ᱵᱟᱠᱥᱟ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱵᱟᱠᱥᱟ ᱦᱚᱱᱚᱛ
ᱦᱚᱱᱚᱛ
ᱵᱟᱠᱥᱟ ᱦᱚᱱᱚᱛ ᱴᱷᱟ.ᱭ ᱢᱟᱱᱟᱥ ᱡᱟ.ᱛᱤᱭᱟ.ᱨᱤ ᱵᱟᱜᱽᱣᱟᱱ
ᱵᱟᱠᱥᱟ ᱦᱚᱱᱚᱛ ᱴᱷᱟ.ᱭ ᱢᱟᱱᱟᱥ ᱡᱟ.ᱛᱤᱭᱟ.ᱨᱤ ᱵᱟᱜᱽᱣᱟᱱ
Assam district locator map Baksa.png
ᱫᱤᱥᱚᱢ  ᱥᱤᱧᱚᱛ
ᱯᱚᱱᱚᱛ ᱟᱥᱟᱢ
ᱫᱚᱵᱷᱟ.ᱴᱤᱭᱟ. ᱢᱩᱟᱚᱞᱯᱩᱨ
ᱮᱨᱤᱭᱟ
 • ᱞᱮᱠᱷᱟᱜᱩᱴ 2400 ᱠᱤᱢᱤ (900 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (2011)
 • ᱞᱮᱠᱷᱟᱜᱩᱴ ᱙᱕᱓,᱗᱗᱓
 • ᱰᱮᱱᱥᱤᱴᱤ 475/ᱠᱤᱢᱤ2 (1230/ᱜᱟᱺᱴ ᱢᱟᱹᱭᱤᱞ)
ᱥᱤᱧᱚᱛ ᱢᱟ.ᱱ ᱚᱠᱛᱮ (UTC+5:30)
ᱣᱮᱵᱽᱥᱟᱭᱤᱴ Baksa.gov.in/

ᱵᱟᱠᱥᱟ ᱦᱚᱱᱚᱛ (ᱤᱝᱨᱟ.ᱡᱤ : Baksa district) ᱫᱚ ᱥᱤᱧᱚᱛ ᱨᱮᱭᱟᱜ ᱦᱤ'ᱥ ᱯᱚᱱᱚᱛ ᱟᱥᱟᱢ ᱨᱮᱭᱟᱜ ᱓᱓ ᱜᱚᱴᱟᱝ ᱦᱚᱱᱚᱛ ᱵᱷᱤᱛᱨᱤ ᱨᱮ ᱢᱤᱫᱴᱮᱱ ᱠᱟᱱᱟ । ᱱᱚᱣᱟ ᱦᱚᱱᱚᱛ ᱫᱚ ᱒᱐᱐᱓ ᱥᱮᱨᱢᱟ ᱨᱮ ᱯᱚᱨᱯᱮᱴᱟ, ᱫᱚᱨᱚᱝ, ᱱᱚᱞᱵᱟᱲᱤ ᱦᱚᱱᱚᱛ ᱨᱮᱱᱟᱜ ᱟᱫᱚᱢ ᱟᱫᱚᱢ ᱦᱤᱥ ᱜᱮᱫ ᱵᱮᱜᱟᱨ ᱠᱟᱛᱮ ᱛᱮᱭᱟᱨ ᱦᱩᱭ ᱞᱮᱱᱟ। ᱱᱚᱣᱟ ᱦᱚᱱᱚᱛ ᱫᱚ ᱵᱤ.ᱴᱤ.ᱥᱤ. ᱨᱮᱱᱟᱜ ᱯᱚᱱ ᱜᱚᱴᱟᱝ ᱦᱚᱱᱚᱛ ᱢᱩᱫᱽ ᱨᱮ ᱢᱤᱫᱴᱟᱝ ᱠᱟᱱᱟ । ᱢᱩᱥᱚᱞᱯᱩᱨ ᱱᱟᱝᱜᱽᱨᱟᱦᱟ ᱫᱚ ᱵᱟᱠᱥᱟ ᱦᱚᱱᱚᱛ ᱨᱮᱱᱟᱜ ᱫᱚᱵᱷᱟ.ᱴᱤᱭᱟ. ᱴᱷᱟ.ᱭ ᱠᱟᱱᱟ᱾

ᱧᱩᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

"ᱵᱟᱠᱥᱟ" ᱧᱩᱛᱩᱢ ᱟᱫᱚᱢ ᱦᱚᱲ ᱫᱚ ᱵᱟᱜᱽᱥᱟ ᱦᱚ ᱠᱚ ᱧᱩᱢ ᱚᱪᱚᱭᱟ। ᱟᱫᱚᱢ ᱠᱚᱠᱚ ᱞᱟ.ᱭᱟ ᱱᱚᱣᱟ ᱧᱩᱛᱩᱢ ᱫᱚ ᱥᱟᱠᱲᱟ ᱰᱟᱦᱟᱨ ᱵᱩᱡᱷᱟ.ᱣ ᱚᱪᱚᱭ ᱵᱷᱩᱴᱟᱤ ᱟ.ᱲᱟ. "ᱵᱟᱝᱥᱟ" ᱠᱷᱚᱱ ᱚᱢᱚᱱ ᱟᱠᱟᱱᱟ, ᱪᱮᱫᱟᱜ ᱥᱮ ᱵᱷᱩᱴᱟᱱ ᱨᱟᱡᱟ ᱟᱨ ᱱᱮ ᱦᱚᱲ ᱠᱚ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱵᱩᱨᱩ - ᱞᱚᱫᱟᱢ ᱛᱟᱞᱟ ᱛᱮ ᱜᱮ ᱠᱚ ᱦᱤᱡᱩᱜ ᱪᱟᱞᱟᱜ ᱠᱟᱱ ᱛᱟᱦᱮᱱᱟ। ᱱᱷᱟᱛᱮ ᱵᱚᱰᱚ ᱠᱚᱣᱟᱜ ᱵᱚᱝᱜᱟ ᱠᱟᱛᱷᱟ ᱞᱮᱠᱟ ᱛᱮ "ᱵᱟᱜᱽᱥᱟ" ᱧᱩᱛᱩᱢ ᱠᱷᱚᱱ ᱜᱮ ᱱᱚᱣᱟ ᱧᱩᱛᱩᱢ ᱫᱚ ᱚᱢᱚᱱ ᱟᱠᱟᱱᱟ, ᱢᱮᱱ ᱠᱷᱟᱱ ᱠᱳᱪ ᱠᱟ.ᱛᱤ ᱭᱟᱜ ᱯᱟ.ᱨᱥᱤ ᱠᱷᱚᱱ ᱠᱟᱱᱟ ᱵᱟᱝᱢᱟ ᱵᱟᱠᱥᱟ ᱠᱟᱛᱷᱟ ᱨᱚᱨᱚᱲ ᱟᱨ ᱥᱩᱠᱨᱤ ᱦᱚᱯᱚᱱ ᱠᱚ ᱛᱟᱦᱮᱱ ᱠᱟᱱ ᱛᱟᱦᱮᱱᱟ ( ᱨᱟᱵᱷᱟ ᱟᱨ ᱠᱳᱪ ᱯᱟ.ᱨᱥᱤ ᱛᱮ ᱵᱟᱠᱥᱟ ᱢᱮᱱᱮᱛ ᱥᱩᱠᱨᱤ ᱦᱚᱯᱚᱱ)।

