ᱵᱚᱥᱩᱱᱫᱷᱚᱨᱟ ᱫᱳᱨᱟᱥᱣᱟᱢᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱵᱚᱥᱩᱱᱫᱷᱚᱨᱟ ᱫᱳᱨᱟᱥᱣᱟᱢᱤ

ᱵᱚᱥᱩᱱᱫᱷᱚᱨᱟ ᱫᱳᱨᱟᱥᱣᱟᱢᱤ (ᱡᱟᱱᱟᱢ-᱑᱙᱔᱙ ᱥᱟᱞ) ᱫᱚ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡᱤᱭᱟ.,ᱠᱚᱨᱤᱭᱳᱜᱨᱟᱯᱷᱳᱨ ᱟᱨ ᱢᱟ.ᱱᱟᱱ ᱜᱩᱨᱩ ᱾ᱱᱚᱣᱟ ᱠᱮᱨᱤᱭᱚᱨ ᱨᱮ ᱛᱩᱨᱩᱭ-ᱜᱮᱞ ᱥᱮᱨᱢᱟ ᱠᱷᱚᱱ ᱵᱤᱥᱛᱤ ᱜᱮ ᱮᱱᱮᱢ ᱢᱮᱱᱟᱜ ᱛᱟᱭᱟ ᱾ ᱟᱡ ᱫᱚ ᱢᱚᱦᱤᱥᱩᱨ,ᱥᱤᱧᱚᱛ ᱨᱮ ᱢᱮᱱᱜ ᱵᱚᱥᱩᱱᱫᱷᱚᱨᱟ ᱯᱚᱨᱯᱷᱳᱨᱢᱤᱝ ᱟᱨᱴᱥ ᱥᱮᱱᱴᱚᱨ (Vasundhara Performing Arts Centre) ᱨᱤᱱᱤᱡ ᱡᱟᱱᱟᱢ ᱫᱟᱛᱟ ᱟᱨ ᱰᱟᱭᱨᱮᱠᱴᱚᱨ ᱠᱟᱱᱟᱭ ᱾ ᱟᱡ ᱫᱚ ᱚᱥᱴᱟᱝᱜᱚ ᱵᱷᱤᱱᱥᱟᱭᱟ ᱡᱳᱜᱟ (Ashtanga Vinyasa Yoga) ᱨᱤᱱᱤᱡ ᱜᱩᱨᱩ ᱥᱨᱤ ᱯᱚᱴᱴᱟᱵᱷᱤ ᱡᱳᱭᱮᱥ (Shri Pattabhi Jois) ᱣᱤᱡ ᱪᱮᱞᱟ ᱠᱟᱱᱟᱭ ᱟᱨ ᱟᱡᱟᱜ ᱴᱷᱟ.ᱣᱠᱟᱱ ᱵᱚᱥᱩᱱᱫᱷᱚᱨᱟ ᱥᱴᱟᱭᱤᱞ ᱢᱮᱱᱟᱜ ᱛᱟᱭᱟ ᱾

