ᱵᱮᱞᱤ ᱞᱚᱞᱤᱛᱷᱟ
ᱵᱮᱞᱤ ᱞᱚᱞᱤᱛᱷᱟ (బెల్లి లలిత ᱒᱖ ᱮᱯᱨᱤᱞ ᱑᱙᱗᱔ -᱒᱖ ᱢᱮ ᱑᱙᱙᱙)ᱫᱚ ᱥᱤᱧᱚᱛ ᱨᱤᱱᱤᱡ ᱢᱤᱫ ᱦᱚᱲ ᱥᱮᱨᱮᱧ ᱨᱩᱥᱤᱠᱟ ᱠᱟᱱ ᱛᱟᱦᱮᱸᱫ ᱾ ᱛᱮᱞᱮᱸᱜᱟᱱᱟ ᱠᱚᱲᱟ ᱥᱚᱢᱤᱛᱤ ᱨᱤᱱᱤᱡ ᱵᱩᱱᱤᱭᱟᱹᱫᱤᱭᱟᱹ ᱦᱚᱸᱭ ᱛᱟᱦᱮᱸᱠᱟᱱᱟ ᱾ [᱑] ᱟᱡ ᱒᱖ ᱢᱮ ᱑᱙᱙᱙ ᱨᱮ ᱟᱞᱜᱳᱱᱰᱟ ᱦᱚᱱᱚᱛ ᱨᱮᱱᱟᱜ ᱵᱷᱳᱱᱜᱤᱨ ᱨᱮ ᱵᱳᱸᱜᱟᱛᱟᱞᱟ ᱮᱱᱟᱭ ᱾[᱒]
ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱱᱟᱞᱜᱳᱱᱰᱟ ᱦᱚᱱᱚᱛ ᱨᱮᱱᱟᱜ ᱟᱛᱢᱟᱠᱩᱨ ᱢᱚᱱᱰᱚᱞᱤ ᱱᱟᱱᱪᱟᱨᱯᱮᱴ ᱨᱮᱢᱟᱱᱜ ᱢᱤᱫ ᱠᱨᱩᱢᱟ ᱛᱮᱞᱜᱩ ᱦᱤᱱᱫᱩ ᱜᱷᱟᱨᱚᱸᱡᱽ ᱨᱮ ᱟᱡ ᱮ ᱡᱟᱱᱟᱢ ᱞᱮᱱᱟ ᱾ ᱟᱡ ᱫᱟᱫᱟ ᱵᱮᱞᱤ ᱠᱨᱤᱥᱱᱟ ᱢᱤᱫ ᱥᱟᱶᱛᱟ ᱥᱩᱥᱟᱹᱨᱤᱭᱟᱹ ᱥᱟᱶ ᱥᱚᱨᱠᱟᱨᱤ ᱟᱹᱢᱟᱹᱞᱤ ᱛᱟᱦᱮᱸ ᱠᱟᱱᱟᱭ ᱚᱱᱟ ᱥᱟᱶ ᱢᱚᱬᱮ ᱜᱚᱴᱟᱝ ᱠᱩᱲᱤ ᱵᱚᱭᱦᱟ ᱛᱟᱭᱟᱠᱚ ᱾ ᱟᱡ ᱱᱟᱜᱟᱹᱨᱤᱭᱟᱹ ᱯᱷᱩᱨᱜᱟᱹᱞ ᱦᱩᱞ ᱥᱟᱶᱛᱮ ᱛᱮᱞᱮᱸᱜᱟᱱᱟ ᱯᱚᱱᱚᱛ ᱵᱮᱱᱟᱣ ᱦᱩᱞ ᱨᱮᱦᱚᱸ ᱑᱙᱙᱐ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾ [᱓] ᱟᱡ ᱵᱟᱵᱟ ᱳᱜᱜᱩ ᱠᱚᱛᱷᱟ ᱥᱮᱨᱮᱧᱤᱭᱟᱹ ᱛᱟᱦᱮᱸᱠᱟᱱᱟᱭ, ᱟᱡ ᱵᱟᱵᱟ ᱵᱟᱦᱨᱮ ᱠᱷᱟᱴᱩᱣᱟᱹ ᱠᱟᱛᱮᱫ ᱮ ᱟᱹᱥᱩᱞᱚᱜ ᱠᱟᱱ ᱛᱟᱦᱮᱸᱫ ᱾ ᱟᱡ ᱟᱹᱛᱩ ᱫᱤᱥᱚᱢ ᱠᱚᱨᱮ ᱛᱮᱞᱮᱸᱜᱟᱱᱟ ᱯᱚᱱᱚᱛ ᱵᱮᱱᱟᱣ ᱞᱟᱹᱰᱷᱟᱹᱭ ᱟᱹᱰᱤᱜᱮ ᱧᱩᱛᱩᱢᱟᱱ ᱛᱟᱦᱮᱸᱫ ᱾ ᱑᱙᱙᱙ ᱨᱮ ᱟᱡ ᱵᱷᱳᱱᱜᱤᱨ ᱵᱟᱪᱷᱱᱟᱣ ᱢᱟᱰᱮᱨ ᱨᱮ ᱥᱚᱢᱟᱡᱵᱟᱫᱤ ᱯᱟᱨᱴᱤ ᱠᱷᱚᱱ ᱞᱟᱹᱰᱷᱟᱹᱭ ᱞᱟᱹᱜᱤᱫ ᱴᱠᱮᱴ ᱮ ᱧᱟᱢ ᱠᱮᱭᱟ ᱦᱩᱱᱟᱹᱝ ᱤᱠᱷᱟᱹᱱ ᱴᱤᱠᱮᱴ ᱧᱟᱢ ᱢᱟᱬᱟᱝ ᱨᱮᱜᱮ ᱟᱡ ᱮᱜᱚᱡᱽ ᱦᱚᱪᱚ ᱭᱮᱱᱟ ᱾
ᱠᱟᱹᱢᱤᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱵᱮᱞᱤ ᱥᱩᱨᱭᱚ ᱵᱚᱸᱥᱤ ᱠᱚᱴᱚᱱ ᱯᱞᱟᱱᱴ ᱨᱮ ᱢᱤᱫ ᱠᱟᱹᱢᱤᱭᱟᱹᱭ ᱞᱮᱠᱟᱭ ᱛᱟᱦᱮᱸ ᱠᱟᱱᱟ ᱾ ᱚᱱᱰᱮ ᱠᱟᱹᱢᱤ ᱛᱩᱞᱩᱡ ᱟᱡ ᱚᱱᱰᱮ ᱟᱡ ᱥᱟᱶ ᱠᱟᱹᱢᱤᱠᱟᱱ ᱠᱟᱹᱢᱤᱭᱟᱹ ᱠᱚ ᱥᱟᱶ ᱮ ᱞᱟᱰᱷᱟᱹᱭ ᱞᱮᱫᱟ ᱾ ᱟᱡ ᱪᱮᱥᱴᱚᱨ ᱯᱷᱚᱨ ᱤᱱᱰᱤᱭᱟᱱ ᱴᱨᱮᱰ ᱭᱩᱱᱤᱭᱚᱱᱥ (CITU) ᱨᱮ ᱥᱮᱞᱮᱫ ᱞᱮᱱᱟᱭ ᱾ ᱟᱡ ᱠᱟᱹᱢᱤᱭᱟᱹ ᱠᱚᱣᱟᱜ ᱟᱱᱟᱴ ᱟᱨ ᱦᱟᱨᱠᱮᱛ ᱤᱫᱤᱭᱟᱛᱮᱫ ᱞᱟᱹᱰᱷᱟᱹᱭ ᱮ ᱪᱟᱹᱞᱩ ᱞᱮᱫ ᱛᱟᱦᱮᱸᱫ ᱾ ᱟᱡ ᱨᱮᱜᱮᱸᱡ ᱩᱨᱤᱡ ᱠᱚᱣᱟᱜ ᱟᱲᱟᱝ ᱮ ᱛᱟᱦᱮᱸᱠᱟᱱᱟ ᱟᱨ ᱯᱩᱸᱡᱤᱵᱟᱫᱽ ᱟᱨ ᱥᱟᱢᱚᱸᱛᱵᱟᱫᱽ ᱵᱤᱨᱩᱫᱷ ᱨᱮ ᱞᱟᱹᱰᱷᱟᱹᱭ ᱠᱟᱱ ᱛᱟᱦᱮᱸᱫ ᱟᱨ ᱰᱳᱞ ᱫᱮᱵᱵᱟ ᱨᱤᱱᱤᱡ ᱟᱹᱜᱩᱣᱟᱱ ᱮ ᱛᱟᱦᱮ ᱠᱟᱱᱟᱭ ᱾[᱔]
ᱜᱩᱡᱩᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
᱑᱙᱙᱙ ᱥᱟᱞ ᱨᱮ ᱟᱡ ᱠᱚ ᱟᱹᱛᱠᱤᱨ ᱠᱩᱢᱵᱲᱩ ᱠᱟᱛᱮᱫ ᱠᱚ ᱜᱚᱡ ᱠᱮᱫᱮᱭᱟ, ᱟᱡ ᱢᱟᱜ ᱟᱛᱮᱫ ᱱᱚᱸᱠᱟ ᱵᱟᱹᱲᱤᱡ ᱠᱚ ᱜᱚᱡ ᱠᱮᱫᱮᱭᱟ ᱡᱮᱢᱚᱱ ᱟᱡᱟᱜ ᱦᱚᱲᱢᱚ ᱑᱗ ᱜᱚᱴᱟᱴᱟᱝ ᱠᱩᱴᱩ ᱠᱩᱴᱤ ᱠᱚ ᱠᱷᱟᱹᱱᱰᱨᱟᱹ ᱞᱮᱫᱮᱭᱟᱠᱚ ᱾[᱕] ᱜᱩᱱᱷᱦᱟ ᱟᱠᱟᱫ ᱟᱥᱟᱢᱤ ᱟᱡᱟᱜ ᱠᱷᱟᱹᱱᱰᱨᱟᱹ ᱦᱚᱲᱢᱚ ᱚᱱᱟ ᱛᱟᱭᱚᱢ ᱪᱳᱛᱩᱯᱳᱞ ᱯᱩᱞᱤᱥ ᱥᱴᱮᱥᱚᱱ ᱥᱟᱢᱟᱝ ᱨᱮ ᱠᱚ ᱪᱟᱯᱟᱫ ᱜᱤᱰᱤ ᱦᱚᱴᱚ ᱠᱟᱫᱟ ᱾ ᱮᱛᱚᱦᱚᱵ ᱫᱚ ᱩᱱᱡᱚᱦᱚᱜ ᱨᱤᱱᱤᱡ ᱛᱮᱞᱮᱸᱜᱟᱱ ᱜᱨᱩᱦᱚ ᱢᱚᱱᱛᱨᱤ ᱚᱞᱤᱢᱤᱱᱮᱛᱤ ᱢᱟᱫᱷᱚᱵᱷᱚ ᱨᱮᱰᱰᱤ ᱱᱚᱣᱟ ᱜᱚᱯᱚᱡ ᱠᱷᱟᱹᱛᱤᱨ ᱠᱚ ᱫᱚᱥ ᱞᱮᱫᱮᱭᱟ ᱤᱠᱷᱟᱹᱱ ᱛᱟᱭᱚᱢ ᱯᱨᱚᱢᱟᱬ ᱧᱟᱢ ᱤᱫᱤᱭᱮᱱ ᱠᱷᱟᱱ ᱱᱚᱣᱟ ᱜᱚᱡ ᱯᱟᱹᱪᱷᱞᱟᱹᱨᱮ ᱚᱱᱟ ᱥᱩᱨ ᱨᱤᱱᱤᱡ ᱱᱚᱠᱥᱚᱞ ᱥᱮᱬᱟ ᱱᱮᱛᱟ ᱢᱳᱦᱚᱢᱚᱫ ᱱᱚᱭᱤᱢᱩᱫᱤᱱ ᱥᱮᱫ ᱠᱟᱹᱴᱩᱵ ᱩᱫᱩᱜ ᱮᱱᱟ ᱾[᱖][᱗][᱘] ᱟᱡ ᱨᱤᱱ ᱯᱮ ᱵᱚᱭᱦᱟ ᱦᱚᱸᱠᱚ ᱜᱚᱡ ᱦᱚᱪᱚᱭᱮᱱᱟ ᱟᱨ ᱢᱤᱫ ᱵᱚᱭᱦᱟ ᱥᱟᱨᱮᱡ ᱞᱮᱱᱟᱭ ᱡᱟᱦᱟᱸᱭ ᱒᱐᱐᱐ ᱠᱷᱚᱱ ᱒᱐᱑᱗ ᱫᱷᱟᱹᱵᱤᱡ ᱩᱠᱩᱨᱮ ᱛᱟᱦᱮᱸ ᱞᱮᱱᱟᱭ ᱾[᱙]
ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
- ↑ a-profile-death/ "Belli Lalitha Profile & Death Secret". 8 August 2016.
{{cite news}}: Check|url=value (help)[unreliable source?] - ↑ http://articles.timesofindia.indiatimes.com/2001-09-13/hyderabad/27231785_1_forensic-science-dna-fingerprinting-cdfd[dead link]
- ↑ http://epaper.namasthetelangaana.com/Details.aspx?id=47338&boxid=116591216[dead link]
- ↑ https://feminisminindia.com/2018/03/02/belli-lalitha-telangana-resistance/
- ↑ Face To Face With Belli Lalitha’s Sister Archived ᱒᱐᱒᱐-᱐᱒-᱑᱖ at the Wayback Machine. - AP7AM.com Reporting
- ↑ Hindustan Times [᱑]
- ↑ The Hindu [᱒]
- ↑ Sakshi [᱓]
- ↑ Times of India Nayeem victim's brother returns after 17-yr exile