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱐᱓ ᱥᱮᱨᱢᱟ ᱨᱮᱭᱟᱜ ᱯᱷᱮᱵᱽᱨᱩᱣᱟᱨᱤ ᱪᱟᱱᱫᱚ ᱨᱮ ᱥᱩᱦᱤ ᱣᱟᱠᱟᱱ ᱵᱤ.ᱴᱤ.ᱥᱤ. ᱨᱮᱭᱟᱜ ᱪᱩᱠᱛᱤ ᱠᱮᱠᱟ ᱛᱮ ᱯᱚᱱᱭᱟ ᱦᱚᱱᱚᱛ - ᱠᱚᱠᱲᱟᱠᱷᱟᱲ, ᱪᱤᱨᱟᱝ, ᱵᱟᱠᱥᱟ ᱟᱨ ᱩᱫᱟ.ᱞᱜᱩᱲᱤ ᱤᱫᱤ ᱠᱟᱛᱮ ᱵᱚᱰᱚᱞᱮᱱᱰ ᱟ.ᱯᱟ.ᱱᱟ.ᱛ ᱴᱚᱴᱷᱟ ᱛᱮᱭᱟᱨ ᱟᱠᱟᱱᱟ । ᱵᱚᱨᱯᱮᱴᱟ, ᱱᱚᱞᱵᱟᱲᱤ, ᱠᱟ.ᱢᱨᱩᱯ ᱟᱨ ᱫᱚᱨᱚᱝ ᱦᱚᱱᱚᱛ ᱨᱮᱱᱟᱜ ᱟᱫᱚᱢ ᱟᱫᱚᱢ ᱦᱤᱥ ᱤᱫᱤ ᱠᱟᱛᱮ ᱵᱟᱠᱥᱟ ᱦᱚᱱᱚᱛ ᱛᱮᱭᱟᱨ ᱟᱠᱟᱱᱟ। ᱒᱐᱐᱓ ᱥᱮᱨᱢᱟ ᱨᱮ ᱞᱟ.ᱭ ᱡᱟ.ᱦᱤᱨ ᱞᱮᱱ ᱟᱨ ᱒᱐᱐᱔ ᱥᱮᱨᱢᱟ ᱨᱮᱭᱟᱜ ᱑ ᱡᱩᱱ ᱠᱷᱚᱵ ᱚᱨᱟᱢᱟ ᱛᱮ ᱠᱟ.ᱢᱤ ᱠᱟ.ᱥᱱᱤ ᱮᱛᱚᱦᱚᱵ ᱞᱮᱱᱟ। ᱵᱟᱠᱥᱟ ᱨᱮᱱ ᱯᱟ.ᱦᱤᱞ ᱦᱚᱱᱚᱛ ᱜᱚᱢᱠᱮ (ᱰᱤ.ᱥᱤ.) ᱫᱚᱭ ᱛᱟᱦᱮ ᱠᱟᱱᱟ ᱰᱨ. ᱟᱱᱩᱣᱟᱨᱩᱫᱫᱤᱱ ᱪᱳᱣᱫᱩᱨᱤ।

