ᱵᱟᱦᱟᱫᱩᱨ ᱥᱟᱦ ᱡᱟᱯᱷᱚᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱵᱟᱦᱟᱫᱩᱨ ᱥᱟᱦ ᱡᱟᱯᱷᱚᱨ ᱫᱚ ᱵᱟᱦᱟᱫᱩᱨ ᱥᱟᱦ ᱫᱚᱥᱟᱨ ᱢᱮᱱᱛᱮ ᱦᱚᱸ ᱠᱚ ᱢᱮᱛᱟᱭᱟ ᱾

ᱵᱟᱦᱟᱫᱩᱨ ᱥᱟᱦ ᱫᱚᱥᱟᱨ

ᱵᱟᱦᱟᱫᱩᱨ ᱥᱟᱦ ᱡᱟᱯᱷᱚᱨ ᱫᱚ (᱑᱗᱗᱕-᱑᱘᱖᱒) ᱵᱷᱟᱨᱚᱛ ᱨᱮ ᱢᱩᱜᱚᱞ ᱥᱟᱢᱨᱟᱡᱚ ᱨᱤᱱᱤᱡ ᱢᱩᱪᱟᱹᱫ ᱥᱟᱦᱚᱱᱥᱟᱦ ᱮ ᱛᱟᱦᱮᱸ ᱠᱟᱱᱟ ᱾ ᱟᱨ ᱩᱨᱫᱷᱩ ᱨᱮᱱᱤᱱ ᱧᱩᱛᱩᱢᱟᱱ ᱥᱟᱭᱚᱨ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱑᱘᱕᱗ ᱨᱮᱭᱟᱜ ᱵᱷᱟᱨᱚᱛᱤᱭᱟᱹ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮ ᱵᱷᱟᱨᱚᱛᱤᱭᱟᱹ ᱯᱟᱹᱭᱠᱚ ᱠᱚᱫᱚ ᱟᱡᱟᱜ ᱛᱟᱹᱨᱤ ᱨᱮᱠᱚ ᱛᱟᱦᱮᱸ ᱠᱟᱱᱟ ᱾ ᱞᱟᱹᱰᱷᱟᱹᱭ ᱨᱮᱭ ᱦᱟᱨᱟᱣ ᱮᱱ ᱛᱟᱭᱚᱢ ᱤᱸᱜᱽᱨᱟᱹᱡᱽ ᱫᱚ ᱩᱱᱤ ᱵᱚᱨᱢᱟ (ᱱᱤᱛᱚᱜ ᱢᱭᱟᱱᱢᱟᱨ) ᱠᱚ ᱵᱷᱮᱡᱟ ᱠᱮᱫᱮᱭᱟ ᱟᱨ ᱚᱸᱰᱮ ᱜᱮ ᱩᱱᱤᱭᱟᱜ ᱡᱤᱣᱤ ᱵᱟᱹᱛᱤ ᱫᱚ ᱤᱬᱤᱡ ᱥᱟᱹᱨᱤ ᱮᱱᱟ ᱾

ᱡᱤᱭᱚᱱ ᱩᱯᱨᱩᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱯᱷᱚᱨ ᱟᱜ ᱡᱟᱱᱟᱢ ᱫᱚ ᱒᱔ ᱚᱠᱴᱳᱵᱚᱨ ᱑᱗᱗᱕ ᱥᱟᱞᱮᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱩᱱᱤᱭᱤᱡ ᱟᱯᱟᱛ ᱟᱠᱵᱚᱨ ᱥᱟᱦ ᱫᱚᱥᱟᱨ ᱟᱨ ᱮᱸᱜᱟᱛ ᱞᱟᱞᱵᱟᱭᱤ ᱢᱮᱱᱛᱮ ᱧᱩᱛᱩᱢ ᱛᱟᱹᱠᱤᱱ ᱛᱟᱦᱮᱸ ᱠᱟᱱᱟ ᱾ ᱟᱡ ᱵᱟᱵᱟ ᱟᱜ ᱜᱩᱨ ᱛᱟᱭᱚᱢ ᱡᱟᱯᱷᱚᱨ ᱫᱚ ᱑᱘ ᱥᱮᱯᱴᱮᱢᱵᱚᱨ ᱑᱘᱓᱗ ᱥᱟᱞᱮᱨᱮ ᱢᱩᱜᱚᱞ ᱵᱟᱫᱽᱥᱟᱦ ᱠᱚ ᱵᱮᱱᱟᱣ ᱠᱮᱫᱮᱭᱟ ᱾ ᱱᱚᱣᱟ ᱫᱚ ᱟᱨ ᱢᱤᱫ ᱠᱟᱛᱷᱟ ᱛᱟᱦᱮᱸ ᱠᱟᱱᱟ ᱡᱮ ᱤᱱᱟᱹ ᱚᱠᱛᱚ ᱫᱷᱟᱹᱵᱤᱡ ᱦᱚᱸ ᱫᱤᱞᱞᱤ ᱨᱮᱭᱟᱜ ᱥᱩᱞᱛᱚᱱᱚᱛ ᱫᱚ ᱟᱹᱰᱤ ᱞᱤᱪᱟᱹᱲ ᱪᱟᱵᱟ ᱞᱮᱱ ᱛᱟᱦᱮᱸᱫ ᱟᱨ ᱢᱩᱜᱚᱞ ᱵᱟᱫᱽᱥᱟᱦ ᱫᱚ ᱠᱷᱟᱹᱞᱤ ᱧᱩᱛᱩᱢ ᱨᱤᱱᱤᱡ ᱜᱮ ᱥᱚᱢᱨᱟᱴ ᱞᱮᱠᱟᱭ ᱛᱟᱦᱮᱸ ᱠᱟᱱᱟ ᱾

ᱵᱷᱟᱨᱚᱛ ᱨᱮᱭᱟᱜ ᱯᱩᱭᱞᱩ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮ ᱢᱚᱦᱚᱛᱯᱩᱨᱩᱱ ᱴᱷᱟᱶ ᱛᱚᱨᱟᱣ ᱞᱟᱹᱜᱤᱫ ᱡᱟᱯᱷᱚᱨ ᱫᱚ ᱟᱹᱰᱤ ᱢᱟᱨᱟᱝ ᱜᱚᱱᱚᱝ ᱵᱷᱩᱸᱡᱟᱹᱣ ᱛᱮ ᱦᱩᱭ ᱟᱫᱮ ᱛᱟᱦᱮᱸᱫ ᱾ ᱟᱨ ᱩᱱᱤᱭᱤᱡ ᱦᱚᱯᱚᱱ ᱫᱚ ᱤᱸᱜᱽᱨᱟᱹᱡᱽ ᱠᱚ ᱡᱚᱛᱚ ᱥᱟᱢᱟᱝ ᱵᱟᱺᱫᱩᱠ ᱜᱩᱞᱤ ᱛᱮᱠᱚ ᱛᱩᱧ ᱛᱟᱵ ᱞᱮᱫᱮᱭᱟ ᱾ ᱤᱱᱟᱹᱜ ᱥᱩᱢᱩᱝ ᱫᱚ ᱵᱟᱝ ᱜᱮ, ᱩᱱᱠᱩ ᱫᱚ ᱦᱟᱹᱲᱤ ᱠᱟᱛᱮ ᱨᱚᱸᱜᱩᱱ ᱠᱚ ᱤᱫᱤ ᱠᱮᱫ ᱠᱚᱣᱟ ᱾ ᱚᱸᱰᱮ ᱩᱱᱤ ᱫᱚ ᱗ ᱱᱚᱵᱷᱮᱢᱵᱚᱨ ᱑᱘᱖᱒ ᱥᱟᱞᱮᱨᱮ ᱡᱤᱦᱚᱞ ᱵᱷᱤᱛᱨᱤ ᱨᱮᱜᱮ ᱢᱩᱪᱟᱹᱫ ᱥᱟᱦᱮᱫ ᱮ ᱤᱫᱤ ᱞᱮᱜᱼᱟ ᱾ ᱩᱱᱤ ᱫᱚ ᱨᱚᱸᱜᱩᱱ ᱨᱮᱜᱮ ᱥᱣᱮᱰᱟᱜᱳᱱ ᱯᱮᱭᱜᱚᱰᱟ ᱥᱩᱨ ᱨᱮᱠᱚ ᱫᱚᱦᱚ ᱵᱟᱭ ᱠᱮᱫᱮᱭᱟ ᱡᱟᱭᱢᱩᱜᱽ ᱞᱟᱹᱜᱤᱫ ᱾ ᱩᱱᱤᱭᱟᱜ ᱢᱟᱬᱜᱷᱟᱹᱴᱤ ᱫᱚ ᱱᱤᱛᱚᱜ ᱵᱟᱦᱟᱫᱩᱨ ᱦᱟᱜ ᱡᱟᱯᱷᱚᱨ ᱧᱩᱛᱩᱢ ᱛᱮ ᱩᱯᱨᱩᱢ ᱢᱮᱱᱟᱜᱼᱟ ᱾ ᱛᱮᱦᱮᱧ ᱫᱷᱟᱹᱵᱤᱡ ᱦᱚᱸ ᱟᱹᱰᱤᱜᱟᱱ ᱫᱤᱥᱚᱢ ᱫᱩᱞᱟᱹᱲ ᱦᱚᱲ ᱛᱤᱱ ᱡᱚᱦᱚᱜ ᱴᱟᱴᱠᱟ ᱫᱷᱟᱨᱟ ᱵᱚᱨᱢᱟ (ᱢᱭᱟᱱᱢᱟᱨ) ᱠᱚ ᱥᱟᱸᱜᱷᱟᱨ ᱮᱫ ᱛᱟᱦᱮᱸᱫ ᱩᱱ ᱡᱚᱦᱚᱜ ᱡᱟᱯᱷᱚᱨ ᱟᱜ ᱢᱚᱡᱟᱨ (mackerel) ᱴᱷᱮᱱ ᱪᱟᱞᱟᱣ ᱠᱟᱛᱮ ᱩᱱᱤ ᱥᱨᱚᱫᱷᱟᱸᱡᱚᱞᱤ ᱮᱢ ᱫᱚ ᱵᱟᱠᱚ ᱦᱤᱲᱤᱧ ᱮᱫ ᱛᱟᱦᱮᱸᱫ ᱾ ᱦᱚᱲᱟᱜ ᱨᱤᱫᱟᱹᱭ ᱨᱮ ᱩᱱᱤ ᱞᱟᱹᱜᱤᱫ ᱛᱤᱱᱟᱹᱜ ᱥᱚᱱᱢᱟᱱ ᱛᱟᱦᱮᱸ ᱠᱟᱱᱟ ᱚᱱᱟ ᱨᱮᱭᱟᱜ ᱩᱨᱩᱢ ᱫᱚ ᱚᱱᱟ ᱠᱟᱛᱷᱟ ᱠᱷᱚᱱ ᱜᱮ ᱵᱟᱰᱟᱭ ᱧᱟᱢᱚᱜ ᱠᱟᱱ ᱛᱟᱦᱮᱸᱫ ᱡᱮ ᱦᱤᱸᱫᱩᱥᱛᱷᱟᱱ ᱨᱮ ᱡᱟᱦᱟᱸ ᱨᱮ ᱟᱹᱰᱤ ᱴᱚᱴᱷᱟᱨᱮ ᱩᱱᱤᱭᱟᱜ ᱧᱩᱛᱩᱢ ᱛᱮ ᱥᱚᱲᱚᱠ ᱠᱚᱨᱮᱱᱟᱜ ᱧᱩᱛᱩᱢ ᱫᱚᱦᱚ ᱟᱠᱟᱱᱟ ᱾ ᱚᱱᱠᱟ ᱜᱮ ᱯᱟᱠᱤᱥᱛᱟᱱ ᱨᱮᱭᱟᱜ ᱞᱟᱦᱳᱨ ᱵᱟᱡᱟᱨ ᱨᱮᱦᱚᱸ ᱱᱩᱭᱟᱜ ᱧᱩᱛᱩᱢ ᱛᱮ ᱢᱤᱫ ᱥᱚᱲᱚᱠ ᱨᱮᱭᱟᱜ ᱧᱩᱛᱩᱢ ᱫᱚᱦᱚ ᱟᱠᱟᱱᱟ ᱾ ᱵᱟᱸᱜᱽᱞᱟᱫᱮᱥ ᱨᱮᱭᱟᱜ ᱳᱞᱰ ᱱᱟᱜᱟᱨ ᱨᱮ ᱣᱤᱠᱴᱚᱨᱤᱭᱚ ᱯᱟᱨᱠ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱵᱟᱦᱟᱫᱩᱨ ᱥᱟᱦ ᱡᱷᱟᱯᱚᱨ ᱢᱮᱱᱛᱮ ᱧᱩᱛᱩᱢ ᱫᱚᱦᱚ ᱟᱠᱟᱱᱟ ᱾

