ᱵᱮᱸᱛᱱᱚᱴᱤ ᱵᱽᱞᱚᱠ

ᱵᱮᱸᱛᱱᱚᱴᱤ(ବେତନଟି/Betnoti): ᱳᱰᱤᱥᱟ ᱯᱚᱱᱚᱛ ᱢᱭᱩᱨᱵᱷᱸᱡᱽ ᱦᱚᱱᱚᱛ ᱨᱮᱱᱟᱜ ᱒᱖ ᱜᱚᱴᱟᱝ ^[᱑]ᱵᱽᱞᱚᱠ ᱠᱷᱚᱱ ᱢᱤᱫ ᱴᱟᱝ ᱵᱽᱞᱚᱠ ᱦᱩᱭᱩᱜ ᱠᱟᱱᱟ ᱵᱮᱸᱛᱱᱚᱴᱤ ᱵᱽᱞᱚᱠ ᱾ ᱵᱮᱵᱛᱱᱚᱴᱤ ᱵᱽᱞᱚᱠ ᱫᱚ ᱳᱰᱤᱥᱟ ᱯᱚᱱᱚᱛ ᱨᱮᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮ ᱢᱮᱱᱟᱜ-ᱟ ᱾ ᱱᱚᱣᱟ ᱫᱚ ᱢᱚᱭᱩᱨᱵᱷᱚᱸᱡᱽ ᱨᱮᱱᱟᱜ ᱢᱩᱠᱷᱤᱭᱟᱹ ᱥᱚᱫᱚᱨ ᱵᱟᱨᱤᱯᱚᱫᱟ ᱠᱷᱚᱱ ᱓᱕ ᱠᱤᱞᱚᱢᱤᱴᱚᱨ ᱠᱚᱧᱮ ᱥᱟᱢᱟᱝ ᱥᱮᱫ ᱪᱟᱞᱟᱣ ᱞᱮᱱᱠᱷᱟᱱ ᱧᱟᱢᱚᱜ-ᱟ ᱾ ᱢᱚᱭᱩᱨᱵᱷᱚᱸᱡᱽ ᱨᱮᱱᱟᱜ ᱯᱩᱲᱥᱟᱹ ᱦᱚᱱᱚᱛ ᱵᱟᱞᱮᱥᱚᱨ ᱠᱷᱚᱱ ᱦᱚᱸ ᱵᱮᱱᱛᱱᱚᱴᱤ ᱵᱽᱞᱚᱠ ᱓᱕ ᱠᱤᱞᱚᱢᱤᱴᱚᱨ ᱥᱟ;ᱜᱤᱧ ᱨᱮ ᱢᱮᱱᱟᱜ-ᱟ ᱾ ᱵᱮᱸᱜᱚᱞ ᱯᱚᱱᱚᱛ ᱨᱮᱱᱟᱜ ᱠᱷᱚᱲᱚᱠ ᱯᱩᱨ ᱠᱷᱚᱱ ᱥᱟᱲᱩᱣᱟ , ᱠᱮᱥᱤᱭᱟᱨᱤ, ᱱᱚᱭᱟᱜᱽᱨᱟᱢ, ᱠᱷᱚᱰᱤᱠᱟᱢᱟᱛᱷᱟᱱᱤ ᱦᱚᱨ ᱥᱮᱫ ᱴᱮ ᱳᱰᱤᱥᱟ ᱨᱮᱱᱟᱜ ᱢᱩᱨᱩᱰᱟ, ᱪᱤᱛᱚᱨᱚᱰᱟ, ᱫᱟᱱᱛᱤᱭᱟᱢᱩᱦᱟᱸ ᱥᱚᱲᱚᱠ ᱦᱚᱨ ᱛᱮ ᱵᱮᱛᱱᱚᱴᱤ ᱑᱐᱖ ᱠᱤᱞᱚᱢᱤᱴᱚᱨ ᱞᱟᱜᱟᱣ-ᱟ ᱾ ᱚᱱᱟ ᱪᱷᱟᱰᱟ ᱠᱟᱛᱮᱫ ᱠᱚᱲᱚᱠᱯᱩᱨ, ᱵᱮᱞᱫᱟ ᱫᱟᱛᱩᱱ, ᱡᱚᱲᱮᱥᱚᱨ, ᱚᱢᱚᱨᱫᱟ, ᱦᱚᱲᱫᱤᱯᱚᱫᱟ ᱥᱮᱫ ᱴᱮ ᱦᱮᱡ ᱟᱠᱟᱱ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱥᱮᱫ ᱛᱚ ᱦᱮᱡ ᱞᱮᱱᱠᱷᱟᱱ ᱯᱷᱩᱞᱟᱰᱤ ᱛᱟᱭᱚᱢ ᱵᱟᱞᱮᱥᱚᱨ ᱵᱟᱹᱨᱤᱯᱟᱫᱟ ᱑᱘ ᱱᱚᱢᱵᱚᱨ ᱡᱟᱹᱛᱤᱭᱟᱹᱨᱤ ᱨᱟᱡᱽ ᱰᱟᱦᱟᱨ ᱯᱟᱸᱡᱟ ᱞᱮᱠᱷᱟᱱ ᱠᱚᱲᱚᱱᱟ, ᱵᱚᱭᱥᱤᱸᱜᱟ ᱛᱟᱭᱚᱢ ᱵᱮᱸᱛᱱᱚᱴᱤ ᱧᱟᱢᱚᱜ-ᱟ ᱾ ᱱᱚᱣᱟ ᱰᱦᱟᱨ ᱨᱮᱱᱟᱜ ᱡᱤᱞᱤᱧ ᱫᱚ ᱑᱔᱕ ᱠᱤᱞᱚᱢᱤᱴᱚᱨ ᱦᱩᱭᱩᱜ-ᱟ ᱾ ᱵᱮᱛᱱᱚᱴᱤ ᱨᱮ ᱨᱮᱞ ᱥᱴᱮᱥᱚᱱ ᱦᱚᱸ ᱢᱮᱱᱟᱜ-ᱟ ᱾ ᱨᱮᱞ ᱛᱮ ᱱᱚᱰᱮ ᱦᱟᱹᱡᱩᱜ ᱞᱟᱹᱜᱤᱫ ᱨᱮᱞ ᱴᱮ ᱯᱩᱭᱞᱩ ᱛᱮ ᱵᱟᱞᱮᱥᱚᱨ ᱟᱨ ᱵᱟᱝ ᱨᱩᱯᱥᱟᱹ ᱥᱮᱴᱮᱨ ᱦᱩᱭ ᱟᱭᱟ, ᱚᱱᱰᱮ ᱠᱷᱚᱱ ᱫᱤᱱᱟᱹᱢ ᱵᱟᱨ ᱵᱮᱲᱟ ᱰᱤ ᱮᱢ ᱭᱩ ᱴᱨᱮᱱ ᱵᱮᱸᱛᱱᱚᱴᱤ ᱪᱟᱞᱟᱜ ᱠᱟᱱᱟ ᱟᱨ ᱧᱤᱫᱟ ᱵᱷᱩᱵᱚᱱᱮᱥᱚᱨ -ᱵᱟᱺᱜᱨᱤᱯᱚᱥᱤ ᱥᱩᱯᱚᱨᱯᱷᱟᱥᱴ ᱴᱨᱮᱱ ᱪᱟᱹᱞᱩᱜ ᱠᱟᱱᱟ ᱾

