ᱵᱚᱨᱞᱤᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱵᱚᱨᱞᱤᱱ ᱱᱟᱜᱟᱨ

ᱵᱚᱨᱞᱤᱱ ᱫᱚ ᱡᱚᱨᱢᱟᱱ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ ᱾ ᱱᱚᱣᱟ ᱫᱚ ᱡᱚᱨᱸᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱱᱟᱜᱟᱨ ᱠᱟᱱᱟ ᱾ ᱱᱚᱸᱰᱮ ᱓,᱗᱐᱐,᱐᱐᱐ ᱜᱟᱱ ᱦᱚᱲ ᱠᱚ ᱛᱟᱦᱮᱸᱱ ᱠᱟᱱᱟ ᱾ [1] ᱱᱚᱣᱟ ᱱᱟᱜᱟᱨ ᱫᱚ ᱡᱚᱨᱢᱟᱱ ᱨᱮᱱᱟᱜ ᱥᱟᱢᱟᱝ ᱥᱮᱦᱮᱫ ᱯᱟᱦᱴᱟ ᱨᱮ ᱢᱮᱱᱟᱜ-ᱟ ᱾ ᱯᱚᱞᱟᱸᱰ ᱱᱟᱜᱟᱨ ᱠᱷᱚᱱ ᱱᱚᱣᱟ ᱫᱚ ᱯᱟᱪᱷᱮ ᱥᱮᱦᱮᱫ ᱗᱐ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ-ᱟ ᱾ ᱵᱚᱨᱞᱤᱱ ᱨᱮᱱᱟᱜ ᱚᱥᱟᱨ-ᱵᱤᱥᱟᱹᱨ ᱫᱚ ᱘᱙᱑ km2 ᱾ ᱦᱟᱵᱮᱞ ᱜᱟᱰᱟ, ᱫᱟᱦᱢᱮ ᱜᱟᱰᱟ, ᱥᱯᱨᱮ ᱧᱩᱛᱩᱢᱟᱱ ᱜᱟᱰᱟ ᱫᱚ ᱵᱚᱨᱞᱤᱱ ᱨᱮ ᱵᱚᱞᱚ ᱠᱟᱛᱮ ᱞᱤᱸᱡᱤᱱ ᱠᱟᱱᱟ ᱾ ᱱᱚᱸᱰᱮ ᱫᱚ ᱢᱟᱦᱟᱸᱫᱚᱨᱭᱟ ᱞᱮᱠᱟ ᱦᱚᱭ-ᱦᱤᱥᱤᱫ ᱛᱟᱦᱮᱸᱱᱟ ᱾ ᱵᱚᱨᱞᱤᱱ ᱫᱚ ᱟᱭᱢᱟ ᱯᱟᱠᱟ ᱚᱲᱟᱜ ᱮᱢᱟᱱ ᱠᱚᱛᱮ ᱧᱩᱛᱩᱢᱟᱱᱟᱜ ᱜᱷᱟᱨᱚᱸᱡᱽ ᱠᱟᱱᱟ , ᱡᱮᱢᱚᱱ ᱥᱤᱜᱮᱥᱟᱣᱞᱤ (Siegessäule), ᱵᱨᱟᱱᱰᱮᱱ-ᱵᱚᱨᱜᱚᱨ ᱴᱚᱨ (Brandenburger_Tor), ᱨᱤᱪᱥᱴᱟᱜᱽ (Reichstag) ᱟᱨ ᱩᱱᱴᱟᱨ ᱰᱮᱱ ᱞᱤᱱᱰᱮᱱ (Unter_den_Linden) ᱾ ᱵᱚᱨᱞᱤᱱ ᱫᱚ ᱞᱟᱠᱪᱟᱨ, ᱨᱟᱡᱽᱨᱤᱛ, ᱢᱮᱰᱤᱭᱟ ᱟᱨ ᱥᱟᱬᱮᱥ ᱨᱮᱱᱟᱜ ᱡᱮᱜᱮᱛ ᱱᱟᱜᱟᱨ ᱠᱟᱱᱟ ᱾ [2] ᱱᱚᱸᱰᱮ ᱟᱭᱢᱟ ᱴᱮᱠᱱᱚᱞᱚᱡᱤ ᱠᱚᱢᱯᱟᱹᱱᱤ ᱢᱮᱱᱟᱜ-ᱟ ᱾ ᱱᱚᱣᱟ ᱠᱚ ᱫᱚ ᱱᱟᱜᱟᱨ ᱠᱟᱹᱣᱰᱤ-ᱟᱹᱨᱤ ᱞᱟᱹᱜᱤᱫ ᱟᱹᱰᱤ ᱞᱟᱹᱠᱛᱤᱭᱟᱱᱟ ᱾ ᱟᱭᱢᱟ ᱩᱰᱟᱹᱱ ᱜᱟᱹᱰᱤ ᱟᱨ ᱨᱮᱞ ᱜᱟᱹᱰᱤ ᱠᱚ ᱦᱤᱡᱩᱜ ᱥᱮᱱᱚᱜ-ᱟ ᱵᱚᱨᱞᱤᱱ ᱨᱮ ᱜᱚ ᱪᱮᱫᱟᱜ ᱥᱮ ᱧᱩᱛᱩᱢᱟᱱ ᱵᱮᱯᱟᱨ ᱟᱨ ᱧᱮᱞᱡᱚᱝ ᱞᱮᱨᱟᱱ ᱫᱟᱬᱟᱱ ᱴᱷᱟᱶ ᱫᱚ ᱱᱚᱸᱰᱮ ᱜᱮ ᱢᱮᱱᱟᱜ-ᱟ ᱾ [3]

