ᱴᱩᱥᱩ ᱯᱚᱨᱚᱵᱽ

ᱴᱩᱥᱩ ᱯᱚᱨᱚᱵᱽ ᱥᱮ ᱢᱚᱠᱚᱨ ᱯᱚᱨᱚᱵᱽ ᱫᱚ ᱦᱩᱭᱩᱜ ᱠᱟᱱᱟ ᱢᱤᱫᱴᱮᱱ ᱦᱟᱯᱲᱟᱢ ᱯᱚᱨᱚᱵᱽ, ᱚᱠᱟ ᱫᱚ ᱵᱟᱝᱞᱟ ᱚᱜᱽᱨᱟᱦᱟᱭᱚᱱ ᱪᱟᱱᱫᱚ ᱨᱮᱭᱟᱜ ᱢᱩᱪᱟᱹᱫ ᱦᱤᱞᱚᱜ ᱮᱦᱚᱵᱚᱜ-ᱟ ᱟᱨ ᱢᱩᱪᱟᱹᱫᱚᱜ-ᱟ ᱯᱩᱥ ᱥᱚᱝᱠᱨᱟᱱᱛᱤ ᱥᱮ ᱢᱚᱠᱚᱨ ᱥᱚᱝᱠᱨᱟᱱᱛᱤ ᱦᱤᱞᱚᱜ| ᱴᱩᱥᱩ ᱫᱚ ᱢᱤᱫᱴᱮᱱ ᱫᱮᱵᱤ ᱠᱟᱱᱟᱭ ᱚᱠᱚᱭ ᱫᱚ ᱠᱩᱢᱟᱨᱤ ᱞᱮᱠᱟ ᱛᱮᱠᱚ ᱜᱩᱱᱟᱹᱱᱮᱭᱟ ᱟᱥᱚᱠᱟᱭ ᱛᱮ ᱰᱟᱹᱝᱜᱽᱣᱟᱹ ᱠᱩᱲᱤ ᱠᱚ ᱴᱩᱥᱩ ᱯᱩᱡᱟᱹ ᱨᱮ ᱦᱤᱸᱥ ᱠᱚ ᱦᱟᱛᱟᱣᱟ| ᱱᱤᱭᱟᱹ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱯᱟᱹᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱯᱩᱨᱩᱞᱤᱭᱟ ᱟᱨ ᱵᱟᱸᱠᱩᱲᱟ ᱦᱚᱱᱚᱛ ᱟᱨ ᱵᱚᱨᱫᱷᱚᱢᱟᱱ ᱦᱚᱱᱚᱛ ᱨᱮᱭᱟᱜ ᱟᱥᱟᱱᱥᱚᱞ ᱢᱚᱦᱩᱠᱢᱟ ᱟᱨ ᱡᱷᱟᱨᱠᱷᱟᱱᱰ ᱯᱚᱱᱚᱛ ᱨᱮᱭᱟᱜ ᱥᱟᱱᱛᱟᱞ ᱯᱟᱨᱜᱟᱱᱟ, ᱫᱷᱟᱱᱵᱟᱫᱽ, ᱨᱟᱸᱪᱤ, ᱦᱟᱡᱟᱨᱤᱵᱟᱜᱽ ᱮᱢᱟᱱ ᱟᱨ ᱟᱥᱟᱢ ᱯᱚᱱᱚᱛ ᱨᱮ ᱠᱚ ᱪᱟᱹᱥᱤ ᱥᱟᱶ ᱡᱚᱲᱟᱣ ᱯᱚᱨᱚᱵᱽ ᱠᱟᱱᱟ^[᱑] |