᱑᱘᱕᱗ ᱥᱟᱞᱮᱨᱮ ᱛᱤᱱ ᱡᱚᱦᱚᱜ ᱦᱤᱱᱫᱩᱥᱛᱟᱱ ᱯᱷᱩᱨᱜᱟᱹᱞ ᱨᱮᱭᱟᱜ ᱥᱮᱸᱜᱮᱞ ᱥᱟᱞᱜᱟᱣ ᱨᱟᱠᱟᱵ ᱮᱱ ᱠᱷᱟᱱ ᱡᱚᱛᱚ ᱵᱤᱫᱨᱚᱦᱤ ᱯᱟᱹᱭᱠᱚ ᱠᱚ ᱟᱨ ᱨᱟᱡᱟ ᱢᱚᱦᱟᱨᱟᱡᱟ ᱠᱚᱫᱚ ᱩᱱᱤ ᱜᱮ ᱦᱤᱱᱫᱩᱥᱛᱟᱱ ᱨᱤᱱᱤᱡ ᱥᱚᱢᱨᱟᱴ ᱢᱮᱱᱛᱮ ᱠᱚ ᱢᱟᱱᱟᱣ ᱠᱮᱫᱮᱭᱟ ᱟᱨ ᱩᱱᱤᱭᱟᱜ ᱧᱮᱞ ᱡᱚᱛᱚᱱ ᱨᱮ ᱤᱸᱜᱽᱨᱟᱹᱡᱽ ᱠᱚᱣᱟᱜ ᱵᱟᱡᱽᱱᱟ ᱠᱚ ᱵᱟᱡᱟᱣ ᱠᱮᱜᱼᱟ ᱾ ᱤᱸᱜᱽᱨᱟᱹᱠᱽ ᱠᱚ ᱵᱤᱨᱩᱫᱷ ᱨᱮ ᱵᱷᱟᱨᱚᱛᱤᱭᱟᱹ ᱯᱟᱹᱭᱠᱚ ᱠᱚᱣᱟᱜ ᱟᱹᱲᱤᱥ ᱧᱮᱞ ᱠᱟᱛᱮ ᱵᱟᱦᱟᱫᱩᱨ ᱥᱟᱦ ᱡᱟᱯᱷᱚᱨ ᱟᱜ ᱦᱚᱸ ᱨᱟᱹᱜᱤ ᱯᱷᱩᱴᱟᱹᱣ ᱨᱟᱠᱟᱵ ᱮᱱᱟ ᱟᱨ ᱩᱱᱤ ᱫᱚ ᱤᱸᱜᱽᱨᱟᱹᱡᱽ ᱠᱚ ᱵᱷᱟᱨᱚᱛ ᱠᱷᱚᱱ ᱞᱟᱜᱟ ᱛᱩᱫ ᱨᱮᱭᱟᱜ ᱮ ᱰᱟᱠᱨᱟ ᱠᱮᱜᱼᱟ ᱾ ᱵᱷᱟᱨᱚᱛᱤᱭᱟᱹ ᱠᱚ ᱫᱤᱞᱞᱤ ᱟᱨ ᱫᱤᱥᱚᱢ ᱨᱮᱭᱟᱜ ᱮᱴᱟᱜ ᱴᱚᱴᱷᱟ ᱠᱚᱨᱮ ᱦᱚᱸ ᱤᱸᱜᱽᱨᱟᱹᱡᱽ ᱠᱚ ᱟᱹᱰᱤ ᱠᱚᱰᱟ ᱠᱚ ᱠᱩᱪᱤᱛ ᱠᱮᱫ ᱠᱚᱣᱟ ᱾

