ᱵᱤᱥᱱᱩ ᱨᱟᱢ ᱢᱮᱫᱷᱤ
ᱵᱤᱥᱱᱩ ᱨᱟᱢ ᱢᱮᱫᱷᱤ (ᱤᱝᱨᱟᱹᱡᱤᱺ Bishnuram Medhi, ᱡᱟᱱᱟᱢᱺ ᱑᱘᱘᱘ - ᱜᱩᱨ ᱑᱙᱘᱑) ᱫᱚ ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱱ ᱫᱚᱥᱟᱨ ᱢᱩᱠᱷᱭᱟᱹ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱧᱚᱛ ᱯᱷᱩᱨᱜᱟᱹᱞ ᱟᱱᱫᱚᱲᱤᱭᱟᱹᱭ ᱛᱟᱦᱮᱸ ᱠᱟᱱᱟ ᱾ ᱑᱙᱙᱕᱗ ᱥᱮᱨᱢᱟ ᱨᱮᱭᱟᱜ ᱒᱘ ᱰᱤᱥᱮᱢᱵᱚᱨ ᱢᱟᱹᱦᱤᱛ ᱦᱤᱞᱚᱜ ᱠᱦᱚᱱ ᱑᱙᱖᱔ ᱥᱮᱨᱢᱟ ᱨᱮᱭᱟᱜ ᱔ ᱮᱯᱨᱤᱞ ᱢᱟᱹᱦᱤᱛ ᱦᱦᱟᱹᱵᱤᱡ ᱩᱱᱤ ᱫᱚ ᱢᱟᱫᱽᱨᱟᱥ ᱯᱚᱱᱚᱛ (ᱱᱟᱦᱟᱜ ᱛᱟᱢᱤᱞ ᱱᱟᱰᱩ) ᱨᱮᱱ ᱯᱚᱱᱚᱛ ᱜᱚᱢᱠᱮ ᱦᱚᱭ ᱞᱮᱱᱟ ᱾
ᱮᱛᱚᱦᱚᱵ ᱡᱤᱭᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱘᱘᱘ ᱥᱮᱨᱢᱟ ᱨᱮᱭᱟᱜ ᱒᱘ ᱮᱯᱨᱤᱞ ᱢᱟᱹᱦᱤᱛ ᱦᱤᱞᱚᱜ ᱜᱩᱣᱟᱦᱟᱴᱤ ᱥᱩᱨ ᱨᱮᱭᱟᱜ ᱦᱟᱡᱚ ᱨᱮ ᱢᱤᱫᱴᱮᱱ ᱨᱮᱝᱜᱮᱡ ᱜᱷᱟᱨᱚᱧᱡᱽ ᱨᱮ ᱵᱤᱥᱱᱩ ᱨᱟᱢ ᱢᱮᱫᱷᱤᱫᱚᱭ ᱡᱟᱱᱟᱢ ᱞᱮᱱᱟ ᱾ ᱑᱙᱐᱕ ᱥᱮᱨᱢᱟ ᱨᱮ ᱜᱩᱣᱟᱦᱟᱴᱤ ᱥᱚᱨᱠᱟᱨᱤ ᱪᱮᱛᱟᱱ ᱤᱝᱨᱟᱹᱡᱤ ᱥᱠᱩᱞ (ᱱᱟᱦᱟᱜ ᱠᱚᱴᱚᱱ ᱡᱮᱜᱮᱫ ᱵᱤᱨᱫᱟᱹ ᱜᱟᱲ) ᱠᱷᱚᱱ ᱢᱮᱴᱨᱤᱠᱩᱞᱮᱥᱚᱱ ᱵᱤᱱᱮᱰᱮ ᱯᱟᱥ ᱞᱮᱫᱟ ᱾ ᱚᱱᱟ ᱛᱟᱭᱱᱚᱢ ᱚᱠᱥᱯᱷᱚᱮᱰ ᱢᱤᱥᱚᱱ ᱦᱚᱥᱴᱮᱞ ᱨᱮ ᱛᱟᱦᱮᱸ ᱠᱟᱴᱮ ᱯᱨᱮᱥᱤᱰᱮᱱᱰ ᱠᱚᱞᱮᱡᱽ ᱨᱮ ᱧᱩᱛᱩᱢᱮ ᱚᱞ ᱠᱮᱫᱟ ᱾ ᱑᱙᱑᱑ ᱥᱮᱨᱢᱟ ᱨᱮ ᱨᱟᱥᱟᱭᱚᱱ ᱥᱟᱢᱮᱥ ᱨᱮ ᱚᱱᱟᱨᱥ ᱟᱛᱮ ᱯᱨᱮᱥᱤᱰᱮᱱᱥᱤ ᱠᱚᱞᱮᱡᱽ ᱠᱷᱚᱱ ᱥᱱᱟᱛᱚᱠᱮ ᱯᱩᱨᱟᱹᱣ ᱞᱮᱫᱟ ᱾ ᱤᱱᱟᱹ ᱛᱟᱭᱚᱢ ᱰᱷᱟᱠᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱪᱮᱛᱟᱱ ᱫᱷᱟᱯ ᱨᱮᱭᱟᱜ ᱫᱚᱥᱟᱨ ᱰᱤᱵᱷᱤᱡᱚᱱ ᱛᱮ ᱨᱟᱥᱟᱭᱚᱱᱮ ᱯᱟᱥ ᱞᱮᱱᱟ ᱾
᱑᱙᱑᱔ ᱥᱮᱨᱢᱟ ᱨᱮ ᱵᱤᱥᱱᱩ ᱨᱟᱢ ᱢᱮᱫᱷᱤ ᱫᱚ ᱠᱚᱞᱠᱟᱛᱟ ᱡᱮᱜᱮᱫ ᱵᱤᱨᱫᱟᱹ ᱜᱟᱲ ᱠᱷᱚᱱ ᱟᱹᱱ ᱟᱹᱨᱤ ᱵᱤᱱᱤᱰᱮ ᱯᱟᱥ ᱞᱮᱫᱟ ᱾ ᱑᱙᱑᱕ ᱥᱮᱨᱢᱟ ᱨᱮ ᱜᱩᱣᱟᱦᱟᱴᱤ ᱨᱮ ᱩᱠᱤᱞᱚᱜᱼᱮ ᱮᱦᱚᱵ ᱞᱮᱰᱟ ᱾ ᱑᱙᱓᱑ ᱥᱮᱨᱢᱟ ᱨᱮ ᱠᱚᱞᱠᱟᱛᱟ ᱠᱚᱨᱴ ᱨᱮ ᱩᱠᱤᱞ ᱜᱟᱪᱛᱟ ᱨᱮ ᱧᱩᱛᱩᱢᱮ ᱚᱞ ᱪᱟᱲᱦᱟᱣ ᱚᱪᱚ ᱞᱮᱫᱟ ᱾ ᱩᱱᱤ ᱜᱮ ᱛᱟᱦᱮᱸ ᱠᱟᱱᱟ ᱟᱥᱟᱢ ᱨᱮᱱ ᱯᱟᱹᱦᱤᱞ ᱛᱷᱚᱠ ᱨᱮᱱ ᱩᱠᱤᱞ ᱾ ᱩᱱ ᱚᱠᱛᱮ ᱨᱮ ᱦᱚᱲ ᱫᱚ ᱩᱱᱤ ᱰᱮᱜᱽᱨᱟ ᱩᱠᱤᱞ ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸ ᱠᱟᱱᱟ ᱾
ᱯᱷᱩᱨᱜᱟᱹᱞ ᱟᱱᱫᱚᱲ ᱨᱮ ᱮᱱᱮᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱒᱐ ᱜᱮᱞ ᱥᱮᱨᱢᱟ ᱠᱚ ᱨᱮ ᱵᱤᱥᱱᱱᱩ ᱨᱟᱢ ᱢᱮᱫᱷᱤ ᱫᱚ ᱥᱤᱧᱚᱛᱤᱭᱟᱹ ᱡᱟᱹᱛᱨᱤᱭᱟᱹ ᱠᱚᱝᱜᱽᱨᱮᱥ ᱨᱮ ᱥᱮᱞᱮᱫ ᱞᱮᱱᱟ ᱾ ᱑᱙᱒᱑ ᱥᱮᱨᱢᱟ ᱨᱮᱭᱟᱜ ᱵᱤᱱ ᱜᱚᱲᱚᱜ ᱟᱱᱫᱚᱲ ᱨᱮ ᱦᱤᱸᱥᱮ ᱦᱟᱛᱟᱣ ᱞᱮᱫᱟ ᱾ ᱑᱙᱒᱖ ᱥᱮᱨᱢᱟ ᱨᱮ ᱥᱤᱧᱚᱛ ᱥᱤᱧᱚᱛ ᱡᱟᱹᱛᱨᱤᱭᱟᱹ ᱠᱚᱝᱜᱽᱨᱮᱥ ᱨᱮᱭᱟᱜ ᱡᱟᱨᱣᱟᱜ ᱦᱚᱮ ᱞᱮᱱᱟ ᱾ ᱚᱱᱰᱮ ᱩᱱᱤ ᱰᱚᱚ ᱩᱯᱮᱱᱱᱫᱽᱨᱚ ᱥᱮᱱ ᱟᱨ ᱠᱚᱞᱞᱫᱷᱚᱨ ᱥᱚᱞᱤᱦᱟ ᱥᱟᱶᱛᱮ ᱠᱟᱹᱣᱰᱤ ᱥᱩᱛᱨᱮᱛ ᱞᱮᱠᱟ ᱛᱮ ᱫᱟᱭᱤᱠ ᱵᱷᱟᱨᱮ ᱜᱚᱜ ᱞᱮᱫᱟ ᱾ ᱑᱙᱓᱐ ᱥᱮᱨᱢᱟ ᱨᱮ ᱟᱥᱟᱢ ᱯᱚᱱᱚᱴ ᱠᱚᱝᱜᱽᱨᱮᱥ ᱨᱮᱱ ᱯᱟᱨᱥᱮᱛ ᱞᱮᱠᱟ ᱛᱮᱭᱮ ᱵᱟᱪᱷᱱᱟᱣ ᱚᱪᱚ ᱞᱮᱱᱟ ᱾
ᱢᱤᱩᱠᱷᱭᱟᱹ ᱢᱚᱱᱛᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱕᱐ ᱥᱮᱨᱢᱟ ᱨᱮᱭᱟᱜ ᱕ ᱟᱜᱚᱥᱴ ᱨᱮ ᱟᱪᱠᱟ ᱜᱮ ᱜᱚᱯᱤᱱᱟᱛᱦ ᱵᱚᱨᱫᱚᱞᱚᱭᱮ ᱜᱩᱨ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱛᱷᱚᱲᱟ ᱫᱤᱱ ᱵᱵᱟᱫᱽ ᱑᱒ ᱟᱜᱚᱥᱴ ᱟᱥᱟᱢ ᱠᱚᱝᱜᱽᱨᱮᱥ ᱟᱜ ᱥᱟᱞᱟ ᱜᱚᱴᱟ ᱠᱠᱟᱛᱮ ᱜᱮ ᱟᱥᱟᱢ ᱨᱮᱱ ᱫᱚᱥᱟᱨ ᱢᱩᱠᱦᱭᱟᱹᱹ ᱢᱚᱚᱱᱛᱨᱤ ᱠᱚ ᱚᱡᱚᱜ ᱵᱟᱦᱟᱞ ᱠᱮᱫᱫᱮᱭᱟ ᱾ ᱑᱙᱕᱒ ᱥᱮᱨᱢᱟ ᱟᱥᱟᱢ ᱯᱚᱱᱚᱛ ᱫᱚᱨᱵᱟᱨ ᱞᱟᱹᱹᱜᱤᱫ ᱵᱟᱪᱷᱱᱟᱣ ᱦᱚᱭᱮᱱᱟ ᱚᱱᱟ ᱨᱮ ᱵᱤᱥᱱᱩ ᱨᱨᱟᱢ ᱢᱮᱫᱷᱤ ᱭᱟᱜ ᱟᱹᱭᱩᱨ ᱛᱮ ᱠᱚ ᱡᱤᱛᱟᱹᱣ ᱞᱮᱱᱟ ᱾