ᱵᱩᱞᱟ ᱪᱚᱣᱫᱷᱩᱨᱤ
| ᱵᱩᱞᱟ ᱪᱚᱣᱫᱷᱩᱨᱤ | |
|---|---|
.jpg) ᱒᱐᱐᱔ ᱨᱮ ᱪᱚᱣᱫᱷᱩᱨᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱡᱟᱱᱩᱣᱟᱨᱤ ᱒, ᱑᱙᱗᱐ ᱦᱩᱜᱽᱞᱤ, ᱯᱩᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱥᱤᱨᱯᱷᱟᱹ | ᱯᱚᱫᱽᱢᱚ ᱥᱨᱤ ᱚᱨᱡᱩᱱᱟ ᱟᱣᱟᱨᱰ |
ᱵᱩᱞᱟ ᱪᱚᱣᱫᱷᱩᱨᱤ (ᱡᱟᱱᱟᱢ ᱒ ᱡᱟᱱᱣᱟᱨᱤ ᱑᱙᱗᱐, ᱦᱩᱜᱽᱞᱤ, ᱥᱤᱧᱚᱛ) ᱫᱚ ᱢᱤᱫ ᱚᱨᱡᱩᱱ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱠᱟᱱᱟᱭ, ᱯᱚᱫᱽᱢᱤ ᱥᱨᱤ ᱯᱩᱨᱚᱥᱠᱟᱨ ᱡᱤᱛᱠᱟᱹᱨᱤᱭᱟᱹ, ᱥᱤᱧᱚᱛ ᱨᱤᱱᱤᱡ ᱞᱟᱦᱟ ᱡᱮᱡᱟᱹᱛᱤᱭᱟᱹᱨᱤ ᱛᱚᱨᱞᱟᱹ ᱯᱟᱭᱨᱟᱜ ᱪᱟᱢᱯᱤᱭᱚᱱ ᱮ ᱛᱟᱦᱮᱸ ᱠᱟᱱᱟ ᱟᱨ ᱒᱐᱐᱖ ᱠᱷᱚᱱ ᱒᱐᱑᱑ ᱫᱷᱟᱹᱵᱤᱡ ᱥᱤᱧᱚᱛ ᱨᱮᱱᱟᱜ ᱯᱩᱪᱷᱤᱢ ᱵᱟᱝᱞᱟ ᱯᱚ ᱚᱛ ᱨᱮ ᱵᱤᱫᱷᱟᱭᱚᱠ ᱞᱮᱠᱟᱛᱮᱭ ᱵᱟᱪᱷᱚᱱ ᱟᱠᱟᱱᱟ ᱾ [᱑]
ᱯᱟᱭᱨᱟᱜ ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱩᱱᱤᱭᱟᱜ ᱯᱩᱭᱞᱩ ᱡᱟᱹᱛᱤᱭᱟᱹᱨᱤ ᱦᱮᱯᱨᱟᱣ, ᱙ ᱥᱮᱨᱢᱟ ᱵᱚᱭᱚᱥ ᱨᱮ, ᱩᱱᱤ ᱫᱚ ᱛᱩᱨᱩᱭ ᱜᱚᱴᱟᱝ ᱦᱮᱯᱨᱟᱣ ᱨᱮ ᱛᱩᱨᱩᱭ ᱜᱚᱴᱟᱝ ᱥᱚᱱᱟ ᱢᱟᱹᱱ ᱦᱤᱥᱤᱨ ᱡᱤᱛᱠᱟᱹᱨ ᱠᱟᱛᱮ ᱟᱡᱟᱜ ᱵᱚᱭᱚᱥ ᱨᱮᱱᱟᱜ ᱛᱷᱚᱠ ᱨᱮ ᱟᱡᱟᱜ ᱵᱷᱟᱹᱜᱤ ᱩᱯᱨᱩᱢ ᱮ ᱵᱮᱱᱟᱣ ᱞᱮᱫᱼᱟ ᱾ ᱟᱡᱟᱜ ᱥᱩᱫᱷᱨᱟᱹᱣ ᱮ ᱛᱚᱸᱜᱮ ᱫᱚᱦᱚ ᱠᱮᱫᱼᱟ, ᱞᱮᱠᱟᱱ ᱞᱮᱠᱟᱱ ᱡᱟᱹᱴᱤᱡ ᱫᱚᱞ ᱟᱨ ᱡᱟᱹᱛᱤᱭᱟᱹᱨᱤ ᱪᱟᱢᱯᱤᱭᱚᱱᱥᱤᱯ ᱡᱤᱛᱠᱟᱹᱨ ᱠᱟᱛᱮ, ᱥᱟᱶ ᱥᱟᱶᱛᱮ ᱑᱙᱙᱑ ᱨᱮ ᱫᱩᱷᱤᱱ ᱮᱥᱤᱭᱟ ᱥᱚᱸᱜᱷ ᱠᱷᱮᱞᱚᱸᱰ ᱨᱮ ᱛᱩᱨᱩᱭ ᱜᱚᱴᱟᱝ ᱥᱚᱱᱟᱢᱟᱹᱱ ᱦᱤᱥᱤᱨ ᱮ ᱫᱟᱲᱮ ᱮᱱᱟ ᱾ ᱩᱱᱤ ᱑᱒ ᱵᱚᱪᱷᱚᱨ ᱵᱚᱭᱚᱥ ᱨᱮ ᱟᱡ ᱫᱚ ᱯᱩᱭᱞᱩ ᱱᱟᱜᱟᱨᱤᱭᱟᱹ ᱠᱚ ᱞᱟᱹᱜᱤᱫ ᱮ ᱥᱮᱱ ᱞᱮᱱᱟ, ᱡᱟᱦᱟᱸ ᱫᱚ ᱢᱤᱫ ᱞᱮᱛᱟᱲ ᱟᱱᱟᱜ ᱨᱮᱠᱳᱰ ᱠᱟᱱᱟ ᱾ ᱱᱩᱭ ᱫᱚ ᱩᱱᱠᱩ ᱵᱽᱨᱤᱥᱵᱮᱱ ᱠᱚᱢᱚᱱᱣᱮᱞᱛᱷ ᱜᱮᱢᱥ ᱞᱟᱹᱜᱤᱫ ᱨᱤᱞᱮ ᱠᱣᱟᱨᱴᱚᱨ ᱨᱮ ᱴᱷᱟᱶ ᱛᱟᱦᱮᱸ ᱠᱟᱱ ᱥᱟᱶ ᱥᱟᱶᱛᱮ ᱮᱥᱤᱭᱟᱰ ᱯᱨᱚᱵᱟᱵᱚᱞ ᱞᱤᱥᱴᱤ ᱨᱮ ᱢᱤᱫ ᱞᱟᱹᱠᱛᱤᱭᱟᱱ ᱴᱷᱟᱶ ᱨᱮᱱᱟᱜ ᱜᱮᱮᱱᱴᱤ ᱮᱢ ᱞᱮᱫᱼᱟ ᱾ [᱒]
᱑᱙᱘᱔ ᱨᱮ ᱩᱱᱤ ᱫᱚ ᱑:᱐᱖.᱑᱙ ᱴᱤᱯᱤᱡ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱑᱐᱐ ᱢᱤᱴᱚᱨ ᱵᱚᱴᱚᱨᱯᱷᱞᱟᱭ ᱨᱮᱠᱳᱨᱰ ᱮ ᱵᱮᱱᱟᱣ ᱠᱮᱫᱼᱟ ᱾ ᱑᱙᱘᱖ ᱨᱮ ᱥᱤᱭᱳᱞ ᱮᱥᱤᱭᱟᱰ ᱠᱷᱮᱞ ᱚᱠᱛᱚ ᱨᱮ, ᱩᱱᱤ ᱫᱚ ᱑᱐᱐ ᱢᱤᱴᱚᱨ ᱵᱚᱴᱚᱨᱯᱷᱞᱟᱭ ᱨᱮ ᱑:᱐᱕.᱒᱗ ᱴᱤᱯᱤᱡ ᱟᱨ ᱒᱐᱐ ᱢᱤᱴᱚᱨ ᱵᱚᱴᱚᱨᱯᱷᱞᱟᱭ ᱨᱮ ᱒:᱑᱙.᱖᱐ᱴᱤᱯᱤᱡ ᱨᱮᱱᱟᱜ ᱫᱚᱥᱟᱨ ᱨᱮᱠᱳᱨᱰ ᱮ ᱵᱮᱱᱟᱣ ᱞᱮᱫᱼᱟ ᱾ [᱓] ᱪᱚᱣᱫᱷᱚᱨᱤ ᱫᱚ ᱑᱙᱘᱙ ᱨᱮ ᱡᱤᱞᱤᱧ ᱥᱟᱺᱜᱤᱧ ᱨᱮᱱᱟᱜ ᱯᱟᱭᱨᱟᱜ ᱮ ᱮᱛᱚᱦᱚᱵ ᱠᱮᱫᱼᱟ ᱾ ᱟᱨ ᱚᱱᱟ ᱥᱮᱨᱢᱟ ᱜᱮ ᱤᱝᱞᱤᱥ ᱪᱟᱱᱮᱞ ᱦᱚᱸᱭ ᱯᱟᱨᱚᱢ ᱠᱮᱫᱼᱟ ᱾ ᱤᱱᱟᱹ ᱛᱛᱟᱭᱚᱢ ᱩᱱᱤ ᱫᱚ ᱑᱙᱙᱖ ᱨᱮ ᱘᱑ ᱠᱤ.ᱢᱤ. (᱕᱐ - ᱢᱤᱞ) ᱢᱩᱨᱥᱤᱫᱟᱵᱟᱫᱽ ᱡᱤᱞᱤᱧ ᱥᱟᱺᱜᱤᱧ ᱨᱮᱱᱟᱜ ᱯᱟᱭᱨᱟᱜ ᱮ ᱡᱤᱛᱠᱟᱹᱨ ᱮᱱᱟ ᱟᱨ ᱑᱙᱙᱙ ᱨᱮ ᱩᱱᱤ ᱫᱚ ᱫᱚᱦᱲᱟ ᱛᱮ ᱤᱝᱞᱤᱥ ᱪᱟᱱᱮᱞ ᱮ ᱯᱟᱨᱚᱢ ᱠᱮᱫᱼᱟ ᱾ ᱚᱜᱚᱥᱴ ᱒᱐᱐᱔ ᱨᱮ ᱩᱱᱤ ᱫᱚ ᱥᱩᱨ ᱥᱩᱯᱩᱨ ᱑᱔ ᱜᱷᱚᱱᱴᱟ ᱨᱮ ᱥᱨᱤᱞᱚᱝᱠᱟ ᱨᱮᱱᱟᱜ ᱛᱚᱞᱟᱭᱤᱢᱚᱱᱱᱟᱨ ᱠᱷᱚᱱ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱫᱷᱚᱱᱩᱥᱠᱳᱰᱤ ᱫᱷᱟᱹᱵᱤᱡ ᱯᱟᱠ ᱥᱴᱨᱮᱴᱥ ᱨᱮ ᱯᱟᱭᱨᱟ ᱠᱟᱛᱮ ᱱᱚᱶᱟ ᱨᱮᱠᱳᱰ ᱫᱚᱭ ᱵᱮᱱᱟᱣ ᱞᱮᱫᱼᱟ ᱾ [᱓]