ᱟᱬᱜᱟᱛ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱥᱩᱱᱫᱷᱚᱨᱟ ᱫᱚ ᱠᱚᱧᱮ ᱠᱟᱨᱟᱱᱟ(South Canara),ᱢᱩᱫᱟᱵᱤᱫᱽᱨᱤ (en:Moodabidri),ᱠᱚᱨᱱᱟᱴᱚᱠ ᱨᱮ (ᱵᱟᱵᱟ) ᱯᱤ. ᱱᱟᱜᱟᱨᱟᱡᱽ (P. Nagaraj)ᱟᱨ (ᱟᱭᱚ) ᱢᱟ.ᱱᱤᱡ ᱵᱷᱚᱨᱚᱫᱟ ᱫᱮᱵᱤ (Smt.Varada Devi) ᱛᱤᱠᱤᱱᱟᱜ ᱠᱚᱞᱮᱠᱩᱠᱷᱤ ᱨᱮ ᱡᱟᱱᱟᱢ ᱞᱮᱱᱟ ᱾ ᱟᱡ ᱫᱚ ᱯᱩᱱ ᱥᱟᱞ ᱩᱢᱮᱨ ᱨᱮ ᱢᱩᱨᱚᱞᱤᱫᱷᱚᱨ ᱨᱟᱣ (Muralidhar Rao) ᱛᱟ.ᱨᱤᱨᱮ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱥᱮᱬᱟ ᱞᱮᱫᱟᱭ ᱟᱨ ᱕ ᱥᱟᱞ ᱩᱢᱮᱨ ᱨᱮᱜᱮ ᱯᱚᱱᱚᱛ ᱛᱷᱚᱠ ᱦᱮᱯᱮᱨᱟᱣ ᱨᱮ ᱜᱳᱞᱰ ᱢᱮᱰᱟᱞ ᱥᱤᱨᱯᱷᱟ. ᱡᱤᱛᱠᱟ.ᱨ ᱞᱮᱱᱟᱭ ᱾ ᱱᱚᱣᱟ ᱟᱡᱟᱜ ᱠᱩᱥᱤ-ᱨᱟ.ᱠᱟ. ᱛᱟᱭᱮ ᱵᱷᱮᱨ ᱞᱮᱫᱟ ᱾

ᱠᱮᱨᱤᱭᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱥᱩᱱᱫᱷᱚᱨᱟ ᱫᱚ ᱑᱙᱘᱘ ᱥᱟᱞ ᱨᱮ ᱯᱤ.ᱮᱪ.ᱰᱤ(P.hd) ᱰᱤᱜᱽᱨᱤ ᱭᱳᱜᱟ ᱟᱨ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡ ᱠᱷᱚᱸᱫᱽᱨᱚᱸᱫᱽ ᱞᱟ.ᱜᱤᱫ ᱧᱟᱢ ᱟᱠᱟᱫᱟᱭ ᱾ ᱟᱡ ᱫᱚ ᱦᱚᱲ-ᱥᱟᱶᱦᱮᱫ ᱨᱮ ᱟ.ᱠᱤᱞᱢᱟᱱ ᱰᱤᱜᱽᱨᱤ ᱦᱟᱥᱚᱞ ᱟᱠᱟᱫᱟᱭ ᱴᱟᱝ -ᱴᱟ (Tang-ta) ᱟᱨ ᱠᱚᱞᱟᱨᱤᱯᱯᱟᱭᱟᱴᱴᱩ (Kalarippayattu) ᱨᱤᱱ ᱯᱩᱨᱠᱷᱟ.ᱛ ᱮᱱᱮᱡᱤᱭᱟ. ᱦᱚᱸ ᱠᱟᱱᱟᱠᱤᱱ ᱾ ᱰᱨ. ᱵᱚᱥᱩᱱᱫᱷᱚᱨᱟ ᱫᱚ ᱱᱟᱴᱭᱚ ᱭᱳᱜᱟ ᱫᱚᱨᱥᱚᱱ (Natya Yoga Darshana) ᱢᱤᱫ ᱜᱚᱱᱚᱝ ᱟᱱ ᱯᱩᱛᱷᱤ ᱦᱚᱸᱭ ᱚᱞ ᱯᱟᱨᱥᱟᱞ ᱟᱠᱟᱱ ᱛᱟᱭᱟ ᱾ ᱭᱟᱠᱥᱟᱜᱟᱱᱟ ᱢᱤᱸᱣᱡᱤᱠ (Yakshagana music) ᱨᱮᱭᱟᱜ ᱯᱚᱱᱪᱚᱞᱤ (Panchali) ᱨᱮᱦᱚᱸ ᱠᱳᱨᱤᱭᱚᱜᱨᱯᱷᱤ ᱮᱢ ᱟᱠᱟᱫᱟᱭ,ᱡᱟᱦᱟᱸ ᱫᱚ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱭᱟᱜ ᱢᱤᱫ ᱦᱚᱲ ᱥᱮᱨᱮᱧ ᱠᱟᱱᱟ ᱾ ᱯᱭᱟᱨᱤᱥ ᱨᱮ ᱥᱟᱯᱲᱟᱣ ᱞᱮᱱ ᱣᱟᱨᱞᱰ ᱯᱤᱥ (WORLD PEACE) ᱮᱱᱮᱡ ᱟᱠᱷᱲᱟ ᱨᱮ ᱯᱩᱭᱞᱩ ᱵᱷᱟᱨᱚᱛᱱᱟᱴᱭᱚᱢ ᱮᱱᱮᱡᱤᱭᱟ. ᱥᱤᱧᱚᱛ ᱯᱟᱦᱴᱟ ᱠᱷᱚᱱ ᱱᱮᱶᱛᱟ ᱞᱮᱱᱟᱭ ᱾ ᱱᱚᱣᱟ ᱟᱠᱷᱲᱟ ᱨᱮ ᱑᱓᱗ ᱫᱤᱥᱚᱢ ᱠᱷᱚᱱ ᱒᱔᱐᱐ ᱠᱷᱚᱱ ᱵᱟ.ᱲᱛᱤᱜᱮ ᱧᱮᱧᱮᱞᱤᱭᱟ. ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱤᱛᱚᱜ ᱫᱩᱨᱫᱚᱨᱥᱚᱱ ᱨᱤᱱᱤᱡ ᱢᱤᱫ ᱮ-ᱜᱨᱮᱰ(A-grad) ᱟᱨᱴᱤᱥᱴ ᱠᱟᱱᱟᱭ ᱾

