ᱵᱤᱢᱚᱞᱟ ᱯᱨᱚᱥᱟᱫᱽ ᱥᱚᱞᱤᱦᱟ
ᱵᱤᱢᱚᱞᱟ ᱯᱨᱚᱥᱟᱫᱽ ᱥᱚᱞᱤᱦᱟ (ᱤᱝᱨᱟᱹᱡᱤ: Bimala Prasad Chaliha, ᱡᱟᱱᱟᱢ: ᱑᱙᱑᱒ - ᱜᱩᱨ: ᱑᱙᱗᱑) ᱫᱚᱭ ᱛᱟᱸᱦᱮᱸᱠᱟᱱᱟ ᱥᱤᱧᱚᱛᱤᱭᱟᱹ ᱡᱟᱹᱛᱨᱤᱭᱟᱹ ᱠᱚᱝᱜᱽᱨᱮᱥ ᱨᱮᱱ ᱱᱮᱛᱟ ᱟᱨ ᱟᱥᱟᱢ ᱨᱮᱱ ᱢᱟᱨᱮ ᱢᱩᱠᱷᱭᱟᱹ ᱢᱚᱱᱛᱨᱤ᱾ ᱑᱙᱗᱑ ᱥᱮᱨᱢᱟ ᱨᱮ ᱩᱱᱤ ᱰᱚ ᱯᱚᱫᱽᱢᱚ ᱵᱷᱤᱵᱷᱩᱥᱟᱱ ᱥᱤᱨᱯᱟᱹ ᱛᱮ ᱠᱚ ᱢᱟᱱᱚᱛ ᱞᱮᱫᱮᱭᱟ᱾
ᱡᱟᱱᱟᱢ ᱟᱨ ᱵᱚᱸᱥ ᱵᱩᱫᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱑᱒ ᱥᱮᱨᱢᱟ ᱨᱮᱭᱟᱜ ᱒᱖ ᱢᱟᱹᱦᱤᱛ ᱨᱮ ᱵᱤᱢᱚᱞᱟ ᱯᱨᱚᱥᱟᱫᱽ ᱥᱚᱞᱤᱦᱟ ᱫᱚ ᱥᱤᱵᱽ ᱥᱟᱜᱚᱨ ᱦᱚᱱᱚᱛ ᱨᱮᱭᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱨᱮᱱ ᱟᱯᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱸᱦᱮᱸᱠᱟᱱᱟ ᱠᱟᱞᱤ ᱯᱨᱚᱥᱟᱫᱽ ᱥᱚᱞᱚᱦᱟ ᱟᱨ ᱮᱝᱜᱟᱛ ᱛᱮᱫ ᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱠᱩᱧᱡᱩᱞᱚᱛᱟ᱾ ᱩᱱᱤ ᱟᱯᱟᱛ ᱠᱟᱞᱤ ᱯᱨᱚᱥᱟᱫᱽ ᱥᱚᱞᱚᱤᱦᱟ ᱫᱚ ᱥᱤᱵᱽ ᱥᱟᱜᱚᱨ ᱠᱚᱨᱴ ᱨᱮᱱ ᱢᱤᱫᱴᱮᱱ ᱜᱟᱹᱠᱷᱩᱲ ᱩᱠᱤᱞᱮ ᱛᱟᱸᱦᱮᱸᱠᱟᱱᱟ᱾ ᱢᱚᱱᱤᱨᱟᱢ ᱫᱮᱣᱟᱱ ᱨᱮᱱ ᱦᱚᱯᱚᱱ ᱮᱨᱟᱭ ᱛᱟᱸᱦᱮᱸᱠᱟᱱᱟ ᱞᱚᱞᱤᱛᱟ, ᱞᱚᱞᱤᱛᱟ ᱨᱮᱱ ᱦᱚᱯᱚᱱ ᱮᱨᱟᱭ ᱛᱟᱱᱷᱮᱸᱠᱟᱱᱟ ᱠᱩᱧᱡᱩᱞᱚᱛᱟ, ᱠᱩᱧᱡᱩᱞᱚᱛᱟ ᱜᱮ ᱵᱤᱢᱚᱞᱟ ᱯᱨᱚᱥᱟᱫᱽ ᱥᱚᱞᱤᱦᱟ ᱨᱮᱱ ᱮᱝᱟᱛ ᱛᱮᱫ-ᱮ ᱛᱟᱱᱷᱮᱱᱠᱟᱱᱟ᱾ ᱩᱱᱠᱩᱣᱟᱜ ᱜᱷᱟᱨᱚᱧᱡᱽ ᱫᱚ ᱛᱟᱸᱦᱮᱸᱠᱟᱱᱟ ᱢᱟᱨᱟᱝ ᱟᱨ ᱠᱷᱟᱱᱫᱟᱱᱤ᱾ ᱩᱱᱠᱩ ᱫᱚ ᱵᱟᱜᱟᱱ ᱨᱮᱱ ᱢᱟᱹᱞᱤᱠ ᱠᱚ ᱛᱟᱱᱷᱮᱸᱠᱟᱱᱟ᱾ ᱠᱟᱞᱤ ᱯᱨᱚᱥᱟᱫᱽ ᱥᱚᱞᱤᱦᱟ ᱨᱮᱱ ᱫᱚ ᱢᱚᱬᱮ ᱜᱚᱴᱟᱝ ᱠᱚᱲᱟ ᱟᱨ ᱢᱚᱬᱮ ᱜᱚᱴᱟᱝ ᱠᱩᱲᱤ ᱦᱚᱯᱚᱱ ᱠᱚ ᱛᱟᱸᱦᱮᱸᱠᱟᱱ ᱛᱟᱭᱟ᱾
ᱥᱮᱪᱮᱫ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱤᱞᱚᱢᱟ ᱯᱨᱚᱥᱟᱫᱽ ᱥᱚᱞᱚᱦᱟ ᱫᱚ ᱟᱡᱟᱜ ᱯᱟᱹᱦᱤᱞ ᱥᱮᱪᱮᱫ ᱫᱚ ᱥᱤᱵᱽ ᱥᱟᱜᱚᱨ ᱥᱚᱨᱠᱟᱨᱤ ᱤᱝᱨᱟᱹᱡᱤ ᱪᱮᱛᱟᱱ ᱵᱤᱨᱫᱟᱹᱜᱟᱲ ᱨᱮᱭᱮ ᱮᱛᱚᱦᱚᱵ ᱞᱮᱫᱟ᱾ ᱑᱙᱒᱘ ᱥᱮᱨᱢᱟ ᱨᱮ ᱩᱱᱤ ᱰᱚ ᱢᱮᱴᱨᱤᱠ ᱵᱤᱰᱟᱹᱣᱮ ᱯᱟᱥ ᱞᱮᱫᱟ᱾ ᱤᱱᱟᱹ ᱛᱟᱭᱱᱚ ᱛᱮ ᱩᱱᱤ ᱰᱚ ᱠᱚᱞᱠᱟᱛᱟ ᱨᱮᱭᱟᱜ ᱥᱤᱹᱴᱤᱹ ᱠᱚᱞᱮᱡᱽ ᱨᱮ ᱮᱥᱹ ᱥᱤ, ᱨᱮᱭᱮ ᱵᱷᱩᱨᱛᱤ ᱞᱮᱱᱟ᱾ ᱢᱮᱱᱠᱷᱟᱱ ᱵᱤᱱᱤᱰ ᱵᱟᱝ ᱚᱞ ᱠᱟᱛᱮ ᱚᱲᱟᱜ ᱛᱮᱭᱮ ᱨᱩᱣᱟᱹᱲ ᱦᱮᱡ ᱞᱮᱱᱟ ᱟᱨ ᱠᱚᱝᱜᱽᱨᱮᱥ ᱨᱮᱭᱮ ᱵᱚᱞᱚ ᱞᱮᱱᱟ᱾ ᱱᱮᱱᱰᱮ ᱦᱟᱹᱵᱤᱡ ᱜᱮ ᱩᱱᱤᱭᱟᱜ ᱥᱮᱪᱮᱫ ᱥᱟᱝᱜᱷᱟᱨ ᱫᱚ ᱢᱩᱪᱟᱹᱫ ᱮᱱ ᱛᱟᱭᱟ᱾