ᱥᱤᱨᱯᱟᱹ ᱟᱨ ᱢᱟᱹᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱭᱟᱭ ᱫᱚᱨᱭᱟᱭ ᱯᱟᱭᱨᱟ ᱯᱟᱨᱚᱢ ᱟᱠᱟᱫ ᱯᱩᱭᱞᱩ ᱛᱤᱨᱞᱟ ᱾ ᱵᱟᱨ ᱫᱷᱟᱣ ᱯᱩᱭᱞᱩ ᱫᱚ ᱑᱙᱘᱙ ᱨᱮ ᱟᱨ ᱫᱚᱦᱲᱟ ᱛᱮᱫᱚ ᱑᱙᱙᱙ ᱨᱮ ᱤᱝᱞᱤᱥ ᱪᱟᱱᱮᱞ ᱮ ᱯᱟᱭᱨᱟ ᱯᱟᱨᱚᱢ ᱟᱠᱟᱫᱼᱟ ᱾ ᱑᱙᱙᱐ ᱨᱮ ᱚᱨᱡᱩᱱ ᱥᱤᱨᱯᱟᱹ ᱾ ᱯᱚᱫᱽᱢᱚ ᱥᱨᱤ ᱥᱤᱨᱯᱟᱹ ᱾[᱑] ᱛᱮᱱᱡᱤᱝ ᱱᱚᱨᱜᱮ ᱥᱟᱦᱟᱥᱤᱭᱟᱹ ᱥᱤᱯᱟᱹ ᱒᱐᱐᱒ ᱾[᱔]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱑.᱐ ᱑.᱑ "Padma Awards" (PDF). Ministry of Home Affairs, Government of India. 2015. Archived from the original (PDF) on 15 ᱱᱚᱵᱷᱮᱢᱵᱚᱨ 2014. Retrieved 21 ᱡᱩᱞᱟᱭ 2015.
- ↑ "Bula Choudhury seems all set to become a female Mark Spitz". India Today (in ᱟᱝᱜᱽᱨᱮᱡᱤ). 2 ᱚᱜᱚᱥᱴ 2013. Retrieved 22 ᱱᱚᱵᱷᱮᱢᱵᱚᱨ 2019.
- ↑ ᱓.᱐ ᱓.᱑ "Bula Chowdhury : Biography, Profile, Records, Awards and Achievement". Who-is-who (in ᱟᱝᱜᱽᱨᱮᱡᱤ). 2 ᱯᱷᱮᱵᱽᱨᱩᱣᱟᱨᱤ 2018. Retrieved 22 ᱱᱚᱵᱷᱮᱢᱵᱚᱨ 2019.
- ↑ "Arjuna Award and Dronacharya Award for the year 2003 announced" (Press release). Press Information Bureau, India. 15 ᱥᱮᱯᱴᱮᱢᱵᱚᱨ 2004. Retrieved 18 ᱥᱮᱯᱴᱮᱢᱵᱚᱨ 2020.