ᱴᱮᱱᱤᱥ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱴᱮᱱᱤᱥ

ᱴᱮᱱᱤᱥ

ᱴᱮᱱᱤᱥ ᱠᱷᱮᱞ ᱫᱚ ᱵᱟᱨᱭᱟ ᱴᱤᱢ ᱛᱟᱞᱟ ᱨᱮ ᱵᱚᱞ ᱛᱮ ᱮᱱᱮᱡ ᱦᱩᱭᱩᱜ ᱢᱤᱫ ᱠᱷᱮᱞ ᱠᱟᱱᱟ ᱾ ᱡᱟᱦᱟᱸ ᱨᱮᱫᱚ ᱡᱚᱛᱚ ᱛᱮ ᱵᱟᱨᱭᱟ ᱠᱷᱮᱞᱚᱸᱰᱤᱭᱟ ᱟᱨᱵᱟᱝ ᱯᱩᱱᱭᱟᱹ ᱠᱷᱮᱞᱚᱸᱰᱤᱭᱟᱹ ᱠᱚ ᱛᱟᱦᱮᱸᱱᱟ ᱾ ᱴᱮᱱᱤᱥ ᱮᱱᱮᱡ ᱦᱟᱯᱟ ᱫᱚ ᱴᱮ ᱤᱥ ᱨᱮᱠᱚᱴ ᱠᱚ ᱢᱮᱛᱟᱜᱼᱟ ᱾ ᱠᱷᱮᱞᱚᱸᱰᱤᱭᱟᱹ ᱛᱟᱨ ᱛᱮ ᱜᱟᱞᱟᱝ ᱠᱚᱜ ᱴᱮᱱᱤᱥ ᱨᱮᱠᱚᱴ ᱦᱚᱛᱮᱛᱮ ᱴᱮᱱᱤᱥ ᱵᱚᱞ ᱡᱟᱦᱟᱸ ᱫᱚ ᱨᱚᱵᱚᱞ ᱛᱮ ᱵᱮᱱᱟᱣ ᱠᱚᱜᱼᱟ, ᱵᱷᱤᱛᱨᱤ ᱫᱚ ᱠᱷᱳᱞ ᱜᱮ ᱛᱟᱦᱮᱸᱱᱟ ᱟᱨ ᱧᱮᱞ ᱡᱚᱝ ᱫᱚ ᱜᱩᱞᱟᱹᱭ ᱜᱮᱭᱟ ᱾ ᱡᱟᱦᱟᱸ ᱫᱚ ᱡᱟᱞᱟᱢ ᱪᱮᱛᱟᱱ ᱥᱮᱫ ᱛᱮ ᱵᱤᱨᱚᱫᱷᱩ ᱠᱚᱴ ᱥᱮᱫ ᱫᱟᱞ ᱪᱟᱯᱟᱫ ᱦᱩᱭᱩᱜᱼᱟ ᱾