ᱮᱛᱚᱦᱚᱵ ᱚᱨᱡᱚ ᱫᱚ ᱵᱷᱟᱨᱚᱛᱤᱭᱟᱹ ᱞᱟᱹᱲᱦᱟᱹᱭᱤᱭᱟᱹ ᱠᱚ ᱯᱟᱦᱴᱟ ᱨᱮ ᱛᱟᱦᱮᱸ ᱮᱱᱟ, ᱤᱠᱷᱟᱹᱱ ᱛᱟᱭᱚᱢ ᱛᱮ ᱤᱸᱜᱽᱨᱟᱹᱡᱽ ᱠᱚᱣᱟᱜ ᱪᱷᱚᱞ ᱠᱚᱯᱚᱴ ᱤᱫᱤ ᱠᱟᱛᱮ ᱯᱩᱭᱞᱩ ᱯᱷᱩᱨᱜᱟᱹᱞ ᱦᱩᱞᱥᱟᱹᱭ ᱨᱮᱭᱟᱜ ᱦᱚᱨ ᱫᱚ ᱵᱚᱫᱚᱞ ᱮᱱᱟ ᱟᱨ ᱤᱸᱜᱽᱨᱟᱹᱡᱽ ᱠᱚᱣᱟᱜ ᱵᱷᱤᱞᱠᱤ-ᱵᱷᱤᱲᱠᱟᱹᱣ ᱟᱠᱚᱴ ᱨᱮᱠᱚ ᱡᱤᱛᱠᱟᱹᱨ ᱮᱱᱟ ᱾ ᱵᱟᱦᱟᱫᱩᱨ ᱥᱟᱦ ᱡᱟᱯᱷᱚᱨ ᱫᱚ ᱦᱩᱸᱢᱟᱭᱩᱸ ᱟᱜ ᱢᱚᱠᱵᱚᱨᱮ ᱨᱮ ᱟᱥᱨᱟᱭ ᱦᱟᱛᱟᱣ ᱠᱮᱜᱼᱟ ᱤᱠᱷᱟᱹᱱ ᱢᱮᱡᱚᱨ ᱦᱚᱰᱚᱥ ᱫᱚ ᱩᱱᱤ ᱩᱱᱤᱭᱤᱡ ᱦᱚᱯᱚᱱ ᱢᱤᱨᱡᱟ ᱢᱩᱜᱚᱞ ᱟᱨ ᱠᱷᱤᱡᱟᱨ ᱥᱩᱞᱛᱟᱱ ᱣᱚ ᱯᱳᱛᱮ ᱚᱵᱩ ᱵᱚᱠᱚᱨ ᱥᱟᱶ ᱠᱚ ᱥᱟᱵ ᱚᱪᱚ ᱮᱱᱟ ᱾