ᱵᱚᱥᱩᱱᱫᱷᱚᱨᱟ ᱯᱚᱨᱯᱷᱳᱨᱢᱤᱝ ᱟᱨᱴᱥ ᱥᱮᱱᱴᱮᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱡ ᱫᱚ ᱢᱚᱦᱤᱥᱩᱨ ᱨᱮ ᱢᱤᱫ ᱮᱱᱮᱡ ᱟᱥᱲᱟ ᱵᱮᱨᱮᱫ ᱟᱠᱟᱫ-ᱟᱭ,ᱡᱟᱦᱟᱸ ᱫᱚ ᱯᱩᱱᱭᱟ. ᱡᱩᱫᱟ. ᱴᱷᱟᱶ ᱨᱮ ᱠᱞᱟᱥᱤᱠ ᱢᱤᱸᱣᱡᱤᱠ ᱟᱨ ᱮᱱᱮᱡ ᱯᱷᱮᱥᱴᱤᱵᱷᱟᱞ ᱯᱟ.ᱦᱤᱞ ᱒᱕ ᱵᱚᱪᱷᱚᱨ ᱠᱷᱚᱱ ᱢᱟᱱᱟᱣ ᱟ.ᱜᱩᱭᱮᱫᱟᱭ ᱾ ᱚᱱᱟ ᱴᱷᱟᱶ ᱠᱚᱫᱚ ᱦᱩᱭᱩᱜ ᱠᱟᱱᱟ ᱯᱚᱞᱞᱟᱵᱷᱳᱛᱥᱚᱵᱷᱟ (Pallavotsava),ᱱᱟᱴᱚᱨᱟᱡᱚᱡᱳᱛᱥᱚᱵᱷᱟ (Natarajotsava), ᱯᱚᱨᱟᱝᱜᱳᱛᱥᱚᱵᱷᱟ (Parangotsava) ᱟᱨ ᱪᱤᱜᱩᱨᱩ ᱥᱟᱝᱜᱮ (Chiguru Sange) ᱾

ᱥᱤᱨᱯᱷᱟ. ᱟᱨ ᱢᱟ.ᱱ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱰᱨ. ᱵᱚᱥᱩᱱᱫᱷᱚᱨᱟ ᱫᱚ ᱟᱭᱢᱟ ᱥᱤᱨᱯᱷᱟ. ᱟᱨ ᱢᱟ.ᱱ ᱥᱟᱠᱟᱢ ᱠᱚᱭ ᱟᱢᱮᱴ ᱟᱠᱟᱫᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ,