ᱨᱟᱡᱽ ᱟᱹᱨᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱓᱐ ᱥᱮᱨᱢᱟ ᱠᱷᱚᱱ ᱵᱤᱢᱚᱞᱟ ᱯᱨᱚᱥᱟᱫᱽ ᱥᱚᱞᱤᱦᱟ ᱫᱚ ᱨᱟᱡᱽ ᱟᱹᱨᱤ ᱡᱤᱭᱚᱱ ᱨᱮ ᱟᱡᱟᱜ ᱡᱟᱝᱜᱟ ᱛᱟᱞᱠᱟᱭ ᱯᱷᱮᱰ ᱠᱮᱫ ᱛᱟᱭᱟ᱾ ᱑᱙᱓᱑ ᱥᱮᱨᱢᱟ ᱨᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱫᱚ ᱱᱮ-ᱦᱚᱲ ᱠᱚᱭ ᱦᱮᱦᱚᱨ ᱟᱫ ᱠᱚ ᱛᱟᱸᱦᱟᱮ ᱠᱟᱱᱟ, ᱡᱮ ᱟᱹᱛᱩ ᱨᱮᱱᱟᱜ ᱡᱚᱛᱚᱨ ᱫᱚ ᱩᱛᱱᱟᱹᱣᱟᱜ ᱞᱟᱹᱠᱛᱤ ᱢᱮᱱᱟᱜ-ᱟ᱾ ᱑᱙᱓᱔ ᱥᱮᱨᱢᱟ ᱨᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱫᱚ ᱥᱤᱵᱽ ᱥᱟᱜᱚᱨ ᱟᱥᱟᱢ ᱛᱮᱭᱮ ᱦᱮᱡ ᱞᱮᱱᱟ᱾ ᱩᱱ ᱚᱠᱛᱮ ᱨᱮ ᱵᱤᱢᱚᱞᱟ ᱯᱨᱚᱥᱟᱫᱽ ᱥᱚᱞᱤᱦᱟ ᱫᱚ ᱢᱤᱫᱴᱮᱱ ᱩᱛᱱᱟᱹᱣᱟᱱ ᱡᱚᱛᱚᱨ ᱵᱮᱱᱟᱣ ᱠᱟᱛᱮ ᱢᱚᱦᱟᱛᱬᱟ ᱜᱟᱱᱫᱷ᱾ ᱭᱮ ᱩᱫᱩᱜ ᱟᱫᱮ ᱛᱟᱸᱦᱮᱸᱠᱟᱱᱟ᱾ ᱚᱱᱟ ᱡᱚᱛᱚᱨ ᱧᱮᱞ ᱠᱟᱛᱮ ᱢᱚᱦᱟᱛᱢᱟ ᱜᱟᱱᱫᱷᱤ ᱫᱚᱭᱮ ᱢᱚᱦᱤᱛ ᱞᱮᱱᱟ ᱟᱨ ᱵᱤᱢᱚᱞᱟ ᱯᱨᱚᱥᱟᱫᱽ ᱥᱚᱞᱤᱦᱟ ᱠᱷᱟᱫᱤ ᱤᱫᱤ ᱠᱟᱛᱮ ᱥᱮᱪᱮᱫ ᱞᱟᱹᱜᱤᱫ ᱵᱤᱦᱟᱨ ᱛᱮᱭᱮ ᱠᱳᱞ ᱞᱮᱫᱮᱭᱟ᱾ ᱤᱱᱟᱹ ᱛᱟᱭᱱᱚᱢ ᱜᱚᱴᱟ ᱥᱤᱧᱚᱛ ᱥᱯᱤᱱᱟᱨ ᱮᱥᱚᱥᱤᱭᱮᱥᱚᱱ ᱨᱮᱱ ᱟᱥᱟᱢ ᱰᱟᱹᱨ ᱨᱮᱱ ᱥᱩᱛᱨᱮᱛ ᱞᱮᱠᱟ ᱛᱮ ᱵᱟᱦᱟᱞᱮ ᱧᱟᱢ ᱞᱮᱫᱟ᱾