ᱵᱩᱫᱷᱚ ᱰᱳᱨᱮᱰᱮᱢᱟ ᱢᱩᱴᱷᱟᱹᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱰᱳᱨᱮᱰᱮᱢᱟ

ᱢᱚᱦᱟᱱ ᱵᱩᱫᱷᱚ ᱰᱳᱨᱮᱰᱮᱢᱟ ᱫᱚ ᱵᱷᱩᱴᱟᱱ ᱨᱮᱱᱟᱜ ᱛᱷᱤᱢᱯᱩ ᱵᱟᱡᱟᱨ ᱥᱩᱨ ᱵᱩᱨᱩ ᱪᱚᱴᱨᱮ ᱵᱮᱱᱟᱣ ᱦᱟᱠᱟᱱ ᱟᱹᱰᱤ ᱥᱮᱬᱟ ᱵᱩᱫᱷᱚ ᱢᱩᱴᱷᱟᱹᱱ ᱠᱟᱱᱟ ᱾[᱑]ᱱᱚᱣᱟ ᱥᱮᱬᱟ ᱢᱩᱴᱷᱟᱹᱱ ᱵᱷᱤᱛᱨᱤ ᱨᱮ ᱑᱒᱕᱐᱐᱐ ᱜᱚᱴᱟᱝ ᱦᱩᱰᱤᱧ ᱦᱩᱰᱤᱧ ᱢᱩᱴᱷᱟᱹᱱ ᱵᱮᱱᱟᱣ ᱦᱟᱠᱟᱱᱟ ᱾ ᱮᱱᱠᱷᱟᱱ ᱱᱚᱣᱟ ᱵᱩᱡᱷᱟᱹᱣ ᱢᱟ ᱥᱮᱬᱟ ᱢᱩᱴᱷᱟᱹᱱ ᱠᱚᱭᱚᱜ ᱠᱷᱟᱱ ᱑᱒᱕᱐᱐᱐ ᱢᱩᱴᱷᱟᱹᱱ ᱮᱢ ᱠᱚᱭᱚᱜᱼᱟ ᱾ ᱱᱚᱣᱟ ᱢᱩᱴᱷᱟᱹᱱ ᱵᱨᱳᱸᱡ ᱛᱮᱠᱚ ᱵᱮᱱᱟᱣ ᱦᱟᱠᱟᱫᱼᱟ ᱟᱨ ᱪᱮᱛᱟᱱ ᱨᱮ ᱥᱚᱱᱟ ᱨᱚᱸᱜ ᱛᱮᱠᱚ ᱨᱚᱸᱜ ᱦᱟᱠᱟᱫᱼᱟ ᱾[᱒][᱓]ᱱᱚᱣᱟ ᱨᱮᱱᱟᱜ ᱩᱥᱩᱞ ᱑᱖᱙ ᱯᱷᱩᱴ ᱠᱟᱱᱟ ᱟᱨ ᱱᱚᱣᱟ ᱥᱮᱬᱟ ᱢᱩᱴᱷᱟᱱ ᱨᱮ ᱢᱮᱱᱟᱜ ᱦᱩᱰᱤᱧ ᱢᱩᱴᱷᱟᱹᱱ ᱑᱐᱐᱐᱐᱐ ᱜᱚᱴᱟᱝ ᱘ ᱤᱱᱪ ᱩᱥᱩᱞ ᱢᱩᱴᱷᱟᱹᱱ ᱟᱨ ᱒᱕᱐᱐᱐᱐ ᱑᱒ ᱤᱱᱪ ᱩᱥᱩᱞ ᱢᱩᱴᱷᱟᱱ ᱠᱚ ᱵᱮᱱᱟᱣ ᱦᱟᱠᱟᱱᱟ ᱾[᱔] ᱱᱚᱣᱟ ᱢᱩᱴᱷᱟᱹᱱ ᱨᱮᱱᱟᱜ ᱵᱮᱱᱟᱣ ᱒᱐᱐᱖ ᱨᱮ ᱮᱛᱚᱦᱚᱵ ᱞᱮᱱᱟ ᱟᱨ ᱒᱐᱑᱐ ᱵᱷᱤᱛᱨᱤ ᱨᱮ ᱵᱮᱱᱟᱣ ᱥᱟᱹᱛ ᱞᱟᱹᱜᱤᱫ ᱴᱷᱟᱹᱣᱠᱟᱹ ᱞᱮᱱᱟ ᱤᱠᱷᱟᱹᱱ ᱚᱱᱟ ᱚᱠᱛᱚ ᱵᱷᱤᱛᱨᱤ ᱨᱮ ᱵᱟᱝ ᱥᱟᱹᱛ ᱠᱟᱛᱮᱫ ᱒᱕ ᱥᱮᱯᱴᱮᱢᱵᱚᱨ ᱒᱐᱑᱕ ᱨᱮ ᱥᱟᱹᱛ ᱮᱱᱟ ᱾ ᱱᱚᱣᱟ ᱢᱩᱴᱷᱟᱹᱱ ᱵᱷᱩᱴᱟᱹᱱ ᱨᱟᱡᱟ ᱥᱤᱸᱜᱮ ᱣᱟᱱᱜᱪᱩᱠ ᱟ ᱖᱐ᱟᱱᱟᱝ ᱡᱟᱱᱟᱢ ᱢᱟᱦᱟᱸ ᱨᱮ ᱢᱟᱱ ᱮᱢ ᱠᱷᱟᱹᱛᱤᱨ ᱵᱮᱱᱟᱣ ᱞᱮᱱᱟ ᱾
ᱱᱚᱣᱟ ᱢᱩᱴᱷᱟᱹᱱ ᱵᱮᱱᱟᱣ ᱞᱟᱹᱜᱫ $1᱐᱐ᱢᱤᱞᱤᱭᱚᱱ ᱠᱷᱚᱨᱚᱪ ᱦᱟᱠᱟᱱᱟ ᱾ᱱᱚᱣᱟ ᱠᱷᱚᱨᱪᱚ ᱥᱤᱸᱜᱟᱯᱩᱨ ᱫᱤᱥᱚᱢ ᱨᱮᱱᱟᱜ ᱜᱚᱲᱚ ᱥᱚᱦᱚᱫ ᱛᱮ ᱦᱩᱭ ᱦᱟᱠᱱᱟ ᱟᱨ ᱪᱤᱱ ᱨᱮᱱᱟᱜ ᱮᱨᱳᱥᱚᱱ ᱠᱳᱨᱯᱳᱨᱮᱥᱚᱱ ᱮ ᱵᱮᱱᱟᱣ ᱦᱟᱠᱟᱫᱼᱟ ᱾ᱱᱚᱣᱟ ᱢᱩᱴᱷᱟᱹᱱ ᱨᱮᱱᱟᱜ ᱯᱷᱮᱰᱟᱛ ᱠᱷᱚᱱ ᱪᱚᱴᱟᱛ ᱫᱷᱟᱹᱵᱤᱡ ᱔ ᱛᱟᱞᱟ ᱢᱮᱱᱟ ᱢᱮᱱᱟᱜᱼᱟ ᱾ᱱᱚᱣᱟ ᱨᱮᱱᱟᱜ ᱮᱛᱚᱦᱚᱵ ᱵᱟᱝ ᱯᱷᱮᱰᱟᱛ ᱨᱮ ᱵᱩᱫᱷᱚ ᱥᱟᱠᱭᱚ ᱢᱩᱱᱤᱦᱟᱜ ᱟᱹᱰᱤ ᱱᱟᱯᱟᱭ ᱥᱩᱞᱩᱠ ᱜᱷᱟᱨᱚᱸᱡᱽ ᱨᱮᱱᱟᱜ ᱑᱒ ᱜᱚᱴᱟᱝ ᱜᱷᱚᱴᱚᱱ ᱥᱚᱫᱳᱨ ᱦᱟᱠᱟᱱᱟ ᱡᱮᱢᱚᱱᱺ

  • ᱥᱟᱢᱚᱱᱛᱚᱵᱷᱚᱫᱨᱚ
  • ᱵᱷᱮᱭᱨᱳᱪᱚᱱᱚ ᱟᱨ ᱤᱸᱜᱪᱩᱢᱟ
  • ᱵᱷᱡᱨᱚᱥᱛᱣᱚ ᱟᱨ ᱱᱭᱮᱢᱟ ᱠᱟᱨᱢᱳ
  • ᱨᱚᱛᱱᱚᱥᱚᱢᱵᱷᱚᱵᱚ ᱟᱨ ᱢᱟᱢᱟᱠᱤ
  • ᱚᱢᱤᱛᱟᱵᱷᱚ ᱟᱨ ᱜᱭᱮᱠᱟᱨᱢᱳ
  • ᱟᱢᱚᱜᱟᱥᱤᱫᱷᱤ ᱟᱨ ᱛᱟᱨᱟ
  • ᱞᱳᱠᱮᱥᱣᱚᱨᱚ ᱜᱷᱟᱨᱸᱡ ᱟᱨ ᱜᱟᱞᱣᱟ ᱡᱟᱢᱛᱥᱳ
  • ᱵᱚᱡᱨᱚᱫᱷᱟᱨᱟ ᱟᱨ ᱤᱸᱜᱪᱩᱢᱟ