ᱤᱸᱜᱽᱨᱟᱹᱡᱽ ᱠᱚ ᱡᱚᱛᱚ ᱱᱟᱦᱟᱪᱟᱨ ᱨᱮᱭᱟᱜ ᱥᱤᱢᱟᱹ ᱠᱚ ᱯᱟᱨᱚᱢ ᱪᱟᱵᱟ ᱠᱮᱜᱼᱟ ᱾ ᱛᱤᱱ ᱡᱚᱦᱚᱜ ᱵᱟᱦᱟᱫᱩᱨ ᱥᱟᱦ ᱡᱟᱯᱷᱚᱨ ᱨᱮᱸᱜᱮᱡ ᱠᱮᱫᱮ ᱠᱷᱟᱱ ᱩᱱ ᱡᱚᱦᱚᱜ ᱤᱸᱜᱽᱨᱮᱡᱽ ᱠᱚᱫᱚ ᱛᱷᱟᱹᱨᱤ ᱨᱮ ᱫᱚᱦᱚ ᱠᱟᱛᱮ ᱩᱱᱤ ᱨᱤᱱ ᱦᱚᱯᱚᱱ ᱟᱜ ᱵᱚᱦᱚᱜ ᱠᱚ ᱟᱹᱜᱩ ᱠᱮᱜᱼᱟ ᱾ ᱩᱱᱤ ᱤᱸᱜᱽᱨᱟᱹᱡᱽ ᱠᱚ ᱛᱮᱞᱟᱭ ᱨᱩᱣᱟᱹᱲ ᱟᱫ ᱠᱚᱣᱟ ᱫᱚ ᱦᱤᱱᱫᱩᱥᱛᱟᱱ ᱨᱤᱱ ᱦᱚᱯᱚᱱ ᱫᱤᱥᱚᱢ ᱞᱟᱹᱜᱤᱫ ᱟᱠᱚᱣᱟᱜ ᱵᱚᱦᱚᱜ ᱠᱩᱨᱵᱟᱱ ᱠᱟᱛᱮ ᱱᱚᱝᱠᱟ ᱜᱮ ᱟᱠᱚ ᱨᱤᱱ ᱵᱟᱵᱟ ᱠᱚ ᱥᱟᱢᱟᱝ ᱛᱮᱠᱚ ᱥᱮᱴᱮᱨᱚᱜᱼᱟ ᱾ ᱯᱷᱩᱨᱜᱟᱹᱞ ᱞᱟᱹᱜᱤᱫ ᱦᱩᱞᱥᱟᱹᱭ ᱯᱩᱨᱟ.ᱯᱩᱨᱟ. ᱢᱩᱪᱟᱹᱫᱽ ᱞᱟᱹᱜᱤᱫ ᱦᱩᱫᱤᱥ ᱫᱚᱦᱚ ᱠᱟᱛᱮ ᱤᱸᱜᱽᱨᱮᱡᱽ ᱠᱚᱫᱚ ᱢᱩᱪᱟᱹᱫ ᱢᱩᱜᱚᱞ ᱵᱟᱫᱽᱥᱟᱜ ᱫᱚ ᱫᱤᱥᱚᱢ ᱠᱷᱚᱱ ᱚᱰᱚᱠ ᱠᱟᱛᱮ ᱨᱚᱸᱜᱩᱱ ᱠᱚ ᱵᱷᱮᱡᱟ ᱠᱟᱫᱮᱭᱟ ᱾

