ᱵᱚᱞᱳᱪ ᱦᱚᱲ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search

ᱵᱚᱞᱳᱪ ᱦᱚᱲ

ᱵᱚᱞᱳᱪ ᱦᱚᱲ ᱠᱚᱣᱟᱜ ᱚᱛᱱᱮᱛ ᱨᱮᱭᱟᱜ ᱯᱟᱥᱱᱟᱣ (ᱜᱩᱞᱟ.ᱯᱤ ᱨᱚᱝ ᱨᱮ)
ᱵᱚᱞᱳᱪ ᱪᱤᱨ
ᱥᱟᱶᱛᱟᱨᱤ ᱵᱚᱞᱳᱪ ᱫᱚᱛᱚ ᱛᱮ ᱚᱢᱟᱱ ᱨᱤᱱᱤᱡ ᱢᱤᱫ ᱠᱩᱲᱤ
ᱥᱟᱶᱛᱟᱨᱤ ᱵᱚᱞᱳᱪ ᱛᱤᱨᱞᱟ. ᱠᱚᱣᱟᱜ ᱦᱚᱨᱚᱜ ᱥᱟᱯᱟᱵᱽ

ᱵᱚᱞᱳᱪ ᱟᱨᱵᱟᱝ ᱵᱚᱞᱩᱪ ᱫᱩᱠᱷᱤᱱᱼᱯᱩᱪᱷᱤᱢ ᱯᱟᱠᱤᱥᱛᱟᱱ ᱨᱤᱱ ᱵᱚᱞᱳᱪᱤᱥᱛᱟᱱ ᱴᱚᱴᱷᱟ ᱟᱨ ᱤᱨᱟᱱ ᱨᱤᱱ ᱵᱚᱞᱩᱪᱮᱥᱛᱟᱱ ᱴᱚᱴᱷᱟᱨᱮ ᱵᱚᱥᱠᱚᱫ ᱛᱟᱦᱮᱸᱱ ᱠᱟᱱ ᱢᱤᱫ ᱡᱟ.ᱛᱤ ᱠᱟᱱᱟ ᱠᱚ ᱾ ᱩᱱᱠᱩ ᱫᱚ ᱵᱚᱞᱳᱪ ᱯᱟ.ᱨᱥᱤ ᱠᱚ ᱨᱚᱲᱟ, ᱡᱟᱦᱟᱸ ᱫᱚ ᱤᱨᱟᱱ ᱯᱟ.ᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱢᱤᱫ ᱥᱚᱦᱮᱛ ᱠᱟᱱᱟ ᱟᱨ ᱡᱟᱦᱟᱸᱨᱮ ᱟ.ᱰᱤ ᱯᱟ.ᱦᱤᱞ ᱠᱷᱚᱱ ᱦᱮᱡ ᱟ.ᱜᱩ ᱟᱠᱟᱱ ᱯᱟ.ᱨᱥᱤ ᱨᱮᱭᱟᱜ ᱡᱷᱚᱞᱚᱠ ᱧᱮᱞᱚᱜᱼᱟ ᱾ ( ᱡᱟᱦᱟᱸ ᱫᱚ ᱱᱤᱡᱮ ᱵᱚᱭᱫᱤᱠ ᱥᱚᱸᱥᱠᱨᱩᱛ ᱨᱮᱭᱟᱜ ᱟ.ᱰᱤ ᱥᱩᱨ ᱯᱟ.ᱨᱥᱤ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱱᱩᱠᱩ ᱫᱚ ᱵᱤᱨ ᱟᱨ ᱜᱤᱛᱤᱞᱚᱛ ᱴᱚᱴᱷᱟ ᱨᱮᱠᱚ ᱛᱟᱦᱮᱸᱱᱟ ᱟᱨ ᱥᱩᱨᱥᱩᱯᱩᱨ ᱜᱟᱶᱛᱟ ᱜᱟᱫᱮᱞ ᱠᱷᱚᱱ ᱫᱚ ᱡᱚᱛᱚ ᱠᱷᱚᱱ ᱵᱷᱮᱜᱟᱨ ᱜᱮ ᱟᱠᱚᱣᱟᱜ ᱩᱯᱨᱩᱢ ᱠᱚ ᱵᱮᱱᱟᱣ ᱟᱠᱟᱜᱼᱟ ᱾ ᱢᱤᱫ ᱵᱨᱟᱦᱩᱭ ᱧᱩᱛᱩᱢᱟᱱ ᱜᱟᱫᱮᱞ ᱦᱚᱸ ᱵᱚᱞᱳᱪ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱠᱚᱣᱟ ᱾ ᱚᱱᱠᱟ ᱫᱚ ᱱᱩᱠᱩ ᱫᱚ ᱢᱤᱫ ᱫᱨᱟᱵᱤᱰ ᱯᱟ.ᱨᱥᱤ ᱜᱷᱟᱨᱚᱸᱡᱽ ᱨᱤᱱ ᱵᱨᱟᱦᱩᱭᱤ ᱧᱩᱛᱩᱢᱟᱱ ᱯᱟ.ᱨᱥᱤ ᱠᱚ ᱨᱚᱲᱟ ᱾

ᱥᱟᱞ ᱒᱐᱐᱙ ᱨᱮ ᱵᱟᱞᱳᱪ ᱡᱟ.ᱛᱤ ᱦᱚᱲ ᱠᱚᱣᱟᱜ ᱜᱩᱴ ᱨᱮ ᱦᱚᱲ ᱮᱞᱮᱞ ᱙᱐ ᱜᱮᱥᱟᱥᱟᱭ ᱦᱚᱲ ᱢᱮᱱᱛᱮ ᱠᱚ ᱚᱱᱢᱟᱱ ᱟᱠᱟᱫ ᱠᱚᱣᱟ ᱾[᱑][᱒][᱓] ᱩᱱᱠᱩ ᱠᱚᱨᱮ ᱠᱷᱚᱱ ᱯᱟᱞᱮ ᱘᱐% ᱫᱚ ᱯᱟᱠᱤᱥᱛᱟᱱ ᱨᱮᱭᱟᱜ ᱵᱚᱞᱤᱪᱤᱥᱛᱟᱱ ᱴᱚᱴᱷᱟ ᱨᱤᱱ ᱟᱨ ᱒᱕% ᱫᱚ ᱤᱨᱟᱱ ᱨᱮᱭᱟᱜ ᱥᱤᱥᱛᱟᱱ ᱣᱚ ᱵᱚᱞᱤᱪᱤᱥᱛᱟᱱ ᱴᱚᱴᱷᱟ ᱨᱮᱠᱚ ᱛᱟᱦᱮᱸᱱᱟ ᱾ ᱯᱟᱠᱤᱥᱛᱟᱱ ᱨᱮᱭᱟᱜ ᱥᱤᱸᱫᱷ ᱟᱨ ᱯᱚᱧᱡᱟᱵᱽ ᱴᱚᱴᱷᱟ ᱨᱮᱭᱟᱜ ᱫᱩᱠᱷᱤᱱ ᱯᱟᱦᱴᱟ ᱨᱮ ᱦᱚᱸ ᱟ.ᱰᱤ ᱵᱟ.ᱲᱛᱤ ᱵᱚᱞᱳᱪ ᱦᱚᱲ ᱠᱚ ᱛᱟᱦᱮᱸᱱᱟ ᱾ ᱟᱯᱷᱜᱟᱱᱤᱥᱛᱟᱱ, ᱛᱩᱨᱠᱢᱮᱱᱤᱥᱛᱟᱱ, ᱚᱢᱟᱱ, ᱵᱚᱦᱨᱤᱛ, ᱠᱩᱵᱮᱛ ᱟᱨ ᱟᱯᱨᱤᱠᱟ ᱨᱮᱭᱟᱜ ᱛᱤᱱᱟ.ᱜ ᱦᱟ.ᱴᱤᱧ ᱨᱮ ᱦᱚᱸ ᱵᱚᱞᱳᱪ ᱠᱚ ᱧᱟᱢᱚᱜᱼᱟ ᱾ ᱵᱚᱞᱳᱪ ᱦᱚᱲ ᱵᱟ.ᱲᱛᱤ ᱞᱮᱠᱟ ᱛᱮᱫᱚ ᱥᱩᱱᱱᱤ ᱤᱥᱞᱟᱢ ᱞᱮᱠᱟᱛᱮ ᱠᱚ ᱛᱟᱦᱮᱸᱱᱟ ᱾ ᱤᱨᱟᱱ ᱨᱮ ᱥᱤᱭᱟ. ᱠᱚ ᱟ.ᱰᱤ ᱵᱟ.ᱲᱛᱤ ᱢᱮᱱᱟᱜ ᱠᱚᱣᱟ, ᱚᱱᱟᱛᱮ ᱚᱸᱰᱮ ᱱᱩᱠᱩᱣᱟᱜ ᱢᱤᱫ ᱵᱷᱮᱜᱟᱨ ᱛᱮ ᱫᱷᱚᱨᱚᱢ ᱩᱯᱨᱩᱢ ᱢᱮᱱᱟᱜᱼᱟ ᱾

ᱢᱩᱬᱩᱛ ᱠᱟᱵᱤᱞᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱞᱳᱪ ᱠᱚᱣᱟᱜ ᱢᱩᱬᱩᱛ ᱠᱟᱵᱤᱞᱟ ᱱᱚᱝᱠᱟ ᱢᱮᱱᱟᱜᱼᱟ :

  • ᱵᱩᱜᱚᱴᱤ (بگٹی‎) : ᱱᱩᱠᱩ ᱫᱚ ᱵᱚᱞᱳᱪ ᱯᱟ.ᱨᱥᱤᱭᱟ. ᱠᱟᱱᱟ ᱠᱚ ᱟᱨ ᱱᱩᱠᱩ ᱫᱚ ᱵᱚᱞᱳᱪᱤᱥᱛᱟᱱ ᱨᱤᱱ ᱡᱚᱛᱚ ᱠᱷᱚᱱ ᱫᱟᱲᱮᱭᱟᱱ ᱠᱟᱵᱤᱞᱟ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣ ᱠᱚᱣᱟ ᱾ ᱱᱩᱠᱩᱣᱟᱜ ᱚᱱᱢᱟᱱ ᱮᱞᱮᱞ ᱫᱚ ᱓ ᱜᱮᱥᱟᱥᱟᱭ ᱾


  • ᱢᱚᱨᱨᱤ (مری‎) : ᱱᱩᱠᱩ ᱵᱚᱞᱳᱪ ᱯᱟ.ᱨᱥᱤᱭᱟ. ᱦᱚᱲ ᱯᱟᱠᱤᱥᱛᱟᱱ ᱨᱮᱭᱟᱜ ᱵᱚᱞᱳᱪᱤᱥᱛᱟᱱ ᱨᱮᱭᱟᱜ ᱠᱳᱦᱞᱩ, ᱥᱤᱵᱤ, ᱡᱟᱯᱷᱨᱟᱵᱟᱫᱽ ᱟᱨ ᱱᱚᱥᱤᱨᱟᱵᱟᱫᱽ ᱯᱚᱱᱚᱛ ᱨᱤᱱ ᱵᱚᱥᱠᱚᱫᱤᱭᱟ. ᱠᱟᱱᱟ ᱠᱚ ᱾ ᱱᱩᱠᱩᱣᱟᱜ ᱦᱚᱲ ᱮᱞᱮᱞ ᱫᱚ ᱒ ᱜᱮᱥᱟᱥᱟᱭ ᱢᱮᱱᱛᱮ ᱚᱱᱢᱟᱱᱚᱜ ᱠᱟᱱᱟ ᱾ ᱱᱩᱠᱩ ᱫᱚ ᱯᱷᱩᱨᱜᱟ.ᱞᱚᱜ ᱨᱮᱭᱟᱜ ᱩᱭᱦᱟ.ᱨ ᱞᱮᱠᱟᱛᱮ ᱡᱚᱛᱚ ᱠᱷᱚᱱ ᱵᱚᱛᱚᱨᱟᱱ ᱰᱟᱦᱟᱨ ᱛᱮ ᱞᱟ.ᱰᱷᱟ.ᱭ ᱞᱮᱠᱟᱛᱮ ᱩᱯᱨᱩᱢ ᱛᱟᱠᱚ ᱢᱮᱱᱟᱜᱼᱟ ᱾
  • ᱢᱮᱸᱜᱚᱞ (مینگل‎) : ᱱᱩᱠᱩ ᱫᱚ ᱵᱨᱟᱦᱩᱭᱤ ᱯᱟ.ᱨᱥᱤᱭᱟ. ᱠᱟᱱᱟ ᱠᱚ ᱾ ᱟᱨ ᱱᱩᱠᱩᱣᱟᱜ ᱠᱟᱵᱤᱞᱟ ᱫᱚ ᱮᱴᱟᱜ ᱡᱚᱛᱚ ᱦᱚᱲᱟᱜ ᱠᱷᱚᱱ ᱢᱟᱨᱟᱝ ᱠᱟᱵᱤᱞᱟ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣᱟ ᱾ ᱱᱩᱠᱩ ᱫᱚ ᱵᱚᱞᱳᱪᱤᱥᱛᱟᱱ ᱨᱮᱭᱟᱜ ᱪᱚᱜᱚᱭᱤ, ᱠᱷᱩᱡᱽᱫᱟᱨ, ᱠᱷᱟᱱᱟᱛ ᱯᱚᱱᱚᱛ ᱨᱮᱠᱚ ᱛᱟᱦᱮᱸᱱᱟ ᱾


