ᱵᱚᱥᱮᱱ ᱢᱩᱨᱢᱩ
| ᱵᱚᱥᱮᱱ ᱢᱩᱨᱢᱩ Basen Murmu | |
|---|---|
 ᱵᱚᱥᱮᱱ ᱢᱩᱨᱢᱩ (Basen Murmu) | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱙ ᱮᱯᱨᱤᱞ ᱑᱙᱘᱗ ᱵᱟᱨᱦᱟᱡᱤᱭᱟᱹᱝ, ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ, ᱥᱤᱧᱚᱛ |
| ᱜᱩᱨ | ᱐᱘ ᱡᱩᱱ ᱒᱐᱒᱐ (᱓᱓ ᱵᱚᱭᱚᱥ) ᱨᱟᱭᱨᱚᱝᱯᱩᱨ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | |
ᱵᱚᱥᱮᱱ ᱢᱩᱨᱢᱩ (Basen Murmu)(᱐᱙-᱐᱔-᱑᱙᱘᱗ ᱠᱷᱚᱱ ᱐᱘-᱐᱖-᱒᱐᱒᱐) ᱫᱚ ᱥᱟᱱᱛᱟᱲᱤ ᱥᱮᱨᱮᱧ ᱫᱩᱱᱤᱭᱟᱹ ᱨᱤᱱᱤᱡ ᱧᱩᱢᱦᱟᱞᱟᱝ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱾ "ᱠᱩᱞᱢᱤ ᱫᱟᱨᱮ ᱞᱮᱠᱟ ᱠᱩᱲᱤᱢ ᱦᱟᱨᱟᱭᱮᱱ", “ᱪᱷᱮᱢᱮᱠ ᱪᱷᱮᱢᱮᱠ”, “ᱡᱤᱣᱤ ᱨᱟᱹᱱᱤ ᱛᱤᱥᱮᱢ ᱦᱤᱡᱩᱜ”, “ᱟᱞᱟᱠ ᱡᱟᱹᱲᱤ ᱱᱟᱹᱲᱤ ᱞᱮᱠᱟ” ᱮᱢᱟᱱ ᱥᱚᱨᱮᱥ ᱥᱮᱨᱮᱧ ᱠᱚᱭ ᱥᱮᱨᱮᱧ ᱟᱠᱟᱫᱼᱟ ᱾[᱑] ᱩᱱᱤ ᱫᱚ ᱜᱚᱴᱟ ᱜᱩᱴᱤ ᱢᱚᱬᱮ ᱥᱟᱭ ᱠᱷᱚᱱ ᱵᱟᱹᱲᱛᱤ ᱥᱮᱨᱮᱧ ᱮ ᱥᱮᱨᱮᱧ ᱟᱠᱟᱫᱼᱟ ᱾[᱒]
ᱩᱯᱨᱩᱢ
ᱵᱚᱥᱮᱱ ᱢᱩᱨᱢᱩ ᱫᱚ ᱙ ᱮᱯᱨᱤᱞ ᱑᱙᱘᱗ ᱥᱟᱹᱦᱤᱛ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱫ ᱾ ᱟᱡᱟᱜ ᱡᱟᱱᱟᱢ ᱟᱹᱛᱩ ᱫᱚ ᱳᱰᱤᱥᱟ ᱯᱚᱱᱚᱛ, ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ, ᱵᱟᱨᱦᱟᱡᱤᱭᱟᱹᱝ ᱟᱹᱛᱩ ᱨᱮ ᱾ ᱱᱚᱶᱟ ᱟᱹᱛᱩ ᱫᱚ ᱵᱤᱡᱟᱹᱛᱟᱲᱟ ᱵᱚᱱᱚᱛ (block) ᱛᱟᱹᱨᱤ ᱨᱮ ᱢᱮᱱᱟᱜᱼᱟ ᱾ ᱟᱡᱤᱡ ᱟᱯᱟᱛ ᱫᱚ ᱱᱟᱨᱟᱱ ᱢᱩᱨᱢᱩ, ᱮᱸᱜᱟᱛ ᱫᱚ ᱢᱟᱭᱱᱚ ᱢᱩᱨᱢᱩ ᱟᱨ ᱡᱤᱭᱚᱱ ᱥᱚᱦᱮᱫ (wife) ᱫᱚ ᱢᱚᱢᱚᱛᱟ ᱢᱩᱨᱢᱩ ᱧᱩᱛᱩᱢ ᱟᱭᱟ ᱾ ᱟᱹᱠᱤᱱᱤᱡ ᱢᱤᱫ ᱦᱚᱯᱚᱱ ᱮᱨᱟ ᱵᱷᱟᱜᱽᱭᱚ ᱞᱚᱠᱥᱢᱤ ᱢᱩᱨᱢᱩ ᱢᱮᱱᱟᱭᱟ ᱾[᱒]
ᱜᱩᱨ
ᱵᱚᱥᱮᱱ ᱢᱩᱨᱢᱩ ᱫᱚ ᱟᱪᱠᱟ ᱜᱮ ᱘ ᱡᱩᱱ ᱒᱐᱒᱐ ᱦᱤᱞᱚᱜ ᱮ ᱜᱩᱨ ᱞᱮᱱ ᱛᱟᱦᱮᱸᱫ [᱒]᱾ ᱞᱟᱦᱟᱛᱮ ᱚᱱᱠᱟ ᱟᱡᱟᱨ ᱵᱮᱢᱟᱨ ᱦᱚᱲᱢᱚ ᱨᱮ ᱵᱟᱝ ᱧᱟᱢ ᱧᱮᱞ ᱞᱮᱱᱟ, ᱢᱮᱱᱠᱷᱟᱱ ᱤᱱᱟᱹ ᱦᱤᱞᱚᱜ ᱥᱮᱛᱟᱜ ᱵᱮᱲᱟ ᱟᱪᱠᱟ ᱜᱮ ᱵᱷᱤᱸᱫᱟᱹᱲ ᱮᱱᱛᱮ ᱨᱟᱭᱨᱚᱢᱯᱩᱨ ᱥᱚᱨᱠᱟᱨᱤ ᱦᱚᱥᱯᱤᱴᱟᱞ ᱨᱮ ᱠᱚ ᱵᱷᱩᱨᱛᱤ ᱞᱮᱫᱮᱭᱟ ᱾ ᱥᱮᱴᱮᱨ ᱛᱚᱨᱟ ᱰᱟᱠᱛᱚᱨ ᱠᱚ ᱟᱡᱟᱜ ᱡᱤᱣᱤ ᱵᱟᱹᱛᱤ ᱤᱬᱤᱡ ᱨᱮᱱᱟᱜ ᱠᱚ ᱞᱟᱹᱭ ᱥᱟᱰᱮ ᱞᱮᱫ ᱛᱟᱦᱮᱸᱫ ᱾
ᱥᱟᱹᱠᱷᱭᱟᱹᱛ
- ↑ "ᱥᱟᱱᱛᱟᱲᱤ ᱥᱮᱨᱮᱧ ᱨᱩᱥᱤᱠᱟ ᱵᱟᱥᱮᱱ ᱢᱩᱨᱢᱩ ᱫᱚᱭ ᱵᱟᱹᱜᱤᱭᱟᱫ ᱵᱚᱱᱟ". ᱰᱤᱡᱤᱴᱟᱞᱤ ᱥᱟᱱᱛᱟᱲᱤ ᱠᱷᱚᱵᱚᱨ • (in ᱠᱣᱮᱪᱷᱩᱣᱟ). 2020-06-08. Retrieved 2020-06-08.
- ↑ ᱒.᱐ ᱒.᱑ ᱒.᱒ "ଯୁବ ସାନ୍ତାଳୀ ଗାୟକ ବସେନ ମୁର୍ମୁଙ୍କ ପରଲୋକ" (in ᱳᱰᱤᱭᱟ). No. 39. Summa real Media Pvt.Ltd. ᱙ ᱡᱩᱱ ᱒᱐᱒᱐. p. 4. Retrieved 9 June 2020.
{{cite news}}: Check date values in:|date=(help)
ᱵᱟᱦᱨᱮ ᱡᱚᱱᱚᱲ
 | This article about an Indian singer is a stub. You can help Wikipedia by expanding it. |