ᱩᱨᱫᱩ ᱚᱱᱚᱬᱦᱤᱭᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱨᱫᱩ ᱛᱮ ᱚᱱᱚᱬᱦᱮ, ᱡᱟᱦᱟᱸ ᱫᱚ ᱵᱟᱦᱟᱫᱩᱨ ᱥᱟᱦ ᱮ ᱚᱞ ᱞᱮᱜᱼᱟ

ᱵᱟᱦᱟᱫᱩᱨ ᱥᱟᱦ ᱡᱟᱯᱷᱚᱨ ᱫᱚ ᱠᱷᱟᱹᱞᱤ ᱢᱤᱫ ᱠᱷᱟᱹᱞᱤ ᱫᱤᱥᱚᱢ ᱫᱩᱞᱟᱹᱲ ᱥᱩᱢᱩᱝ ᱢᱩᱜᱚᱞ ᱵᱟᱫᱽᱥᱟᱦ ᱫᱚᱭ ᱵᱟᱝ ᱠᱟᱱᱟ, ᱩᱱᱤ ᱫᱚ ᱩᱨᱫᱩ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱚᱱᱚᱬᱦᱤᱭᱟᱹ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱟᱹᱰᱤᱜᱟᱱ ᱱᱟᱯᱟᱭ ᱱᱟᱯᱟᱭ ᱩᱨᱫᱩ ᱚᱱᱚᱬᱦᱮ ᱦᱚᱸᱭ ᱚᱞ ᱟᱠᱟᱜᱼᱟ ᱾ ᱡᱟᱦᱟᱸ ᱨᱮ ᱫᱚ ᱟᱹᱰᱤ ᱜᱟᱱ ᱤᱸᱜᱽᱨᱟᱹᱡᱽ ᱠᱚ ᱵᱤᱨᱩᱫᱷ ᱦᱩᱭᱥᱟᱹᱭ ᱚᱠᱛᱚ ᱨᱮ ᱦᱟᱱᱛᱮ ᱱᱷᱟᱛᱮ ᱟᱨᱵᱟᱝ ᱱᱟᱥ ᱪᱟᱵᱟ ᱮᱱᱟ ᱾ ᱩᱱᱤ ᱦᱚᱛᱮᱛᱮ ᱩᱨᱫᱩ ᱛᱮ ᱚᱞ ᱞᱮᱱ ᱟᱹᱰᱤᱜᱟᱱ ᱚᱱᱚᱬᱦᱮ ᱜᱮ ᱟᱹᱰᱤ ᱱᱟᱯᱟᱭ ᱱᱟᱯᱟᱭ ᱟᱨ ᱦᱚᱲ ᱟᱹᱰᱤ ᱡᱩᱨ ᱠᱚ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱱ ᱾

ᱫᱤᱥᱚᱢ ᱠᱷᱚᱱ ᱵᱟᱦᱨᱮ ᱨᱚᱸᱜᱩᱱ ᱨᱮᱦᱚᱸ ᱩᱱᱤᱭᱟᱜ ᱩᱨᱫᱩ ᱚᱱᱚᱬᱦᱮ ᱨᱮᱭᱟᱜ ᱡᱷᱚᱞᱚᱠ ᱫᱚ ᱟᱹᱰᱤ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟ ᱾ ᱚᱸᱰᱮ ᱛᱟᱦᱮᱸ ᱠᱟᱛᱮ ᱩᱱᱤ ᱫᱤᱱ ᱥᱟᱨᱟ ᱦᱤᱱᱫᱩᱥᱛᱟᱱ ᱞᱟᱹᱜᱤᱫ ᱪᱤᱱᱛᱟᱹ ᱟᱠᱟᱭ ᱛᱟᱦᱮᱸ ᱮᱱᱟ ᱾ ᱩᱱᱤᱭᱟᱜ ᱢᱩᱪᱟᱹᱫ ᱟᱸᱥ ᱛᱟᱦᱮᱸ ᱠᱟᱱᱟ ᱡᱮ ᱩᱱᱤ ᱟᱡᱟᱜ ᱡᱤᱭᱚᱱ ᱨᱮᱭᱟᱜ ᱢᱩᱪᱟᱹᱫ ᱥᱟᱦᱮᱫ ᱫᱚ ᱦᱤᱱᱫᱩᱥᱛᱟᱱ ᱨᱮᱜᱮᱭ ᱥᱟᱦᱮᱫᱽ ᱢᱟ ᱢᱮᱱᱛᱮ ᱟᱨ ᱚᱸᱰᱮ ᱩᱱᱤ ᱫᱚ ᱫᱷᱟᱹᱨᱛᱤ ᱟᱭᱳ ᱠᱚᱞᱮ ᱨᱮᱦᱚᱸ ᱠᱚ ᱟᱥᱨᱟ ᱮ ᱢᱟ ᱾ ᱤᱠᱷᱟᱹᱱ ᱱᱚᱝᱠᱟ ᱵᱟᱝ ᱦᱩᱭ ᱫᱟᱲᱮᱭᱟᱫ ᱛᱟᱦᱮᱸᱫ ᱾