ᱴᱮᱱᱤᱥ ᱨᱮᱭᱟᱜ ᱮᱛᱚᱦᱚᱵ ᱯᱷᱨᱟᱱᱥ ᱨᱮ ᱛᱟᱞᱟᱢᱟᱞᱟ ᱡᱩᱜᱽ ᱨᱮ ᱦᱩᱭ ᱞᱮᱱᱟ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱚᱱᱟ ᱚᱠᱛᱚ ᱨᱚ ᱱᱚᱶᱟ ᱠᱷᱮᱞ ᱫᱚ ᱤᱱᱰᱳᱨ ᱟᱨᱵᱟᱝ ᱥᱟᱹᱲᱤᱢ ᱞᱟᱛᱟᱨ ᱨᱮ ᱮᱱᱮᱡ ᱦᱩᱭᱩᱜ ᱠᱟᱱ ᱛᱟᱦᱮᱸᱱ ᱾ ᱤᱸᱜᱽᱞᱚᱸᱰ ᱨᱮ ᱑᱙ ᱥᱮᱱᱪᱚᱨᱤ ᱨᱮᱭᱟᱜ ᱢᱩᱪᱟᱹᱫ ᱥᱮᱨᱢᱟ ᱨᱮ ᱞᱟᱱ ᱴᱮᱱᱤᱥ ᱢᱮᱱ ᱢᱮ ᱥᱟᱹᱲᱤᱢ ᱠᱷᱟᱱ ᱵᱟᱦᱨᱮ ᱵᱟᱲᱜᱮ ᱨᱮ ᱮᱱᱮᱡ ᱦᱩᱭᱩᱜ ᱨᱮᱭᱟᱜ ᱡᱟᱱᱟᱢ ᱮᱱᱟ ᱟᱨ ᱛᱟᱭᱚᱢ ᱛᱮ ᱯᱩᱨᱟᱹ ᱡᱮᱜᱮᱛ ᱨᱮ ᱢᱤᱫ ᱧᱩᱛᱩᱢᱟᱱ ᱠᱷᱮᱞ ᱨᱮ ᱞᱮᱠᱷᱟ ᱦᱩᱭ ᱮᱱᱟ ᱾ ᱛᱮᱦᱮᱧ ᱱᱚᱶᱟ ᱮᱱᱮᱡ ᱚᱞᱤᱢᱯᱤᱠ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱟᱨ ᱡᱮᱜᱮᱛ ᱨᱮ ᱞᱟᱹᱴᱩ ᱞᱟᱹᱴᱩ ᱫᱤᱥᱚᱢ ᱨᱮ ᱠᱚᱨᱚᱲ ᱦᱚᱲ ᱱᱚᱶᱟ ᱠᱚ ᱠᱩᱥᱤᱭᱟᱜ ᱠᱟᱱᱟ ᱾ ᱴᱮᱱᱤᱥ ᱨᱮᱭᱟᱜ ᱡᱮᱜᱮᱛ ᱡᱟᱠᱟᱛ ᱨᱮ ᱯᱩᱱᱭᱟᱹ ᱦᱮᱯᱨᱟᱣ ᱦᱩᱭᱩᱜᱼᱟ, ᱡᱟᱦᱟᱸ ᱫᱚ ᱜᱨᱮᱸᱰ ᱥᱞᱮᱢ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾ ᱡᱚᱛᱚ ᱥᱮᱨᱱᱟ ᱡᱟᱱᱣᱟᱨᱤ ᱨᱮ ᱚᱥᱴᱨᱮᱞᱤᱭᱟᱱ ᱚᱯᱮᱱ, ᱢᱮᱸ ᱨᱮ ᱯᱷᱨᱟᱱᱥ ᱨᱮᱭᱟᱜ ᱯᱷᱨᱮᱱᱪ ᱚᱯᱮᱱ, ᱟᱨ ᱚᱱᱟ ᱨᱮᱭᱟᱜ ᱵᱟᱨ ᱦᱟᱴ ᱛᱟᱭᱚᱢ ᱞᱚᱱᱰᱚᱱ ᱨᱮᱭᱟᱜ ᱣᱤᱢᱵᱞᱮᱰᱚᱱ, ᱥᱮᱯᱴᱮᱢᱵᱚᱨ ᱨᱮ ᱟᱢᱮᱨᱤᱠᱟᱱ ᱚᱯᱮᱱ (ᱠᱷᱟᱴᱚ ᱛᱮ ᱭᱩ. ᱮᱥ. ᱚᱯᱮᱱ) ᱠᱚ ᱢᱮᱛᱟᱜᱼᱟ ᱾ ᱣᱤᱢᱵᱞᱮᱰᱚᱱ ᱫᱚ ᱢᱤᱫ ᱛᱟᱥᱟᱫ ᱨᱮᱭᱟᱜ ᱠᱚᱴ ᱨᱮ ᱮᱱᱮᱡ ᱦᱩᱭᱩᱜᱼᱟ ᱾ ᱯᱷᱨᱮᱸᱪ ᱚᱯᱮᱱ ᱦᱟᱥᱟ ᱚᱛ (clay courtyard) ᱨᱮ ᱮᱱᱮᱡ ᱦᱩᱭᱩᱜᱼᱟ ᱾ ᱭᱩ. ᱮᱥ. ᱚᱯᱮᱱ ᱟᱨ ᱚᱥᱴᱨᱮᱞᱤᱭᱟᱱ ᱚᱯᱮᱱ ᱫᱚ ᱢᱮᱥᱟᱥᱮᱱᱟ ᱠᱚᱴ ᱨᱮ ᱮᱱᱮᱡ ᱦᱩᱭᱩᱜᱼᱟ ᱾