ᱧᱩᱛᱩᱢ ᱪᱷᱟᱹᱴᱤᱭᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱩᱥᱩ ᱨᱮᱭᱟᱜ ᱧᱩᱛᱩᱢ ᱤᱫᱤ ᱠᱟᱛᱮ ᱡᱚᱛᱚ ᱦᱚᱲ ᱢᱟᱱᱟᱣ ᱵᱟᱛᱟᱣ ᱞᱮᱠᱟᱱ ᱢᱚᱱᱚᱛ ᱵᱟᱹᱱᱩᱜ-ᱟ| ᱰᱚᱠᱴᱚᱨ ᱵᱚᱝᱠᱤᱢ ᱪᱚᱱᱫᱽᱨᱚ ᱢᱟᱦᱟᱛᱚ ᱞᱮᱠᱟ ᱛᱮ, ᱛᱩᱥ ᱠᱷᱚᱱ ᱜᱮ ᱴᱩᱥᱩ ᱟᱹᱲᱟᱹ ᱫᱚ ᱦᱮᱡ ᱟᱠᱟᱱᱟ| ᱫᱤᱱᱮᱱᱫᱽᱨᱚᱱᱟᱛᱷ ᱥᱚᱨᱠᱟᱨ ᱞᱮᱠᱟ ᱛᱮ ᱛᱤᱥᱭᱟ ᱥᱮ ᱯᱩᱥᱭᱟ ᱥᱮ ᱩᱥᱟ ᱠᱷᱚᱱ ᱴᱩᱥᱥᱩ ᱟᱹᱲᱟᱹ ᱫᱚ ᱚᱢᱚᱱ ᱟᱠᱟᱱᱟ| ᱟᱨᱦᱚᱸ ᱩᱱᱤ ᱚᱠᱟ ᱚᱠᱟ ᱫᱚᱭ ᱞᱟᱹᱭᱟ ᱵᱟᱝᱢᱟ ᱛᱟᱞᱟ-ᱥᱟᱢᱟᱝ ᱨᱮᱱ ᱥᱤᱥᱤᱨᱡᱟᱹᱣᱤᱡ ᱵᱚᱝᱜᱟ ᱴᱤᱥᱩᱵᱽ ᱠᱦᱚᱱ ᱴᱩᱥᱩ ᱟᱹᱲᱟᱹ ᱫᱚ ᱥᱤᱨᱡᱟᱹᱣ ᱟᱠᱟᱱᱟ|

ᱢᱟᱱᱟᱣ ᱵᱟᱛᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱩᱥᱩ ᱥᱮᱨᱮᱧ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱴᱩᱥᱩ ᱯᱚᱨᱚᱵᱽ ᱨᱮᱭᱟᱜ ᱢᱤᱫᱴᱮᱱ ᱥᱮᱬᱟ ᱥᱟᱛᱷᱟᱢ ᱫᱚ ᱦᱩᱭᱩᱜ ᱠᱟᱱᱟ ᱴᱩᱥᱩ ᱥᱮᱨᱮᱧ| ᱱᱤᱭᱟᱹ ᱥᱮᱨᱮᱧ ᱨᱮᱭᱟᱜ ᱜᱟᱵᱮ ᱠᱟᱛᱷᱟ ᱫᱚ ᱦᱩᱭᱩᱜ ᱠᱟᱱᱟ ᱦᱯᱲᱟᱢ ᱟᱨ ᱢᱤᱞᱣᱟᱹ ᱫᱩᱯᱩᱞᱟᱹᱲᱟ| ᱱᱤᱭᱟᱹ ᱥᱮᱨᱮᱧ ᱨᱮᱱ ᱥᱮᱨᱮᱧᱤᱭᱟᱹ ᱠᱚᱣᱟᱜ ᱜᱩᱱᱟᱹᱱ, ᱫᱩᱠᱷ-ᱫᱟᱹᱱᱫᱤ, ᱥᱩᱞᱩᱠ-ᱱᱤᱨᱟᱹᱭ, ᱥᱟᱶᱛᱟ-ᱟᱹᱨᱤᱪᱟᱹᱞᱤ ᱠᱚ ᱜᱮ ᱯᱷᱩᱴᱮᱞ ᱨᱟᱠᱟᱵᱚᱯᱜ-ᱟ| ᱰᱟᱹᱱᱜᱽᱣᱟᱹ ᱠᱩᱲᱤ ᱟᱨ ᱵᱟᱯᱞᱟᱣᱟᱠᱟᱱ ᱢᱟᱭᱡᱤᱣ ᱠᱚᱫᱚ ᱥᱮᱨᱮᱧ ᱛᱟᱞᱟ ᱛᱮ ᱟᱠᱚᱣᱟᱜ ᱡᱤᱭᱚᱱ ᱨᱮᱭᱟᱜ ᱫᱩᱠᱷ-ᱥᱩᱠᱷ ᱠᱟᱛᱦᱟ ᱠᱚ ᱯᱷᱩᱴᱮᱞ ᱨᱟᱠᱟᱵᱟ| ᱱᱤᱭᱟᱹ ᱥᱮᱨᱮᱧ ᱛᱟᱞᱟ ᱛᱮ ᱠᱩᱲᱤ ᱠᱚ ᱨᱟᱝᱜᱟᱣ, ᱟᱹᱲᱤᱥ, ᱠᱟᱺᱦᱤᱥ, ᱜᱟᱜᱚᱡᱽᱡᱚᱝᱟᱜ, ᱦᱤᱨᱠᱷᱟᱹ, ᱠᱩᱥᱤ, ᱨᱟᱹᱥᱠᱟᱹ ᱥᱟᱯᱷᱟ-ᱥᱟᱹᱯᱷᱤ ᱠᱚ ᱥᱚᱫᱚᱨᱟ|