ᱵᱟᱦᱟᱫᱩᱨ ᱥᱟᱦ ᱡᱟᱯᱷᱚᱨ ᱞᱮᱠᱟᱱ ᱠᱚᱫᱚ ᱟᱹᱰᱤ ᱠᱚᱢ ᱜᱮ ᱥᱟᱥᱚᱠ ᱠᱚ ᱛᱟᱦᱮᱸᱱᱟ ᱡᱟᱦᱟᱸᱭ ᱫᱚ ᱟᱡᱟᱜ ᱫᱤᱥᱚᱢ ᱫᱩᱞᱟᱹᱲ ᱡᱩᱨᱤ ᱞᱮᱠᱟᱭ ᱫᱩᱞᱟᱹᱲᱟ ᱟᱨ ᱫᱩᱞᱟᱹᱲ ᱨᱮᱭᱟᱜ ᱠᱩᱞᱦᱤ ᱨᱮ ᱴᱷᱟᱶ ᱵᱟᱭ ᱧᱟᱢ ᱫᱟᱲᱮᱭᱟᱜ ᱠᱷᱟᱹᱛᱤᱨ ᱮᱴᱟᱜ ᱫᱤᱥᱚᱢ ᱨᱮ ᱡᱤᱣᱤ ᱵᱟᱹᱛᱤ ᱤᱬᱤᱡ ᱥᱟᱹᱨᱤᱜ ᱛᱟᱭᱟ ᱾ ᱱᱚᱣᱟ ᱜᱮ ᱟᱡᱟᱜ ᱢᱤᱫᱴᱟᱹᱝ ᱡᱚᱛᱚ ᱠᱷᱚᱱ ᱵᱷᱮᱜᱟᱨ ᱩᱭᱦᱟᱹᱨ ᱛᱟᱦᱮᱸ ᱠᱟᱱᱟ, ᱟᱡᱟᱜ ᱡᱟᱱᱟᱢ ᱫᱤᱥᱚᱢ ᱫᱚ ᱟᱡᱤᱡ ᱡᱟᱱᱟᱢ ᱟᱭᱳ ᱞᱮᱠᱟᱭ ᱢᱟᱱᱟᱣ ᱞᱮᱫ-ᱟ ᱾ ᱵᱷᱟᱨᱚᱛ ᱨᱮᱭᱟᱜ ᱯᱩᱭᱞᱩ ᱯᱷᱩᱨᱜᱟᱹᱞ ᱵᱩᱞᱥᱟᱹᱭ ᱨᱮ ᱢᱚᱦᱚᱛᱯᱩᱨᱩᱱ ᱴᱷᱟᱶ ᱮ ᱟᱢᱮᱴ ᱞᱮᱫ ᱢᱩᱪᱟᱹᱫ ᱢᱩᱜᱚᱞ ᱵᱟᱫᱽᱥᱟᱦ ᱵᱟᱦᱟᱫᱩᱨ ᱥᱟᱦ ᱡᱟᱯᱷᱚᱨ ᱩᱨᱜᱩ ᱨᱤᱱᱤᱡ ᱢᱤᱫ ᱟᱹᱰᱤ ᱢᱟᱨᱟᱝ ᱥᱟᱭᱚᱨ ᱨᱩᱯ ᱛᱮᱦᱚᱸ ᱧᱩᱛᱩᱢ ᱛᱟᱭ ᱢᱮᱱᱟᱜ-ᱟ ᱾ ᱩᱱᱤᱭᱟᱜ ᱥᱟᱭᱨᱤ ᱫᱚ ᱵᱷᱟᱹᱵᱤᱛ ᱚᱱᱚᱬᱦᱮ ᱵᱟᱝ ᱠᱟᱛᱮ ᱫᱤᱥᱚᱢ ᱫᱩᱞᱟᱹᱲ ᱨᱮᱭᱟᱜ ᱪᱩᱦᱩᱞ ᱩᱭᱦᱟᱹᱨ ᱜᱮ ᱯᱮᱨᱮᱡ ᱛᱟᱦᱮᱸᱱᱟ ᱾ ᱟᱨ ᱱᱚᱣᱟ ᱜᱮ ᱢᱤᱫ ᱠᱟᱨᱚᱱ ᱛᱟᱦᱮᱸ ᱠᱟᱱᱟ ᱡᱮ ᱩᱱᱤ ᱫᱚ ᱤᱸᱜᱽᱨᱟᱹᱡᱽ ᱥᱟᱥᱚᱠ ᱮᱢᱟᱱ ᱠᱚ ᱴᱷᱮᱱ ᱞᱚᱱᱰᱚᱱ ᱫᱷᱟᱹᱵᱤᱡ ᱛᱟᱨᱣᱟᱲᱮ ᱪᱟᱞᱟᱣ ᱨᱮᱭᱟᱜ ᱫᱷᱚᱢᱚᱠ ᱮ ᱮᱢᱟ ᱦᱟᱫ ᱠᱚ ᱛᱟᱦᱮᱸᱫ ᱾

