ᱵᱟᱝᱜᱤᱨᱤᱯᱳᱥᱤ ᱵᱽᱞᱚᱠ

ᱵᱟᱝᱜᱤᱨᱤᱯᱳᱥᱤ(ବାଙ୍ଗିରିପୋଷି/Bangiriposi): ᱳᱰᱤᱥᱟ ᱯᱚᱱᱚᱛ ᱢᱭᱩᱨᱵᱷᱸᱡᱽ ᱦᱚᱱᱚᱛ ᱨᱮᱱᱟᱜ ᱒᱖ ᱜᱚᱴᱟᱝ ^[᱑]ᱵᱽᱞᱚᱠ ᱠᱷᱚᱱ ᱢᱤᱫ ᱴᱟᱝ ᱵᱽᱞᱚᱠ ᱦᱩᱭᱩᱜ ᱠᱟᱱᱟ ᱵᱟᱝᱜᱤᱨᱤᱯᱳᱥᱤ ᱵᱽᱞᱚᱠ ᱾ ᱵᱟᱝᱜᱤᱨᱤᱯᱳᱥᱤ ᱵᱽᱞᱚᱠ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱢᱚᱭᱩᱨᱵᱷᱚᱸᱡᱽ ᱨᱮᱱᱟᱜ ᱢᱩᱠᱷᱤᱭᱟᱹ ᱥᱚᱫᱚᱨ ᱵᱟᱨᱤᱯᱚᱫᱟ ᱠᱷᱚᱱ ᱓᱕ᱹ᱙ ᱠᱤᱞᱚᱢᱤᱴᱚᱨ ᱮᱛᱚᱢ ᱨᱮ ᱢᱮᱱᱟᱜ-ᱟ ᱾ ᱵᱟᱨᱤᱯᱚᱫᱟ ᱠᱷᱚᱱ ᱑᱘ ᱱᱚᱢᱵᱚᱨ ᱡᱟᱹᱛᱤᱭᱟᱹᱨᱤ ᱰᱟᱦᱟᱨᱛᱮ ᱒᱔ᱹ᱒ ᱠᱤᱞᱚᱢᱤᱴᱚᱨ ᱠᱚᱲᱟᱵᱟᱰᱤᱭᱟ ᱫᱷᱟᱹᱵᱤᱡ ᱥᱮᱱ ᱟᱛᱮ ᱚᱱᱰᱮ ᱠᱷᱚᱱ ᱞᱮᱸᱜᱟ ᱯᱟᱦᱴᱟ ᱯᱚᱛᱷᱩᱨᱤ - ᱥᱤᱢᱲᱟ ᱰᱟᱦᱟᱨ ᱥᱟᱵ ᱞᱮᱠᱷᱟᱱ ᱑᱕ ᱠᱤᱞᱚᱢᱤᱴᱚᱨ ᱛᱟᱭᱚᱢ ᱵᱟᱝᱜᱤᱨᱤᱯᱳᱥᱤ ᱧᱟᱢᱚᱜ-ᱟ ᱾ ᱵᱟᱞᱮᱥᱚᱨ ᱠᱷᱚᱱ ᱢᱤᱫ ᱦᱚᱲ ᱵᱟᱨᱤᱯᱚᱫᱟ ᱥᱮᱴᱮᱨ ᱦᱩᱭ ᱟᱭᱟ ᱚᱱᱰᱮ ᱠᱷᱚᱱ ᱵᱟᱝᱜᱤᱨᱤᱯᱚᱥᱤ ᱦᱮᱡ ᱦᱩᱭ ᱟᱭᱟ ᱾ ᱴᱨᱮᱱ ᱛᱮ ᱵᱟᱝᱜᱤᱨᱤᱯᱚᱥᱤ ᱥᱮᱴᱮᱨᱚᱜ ᱞᱟᱹᱜᱤᱫ ᱵᱟᱨᱭᱟ ᱴᱨᱮᱱ ᱪᱟᱹᱞᱩᱜ ᱠᱟᱱᱟ ᱢᱤᱫᱴᱟᱝ ᱫᱚ ᱵᱷᱩᱵᱚᱱᱮᱥᱣᱚᱨ -ᱵᱟᱝᱜᱤᱨᱤᱯᱳᱥᱤ ᱥᱩᱯᱚᱨᱯᱷᱟᱥᱴ ᱮᱠᱥᱯᱨᱮᱥ ᱟᱨ ᱢᱤᱫ ᱫᱚ ᱵᱟᱞᱮᱥᱚᱨ -ᱵᱟᱝᱜᱤᱨᱤᱯᱳᱥᱤ ᱰᱤ ᱮᱢ ᱭᱩ ᱾ ᱵᱮᱸᱜᱚᱞ ᱯᱟᱥᱴᱟ ᱨᱤᱱ ᱥᱟᱸᱜᱷᱟᱨᱤᱭᱟᱹ ᱨᱩᱯᱥᱟᱹ ᱫᱷᱟᱹᱵᱤᱡ ᱦᱮᱡ ᱟᱛᱮ ᱱᱚᱣᱟ ᱵᱟᱱᱟᱨ ᱴᱨᱮᱱ ᱠᱚ ᱥᱟᱵ ᱫᱟᱲᱮᱭᱟᱜ-ᱟ ᱾ ᱡᱷᱟᱨᱠᱟᱸᱰ ᱯᱚᱱᱚᱛ ᱨᱮᱱᱟᱜ ᱡᱟᱢᱥᱮᱫ ᱯᱩᱨ ᱴᱟᱴᱟ ᱮᱢᱟᱱ ᱠᱷᱚᱱ ᱦᱤᱡᱩᱜ ᱠᱷᱟᱱ ᱨᱟᱭᱨᱚᱸᱜᱽᱯᱩᱨ ᱥᱮᱫ ᱛᱮ ᱵᱤᱥᱩᱭ ᱠᱷᱚᱱ ᱞᱮᱸᱜᱟ ᱯᱟᱦᱴᱟ ᱵᱟᱵᱚᱱ ᱜᱷᱟᱴᱤ ᱯᱟᱨᱚᱢ ᱞᱮᱠᱷᱟᱱ ᱵᱟᱝᱜᱤᱨᱤᱯᱳᱥᱤ ᱧᱟᱢᱚᱜ-ᱟ ᱾ ᱠᱚᱲᱚᱜᱽᱯᱩᱨ ᱠᱷᱚᱱ ᱢᱤᱫ ᱦᱚᱲ ᱮ ᱦᱟᱹᱡᱩᱜ ᱠᱷᱟᱱ ᱔᱙ ᱱᱚᱢᱵᱚᱨ ᱡᱟᱹᱛᱤᱭᱟᱹᱨᱤ ᱰᱟᱦᱟᱨ ᱛᱮ ᱵᱚᱦᱚᱲᱟᱜᱩᱰᱟ ᱠᱷᱚᱱ ᱞᱮᱸᱜᱟ ᱯᱟᱦᱴᱟ ᱵᱚᱢᱵᱮ ᱪᱷᱚᱠ ᱵᱟᱝ ᱡᱷᱟᱨᱯᱳᱠᱷᱚᱨᱤᱭᱟ ᱫᱷᱟᱹᱵᱤᱡ ᱑᱘ ᱱᱚᱢᱵᱚᱨ ᱡᱟᱹᱛᱤᱭᱟᱹᱨᱤ ᱰᱟᱦᱟᱨ ᱥᱟᱵ ᱦᱩᱭᱩᱜ -ᱟ ᱚᱱᱰᱮᱠᱷᱚᱱ ᱟᱨ ᱦᱚᱸ ᱡᱚᱡᱚᱢ ᱯᱟᱥᱴᱟ ᱑᱒ ᱠᱤᱞᱚᱢᱤᱴᱚᱨ ᱪᱟᱞᱟᱣ ᱞᱮᱱᱠᱷᱟᱱ ᱵᱟᱝᱜᱤᱨᱤᱯᱳᱥᱤ ᱧᱟᱢᱚᱜ-ᱟ ᱾

