ᱵᱩᱨᱦᱟᱱᱯᱩᱨ ᱦᱚᱱᱚᱛ
| ᱵᱩᱨᱦᱟᱱᱯᱩᱨ ᱦᱚᱱᱚᱛ | |
|---|---|
| ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱦᱚᱱᱚᱛ | |
 .JPG) | |
 ᱢᱚᱫᱷᱭᱚ ᱯᱨᱚᱫᱮᱥ ᱨᱮ ᱵᱩᱨᱦᱟᱱᱯᱩᱨ ᱦᱚᱱᱚᱛ ᱨᱮᱱᱟᱜ ᱴᱷᱟᱶ | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ | ᱢᱚᱫᱷᱭᱚ ᱯᱨᱚᱫᱮᱥ |
| ᱦᱟᱹᱴᱤᱧ | ᱤᱱᱫᱳᱨ |
| ᱛᱷᱟᱯᱚᱱ | ᱑᱕ ᱚᱜᱚᱥᱴ ᱒᱐᱐᱓ |
| ᱦᱮᱰᱠᱩᱣᱟᱴᱚᱨ | ᱵᱩᱨᱦᱟᱱᱯᱩᱨ |
| ᱥᱚᱨᱠᱟᱨ | |
| • ᱦᱚᱱᱚᱛ ᱠᱚᱞᱮᱠᱴᱚᱨ | ᱵᱷᱚᱵᱽᱭᱟ ᱢᱤᱛᱛᱟᱞ (ᱟᱭᱤ.ᱮ.ᱮᱥ.) |
| • ᱞᱳᱠ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱚ | ᱠᱷᱟᱸᱰᱣᱟ |
| • ᱵᱤᱫᱷᱟᱱ ᱥᱚᱵᱷᱟ ᱵᱟᱪᱷᱱᱟᱣ ᱴᱚᱴᱷᱟ ᱠᱚ | ᱱᱮᱯᱟᱱᱚᱜᱚᱨ (᱑᱗᱙) ᱵᱩᱨᱦᱟᱱᱯᱩᱨ (᱑᱘᱐) |
| ᱮᱨᱤᱭᱟ | |
| • ᱜᱩᱴ | 3427 ᱠᱤᱢᱤ২ (1323 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱜᱩᱴ | ᱗᱕᱗,᱘᱔᱗ |
| • ᱰᱮᱱᱥᱤᱴᱤ | 220/ᱠᱤᱢᱤ2 (570/ᱜᱟᱺᱴ ᱢᱟᱹᱭᱤᱞ) |
| ᱰᱮᱢᱚᱜᱨᱟᱯᱷᱤ | |
| • ᱥᱤᱠᱷᱱᱟᱹᱛ | ᱖᱕.᱒᱘% |
| • ᱡᱟᱱᱟᱝ ᱡᱟᱹᱱᱤ | ᱙᱐᱐ |
| IST (ᱭᱩᱴᱤᱥᱤ+᱐᱕:᱓᱐) | |
| ᱣᱮᱵᱽᱥᱟᱭᱤᱴ | burhanpur |
ᱵᱩᱨᱦᱟᱱᱯᱩᱨ ᱦᱚᱱᱚᱛ ᱫᱚ ᱛᱟᱞᱢᱟ ᱥᱤᱧᱚᱛ ᱨᱮ ᱢᱚᱫᱷᱭᱚ ᱯᱨᱚᱫᱮᱥ ᱯᱚᱱᱚᱛ ᱨᱮᱱᱟᱜ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱾ ᱵᱩᱨᱦᱟᱱᱯᱩᱨ ᱥᱚᱦᱚᱨ ᱫᱚ ᱦᱚᱱᱚᱛ ᱦᱮᱰᱠᱩᱣᱟᱴᱚᱨ ᱠᱟᱱᱟ ᱾