ᱟᱨ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://en.m.wikipedia.org/wiki/List_of_Indian_monarchs

https://en.m.wikipedia.org/wiki/List_of_Urdu_poets

https://en.m.wikipedia.org/wiki/Shahzada_Muhammad_Hidayat_Afshar,_Ilahi_Bakhsh_Bahadur

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

http://www.savarkar.org/content/pdfs/en/the_indian_war_of_independence_1857_with_publishers_note.v001.pdf Archived ᱒᱐᱐᱘-᱑᱑-᱒᱒ at the Wayback Machine.

http://www.tribuneindia.com/2007/20070510/1857/main1.htm

https://www.inter-disciplinary.net/wp-content/uploads/2011/04/karnikawpaper.pdf

http://www.csas.ed.ac.uk/mutiny/Trial-BahadurShah.pdf Archived ᱒᱐᱑᱖-᱑᱐-᱐᱖ at the Wayback Machine.

http://www.mmtimes.com/index.php/lifestyle/9507-grave-secrets-of-yangon-s-imperial-tomb.html

https://web.archive.org/web/20070709011843/http://www.kapadia.com/zaftrans.html

http://images.vam.ac.uk/indexplus/result.html?_IXFIRST_=16&_IXSS_=_IXFIRST_%3d1%26_IXINITSR_%3dy%26%2524%253dIXID%3d%26_IXACTION_%3dquery%26%2524%253dIXOBJECT%3d%26_IXMAXHITS_%3d15%26%252asform%3dvanda%26%2524%253dIXNAME%3d%26_IXSESSION_%3dR1TSfYS86Hp%26%2524%253dIXPLACE%3d%26_IXadv_%3d0%26search%3dsearch%26%2524%253dIXMATERIAL%3d%26%2524%253ds%3dbahadur%26%2524%253dop%3dAND%26_IXFPFX_%3dtemplates%252ft%26%2524%253dsi%3dtext%26%2524%253dIXFROM%3d%26%2524%253dIXTO%3d&_IXACTION_=query&_IXMAXHITS_=1&_IXSR_=Sr3lXQCNhWo&_IXSPFX_=templates%2ft&_IXFPFX_=templates%2ft[permanent dead link]

http://www.thehindu.com/2002/12/09/stories/2002120908190500.htm

http://www.dailymail.co.uk/news/article-2424410/The-Mughal-emperor-ancestor-Sultana-Begum-forced-live-slum-washes-street-struggles-feed-children.html

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://www.imdb.com/name/nm2009103/

http://www.bl.uk/onlinegallery/sacredtexts/podwilliamdalrymple.html

http://www.kavitakosh.org/kk/index.php?title=%E0%A4%95%E0%A4%B5%E0%A4%BF%E0%A4%AF%E0%A5%8B%E0%A4%82_%E0%A4%95%E0%A5%80_%E0%A4%B8%E0%A5%82%E0%A4%9A%E0%A5%80 Archived ᱒᱐᱑᱘-᱐᱙-᱑᱖ at the Wayback Machine.

http://www.123shayari.com/category/bahadur-shah-zafar/

https://web.archive.org/web/20070709011843/http://www.kapadia.com/zaftrans.html

https://rekhta.org/poets/bahadur-shah-zafar/ghazals/

https://web.archive.org/web/20051023190755/http://www.kapadia.com/websites.html

http://www.urdupoetry.com/zafar.html

http://gdhar.com/2008/05/11/qalaam-e-zafar/

http://www.royalark.net/India/loharu3.htm

http://news.bbc.co.uk/1/hi/world/south_asia/2185082.stm