ᱵᱚᱦᱟᱜᱽ ᱵᱤᱦᱩ

ᱵᱚᱦᱟᱜᱽ ᱵᱤᱦᱩ ᱥᱮ ᱨᱚᱝᱟᱞᱤ ᱵᱤᱦᱩ (Assamese: ব’হাগ বিহু বা ৰঙালী বিহু) ᱥᱟᱛ ᱵᱤᱦᱩ ᱦᱚᱸ ᱠᱚ ᱢᱮᱛᱟᱜ ᱜᱮᱭᱟ ᱢᱟᱱᱮ ᱮᱭᱟᱭ ᱵᱤᱦᱩ (Assamese: সাত বিহু) (seven Bihus) ᱱᱚᱶᱟ ᱯᱚᱨᱚᱵᱽ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱯᱩᱨᱵᱚᱛᱛᱚᱨ ᱯᱚᱱᱚᱛ ᱟᱨ ᱟᱥᱟᱢ ᱨᱮᱠᱚ ᱢᱟᱱᱟᱶᱟ, ᱟᱨ ᱱᱚᱶᱟ ᱫᱚ ᱟᱥᱟᱢᱤᱭᱟ ᱠᱚᱣᱟᱜ ᱱᱟᱶᱟ ᱥᱮᱨᱢᱟ ᱨᱮ ᱦᱩᱭᱩᱜ-ᱟ. ᱱᱚᱶᱟ ᱫᱚ ᱡᱟ.ᱥᱛᱤᱠᱟᱭᱛᱮ ᱮᱯᱨᱤᱞ ᱵᱚᱝᱜᱟ ᱨᱮᱭᱟᱜ ᱫᱚᱥᱟᱨ ᱦᱟᱯᱛᱟ ᱨᱮᱜᱮ ᱯᱟᱲᱟᱜ-ᱟ, ᱱᱟᱜᱟᱢ ᱞᱮᱠᱟᱛᱮ ᱱᱚᱶᱟ ᱫᱚ ᱤᱨ ᱚᱠᱛᱮ ᱠᱟᱱᱟ ᱾ ᱱᱚᱶᱟ ᱯᱚᱨᱚᱵᱽ ᱫᱚ ᱟᱥᱟᱢ ᱨᱮᱱ ᱥᱟᱱᱟᱢ ᱡᱟ.ᱛ ᱠᱚ ᱢᱟᱱᱟᱣ ᱜᱮᱭᱟ ᱟᱨ ᱢᱤᱫ ᱴᱮᱱ ᱡᱩᱢᱤᱫ ᱦᱚᱸᱭ ᱟ.ᱜᱩᱭᱟ ᱾

ᱮᱭᱟᱭ ᱵᱤᱦᱩ

ᱥᱤᱧᱚᱛ ᱫᱤᱥᱟᱢ ᱨᱮ ᱱᱚᱶᱟ ᱯᱚᱨᱚᱵᱽ ᱫᱚ ᱮᱭᱟᱭ ᱢᱟᱦᱟᱸ ᱠᱚ ᱢᱟᱱᱟᱶᱟ, ᱵᱟ.ᱭᱥᱟ.ᱠ ᱵᱚᱝᱜᱟ ᱨᱮᱭᱟᱜ ᱵᱤᱥᱩᱣᱟ ᱥᱚᱝᱠᱨᱟᱱᱛᱤ ᱛᱟᱭᱚᱢ ᱦᱩᱭᱩᱜ-ᱟ ᱥᱮ 'ᱵᱚᱦᱟᱜᱽ' (ᱵᱷᱟᱥᱠᱚᱨ ᱠᱮᱞᱮᱱᱰᱟᱨ). ᱚᱱᱟ ᱯᱮᱭᱟ ᱵᱤᱦᱩ ᱫᱚ ᱦᱩᱭᱩᱜ ᱠᱟᱱᱟ ᱵᱚᱦᱟᱜᱽ ᱵᱤᱦᱩ ᱥᱮ ᱨᱚᱝᱟᱞᱤ ᱵᱤᱦᱩ, ᱠᱟᱛᱤ ᱵᱤᱦᱩ ᱥᱮ ᱠᱚᱝᱟᱞᱤ, ᱟᱨ ᱢᱟᱜᱽ ᱵᱤᱦᱩ ᱥᱮ ᱵᱷᱚᱜᱟᱞᱤ ᱵᱤᱦᱩ. ᱢᱤᱢᱤᱫ ᱯᱚᱨᱚᱵᱽ ᱜᱮ ᱱᱟᱜᱟᱢ ᱞᱮᱠᱟᱛᱮ ᱢᱤᱢᱤᱫ ᱪᱟᱥ ᱩᱯᱟ.ᱨ ᱨᱮ ᱦᱩᱭᱩᱜ ᱠᱟᱱᱟ ᱾[2] ᱨᱚᱝᱟᱞᱤ ᱵᱤᱦᱩ ᱚᱠᱛᱮ ᱨᱮ ᱟᱥᱚᱠᱟᱭᱛᱮ ᱗ ᱜᱚᱴᱟᱝ ᱯᱚᱨᱡᱟᱭ ᱢᱮᱱᱟᱜ-ᱟ : 'ᱪᱚᱴ', 'ᱨᱟᱛᱤ', 'ᱜᱚᱨᱩ', 'ᱢᱟᱱᱩᱦ', 'ᱠᱚᱴᱚᱩᱢ', 'ᱢᱮᱞᱟ' ᱟᱨ 'ᱪᱮᱨᱟ'......

