᱞ ᱡᱚᱦᱚᱜ ᱦᱟᱯᱟ ᱚᱛ ᱨᱮᱭ ᱡᱚᱴᱮᱫ ᱦᱚᱪᱚ ᱠᱮᱜᱼᱟ ᱮᱱᱠᱷᱟᱱ ᱠᱷᱮᱞᱚᱸᱰᱤᱭᱟᱹ ᱴᱤᱨ ᱫᱚ ᱮᱥ ᱞᱮᱠᱟ ᱫᱟᱞ ᱛᱮ ᱦᱩᱭ ᱟᱭᱟ ᱫᱚ ᱟᱡᱟᱜ ᱦᱟᱯᱟ ᱥᱟᱵ ᱟᱠᱟᱫ ᱛᱤ ᱫᱚ ᱟᱡᱟᱜ ᱢᱤᱫ ᱡᱟᱸᱜᱟ ᱞᱟᱛᱟᱨ ᱨᱮ ᱛᱟᱦᱮᱸᱱ ᱢᱟ ᱾ ᱱᱚᱶᱟ ᱫᱚ ᱦᱩᱪᱪᱠᱳ ᱠᱚ ᱢᱮᱛᱟᱜᱼᱟ ᱾ ᱴᱤᱨ ᱫᱷᱟᱨᱮ ᱠᱷᱚᱱ ᱫᱟᱞ ᱞᱟᱹᱜᱤᱫ ᱡᱚᱛᱚ ᱠᱷᱮᱞᱚᱸᱰᱤᱭᱟᱹ ᱜᱮ ᱯᱮ ᱫᱷᱟᱣ ᱠᱟᱛᱮ ᱛᱟᱠ ᱠᱚ ᱧᱟᱢᱟ ᱾

ᱥᱚᱱᱛᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱮᱱᱮᱡ ᱨᱮᱫᱚ ᱢᱮᱫ ᱨᱮ ᱵᱟᱡᱟᱣᱜ ᱨᱮᱭᱟᱜ ᱵᱚᱛᱚᱨ ᱛᱟᱦᱮᱸᱱᱟ ᱾ ᱡᱟᱦᱟᱸ ᱠᱷᱟᱹᱛᱤᱨ ᱱᱚᱶᱟ ᱠᱷᱮᱞ ᱫᱚ ᱟᱹᱰᱤ ᱥᱚᱱᱛᱚᱨ ᱨᱮ ᱛᱟᱦᱮᱸ ᱠᱟᱛᱮ ᱜᱮ ᱮᱱᱮᱡ ᱦᱤᱭᱩᱜᱼᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]