ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ

ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ
ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ
ᱥᱚᱦᱚᱨ
	ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤᱥᱤᱧᱚᱛ ᱨᱮᱱᱟᱜ ᱟᱥᱟᱢ ᱨᱮ ᱴᱷᱟᱶ
	Coordinates: 26°43′40″N 93°09′06″E / 26.72778°N 93.15167°ECoordinates: 26°43′40″N 93°09′06″E / 26.72778°N 93.15167°E
ᱫᱤᱥᱚᱢ	ᱥᱤᱧᱚᱛ
ᱯᱚᱱᱚᱛ	ᱟᱥᱟᱢ
ᱦᱚᱱᱚᱛ	ᱵᱤᱥᱣᱚᱱᱟᱛᱷ
ᱥᱚᱨᱠᱟᱨ
• ᱪᱟᱪᱞᱟᱣ	ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱱᱚᱜᱚᱨᱯᱟᱞᱤᱠᱟ ᱵᱚᱨᱰ
ᱮᱨᱤᱭᱟ
• ᱞᱮᱠᱷᱟᱜᱩᱴ	6.02 ᱠᱤᱢᱤ২ (2.32 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ	(᱒᱐᱑᱑)
• ᱞᱮᱠᱷᱟᱜᱩᱴ	᱑᱙,᱑᱔᱕
• ᱰᱮᱱᱥᱤᱴᱤ	3200/ᱠᱤᱢᱤ2 (8200/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ
• ᱟᱹᱢᱟᱹᱞᱮᱛ	ᱚᱥᱚᱢᱤᱭᱟ
	IST (ᱭᱩᱴᱤᱥᱤ+᱐᱕:᱓᱐)
ᱴᱮᱞᱤᱯᱷᱚᱱ ᱠᱳᱰ	+᱙᱑ - (᱐) 3ᱷ᱓ - XX XX XXX
ᱜᱟᱹᱰᱤ ᱨᱤᱡᱤᱥᱴᱨᱤ	AS-32

ᱱᱚᱶᱟ ᱚᱱᱚᱞ ᱫᱚ ᱥᱟᱱᱛᱟᱲᱤ ᱣᱤᱠᱤᱯᱤᱰᱤᱭᱟ ᱢᱚᱬᱮ ᱥᱮᱨᱢᱟ ᱯᱩᱨᱟᱹᱣ ᱥᱟᱯᱟᱲᱟᱣ ᱒᱐᱒᱓ ᱨᱮ ᱥᱟᱯᱲᱟᱣ ᱟᱠᱟᱱᱟ ᱾

ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱫᱚ ᱥᱤᱧᱚᱛ ᱨᱮᱱᱟᱜ ᱟᱥᱟᱢ ᱯᱚᱱᱚᱛ ᱨᱮᱱᱟᱜ ᱵᱤᱥᱣᱚᱱᱟᱛᱷ ᱦᱚᱱᱚᱛ ᱨᱮ ᱢᱤᱫ ᱥᱚᱦᱚᱨ ᱟᱨ ᱢᱤᱫ ᱱᱚᱜᱚᱨᱯᱟᱞᱤᱠᱟ ᱵᱚᱨᱰ ᱠᱟᱱᱟ ᱾ ᱱᱚᱣᱟ ᱥᱚᱦᱚᱨ ᱫᱚ ᱵᱤᱥᱣᱚᱱᱟᱛᱷ ᱦᱚᱱᱚᱛ ᱨᱮᱱᱟᱜ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱟᱱᱟ, ᱡᱟᱦᱟᱸ ᱫᱚ ᱑᱕ ᱚᱜᱚᱥᱴ ᱒᱐᱑᱕ ᱥᱟᱞ ᱨᱮ ᱵᱮᱱᱟᱣ ᱞᱮᱱ ᱛᱟᱦᱮᱸᱫ ᱾ ᱚᱱᱟ ᱨᱮᱱᱟᱜ ᱧᱩᱛᱩᱢ ᱫᱚ ᱵᱤᱥᱣᱚᱱᱟᱛᱷ ᱜᱷᱟᱴ ᱠᱷᱚᱱ ᱦᱟᱛᱟᱣ ᱞᱮᱱ ᱛᱟᱦᱮᱸᱫ ᱾

ᱱᱚᱸᱰᱮ ᱫᱚ ᱟᱥᱟᱢ ᱨᱮᱱᱟᱜ ᱯᱩᱭᱞᱩ "ᱠᱞᱚᱠ ᱴᱟᱣᱟᱨ" (ᱜᱷᱟᱱᱴᱟ ᱚᱲᱟᱜ, ᱠᱚᱧᱮ ᱥᱤᱧᱚᱛᱤᱭᱟᱹ ᱥᱚᱦᱚᱨ ᱨᱮ ᱢᱮᱱᱟᱜᱼᱟ) ᱟᱨ ᱚᱱᱟ ᱛᱟᱭᱚᱢ ᱰᱤᱵᱽᱨᱩᱜᱚᱲ ᱨᱮᱱᱟᱜ ᱠᱞᱚᱠ ᱴᱟᱣᱟᱨ ᱢᱮᱱᱟᱜᱼᱟ ᱾

ᱦᱚᱲ ᱮᱞ

᱒᱐᱑᱑ ᱥᱟᱞ ᱨᱮᱱᱟᱜ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ,^[᱑] ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱨᱤᱱ ᱜᱩᱴ ᱦᱚᱲ ᱮᱞ ᱫᱚ ᱑᱙,᱑᱔᱕ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾ ᱱᱚᱸᱰᱮ ᱕᱑% ᱫᱚ ᱠᱚᱲᱟ ᱟᱨ ᱔᱙% ᱫᱚ ᱛᱤᱨᱞᱟᱹ ᱢᱮᱱᱟᱜ ᱠᱚᱣᱟ ᱾ ᱒᱐᱐᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱨᱮᱱᱟᱜ ᱥᱤᱠᱷᱱᱟᱹᱛ ᱫᱚᱨ ᱫᱚ ᱘᱐% ᱢᱮᱱᱟᱜᱼᱟ, ᱱᱚᱣᱟ ᱡᱟᱹᱛᱤᱭᱟᱹᱨᱤ ᱥᱤᱠᱷᱱᱟᱹᱛ ᱕᱙.᱕% ᱠᱷᱚᱱ ᱦᱚᱸ ᱰᱮᱦᱮᱨ ᱜᱮᱭᱟ; ᱠᱚᱲᱟ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚ ᱘᱕% ᱟᱨ ᱛᱤᱨᱞᱟᱹ ᱠᱚᱣᱟᱜ ᱥᱤᱠᱷᱱᱟᱹᱛ ᱫᱚ ᱗᱕% ᱢᱮᱱᱟᱜᱼᱟ ᱾ ᱙% ᱦᱚᱲ ᱫᱚ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾

ᱯᱟᱹᱨᱥᱤ

ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱨᱮ ᱯᱟᱹᱨᱥᱤ ᱠᱚ (᱒᱐᱑᱑)^[᱒]

ᱚᱥᱚᱢᱤᱭᱟ (49.57%)

ᱵᱟᱝᱞᱟ (26.96%)

ᱦᱤᱱᱫᱤ (17.94%)

ᱮᱴᱟᱜ ᱠᱚᱣᱟᱜ (5.53%)

᱙,᱔᱙᱑ ᱦᱚᱲ ᱥᱟᱶᱛᱮ ᱚᱥᱚᱢᱤᱭᱟ ᱡᱚᱛᱚ ᱠᱷᱚᱱ ᱡᱟᱹᱥᱛᱤ ᱨᱚᱲᱼᱮᱫ ᱯᱟᱹᱨᱥᱤ ᱠᱟᱱᱟ, ᱚᱱᱟ ᱛᱟᱭᱚᱢ ᱕,᱑᱖᱒ ᱦᱚᱲ ᱥᱟᱶᱛᱮ ᱵᱟᱝᱞᱟ ᱟᱨ ᱓,᱔᱓᱔ ᱦᱚᱲ ᱥᱟᱶᱛᱮ ᱦᱤᱱᱫᱤ ᱾