ᱨᱟᱛᱤ ᱵᱤᱦᱩ(ৰাতি বিহু)

ᱞᱟᱦᱟ ᱫᱚ ᱪᱟ.ᱛ ᱵᱚᱝᱜᱟ ᱨᱮᱭᱟᱜ ᱮᱦᱚᱵ ᱨᱮᱜᱮ ᱡᱩᱶᱟ.ᱱ ᱠᱚᱲᱟ ᱠᱩᱲᱤ ᱢᱤᱞᱟ.ᱣ ᱠᱟᱛᱮ "ᱨᱟᱛᱤ ᱵᱤᱦᱩ" ᱢᱟᱱᱟᱣ ᱨᱮᱭᱧᱜ ᱱᱤᱭᱚᱢ ᱛᱟᱦᱮᱸ ᱠᱟᱱᱟ ᱾ ᱟᱫᱚ ᱱᱮᱛᱟᱨ ᱫᱚ ᱪᱟᱵᱟ ᱞᱮᱠᱟ ᱪᱟᱵᱟ ᱟᱠᱟᱱᱟ ᱾ ᱨᱟᱛᱤ ᱵᱤᱦᱩ ᱫᱚ ᱮᱠᱮᱱ ᱡᱩᱶᱟ.ᱱ ᱠᱚᱲᱟ ᱠᱩᱲᱤᱭᱟᱜ ᱵᱤᱦᱩ ᱠᱟᱱᱟ ᱾ ᱡᱩᱶᱟ.ᱱ ᱠᱚᱲᱟ ᱠᱩᱲᱤ ᱢᱤᱞᱟ.ᱣ ᱠᱟᱛᱮ ᱧᱤᱱᱫᱟ. ᱢᱤᱫ ᱟᱠᱷᱲᱟ ᱠᱚ ᱛᱮᱭᱟᱨᱟ ᱟᱨ ᱚᱱᱟ ᱟᱠᱷᱲᱟ ᱨᱮ ᱮᱱᱮᱡ ᱥᱮᱨᱮᱧᱟᱠᱚ ᱟᱨ ᱥᱮᱨᱮᱧ ᱛᱟᱞᱟᱛᱮ ᱫᱩᱞᱟ.ᱲᱤᱭᱟ. ᱴᱷᱮᱱ ᱫᱩᱞᱟ.ᱲ ᱠᱟᱛᱷᱟ ᱠᱚ ᱞᱟ.ᱭ ᱡᱟ.ᱦᱤᱨᱟ ᱾ ᱟᱨ ᱮᱱᱠᱟ ᱛᱮ ᱥᱚᱝᱥᱟᱨᱤᱠ ᱡᱤᱭᱚᱱ ᱦᱚᱸ ᱠᱚ ᱮᱦᱚᱵᱮᱫ ᱛᱟᱦᱮᱱᱟ ᱾ ᱟᱫᱚ ᱱᱮᱛᱟᱨ ᱚᱠᱛᱮ ᱱᱚᱶᱟᱠᱚ ᱱᱤᱭᱚᱢ ᱫᱚ ᱟᱫ ᱞᱮᱠᱟ ᱟᱫ ᱟᱠᱟᱱᱟ ᱾ ᱮᱠᱮᱱ ᱛᱷᱚᱲᱟᱜᱟᱱ ᱡᱟ.ᱛ ᱛᱟᱞᱟᱨᱮ ᱜᱮ ᱢᱮᱱᱟᱜ-ᱟ "ᱜᱚᱥ ᱛᱟᱞᱟᱨ ᱵᱤᱦᱩ" "ᱫᱟᱨᱮ ᱞᱟᱛᱟᱨ ᱨᱮᱭᱟᱜ ᱵᱤᱦᱩ" ᱧᱩᱛᱩᱢ ᱛᱮ ᱾

ᱪᱟ.ᱛ ᱵᱤᱦᱩ(চ'ত বিহু)