ᱵᱩᱨᱦᱟᱱᱯᱩᱨ ᱦᱚᱱᱚᱛ ᱫᱚ ᱑᱕ ᱚᱜᱚᱥᱴ ᱒᱐᱐᱓ ᱥᱟᱞ ᱨᱮ ᱠᱷᱟᱸᱰᱣᱟ ᱦᱚᱱᱚᱛ ᱨᱮᱱᱟᱜ ᱮᱛᱚᱢ ᱥᱮᱫ ᱠᱷᱚᱱ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾ ᱛᱟᱯᱛᱤ ᱜᱟᱰᱟ ᱫᱚ ᱥᱟᱢᱟᱝ ᱠᱷᱚᱱ ᱯᱟᱪᱮ ᱥᱮᱫ ᱛᱮ ᱦᱤᱡᱩᱜᱼᱟ ᱾ ᱱᱚᱶᱟ ᱦᱚᱱᱚᱛ ᱠᱚᱧᱮ ᱨᱮ ᱠᱷᱟᱸᱰᱣᱟ ᱦᱚᱱᱚᱛ ᱠᱷᱚᱱ ᱥᱚᱛᱯᱩᱲᱟ ᱨᱮᱸᱡᱽ ᱛᱮ ᱦᱟᱹᱴᱤᱧ ᱟᱠᱟᱱᱟ, ᱡᱟᱦᱟᱸ ᱫᱚ ᱱᱚᱨᱢᱚᱫᱟ ᱜᱟᱰᱟ ᱜᱷᱟᱹᱴᱤ ᱟᱨ ᱛᱟᱯᱛᱤ ᱜᱷᱟᱹᱴᱤ ᱛᱟᱞᱟ ᱨᱮᱦᱚᱸ ᱦᱟᱹᱴᱤᱧ ᱠᱟᱱᱟ ᱾ ᱥᱚᱛᱯᱩᱲᱟ ᱞᱮᱠᱟᱛᱮ ᱥᱮᱱᱚᱜᱟᱜ ᱡᱟᱦᱟᱸ ᱫᱚ ᱵᱩᱨᱦᱟᱱᱯᱩᱨ ᱟᱨ ᱠᱷᱟᱸᱰᱣᱟ ᱡᱚᱲᱟᱣᱟ, ᱱᱚᱣᱟ ᱫᱚ ᱠᱚᱧᱮ ᱟᱨ ᱮᱛᱚᱢ ᱥᱤᱧᱚᱛ ᱡᱚᱲᱟᱣᱟᱜ ᱢᱤᱫ ᱢᱩᱬ ᱰᱟᱦᱟᱨ ᱠᱟᱱᱟ, ᱟᱨ ᱟᱥᱤᱨᱜᱚᱲ ᱠᱤᱞᱟ, ᱡᱟᱦᱟᱸ ᱫᱚ ᱱᱚᱣᱟ ᱰᱟᱦᱟᱨ ᱨᱮᱱᱟᱜ ᱫᱟᱵᱚᱱ ᱮᱫᱼᱟ, ᱱᱚᱣᱟ ᱫᱚ "ᱫᱚᱠᱠᱠᱚᱱ ᱨᱮᱱᱟᱜ ᱠᱟᱹᱴᱷᱤ" ᱞᱮᱠᱟᱛᱮ ᱵᱟᱰᱟᱭᱚᱜᱼᱟ ᱾
ᱱᱚᱶᱟ ᱦᱚᱱᱚᱛ ᱫᱚ ᱵᱟᱨᱭᱟ ᱩᱛᱷᱱᱟᱹᱣ ᱵᱚᱱᱚᱛ, ᱵᱩᱨᱦᱟᱱᱯᱩᱨ ᱟᱨ ᱠᱷᱚᱠᱱᱟᱨ, ᱟᱨ ᱯᱮᱭᱟ ᱛᱚᱦᱥᱤᱞ, ᱱᱮᱯᱟᱱᱚᱜᱚᱨ, ᱵᱩᱨᱦᱟᱱᱯᱩᱨ ᱟᱨ ᱠᱷᱚᱠᱱᱟᱨ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾ ᱵᱩᱨᱦᱟᱱᱯᱩᱨ ᱦᱚᱱᱚᱛ ᱫᱚ ᱤᱱᱫᱳᱨ ᱠᱷᱚᱸᱰ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ ᱾
ᱵᱩᱨᱦᱟᱱᱯᱩᱨ ᱫᱚ ᱫᱟᱣᱫᱤ ᱵᱳᱦᱨᱟ ᱥᱟᱶᱛᱟ ᱨᱤᱱ ᱦᱚᱲ ᱠᱚᱣᱟᱜ ᱢᱤᱫᱴᱟᱹᱝ ᱢᱩᱬ ᱴᱷᱟᱶ ᱠᱟᱱᱟ, ᱪᱮᱫᱟᱜ ᱥᱮ ᱵᱩᱨᱦᱟᱱᱯᱩᱨ ᱨᱮᱫᱚ ᱥᱟᱶᱛᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨ ᱥᱚᱨᱮᱥ ᱫᱚᱨᱜᱟᱦ (ᱫᱚᱨᱜᱟᱦ-ᱮ-ᱦᱟᱠᱤᱢᱤ) ᱢᱮᱱᱟᱜᱼᱟ ᱾
ᱢᱟᱨᱮ ᱵᱩᱨᱦᱟᱱᱯᱩᱨ ᱥᱚᱦᱚᱨ ᱫᱚ ᱜᱚᱴᱟ ᱥᱮᱫ ᱛᱮ ᱜᱷᱮᱨᱟᱣ ᱟᱠᱟᱱᱟ, ᱡᱟᱦᱟᱸ ᱫᱚ ᱱᱚᱶᱟ ᱫᱚ ᱢᱤᱫᱴᱟᱹᱝ ᱠᱤᱞᱟ ᱞᱮᱠᱟ ᱜᱮ ᱧᱮᱞᱚᱜᱼᱟ ᱾
ᱚᱛᱱᱚᱜ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱩᱨᱦᱟᱱᱯᱩᱨ ᱦᱚᱱᱚᱛ ᱨᱮᱱᱟᱜ ᱥᱤᱢᱟᱹ ᱫᱚ ᱮᱛᱚᱢ ᱟᱨ ᱮᱛᱚᱢ-ᱥᱟᱢᱟᱝ ᱨᱮ ᱢᱚᱦᱟᱨᱟᱥᱴᱨᱚ ᱯᱚᱱᱚᱛ ᱛᱮ ᱮᱥᱮᱫ ᱟᱠᱟᱱᱟ, ᱠᱚᱧᱮ ᱨᱮ ᱠᱷᱟᱸᱰᱣᱟ ᱦᱚᱱᱚᱛ ᱟᱨ ᱯᱟᱪᱮ ᱨᱮ ᱠᱷᱟᱨᱜᱚᱱ ᱦᱚᱱᱚᱛ ᱢᱮᱱᱟᱜᱼᱟ ᱾ ᱛᱟᱯᱛᱤ ᱜᱟᱰᱟ ᱫᱚ ᱱᱚᱣᱟ ᱦᱚᱱᱚᱛ ᱛᱟᱞᱟ ᱛᱮ ᱵᱚᱦᱮᱞ ᱟᱠᱟᱱᱟ ᱾ ᱱᱮᱯᱟᱱᱚᱜᱚᱨ, ᱥᱟᱦᱯᱩᱨ ᱟᱨ ᱤᱪᱷᱟᱯᱩᱨ ᱦᱚᱱᱚᱛ ᱨᱮᱱᱟᱜ ᱮᱴᱟᱜ ᱢᱩᱬ ᱥᱚᱦᱚᱨ ᱠᱟᱱᱟ ᱾
ᱦᱚᱲ ᱮᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| ᱑᱙᱐᱑ | ᱑᱐᱖,᱙᱘᱕ | — |
| ᱑᱙᱑᱑ | ᱑᱒᱗,᱖᱙᱖ | +1.79% |
| ᱑᱙᱒᱑ | ᱑᱒᱙,᱕᱑᱑ | +0.14% |
| ᱑᱙᱓᱑ | ᱑᱕᱒,᱖᱐᱙ | +1.65% |
| ᱑᱙᱔᱑ | ᱑᱖᱗,᱗᱓᱖ | +0.95% |
| ᱑᱙᱕᱑ | ᱑᱗᱖,᱕᱘᱐ | +0.52% |
| ᱑᱙᱖᱑ | ᱒᱓᱘,᱒᱔᱔ | +3.04% |
| ᱑᱙᱗᱑ | ᱓᱑᱑,᱑᱘᱘ | +2.71% |
| ᱑᱙᱘᱑ | ᱔᱒᱓,᱗᱙᱙ | +3.14% |
| ᱑᱙᱙᱑ | ᱕᱓᱓,᱐᱖᱖ | +2.32% |
| ᱒᱐᱐᱑ | ᱖᱓᱔,᱘᱘᱓ | +1.76% |
| ᱒᱐᱑᱑ | ᱗᱕᱗,᱘᱔᱗ | +1.79% |
| source:[᱑] | ||
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ ᱵᱩᱨᱦᱟᱱᱯᱩᱨ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱗᱕᱗,᱘᱔᱗ ᱦᱚᱲ ᱢᱮᱱᱟᱜ ᱠᱚᱣᱟ,[᱒] ᱡᱤᱵᱩᱛᱤ ᱫᱤᱥᱚᱢ[᱓] ᱟᱨᱵᱟᱝ ᱟᱢᱮᱨᱤᱠᱟ ᱨᱮᱱᱟᱜ ᱟᱞᱟᱥᱠᱟ ᱥᱟᱞᱟᱜ ᱥᱚᱢᱟᱱ ᱜᱮᱭᱟ ᱾[᱔] ᱱᱚᱣᱟ ᱥᱤᱧᱚᱛ ᱨᱮ ᱔᱙᱐ ᱟᱱᱟᱜ (ᱜᱩᱴ ᱖᱔᱐ ᱠᱷᱚᱱ ᱫᱚ) ᱨᱮᱸᱠᱤᱝ ᱨᱮ ᱢᱮᱱᱟᱜᱼᱟ ᱾[᱒] ᱦᱚᱱᱚᱛ ᱨᱮᱱᱟᱜ ᱦᱚᱲ ᱮᱞ ᱰᱮᱱᱥᱤᱴᱤ ᱫᱚ ᱒᱒᱑ ᱦᱚᱲ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ (᱕᱗᱐ ᱜᱟᱺᱴ ᱢᱟᱭᱤᱞ) ᱢᱮᱱᱟᱜ ᱠᱚᱣᱟ ᱾[᱒] ᱒᱐᱐᱑ᱼ᱒᱐᱑᱑ ᱨᱮᱱᱟᱜ ᱜᱮᱞ ᱥᱮᱨᱢᱟ ᱨᱮ ᱱᱚᱣᱟ ᱦᱚᱲ ᱮᱞ ᱜᱨᱚᱛᱷ ᱫᱚᱨ ᱫᱚ ᱑᱙.᱒᱓% ᱛᱟᱦᱮᱸ ᱠᱟᱱᱟ ᱾[᱒] ᱵᱩᱨᱦᱟᱱᱯᱩᱨ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱐᱐ ᱛᱤᱨᱞᱟᱹ ᱭᱟᱜ ᱡᱟᱱᱟᱝ ᱡᱟᱹᱱᱤ ᱢᱮᱱᱟᱜᱼᱟ,[᱒] ᱟᱨ ᱥᱮᱪᱮᱫ ᱫᱚᱨ ᱫᱚ ᱖᱕.᱒᱘% ᱢᱮᱱᱟᱜᱼᱟ ᱾[᱒] ᱓᱔.᱓᱕% ᱦᱚᱲ ᱮᱞ ᱥᱚᱦᱚᱨᱤ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ ᱾ ᱥᱤᱰᱭᱩᱞ ᱡᱟᱹᱛᱤ ᱫᱚ ᱘.᱔᱘% ᱟᱨ ᱟᱹᱫᱤᱵᱟᱹᱥᱤ ᱫᱚ ᱓᱐.᱓᱖% ᱢᱮᱱᱟᱜ ᱠᱚᱣᱟ ᱾[᱒]
ᱥᱤᱧᱚᱛ ᱨᱮᱱᱟᱜ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱚᱠᱛᱚ ᱨᱮ, ᱦᱚᱱᱚᱛ ᱨᱮᱱᱟᱜ ᱒᱖.᱙᱗% ᱦᱚᱲ ᱫᱚ ᱢᱨᱟᱴᱷᱤ, ᱑᱗.᱑᱘% ᱫᱚ ᱦᱤᱱᱫᱤ, ᱑᱖.᱕᱒% ᱫᱚ ᱩᱨᱫᱩ, ᱑᱐.᱔᱒% ᱫᱚ ᱠᱳᱨᱠᱩ, ᱖.᱒᱓% ᱫᱚ ᱵᱟᱨᱮᱞᱤ, ᱕.᱓᱓% ᱫᱚ ᱵᱷᱤᱞᱟᱞᱤ, ᱓.᱗᱘% ᱫᱚ ᱵᱚᱸᱡᱟᱨᱤ, ᱒.᱘᱑% ᱫᱚ ᱵᱷᱤᱞᱤ, ᱒.᱕᱔% ᱫᱚ ᱜᱩᱡᱽᱨᱟᱴᱤ ᱟᱨ ᱒.᱒᱔% ᱱᱤᱢᱟᱲᱤ ᱫᱚ ᱟᱡᱟᱜ ᱢᱟᱲᱟᱝ ᱯᱟᱹᱨᱥᱤ ᱞᱮᱠᱟᱛᱮ ᱨᱚᱲᱼᱟ ᱾[᱖]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Decadal Variation In Population Since 1901