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱚᱨᱞᱤᱱ ᱫᱚ ᱡᱚᱨᱢᱟᱱ ᱨᱮᱱᱟᱜ ᱱᱟᱜᱟᱢᱟᱱᱟᱜ ᱴᱷᱟᱶ ᱠᱟᱱᱟ ᱾ ᱯᱨᱩᱥᱤᱭᱟ ᱨᱤᱱᱤᱡ ᱨᱟᱡᱟ ᱟᱨ ᱡᱚᱨᱢᱟᱱ ᱨᱤᱱᱤᱡ ᱥᱚᱢᱨᱟᱴ ᱫᱚ ᱵᱚᱨᱞᱤᱱ ᱨᱮ ᱠᱤᱱ ᱛᱟᱦᱮᱸ ᱠᱟᱱᱟ ᱾ ᱡᱚᱨᱢᱟᱱ ᱨᱤᱱᱤᱡ ᱥᱚᱨᱠᱟᱨ ᱫᱚ ᱟᱹᱰᱤ ᱫᱤᱱ ᱦᱟᱹᱵᱤᱡ ᱵᱚᱨᱞᱤᱱ ᱨᱮᱜᱮ ᱛᱟᱦᱮᱸ ᱠᱟᱱᱟ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱰᱷᱟᱹᱭ ᱨᱮ ᱟᱭᱢᱟ ᱚᱲᱟᱜ ᱨᱟᱹᱯᱩᱫ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱱᱟᱜᱟᱨ ᱫᱚ ᱵᱟᱨ ᱦᱟᱹᱴᱤᱧ ᱞᱮᱱ ᱛᱟᱦᱮᱸᱫ ᱯᱟᱪᱮ ᱵᱚᱨᱞᱤᱱ (West Berlin ) ᱟᱨ ᱥᱟᱢᱟᱝ ᱵᱚᱨᱞᱤᱱ (East Berlin) ᱞᱮᱠᱟᱛᱮ ᱾ ᱡᱚᱠᱷᱚᱱ ᱑᱙᱖᱑ ᱥᱟᱞᱮ ᱨᱮ ᱵᱚᱨᱞᱤᱱ ᱠᱟᱸᱛ ᱵᱮᱱᱟᱣᱮᱱᱟ ᱟᱹᱰᱤ ᱠᱚᱢ ᱦᱚᱲ ᱜᱮ ᱠᱚ ᱯᱟᱨᱚᱢ ᱚᱪᱚᱣᱟᱠᱚ ᱠᱟᱱ ᱛᱟᱦᱮᱸᱫ ᱦᱟᱱᱟ ᱯᱟᱦᱴᱟ ᱠᱷᱚᱱ ᱱᱚᱣᱟ ᱯᱟᱦᱴᱟ ᱾ ᱱᱚᱣᱟ ᱱᱟᱜᱟᱨ ᱫᱚ ᱑᱙᱘᱙ ᱥᱟᱞᱮ ᱫᱷᱟᱹᱵᱤᱡ ᱦᱟᱹᱴᱤᱧ ᱨᱮᱜᱮ ᱛᱟᱦᱮᱸ ᱠᱟᱱᱟ, ᱚᱱᱟ ᱛᱟᱭᱚᱢ ᱚᱱᱟ ᱫᱚ ᱨᱟᱹᱯᱩᱫ ᱞᱟᱹᱜᱤᱫ ᱠᱚ ᱴᱷᱟᱹᱣᱠᱟᱹ ᱞᱮᱫ ᱛᱟᱦᱮᱸᱫ ᱾