  • ᱵᱤᱡᱮᱸᱡᱳ (بزنجو‎) : ᱱᱩᱠᱩ ᱫᱚ ᱵᱚᱞᱳᱪᱤᱥᱛᱟᱱ ᱨᱮᱭᱟᱜ ᱟᱵᱟᱨᱟᱱ ᱯᱚᱱᱚᱛ ᱨᱮᱠᱚ ᱛᱟᱦᱮᱸᱱᱟ ᱾ ᱱᱚᱣᱟ ᱠᱚᱵᱤᱞᱟ ᱠᱷᱚᱱ ᱢᱤᱫ ᱜᱚᱣᱥ ᱵᱚᱠᱷᱥ ᱵᱤᱡᱮᱸᱡᱳ ᱧᱩᱛᱩᱢᱟᱱ ᱵᱚᱞᱳᱪ ᱨᱟᱥᱴᱨᱚᱵᱟᱫᱤ ᱱᱮᱛᱟ ᱟᱜ ᱩᱯᱨᱩᱢ ᱟ.ᱰᱤ ᱵᱟ.ᱲᱛᱤ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱑᱙᱗᱒-᱗᱓ ᱨᱮ ᱵᱚᱞᱳᱪᱤᱥᱛᱟᱱ ᱨᱤᱱᱤᱡ ᱨᱟᱡᱽᱯᱟᱞ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾


  • ᱞᱟᱸᱜᱳ (لانگو‎) : ᱱᱩᱠᱩ ᱫᱚ ᱵᱚᱞᱳᱪᱤᱥᱛᱟᱱ ᱨᱮᱭᱟᱜ ᱛᱟᱞᱟᱢᱟᱞᱟ ᱨᱮᱠᱚ ᱛᱟᱦᱮᱸᱱᱟ ᱾ ᱞᱟᱸᱜᱳ ᱠᱟᱵᱤᱞᱟ ᱨᱮ ᱢᱩᱬᱩᱛ ᱞᱮᱠᱟ ᱛᱮᱫᱚ ᱵᱚᱞᱳᱪᱤ ᱜᱮᱠᱚ ᱨᱚᱲᱟ ᱤᱠᱷᱟ.ᱱ ᱟᱰᱤ ᱜᱟᱱ ᱦᱚᱲ ᱜᱮ ᱵᱨᱩᱦᱩᱭᱤ ᱦᱚᱸ ᱫᱚᱥᱟᱨ ᱯᱟ.ᱨᱥᱤ ᱞᱮᱠᱟ ᱛᱮᱠᱚ ᱨᱚᱲᱟ ᱾


  • ᱵᱚᱸᱜᱩᱞᱡᱚᱭᱤ (بنگلزی‎) : ᱱᱩᱠᱩ ᱫᱚ ᱢᱤᱫ ᱵᱨᱩᱦᱩᱭᱤ ᱯᱟ.ᱨᱥᱤᱭᱟᱱ ᱠᱚᱵᱤᱞᱟ ᱠᱟᱱᱟ ᱠᱚ ᱾ ᱟᱨ ᱵᱚᱞᱳᱪᱤᱥᱛᱟᱱ ᱨᱤᱱ ᱢᱟᱨᱟᱝ ᱠᱚᱵᱤᱞᱟ ᱢᱮᱱᱛᱮ ᱦᱤᱥᱟ.ᱵᱽ ᱨᱮ ᱦᱟ.ᱡᱩᱜᱼᱟ ᱾