- ↑ ᱒.᱐ ᱒.᱑ ᱒.᱒ ᱒.᱓ ᱒.᱔ ᱒.᱕ ᱒.᱖ "District Census 2011". Census2011.co.in. 2011. Retrieved 2011-09-30.
- ↑ US Directorate of Intelligence. "Country Comparison:Population". Archived from the original on 2007-06-13. Retrieved 2011-10-01.
Djibouti 757,074 July 2011 est.
- ↑ "2010 Resident Population Data". U. S. Census Bureau. Archived from the original on 1 January 2011. Retrieved 2011-09-30.
Alaska 710,231
- ↑ "Table C-01 Population By Religion: Madhya Pradesh". census.gov.in. Registrar General and Census Commissioner of India.
- ↑ "Table C-16 Population by Mother Tongue: Madhya Pradesh". censusindia.gov.in. Registrar General and Census Commissioner of India.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱵᱩᱨᱦᱟᱱᱯᱩᱨ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
|
ᱠᱷᱟᱨᱜᱚᱱ ᱦᱚᱱᱚᱛ | ᱠᱷᱟᱸᱰᱣᱟ ᱦᱚᱱᱚᱛ |
| |
|
ᱟᱢᱨᱟᱣᱟᱛᱤ ᱦᱚᱱᱚᱛ, ᱢᱚᱦᱟᱨᱟᱥᱴᱨᱚ | |||
 ᱵᱩᱨᱦᱟᱱᱯᱩᱨ ᱦᱚᱱᱚᱛ 
| ||||
| ||||
| ᱡᱟᱞᱜᱟᱶ ᱦᱚᱱᱚᱛ, ᱢᱚᱦᱟᱨᱟᱥᱴᱨᱚ | ᱵᱩᱞᱫᱷᱟᱱᱟ ᱦᱚᱱᱚᱛ, ᱢᱚᱦᱟᱨᱟᱥᱴᱨᱚ |
Coordinates: 21°18′36″N 76°13′48″E / 21.31000°N 76.23000°E