ᱵᱤᱭᱟᱱ ᱞᱤᱭᱟᱱ
ᱵᱤᱭᱟᱱ ᱞᱤᱭᱟᱱ (English: Bian Lian) ᱫᱚ ᱦᱩᱭᱩᱜ ᱠᱟᱱᱟ ᱥᱤᱥᱩᱣᱟᱱ ᱚᱯᱮᱨᱟ ᱨᱮᱭᱟᱜ ᱢᱤᱫ ᱞᱮᱠᱟᱱ ᱟᱹᱫᱽ ᱪᱟᱭᱱᱤᱥ ᱜᱟᱭᱟᱱ ᱠᱟᱹᱨᱤ ᱾ ᱱᱚᱶᱟᱨᱮ ᱜᱟᱭᱟᱱ ᱩᱫᱩᱜ ᱠᱚ ᱫᱚ ᱥᱟᱯᱷᱟ ᱨᱚᱝ ᱨᱮᱭᱟᱜ ᱠᱤᱪᱨᱤᱡ ᱦᱚᱨᱚᱜ ᱠᱟᱛᱮ ᱛᱟᱹᱯᱤᱥ ᱜᱟᱭᱟᱱ ᱥᱮᱨᱮᱧ ᱨᱮᱠᱚ ᱮᱱᱮᱡᱚᱜ-ᱟ ᱾ ᱚᱱᱠᱩ ᱟᱭᱢᱟ ᱞᱮᱠᱟᱱ ᱨᱚᱝ ᱨᱮᱭᱟᱜ ᱢᱩᱠᱷᱟᱹᱲ ᱦᱚᱨᱚᱜ ᱠᱟᱛᱮ ᱧᱮᱞᱚᱜ ᱞᱮᱠᱟᱱ ᱪᱩᱨᱤᱛ ᱠᱚ ᱟᱸᱠᱟᱣᱟ ᱾
ᱱᱟᱜᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱢᱩᱠᱷᱟᱹᱲ ᱵᱚᱜᱫᱚᱞ ᱥᱮ ᱪᱟᱭᱱᱤᱥ ᱯᱟᱹᱨᱥᱤ ᱛᱮ "ᱵᱤᱭᱟᱱ ᱞᱤᱭᱟᱱ" ᱪᱟᱭᱱᱟ ᱥᱤᱥᱩᱣᱟᱱ ᱚᱯᱮᱨᱟ ᱨᱮᱭᱟᱜ ᱢᱤᱫ ᱞᱟᱹᱠᱛᱤᱭᱟᱱᱟᱜ ᱩᱯᱚᱫᱷᱟᱨᱟ ᱠᱟᱱᱟ ᱾ ᱥᱤᱥᱩᱣᱟᱱ ᱚᱯᱮᱨᱟ ᱫᱚ ᱢᱤᱫ ᱦᱟᱱ ᱪᱟᱭᱱᱤᱥ ᱚᱯᱮᱨᱟ ᱠᱟᱱᱟ ᱾ ᱱᱚᱶᱟ ᱫᱚ ᱯᱩᱨᱩᱵᱽ ᱟᱨ ᱛᱟᱞᱟ ᱥᱤᱥᱩᱣᱟᱱ, ᱥᱚᱝᱠᱤᱝ ᱟᱨ ᱤᱩᱱᱟᱱ ᱯᱨᱚᱫᱮᱥ ᱨᱮᱭᱟᱜ ᱜᱩᱭᱡᱷᱟᱹᱣ ᱴᱚᱴᱷᱟ ᱨᱮ ᱟᱹᱰᱤ ᱱᱟᱢᱰᱟᱠ ᱜᱮᱭᱟ ᱾ ᱥᱤᱥᱩᱣᱟᱱ ᱚᱯᱮᱨᱟ ᱨᱮᱭᱟᱜ ᱢᱩᱠᱷᱟᱹᱲ ᱫᱚ ᱦᱩᱭᱩᱜ ᱠᱟᱱᱟ ᱥᱤᱥᱩᱣᱟᱱ ᱚᱯᱮᱨᱟ ᱩᱱᱩᱫᱩᱜ ᱨᱮ ᱞᱟᱹᱠᱛᱤᱭᱟᱱᱟᱜ ᱦᱤᱸᱥ ᱠᱟᱱᱟ ᱾ ᱟᱹᱫᱽ ᱚᱯᱮᱨᱟ ᱥᱤᱞᱯᱤᱠᱚ ᱢᱤᱫᱛᱮ ᱠᱟᱹᱢᱤ ᱠᱟᱛᱮ ᱟᱠᱩᱛᱮ ᱱᱚᱝᱠᱟᱱ ᱢᱩᱠᱷᱟᱹᱲ ᱠᱚ ᱛᱮᱭᱟᱨ ᱞᱮᱫᱟ ᱾ ᱢᱮᱫᱦᱟ ᱵᱚᱫᱚᱞ ᱨᱮᱭᱟᱜ ᱩᱠᱩ ᱠᱟᱛᱷᱟ ᱫᱚ ᱜᱷᱟᱸᱨᱚᱸᱡᱽ ᱨᱮ ᱢᱤᱫ ᱯᱤᱲᱦᱤ ᱠᱷᱚᱱ ᱫᱚᱥᱟᱨ ᱯᱤᱲᱦᱤ ᱦᱟᱹᱵᱤᱡ ᱨᱮ ᱪᱟᱞᱟᱜ ᱠᱟᱱᱟ ᱾ ᱱᱤᱭᱚᱢ ᱞᱮᱠᱟᱛᱮ "ᱵᱤᱭᱟᱱ ᱞᱤᱭᱟᱱ" ᱫᱚ ᱮᱠᱮᱱ ᱠᱚᱲᱟ ᱦᱚᱯᱚᱱ ᱜᱮ ᱪᱤᱫ ᱨᱮᱭᱟᱜ ᱫᱟᱣ ᱠᱚ ᱧᱟᱢᱮᱫ ᱛᱟᱦᱮᱱᱟ ᱾ ᱠᱩᱲᱤ ᱦᱚᱲ ᱫᱚ ᱵᱟᱯᱞᱟ ᱠᱟᱛᱮ ᱮᱴᱟᱜ ᱚᱲᱟᱜ ᱠᱚ ᱪᱟᱞᱟᱜ ᱠᱷᱟᱹᱛᱤᱨ ᱛᱮ "ᱵᱤᱭᱟᱱ ᱞᱤᱭᱟᱱ" ᱫᱚ ᱵᱚᱠᱚ ᱪᱤᱫ-ᱟᱠᱚ ᱠᱟᱱ ᱛᱟᱦᱮᱱᱟ ᱟᱨ ᱵᱟᱠᱷᱟᱡ ᱩᱠᱩ ᱠᱟᱛᱷᱟ ᱦᱚᱸ ᱮᱴᱟᱜ ᱨᱮ ᱯᱟᱥᱱᱟᱶᱜ-ᱟ ᱢᱮᱱᱛᱮ ᱵᱚᱛᱚᱨ ᱛᱟᱦᱮᱸ ᱠᱟᱱᱟ [᱑] ᱨᱟᱯᱟᱪᱟᱜ-ᱟᱛᱮ ᱠᱮᱱᱰᱤᱝ ᱪᱚᱝ ᱧᱩᱛᱩᱢᱟᱱ ᱢᱤᱫ ᱢᱟᱞᱭᱮᱥᱤᱭᱟᱹ ᱪᱟᱭᱱᱤᱥ ᱟᱭᱚᱦᱚᱲ ᱫᱚ ᱟᱡ ᱟᱯᱟᱛ ᱴᱷᱮᱱ ᱠᱷᱚᱱ ᱵᱤᱭᱟᱱ ᱞᱤᱭᱟᱱ ᱪᱤᱫ ᱠᱟᱛᱮ ᱢᱤᱫ ᱧᱩᱛᱩᱢᱟᱱ ᱚᱵᱷᱤᱱᱮᱛᱟᱭ ᱵᱮᱱᱟᱣᱮᱱᱟ ᱾[᱒] ᱟᱨ ᱢᱤᱫᱴᱮᱱ ᱛᱤᱨᱞᱟᱹ ᱚᱵᱷᱤᱱᱮᱛᱟ ᱰᱩ ᱞᱤ ᱢᱤᱱ ᱫᱚ ᱟᱡᱨᱮᱱ ᱡᱟᱶᱟᱭ ᱵᱤᱭᱟᱱ ᱡᱤᱭᱟᱝ ᱥᱟᱶᱛᱮ ᱠᱩᱣᱟᱞᱟᱞᱟᱢᱯᱩᱨ ᱨᱮ ᱠᱟᱹᱢᱤᱥᱟᱲᱟ ᱫᱚᱦᱚᱠᱟᱛᱮ "ᱵᱤᱭᱟᱱ ᱞᱤᱭᱟᱱ"ᱮ ᱪᱤᱫ-ᱟᱠᱚ ᱠᱟᱱᱟ ᱾[᱑] ᱒᱐᱐᱖ ᱥᱟᱞᱮ ᱨᱮ ᱢᱤᱫ ᱠᱩᱠᱞᱤ-ᱨᱚᱯᱚᱲ ᱥᱮ ᱵᱷᱮᱸᱴ ᱨᱮ, ᱥᱤᱥᱩᱣᱟᱱ ᱚᱯᱮᱨᱟ ᱚᱵᱷᱤᱱᱮᱛᱟ ᱣᱟᱝ ᱫᱟᱣᱡᱷᱮᱝ ᱞᱟᱹᱭ ᱞᱮᱫᱟᱭ ᱡᱮ ᱑᱙᱘᱖ ᱥᱟᱞᱮ ᱨᱮ ᱥᱤᱥᱩᱣᱟᱱ ᱚᱯᱮᱨᱟ ᱨᱮᱭᱟᱜ ᱢᱤᱫ ᱜᱟᱫᱮᱞ ᱡᱟᱯᱟᱱ ᱥᱟᱝᱜᱷᱟᱨ ᱚᱠᱛᱮ ᱵᱤᱭᱟᱱ ᱞᱤᱭᱟᱱ ᱨᱮᱭᱟᱜ ᱩᱠᱩ ᱠᱟᱛᱷᱟ ᱯᱟᱥᱱᱟᱶ ᱞᱮᱱᱟ ᱾ ᱪᱟᱭᱱᱟ ᱨᱮᱭᱟᱜ ᱱᱚᱶᱟ ᱠᱟᱹᱦᱛᱩᱨ ᱩᱠᱩ ᱮᱱᱮᱡ ᱠᱟᱹᱨᱤ ᱯᱟᱥᱱᱟᱣᱮᱱ ᱠᱷᱟᱹᱛᱤᱨᱛᱮ ᱣᱟᱝ ᱫᱚ ᱫᱩᱠᱮ ᱥᱚᱫᱚᱨ ᱞᱮᱫᱟ ᱟᱨ ᱡᱟᱯᱟᱱ, ᱥᱤᱝᱜᱟᱯᱩᱨ, ᱫᱚᱠᱷᱤᱱ ᱠᱚᱨᱤᱭᱟ ᱞᱮᱠᱟᱱ ᱫᱤᱥᱚᱢᱨᱮᱱ ᱵᱮᱪᱤᱱᱦᱟᱹᱯ ᱚᱵᱷᱤᱱᱮᱛᱟ ᱠᱚ ᱢᱚᱡᱽᱛᱮ ᱵᱟᱠᱚ ᱪᱤᱫ ᱟᱠᱟᱫᱟ ᱢᱮᱱᱛᱮᱭ ᱨᱚᱲ ᱞᱮᱫᱟ ᱾ ᱣᱟᱝ ᱞᱮᱠᱟᱛᱮ ᱵᱤᱭᱟᱱ ᱞᱤᱭᱟᱱ ᱫᱚ ᱪᱟᱭᱱᱟ ᱨᱮᱭᱟᱜ ᱩᱠᱩ ᱱᱤᱭᱚᱢ ᱱᱤᱛᱤ ᱥᱮᱡᱛᱮ ᱨᱩᱠᱷᱤᱭᱟᱹᱣᱟᱱ ᱯᱚᱨᱚᱢᱯᱚᱨᱟᱜᱚᱛᱚ ᱠᱟᱹᱨᱤ ᱠᱚ ᱢᱩᱫᱽᱨᱮ ᱢᱤᱫᱴᱮᱱ ᱠᱟᱱ ᱨᱮᱦᱚᱸ ᱪᱟᱭᱱᱟ ᱨᱮᱭᱟᱜ ᱜᱚᱱᱚᱨᱟᱡᱡᱚ ᱥᱚᱝᱥᱠᱨᱤᱛ ᱢᱚᱱᱛᱨᱟᱞᱚᱭ ᱨᱮᱱ ᱟᱹᱢᱟᱹᱞᱤᱭᱟᱹᱠᱚ ᱱᱚᱶᱟ ᱠᱟᱛᱷᱟ ᱵᱟᱝ ᱥᱟᱨᱤᱭᱟ ᱢᱮᱱᱛᱮ ᱠᱚ ᱢᱮᱱᱮᱫᱟ ᱾[᱓] ᱒᱐᱐᱓ ᱨᱮ, ᱦᱚᱝᱠᱚᱝ ᱨᱮᱱ ᱯᱚᱯ ᱥᱴᱟᱨ ᱮᱱᱰᱤ ᱞᱟᱣ ᱫᱚ ‘’ᱵᱤᱭᱟᱱ ᱞᱤᱭᱟᱱ’’ ᱪᱤᱫᱽ ᱞᱟᱹᱜᱤᱫ ᱵᱤᱭᱟᱱ ᱞᱤᱭᱟᱱ ᱨᱮᱱ ᱢᱟᱪᱮᱫ ᱯᱮᱝ ᱰᱮᱝᱦᱩᱭᱟᱭ ᱓,᱐᱐᱐,᱐᱐᱐ ᱭᱩᱣᱟᱱ (᱓,᱖᱐,᱐᱐᱐ ᱢᱟᱨᱠᱤᱱ ᱰᱚᱞᱟᱨ) ᱮᱢᱚᱜ ᱞᱟᱹᱜᱤᱫ ᱠᱟᱛᱷᱟᱭ ᱮᱢ ᱞᱮᱱᱟ ᱢᱮᱱᱛᱮ ᱠᱟᱛᱷᱟ ᱨᱟᱠᱟᱵ ᱞᱮᱱᱟ ᱾ ᱞᱟᱣ ᱫᱚ ᱯᱮᱝ ᱴᱷᱮᱱ ᱱᱚᱶᱟ ᱠᱟᱹᱨᱤ ᱪᱤᱫ ᱞᱮᱫᱟᱭ ᱢᱮᱱᱠᱷᱟᱱ ᱟᱠᱤᱱ ᱛᱟᱞᱟᱨᱮ ᱠᱟᱹᱣᱰᱤ ᱨᱮᱭᱟᱜ ᱡᱟᱦᱟᱱ ᱜᱟᱯᱟᱞᱢᱟᱨᱟᱣ ᱵᱟᱝ ᱛᱟᱦᱮᱸ ᱠᱟᱱᱟ ᱢᱮᱱᱛᱮ ᱩᱱᱠᱤᱱ ᱠᱤᱱ ᱞᱟᱹᱭ ᱞᱮᱫᱟ ᱾[᱑][᱔] ᱩᱠᱩ ᱠᱟᱛᱷᱟ ᱵᱟᱰᱟᱭ ᱵᱟᱝ ᱟᱞᱜᱟᱣᱟ ᱟᱨ ᱱᱤᱛ ᱦᱟᱹᱵᱤᱡ ᱮᱱᱰᱤ ᱞᱟᱣ ᱫᱚ ᱮᱠᱮᱱ ᱱᱤᱭᱟᱹᱜᱮᱭ ᱪᱤᱫ ᱟᱠᱟᱫᱟ ᱡᱮ ᱢᱩᱠᱷᱟᱹᱲ ᱪᱮᱠᱟᱛᱮ ᱩᱱᱟᱹᱜ ᱩᱥᱟᱹᱨᱟ ᱵᱚᱫᱚᱞᱚᱜ ᱠᱟᱱᱟ, ᱢᱮᱱᱠᱷᱟᱱ ᱱᱤᱛ ᱦᱟᱹᱵᱤᱡ ᱦᱚᱸ ᱱᱚᱶᱟ ᱠᱟᱹᱨᱤ ᱫᱚ ᱵᱟᱭ ᱪᱤᱫ ᱞᱮᱫᱟ ᱢᱮᱱᱛᱮᱭ ᱥᱚᱫᱚᱨ ᱞᱮᱫᱟ ᱾[᱕]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ ᱑.᱐ ᱑.᱑ ᱑.᱒ Koay, Allan (19 January 2009). "Ancient art unmasked". The Star Malaysia. Archived from the original on 7 October 2012. Retrieved 30 April 2013.
- ↑ Beautiful mask-changer, The Star Malaysia, 14 April 2007.
- ↑ People's Daily website (7 June 2006). "PRC Ministry of Culture Says Face-Changing was Not Certified as a Traditional Art Covered by the PRC Secrecy Law 文化部称川剧变脸未经保密法认定". Archived from the original on 27 September 2011. Retrieved 20 April 2011.
- ↑ Lu Chang (25 September 2003). "Changing face of face-changing". Shanghai Star. China Daily. Archived from the original on 25 December 2010. Retrieved 8 February 2011.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help); Unknown parameter|deadurl=ignored (help) - ↑ "Probably the world's only female face-changer". Unconventional World Records. Archived from the original on 26 March 2010. Retrieved 11 February 2010.
{{cite web}}: More than one of|archivedate=and|archive-date=specified (help); More than one of|archiveurl=and|archive-url=specified (help); Unknown parameter|deadurl=ignored (help)