ᱱᱟᱜᱟᱢ

ᱵᱤᱥᱣᱚᱱᱟᱛᱷ ᱨᱮᱱᱟᱜ ᱢᱤᱫᱴᱟᱹᱝ ᱟᱹᱰᱤ ᱜᱮ ᱞᱟᱹᱠᱛᱤᱭᱟᱱ ᱱᱟᱜᱟᱢᱤᱭᱟᱹ ᱞᱟᱹᱠᱛᱤ ᱢᱮᱱᱟᱜᱼᱟ ᱾ ᱱᱚᱣᱟ ᱠᱟᱢᱛᱟ ᱥᱟᱢᱨᱟᱡᱽ ᱟᱨ ᱪᱩᱴᱤᱭᱟ ᱥᱟᱢᱨᱟᱡᱽ ᱛᱟᱞᱟ ᱨᱮ ᱟᱨ ᱛᱟᱭᱚᱢ ᱛᱮ ᱠᱳᱪ ᱥᱟᱢᱨᱟᱡᱽ ᱟᱨ ᱚᱦᱳᱢ ᱥᱟᱢᱨᱟᱡᱽ ᱛᱟᱞᱟ ᱨᱮ ᱥᱤᱢᱟᱹ ᱵᱮᱱᱟᱣ ᱮᱱᱟ ᱾ ᱯᱨᱚᱛᱟᱯᱜᱚᱲ, ᱵᱩᱨᱳᱭ ᱮᱢᱟᱱ ᱠᱤᱞᱟ ᱱᱤᱛ ᱦᱚᱸ ᱢᱮᱱᱟᱜ ᱜᱮᱭᱟ ᱡᱟᱦᱟᱸ ᱫᱚ ᱪᱩᱴᱤᱭᱟ ᱨᱟᱡᱟᱭ ᱮ ᱵᱮᱱᱟᱣ ᱞᱮᱫ ᱛᱟᱦᱮᱸᱫ ᱾ ^[᱓]

ᱵᱤᱥᱣᱚᱱᱟᱛᱷ ᱨᱮᱱᱟᱜ ᱧᱮᱱᱮᱞ

ᱵᱤᱥᱣᱚᱱᱟᱛᱷ ᱜᱷᱟᱴ

ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱠᱷᱚᱱ ᱢᱟᱬᱟᱝ, ᱮᱛᱚᱢ ᱥᱮᱦᱮᱫ, ᱵᱤᱥᱣᱚᱱᱟᱛᱷ ᱜᱷᱟᱴ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ "ᱜᱩᱯᱛᱚ ᱠᱟᱹᱥᱤ" ᱦᱚᱸᱠᱚ ᱢᱮᱱᱟ ᱾ ᱱᱚᱣᱟ ᱥᱚᱦᱚᱨ ᱨᱮᱱᱟᱜ ᱧᱩᱛᱩᱢ ᱫᱚ ᱢᱟᱨᱮ ᱵᱤᱥᱣᱚᱱᱟᱛᱷ ᱢᱩᱱᱫᱤᱨ ᱧᱩᱛᱩᱢ ᱨᱮ ᱫᱚᱦᱚ ᱟᱠᱟᱱᱟ ᱾

