ᱵᱟᱺᱫᱤ

ᱵᱟᱺᱫᱤ ᱫᱚ ᱵᱚᱲ ᱟᱨ ᱟᱲᱟᱥ ᱛᱮᱠᱚ ᱵᱮᱱᱟᱣᱟ ᱾ ᱵᱚᱲ ᱫᱚ ᱵᱚᱧ ᱵᱚᱧ ᱡᱤᱞᱤᱧ ᱜᱮᱭᱟ ᱟᱨ ᱜᱩᱞᱟᱹᱭ ᱜᱮᱭᱟ ᱵᱤᱧ ᱞᱮᱠᱟ ᱾ ᱵᱚᱲ ᱟᱨ ᱟᱲᱟᱥ ᱵᱟᱱᱟᱨ ᱜᱮ ᱵᱩᱥᱩᱵ ᱛᱮ ᱵᱮᱟᱱᱣ ᱟᱠᱟᱱᱟ ᱾ ᱥᱮᱫᱟᱭ ᱫᱚ ᱦᱳᱲᱳ, ᱪᱟᱣᱞᱮ, ᱦᱚᱲᱮᱡ, ᱥᱟᱹᱨᱩ ᱮᱢᱟᱱ ᱵᱟᱺᱫᱤ ᱠᱟᱛᱮ ᱠᱚ ᱫᱚᱦᱚ ᱠᱟᱜ ᱠᱟᱱ ᱛᱟᱦᱮᱸᱫ᱾ ᱵᱟᱺᱫᱤ ᱵᱮᱱᱟᱣ ᱞᱟᱹᱜᱤᱫ ᱠᱷᱟᱱ ᱫᱚ ᱵᱩᱥᱩᱵ, ᱜᱷᱚᱬᱪᱟ, ᱠᱷᱟᱹᱨᱪᱟᱹᱲᱤ ᱟᱨ ᱜᱩᱰᱱᱟᱹ ᱫᱚᱨᱠᱟᱨᱚᱜ-ᱟ ᱾ ᱠᱷᱟᱹᱨᱪᱟᱲᱤ ᱛᱮᱫᱚ ᱦᱩᱲᱩ ᱠᱚ ᱥᱚᱵᱚᱜᱟ ᱟᱨ ᱵᱚᱲ ᱠᱚ ᱚᱨᱟ ᱤᱠᱷᱟᱹᱱ ᱜᱩᱰᱱᱟᱹ ᱛᱮᱫᱚ ᱵᱟᱺᱫᱤ ᱠᱚ ᱜᱩᱰᱟᱹᱣᱟ ᱾ ᱜᱩᱰᱟᱹᱣ ᱞᱮᱠᱷᱟᱱ ᱫᱚ ᱵᱟᱺᱫᱤ ᱩᱨᱤᱡᱚᱜ-ᱟ ᱾ ᱦᱩᱲᱩ ᱵᱟᱺᱫᱤ ᱠᱟᱛᱮ ᱫᱚᱦᱚ ᱠᱟᱜ ᱠᱷᱟᱱ ᱫᱚ ᱜᱩᱰᱩ, ᱥᱟᱸᱨᱜᱟ ᱥᱮ ᱪᱩᱴᱤᱭᱟᱹ ᱪᱤᱞᱤ ᱦᱚᱸ ᱦᱩᱲᱩ ᱵᱟᱠᱚ ᱡᱚᱢᱟ ᱟᱨ ᱵᱟᱭ ᱦᱤᱨᱤ ᱯᱟᱹᱥᱤᱨᱚᱜ-ᱟ ᱾ᱸ

ᱜᱚᱲᱦᱚᱱ

ᱵᱟᱺᱫᱤ ᱵᱮᱱᱟᱣ ᱞᱟᱜᱤᱫ ᱫᱚ ᱞᱟᱛᱟᱨ ᱨᱮ ᱚᱞ ᱟᱠᱟᱱ ᱥᱟᱢᱟᱱ ᱠᱚ ᱞᱟᱹᱠᱛᱤᱜ-ᱟ ᱾

• ᱵᱚᱲ
• ᱟᱲᱟᱥ
• ᱜᱩᱰᱱᱟᱹ
• ᱠᱷᱟᱹᱨᱪᱟᱹᱲᱤ
• ᱜᱷᱚᱬᱪᱟ

ᱵᱚᱲ

ᱵᱚᱲ ᱫᱚ ᱵᱩᱥᱩᱵ ᱯᱮᱴᱮᱨ ᱠᱟᱛᱮ ᱠᱚ ᱵᱮᱱᱟᱣᱟ ᱾ ᱱᱚᱣᱟ ᱫᱚ ᱟᱹᱰᱤ ᱡᱤᱞᱤᱧ ᱵᱚᱧ ᱵᱚᱧ ᱠᱚ ᱵᱮᱱᱟᱣᱟ ᱾ ᱵᱮᱱᱟᱣ ᱦᱩᱭ ᱠᱟᱛᱮ ᱵᱚᱲ ᱛᱮ ᱵᱟᱺᱫᱤ ᱠᱚ ᱵᱮᱫᱷᱟᱣ ᱟᱹᱪᱩᱨᱟ ᱾

ᱟᱲᱟᱥ

ᱟᱲᱟᱥ ᱛᱮᱫᱚ ᱵᱟᱺᱫᱤ ᱠᱚ ᱛᱚᱞᱟ ᱾

ᱜᱩᱰᱱᱟᱹ

ᱜᱩᱰᱱᱟᱹ ᱛᱮᱫᱚ ᱵᱟᱺᱫᱤ ᱠᱚ ᱜᱩᱰᱟᱹᱣᱟ ᱾ ᱵᱟᱺᱫᱤ ᱜᱩᱰᱟᱣ ᱞᱮᱠᱷᱟᱱ ᱵᱟᱺᱫᱤ ᱩᱨᱤᱡᱚᱜ-ᱟ ᱾

ᱠᱷᱟᱹᱪᱟᱹᱲᱤ

ᱠᱷᱟᱹᱨᱪᱟᱹᱲᱤ ᱛᱮᱫᱚ ᱦᱩᱲᱩ ᱠᱚ ᱜᱟᱫᱟᱣᱟ ᱟᱨ ᱟᱲᱟᱥ ᱠᱚ ᱚᱨᱟ ᱾

ᱜᱷᱚᱬᱪᱟ

ᱜᱷᱚᱬᱪᱟ ᱫᱚ ᱵᱟᱺᱫᱤ ᱞᱟᱛᱟᱨ ᱨᱮᱠᱚ ᱫᱚᱦᱚᱭᱟ ᱾ ᱠᱷᱟᱹᱨᱪᱟᱹᱲᱤ ᱛᱮ ᱵᱚᱲ ᱚᱨ ᱞᱮᱠᱷᱟᱱ ᱵᱟᱺᱫᱤ ᱜᱩᱰᱨᱟᱹᱣᱜ-ᱟ ᱾ ᱚᱱᱟᱛᱮ ᱜᱷᱚᱬᱪᱟ ᱞᱟᱜᱟᱣᱟᱜ ᱠᱷᱟᱱ ᱵᱟᱺᱫᱤ ᱵᱟᱭ ᱜᱩᱰᱨᱟᱹᱣᱜ-ᱟ ᱟᱨ ᱵᱟᱺᱫᱤ ᱩᱨᱤᱡ ᱥᱟᱦᱚᱸᱡ ᱛᱚᱞ ᱜᱟᱱᱚᱜ-ᱟ ᱾