ᱥᱤᱢᱟᱹ

ᱵᱟᱝᱜᱤᱨᱤᱯᱚᱥᱤ ᱵᱽᱞᱚᱠ ᱨᱮᱱᱟᱜ ᱥᱤᱢᱟᱹ ᱟᱭᱛᱟᱱ ᱫᱚ ᱒᱒᱒ᱹ᱒᱓ km² ᱠᱟᱱᱟ ^[᱒]᱾ ᱵᱟᱝᱜᱤᱨᱤᱯᱳᱥᱤ ᱵᱽᱞᱚᱠ ᱨᱮᱱᱟᱜ ᱥᱟᱢᱟᱝ ᱨᱮ ᱵᱚᱰᱚᱥᱟᱦᱤ ᱟᱨ ᱜᱳᱯᱚᱵᱚᱱᱫᱷᱩᱱᱚᱜᱚᱨ ᱵᱽᱞᱚᱠ ᱢᱮᱱᱟᱜ-ᱟ ,ᱮᱛᱚᱢ ᱨᱮ ᱵᱚᱰᱚᱥᱟᱦᱤ ᱟᱨ ᱥᱟᱢᱟᱵᱟᱝᱜᱤᱨᱤᱯᱳᱥᱤ ᱵᱽᱞᱚᱠ ᱢᱮᱱᱟᱜ-ᱟ , ᱯᱟᱪᱮᱨᱮ ᱥᱟᱢᱟᱵᱟᱝᱜᱤᱨᱤᱯᱳᱥᱤ ᱟᱨ ᱩᱫᱚᱲᱟ ᱵᱽᱞᱚᱠ ᱢᱮᱱᱟᱜ-ᱟ ᱟᱨ ᱠᱚᱸᱡᱮ ᱨᱮ ᱜᱳᱯᱚᱵᱚᱱᱫᱷᱩᱱᱚᱜᱚᱨ ᱟᱨ ᱩᱫᱚᱲᱟ ᱵᱽᱞᱚᱠ ᱢᱮᱱᱟᱜ-ᱟ ᱾ ^[᱓]

