ᱵᱟᱞᱚᱣᱫᱟ ᱵᱟᱡᱟᱨ ᱦᱚᱱᱚᱛ
| ᱵᱟᱞᱚᱣᱫᱟ ᱵᱟᱡᱟᱨ ᱦᱚᱱᱚᱛ | |
|---|---|
| ᱪᱷᱚᱛᱛᱤᱥᱜᱚᱲ ᱨᱮᱱᱟᱜ ᱦᱚᱱᱚᱛ | |
.svg) ᱪᱷᱚᱛᱛᱤᱥᱜᱚᱲ ᱱᱚᱠᱥᱟ ᱨᱮ ᱵᱟᱞᱚᱣᱫᱟ ᱵᱟᱡᱟᱨ ᱦᱚᱱᱚᱛ ᱨᱮᱱᱟᱜ ᱴᱷᱟᱶ | |
| ᱫᱤᱥᱚᱢ | ᱥᱤᱧᱚᱛ |
| ᱯᱚᱱᱚᱛ | ᱪᱷᱚᱛᱛᱤᱥᱜᱚᱲ |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | |
| IST (ᱭᱩᱴᱤᱥᱤ+᱐᱕:᱓᱐) | |
ᱵᱟᱞᱚᱣᱫᱟ ᱵᱟᱡᱟᱨ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱪᱷᱚᱛᱛᱤᱥᱜᱚᱲ ᱯᱚᱱᱚᱛ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱫᱚ ᱵᱟᱞᱚᱣᱫᱟ ᱵᱟᱡᱟᱨ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱫᱚ ᱵᱮᱱᱟᱣᱮᱱ ᱞᱟᱦᱟ ᱨᱮ ᱨᱟᱭᱯᱩᱨ ᱦᱚᱱᱚᱛ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ ᱾
ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱞᱚᱣᱫᱟ ᱵᱟᱡᱟᱨ ᱦᱚᱱᱚᱛ ᱨᱮᱱᱟᱜ ᱚᱛᱱᱚᱜ ᱛᱷᱟᱱ ᱫᱚ ᱮᱛᱚᱢ ᱞᱟᱴᱤᱪᱩᱰ 21.300 54' ᱠᱷᱚᱱ 31.450 14' ᱟᱨ ᱥᱟᱢᱟᱝ ᱞᱚᱝᱜᱤᱪᱩᱰ ᱫᱚ 42.020 17' ᱠᱷᱚᱱ 82.290 07' ᱢᱟᱹᱫᱽ ᱨᱮ ᱢᱮᱱᱟᱜᱼᱟ ᱾ ᱱᱚᱶᱟ ᱫᱚ ᱥᱟᱹᱢᱩᱫᱽ ᱚᱛ ᱠᱷᱚᱱ ᱒᱗᱐ ᱢᱤᱴᱚᱨ ᱪᱮᱛᱟᱱ ᱮ ᱢᱮᱱᱟᱜᱼᱟ ᱾ ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱥᱤᱢᱟᱹ ᱨᱮ ᱵᱤᱢᱮᱛᱚᱨᱟ, ᱢᱩᱝᱜᱮᱞᱤ, ᱵᱤᱞᱟᱥᱯᱩᱨ, ᱡᱟᱡᱽᱜᱤᱨ, ᱨᱟᱭᱜᱚᱲ, ᱢᱚᱦᱟᱥᱚᱢᱩᱸᱫᱽ ᱟᱨ ᱨᱟᱭᱯᱩᱨ ᱦᱚᱱᱚᱛ ᱠᱚ ᱢᱮᱱᱟᱜᱼᱟ ᱾ ᱵᱟᱞᱚᱣᱫᱟ ᱵᱟᱡᱟᱨ ᱨᱮᱱᱟᱜ ᱧᱩᱛᱩᱢ ᱥᱟᱹᱜᱟᱹᱭ ᱠᱟᱛᱷᱟ ᱠᱚ ᱢᱮᱱ ᱵᱟᱲᱟᱭᱟ ᱵᱟᱝᱢᱟ, ᱥᱮᱫᱟᱭ ᱱᱚᱸᱰᱮ ᱜᱩᱡᱽᱨᱟᱴ, ᱦᱚᱨᱤᱭᱟᱬᱟ, ᱢᱟᱦᱟᱨᱟᱥᱴᱨᱚ, ᱳᱰᱤᱥᱟ, ᱵᱤᱦᱟᱨ ᱮᱢᱟᱱ ᱴᱚᱴᱷᱟ ᱠᱚ ᱰᱟᱺᱜᱽᱨᱤ ᱠᱟᱰᱟ ᱮᱢᱟᱱ ᱠᱤᱨᱤᱧ ᱟᱹᱠᱷᱨᱤᱧ ᱞᱟᱹᱜᱤᱫ ᱠᱚ ᱦᱤᱡᱩᱜ ᱠᱟᱱ ᱛᱟᱦᱮᱸᱫᱟ ᱾ ᱚᱱᱟᱛᱮ ᱵᱚᱣᱞᱵᱚᱫᱟ ᱠᱚ ᱢᱮᱛᱟᱜᱟᱜ ᱠᱟᱱ ᱛᱟᱦᱮᱸᱫᱽ, ᱢᱮᱱᱠᱷᱟᱱ ᱚᱠᱛᱚ ᱨᱮᱱᱟᱜ ᱞᱟᱦᱟᱱᱛᱤ ᱥᱟᱶᱛᱮ ᱵᱟᱞᱚᱣᱫᱟ ᱵᱟᱡᱟᱨ ᱢᱮᱛᱮ ᱠᱚ ᱜᱟᱥᱟᱣ ᱟᱲᱟᱝ ᱠᱮᱫᱼᱟ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱤᱝᱨᱮᱡᱽ ᱠᱚᱣᱟᱜ ᱦᱩᱠᱩᱢ ᱛᱮ ᱑᱘᱕᱔ ᱠᱷᱚᱱ ᱑᱘᱖᱔ ᱥᱟᱹᱦᱤᱛ ᱦᱟᱹᱵᱤᱡ ᱵᱟᱞᱚᱣᱫᱟ ᱵᱟᱡᱟᱨᱟ ᱟᱨ ᱛᱚᱨᱮᱝᱜᱟ (ᱵᱷᱟᱴᱟᱯᱟᱨᱟ) ᱨᱟᱭᱯᱩᱨ ᱦᱚᱱᱚᱛ ᱨᱮᱱᱟᱜ ᱦᱟᱹᱴᱤᱧ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱑᱘᱖᱔ ᱥᱟᱹᱦᱤᱛ ᱨᱮ ᱱᱚᱶᱟ ᱮᱞᱟᱠᱟ ᱫᱚ ᱵᱤᱞᱟᱥᱯᱩᱨ ᱦᱚᱱᱚᱛ ᱨᱮ ᱠᱚ ᱢᱮᱥᱟ ᱠᱮᱫᱼᱟ ᱾ ᱪᱟᱪᱞᱟᱣ ᱨᱮᱱᱟᱜ ᱮᱴᱠᱮᱴᱚᱬᱮ ᱠᱷᱟᱹᱛᱤᱨ ᱩᱱ ᱚᱠᱛᱚ ᱨᱤᱱ ᱤᱝᱨᱮᱡᱽ ᱪᱟᱪᱞᱟᱣᱤᱭᱟᱹ ᱦᱚᱛᱮᱛᱮ ᱑᱙᱐᱓ ᱥᱟᱹᱦᱤᱛ ᱨᱮ ᱥᱤᱢᱜᱟ ᱨᱮᱱᱟᱜ ᱛᱚᱦᱥᱤᱞ ᱟᱹᱢᱟᱹᱞᱤ ᱵᱟᱞᱚᱣᱫᱟ ᱵᱟᱡᱟᱨ ᱛᱮ ᱠᱚ ᱩᱪᱟᱹᱲ ᱠᱟᱛᱮ ᱚᱱᱟ ᱫᱚ ᱦᱚᱱᱚᱛ ᱨᱮᱱᱟᱜ ᱢᱟᱹᱱ ᱠᱚ ᱮᱢᱟᱫᱼᱟ ᱾ ᱩᱱ ᱚᱠᱛᱚ ᱠᱷᱚᱱ ᱜᱮ ᱵᱤᱠᱟᱥᱠᱷᱚᱸᱰ, ᱥᱤᱢᱜᱟ, ᱵᱷᱟᱴᱟᱯᱟᱨᱟ, ᱵᱟᱞᱚᱣᱰᱟ ᱵᱟᱡᱟᱨ, ᱯᱚᱞᱟᱨᱟᱤ, ᱠᱚᱥᱰᱚᱞ ᱟᱨ ᱵᱤᱞᱟᱭᱜᱚᱰ ᱚᱱᱟ ᱚᱱᱛᱚᱨ ᱨᱮ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱫᱚ ᱑᱙᱘᱒ ᱨᱮ ᱵᱷᱮᱜᱟᱨ ᱛᱚᱦᱥᱤᱞ ᱨᱮᱢᱱᱟᱜ ᱢᱟᱹᱱ ᱠᱚ ᱮᱢᱟᱫ ᱛᱟᱦᱮᱸᱫ ᱾ ᱪᱟᱪᱞᱟᱣ ᱥᱩᱵᱤᱫᱷᱟ ᱞᱟᱹᱜᱤᱫ ᱛᱮ ᱤᱝᱨᱮᱡᱽ ᱦᱚᱛᱛᱮ ᱛᱮ ᱵᱟᱞᱚᱣᱫᱟ ᱵᱟᱡᱟᱨ ᱨᱮᱱᱟᱜ ᱒ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ ᱨᱮ ᱢᱮᱱᱟᱜ ᱯᱚᱨᱥᱟ ᱵᱷᱚᱫᱚᱨ ᱨᱮ ᱡᱤᱨᱟᱹᱣ ᱚᱲᱟᱜ, ᱪᱚᱨᱪ, ᱦᱚᱥᱯᱤᱴᱟᱞ ᱟᱨ ᱵᱟᱥᱟ ᱠᱚ ᱵᱮᱱᱟᱣ ᱞᱮᱫᱼᱟ ᱾ ᱑᱙᱒᱐ ᱥᱟᱹᱦᱤᱛ ᱨᱮ ᱥᱮᱱᱤᱴᱮᱥᱚᱱ ᱮᱠᱴ ᱞᱟᱹᱜᱩ ᱠᱟᱛᱮ ᱵᱟᱞᱚᱣᱫᱟ ᱵᱟᱡᱟᱨ ᱨᱮ ᱯᱚᱧᱪᱟᱭᱚᱛ ᱠᱚ ᱵᱮᱱᱟᱣ ᱠᱮᱫᱼᱟ ᱾ ᱥᱤᱧᱚᱛ ᱯᱷᱩᱨᱜᱟᱹᱞ ᱛᱟᱭᱚᱢ ᱑᱙᱔᱙ ᱥᱟᱹᱦᱤᱛ ᱨᱮ ᱴᱚᱴᱷᱟ ᱥᱟᱥᱚᱱ ᱨᱟᱭᱨᱤᱛ ᱞᱮᱠᱟᱛᱮ ᱵᱟᱞᱚᱣᱫᱟ ᱵᱟᱡᱟᱨ ᱫᱚ ᱜᱨᱟᱢ ᱯᱚᱧᱪᱟᱭᱚᱛ ᱠᱚ ᱵᱮᱱᱟᱣ ᱠᱮᱫᱼᱟ ᱾ ᱚᱟᱱ ᱛᱟᱭᱚᱢ ᱑᱙᱕᱕ ᱥᱟᱹᱦᱤᱛ ᱨᱮ ᱜᱨᱟᱢ ᱯᱚᱧᱪᱟᱭᱚᱛ ᱞᱟᱹᱜᱤᱫ ᱥᱟᱫᱷᱟᱨᱚᱱ ᱵᱟᱪᱷᱱᱟᱣ ᱦᱩᱭᱮᱱᱟ ᱾
ᱪᱟᱪᱞᱟᱣ (Administration)[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱟᱞᱚᱣᱫᱟ ᱵᱟᱡᱟᱨ ᱦᱚᱱᱚᱛ ᱫᱚ ᱛᱩᱨᱩᱭ ᱜᱚᱴᱟᱝ ᱛᱚᱦᱥᱤᱞ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱯᱟᱞᱟᱨᱤ, ᱵᱟᱞᱚᱣᱫᱟ ᱵᱟᱡᱟᱨ, ᱠᱟᱥᱫᱚᱞ, ᱵᱤᱞᱟᱭᱜᱚᱲ, ᱵᱷᱟᱴᱟᱯᱟᱨᱟ ᱟᱨ ᱥᱤᱢᱜᱟ ᱾ ᱚᱸᱰᱮ ᱯᱮᱭᱟ ᱥᱚᱵᱽ-ᱰᱤᱤᱵᱷᱤᱡᱚᱱ ᱢᱮᱟᱱᱟᱜᱼᱟ, ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ ᱺ ᱵᱟᱞᱚᱣᱫᱟ ᱵᱟᱡᱟᱨ, ᱵᱷᱟᱴᱟᱯᱟᱨᱟ ᱟᱨ ᱵᱤᱞᱟᱭᱜᱚᱰ ᱾