  • ᱢᱚᱡᱟᱨᱤ (مزاری‎) : ᱱᱚᱣᱟ ᱫᱚ ᱵᱚᱞᱳᱪᱤᱥᱛᱟᱱ ᱨᱮᱭᱟᱜ ᱟ.ᱰᱤ ᱢᱟᱨᱮ ᱠᱟᱵᱤᱞᱟ ᱢᱮᱱᱛᱮ ᱢᱟᱱᱟᱣ ᱵᱟᱛᱟᱣ ᱢᱮᱱᱟᱜᱼᱟ ᱾ ᱢᱚᱡᱟᱨᱤ ᱟ.ᱲᱟ. ᱨᱮᱭᱟᱜ ᱢᱮᱱᱮᱛ ᱫᱚ ᱠᱚᱵᱤᱞᱟ ᱯᱟ.ᱨᱥᱤ ᱛᱮ "ᱡᱟᱴᱟᱠᱩᱞ" ᱠᱟᱱᱟ ᱾ ᱱᱩᱠᱩᱣᱟᱜ ᱴᱷᱟᱶ ᱫᱚ ᱯᱚᱸᱡᱟᱵᱽ ᱴᱚᱴᱷᱟᱨᱮ ᱨᱟᱡᱚᱱᱯᱩᱨ ᱯᱚᱱᱚᱛ ᱠᱟᱱᱟ ᱡᱟᱦᱟᱸ ᱫᱚ ᱵᱚᱞᱳᱪᱤᱥᱛᱟᱱ ᱥᱤᱢᱟ. ᱨᱮ ᱯᱟᱲᱟᱣᱜᱼᱟ ᱾


  • ᱱᱩᱛᱠᱟᱱᱤ (نتكانى‎): ᱱᱩᱠᱩ ᱵᱚᱞᱳᱪᱤ ᱠᱟᱵᱤᱞᱟ ᱫᱚ ᱟᱰᱤ ᱯᱟ.ᱦᱤᱞ ᱢᱟᱬᱟᱝ ᱨᱮ ᱵᱚᱞᱳᱪᱤᱥᱛᱟᱱ ᱠᱷᱚᱱ ᱦᱮᱡ ᱠᱟᱛᱮ ᱯᱚᱸᱡᱟᱵᱽ ᱨᱮᱠᱚ ᱵᱟᱥᱟ ᱮᱱᱟ ᱾


  • ᱞᱚᱜᱟᱨᱤ (لغاري‎) : ᱯᱚᱸᱡᱟᱵᱽ ᱟᱨ ᱥᱤᱸᱫᱷ ᱨᱮᱠᱚ ᱵᱟᱥᱟ ᱟᱠᱟᱱ ᱢᱤᱫ ᱵᱚᱞᱳᱪ ᱠᱟᱵᱤᱞᱟ ᱾ ᱱᱩᱠᱩ ᱠᱷᱚᱱ ᱟ.ᱰᱤᱜᱟᱱ ᱜᱮ ᱱᱤᱛᱚᱜ ᱯᱚᱸᱡᱟᱵᱤ, ᱥᱤᱸᱫᱷᱤ ᱟᱨ ᱥᱤᱨᱟᱭᱠᱤ ᱯᱟ.ᱨᱥᱤ ᱠᱚ ᱨᱚᱲ ᱠᱟᱱᱟ ᱤᱠᱷᱟ.ᱱ ᱮᱱ ᱦᱚᱸ ᱟᱠᱚᱣᱟᱜ ᱵᱚᱞᱳᱪᱤ ᱩᱯᱨᱩᱢ ᱫᱚᱠᱚ ᱵᱟᱧᱪᱟᱣ ᱫᱚᱦᱚ ᱟᱠᱟᱫ ᱜᱮᱭᱟ ᱾

ᱨᱟᱭᱨᱤᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱞᱳᱪ ᱠᱚᱲᱟ ᱦᱚᱯᱚᱱ ᱫᱚ ᱥᱚᱞᱣᱟᱨ ᱫᱚᱛᱚ ᱠᱚ ᱦᱚᱨᱚᱜᱟ ᱾ ᱟᱨ ᱵᱚᱞᱳᱪ ᱴᱩᱯᱨᱤ ᱨᱮᱭᱟᱜ ᱦᱚᱸ ᱟ.ᱰᱤ ᱵᱟ.ᱲᱛᱤ ᱪᱤᱱᱦᱟ.ᱣ ᱢᱮᱱᱟᱜ ᱛᱟᱠᱚᱣᱟ ᱾ ᱵᱚᱞᱳᱪ ᱛᱤᱨᱞᱟ. ᱠᱚᱫᱚ ᱢᱤᱫ ᱞᱮᱠᱟᱱ ᱠᱤᱪᱨᱤᱡ ᱞᱮᱸᱦᱜᱟ ᱠᱚ ᱦᱚᱨᱚᱜᱟ ᱾ ᱡᱟᱦᱟᱸ ᱠᱤᱪᱨᱤᱡ ᱨᱮᱫᱚ ᱵᱟ.ᱲᱛᱤ ᱟ.ᱨᱥᱤ ᱠᱮᱪᱟᱜ ᱞᱟᱜᱟᱣ ᱛᱟᱦᱮᱸᱱᱟ ᱾ ᱛᱤᱨᱞᱟ. ᱠᱚ ᱟᱠᱚᱣᱟᱜ ᱵᱚᱦᱚᱜ ᱫᱚ ᱢᱤᱫ "ᱥᱚᱨᱤᱜᱽ" ᱧᱩᱛᱩᱢᱟᱱ ᱞᱩᱜᱽᱲᱤ ᱛᱮᱠᱚ ᱫᱟᱯᱟᱞ ᱮᱥᱮᱫ ᱠᱟᱜᱼᱟ ᱾ ᱱᱩᱠᱩ ᱴᱷᱮᱱ ᱫᱚ ᱦᱚᱨᱚᱜ ᱥᱟᱯᱟᱵ ᱟ.ᱰᱤ ᱵᱟ.ᱲᱛᱤ ᱜᱮ ᱴᱷᱟᱶ ᱮ ᱧᱟᱢᱟ, ᱵᱟ.ᱲᱛᱤ ᱞᱮᱠᱟ ᱛᱮᱫᱚ ᱞᱩᱛᱩᱨ ᱨᱮᱠᱚ ᱦᱚᱨᱚᱜᱽ "ᱫᱳᱨ" ᱧᱩᱛᱩᱢᱟᱱ ᱢᱤᱫ ᱦᱟᱢᱟᱞ ᱡᱷᱩᱢᱠᱟ., ᱡᱟᱦᱟᱸ ᱫᱚ ᱥᱳᱱᱟ ᱨᱮᱭᱟᱜ ᱮᱛᱟᱝ ᱱᱟᱱᱦᱟ ᱥᱤᱠᱲᱤ ᱛᱮ ᱵᱚᱦᱚᱜ ᱨᱮ ᱛᱚᱞ ᱦᱩᱭᱩᱜᱼᱟ ᱾ ᱵᱚᱞᱳᱪ ᱦᱚᱲ ᱴᱷᱮᱱ ᱫᱚ ᱫᱷᱟᱨᱢᱤᱠ ᱠᱚᱴᱴᱚᱨᱵᱟᱫᱽ ᱫᱚ ᱟ.ᱰᱤ ᱠᱚᱢ ᱜᱮ ᱧᱮᱞᱚᱜᱼᱟ ᱤᱠᱷᱟ.ᱱ ᱡᱟ.ᱛᱤᱭᱟ.ᱨᱤ ᱩᱭᱦᱟ.ᱨ ᱫᱚ ᱛᱟᱠᱚ ᱟ.ᱰᱤ ᱵᱟ.ᱲᱛᱤ ᱜᱮᱭᱟ ᱾ ᱵᱚᱞᱳᱪᱤᱥᱛᱟᱱ ᱨᱤᱱ ᱤᱨᱟᱱᱤᱭᱟ. ᱟᱨ ᱯᱟᱠᱤᱥᱛᱟᱱᱤ ᱵᱟᱱᱟᱨ ᱯᱟᱦᱴᱟ ᱨᱮᱜᱮ ᱵᱷᱮᱯᱮᱜᱮᱫᱚᱜ ᱨᱮᱭᱟᱜ ᱦᱩᱞᱥᱟ.ᱭ ᱛᱟᱞᱟ ᱛᱟᱞᱟ ᱨᱮ ᱦᱩᱭ ᱦᱩᱭ ᱟᱠᱟ ᱛᱟᱦᱮᱸᱱᱟ ᱾ ᱤᱨᱟᱱ ᱨᱮ ᱥᱤᱭᱟ ᱥᱩᱱᱱᱤ ᱯᱷᱮᱯᱮᱜᱮᱫᱚᱜ ᱤᱫᱤ ᱠᱟᱛᱮ ᱩᱱᱠᱩ ᱴᱷᱮᱱ ᱵᱷᱮᱜᱮᱨ ᱵᱷᱮᱜᱟᱨ ᱩᱭᱦᱟ.ᱨ ᱢᱮᱱᱺᱜᱼᱟ ᱾ ᱥᱮᱨᱮᱧ ᱨᱩ ᱵᱚᱞᱳᱪ ᱦᱚᱲ ᱠᱚᱣᱟᱜ ᱞᱟᱠᱪᱟᱨ ᱨᱮᱫᱚ ᱟ.ᱰᱤ ᱢᱟᱱᱚᱛ ᱢᱟᱱᱟᱣ ᱢᱮᱱᱟᱜᱼᱟ ᱟᱨ ᱱᱚᱣᱟ ᱨᱮ ᱰᱷᱳᱞ ᱨᱮᱭᱟᱜ ᱵᱮᱵᱷᱟᱨ ᱟ.ᱰᱤ ᱵᱟ.ᱲᱛᱤ ᱛᱟᱦᱮᱸᱱᱟ ᱾ ᱱᱚᱣᱟ ᱫᱚ ᱵᱚᱞᱳᱪᱤᱥᱛᱟᱱ ᱨᱮ ᱫᱳᱦᱳᱞ ᱢᱮᱱᱛᱮ ᱠᱚ ᱢᱮᱛᱟᱜᱼᱟ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Baloch_people_in_the_United_Arab_Emirates