ᱚᱛᱱᱚᱛ ᱩᱱᱩᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱠᱥᱟ ᱦᱚᱱᱚᱛ ᱫᱚ ᱟᱥᱟᱢ ᱨᱮᱭᱟᱜ ᱠᱚᱭᱮ - ᱯᱟᱪᱷᱮ ᱦᱤᱥ ᱨᱮ ᱢᱮᱱᱟᱜ-ᱟ। ᱵᱟᱠᱥᱟ ᱦᱚᱱᱚᱛ ᱨᱮᱭᱟᱜ ᱠᱚᱭᱮ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱵᱷᱩᱴᱟᱱ, ᱥᱟᱢᱟᱝ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱩᱫᱟ.ᱞᱜᱩᱲᱤ ᱦᱚᱱᱚᱛ, ᱮᱛᱚᱢ ᱨᱮ ᱢᱮᱱᱟᱜ-ᱟ ᱵᱚᱨᱯᱮᱴᱟ, ᱱᱚᱞᱵᱟ.ᱲᱤ ᱟᱨ ᱠᱟ.ᱢᱨᱩᱯ ᱦᱚᱱᱚᱛ ᱟᱨ ᱯᱟᱪᱷᱮ ᱱᱟᱠᱷᱟ ᱨᱮ ᱢᱮᱱᱟᱜ-ᱟ ᱪᱤᱨᱟᱝ ᱦᱚᱱᱚᱛ। ᱱᱤᱭᱟ. ᱦᱚᱱᱚᱛ ᱫᱚ ᱟᱢᱫᱟᱡᱽ ᱒᱔᱐᱐ ᱪᱟ.ᱣᱠᱟ. ᱠᱤ.ᱢᱤ. ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ।ᱫᱚᱵᱷᱟ.ᱴᱤᱭᱟ. ᱴᱷᱟ.ᱭ ᱢᱩᱥᱚᱞᱯᱩᱨ ᱠᱷᱚᱱ ᱟᱥᱟᱢ ᱨᱮᱭᱟᱜ ᱨᱟᱡᱽ ᱜᱟᱲ ᱫᱤᱥᱯᱩᱨ ᱑᱐᱕ ᱠᱤ.ᱢᱤ. ᱥᱟᱝᱜᱤᱧᱟ।

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱦᱚᱲ-ᱞᱮᱠᱷᱟ ᱞᱮᱠᱟ ᱛᱮ ᱵᱟᱠᱥᱟ ᱦᱚᱱᱚᱛ ᱨᱮ ᱞᱮᱠᱷᱟᱜᱩᱴ ᱙᱕᱓,᱗᱗᱓ ᱡᱚᱱᱟ ᱦᱚᱲ ᱢᱮᱱᱟᱜ ᱠᱚᱣᱟ। ᱱᱚᱣᱟ ᱞᱮᱠᱷᱟ ᱫᱚ ᱯᱷᱤᱡᱤ ᱫᱤᱥᱚᱢ ᱥᱚᱢᱟᱱ ।ᱦᱚᱲ - ᱞᱮᱠᱷᱟ ᱦᱚᱨᱟ ᱨᱮ ᱥᱤᱧᱚᱛ ᱨᱮᱭᱟᱜ ᱖᱔᱐ ᱦᱚᱱᱚᱛ ᱢᱩᱫᱽ ᱨᱮ ᱱᱤᱭᱟ. ᱨᱮᱛᱟᱜ ᱴᱷᱟ.ᱭ ᱫᱚ ᱔᱕᱘ । ᱦᱚᱲ ᱜᱤᱨᱟ.ᱵᱟᱥ ᱢᱤᱫ ᱠᱤ.ᱢᱤ. ᱨᱮ ᱔᱗᱕ ᱡᱚᱱᱟ। ᱒᱐᱐᱑ -᱒᱐᱑᱑ ᱥᱮᱨᱢᱟ ᱚᱠᱛᱮ ᱨᱮ ᱦᱚᱱᱚᱛ ᱨᱮ ᱦᱚᱲ ᱞᱮᱠᱷᱟ ᱵᱟ.ᱰᱚᱜ ᱨᱮᱱᱟᱜ ᱦᱟᱨ ᱛᱟᱦᱮ ᱠᱟᱱᱟ ᱑᱑.᱑᱗%। ᱵᱟᱠᱥᱟ ᱨᱮᱭᱟᱜ ᱡᱟᱱᱟᱝ ᱚᱱᱩᱯᱟᱛ ᱛᱮ ᱑᱐᱐᱐ ᱡᱚᱱᱟ ᱦᱮᱨᱮᱞ ᱵᱚᱫᱚᱞ ᱛᱮ ᱙᱖᱗ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱟᱨ ᱥᱮᱪᱮᱫ ᱠᱚᱣᱟᱜ ᱦᱟᱨ ᱗᱐.᱕᱓%।

ᱱᱚᱣᱟ ᱦᱚ ᱧᱮᱞ ᱛᱚᱨᱟᱭ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]