ᱵᱤᱦᱩ ᱮᱱᱮᱡ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search

ᱵᱤᱦᱩ ᱮᱱᱮᱡ ᱫᱚ ᱥᱤᱧᱚᱛ ᱫᱤᱥᱚᱢ ᱟᱥᱟᱢ ᱯᱚᱱᱚᱛ ᱨᱮᱭᱟᱜ ᱢᱤᱫ ᱞᱮᱠᱟᱱ ᱦᱚᱲ ᱮᱱᱮᱡ ᱠᱟᱱᱟ | ᱱᱚᱣᱟ ᱮᱱᱮᱡ ᱫᱚ ᱵᱤᱦᱩ ᱯᱟᱨᱟᱵᱽ ᱟᱨ ᱟᱥᱟᱢ ᱨᱮᱭᱟᱜ ᱦᱚᱲ ᱞᱟᱠᱪᱟᱨ ᱵᱟᱝᱢᱟ ᱟᱥᱟᱢᱤᱭᱟ. ᱞᱟᱠᱪᱟᱨ ᱥᱟᱶ ᱟ.ᱰᱤᱜᱮ ᱜᱟ.ᱦᱤᱨ ᱡᱚᱯᱚᱲᱟᱣ ᱢᱮᱱᱟᱜ ᱟᱠᱟᱫ-ᱟ | ᱱᱚᱣᱟ ᱮᱱᱮᱡ ᱫᱚ ᱜᱟᱫᱮᱞ ᱟᱱᱛᱮᱠᱚ ᱮᱱᱮᱡ ᱟᱨ ᱮᱱᱮᱡᱤᱭᱟ. ᱠᱚᱫᱚ ᱵᱤᱥᱛᱤ ᱠᱟᱭᱛᱮ ᱡᱩᱣᱟ.ᱱ ᱩᱢᱮᱨ ᱨᱤᱱ ᱠᱚᱲᱟ ᱟᱨ ᱠᱩᱲᱤ ᱠᱚ ᱧᱮᱞᱚᱜ-ᱟ | ᱮᱱᱦᱚᱸ ᱱᱚᱣᱟ ᱮᱱᱮᱡ ᱨᱮ ᱚᱱᱠᱟ ᱩᱢᱮᱨ ᱨᱮᱭᱟᱜ ᱵᱟᱨᱚᱱ ᱫᱚ ᱵᱟ.ᱱᱩᱜ-ᱟ, ᱡᱚᱛᱚ ᱦᱚᱲ ᱜᱮᱠᱚ ᱮᱱᱮᱡ ᱫᱟᱲᱮᱭᱟᱜ-ᱟ | ᱮᱱᱮᱡᱤᱭᱟ. ᱠᱚᱣᱟᱜ ᱞᱟᱠᱪᱟᱨ ᱥᱟᱡᱽ-ᱥᱤᱸᱜᱟ.ᱨ ᱫᱚ ᱟ.ᱰᱤᱜᱮ ᱨᱚᱝ-ᱵᱮᱨᱚᱝ ᱟᱨ ᱟᱨᱟᱜ ᱨᱚᱝ ᱛᱷᱤᱢ (theme) ᱨᱮ ᱢᱩᱬ ᱠᱟᱛᱮᱱ ᱠᱩᱥᱤ ᱟᱨ ᱨᱟ.ᱥᱠᱟ ᱨᱮᱭᱟᱜ ᱮᱱᱮᱡ ᱠᱟᱱᱟ |

ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱮᱱᱮᱡ ᱨᱮᱭᱟᱜ ᱥᱤᱨᱡᱚᱱ ᱫᱚ ᱟᱠᱟ ᱠᱷᱚᱱ ᱦᱩᱭ ᱟᱠᱟᱱᱟ, ᱴᱷᱟ.ᱣᱠᱟ. ᱵᱟᱰᱟᱭ ᱫᱚ ᱵᱟ.ᱱᱩᱜ-ᱟ | ᱮᱱᱦᱚᱸ ᱱᱚᱣᱟ ᱦᱚᱲ ᱮᱱᱮᱡ ᱫᱚ ᱟᱥᱟᱢ ᱨᱮᱭᱟᱜ ᱞᱟᱠᱪᱟᱨ ᱥᱟᱶ ᱟ.ᱰᱤᱜᱮ ᱡᱚᱯᱚᱲᱟᱣ ᱢᱮᱱᱟᱜ-ᱟ | ᱱᱚᱣᱟ ᱮᱱᱮᱡ ᱟᱥᱟᱢ ᱴᱚᱴᱷᱟ ᱨᱤᱱ ᱢᱟᱱᱣᱟ ᱠᱷᱩᱴ ᱡᱟᱦᱟᱸ ᱞᱮᱠᱟ ᱠᱚᱭᱵᱚᱨᱛᱟᱥ (Kaivarttas), ᱫᱮᱣᱳᱨᱤᱥ (Deoris), ᱥᱳᱱᱳᱣᱟᱞ ᱠᱚᱪᱟᱨᱤᱥ (Sonowal Kacharis), ᱪᱩᱛᱤᱭᱟᱥ (Chutias), ᱵᱳᱨᱳᱥ (Boros), ᱢᱤᱥᱤᱝᱥ (Misings), ᱨᱚᱵᱷᱟᱥ (Rabhas), ᱢᱳᱨᱟᱱ(Moran), ᱵᱳᱨᱟᱦᱤᱥ (Borahis) ᱮᱢᱟᱱ ᱠᱚ ᱥᱟᱶᱜᱮ ᱵᱤᱥᱛᱤ ᱡᱚᱯᱚᱲᱟᱣ ᱢᱮᱱᱟᱜ-ᱟ | ᱠᱷᱚᱸᱫᱽᱨᱚᱸᱫᱤᱭᱟ. ᱠᱚᱣᱟᱜ ᱞᱟ.ᱭ ᱞᱮᱠᱟᱛᱮ ᱱᱚᱣᱟ ᱮᱱᱮᱡ ᱫᱚ ᱢᱟᱨᱮᱱ ᱪᱟᱥ-ᱟᱵᱟᱫᱽ ᱠᱷᱚᱱ ᱥᱤᱨᱡᱟ.ᱣ ᱟᱠᱟᱱᱟ ᱟᱨ ᱢᱟᱱᱣᱟ-ᱮᱞ ᱵᱟᱝᱢᱟ ᱦᱟᱥᱟ ᱨᱮᱭᱟᱜ ᱩᱨᱵᱚᱨᱚᱛᱟ ᱵᱟᱲᱦᱟᱣ ᱥᱟᱶ ᱡᱚᱯᱚᱲᱟᱣ ᱛᱟᱦᱮᱸᱭᱟ | ᱧᱮᱞ ᱟ.ᱜᱩ ᱟᱠᱟᱱᱟ, ᱚᱸᱰᱮᱱ ᱪᱟ.ᱥᱤ ᱠᱷᱩᱴ ᱠᱚᱫᱚ ᱵᱤᱥᱛᱤ ᱠᱟᱭᱛᱮ ᱞᱳᱣᱟ ᱫᱟᱨᱮ (fig tree) ᱵᱩᱴᱟ., ᱟᱲᱟᱜ-ᱵᱟᱦᱨᱮ, ᱵᱟ.ᱫᱽ ᱨᱮ, ᱵᱤᱨ-ᱵᱩᱨᱩ ᱟᱨ ᱜᱟᱰᱟ ᱥᱚᱸᱜᱷᱟ ᱠᱚᱨᱮ ᱠᱚ ᱮᱱᱮᱡ ᱟ.ᱜᱩ ᱮᱫᱟ | ᱱᱚᱣᱟ ᱮᱱᱮᱡ ᱨᱮᱭᱟᱜ ᱯᱩᱭᱞᱩ ᱪᱤᱱᱦᱟ. ᱫᱚ ᱙ ᱥᱚᱛᱟᱵᱽᱫᱤ ᱚᱠᱛᱮ ᱟᱥᱟᱢ ᱨᱮᱭᱟᱜ ᱛᱮᱡᱽᱯᱩᱨ (Tezpur), ᱟᱨ ᱫᱟᱨᱟᱝ (Darrang) ᱦᱚᱱᱚᱛ ᱨᱮ ᱢᱟᱨᱮᱱ ᱡᱤᱱᱤᱥ ᱠᱚᱨᱮ ᱧᱟᱢ ᱟᱠᱟᱱᱟ | ᱵᱤᱦᱩ ᱧᱩᱛᱩᱢ ᱫᱚ ᱑᱔ ᱥᱚᱛᱟᱵᱽᱫᱚ ᱨᱤᱱ ᱪᱩᱛᱤᱭᱟ (Chutia) ᱨᱟᱡᱟ ᱞᱚᱠᱷᱤᱱᱟᱨᱟᱭᱚᱬ ᱚᱠᱛᱮ ᱫᱷᱤᱨᱤ-ᱚᱞ ᱠᱷᱚᱱ ᱦᱚᱸ ᱧᱟᱢ ᱟᱠᱟᱱᱟ |

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]