ᱞᱮᱠᱷᱟᱠᱚ

᱒᱐᱑᱑ ᱨᱮᱱᱟᱜ ᱦᱚᱲ ᱮᱞ ᱞᱮᱠᱟᱛᱮ ᱱᱚᱣᱟ ᱵᱽᱞᱚᱠ ᱨᱮ ᱑᱓᱒ ᱜᱚᱴᱟᱝ ᱟᱹᱛᱩ ᱟᱨ ᱑᱔ ᱜᱚᱴᱟᱝ ᱜᱨᱟᱢᱯᱚᱸᱪᱟᱭᱚᱛ ᱢᱮᱱᱟᱜ-ᱟ ᱾ ᱵᱽᱞᱚᱠ ᱨᱮ ᱑᱗,᱕᱕᱐ ᱚᱲᱟᱜ ᱢᱮᱱᱟᱜ-ᱟ ᱾ ᱱᱚᱣᱟ ᱵᱽᱞᱚᱠ ᱨᱮ ᱗᱔,᱑᱕᱕ ᱦᱚᱲ ᱢᱮᱱᱟᱜ ᱠᱚᱣᱟ ᱚᱱᱟ ᱢᱩᱫ ᱨᱮ ᱠᱚᱲᱟ ᱠᱚ ᱦᱩᱭᱩᱜ ᱠᱟᱱᱟ ᱓᱖,᱔᱖᱖ ᱟᱨ ᱠᱩᱲᱤ ᱠᱚ ᱦᱩᱭᱩᱜ ᱠᱟᱱᱟ ᱓᱗,᱖᱘᱙᱾ ᱱᱚᱰᱮ ᱨᱮᱱ ᱡᱚᱛᱚ ᱵᱟᱹᱥᱤᱸᱫᱟ ᱟᱹᱛᱩ ᱨᱤᱱ ᱠᱟᱱᱟ ᱠᱚ ^[᱔]᱾