ᱵᱤᱥᱣᱚᱱᱟᱛᱷ ᱢᱟᱞᱴᱤᱢᱚᱰᱟᱞ ᱫᱟᱜ ᱰᱟᱦᱟᱨ ᱴᱟᱨᱢᱤᱱᱟᱞ

ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱨᱮ ᱵᱨᱚᱦᱢᱟᱯᱩᱛᱨᱟ ᱡᱟᱹᱛᱤᱭᱟᱹᱨᱤ ᱫᱟᱜ ᱰᱟᱦᱟᱨ ᱒ ᱨᱮ ᱵᱤᱥᱣᱚᱱᱟᱛᱷ ᱢᱟᱞᱴᱤᱢᱚᱰᱟᱞ ᱫᱟᱜ ᱰᱟᱦᱟᱨ ᱴᱟᱨᱢᱤᱱᱟᱞ ᱫᱚ ᱵᱷᱟᱨᱚᱛᱢᱟᱞᱟ ᱟᱨ ᱥᱟᱜᱚᱨᱢᱟᱞᱟ ᱯᱨᱚᱡᱮᱠᱴ ᱨᱮᱱᱟᱜ ᱴᱷᱟᱶ ᱠᱟᱱᱟ ᱾^[᱔] ᱠᱚᱧᱮ ᱥᱟᱢᱟᱝ ᱡᱚᱯᱚᱲᱟᱣ ᱞᱟᱹᱜᱤᱫ ᱛᱮ ᱑᱙ ᱡᱟᱹᱛᱤᱭᱟᱹᱨᱤ ᱫᱟᱜ ᱰᱟᱦᱟᱨ ᱢᱮᱱᱟᱜᱼᱟ ᱾

ᱠᱟᱹᱣᱰᱤ ᱟᱹᱨᱤ

ᱱᱚᱣᱟ ᱥᱚᱦᱚᱨ ᱫᱚ ᱢᱳᱱᱟᱵᱚᱨᱤ, ᱯᱚᱨᱴᱩᱵᱽᱜᱷᱟᱨ, ᱥᱟᱠᱳᱢᱟᱛᱷᱟ, ᱱᱤᱞᱯᱩᱨ, ᱯᱟᱵᱚᱭ, ᱠᱟᱞᱟᱯᱟᱹᱱᱤ, ᱜᱤᱸᱡᱤᱭᱟ, ᱠᱮᱴᱮᱞᱟ, ᱵᱤᱦᱟᱞᱤ, ᱦᱮᱞᱮᱢ, ᱜᱳᱦᱯᱩᱨ, ᱵᱚᱨᱜᱚᱝ, ᱰᱷᱳᱞᱤ, ᱢᱤᱡᱤᱠᱟᱡᱚᱱ ᱟᱨ ᱢᱟᱡᱩᱞᱤᱜᱚᱲ ᱞᱮᱠᱟᱱ ᱦᱟᱹᱨᱭᱟᱹᱲ ᱪᱟᱭ ᱵᱟᱜᱟᱱ ᱛᱮ ᱜᱷᱮᱨᱟᱣ ᱟᱠᱟᱱᱟ ᱾

ᱨᱟᱡᱽᱟᱹᱨᱤ

ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱫᱚ ᱛᱮᱡᱽᱯᱩᱨ ᱞᱳᱠᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱨᱮᱱᱟᱜ ᱢᱤᱫ ᱴᱷᱟᱶ ᱠᱟᱱᱟ ᱾^[᱕] ᱟᱨ ᱗᱖ ᱮᱞ ᱵᱤᱥᱣᱚᱱᱟᱛᱷ ᱵᱤᱫᱷᱟᱱᱥᱚᱵᱷᱟ ᱠᱟᱱᱟ ᱾

ᱦᱮᱡ ᱥᱮᱱ

ᱱᱚᱣᱟ ᱥᱚᱦᱚᱨ ᱫᱚ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱕ ᱟᱨ ᱯᱟᱵᱷᱳᱭ ᱨᱚᱰ ᱨᱮᱱᱟᱜ ᱢᱤᱫ ᱢᱩᱬ ᱥᱚᱲᱚᱠ ᱡᱚᱸᱠᱥᱚᱱ ᱠᱟᱱᱟ ᱾ ᱱᱚᱣᱟ ᱫᱚ ᱛᱮᱡᱽᱯᱩᱨ ᱥᱚᱦᱚᱨ ᱠᱷᱚᱱ ᱗᱕ ᱠᱤᱞᱚᱢᱤᱴᱚᱨ ᱥᱟᱢᱟᱝ ᱨᱮ ᱢᱮᱱᱟᱜᱼᱟ ᱾

