ᱵᱟᱵᱚᱨᱱᱟᱢᱟ
ᱵᱟᱵᱚᱨᱱᱟᱢᱟ (Chagatai/Persian:بابر نامہ) ᱟᱨᱵᱟᱝ ᱛᱩᱡᱽᱠᱼᱮᱼᱵᱟᱵᱽᱨᱤ ᱢᱩᱜᱚᱞ ᱥᱟᱢᱨᱟᱡᱽ ᱨᱮᱱᱤᱡ ᱯᱩᱭᱞᱩ ᱥᱚᱢᱨᱟᱴ ᱵᱟᱵᱚᱨ ᱟᱜ ᱡᱤᱭᱚᱱ ᱪᱩᱨᱤᱛ ᱚᱞ ᱛᱚᱞ ᱠᱟᱛᱮ ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱩᱱᱤ ᱟᱡᱟᱜ ᱡᱟᱱᱟᱢ ᱯᱟ.ᱨᱥᱤ ᱪᱚᱜᱚᱛᱟᱭᱤ ᱛᱩᱨᱠᱤ ᱛᱮᱭ ᱚᱞ ᱞᱮᱜᱼᱟ ᱾ ᱱᱚᱣᱟ ᱨᱮ ᱩᱱᱤ ᱫᱚ ᱟᱡᱟᱜ ᱩᱡᱽᱵᱮᱠᱤᱥᱛᱟᱱ ᱨᱮᱭᱟᱜ ᱯᱷᱚᱨᱜᱟᱱᱟ ᱵᱟᱫᱤ ᱨᱮᱭ ᱠᱷᱮᱢᱟᱣ ᱟᱠᱟᱫ ᱛᱤᱫᱽᱨᱟ. ᱚᱠᱛᱚ ᱟᱨ ᱡᱩᱣᱟ.ᱱ ᱚᱠᱛᱚ, ᱛᱟᱭᱚᱢ ᱛᱮ ᱟᱯᱷᱜᱟᱱᱤᱥᱛᱟᱱ ᱟᱨ ᱵᱷᱟᱨᱚᱛ ᱨᱮᱭᱟᱜ ᱠᱟ.ᱴᱤᱡ ᱢᱟᱦᱟᱫᱤᱯ ᱪᱮᱛᱟᱱ ᱨᱮ ᱡᱷᱟᱯᱴᱟᱣ ᱟᱨ ᱠᱟᱵᱽᱡᱟ ᱟᱨ ᱮᱴᱟᱜ ᱜᱷᱚᱴᱚᱱ ᱠᱚ ᱨᱮᱭᱟᱜ ᱴᱷᱟ.ᱣᱠᱟ. ᱵᱤᱥᱲᱤᱭ ᱚᱞ ᱛᱚᱞ ᱟᱠᱟᱜᱼᱟ ᱾ ᱩᱱᱤ ᱜᱚᱴᱟ ᱴᱚᱴᱷᱟ ᱨᱮᱭᱟᱜ ᱚᱛ ᱦᱟᱥᱟ, ᱨᱟᱡᱽᱼᱟ.ᱨᱤ, ᱠᱟ.ᱣᱰᱤᱼᱟ.ᱨᱤ ᱵᱮᱵᱚᱥᱛᱟ, ᱯᱩᱨᱠᱩᱛᱤᱭᱟ. ᱦᱚᱭ ᱦᱤᱥᱤᱫ, ᱵᱟᱡᱟᱨᱼᱵᱟᱸᱜᱽᱞᱟ, ᱡᱚ, ᱡᱟᱱᱣᱟ ᱮᱢᱟᱱ ᱛᱮᱭᱟᱜ ᱪᱮᱛᱟᱱ ᱨᱮᱭ ᱵᱤᱥᱲᱤ ᱥᱚᱫᱚᱨ ᱟᱠᱟᱜᱼᱟ ᱾ ᱱᱚᱣᱟ ᱨᱮ ᱛᱤᱱᱟ.ᱝ ᱜᱟᱱ ᱯᱷᱟᱨᱥᱤ ᱯᱟ.ᱨᱥᱤ ᱨᱮᱭᱟᱜ ᱦᱩᱰᱤᱧ ᱢᱟᱨᱟᱝ ᱪᱷᱟᱸᱫᱟ ᱦᱚᱸ ᱧᱮᱞ ᱧᱟᱢᱚᱜᱼᱟ, ᱚᱱᱠᱟ ᱫᱚ ᱱᱤᱛᱚᱜ ᱯᱷᱟᱨᱥᱤ ᱠᱚ ᱨᱚᱲ ᱮᱫ ᱦᱚᱲ ᱱᱚᱣᱟ ᱵᱟᱠᱚ ᱵᱩᱡᱷᱟ.ᱣ ᱫᱟᱲᱮᱭᱟᱜ ᱠᱟᱱᱟ ᱾ ᱢᱮᱱ ᱞᱮᱠᱷᱟᱱ ᱪᱚᱜᱚᱛᱟᱭᱤ ᱯᱟ.ᱨᱥᱤ ᱫᱚ ᱢᱟᱞᱚᱴ ᱦᱩᱭ ᱟᱠᱟᱱᱟ ᱱᱤᱛᱚᱜᱟᱜ ᱩᱡᱽᱵᱮᱠ ᱯᱟ.ᱨᱥᱤ ᱫᱚ ᱚᱱᱟ ᱨᱮᱭᱟᱜ ᱜᱮ ᱵᱚᱝᱥᱚ ᱜᱟᱬᱟ ᱠᱟᱱᱟ ᱾ ᱟᱨ ᱚᱱᱟ ᱠᱚ ᱨᱚᱲ ᱮᱫ ᱩᱡᱽᱵᱮᱠ ᱦᱚᱲ ᱫᱚ ᱵᱟᱵᱚᱨᱱᱟᱢᱟ ᱠᱚ ᱯᱟᱲᱦᱟᱣ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱯᱚᱛᱚᱵ ᱫᱚ ᱪᱚᱜᱚᱛᱟᱭᱤ ᱟᱨ ᱩᱡᱽᱵᱮᱠ ᱯᱟ.ᱨᱥᱤ ᱨᱮᱭᱟᱜ ᱥᱟᱶᱦᱮᱫ ᱛᱮᱭᱟᱜ ᱢᱤᱫ ᱟ.ᱰᱤ ᱢᱟᱨᱟᱝ ᱦᱟ.ᱴᱤᱧ ᱢᱮᱱᱛᱮ ᱠᱚ ᱢᱟᱱᱟᱣ ᱵᱟᱛᱟᱣᱟ ᱾[᱑]