  • ᱱᱟᱴᱭᱚ ᱨᱟᱬᱤ ᱥᱟᱱᱛᱚᱞᱟ ᱟᱣᱟᱨᱰ (Natya Rani Shantala Award )-- ᱠᱚᱨᱱᱟᱴᱚᱠ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ,ᱮᱱᱮᱡ ᱛᱷᱚᱠ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱥᱤᱨᱯᱷᱟ.᱾
  • ᱨᱟᱡᱽᱭᱳᱛᱥᱚᱵᱷᱚ ᱟᱣᱟᱨᱰ (Rajyotsava Award)-- ᱠᱚᱨᱱᱟᱴᱚᱠ ᱥᱚᱨᱠᱟᱨ ᱾
  • ᱠᱚᱨᱱᱟᱴᱚᱠᱟ ᱠᱚᱞᱟ ᱛᱤᱞᱚᱠ (Karnataka Kala Tilak)-- ᱥᱚᱝᱜᱤᱛᱷᱟ ᱱᱨᱤᱛᱭᱟ ᱮᱠᱟᱰᱮᱢᱤ (Sangeetha Nrithya Academy),ᱠᱚᱨᱱᱟᱴᱚᱠ ᱟᱨ ᱟᱡ ᱜᱮ ᱡᱚᱛᱚ ᱠᱚᱢ ᱩᱢᱮᱨ ᱨᱮ ᱱᱚᱣᱟ ᱥᱤᱨᱯᱷᱟ. ᱟᱢᱮᱴ ᱟᱠᱟᱫᱟᱭ ᱾
  • ᱟᱥᱛᱷᱟᱱᱟ ᱱᱨᱤᱛᱭᱚ ᱨᱚᱛᱱᱚ (Aasthaana Nritya Ratna)-- ᱥᱨᱤ ᱠᱨᱩᱥᱱᱚ ᱢᱩᱛᱛ,ᱩᱫᱩᱯᱤ ᱾
  • ᱪᱚᱱᱫᱚᱱᱟ ᱟᱣᱟᱨᱰ (Chandana Award)--ᱥᱤᱧᱚᱛ ᱫᱩᱨᱫᱚᱨᱥᱳᱱ ᱯᱟᱦᱴᱟ ᱠᱷᱚᱱ ᱾
  • ᱥᱨᱮᱥᱴᱚ ᱠᱚᱲᱟ ᱯᱨᱚᱪᱟᱨᱚᱠ (Shreshta Kala Pracharak)-- ᱯᱚᱫᱽᱢᱚ ᱵᱷᱩᱥᱚᱬ ᱥᱟᱨᱳᱡᱟ ᱵᱚᱭᱫᱭᱚᱱᱟᱛᱷᱚᱱ (Padma Bushan Saroja Vaidyanathan),ᱱᱟᱣᱟ ᱫᱤᱞᱞᱤ ᱾
  • ᱠᱚᱲᱟ ᱵᱤᱯᱚᱱᱪᱤ (Kala Vipanchi)-- ᱯᱚᱫᱽᱢᱚ ᱵᱷᱤᱵᱩᱥᱚᱬ ᱥᱨᱤ ᱵᱚᱞᱚᱢᱩᱨᱟᱞᱤ ᱠᱨᱤᱥᱱᱟ (Padma Vibushan Shri Balamurali Krishna),ᱪᱮᱱᱱᱟᱭ ᱾
  • ᱱᱟᱴᱭᱚ ᱡᱭᱳᱛᱤ (Natya Jyothi) ᱚᱥᱴᱨᱮᱞᱤᱭᱟ(Australia) ᱾

ᱯᱷᱮᱰᱟᱛ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.wikipedia.org/wiki/Vasundhara_Doraswamy