᱑᱗ ᱼ᱑᱙ ᱥᱟᱭᱟᱝ ᱫᱷᱟᱹᱵᱤᱡ ᱡᱚᱲ ᱥᱚᱨᱠᱟᱨ ᱵᱮᱵᱚᱥᱛᱟ ᱛᱟᱦᱮᱸᱱ ᱡᱚᱦᱚ ᱛᱟᱦᱮᱸᱞᱮᱱ ᱥᱮᱨᱟᱵ ᱶᱟᱜᱪᱩᱠᱼᱟ ᱵᱟᱹᱨᱜᱤᱞ ᱦᱟᱠᱟᱱ ᱴᱷᱟᱶ ᱠᱮᱩᱱᱥᱮᱞ ᱯᱷᱳᱨᱰᱟᱸᱜ ᱨᱮ ᱱᱚᱣᱟ ᱢᱩᱴᱷᱟᱹᱱ ᱵᱮᱱᱟᱣ ᱦᱟᱠᱟᱱᱟ᱾ ᱡᱤᱜᱢᱮ ᱥᱤᱸᱜᱮ ᱶᱟᱜᱪᱩᱠ ᱨᱟᱡᱟ ᱘ ᱠᱷᱚᱱᱼ᱑᱒ ᱥᱟᱭᱟᱝ ᱨᱮᱱᱟᱜ ᱵᱟᱨᱭᱟ ᱵᱷᱚᱵᱤᱥᱭᱚ ᱵᱟᱬᱤ ᱥᱟᱹᱨᱤ ᱠᱮᱫ ᱛᱟᱭᱚᱢ ᱱᱚᱣᱟ ᱴᱷᱟᱶ ᱨᱮ ᱢᱤᱫ ᱥᱮᱬᱟ ᱵᱩᱫᱷᱚ ᱢᱩᱴᱷᱟᱹᱱ ᱵᱮᱱᱟᱣ ᱞᱟᱹᱜᱤᱫ ᱮ ᱢᱮᱱ ᱞᱮᱫᱼᱟ ᱾ ᱱᱚᱣᱟ ᱢᱩᱴᱷᱟᱹᱱ ᱫᱷᱟᱹᱨᱛᱤ ᱨᱤᱱ ᱦᱚᱲ ᱥᱩᱠᱷ ᱥᱟᱹᱱᱛᱤ ᱛᱷᱩᱢᱟᱭ ᱾ ᱱᱚᱣᱟ ᱢᱩᱴᱷᱟᱹᱱ ᱵᱷᱩᱛᱟᱱ ᱨᱮᱱᱟᱜ ᱞᱟᱦᱟᱱᱛᱤ ᱩᱫᱩᱜ ᱢᱚᱰᱮᱞ ᱢᱮᱱᱛᱮᱫ ᱵᱩᱡᱷᱟᱹᱣᱼᱟ ᱾ ᱵᱷᱩᱴᱟᱱ ᱫᱤᱥᱚᱢ ᱨᱮᱱᱟᱜ ᱞᱟᱦᱟᱱᱛᱤ ᱢᱮᱱᱞᱮᱠᱷᱟᱱ ᱫᱚ ᱦᱚᱲ ᱯᱤᱪᱷᱟᱹ ᱟᱭ ᱟᱨ ᱮᱴᱟᱜ ᱠᱟᱹᱣᱰᱤᱟᱹᱨᱤ ᱛᱟᱹᱞᱠᱟᱹ ᱵᱟᱫ ᱠᱟᱛᱮᱫ ᱛᱤᱱᱟᱹᱜ ᱦᱚᱲ ᱨᱟᱹᱥᱠᱟᱹᱨᱮ ᱢᱮᱱᱟᱜ ᱠᱚᱣᱟ ᱚᱱᱟ ᱜᱮ ᱞᱟᱦᱟᱱᱛᱤ ᱨᱮᱱᱟᱜ ᱡᱚᱠᱷᱟ ᱠᱟᱱ ᱛᱟᱠᱚᱣᱟ ᱾ ᱵᱩᱫᱷᱚ ᱢᱩᱴᱷᱟᱹᱱ ᱢᱮᱫ ᱞᱟᱛᱟᱨ ᱨᱮ ᱢᱮᱱᱟᱜ ᱠᱩᱮᱱᱥᱮᱞ ᱯᱷᱳᱰᱨᱟᱸᱜ ᱱᱮᱪᱚᱨ ᱯᱟᱨᱠ ᱒᱐᱑᱑ ᱠᱷᱚᱱ ᱨᱟᱹᱥᱠᱟᱹ ᱨᱚᱢᱚᱡ ᱫᱟᱬᱟ ᱵᱟᱲᱟ ᱞᱟᱹᱜᱤᱫ ᱠᱷᱩᱞᱟᱹ ᱦᱟᱠᱟᱱᱟ ᱾ ᱱᱚᱣᱟ ᱯᱟᱨᱠ ᱵᱩᱫᱷᱚ ᱯᱟᱨᱠ ᱟᱹᱪᱩᱨ ᱟᱹᱪᱩᱨ ᱛᱮ ᱙᱔᱓ᱹ᱔ ᱮᱠᱚᱨ ᱨᱮᱱᱟᱜ ᱵᱤᱨ ᱥᱟᱶ ᱛᱟᱲᱟᱢ ᱰᱟᱦᱟᱨ ᱠᱚᱦᱚᱸ ᱢᱮᱱᱟᱜᱼᱟ ᱾ ᱵᱷᱩᱛᱟᱱ ᱨᱤᱱᱤᱡ ᱨᱟᱡᱟ ᱱᱚᱰᱮᱱᱟᱜ ᱑᱔᱕ ᱮᱠᱚᱨ ᱴᱷᱟᱶ ᱚᱱᱰᱮᱱ ᱠᱚ ᱵᱩᱫᱷᱤᱥᱴ ᱡᱩᱜᱤ ᱠᱚᱭᱼᱮ ᱫᱟᱱ ᱦᱟᱠᱟᱫᱼᱟ ᱾ [᱕][᱖]

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱦᱚᱸ ᱧᱮᱞ ᱢᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "Buddha Dordenma consecrated". Kuensel. 25 ᱥᱮᱯᱴᱮᱢᱵᱚᱨ 2015. Retrieved 29 ᱰᱤᱥᱮᱢᱵᱚᱨ 2016. 
  2. "October opening for tallest Buddha". Buddha Dordenma Project. Archived from the original on 19 ᱟᱜᱚᱥᱴ 2011. Retrieved 8 ᱡᱟᱱᱩᱣᱟᱨᱤ 2012. 
  3. "Buddha Dordenma Statue". Tourism Council of Bhutan. Retrieved 29 ᱰᱤᱥᱮᱢᱵᱚᱨ 2016. 
  4. "Structural Designs". Buddha Dordenma Project. Retrieved 29 ᱰᱤᱥᱮᱢᱵᱚᱨ 2016. 
  5. "Gigantic Buddha Dordenma Statue". Bhutan Travel Bureau. 28 ᱯᱷᱮᱵᱽᱨᱩᱣᱟᱨᱤ 2014. 
  6. "Six outdoor gyms to be set up by March". Kuensel. 17 ᱡᱟᱱᱩᱣᱟᱨᱤ 2015.