ᱵᱚᱨᱠᱷᱟ ᱫᱚᱛᱛᱚ
| ᱵᱚᱨᱠᱷᱟ ᱫᱚᱛᱛᱚ | |
|---|---|
 ᱫᱚᱛᱛᱚ ᱫᱩᱱᱤᱭᱟᱹ ᱠᱟᱹᱣᱰᱤ ᱯᱷᱚᱨᱟᱢ ᱨᱮ, ᱒᱐᱑᱐ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑᱘ ᱰᱤᱥᱮᱢᱵᱚᱨ ᱑᱙᱗᱑
[᱑] ᱱᱟᱶᱟ ᱫᱤᱞᱞᱤ, ᱥᱤᱧᱚᱛ |
| ᱥᱮᱪᱮᱫ | ᱥᱮᱱᱴ ᱥᱴᱮᱯᱷᱟᱱ ᱠᱚᱞᱮᱡᱽ, ᱫᱤᱞᱞᱤ (BA) ᱡᱟᱢᱤᱭᱟ ᱢᱤᱞᱤᱭᱟᱹ ᱤᱥᱞᱟᱢᱤᱭᱟ (MA) ᱠᱚᱞᱚᱢᱵᱚ ᱡᱮᱜᱮᱫ ᱵᱤᱨᱫᱟᱹᱜᱟᱲ (MS) |
| ᱠᱟᱹᱢᱤ | ᱠᱦᱚᱵᱚᱨᱤᱭᱟᱹ |
| ᱠᱟᱹᱢᱤ ᱚᱠᱛᱚ | 1991–present |
| Notable credit(s) | We the People (Indian TV series) The Buck Stops Here |
| ᱥᱤᱨᱯᱷᱟᱹ | ᱯᱚᱫᱽᱢᱚᱥᱨᱤ |
ᱵᱚᱨᱠᱷᱟ ᱫᱚᱛᱛᱚ ᱫᱚ ᱢᱤᱫᱴᱮᱱ ᱥᱤᱧᱚᱛᱤᱭᱟᱹ ᱴᱮᱞᱤᱵᱦᱤᱥᱚᱱ ᱠᱷᱚᱵᱚᱨᱤᱭᱟᱹ, ᱚᱱᱚᱞᱤᱭᱟᱹ ᱟᱨ ᱠᱷᱚᱵᱚᱨ ᱡᱚᱜᱟᱲᱤᱡ ᱠᱟᱱᱟᱭ᱾ ᱱᱟᱦᱟᱜ ᱫᱚ ᱩᱱᱤ ᱛᱤᱨᱟᱝᱜᱟ ᱴᱤᱹᱵᱷᱤᱹ ᱨᱮᱭ ᱠᱟᱹᱢᱤ ᱠᱟᱱᱟ᱾ ᱱᱤᱭᱟᱹ ᱢᱟᱲᱟᱝ ᱩᱱᱤ ᱫᱚ ᱮᱱᱹᱰᱤᱹᱴᱤᱹᱵᱷᱤᱹ ᱥᱟᱶ ᱡᱚᱲᱟᱣᱮ ᱛᱟᱦᱮᱸᱠᱟᱱᱟ᱾ ᱒᱐᱑᱗ ᱥᱮᱨᱢᱟ ᱨᱮ ᱮᱱᱹᱰᱤᱹᱴᱤᱹᱵᱷᱤᱹ ᱠᱷᱚᱱ ᱫᱚᱭ ᱚᱰᱚᱠ ᱦᱮᱡ ᱞᱮᱱᱟ᱾ ᱑᱙᱙᱙ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱟᱨ ᱯᱟᱠᱤᱥᱛᱟᱱ ᱛᱟᱞᱟ ᱨᱮ ᱦᱩᱭ ᱞᱮᱱ ᱠᱟᱨᱜᱤᱞ ᱞᱟᱹᱲᱦᱟᱹᱭ ᱨᱮ ᱯᱷᱨᱚᱱᱴᱞᱟᱭᱤᱱ ᱣᱟᱨ ᱨᱤᱯᱚᱨᱴᱤᱝ ᱦᱚᱛᱮᱛᱮ ᱪᱟᱨᱪᱟ ᱨᱮ ᱦᱮᱡ ᱞᱮᱱᱟ᱾ ᱟᱹᱰᱤ ᱟᱭᱢᱟ ᱡᱟᱹᱛᱨᱤᱭᱟᱹ ᱟᱨ ᱡᱮᱦᱮᱫ ᱡᱟᱠᱟᱛ ᱥᱤᱨᱯᱟᱹᱭ ᱦᱟᱢᱮᱴ ᱟᱠᱟᱫ ᱵᱚᱨᱠᱷᱟ ᱫᱚ ᱒᱐᱐᱘ ᱥᱮᱨᱢᱟ ᱨᱮ ᱥᱤᱧᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱫᱤᱥᱣᱟᱹ ᱥᱤᱨᱯᱟᱹ ᱯᱚᱫᱽᱢᱚᱥᱨᱤ ᱢᱟᱱᱚᱛᱮ ᱦᱟᱢᱮᱴ ᱟᱠᱟᱫᱟ᱾ ᱮᱱᱹᱰᱤᱹᱴᱤᱹᱵᱷᱤᱹ ᱨᱮ ᱩᱱᱤ ᱫᱚ ᱪᱟᱹᱞᱛᱤ ᱴᱚᱠ ᱥᱚᱣ ᱫᱽᱭᱚ ᱯᱤᱯᱚᱞ ᱟᱨ ᱯᱨᱟᱭᱤᱢ ᱴᱟᱭᱤᱢ ᱨᱮᱭᱟᱜ ᱫᱟ ᱣᱟᱠ ᱥᱴᱚᱯᱥ ᱦᱤᱭᱟᱨᱟᱨ ᱨᱮᱭᱟᱜ ᱠᱚᱨᱛᱟ ᱫᱷᱚᱨᱛᱟᱭ ᱛᱟᱦᱮᱸᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱗᱑ ᱥᱮᱨᱢᱟ ᱨᱮᱭᱟᱜ ᱑᱘ ᱰᱤᱥᱮᱢᱵᱚᱨ ᱢᱟᱹᱦᱤᱛ ᱦᱤᱞᱚᱜ ᱱᱟᱶᱟ ᱫᱤᱞᱞᱤ ᱨᱮ ᱵᱚᱨᱠᱷᱟ ᱫᱚᱭ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱟᱡ ᱵᱟᱵᱟᱣᱟᱜ ᱧᱩᱛᱩᱢ ᱫᱚ ᱮᱥᱹᱯᱤᱹ ᱫᱚᱛᱛᱚ ᱮᱭᱟᱨ ᱤᱱᱰᱤᱭᱟ ᱨᱮ ᱟᱹᱢᱟᱹᱞᱤᱭᱟᱹ ᱟᱨ ᱜᱚᱜᱚ ᱫᱚ ᱯᱨᱚᱵᱷᱟ ᱫᱚᱛᱛᱚ ᱦᱤᱱᱫᱩᱥᱛᱟᱱ ᱴᱟᱭᱤᱢ ᱨᱮ ᱠᱷᱚᱵᱚᱨᱤᱭᱟᱹ᱾ ᱵᱚᱨᱠᱷᱟ ᱫᱚ ᱟᱡ ᱜᱚᱜᱚ ᱯᱟᱥᱴᱟ ᱠᱷᱚᱱ ᱜᱮ ᱠᱷᱚᱵᱚᱨᱤᱭᱟᱹ ᱱᱟᱠᱷᱟ ᱫᱚᱭ ᱟᱠᱚᱨᱥᱚᱱ ᱞᱮᱱᱟ᱾ ᱩᱱᱤ ᱢᱤᱥᱨᱟ ᱵᱟᱦᱟᱨ ᱫᱚᱛᱛᱚ ᱦᱚᱸ ᱢᱤᱫᱴᱮᱱ ᱴᱮᱞᱤᱵᱦᱤᱥᱚᱱ ᱠᱦᱚᱵᱚᱨᱤᱭᱟᱹ ᱠᱟᱱ ᱜᱮᱭᱟᱭ ᱟᱨ ᱩᱱᱤ ᱫᱤᱚ ᱥᱤᱹᱮᱱᱹᱮᱱᱹ ᱟᱭᱹᱵᱤᱹᱮᱱᱹ ᱨᱮᱭ ᱠᱟᱹᱢᱤ ᱠᱟᱱᱟ᱾ ᱩᱱᱤ ᱫᱚ ᱟᱡ ᱱᱟᱥᱛᱤᱠ ᱢᱮᱱᱛᱮᱭ ᱞᱟᱹᱭᱩᱜ-ᱟ᱾ ᱩᱱᱤ ᱫᱚ ᱭᱩᱱᱤᱯᱦᱚᱨᱢ ᱥᱤᱶᱤᱞ ᱠᱳᱰᱮ ᱵᱟᱹᱥᱩᱛᱟᱜ-ᱟ᱾ ᱩᱱᱤ ᱫᱚ ᱫᱤᱞᱞᱤ ᱨᱮᱭᱟᱜ ᱥᱮᱱᱴ ᱥᱴᱮᱯᱷᱟᱱ ᱠᱚᱞᱮᱡᱽ ᱠᱷᱚᱱ ᱥᱱᱟᱛᱚᱠ ᱰᱤᱜᱽᱨᱤ ᱦᱟᱢᱮᱴ ᱟᱠᱟᱫᱟ᱾ ᱤᱱᱟᱹ ᱩᱱᱤ ᱫᱚ ᱡᱟᱢᱤᱭᱟᱹ ᱢᱤᱞᱤᱭᱟ ᱤᱥᱞᱟᱢᱤᱭᱟᱹ ᱠᱷᱚᱱ ᱢᱟᱥ ᱠᱚᱢᱩᱱᱤᱠᱮᱥᱚᱱ ᱛᱮ ᱮᱢᱹᱮᱹ ᱰᱤᱜᱽᱨᱤ ᱦᱟᱢᱮᱴ ᱟᱠᱟᱫᱟ᱾
ᱠᱟᱹᱢᱤ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤ ᱫᱚ ᱮᱱᱹᱰᱤᱹᱴᱤᱹᱵᱷᱤᱹ ᱦᱚᱛᱮᱛᱮ ᱠᱷᱚᱵᱚᱨᱤᱭᱟᱹ ᱠᱟᱹᱢᱤ ᱨᱮ ᱫᱚᱭ ᱵᱚᱞᱚ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱮᱱᱹᱰᱤᱹᱴᱤᱹᱵᱷᱤᱹ ᱨᱮᱭᱟᱜ ᱤᱝᱨᱟᱹᱡᱤ ᱠᱷᱚᱵᱚᱨ ᱣᱤᱝ ᱨᱮᱱ ᱢᱩᱠᱷᱭᱟᱹᱭ ᱦᱩᱭ ᱞᱮᱱᱟ᱾ ᱑᱙᱙᱙ ᱥᱮᱨᱢᱟ ᱨᱮᱭᱟᱜ ᱠᱟᱨᱜᱤᱞ ᱞᱟᱹᱲᱦᱟᱹᱭ ᱚᱠᱛᱮ ᱨᱮ ᱠᱟᱯᱛᱟᱱ ᱵᱤᱠᱨᱚᱢ ᱵᱟᱛᱨᱟ ᱥᱟᱶ ᱠᱩᱠᱞᱤ ᱨᱚᱯᱚᱲ ᱦᱚᱛᱮᱴᱮ ᱱᱮ ᱦᱚᱲ ᱴᱷᱮᱱᱮ ᱵᱟᱰᱟᱭ ᱚᱪᱚ ᱞᱮᱱᱟ᱾ᱤᱱᱟᱹ ᱛᱟᱭᱚᱢ ᱠᱟᱹᱥᱢᱤᱨ, ᱯᱟᱠᱤᱥᱛᱟᱱ, ᱟᱯᱷᱜᱟᱱᱤᱥᱛᱟᱱ ᱟᱨ ᱤᱨᱟᱠ ᱨᱮᱭᱟᱜ ᱦᱟᱰᱨᱟᱯᱤᱭᱟᱹ ᱚᱨᱥᱚᱝ ᱡᱟᱭᱜᱟ ᱠᱷᱚᱱ ᱠᱷᱚᱵᱚᱨ ᱛᱩᱢᱟᱹᱞᱮ ᱮᱦᱚᱵ ᱞᱮᱱᱟ᱾
ᱢᱟᱱ ᱢᱟᱱᱚᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱨᱠᱷᱟ ᱫᱚᱛᱛᱚᱭᱟᱜ ᱥᱤᱝᱜᱮ ᱢᱟᱦᱟ ᱨᱮᱭᱟᱜ ᱴᱚᱠ ᱥᱚᱣ ᱢᱤᱫ ᱞᱮᱛᱟᱲ ᱢᱚᱬᱮ ᱫᱷᱟᱣ ᱥᱚᱨᱮᱥ ᱴᱚᱠ ᱥᱚᱣ ᱨᱮᱛᱟᱜ ᱥᱤᱨᱯᱷᱟᱹ ᱥᱤᱧᱚᱤᱭᱟᱹ ᱴᱮᱞᱤᱵᱷᱤᱥᱚᱱ ᱮᱠᱮᱫᱮᱢᱤ ᱥᱤᱨᱯᱷᱟᱹᱭ ᱦᱟᱢᱮᱴ ᱟᱠᱟᱫᱟ᱾ ᱒᱐᱑᱒ ᱥᱮᱨᱢᱟ ᱨᱮ ᱩᱱᱤ ᱫᱚ ᱮᱥᱚᱥᱤᱭᱮᱥᱚᱱ ᱚᱯᱷ ᱤᱱᱴᱟᱨᱱᱮᱥᱚᱱᱟᱞ ᱵᱨᱚᱰᱠᱟᱥᱴᱤᱝ ᱯᱟᱥᱴᱟ ᱥᱮᱡ ᱠᱷᱚᱱ "ᱥᱚᱨᱮᱥ ᱴᱤ.ᱵᱷᱤ. ᱵᱮᱠᱛᱤᱛᱛᱚ" ᱨᱮᱭᱟᱜ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱟ᱾ ᱩᱱᱤ ᱫᱚ ᱒᱐᱐᱙ ᱥᱮᱨᱢᱟ ᱨᱮ ᱥᱤ. ᱮᱭᱪ. ᱢᱳᱦᱩᱢᱚᱫᱽ ᱠᱚᱭᱟ ᱡᱟᱹᱛᱨᱤᱭᱟᱹ ᱥᱟᱝᱵᱟᱫᱤᱠ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱟ᱾ ᱒᱐᱐᱘ ᱥᱮᱨᱢᱟ ᱨᱮ ᱩᱱᱤ ᱫᱚ ᱤᱱᱰᱤᱭᱟᱱ ᱱᱤᱣᱩᱥ ᱵᱨᱚᱰᱠᱟᱥᱴᱤᱝ ᱨᱮᱭᱟᱜ ᱥᱚᱨᱮᱥ ᱵᱩᱫᱟᱱ ᱠᱷᱚᱵᱚᱨ ᱟᱠᱷᱲᱟ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱟ᱾ ᱤᱱᱟᱹ ᱥᱟᱶᱛᱮ ᱩᱱᱤ ᱫᱚ ᱒᱐᱐᱗ ᱥᱮᱨᱢᱟ ᱨᱮ ᱠᱚᱢᱚᱱᱣᱮᱞᱛᱷ ᱵᱨᱚᱰᱠᱟᱥᱴᱤᱝ ᱮᱥᱚᱥᱤᱭᱮᱥᱚᱱ ᱨᱮᱭᱟᱜ ᱠᱷᱚᱵᱚᱨᱤᱭᱟᱹ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱟ᱾
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Fr. Francis M Peter; Carlyle Mcfarland; M Lazer Selva; Illa Vij; Aparna Ghosh Dastidar. Grammar & More 8. Ratna Sagar. p. 143. ISBN 978-81-8332-460-1.ᱪᱷᱟᱸᱪ:Unreliable source