ᱥᱚᱦᱚᱨ ᱨᱮᱱᱟᱜ ᱯᱟᱪᱮ ᱴᱷᱟᱶ ᱨᱮ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱕ ᱨᱮ ᱵᱚᱞᱚᱱ ᱫᱩᱣᱟᱹᱨ ᱥᱟᱡᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱨᱮᱞ ᱰᱟᱦᱟᱨ ᱠᱷᱚᱱ ᱦᱚᱸ ᱡᱚᱲᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱨᱚᱝᱜᱤᱭᱟ-ᱢᱩᱨᱠᱚᱝᱥᱮᱞᱮᱠ ᱠᱷᱚᱸᱰ ᱵᱨᱚᱰ ᱜᱮᱡᱽ ᱞᱟᱭᱤᱱ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱨᱮᱞ ᱞᱟᱭᱤᱱ ᱫᱚ ᱒᱐᱑᱓ ᱥᱟᱞ ᱨᱮ ᱵᱨᱚᱰ ᱜᱮᱡᱽ ᱨᱮ ᱵᱚᱫᱚᱞ ᱮᱱᱟ ᱾ ᱱᱟᱶᱟ ᱫᱤᱞᱞᱤ ᱟᱨ ᱤᱴᱟᱱᱚᱜᱚᱨ ᱡᱚᱲᱟᱣᱟᱜ ᱱᱟᱶᱟ ᱴᱨᱮᱱ ᱫᱚ ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱨᱮᱞᱣᱮ ᱥᱴᱮᱥᱚᱱ ᱞᱮᱠᱟᱛᱮ ᱥᱮᱱᱚᱜᱼᱟ ᱾^[᱖] ᱜᱩᱣᱟᱦᱟᱴᱤ ᱡᱚᱲᱟᱣᱟᱜ ᱵᱟᱨᱭᱟ ᱤᱱᱴᱟᱨ ᱥᱤᱴᱤ ᱮᱠᱥᱯᱨᱮᱥ ᱴᱨᱮᱱ ᱫᱚ ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱨᱮᱞᱣᱮ ᱥᱴᱮᱥᱚᱱ ᱨᱮ ᱛᱤᱸᱜᱩᱭᱟ ᱾ ᱱᱚᱣᱟ ᱥᱴᱮᱥᱚᱱ ᱫᱚ ᱢᱟᱱᱚᱠ ᱛᱷᱚᱠ III ᱥᱴᱮᱥᱚᱱ ᱨᱮ ᱟᱯᱜᱨᱮᱰ ᱟᱠᱟᱱᱟ ᱾

ᱱᱤᱛᱚᱜ ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱥᱴᱮᱥᱚᱱ ᱨᱮ ᱱᱟᱦᱚᱨᱞᱟᱜᱩᱱ ᱠᱷᱚᱱ ᱜᱩᱣᱟᱦᱟᱴᱤ ᱫᱷᱟᱹᱨᱤᱡ ᱰᱳᱱᱤ ᱯᱳᱞᱳ ᱮᱠᱥᱯᱨᱮᱥ, ᱢᱩᱨᱠᱚᱝᱥᱮᱞᱮᱠ ᱠᱷᱚᱱ ᱜᱩᱣᱟᱦᱟᱴᱤ ᱫᱷᱟᱹᱨᱤᱡ ᱠᱟᱹᱡ ᱫᱤᱱ ᱦᱩᱭ ᱮᱱᱟ ᱮᱦᱚᱵ ᱠᱟᱛᱮ ᱜᱚᱴᱟ ᱥᱮᱫ ᱠᱷᱚᱱ ᱮᱭᱟᱨ ᱠᱟᱱᱰᱤᱥᱚᱱ ᱥᱚᱛᱟᱵᱽᱫᱤ ᱮᱠᱥᱯᱨᱮᱥ ᱥᱟᱶᱛᱮ ᱛᱟᱨᱟ ᱮᱴᱟᱜ ᱯᱟᱥᱮᱱᱡᱚᱨ ᱴᱨᱮᱱ ᱪᱟᱞᱟᱜᱼᱟ ᱾

ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱫᱚ ᱛᱮᱡᱽᱯᱩᱨ (ᱥᱚᱞᱳᱱᱤᱵᱟᱨᱤ ᱩᱰᱟᱹᱱ ᱰᱟᱹᱦᱤ) ᱠᱟᱱᱟ ᱡᱟᱦᱟᱸ ᱫᱚ ᱠᱚᱞᱠᱟᱛᱟ ᱟᱨ ᱜᱩᱣᱟᱦᱟᱴᱤ (ᱮᱭᱟᱨ ᱤᱱᱰᱤᱭᱟ ᱮᱴᱤᱟᱨ ᱛᱷᱚᱠ ᱨᱮᱱᱟᱜ ᱩᱰᱟᱹᱣ ᱜᱟᱹᱰᱤ) ᱞᱟᱹᱜᱤᱫ ᱛᱮ ᱩᱰᱟᱹᱣᱜᱼᱟ ᱾ ᱜᱩᱣᱟᱦᱟᱴᱤ ᱠᱷᱚᱱ ᱵᱤᱥᱣᱚᱱᱟᱛᱷ ᱪᱟᱨᱤᱭᱟᱞᱤ ᱫᱷᱟᱹᱨᱤᱡ ᱟᱨ ᱱᱚᱸᱰᱮ ᱠᱷᱚᱱ ᱟᱥᱟᱢ ᱟᱨ ᱚᱨᱩᱬᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱡᱚᱛᱚ ᱢᱩᱬ ᱱᱚᱜᱚᱨ ᱠᱚ ᱟᱨ ᱥᱚᱦᱚᱨ ᱠᱚ ᱞᱟᱹᱜᱤᱫ ᱱᱤᱡᱮ ᱟᱨ ᱮᱮᱥᱴᱤᱥᱤ ᱵᱟᱥ ᱫᱚ ᱥᱤᱧ ᱟᱨ ᱧᱤᱫᱟᱹ ᱥᱮᱵᱟ ᱞᱟᱹᱜᱤᱫ ᱛᱮ ᱵᱮᱵᱚᱥᱛᱟ ᱢᱮᱱᱟᱜᱼᱟ ᱾

ᱥᱟᱹᱠᱷᱭᱟᱹᱛ

↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 16 June 2004. Retrieved 1 November 2008.
↑ https://censusindia.gov.in/2011census/C-16T/DDW-C16-TOWN-STMT-MDDS-1800.XLSX. {{cite web}}: Missing or empty |title= (help)
↑ Journal Of The Asiatic Society Of Bengal 1904, p. 257-258
↑ Bharatmala presentation
↑ "List of Parliamentary & Assembly Constituencies" (PDF). Assam. Election Commission of India. Archived from the original (PDF) on 4 May 2006. Retrieved 6 October 2008.
↑ "VNE/Viswanath Charali". India Rail Info.

ᱵᱟᱦᱨᱮ ᱡᱚᱱᱚᱲ

[1] "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 16 June 2004. Retrieved 1 November 2008.

[censuslang-2] ttps://censusindia.gov.in/2011census/C-16T/DDW-C16-TOWN-STMT-MDDS-1800.XLSX. {{cite web}}: Missing or empty |title= (help)

[3] Journal Of The Asiatic Society Of Bengal 1904, p. 257-258

[mala1-4] Bharatmala presentation

[5] "List of Parliamentary & Assembly Constituencies" (PDF). Assam. Election Commission of India. Archived from the original (PDF) on 4 May 2006. Retrieved 6 October 2008.

[6] "VNE/Viswanath Charali". India Rail Info.

[᱑]

[᱒]

[᱓]

[᱔]

[᱕]

[᱖]