ᱵᱤᱥᱲᱤ ᱵᱚᱵᱚᱨᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱡᱤᱭᱚᱱ ᱪᱩᱨᱤᱛ :- ᱵᱟᱵᱚᱨᱱᱟᱢᱟ ᱫᱚ ᱯᱮ ᱦᱟ.ᱴᱤᱧ ᱨᱮ ᱦᱟ.ᱴᱤᱧ ᱜᱟᱱᱚᱜᱼᱟ ᱾ ᱯᱩᱭᱞᱩ ᱨᱮ ᱑᱔᱙᱔ ᱨᱮ ᱯᱷᱚᱨᱜᱟᱱᱟ ᱨᱮᱱᱤᱡ ᱨᱟᱡᱟ ᱵᱮᱱᱟᱣᱜ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱑᱕᱐᱓ ᱫᱷᱟ.ᱵᱤᱡᱟᱜ ᱢᱮᱱᱟᱜᱼᱟ ᱾ ᱱᱤᱭᱟ. ᱚᱠᱛᱚ ᱨᱮ ᱩᱱᱤ ᱟᱡᱟᱜ ᱦᱟᱯᱲᱟᱢ ᱠᱚᱣᱟᱜ ᱯᱚᱱᱚᱛ ᱠᱷᱚᱱ ᱥᱟᱦᱟᱜ ᱦᱩᱭ ᱟᱫᱮᱭᱟ ᱾ ᱫᱚᱥᱟᱨ ᱦᱟ.ᱴᱤᱧ ᱫᱚ ᱑᱕᱐᱔ ᱨᱮ ᱠᱟᱵᱩᱞ ᱨᱤᱱᱤᱡ ᱥᱟᱥᱚᱱᱤᱭᱟ. ᱵᱮᱱᱟᱣᱜ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱑᱕᱒᱕ ᱫᱷᱟ.ᱵᱤᱡᱟᱜ ᱥᱟᱸᱜᱷᱟᱨ ᱢᱮᱱᱟᱜᱼᱟ ᱾ ᱮᱯᱨᱤᱞ ᱑᱕᱒᱖ ᱨᱮ ᱫᱤᱞᱤ ᱨᱮᱱᱤᱡ ᱵᱟᱫᱽᱥᱟᱦ ᱵᱮᱱᱟᱣᱜ ᱛᱟᱭᱚᱢ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱥᱮᱯᱴᱮᱢᱵᱚᱨ ᱑᱕᱒᱙ ᱫᱷᱟ.ᱵᱤᱡ ᱵᱷᱟᱨᱚᱛ ᱨᱮᱭᱟᱜ ᱯᱩᱨᱩᱵᱽ ᱯᱟᱦᱴᱟ ᱨᱮ ᱥᱚᱛᱛᱟ ᱨᱮᱭᱟᱜ ᱯᱟᱥᱱᱟᱣ ᱫᱚ ᱡᱤᱭᱚᱱ ᱪᱩᱨᱤᱛ ᱨᱮᱭᱟᱜ ᱢᱩᱪᱟ.ᱫ ᱦᱟ.ᱴᱤᱧ ᱠᱟᱱᱟ ᱾ ᱵᱟᱵᱚᱨᱱᱟᱢᱟ ᱨᱮᱭᱟᱜ ᱯᱟᱱᱰᱩᱞᱤᱯᱤ ᱛᱮ ᱑᱕᱐᱘ ᱥᱟᱞᱮ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱑᱕᱑᱙ ᱫᱷᱟ.ᱵᱤᱡᱟᱜ ᱵᱤᱥᱲᱤ ᱵᱤᱵᱚᱨᱚᱱ ᱫᱚ ᱵᱟ.ᱱᱤᱜᱼᱟ ᱾ ᱵᱟᱵᱚᱨᱱᱟᱢᱟ ᱨᱮ ᱩᱫᱩᱜ ᱥᱚᱫᱚᱨ ᱟᱠᱟᱱ ᱡᱚᱛᱚ ᱪᱤᱛᱟ.ᱨ ᱨᱮᱭᱟᱜ ᱞᱟ.ᱠᱛᱤ ᱟᱱᱟᱜ ᱫᱚ ᱱᱚᱣᱟ ᱠᱟᱱᱟ, ᱡᱚᱛᱚ ᱪᱤᱛᱟ.ᱨ ᱛᱟᱞᱟᱨᱮ ᱚᱠᱟ ᱡᱚᱦᱚᱜ ᱪᱮᱛᱟᱱ, ᱚᱠᱟ ᱡᱚᱦᱚᱜ ᱞᱟᱛᱟᱨ ᱟᱨᱵᱟᱝ ᱚᱠᱟᱨᱮ ᱠᱮᱱᱵᱚᱥ ᱨᱮᱭᱟᱜ ᱠᱷᱟ.ᱞᱤ ᱜᱮ ᱥᱟᱨᱮᱡ ᱟᱠᱟᱱ ᱡᱟᱭᱜᱟ ᱨᱮ, ᱡᱟᱦᱟᱸ ᱨᱮ ᱡᱟᱭᱜᱟ ᱠᱷᱟ.ᱞᱤ ᱜᱮ ᱥᱟᱨᱮᱡ ᱟᱠᱟᱱ, ᱚᱸᱰᱮ ᱯᱷᱟᱨᱥᱤ ᱛᱮ ᱪᱤᱛᱟ.ᱨ ᱤᱫᱤ ᱠᱟᱛᱮ ᱵᱟᱰᱟᱭ ᱡᱚᱝ ᱠᱟᱛᱷᱟ ᱚᱞ ᱟᱠᱟᱱᱟ ᱾
ᱯᱩᱛᱷᱤ ᱨᱮ ᱚᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱵᱚᱨ ᱟᱡᱟᱜ ᱯᱩᱛᱷᱤ ᱨᱮ ᱱᱚᱣᱟᱭ ᱢᱮᱱ ᱟᱠᱟᱜᱼᱟ ᱡᱮ ᱑᱕᱐᱔ ᱥᱟᱞᱮᱨᱮ ᱵᱚᱨᱚᱯᱷ ᱵᱟ.ᱨᱰᱩ ᱛᱟᱞᱟᱛᱮ ᱟᱡ ᱨᱤᱱ ᱯᱮ ᱥᱟᱭ ᱜᱟᱛᱮ ᱠᱚ ᱥᱟᱶ ᱡᱟᱱᱟᱢ ᱚᱛ ᱯᱷᱚᱨᱜᱟᱱᱟ ᱠᱷᱚᱱ ᱛᱟᱲᱟᱢ ᱠᱟᱛᱮ ᱦᱤᱱᱫᱩᱠᱩᱥ ᱵᱩᱨᱩ ᱠᱚ ᱯᱟᱨᱚᱢ ᱮᱫ ᱛᱩᱞᱩᱡ ᱩᱱᱤ ᱠᱟᱵᱩᱞ ᱨᱮᱭ ᱵᱚᱞᱚ ᱮᱱᱟ ᱾ ᱟᱨ ᱟᱡ ᱛᱮ ᱟᱡ ᱚᱸᱰᱮᱱᱤᱡ ᱥᱟᱥᱚᱠ ᱢᱮᱱᱛᱮᱭ ᱵᱤᱠᱱᱟ.ᱣ ᱮᱱᱟ ᱾ ᱑᱕᱑᱑ ᱥᱟᱞ ᱫᱷᱟ.ᱵᱤᱡ ᱩᱱᱤᱭᱟᱜ ᱨᱟᱭ ᱨᱮᱭᱟᱜ ᱥᱤᱢᱟ. ᱛᱟᱥᱠᱚᱸᱫᱽ ᱠᱷᱚᱱ ᱠᱟᱵᱩᱞ ᱟᱨ ᱜᱚᱡᱽᱱᱤ ᱫᱷᱟ.ᱵᱤᱡ ᱯᱟᱥᱱᱟᱣ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸ ᱠᱷᱟ.ᱛᱤᱨ ᱥᱚᱢᱚᱨᱠᱚᱸᱫᱽ, ᱜᱳᱠᱷᱟᱨᱟ, ᱦᱤᱥᱟᱨ, ᱠᱩᱸᱫᱩᱡᱽ ᱟᱨ ᱯᱷᱚᱨᱜᱟᱱᱟ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾ ᱜᱚᱴᱟᱯᱟᱲᱟ ᱠᱷᱚᱱ ᱵᱩᱨᱩ ᱛᱮ ᱮᱥᱮᱫ ᱟᱠᱟᱱ ᱠᱟᱵᱩᱞ ᱨᱮᱭᱟᱜ ᱡᱚ ᱠᱚ ᱩᱱᱤ ᱟ.ᱰᱤ ᱡᱩᱨ ᱮ ᱥᱟᱨᱦᱟᱣ ᱟᱠᱟᱜᱼᱟ ᱾ ᱡᱟᱦᱟᱸ ᱨᱮ ᱟᱺᱜᱩᱨ, ᱟᱱᱟᱨ, ᱠᱷᱩᱢᱟᱱᱤ, ᱥᱟ.ᱣ, ᱱᱟᱥᱯᱟ.ᱛᱤ, ᱵᱮᱨ, ᱟ.ᱞᱩᱵᱩᱠᱷᱟᱨᱟ, ᱚᱧᱡᱤᱨ ᱟᱨ ᱚᱠᱷᱨᱚᱴ, ᱞᱮᱠᱟᱱ ᱡᱚ ᱠᱚ ᱵᱤᱥᱲᱤ ᱟᱠᱟᱱᱟ ᱾ ᱵᱟᱵᱚᱨ ᱟᱡᱟᱜ ᱯᱩᱛᱷᱤ ᱨᱮ ᱟᱯᱷᱜᱟᱱᱤᱥᱛᱟᱱ ᱨᱮᱭᱟᱜ ᱞᱚᱞᱚ ᱜᱷᱟ.ᱴᱤᱨᱮ ᱪᱟᱥ ᱦᱩᱭᱩᱜ ᱚᱜ ᱟᱺᱠ, ᱡᱟᱺᱵᱤᱨ, ᱟᱨ ᱜᱚᱞᱜᱚᱞ ᱵᱟᱵᱚᱫᱽ ᱦᱚᱸ ᱚᱞ ᱟᱠᱟᱱᱟ ᱾
ᱛᱚᱨᱡᱚᱢᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱵᱚᱨ ᱟᱡᱟᱜ ᱡᱤᱭᱚᱱ ᱪᱩᱨᱤᱛ ᱫᱚ ᱡᱟᱱᱟᱢ ᱯᱟ.ᱨᱥᱤ ᱪᱚᱜᱚᱛᱟᱭᱤ (ᱛᱩᱨᱠᱤ ᱯᱟ.ᱨᱥᱤ ᱨᱮᱭᱟᱜ ᱢᱟᱨᱮ ᱨᱩᱯ) ᱛᱮᱭ ᱚᱞ ᱞᱮᱜᱼᱟ ᱾ ᱛᱟᱭᱚᱢ ᱛᱮ ᱵᱟᱵᱚᱨ ᱤᱡ ᱜᱚᱲᱚᱢ ᱠᱚᱲᱟ ᱟᱠᱵᱚᱨ ᱡᱩᱞᱩᱠᱼᱮᱼᱵᱟᱵᱽᱨᱤ ᱨᱮᱭᱟᱜ ᱯᱷᱟᱨᱥᱤ ᱯᱟ.ᱨᱥᱤ ᱛᱮ ᱚᱵᱽᱫᱩᱞᱨᱚᱦᱤᱢᱼᱠᱷᱟᱱᱼᱮᱼᱠᱷᱟᱱᱟᱸ ᱦᱚᱛᱮᱛᱮ ᱦᱤᱡᱽᱨᱤ ᱙᱙᱘ (᱑᱕᱘᱙-᱙᱐) ᱨᱮ ᱛᱚᱨᱡᱚᱢᱟ ᱦᱚᱪᱚ ᱠᱟᱛᱮ ᱯᱚᱛᱚᱵ ᱫᱚ ᱪᱤᱛᱟ.ᱨ ᱛᱮᱭ ᱥᱟᱡᱟᱣ ᱠᱮᱜᱼᱟ ᱾ ᱟᱠᱵᱚᱨ ᱫᱚ ᱤᱨᱟᱱ ᱨᱤᱱ ᱵᱟᱨᱭᱟ ᱧᱩᱛᱩᱢᱟᱱ ᱵᱟᱰᱚᱦᱤ ᱥᱩᱨ ᱨᱤᱱ ᱪᱤᱛᱟ.ᱨᱤᱭᱟ. ᱠᱚ ᱦᱚᱛᱮᱛᱮ ᱵᱟᱵᱚᱨᱱᱟᱢᱟ ᱞᱟ.ᱜᱤᱫ ᱟ.ᱰᱤ ᱱᱟᱯᱟᱭ ᱪᱤᱛᱟ.ᱨ ᱮ ᱵᱮᱱᱟᱣ ᱠᱮᱜᱼᱟ ᱾ ᱑᱔᱕ ᱪᱤᱛᱟ.ᱨ ᱨᱮᱭᱟᱜ ᱵᱟᱵᱚᱨᱱᱟᱢᱟ ᱑᱕᱙᱘ ᱥᱟᱞᱮᱨᱮ ᱵᱮᱱᱟᱣ ᱞᱮᱱᱟ ᱾ ᱵᱟᱵᱚᱨᱱᱟᱢᱟ ᱨᱮᱭᱟᱜ ᱪᱤᱛᱟ.ᱨ ᱠᱷᱚᱱ ᱢᱩᱜᱚᱞ ᱡᱩᱜᱽ ᱨᱮᱭᱟᱜ ᱵᱟᱰᱚᱦᱤ ᱨᱮᱭᱟᱜ ᱮᱛᱚᱦᱚᱵ ᱨᱮᱭᱟᱜ ᱡᱷᱚᱞᱚᱠ ᱧᱮᱞᱚᱜᱼᱟ ᱾ ᱞᱟ.ᱭ ᱟᱠᱚ ᱚᱛᱮ ᱫᱚᱣᱞᱚᱛ, ᱵᱷᱚᱵᱟᱱᱤ, ᱢᱚᱸᱥᱩᱨ, ᱥᱩᱨᱫᱟᱥ, ᱢᱤᱥᱠᱤᱱ, ᱯᱷᱟᱨᱩᱠᱷ, ᱪᱳᱞᱟ ᱟᱨ ᱥᱚᱝᱠᱚᱨ ᱞᱮᱠᱟᱱ ᱔᱗ ᱵᱟᱰᱚᱦᱤᱭᱟ. ᱠᱚᱣᱟᱜ ᱜᱚᱲᱚ ᱥᱚᱫᱚᱫ ᱛᱮ ᱢᱚᱬᱮ ᱜᱚᱴᱟᱝ ᱪᱤᱛᱟ.ᱨ ᱥᱟᱶᱛᱮ ᱵᱟ
ᱟᱨᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]https://en.m.wikipedia.org/wiki/Akbarnama
https://en.m.wikipedia.org/wiki/Tuzk-e-Jahangiri
https://en.m.wikipedia.org/wiki/Tuzk-e-Taimuri
ᱥᱟ.ᱠᱷᱭᱟ.ᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]https://books.google.com/books?id=kydN074DwhwC
https://archive.org/details/baburnamainengli01babuuoft
https://archive.org/details/baburnamainengli02babuuoft
https://archive.org/details/babar035008mbp
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]https://commons.wikimedia.org/wiki/Category:Baburnama
http://depts.washington.edu/silkroad/texts/babur/babur1.html
https://archive.org/stream/baburnamainengli01babuuoft#page/n69/mode/2up
- ↑ Uzbekistan: the golden road to Samarkand, Calum MacLeod, Bradley Mayhew, Odyssey, 2008, ISBN 978-962-217-795-6, ... The colourful literature of the Baburnama reveals his deep interest in people and art. He wrote fondly of the natural and architectural beauties of Ferghana, Samarkand and Kabul. In verses of Chagatai Turkish he ranks high after Alisher ...