ᱥᱤᱢᱟᱹ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱱᱛᱱᱚᱴᱤ ᱵᱽᱞᱚᱠ ᱨᱮᱱᱟᱜ ᱥᱤᱢᱟᱹ ᱟᱭᱛᱟᱱ ᱫᱚ ᱒᱙᱙ᱹ᱑᱓ km² ᱠᱟᱱᱟ ^[᱒]᱾ ᱵᱮᱱᱛᱱᱚᱴᱤ ᱵᱞᱚᱠ ᱨᱮᱱᱟᱜ ᱥᱟᱢᱟᱝ ᱨᱮ ᱨᱟᱥᱚᱜᱚᱵᱤᱱᱫᱽᱯᱩᱨ ᱵᱞᱚᱠ ᱟᱨ ᱵᱟᱞᱮᱥᱚᱨ ᱦᱚᱱᱚᱛ ᱟᱨ ᱨᱟᱥᱜᱳᱵᱤᱸᱫᱽᱯᱩᱨ ᱵᱽᱞᱚᱠ ᱢᱮᱱᱟᱜ-ᱟ, ᱮᱛᱚᱢ ᱨᱮ ᱵᱟᱨᱤᱯᱚᱫᱟ, ᱢᱩᱨᱩᱰᱟ, ᱨᱟᱥᱜᱳᱵᱤᱸᱫᱽᱯᱩᱨ ᱵᱞᱚᱠ ᱢᱮᱱᱟᱜ-ᱟ,ᱯᱟᱪᱮᱨᱮ ᱵᱚᱰᱚᱥᱟᱦᱤ ᱵᱽᱞᱚᱠ ᱟᱨ ᱠᱚᱸᱡᱮ ᱨᱮ ᱵᱟᱞᱮᱥᱚᱨ ᱦᱚᱱᱚᱛ ᱢᱮᱱᱟᱜ-ᱟ ᱾ ^[᱓]

ᱟᱹᱢᱟᱹᱞᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱱᱛᱱᱚᱴᱤ ᱨᱮᱱᱟᱜ ᱵᱽᱞᱚᱠ ᱟᱨ ᱛᱚᱦᱚᱥᱤᱞ ᱵᱟᱱᱟᱨ ᱵᱮᱛᱱᱚᱴᱤ ᱨᱮᱜᱮ ᱢᱮᱱᱟᱜ-ᱟ ᱾ ᱵᱮᱸᱛᱱᱚᱴᱤ ᱛᱚᱦᱚᱥᱤᱞ ᱨᱮ ᱑᱑ ᱜᱚᱴᱟᱝ ᱟᱨ ᱟᱭᱤ ᱢᱚᱱᱰᱚᱲ ᱢᱮᱱᱟᱜ-ᱟ ᱡᱮᱢᱚᱱ ᱵᱚᱭᱥᱤᱸᱜᱟ , ᱵᱚᱨᱚᱢᱯᱩᱨᱚ, ᱵᱮᱱᱴᱱᱚᱴᱤ, ᱫᱚᱦᱤᱠᱳᱴᱤ, ᱜᱚᱰᱚᱫᱮᱣᱲᱤᱭᱟ, ᱦᱚᱨᱤᱯᱩᱨ, ᱡᱚᱜᱽᱯᱩᱨᱟ, ᱠᱷᱩᱱᱴᱟᱯᱩᱨ, ᱢᱮᱨᱫᱟ, ᱯᱟᱴᱚᱞᱤᱯᱩᱨᱟ ᱟᱨ ᱯᱩᱨᱱᱤᱭᱟ ᱾ ^[᱔]᱾ ᱵᱽᱞᱚᱠ ᱨᱮ ᱵᱟᱨᱭᱟ ᱛᱷᱟᱱᱟ ᱢᱳᱨᱚᱰᱟ ᱨᱮ ᱢᱮᱱᱟᱜ-ᱟ ᱢᱤᱫᱴᱟᱝ ᱫᱚ ᱵᱚᱭᱥᱤᱱᱜᱟ ᱨᱮ ᱟᱨ ᱢᱮᱫᱴᱟᱝ ᱫᱚ ᱵᱮᱸᱛᱱᱚᱴᱤ ᱨᱮ^[᱕] ᱾ ᱵᱮᱱᱛᱱᱚᱴᱤ ᱨᱮ ᱢᱤᱫ ᱜᱩᱥᱴᱤ ᱰᱟᱠᱛᱚᱨᱠᱷᱟᱱᱟ ᱢᱮᱱᱟᱜ-ᱟ ^[᱖] ᱾ ᱚᱱᱟ ᱥᱟᱶ ᱱᱚᱱᱫᱚᱯᱩᱨ, ᱡᱩᱜᱳᱲ ,ᱯᱤᱱᱪᱷᱟᱵᱚᱱᱡᱟ ᱨᱮ ᱯᱩᱭᱞᱩ ᱛᱤᱠᱪᱷᱟᱹ ᱛᱟᱞᱢᱟ ᱢᱮᱱᱟᱜ-ᱟ ^[᱗]᱾ ᱵᱮᱸᱠ ᱚᱯᱷ ᱤᱱᱰᱤᱭᱟ, ᱠᱚᱨᱯᱳᱨᱮᱥᱚᱱ ᱵᱮᱸᱠ, ᱠᱟᱱᱟᱨᱟ ᱵᱮᱸᱠ, ᱭᱩᱠᱳ ᱵᱮᱸᱠ, ᱭᱩᱱᱟᱭᱴᱮᱰ ᱵᱮᱸᱠ ᱚᱯᱷ ᱤᱱᱰᱤᱭᱟ,ᱥᱴᱮᱴ ᱵᱮᱸᱠ ᱚᱯᱷ ᱤᱱᱰᱤᱭᱟ ᱮᱢᱟᱱ ᱵᱮᱸᱠ ᱠᱚᱦᱚᱸ ᱱᱚᱣᱟ ᱵᱞᱚᱠ ᱨᱮ ᱢᱮᱱᱟᱜ-ᱟ ᱾

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

https://mayurbhanj.nic.in/

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

[1] ttps://mayurbhanj.nic.in/subdivision-blocks/

[2] ttps://censusindia.gov.in/2011census/dchb/2107_PART_B_DCHB_MAYURBHANJ.pdf

[3] ttps://gisodisha.nic.in/District/mayurbhanj/mayurbhanjpdf/Blocks/Betanati%20Block/Betanati_GP%20Map.pdf

[4] ttp://bhulekh.ori.nic.in/TahasilWebsite/TahasilInfo.aspx^{[permanent dead link]}

[5] ttps://mayurbhanj.nic.in/police/

[6] ttp://www.dhsodisha.nic.in/?q=node/89

[7] ttp://www.dhsodisha.nic.in/?q=node/90

[᱑]

[᱒]

[᱓]

[᱔]

[᱕]

[᱖]

[᱗]