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱟᱜᱟᱢᱤᱭᱟᱹ ᱴᱮᱱᱤᱥ ᱠᱷᱮᱞ ᱨᱮᱭᱟᱜ ᱢᱩᱬ ᱫᱚ ᱑᱒ ᱟᱱᱟᱜ ᱥᱚᱛᱟᱵᱽᱫᱷᱤ ᱨᱮᱭᱟᱜ ᱠᱚᱧᱮ ᱯᱷᱨᱟᱱᱥ ᱨᱮᱠᱚ ᱢᱟᱱᱟᱣᱟ, ᱡᱟᱦᱟᱸᱨᱮ ᱢᱤᱫ ᱠᱷᱮᱞ ᱫᱚ ᱛᱤ ᱛᱟᱞᱠᱷᱟ ᱛᱮ ᱫᱟᱞ ᱠᱟᱛᱮ ᱮᱱᱮᱡ ᱦᱩᱭᱩᱜ ᱠᱟᱱ ᱛᱟᱦᱮᱸᱱ ᱾ ᱤᱱᱟᱹ ᱚᱠᱛᱚ ᱨᱮ ᱠᱷᱮᱞ ᱫᱚ "jeu de paume" (ᱛᱟᱞᱠᱷᱟ ᱛᱮᱭᱟᱜ ᱠᱷᱮᱞ) ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱱ ᱾ ᱨᱮᱠᱮᱴ ᱫᱚ ᱑᱖ ᱟᱱᱟᱜ ᱥᱚᱫᱤ ᱨᱮ ᱵᱮᱵᱷᱟᱨ ᱛᱮ ᱟᱹᱜᱩ ᱦᱩᱭ ᱮᱱᱟ ᱟᱨ ᱠᱷᱮᱞ ᱫᱚ ᱴᱮᱱᱤᱥ ᱢᱮᱱᱛᱮ ᱢᱮᱛᱟᱦᱟᱜ ᱠᱚ ᱮᱛᱚᱦᱚᱵ ᱠᱮᱜᱼᱟ ᱾

