ᱵᱚᱪᱤᱱᱫᱽᱨᱤ ᱯᱟᱞ
ᱵᱚᱪᱤᱱᱫᱽᱨᱤ ᱯᱟᱞ (ᱤᱝᱨᱟᱹᱡᱤᱺ Bachendri Pal; ᱡᱟᱱᱟᱢᱺ ᱒᱔ ᱢᱮᱹ ᱑᱙᱕᱔) ᱫᱚ ᱢᱤᱫᱴᱮᱱ ᱥᱤᱧᱚᱛᱤᱭᱟᱹ ᱵᱩᱨᱩ ᱫᱮᱡᱚᱜ-ᱤᱡ ᱠᱟᱱᱟᱭ, ᱚᱠᱚᱭ ᱫᱚ ᱑᱙᱖᱔ ᱥᱮᱨᱢᱟ ᱨᱮ ᱯᱟᱹᱦᱤᱞ ᱥᱤᱧᱚᱛ ᱫᱤᱥᱚᱢ ᱨᱮᱱ ᱢᱟᱭᱡᱤᱣ ᱢᱟᱣᱩᱱᱴᱮᱭᱱ ᱵᱩᱨᱩ ᱫᱮᱡᱚᱜ-ᱤᱡ-ᱮ ᱵᱤᱠᱟᱹᱣ ᱞᱮᱱᱟ| ᱩᱱᱤ ᱫᱚ ᱒᱐᱑᱙ ᱥᱮᱨᱢᱟ ᱨᱮ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱡᱚᱛᱚ ᱠᱷᱚᱱ ᱛᱮᱥᱟᱨ ᱢᱟᱨᱟᱝ ᱢᱟᱱᱚᱛ ᱯᱚᱫᱽᱢᱚ ᱵᱷᱩᱥᱟᱱ ᱛᱮ ᱥᱤᱧᱚᱛ ᱥᱚᱨᱠᱟᱨᱮ ᱴᱷᱮᱱᱮ ᱢᱟᱱᱚᱛ ᱚᱪᱚ ᱞᱮᱱᱟ|
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱚᱪᱤᱱᱫᱽᱨᱤ ᱯᱟᱞ ᱫᱚ ᱢᱤᱫᱴᱮᱱ ᱵᱷᱩᱴᱤᱭᱟᱹ ᱜᱷᱟᱨᱚᱧᱡᱽ ᱨᱮᱭᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱭᱟᱜ ᱩᱛᱛᱟᱹᱨᱟᱠᱷᱳᱱᱰ ᱯᱚᱱᱚᱛ ᱨᱮᱭᱟᱜ ᱩᱛᱟᱹᱨᱟᱠᱥᱷᱤ ᱦᱚᱱᱚᱛ ᱨᱮᱭᱟᱜ ᱱᱟᱠᱩᱨᱤ ᱟᱹᱛᱩ ᱨᱮ ᱒᱔ ᱢᱮᱹ ᱑᱙᱕᱔ ᱢᱟᱹᱦᱤᱛ ᱦᱤᱞᱚᱜ-ᱮ ᱡᱟᱱᱟᱢ ᱞᱮᱱᱟ| ᱩᱱᱤ ᱨᱮᱱ ᱟᱯᱟᱛ ᱛᱮᱜ ᱟᱜ ᱧᱩᱛᱩᱢ ᱫᱚ ᱥᱨᱤ ᱠᱨᱤᱥᱱᱟ ᱯᱟᱞ ᱟᱨ ᱮᱝᱟᱜᱛ ᱴᱮᱫ ᱟᱜ ᱧᱩᱛᱩᱢ ᱫᱚ ᱦᱟᱱᱥᱟ ᱫᱮᱵᱤ ᱛᱟᱦᱮᱸᱠᱟᱱᱟ| ᱩᱱᱠᱩ ᱫᱚ ᱢᱚᱬᱮ ᱵᱚᱭᱦᱟ ᱢᱤᱥᱨᱟ ᱠᱚ ᱛᱟᱦᱮᱸᱠᱟᱱᱟ| ᱩᱱᱤ ᱟᱡ ᱵᱟᱵᱟ ᱫᱚ ᱥᱤᱧᱚᱛ - ᱛᱤᱵᱚᱛ ᱱᱤᱢᱟᱹ ᱨᱮ ᱥᱤᱧᱚᱛ ᱠᱦᱚᱱ ᱛᱤᱵᱚᱛ ᱛᱮ ᱜᱟᱞᱟᱢᱟᱞ ᱫᱚᱠᱟᱱ ᱡᱤᱱᱤᱥ ᱠᱚᱭ ᱯᱟᱨᱚᱢ ᱵᱟᱲᱟᱭᱮᱫ ᱠᱟᱱ ᱛᱟᱦᱮᱸᱠᱟᱱᱟ| ᱩᱱᱤ ᱫᱚ ᱢᱟᱣᱩᱱᱴ ᱮᱵᱦᱟᱨᱮᱥᱴ ᱡᱤᱛᱠᱟᱹᱨᱤᱭᱟᱹ ᱴᱮᱱᱡᱤᱝ ᱱᱚᱨᱜᱮ ᱟᱨ ᱮᱰᱢᱩᱱᱰ ᱦᱤᱞᱟᱨᱤ ᱮᱵᱷᱟᱨᱮᱥᱴ ᱨᱮ ᱫᱮᱡᱚᱜ ᱢᱤᱰ ᱥᱮᱨᱢᱟ ᱯᱩᱨᱟᱹᱣ ᱢᱚᱢᱮ ᱢᱟᱦᱟ ᱢᱟᱲᱟᱝ ᱩᱱᱤᱭᱟᱜ ᱡᱟᱱᱟᱢ ᱦᱚᱭ ᱞᱮᱱᱟ| ᱩᱱᱤ ᱫᱚ ᱰᱤᱹ ᱮᱹ ᱵᱷᱤᱹ ᱯᱚᱥᱴ ᱜᱽᱨᱮᱡᱩᱣᱮᱴ ᱠᱚᱞᱮᱡᱽ ᱰᱮᱦᱨᱟᱫᱩᱱ ᱠᱦᱚᱱ ᱮᱢᱹ ᱮᱹ ᱟᱨ ᱵᱤᱹ ᱮᱰᱹ ᱰᱤᱜᱽᱨᱤ ᱫᱚᱭ ᱦᱟᱛᱟᱣ ᱞᱮᱫᱟ| ᱩᱱᱤ ᱫᱚ ᱑᱒ ᱥᱮᱨᱢᱟ ᱩᱢᱮᱨ ᱠᱷᱚᱱ ᱜᱮ ᱵᱩᱨᱩ ᱫᱮᱡᱚᱜ ᱤᱛᱩᱱ ᱫᱚᱭ ᱧᱟᱢ ᱞᱮᱫᱟ, ᱥᱟᱶᱛᱮ ᱟᱡ ᱨᱮᱱ ᱜᱟᱴᱮ ᱠᱚ ᱦᱚᱸ|