https://en.m.wikipedia.org/wiki/Balochistan_conflict

https://en.m.wikipedia.org/wiki/Al_Balushi

https://en.m.wikipedia.org/wiki/Firoud

https://en.m.wikipedia.org/wiki/Kai_Khosrow

https://en.m.wikipedia.org/wiki/Baloch_cuisine

https://en.m.wikipedia.org/wiki/Indo-Iranian_peoples

https://en.m.wikipedia.org/wiki/Baloch_nationalism

https://en.m.wikipedia.org/wiki/List_of_Baloch_tribes

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://www.cia.gov/library/publications/the-world-factbook/fields/2075.html#pk

http://iranprimer.usip.org/blog/2013/sep/03/iran-minorities-2-ethnic-diversity

https://www.ethnologue.com/country/AE/languages

https://www.ethnologue.com/country/OM/languages

http://www.central-asia.su/beludz.php

https://en.m.wikipedia.org/wiki/Joshua_Project

http://gulf2000.columbia.edu/images/maps/GulfReligionGeneral_lg.png

http://lcweb2.loc.gov/cgi-bin/query/r?frd/cstdy:@field(DOCID+pk0055)

https://www.cia.gov/library/publications/the-world-factbook/fields/2075.html

https://en.m.wikipedia.org/wiki/Baloch_people#CITEREFDashti,_The_Baloch_and_Balochistan2012

https://en.m.wikipedia.org/wiki/Baloch_people#CITEREFDashti,_The_Baloch_and_Balochistan2012

https://en.m.wikipedia.org/wiki/D._R._Bhandarkar

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/Central_Intelligence_Agency

https://curlie.org/Regional/Middle_East/Iran

https://commons.wikimedia.org/wiki/Atlas_of_Iran

  1. Languages of Pakistan, Ethnologue.com.
  2. Languages of Iran, Ethnologue.com . Retrieved June 7, 2006.
  3. Iran, Library of Congress, Country Profile . Retrieved December 5, 2009.