ᱱᱚᱶᱟ ᱫᱚ ᱵᱟᱞᱤ ᱦᱩᱥᱚᱨᱤ ᱦᱚᱸ ᱠ ᱢᱮᱛᱟᱜ-ᱟ, ᱱᱚᱶᱟ ᱯᱨᱡᱟᱭ ᱫᱚ ᱪᱟ.ᱛ ᱵᱚᱝᱜᱟ ᱨᱮᱭᱟᱜ ᱫᱚᱥᱟᱨ ᱢᱟᱦᱟᱸ ᱨᱮ ᱦᱩᱭᱩᱜ-ᱟ ᱾ ᱡᱩᱶᱟ.ᱱ ᱠᱚᱲᱟ ᱠᱩᱲᱤ ᱟᱠᱷᱲᱟ ᱠᱚ ᱛᱮᱭᱟᱨᱟ ᱱᱟᱢᱜᱷᱚᱨ ᱨᱟᱪᱟᱨᱮ ᱥᱮ ᱜᱩᱢᱟ.ᱴ ᱠᱚᱨᱮ ᱾

ᱜᱚᱨᱩ ᱵᱤᱦᱩ(গৰু বিহু)

ᱜᱚᱨᱩ ᱵᱤᱦᱩ ᱨᱮᱫᱚ ᱜᱟ.ᱭ ᱠᱟᱰᱟ ᱜᱟᱰᱟ ᱛᱮᱠᱚ ᱤᱫᱤ ᱠᱚᱣᱟ ᱟᱨ ᱫᱟ.ᱵᱨᱟ. ᱥᱟᱯᱷᱟ ᱠᱟᱛᱮ ᱫᱤᱨᱤᱧ ᱠᱚᱨᱮ ᱥᱚᱱᱚᱢ ᱠᱚ ᱚᱡᱚᱜ ᱟᱠᱚᱣᱟ ᱾ ᱟᱨ ᱱᱚᱝᱠᱟ ᱠᱚ ᱥᱮᱨᱮᱧᱟ ᱺ-

                   ᱫᱤᱜᱷᱚᱞᱚᱛᱤᱨ ᱫᱤᱜᱷᱚᱞ ᱯᱟᱛ, ᱜᱚᱨᱩ ᱠᱚᱵᱟᱣ ᱡᱟᱛ ᱡᱟᱛ ᱾
                   ᱢᱟᱨ ᱦᱚᱨᱩ ᱵᱟᱯᱮᱨ ᱦᱚᱨᱩ, ᱛᱚᱭ ᱦᱚᱵᱤ ᱵᱚᱨ ᱜᱚᱨᱩ ᱾
                   ᱞᱟᱣ ᱠᱷᱟ ᱵᱮᱝᱮᱱᱟ ᱠᱷᱟ, ᱵᱚᱥᱚᱨᱮ ᱵᱚᱥᱚᱨᱮ ᱵᱟᱲᱷᱤ ᱡᱟ ᱾

ᱩᱱᱦᱤᱞᱚᱜ ᱜᱮ ᱦᱚᱲ ᱦᱚᱸ ᱥᱟᱥᱟᱝ ᱥᱩᱱᱩᱢ ᱚᱡᱟᱜ ᱠᱟᱛᱮ ᱠᱚ ᱰᱟ.ᱵᱨᱟ. ᱥᱟᱯᱷᱟᱜ-ᱟ ᱾ ᱯᱟ.ᱛᱤᱭᱟ.ᱣ ᱢᱮᱱᱟᱜ-ᱟ ᱡᱮ ᱱᱚᱝᱠᱟ ᱰᱟ.ᱵᱨᱟ. ᱛᱮ ᱨᱩᱣᱟ. ᱦᱟᱥᱚ ᱵᱟᱝ ᱧᱟᱧᱟᱢᱧ ᱢᱮᱱᱛᱮ ᱾ ᱟᱭᱩᱵ ᱵᱮᱞᱟ ᱫᱚ ᱱᱟᱢᱜᱷᱚᱨ ᱨᱮ ᱱᱟᱢ ᱠᱤᱨᱛᱚᱱ ᱠᱚ ᱠᱚᱨᱟᱣᱟ ᱾ ᱟᱨ ᱜᱟ.ᱭ ᱠᱟᱰᱟ ᱠᱚ ᱞᱟ.ᱰᱩ ᱯᱤᱴᱷᱟ ᱠᱚ ᱡᱚᱢ ᱚᱪᱚ ᱠᱚᱣᱟ ᱾

ᱢᱟᱱᱩᱦ ᱵᱤᱦᱩ(মানুহ বিহু)

ᱫᱚᱥᱟᱨ ᱦᱤᱞᱚᱜ ᱫᱚ ᱢᱟᱱᱩᱦ ᱵᱤᱦᱩ ᱢᱟᱱᱮ ᱦᱚᱲ ᱠᱚᱣᱟᱜ ᱵᱤᱦᱩ ᱾ ᱩᱱᱦᱤᱞᱚᱜ ᱫᱚ ᱱᱟᱢᱜᱷᱚᱨ ᱨᱮ ᱨᱟᱡᱚᱠᱤᱭᱟ. ᱱᱟᱢ ᱠᱤᱨᱛᱚᱱ ᱠᱚ ᱠᱚᱨᱟᱣᱟ ᱾