ᱟᱹᱢᱟᱹᱞᱤ

ᱵᱟᱝᱜᱤᱨᱤᱯᱳᱥᱤ ᱨᱮᱱᱟᱜ ᱵᱽᱞᱚᱠ ᱫᱚ ᱵᱟᱝᱜᱤᱨᱤᱯᱳᱥᱤᱹ ᱟᱨ ᱛᱚᱦᱚᱥᱤᱞ ᱫᱚ ᱵᱟᱨ ᱰᱟᱸᱜᱩᱣᱟ ᱵᱟᱝᱜᱤᱨᱤᱯᱳᱥᱤ ᱨᱮ ᱢᱮᱱᱟᱜ-ᱟ ᱾ ᱵᱟᱝᱜᱤᱨᱤᱯᱳᱥᱤ ᱛᱚᱦᱚᱥᱤᱞ ᱨᱮ ᱗ ᱜᱚᱴᱟᱝ ᱟᱨ ᱟᱭᱤ ᱢᱚᱱᱰᱚᱲ ᱢᱮᱱᱟᱜ-ᱟ ᱡᱮᱢᱚᱱ ᱵᱟᱝᱜᱤᱨᱤᱯᱳᱥᱤ, ᱰᱩᱠᱨᱟ, ᱵᱟᱥᱤᱯᱤᱴᱷᱟ, ᱵᱷᱳᱲᱟᱜᱚᱰᱤᱭᱟ, ᱵᱚᱰᱚᱯᱚᱛᱷᱚᱨᱚ,ᱵᱚᱰᱚᱯᱷᱮᱬᱤ, ᱟᱨ ᱵᱤ ᱥᱤ ᱵᱩᱨ ᱾ ^[᱕]᱾ ᱵᱽᱞᱚᱠ ᱨᱮ ᱵᱟᱝᱜᱤᱨᱤᱯᱳᱥᱤ ᱨᱮᱜᱮ ᱢᱤᱫᱴᱟᱝ ᱛᱷᱟᱱᱟ ᱢᱮᱱᱟᱜ-ᱟ ^[᱖] ᱾ ᱵᱟᱝᱜᱤᱨᱤᱯᱳᱥᱤ ᱨᱮᱱᱟᱜ ᱰᱩᱠᱩᱨᱟ ᱨᱮ ᱢᱤᱫ ᱜᱩᱥᱴᱤ ᱰᱟᱠᱛᱚᱨᱠᱷᱟᱱᱟ ᱢᱮᱱᱟᱜ-ᱟ ^[᱗] ᱾ ᱚᱱᱟ ᱥᱟᱶ ᱢᱟᱸᱠᱚᱰᱽᱠᱮᱸᱫᱟ, ᱠᱩᱥᱚᱞᱫᱟ,ᱨᱟᱬᱤᱵᱚᱸᱫᱷ,ᱥᱟᱸᱭᱠᱩᱲᱟ ᱨᱮ ᱯᱩᱭᱞᱩ ᱛᱤᱠᱪᱷᱟᱹ ᱛᱟᱞᱢᱟ ᱢᱮᱱᱟᱜ-ᱟ ^[᱘]᱾ ᱵᱮᱸᱠ ᱚᱯᱷ ᱤᱱᱰᱤᱭᱟ, ᱠᱚᱨᱯᱳᱨᱮᱥᱚᱱ ᱵᱮᱸᱠ, ᱠᱟᱱᱟᱨᱟ ᱵᱮᱸᱠ, ᱭᱩᱠᱳ ᱵᱮᱸᱠ, ᱭᱩᱱᱟᱭᱴᱮᱰ ᱵᱮᱸᱠ ᱚᱯᱷ ᱤᱱᱰᱤᱭᱟ,ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱮᱢᱟᱱ ᱵᱮᱸᱠ ᱠᱚᱦᱚᱸ ᱱᱚᱣᱟ ᱵᱞᱚᱠ ᱨᱮ ᱢᱮᱱᱟᱜ-ᱟ ᱾

ᱵᱟᱰᱟᱭᱡᱚᱝ ᱠᱟᱛᱷᱟ

ᱥᱟᱹᱠᱷᱭᱟᱹᱛ

↑ https://mayurbhanj.nic.in/subdivision-blocks/
↑ https://censusindia.gov.in/2011census/dchb/2107_PART_B_DCHB_MAYURBHANJ.pdf
↑ https://gisodisha.nic.in/District/mayurbhanj/mayurbhanjpdf/Blocks/Bangiriposi%20Block/Bangiriposi_GP%20Map.pdf
↑ https://censusindia.gov.in/2011census/dchb/2107_PART_B_DCHB_MAYURBHANJ.pdf
↑ http://bhulekh.ori.nic.in/TahasilWebsite/TahasilInfo.aspx^{[permanent dead link]}
↑ https://mayurbhanj.nic.in/police/
↑ "Archive copy". Archived from the original on 2020-07-11. Retrieved 2020-07-28.{{cite web}}: CS1 maint: archived copy as title (link)
↑ "Archive copy". Archived from the original on 2020-07-11. Retrieved 2020-07-28.{{cite web}}: CS1 maint: archived copy as title (link)

ᱵᱟᱦᱨᱮ ᱡᱚᱱᱚᱲ

https://mayurbhanj.nic.in/

[1] ttps://mayurbhanj.nic.in/subdivision-blocks/

[2] ttps://censusindia.gov.in/2011census/dchb/2107_PART_B_DCHB_MAYURBHANJ.pdf

[3] ttps://gisodisha.nic.in/District/mayurbhanj/mayurbhanjpdf/Blocks/Bangiriposi%20Block/Bangiriposi_GP%20Map.pdf

[4] ttps://censusindia.gov.in/2011census/dchb/2107_PART_B_DCHB_MAYURBHANJ.pdf

[5] ttp://bhulekh.ori.nic.in/TahasilWebsite/TahasilInfo.aspx^{[permanent dead link]}

[6] ttps://mayurbhanj.nic.in/police/

[7] "Archive copy". Archived from the original on 2020-07-11. Retrieved 2020-07-28.{{cite web}}: CS1 maint: archived copy as title (link)

[8] "Archive copy". Archived from the original on 2020-07-11. Retrieved 2020-07-28.{{cite web}}: CS1 maint: archived copy as title (link)

[᱑]

[᱒]

[᱓]

[᱔]

[᱕]

[᱖]

[᱗]

[᱘]