ᱱᱟᱜᱟᱢᱟᱱᱟᱜ ᱜᱷᱚᱴᱚᱱ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  • ᱑᱒᱔᱔ - ᱮᱛᱚᱦᱚᱵ ᱚᱱᱚᱞ ᱵᱚᱨᱞᱤᱱ ᱧᱩᱛᱩᱢ ᱛᱮ ᱾
  • ᱑᱔᱕᱑ - ᱦᱚᱦᱮᱱᱡᱚᱨᱞᱮᱱ ᱜᱷᱟᱨᱚᱡᱽ ᱵᱚᱨᱞᱤᱱ ᱛᱮ ᱠᱚ ᱩᱪᱟᱹᱲ ᱠᱮᱫ-ᱟ ᱾
  • ᱑᱗᱐᱑ - ᱵᱚᱨᱞᱤᱱ ᱫᱚ ᱯᱨᱩᱥᱤᱭᱟ ᱨᱮᱱᱟᱜ ᱨᱟᱡᱽᱜᱟᱲ ᱮᱱᱟ ᱾
  • ᱑᱘᱐᱖ - ᱱᱮᱯᱚᱞᱤᱭᱚᱱ ᱵᱚᱱᱟᱯᱟᱨᱴ ᱨᱤᱱ ᱯᱷᱟᱹᱫᱽ ᱵᱚᱨᱞᱤᱱ ᱠᱚ ᱩᱪᱟᱹᱲᱮᱱᱟ ᱾
  • ᱑᱘᱗᱑ - ᱵᱚᱨᱞᱤᱱ ᱥᱚᱢᱨᱟᱴ ᱟᱡᱟᱜ ᱨᱟᱡᱽᱜᱟᱲ ᱠᱮᱫ-ᱟᱭ ᱾

ᱵᱚᱨᱞᱤᱱ ᱨᱮᱱᱟᱜ ᱢᱩᱱᱥᱤᱯᱟᱞᱴᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

map of the berlin boroughs

᱒᱐᱐᱑ ᱥᱟᱞᱮ ᱨᱮ ᱒᱓ ᱠᱷᱚᱱ ᱑᱒ ᱜᱚᱴᱟᱝ ᱛᱮ ᱵᱚᱫᱚᱞᱮᱱᱟ ᱵᱚᱨᱞᱤᱱ ᱨᱮᱱᱟᱜ ᱢᱩᱱᱥᱤᱯᱟᱞᱴᱤ ᱱᱟᱜᱟᱨ ᱫᱚ, ᱚᱱᱟ ᱠᱚ ᱞᱟᱛᱟᱨ ᱨᱮ ᱚᱱ ᱮᱱᱟ :-

  • ᱪᱟᱨᱞᱚᱴᱮᱱᱵᱚᱨᱜᱽ
  • ᱠᱨᱤᱣᱡᱽᱵᱚᱨᱜᱽ
  • ᱞᱤᱪᱮᱱᱥᱵᱚᱨᱜᱽ
  • ᱢᱟᱨᱡᱟᱱ- ᱦᱮᱞᱮᱨᱥᱰᱚᱨᱯ
  • ᱵᱚᱨᱞᱤᱱ-ᱢᱤᱴᱮ
  • ᱱᱤᱣᱠᱚᱞᱤᱱ
  • ᱯᱟᱱᱠᱚᱣ
  • ᱨᱤᱱᱤᱠᱮᱱᱰᱚᱨᱯ
  • ᱥᱯᱟᱱᱰᱟᱣ
  • ᱥᱴᱮᱜᱽᱞᱤᱡᱽ-ᱡᱮᱦᱞᱮᱱᱰᱚᱨᱯ
  • ᱴᱮᱢᱯᱮᱞᱦᱚᱯ- ᱥᱚᱱᱮᱵᱚᱨᱜᱽ
  • ᱴᱨᱮᱯᱴᱚᱣ-ᱠᱳᱯᱮᱱᱤᱠ

ᱪᱤᱛᱟᱹᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Cite web|url=https://www.statistik-berlin-brandenburg.de/BasisZeitreiheGrafik/Bas-Einwohnerregister.asp?Ptyp=300&Sageb=12041&creg=BBB&anzwer=11%7Ctitle=Amt für Statistik Berlin Brandenburg - Statistiken|website=www.statistik-berlin-brandenburg.de|accessdate=2017-06-25
  2. http://www.mori-m-foundation.or.jp/english/research/project/6/pdf/GPCI2009_English.pdf
  3. Cite news|url=https://www.bloomberg.com/news/articles/2014-09-03/berlin-beats-rome-as-tourist-attraction-as-hordes-descend%7Ctitle=Berlin Beats Rome as Tourist Attraction as Hordes Descend|newspaper=Bloomberg.com|access-date=2017-06-25