ᱵᱤᱨᱫᱟᱝ
ᱵᱤᱨᱫᱟᱝ ᱫᱚ ᱢᱤᱫ ᱴᱟᱝ ᱠᱟ.ᱴᱤᱡ ᱟ.ᱛᱩ ᱟᱠᱟᱱᱟ᱾ ᱱᱚᱣᱟ ᱫᱚ ᱞᱮᱜᱽᱥᱤᱯ ᱟᱨ ᱡᱚᱨᱮ ᱛᱷᱟᱝ ᱛᱟᱞᱟ ᱨᱮ ᱢᱮᱱᱟᱜ-ᱟ᱾ ᱱᱚᱣᱟ ᱫᱚ ᱯᱟᱪᱷᱮ ᱥᱤᱠᱠᱤᱢ ᱦᱚᱱᱚᱛ ᱨᱮᱭᱟᱜ ᱥᱚᱨᱮᱝ ᱴᱚᱴᱷᱟ ᱨᱮ ᱢᱮᱱᱟᱜ-ᱟ᱾[᱑] ᱱᱚᱣᱟ ᱟ.ᱛᱩ ᱫᱚ ᱫᱚᱨᱭᱟ ᱥᱟᱦᱴᱟ ᱠᱷᱚᱱ ᱕᱐ ᱢᱤᱴᱟᱨ ᱪᱮᱛᱟᱱ ᱨᱮ ᱢᱮᱱᱟᱜ-ᱟ᱾ ᱱᱚᱣᱟ ᱫᱚ ᱨᱚᱛᱮ ᱛᱷᱟᱝ ᱠᱷᱚᱱ ᱑᱐ ᱠᱤᱞᱚ ᱢᱤᱴᱟᱨ ᱥᱟᱝᱜᱤᱧ ᱨᱮ ᱢᱮᱱᱟᱜ-ᱟ᱾ ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱤᱠᱠᱤᱢ ᱵᱤᱫᱷᱥᱱ ᱥᱚᱵᱷᱟ ᱨᱮ ᱵᱤᱨᱫᱟᱝ ᱟ.ᱛᱩ ᱫᱚ ᱨᱤᱱᱪᱮᱝᱯᱚᱝ (Rinchenpong) ᱴᱚᱴᱷᱟ ᱛᱟᱵᱮ ᱨᱮ ᱦᱮᱡ ᱞᱮᱱᱟ.
ᱧᱩᱛᱩᱢ ᱚᱢᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
"ᱠᱟᱢᱞᱤᱝ ᱥᱩᱞᱰᱩᱝ" ᱵᱟᱱᱟᱨ ᱟ.ᱲᱟ. ᱜᱮ ᱵᱟᱨᱭᱟ ᱮᱴᱟᱜ ᱮᱴᱟᱜ ᱯᱟ.ᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ᱾ ᱵᱷᱩᱴᱤᱭᱟ ᱯᱟ.ᱨᱥᱤ ᱛᱮ "ᱠᱟᱢ" ᱢᱮᱱᱮᱛ ᱨᱚᱦᱚᱲ ᱟᱨ "ᱥᱩᱞᱰᱩᱝ" ᱫᱚ ᱞᱮᱯᱪᱟ ᱯᱟ.ᱨᱥᱤ ᱠᱷᱚᱱ ᱦᱮᱡ ᱟᱠᱟᱱᱟ, ᱚᱠᱟ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱡᱟ.ᱢᱩᱱᱟ ᱫᱟᱨᱮ", ᱚᱠᱟ ᱨᱮ ᱫᱚ ᱟ.ᱰᱤ ᱵᱟ.ᱲᱛᱤ ᱧᱟᱢᱚᱜ᱾
ᱡᱟ.ᱛᱤ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱴᱚᱴᱷᱟ ᱨᱮ ᱱᱮᱯᱟᱞᱤ ᱨᱚᱨᱚᱲ ᱦᱚᱲ ᱟ.ᱰᱤ ᱥᱟᱝᱜᱮ ᱢᱮᱱᱟᱜ ᱠᱚᱣᱟ ᱡᱮᱞᱮᱠᱟ- ᱪᱷᱮᱛᱨᱤ, ᱨᱟᱭ, ᱢᱟᱝᱜᱟᱨ, ᱞᱤᱢᱵᱩ- ᱥᱩᱵᱵᱟ, ᱞᱮᱯᱪᱟ, ᱫᱟᱨᱡᱤ ᱟᱨ ᱥᱩᱱᱟᱨ ᱮᱢᱟᱱ ᱠᱚ, ᱱᱚᱣᱟ ᱞᱟᱛᱟᱨ ᱠᱟᱢᱞᱤᱝ ᱨᱮ ᱫᱚ ᱵᱟ.ᱲᱛᱤ ᱢᱮᱱᱟᱜ ᱠᱚᱣᱟ᱾
ᱠᱟ.ᱣᱰᱤ ᱟ.ᱨᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱚᱣᱟ ᱴᱚᱴᱷᱟ ᱨᱮ ᱰᱷᱮᱨ ᱦᱚᱲ ᱜᱮ ᱪᱟᱥ- ᱟᱵᱟᱫᱽ, ᱠᱟ.ᱴᱤᱡ ᱵᱮᱯᱟᱨ ᱵᱟ.ᱱᱤᱡ ᱠᱚ ᱛᱮ ᱟᱠᱚᱣᱟᱜ ᱫᱤᱱᱟ.ᱢ ᱫᱤᱱ ᱡᱤᱭᱚᱱ ᱠᱚ ᱠᱷᱟᱱᱰᱟᱣ ᱮᱫᱟ᱾ ᱵᱟ.ᱲᱛᱤ ᱠᱟᱭᱛᱮ ᱡᱩᱣᱟ.ᱱ ᱚᱞᱚᱜ ᱠᱚᱲᱟ ᱠᱩᱲᱤ ᱠᱚ ᱫᱚ ᱥᱚᱨᱠᱟᱨᱤ ᱟᱨ ᱵᱟᱝ ᱵᱮ-ᱥᱚᱨᱠᱟᱨᱤ ᱱᱚᱠᱨᱤ- ᱪᱟ.ᱠᱨᱤ ᱥᱮᱱᱫᱽᱨᱟᱭ ᱞᱟ.ᱜᱤᱫ ᱟ.ᱛᱩ ᱵᱟᱦᱮᱨ ᱨᱟᱡᱽ ᱜᱟᱲ ᱜᱮᱝᱴᱚᱠ ᱛᱮ ᱠᱚ ᱥᱮᱱᱚᱜ ᱠᱟᱱᱟ᱾ ᱟᱫᱚᱢ ᱠᱚᱲᱟ ᱠᱩᱲᱤ ᱠᱚ ᱫᱚ ᱢᱚᱡᱽ ᱛᱮ ᱯᱟᱲᱦᱟᱣ ᱠᱟᱛᱮ ᱮᱴᱟᱜ ᱯᱚᱱᱚᱛ ᱟᱨ ᱵᱟᱝ ᱫᱤᱥᱚᱢ ᱵᱟᱦᱮᱨ ᱦᱚᱠᱚ ᱥᱮᱱᱚᱜ ᱠᱟᱱᱟ᱾ ᱟ.ᱛᱩ ᱛᱟᱞᱟ ᱨᱮ ᱢᱤᱫ ᱴᱮᱱ ᱥᱚᱨᱠᱟᱨᱤ ᱤᱛᱩᱱ ᱟᱥᱲᱟ ᱦᱚ ᱢᱮᱱᱟᱜ-ᱟ᱾ ᱱᱚᱣᱟ ᱦᱚᱲ ᱠᱚ ᱫᱚ ᱡᱟᱣ ᱥᱮᱨᱢᱟ ᱜᱮ ᱟ.ᱰᱤ ᱰᱷᱮᱨ ᱫᱟ.ᱞ, ᱡᱚᱲᱰᱨᱟ, ᱟᱫᱽᱦᱮ, ᱥᱟᱥᱟᱝ ᱟᱨ ᱮᱢᱟᱱ ᱛᱮᱭᱟᱜ ᱩᱛᱩᱭ ᱡᱤᱱᱤᱥ ᱠᱚᱠᱚ ᱪᱟᱥᱟ᱾
ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱒᱐᱑᱑ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱵᱤᱨᱫᱟᱝ ᱨᱮᱞᱮᱠᱷᱟ ᱜᱩᱴ ᱒᱓᱐ ᱜᱚᱴᱟᱝ ᱜᱷᱟᱨᱚᱧᱡᱽ ᱢᱮᱱᱟᱜ ᱟᱠᱟᱫ ᱠᱚᱣᱟ᱾[᱒] ᱒᱓᱐ ᱜᱚᱴᱟᱝ ᱜᱷᱟᱨᱚᱧᱡᱽ ᱨᱮ ᱦᱚᱲ ᱠᱚᱣᱟᱜ ᱞᱮᱠᱷᱟ ᱡᱚᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱑᱒᱔᱗ ᱡᱚᱱᱟ᱾ ᱩᱱᱠᱩ ᱢᱩᱫᱽ ᱨᱮ ᱖᱔᱑ ᱡᱚᱱᱟ ᱫᱚ ᱠᱚ ᱦᱮᱨᱮᱞ ᱦᱚᱲ ᱠᱟᱱᱟ ᱟᱨ ᱥᱟᱨᱮᱡ ᱖᱐᱖ ᱡᱚᱱᱟ ᱦᱚᱲ ᱫᱚ ᱠᱚ ᱢᱟᱭᱡᱤᱣ ᱦᱚᱲ ᱠᱟᱱᱟ᱾ ᱱᱚᱣᱟ ᱴᱚᱴᱷᱟ ᱨᱮᱭᱟᱜ ᱥᱮᱪᱮᱫ ᱠᱚᱣᱟᱜ ᱦᱟᱨ ᱗᱑.᱕᱑% ᱠᱟᱱᱟ, ᱯᱚᱱᱚᱛ ᱥᱮᱪᱮᱫ ᱠᱚᱣᱟᱜ ᱦᱟᱨ ᱠᱷᱚᱱ ᱠᱚᱢᱟᱣ ᱜᱮᱭᱟ, ᱚᱠᱟ ᱫᱚ ᱘᱑.᱔᱒% ᱠᱟᱱᱟ᱾ ᱩᱱᱠᱩ ᱢᱩᱫᱽ ᱨᱮ ᱗᱒.᱗᱖% ᱥᱮᱪᱮᱫ ᱦᱮᱨᱮᱞ ᱦᱚᱲ ᱠᱟᱱᱟ ᱠᱚ ᱟᱨ ᱢᱟᱭᱡᱤᱣ ᱠᱚ ᱫᱚ ᱗᱐.᱒᱒% ᱠᱟᱱᱟ ᱠᱚ᱾ [᱓]
ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ "Village Development Action Plan" (PDF). Rural Management and Development Department, Government of Sikkim. Archived from the original (PDF) on 15 September 2016. Retrieved 10 September 2016.
- ↑ "Census of India 2001: Data from the 2001 Census, including cities, villages and towns (Provisional)". Census Commission of India. Archived from the original on 2004-06-16. Retrieved 2016-09-10.
{{cite web}}: Unknown parameter|deadurl=ignored (help) - ↑ "Kamling Population - West Sikkim, Sikkim". Census Population 2015 Data. Retrieved 10 September 2016.