ᱠᱷᱮᱞ ᱥᱟᱯᱟᱵ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱨᱮᱠᱮᱴ

ᱴᱮᱱᱤᱥ ᱨᱮᱠᱮᱴ ᱨᱮᱫᱚ ᱥᱟᱥᱟᱵᱟᱜ ᱛᱟᱦᱮᱸᱱᱟ, ᱚᱱᱟ ᱨᱮᱭᱟᱜ ᱦᱚᱴᱚᱜ ᱨᱮ ᱡᱩᱲᱟᱹᱭ ᱛᱟᱦᱮᱸᱱᱟ ᱡᱟᱦᱟᱸ ᱫᱚ ᱥᱤᱢ ᱵᱤᱞᱤ ᱞᱮᱠᱟᱱ ᱢᱳᱴᱟ ᱟᱨ ᱜᱩᱞᱟᱹᱭᱟᱜ ᱯᱷᱨᱮᱢ ᱛᱟᱦᱮᱸᱱᱟ ᱡᱟᱦᱟᱸ ᱫᱚ ᱛᱟᱨ ᱟᱨᱵᱟᱝ ᱠᱮᱴᱮᱡ ᱥᱩᱛᱟᱹᱢ ᱛᱮ ᱵᱷᱩᱜᱟᱹᱜ ᱵᱷᱩᱜᱟᱹᱜ ᱜᱟᱜ ᱠᱚᱜᱼᱟ ᱾ ᱱᱤᱛᱚᱜᱟᱜ ᱚᱠᱛᱚ ᱠᱷᱚᱱ ᱑᱐᱐ ᱥᱮᱨᱢᱟ ᱢᱟᱬᱟᱝ ᱨᱮᱭᱟᱜ ᱠᱟᱛᱷᱟ, ᱨᱮᱠᱮᱴ ᱫᱚ ᱢᱤᱫ ᱥᱴᱟᱱᱰᱟᱨᱰ ᱥᱟᱭᱤᱡ ᱟᱨ ᱠᱟᱴ ᱨᱮᱭᱟᱜ ᱛᱟᱦᱮᱸ ᱠᱟᱱᱟ ᱟᱨ ᱛᱟᱨ ᱫᱚ ᱡᱟᱱᱣᱟ ᱠᱚᱣᱟᱜ ᱨᱚᱦᱚᱲ ᱞᱟᱡ ᱾ ᱒᱐ ᱟᱱᱟᱜ ᱥᱚᱫᱤ ᱠᱷᱚᱱ ᱨᱟᱣᱟᱞ ᱫᱷᱟᱨᱟ ᱠᱟᱴ ᱛᱮ ᱵᱮᱱᱟᱣ ᱮᱛᱚᱦᱚᱵ ᱮᱱᱟ ᱤᱱᱟᱹ ᱛᱟᱭᱚᱢ ᱢᱮᱬᱦᱮᱫ ᱛᱮ ᱟᱨ ᱦᱚᱸ ᱠᱟᱨᱵᱚᱱ ᱜᱨᱮᱱᱟᱭᱤᱴ ᱨᱮᱭᱟᱜ ᱠᱚᱢᱯᱚᱡᱤᱴ ᱛᱮ ᱤᱱᱟᱹ ᱛᱟᱭᱚᱢ ᱪᱤᱱᱤ ᱦᱟᱥᱟ ᱟᱨ ᱴᱟᱭᱴᱟᱱᱤᱭᱚᱢ ᱞᱮᱠᱟᱱ ᱨᱟᱣᱟᱞ ᱢᱮᱬᱦᱮᱫ ᱛᱮ ᱵᱮᱱᱟᱣ ᱠᱚ ᱮᱛᱚᱦᱚᱵ ᱠᱮᱜᱼᱟ ᱾

ᱵᱚᱞ

ᱴᱮᱱᱤᱴ ᱞᱟᱹᱜᱤᱫ ᱵᱚᱞ ᱥᱩᱛᱟᱹᱢ ᱥᱟᱶᱛᱮ ᱞᱩᱜᱽᱲᱤ ᱨᱮᱭᱟᱜ ᱥᱤᱞᱟᱹᱭ ᱠᱟᱛᱮ ᱵᱮᱱᱟᱣ ᱞᱟᱹᱜᱤᱫ ᱟᱹᱰᱤ ᱜᱟᱱ ᱚᱠᱛᱚ ᱞᱟᱜᱟᱣ ᱮᱱᱟ ᱾ ᱴᱮᱱᱤᱥ ᱨᱮᱭᱟᱜ ᱵᱚᱞ ᱫᱚ ᱠᱷᱳᱞ ᱨᱚᱵᱚᱞ ᱛᱮ ᱵᱮᱱᱟᱣ ᱠᱚᱜᱼᱟ ᱾ ᱨᱤᱛ ᱞᱮᱠᱟᱛᱮ ᱯᱩᱸᱰ ᱨᱚᱝ ᱱᱟᱯᱟᱭ ᱥᱟᱺᱦᱤᱡ ᱧᱮᱞ ᱧᱟᱢᱚᱜ ᱞᱟᱹᱜᱤᱫ ᱢᱩᱬ ᱨᱚᱝ ᱫᱚ ᱵᱟᱹᱭ ᱵᱟᱹᱭ ᱛᱮ ᱥᱟᱥᱟᱝ ᱨᱚᱝ ᱞᱮᱫ ᱛᱟᱦᱮᱸᱫ ᱠᱚ ᱾ ᱵᱚᱞ ᱫᱚ ᱕᱖.᱐ ᱠᱷᱚᱱ ᱕᱙.᱔ ᱜᱨᱟᱢ ᱵᱷᱤᱛᱨᱤ ᱨᱮ ᱦᱟᱢᱟᱞ ᱛᱟᱦᱮᱸᱱ ᱞᱟᱹᱠᱛᱤᱜ ᱠᱟᱱᱟ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱚᱞ ᱦᱮᱯᱨᱟᱣ
ᱮᱴᱟᱜ ᱠᱚ