ᱵᱨᱤᱡᱽᱢᱚᱦᱟᱱ ᱞᱟᱞ ᱢᱩᱸᱡᱟᱞ
| ᱵᱨᱤᱡᱽᱢᱚᱦᱟᱱ ᱞᱟᱞ ᱢᱩᱸᱡᱟᱞ | |
|---|---|
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱑ ᱡᱩᱞᱟᱭ ᱑᱙᱒᱓ ᱡᱟᱢᱟᱞᱤᱭᱟ, ᱚᱣᱤᱵᱷᱟᱡᱤᱛ ᱥᱤᱧᱚᱛ |
| ᱜᱩᱨ | ᱑ ᱱᱚᱵᱷᱮᱢᱵᱚᱨ ᱒᱐᱑᱕ (᱙᱒ ᱵᱚᱭᱚᱥ) ᱫᱤᱞᱞᱤ, ᱥᱤᱧᱚᱛ |
| ᱠᱟᱹᱢᱤ | ᱦᱤᱨᱚ ᱜᱩᱴ ᱦᱚᱠᱮ ᱥᱚᱸᱥᱛᱷᱟ & ᱪᱮᱭᱟᱨᱢᱮᱱ |
| ᱞᱮᱠᱷᱟᱜᱩᱴ ᱥᱚᱢᱯᱩᱛᱤ | $3.7 ᱵᱤᱠᱤᱭᱟᱱ (ᱥᱮᱯᱴᱮᱢᱵᱚᱨ ᱒᱐᱑᱔) |
| ᱡᱤᱭᱚᱱ ᱥᱚᱦᱮᱫ | ᱥᱟᱸᱛᱚᱥ |
| ᱦᱚᱯᱚᱱ | ᱯᱩᱱᱭᱟ ᱠᱚᱲᱟ, ᱢᱤᱫ ᱠᱩᱲᱤ |
ᱵᱨᱤᱡᱽᱢᱚᱦᱟᱱ ᱞᱟᱞᱟ ᱢᱩᱸᱡᱟᱞ(ᱯᱚᱸᱡᱟᱵᱤ ᱺ ਬ੍ਰਿਜਮੋਹਨ ਲਾਲ ਮੁੰਜਾਲ; ᱑ ᱡᱩᱞᱟᱭ ᱑᱙᱒᱕- ᱑ ᱱᱚᱣᱮᱢᱵᱚᱨ ᱒᱐᱑᱕) ᱥᱤᱧᱚᱛ ᱨᱤᱱ ᱵᱟᱰᱟᱭᱟᱱ ᱚᱫᱭᱚᱜᱤᱠ ᱜᱷᱟᱨᱟᱱᱮ ᱦᱤᱨᱚ ᱜᱩᱴ ᱨᱤᱱᱤᱡ ᱥᱚᱸᱥᱛᱷᱟ ᱯᱟᱠ ᱥᱮ ᱪᱮᱭᱟᱨ ᱢᱮᱱ ᱛᱟᱦᱮᱸᱜ ᱠᱟᱱᱟᱭ᱾ ᱩᱱᱤ ᱫᱚ ᱥᱤᱧᱚᱛ ᱨᱤᱱ ᱓᱐ ᱮᱞᱮᱞ ᱨᱤᱱᱤᱡ ᱥᱟᱱᱟᱢ ᱠᱷᱚᱱ ᱠᱤᱥᱟᱬ ᱦᱚᱲ ᱨᱮ ᱠᱷᱚᱱ ᱢᱤᱫ ᱮ ᱛᱟᱦᱮᱸᱜ ᱠᱟᱱᱟ᱾[᱑]
ᱮᱛᱚᱦᱚᱵᱽ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱩᱭᱟᱜ ᱡᱚᱱᱚᱢ ᱑᱙᱒᱓ ᱨᱮ ᱟᱣᱤᱵᱷᱟᱡᱤᱛ ᱥᱤᱧᱚᱛ ᱨᱮᱱᱟᱜ ᱠᱚᱢᱟᱞᱤᱭᱟ ᱨᱮ ᱦᱩᱭ ᱞᱮᱱ ᱛᱟᱦᱮᱸᱜ ᱟᱭ ᱡᱟᱦᱟᱸᱭ ᱫᱚ ᱱᱤᱛᱟᱝ ᱯᱟᱠᱤᱥᱛᱟᱱ ᱨᱤᱱᱤᱡ ᱯᱚᱸᱡᱟᱵᱽ ᱨᱮᱱᱟᱜ ᱴᱚᱴᱷᱟ ᱴᱚᱵᱟ ᱴᱮᱠ ᱥᱤᱝ ᱨᱮ ᱢᱮᱱᱟᱜ ᱟ᱾ ᱢᱩᱸᱡᱟᱞ ᱒᱐ ᱥᱮᱨᱢᱟ ᱦᱟᱹᱵᱤᱡ ᱨᱮ ᱑᱙᱔᱔ ᱨᱮ ᱟᱡ ᱤᱡ ᱟᱯᱱᱟᱨ ᱯᱮᱭᱟ ᱵᱚᱭᱦᱟ ᱫᱚᱭᱟᱱᱚᱸᱫᱽ, ᱥᱟᱛᱭᱟᱱᱚᱸᱫᱽ ᱟᱨ ᱚᱴᱯᱨᱚᱠᱟᱥ ᱥᱟᱶ ᱯᱟᱠᱤᱥᱛᱟᱱ ᱨᱤᱱᱤᱡ ᱠᱟᱢᱟᱞᱤᱭᱟ ᱠᱷᱚᱱ ᱟᱢᱨᱤᱛ ᱥᱟᱨ ᱦᱮᱡ ᱮᱱᱟᱭ ᱟᱨ ᱩᱱᱤ ᱫᱚ ᱥᱟᱭᱠᱤᱞ ᱨᱮᱱᱟᱜ ᱠᱚᱞᱯᱩᱨᱡᱚ ᱨᱮᱱᱟᱜ ᱠᱟᱨᱚᱵᱟᱨ ᱮ ᱮᱛᱚᱦᱚᱵᱽ ᱞᱮᱫᱟ᱾
ᱣᱭᱟᱯᱟᱨᱤ ᱩᱫᱭᱚᱜᱽᱯᱚᱛᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱟᱭᱚᱢ ᱛᱮ ᱩᱱᱤ ᱞᱩᱫᱷᱤᱭᱟᱱᱟ ᱪᱟᱞᱟᱣ ᱮᱱᱟᱭ, ᱡᱟᱦᱟᱸ ᱫᱚ ᱩᱱᱤ ᱨᱤᱱᱤᱡ ᱟᱡ ᱨᱮᱱ ᱯᱮᱭᱟ ᱵᱚᱭᱦᱟ ᱠᱚ ᱥᱟᱶ ᱥᱟᱭᱠᱤᱞ ᱨᱮᱱᱟᱜ ᱯᱟᱨᱴᱥ ᱠᱚ ᱟᱠᱨᱤᱝᱟ ᱮ ᱮᱦᱚᱵ ᱠᱮᱫᱟ᱾ ᱑᱙᱕᱔ ᱨᱮ ᱩᱱᱤ ᱦᱤᱨᱚ ᱥᱟᱭᱠᱤᱞ ᱞᱤᱢᱤᱴᱮᱰ ᱨᱮᱱᱟᱜ ᱛᱷᱟᱯᱚᱱ ᱠᱮᱫᱟᱭ ᱟᱨ ᱯᱟᱨᱴᱥ ᱠᱚ ᱟᱠᱨᱤᱧ ᱠᱚ ᱤᱠᱟᱹ ᱠᱟᱛᱮᱜ ᱥᱟᱭᱠᱤᱞ ᱨᱮᱱᱟᱜ ᱦᱤᱸᱰᱤᱞ, ᱯᱷᱚᱨᱠ ᱮᱢᱟᱱ ᱠᱚ ᱵᱟᱱᱟᱣ ᱮᱦᱚᱵ ᱠᱮᱫᱟᱭ᱾
᱑᱙᱕᱖ ᱨᱮ ᱯᱟᱸᱡᱟᱵ ᱥᱚᱨᱠᱟᱨ ᱫᱚ ᱥᱟᱭᱠᱤᱞ ᱵᱟᱱᱟᱣ ᱨᱮᱱᱟᱜ ᱞᱟᱭᱤᱥᱮᱸᱥ ᱮ ᱮᱦᱚᱵ ᱠᱮᱫ ᱟ᱾ ᱱᱚᱶᱟ ᱞᱟᱭᱤᱥᱮᱸᱥ ᱩᱱᱤ ᱠᱚᱢᱯᱟᱱᱤ ᱫᱚ ᱧᱟᱢ ᱠᱮᱫᱟᱭ ᱟᱨ ᱡᱟᱦᱟᱸ ᱠᱷᱚᱱ ᱩᱱᱤᱭᱟᱜ ᱡᱮᱜᱮᱛ ᱫᱚ ᱵᱚᱫᱚᱞ ᱮᱱᱟ᱾ ᱥᱚᱨᱠᱟᱨ ᱠᱷᱚᱱ ᱖ ᱞᱟᱠᱷ ᱴᱟᱠᱟ ᱨᱮᱱᱟᱜ ᱣᱤᱛᱛᱤᱭᱚ ᱜᱚᱲᱚ ᱟᱨ ᱟᱡᱤᱡ ᱯᱩᱸᱡᱤ ᱠᱚ ᱥᱟᱶ ᱦᱤᱨᱚ ᱥᱟᱭᱠᱤᱞ ᱠᱚ ᱢᱟᱨᱟᱝ ᱥᱛᱟᱨ ᱨᱮᱱᱟᱜ ᱮᱠᱟᱞ' ᱨᱮᱱᱟᱜ ᱫᱚᱨᱡᱟ ᱮᱢ ᱦᱩᱭ ᱮᱱᱟ᱾ ᱥᱟᱭᱠᱤᱞ ᱵᱟᱱᱟᱣ ᱨᱮ ᱠᱟᱫᱟᱢ ᱮ ᱫᱚᱦᱚ ᱠᱮᱫᱟ᱾ ᱚᱱᱟ ᱚᱠᱛᱮ ᱠᱚᱢᱯᱟᱱᱤ ᱨᱮᱱᱟᱜ ᱥᱟᱞᱟᱱᱟ ᱮᱦᱚᱵᱚᱜ ᱨᱮᱱᱟᱜ ᱫᱟᱲᱮ ᱗,᱕᱐᱐ ᱥᱟᱭᱠᱤᱞ ᱠᱚ ᱛᱟᱦᱮᱸᱜ ᱠᱟᱱᱟ᱾ ᱑᱙᱗᱕ ᱦᱟᱹᱵᱤᱡ ᱱᱚᱶᱟ ᱥᱤᱧᱚᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱥᱟᱭᱠᱤᱞ ᱠᱚᱢᱯᱟᱱᱤ ᱵᱟᱱᱟᱣ ᱦᱩᱭ ᱩᱛᱟᱨ ᱟᱠᱟᱱ ᱛᱟᱦᱮᱸᱜ ᱠᱟᱱᱟ ᱟᱨ ᱑᱙᱘᱖ ᱨᱮ ᱦᱤᱨᱚ ᱥᱟᱭᱠᱤᱞ ᱨᱮᱱᱟᱜ ᱧᱩᱛᱩᱢ ᱜᱤᱱᱤᱡᱽ ᱵᱩᱠ ᱨᱮ ᱡᱮᱜᱮᱛ ᱨᱮᱱᱟᱜ ᱥᱟᱱᱟᱢ ᱠᱷᱚᱱ ᱢᱟᱨᱟᱝ ᱠᱚᱢᱯᱟᱱᱤ ᱨᱮᱱᱟᱜ ᱧᱩᱛᱩᱢ ᱞᱮᱠᱟᱛᱮ ᱫᱟᱨᱡ ᱦᱩᱭ ᱮᱱᱟ᱾
ᱦᱤᱨᱚ ᱦᱚᱸᱰᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱢᱤᱫ ᱴᱩ ᱣᱦᱤᱞ ᱠᱚᱢᱯᱟᱱᱤ ᱮ ᱡᱷᱤᱡ ᱠᱮᱫᱟ, ᱡᱟᱦᱟᱸ ᱫᱚ ᱚᱱᱟ ᱨᱮᱱᱟᱜ ᱧᱩᱛᱩᱢ ᱫᱚ ᱛᱟᱦᱮᱸᱜ ᱠᱟᱱᱟ ᱦᱤᱨᱚ ᱢᱮᱡᱮᱥᱴᱤᱠ ᱠᱚᱢᱯᱟᱱᱤ᱾ ᱱᱚᱶᱟ ᱨᱮ ᱩᱱᱤ ᱫᱚ ᱢᱮᱡᱮᱥᱴᱤᱠ ᱥᱠᱩᱴᱟᱨ ᱥᱮ ᱢᱚᱯᱮᱰ ᱵᱟᱱᱟᱣ ᱮ ᱮᱦᱚᱵ ᱞᱮᱫᱟ᱾ ᱑᱙᱘᱔ ᱨᱮ ᱩᱱᱤ ᱫᱚ ᱡᱟᱯᱟᱱ ᱨᱮᱱᱟᱜ ᱢᱟᱨᱟᱝ ᱚᱴᱚ ᱠᱚᱢᱯᱟᱱᱤ ᱦᱚᱸᱰᱟ ᱠᱷᱚᱱ ᱠᱚᱨᱟᱨ ᱦᱩᱭ ᱮᱱᱟ ᱟᱨ ᱱᱚᱸᱰᱮ ᱠᱷᱚᱱ ᱜᱭ ᱡᱮᱜᱮᱛ ᱨᱮ ᱠᱚᱨᱣᱚᱴ ᱵᱚᱫᱚᱞ ᱮᱱᱟ᱾ ᱩᱱᱤ ᱦᱚᱸᱰᱟ ᱥᱟᱶ ᱥᱮᱞᱮᱫ ᱠᱟᱛᱮᱜ ᱦᱟᱨᱤᱭᱟᱬᱟ ᱨᱮᱱᱟᱜ ᱫᱷᱟᱨᱩᱦᱮᱲᱟ ᱨᱮ ᱯᱞᱟᱸᱴ ᱮ ᱞᱟᱜᱟᱣ ᱠᱮᱫᱟ᱾ ᱑᱓ ᱟᱯᱨᱤᱞ ᱑᱙᱘᱕ ᱨᱮ ᱦᱤᱨᱚ- ᱦᱚᱸᱰᱟ ᱨᱮᱱᱟᱜ ᱢᱟᱲᱟᱝ ᱵᱟᱭᱤᱠ ᱥᱤᱰᱤ ᱑᱐᱐ ᱦᱟᱴ ᱨᱮ ᱦᱮᱡ ᱮᱱᱟ᱾ ᱦᱤᱨᱚ ᱜᱩᱴ ᱨᱮ ᱩᱱᱟᱹᱜ ᱯᱨᱚᱜᱟᱛᱤ ᱨᱮ ᱦᱮᱡ ᱮᱱᱟ᱾ ᱦᱤᱨᱚ ᱜᱩᱴ ᱨᱮ ᱩᱱᱟᱹᱜ ᱯᱨᱚᱜᱟᱛᱤ ᱦᱩᱭ ᱮᱱᱟ ᱡᱮ ᱒᱐᱐᱒ ᱦᱟᱹᱵᱤᱡ ᱘᱖ ᱞᱟᱠᱷ ᱦᱤᱨᱚ ᱦᱚᱸᱰᱟ ᱢᱚᱴᱚᱨ ᱥᱟᱭᱠᱤᱞ ᱥᱟᱭᱠᱤᱞ ᱟᱠᱨᱤᱧ ᱦᱩᱭ ᱩᱛᱟᱨ ᱟᱠᱟᱱ ᱛᱟᱦᱮᱸᱜ ᱠᱟᱱᱟ ᱟᱨ ᱫᱤᱱᱟᱭ᱑᱓᱐᱐᱐ ᱢᱚᱴᱚᱨ ᱥᱟᱭᱠᱤᱞ ᱨᱮᱱᱟᱜ ᱮᱛᱚᱦᱚᱵᱽ ᱤᱫᱤᱜ ᱛᱮᱜᱮ ᱛᱟᱦᱮᱸᱜ ᱠᱟᱱ ᱛᱟᱦᱮᱱᱟ᱾ ᱥᱟᱶ ᱩᱯᱠᱨᱚᱢ ᱠᱷᱚᱱ ᱡᱩᱫᱟᱹ ᱠᱟᱛᱮᱜ ᱦᱩᱭ ᱛᱟᱭᱚᱢ ᱦᱤᱨᱚ ᱜᱩᱴ ᱫᱚ ᱚᱱᱠᱟᱱ ᱫᱤᱥᱚᱢ ᱨᱮ ᱱᱤᱨᱭᱟᱛ ᱞᱟᱹᱜᱤᱫ ᱛᱮ ᱵᱷᱟᱸᱠ ᱮ ᱧᱟᱢ ᱠᱮᱫ ᱟ ᱡᱟᱦᱟᱸ ᱦᱚᱸᱰᱟ ᱨᱮᱱᱟᱜ ᱠᱟᱨᱚᱵᱟᱨ ᱢᱟᱲᱟᱝ ᱠᱷᱚᱱ ᱜᱮ ᱛᱟᱦᱮᱸᱜ ᱠᱟᱱᱟ ᱟᱨ ᱥᱟᱶ ᱩᱯᱠᱨᱚᱢ ᱨᱮᱱᱟᱜ ᱱᱟᱛᱮ ᱦᱤᱨᱚ-ᱦᱚᱸᱰᱟ ᱫᱚ ᱚᱸᱰᱮ ᱢᱟᱞ ᱟᱠᱨᱤᱧ ᱨᱮᱱᱟᱜ ᱫᱚᱨᱠᱟᱨ ᱵᱟᱝ ᱛᱟᱦᱮᱸᱜ ᱠᱟᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Guide Publications (1986). Who's who in India. India: Intl Pubn Service. p. 288. ISBN 0800240871.