ᱢᱩᱨᱛᱤ ᱯᱩᱡᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱷᱟᱨᱠᱟᱱᱰ ᱯᱚᱱᱚᱛ ᱟᱨ ᱯᱩᱨᱩᱞᱤᱭᱟ ᱦᱚᱱᱚᱛ ᱨᱮᱭᱟᱜ ᱟᱹᱰᱤ ᱟᱭᱢᱟ ᱡᱟᱭᱜᱟ ᱠᱚ ᱨᱮ ᱮᱜ ᱥᱮᱨᱣᱟ ᱞᱮᱠᱟ ᱛᱮ ᱴᱩᱥᱩ ᱯᱚᱨᱚᱵᱽ ᱨᱮ ᱡᱟᱦᱟᱱ ᱢᱩᱨᱛᱤ ᱯᱩᱡᱟᱹ ᱨᱮᱭᱟᱜ ᱟᱹᱨᱤ=ᱪᱟᱹᱞᱤ ᱫᱚ ᱵᱟᱹᱱᱩᱜ-ᱟ, ᱢᱮᱱᱠᱷᱟᱱ ᱯᱩᱨᱩᱞᱤᱭᱟ ᱦᱚᱱᱚᱛ ᱨᱮᱭᱟᱜ ᱵᱚᱱᱫᱚᱣᱟᱱ ᱛᱷᱟᱱᱟ ᱟᱨ ᱵᱟᱸᱠᱩᱲᱟ ᱦᱚᱱᱚᱛ ᱨᱮᱭᱟᱜ ᱠᱷᱚᱛᱲᱟ ᱛᱷᱟᱲᱟ ᱨᱮᱭᱟᱜ ᱯᱩᱠᱩᱨᱠᱩᱞ ᱨᱮᱭᱟᱜ ᱴᱩᱥᱩᱥ ᱢᱮᱞᱟ ᱨᱮ ᱢᱩᱨᱛᱤ ᱯᱩᱡᱟᱹ ᱨᱮᱭᱟᱜ ᱪᱚᱞᱚᱱ ᱢᱮᱱᱟᱜ-ᱟ| ᱟᱭᱢᱟ ᱞᱮᱠᱟᱱ ᱥᱟᱫᱚᱢ ᱯᱷᱟᱹᱫᱽ ᱥᱮ ᱢᱟᱨᱟᱜ ᱯᱷᱟᱹᱫᱽ ᱨᱮᱭᱟᱜ ᱢᱩᱨᱨᱛᱤ ᱠᱚ ᱦᱚᱲᱢᱚ ᱨᱮᱭᱟᱜ ᱨᱚᱝ ᱥᱟᱥᱟᱝ ᱟᱨ ᱥᱟᱹᱲᱤ ᱫᱚ ᱱᱤᱞ ᱜᱮ ᱛᱟᱦᱮᱱ ᱛᱟᱠᱚᱣᱟ| ᱢᱩᱨᱛᱤ ᱨᱮᱭᱟᱜ ᱛᱤ ᱨᱮ ᱚᱠᱟ ᱫᱚ ᱥᱟᱝᱠᱷᱟ, ᱚᱠᱟ ᱫᱚ ᱩᱯᱟᱹᱞ ᱵᱟᱦᱟ ᱠᱚ ᱧᱮᱞᱚᱜ-ᱟ|

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

↑ Anjalika Mukhopadhyay (2012). "Tusu Festival". In Islam, Sirajul; Miah, Sajahan; Khanam, Mahfuza; Ahmed, Sabbir (eds.). Banglapedia: the National Encyclopedia of Bangladesh (Online ed.). Dhaka, Bangladesh: Banglapedia Trust, Asiatic Society of Bangladesh. ISBN 984-32-0576-6. OCLC 52727562. Retrieved ᱒᱖ ᱮᱯᱨᱤᱞ ᱒᱐᱒᱔. {{cite encyclopedia}}: Check date values in: |access-date= (help)

[Banglapedia-1] Anjalika Mukhopadhyay (2012). "Tusu Festival". In Islam, Sirajul; Miah, Sajahan; Khanam, Mahfuza; Ahmed, Sabbir (eds.). Banglapedia: the National Encyclopedia of Bangladesh (Online ed.). Dhaka, Bangladesh: Banglapedia Trust, Asiatic Society of Bangladesh. ISBN 984-32-0576-6. OCLC 52727562. Retrieved ᱒᱖ ᱮᱯᱨᱤᱞ ᱒᱐᱒᱔. {{cite encyclopedia}}: Check date values in: |access-date= (help)

[᱑]